رواية مغامرات عائلية الجزء الثاني2 الفصل السابع والعشرون27 الثامن والعشرون28 بقلم همس كاتبه
بدأت كارما بالبكاء و يدها ترتجف
زياد بفزع : في ايه ؟!
كارما ببكاء : زياد … انا الي قولت لجدو
زياد : انتي يا كارما ؟!!!
كارما بخوف : و الله هو كان ع..عارف اننا خرجنااا .. سألني الصبح و انا ما .. ما قدرتش اكدب
نظرت لوجوه الجميع .. كانو يحدقون بها بصدمة و عدم تصديق
القت حلا المكنسة جانبا و اندفعت نحو كارما بهمجية و لكن حبيبة باغتتها و وقفت في وجهها
حلا بغضب : ابعدي من وشييي … انا هوريكي يا خاينة
حبيبة : اهربي يا كارما .. اهربي
فارس : و ديني لادبحك يا عميلة
امسكه زياد و قال بغضب : اييييه هتضرب اختيييي ؟؟
دينا : هيا عميلة و تستاهل الي هيجرالها
مصطفى : صحيح .. و محدش احسن من حد
حبيبة : اهربي يا كارما .. هينفخوكي يا بت
كانت كارما تقف متجمدة امامها .. لم تمر ثوان حتى فقدت توازنها و وقعت مغما عليا
ليلة بفزع : كارماااا
اتجه لها زياد بسرعة و حاول ايقاظها و كذلك تميم
زياد بغضب : انا هوريكم يا كلاب .. البت اتخضت بسببكم
حلا بسخرية : مكنتش عارفة ان كارما عندها موهبة التمثيل .. دي بتشتغلنا عشان تهرب
زياد بحدة : اخرسي يا حلا
فتحت كارما عيناها ببطىء .. نظرت حولها و عادت لرجفتها و خوفها
كارما : زي.. زياد .. و الله ..
زياد بحنية : بعدين يا حبيبتي المهم نطمن عليكي دلوقتي
فارس بسخرية : حنين اوي
تميم بخيبة : ما توقعتهاش منك يا كارما .. ده احنا بنقول عليكي ملاك بجناحات
كارما ببكاء : و الله .. جدو ..
حبيبة : مش وقت الكلام ده .. تعالي هاخدك ترتاحي باوضتك .. انتو كملو شغل
حلا بصدمة : شوفو البت بتأمرنا ازاي .. فاكرة نفسك كبرتي يختي ؟! ده انتي لسا بتشبطي بكيس شبسي
حبيبة بحدة : حلا اخرسي
دينا بحزم : الليلة هنعملها محاكمة و نعاقبها على الخيانة
يزن : قلبك ميت يا بت
دينا : العدل وعد السما للارض .. زي ما مصطفى و لارا اتعاقبو هيا هتتعاقب برضو
مصطفى بغيظ : طبعا لارا و كارما يتعاقبو بالصمت بس انا اتعاقب بعلقة تلات ارباعها موت
فارس : انت جحش بس هما بنات .. اكيد مش هنضرب بنات
مصطفى : لو انا جحش يبقى انت حمار كبير .. اصلك شملت جنس الذكور كلهم
يزن : بطلو سخافة بقى
ذهبت حبيبة مع كارما
زياد بهدوء : انتو عارفين كارما طيبة و مش بتعرف تكدب
حلا : يبقى تاكل انت العلقة و تدفع تمن خيانة اختك
زياد بسخرية : منتي لو فكرتي تعمليها هعتبرك راجل و اوريكي الضرب على اصوله
فارس : ما تحترم نفسك يا زياد
زياد : لم خطيبتك الاول و قولها تتأنث شوية
حلا بغمزة : اعتقد ان انوثتك كفاية يا زيزو
زياد بغضب : اخرسي مش عايز اضرب واحدة بيقولو عليها بنت
كانت حلا سترد و لكنها ما ان نظرت للارض حتى صرخت بصوت عال جدا
حلا : اعااااا فاااار .. فاااار
ليلة بفزع : اعااااااااااااا لا …ابعدوه عنييي
دينا : هو فين ؟!
حلا و هي تشير لزاوية : اهو اهو هناك .. بيبصليييي اقسم بالله
خلع مصطفى حذاءه و كان سيقذفه عليه لولا دينا التي امسكت يده
دينا : اوعاااا .. حرام عليك
التفتت دينا للفأر و لمعت عيناها .. لم تمر ثواني حتى امسكته بيدها و رفعته
فارس باشمئزاز : بتعملي ايه جاتك القرف
حلا : خرجيه برا .. شكله مرعب
تميم : ليه قافشاه كدة ؟ ممكن ينقلك امراض
ليلة بقرف : انتي مقززة و الله .. ازاي قدرتي تلمسيه انا هرجع
دينا ببرود : خلصتو ؟ … ده الحكيم يا اغبياء
يزن باستغراب : حكيم؟!
فارس : يعني ايه ؟! هيغنيلنا نار نار نار انا قلبي قايد نار ؟ انتي اكيد اتهبلتي
دينا : يا ابني ده مش حكيم بتاعنا … ده الحكيم صاحب عاصف .. حولته تاج لفار و ماتت قبل ما تقول التعويذة الي هترجعه بني ادم
ليلة باستغراب : انتي بتقولي ايه ؟!
دينا : عمرك شوفتي فار بيفضل باصص للبني ادمين و هما حواليه عادي ؟! المفروض يهرب بسرعة .. بس هو ما هربش يبقى الحكيم
يزن بادراك : اااااه .. الكلام ده من روياتك مش كدة ؟!
دينا ببلاهة : اه .. ابابيل
يزن : انتي محتاجة تروحي مستشفى يا حبيبتي
دينا : انت كمان مش مصدقني ؟! طب اتفضل اسأله و لو ما ردش عليك تف عليا
اخذ يزن نفس عميق يحاول ان يهدأ وقال : انا لازم اعيد النظر في موضوع جوازنا .. مش هنتجوز قبل ما تتعالجي
دينا : ليه كدة … ده بيقول افيهات تضحك و الله
فارس بقرف : ابعديه من هنا جاتك القرف
دينا و هي تقربه من فارس : ليه بتخافي من الفيران يا بيضة ؟!
فارس بفزع : اعاا ابعديه عني يا مقرفة
تميم : اقسم بالله يا دينا لو لمستي الاكل بتاعنا بايدك هقطعهالك .. ده كائن مقزز و ممكن ينقلنا فايروسات
دينا : طبعا لازم تقول كدة .. يا ابني كتر خيره هو و نسله كلهم الي عملو منك دكتور .. مش دول الكائنات الرقيقة الي حضرتك كنت بتعمل عليهم تجارب ؟!
تميم : كائنات رقيقة ؟! يزن طلقها و اخلص و الله هتجيبلك شلل اطفال
دينا للفأر : رد عيله يا حكيم .. الا انت اسمك الحقيقي ايه ؟!
مرت لحظات من الصمت
حلا بصدمة : دي بتكلمه بجد يا جماعة !
ليلة : مريضة
صرخت دينا بفزع عندما باغتها الفأر و دخل من كم بلوزتها
دينا بصراخ : اعاااااا خرجوه من هدومييييييي .. اعااااااا
فارس بضحك : الحكيم بتاعك سافل اوي
اقترب منها يزن و حاول اخراج الفأر و تتعبه
فارس بصدمة : ده بيتلكك عشان يحسس
وكزته حلا في بطنه و قالت : مش وقت سفالتك انت التاني
فارس بضحك : مين الاولاني الفار و لا يزن ؟!
حلا : كلكم شلة سفلة اقسم بالله
خرج الفأر من كمها الاخر و هرب بسرعة بينما دينا جلست على الارض و هي تلهث
دينا : هيا هيا سفالته هنا و بالرواية كمان اقسم بالله
يزن بصدمة : يخربيتك .. ده كان ممكن يعضك يا هبلة
فارس بغمزة : و انت استغليت الموقف مش كدة ؟! بس حركة بطولية بصراحة
تميم بقرف : روحي استحمي و عقمي نفسك كويس .. و اياكي ثم اياكي تقربي من اسر
دينا : انتو ليه مش مصدقين انه الحكيم ؟!
زياد بنرفزة : حكيييم ايه يا متخلفة .. انا هروح اشوف كارما احسن ما اتعدي من غبائك ده
تلفتت دينا حولها و قالت بضيق : اهو راح عجبكم كدة ؟!
حلا بخوف : يعني لسا ما خرجش .. بقولكم ايه انا مش هشتغل هنا .. ما اتفقناش يكون في فار معانا
فارس : هو هياكلك ؟! ديتها تديله بالشبشب و هيخرج
حلا بسخرية : ايه الرجولة الي دبت فيك دلوقتي .. ما انت كنت خايف اكتر مني
فارس برفعة حاجب : حلا اتلمي
مصطفى : اتفضلو ارغو لغاية ما يجيلنا جدو و يزود العقوبة
دينا : انا هروح اخد شاور بعد المعركة دي
يزن : ما تقريش روايات تاني ابوس ايدك
دينا : مش هتصدقني لو قولتلك اني توقعت منه الحركة دي .. بس يا ريت قبل ما يمشي قالي نهاية الرواية كنت هنام و انا مطمنة
يزن بنفاذ صبر : دينا .. امشي من وشي
*****************
دلفت غادة اوضتها و بدأت تجمع احتياجاتها .. التفتت الى لارا التي تلاعب الكلب
غادة : جدو يعرف حاجة عن الكلب ده ؟
لارا : لا
غادة : يبقى تخرجيه من البيت .. اصله من ساعة ما جيه و انتي بقيتي شيطانة على هيئة بني ادم
لارا بانكسار : ليه بتقولي كدة ؟ و ليه ما نمتيش بالاوضة امبارح ؟!
غادة : عشان انتي ما تستحقيش يكون ليكي اخت .. انا بقيت اتكسف انك اختي .. كل تصرفاتك مش طبيعية .. عمري ما تخيلت انك تكوني مريضة نفسيا .. بس دلوقتي اتأكدت من ده
لارا : حتى اني يا غادة ؟!
غادة : اه حتى انا … عشان الحركة الي عملتيها دي ذنب كبير …ياما قولتك نضفي قلبك و ما تحقديش ع الناس .. بس السواد الي جواكي عمل منك شيطانة .. مفيش انسانة كويسة تعمل كدة في بنت غيرها .. و انتي عارفة ان دينا بنت محترمة و ما كانش قصدها تهينك .. و عشان شوية هزار قلبتي الموضوع بجد و اتهمتيها ظلم .. امته هتفوقي من الجنان ده ؟!
لارا : هيا الي بدأت .. هيا الي اتكلمت عليا .. انا معملتش حاجة غير اني جبت حقي بطريقتي
غادة : حبيبة اتكلمت عليكي ؟! مش انتي الي من يوما وعيتي ع الدنيا و انتي بتتكلمي عليها ؟!
لارا : ايه الي حشر حبيبة بالحكاية دي ؟! المشكلة بيني و بين دينا
غادة : و حلا لما ضربتك كان ليه ؟! عشان اتكلمتي على اختها .. روحتي بوظتي خطوبتها و عملتي حرب بالبيت ده و بسببك الستات اتخانقو .. و اهي لتاني مرة تعملي كدة .. و لولا ستر ربنا كانت قامت خناقة بين ماما و طنط خولة
لارا : ليه ؟! ليه بتحمليني ذنب كل حاجة حصلت ؟! ماما الي اتخانقت معاهم انا مالي ؟!
غادة : انتي كنتي الشرارة … لولا كلامك مكانتش ماما هتتخانق معاها .. عمتا دي اخر مرة هكلمك فيها يا لارا من النهاردة اعتبريني قاطعتك
لارا بغصة : قاطعتيني ؟! عشان مين ؟! كله ده عشان دينا الي كانت هتخطف خطيبك منك ؟!
غادة بغضب : مش قولتلك انتي مريضة نفسيا .. حتى و انتي غلطانة بتفتري على البنت ؟! بجد انا مش قادرة اصدق ان الي واقفة قدامي دي اختي .. ربنا يهديكي يا لارا ..ربنا يهديكي
************************
في اوضة كارما
حبيبة : برضو انتي الغلطانة .. حتى لو قولتيله المفروض اعترفتي قدامنا من اولها
كارما ببكاء : مقدرتش .. خوفت منهم و جدو قالي ما اتكلمش عن الموضوع ده
حبيبة : بس كدة ممكن يأذوكي .. هما مش هيسكتو قبل ما يجيبو حقهم .. خصوصا حلا ممكن تطب عليكي و تضربك
كارما بخوف : انا هنزل اقول لجدو .. و الله لو ضربوني ما هسكتلهم .. هكلم البوليس يلمهم كلهم
دلف زياد في هذه الاثناء .. جلس بجانب كارما و سحبها لحضنه
زياد : طمنيني عليكي يا حبيبتي
كارما بتوتر : انا كو.. كويسة .. زز.. زياد .. هو انت زعلان مني ؟!
زياد : بصراحة اه .. و جدا كمان .. ما توقعتهاش منك ابدا
كارما : و الله غصب عني .. حطيت ايدي ع المصحف قدام جدو و حلفت اني هقول الحقيقة .. ما قدرتش اكدب عليه
زياد : لازم اعترفتي من الاول ع الاقل
كارما برجاء : زيااااد .. ما تزعلش مني و النبي .. ما اقدرش على زعلك انت بالذات و الله
زياد : عارفة يا كارما اول حاجة بابا علمهالي ايه ؟! قالي اهم حاجة بين الاخوات الثقة .. و انا اديتك كل ثقتي و سافرت و انا متأكد اني سايب ورايا بنت بمية راجل .. صحيح موقف النهاردة تافه شوية .. بس ما يمنعش انك جرحتي الثقة دي
كارما ببكاء : انا غلطت و حاسة بغلطتي .. و مستعدة انفذ اي عقوبة بس تسامحني
زياد بابتسامة : و بالنسبة لقوم فرعون الي برا دول هقولهم ايه ؟! دول عايزين يقيمو عليكي الحد يا بت
كارما : يعني ايه ؟!
حبيبة : ما تخافيش محدش هيأذيكي .. زياد انا بقول نكلم جدو ايه رأيك ؟
زياد : هيعتبروها خيانة برضو .. اختك بتفكر تعاقبني نيابة عن كارما
كارما بدموع : يبقى خلاص اعملولي محكمة و انا هاجي و هجيب محامي دفاع
زياد بضحك : و الله ؟!
تركتهم حبيبة و خرجت تزامنا مع دخول غادة
غادة : بجد انتي الي قولتي لجدو ؟!
كارما بتوتر : ايوة
غادة : استغفر الله العظيم انتي و لارا بقيتو غريبين جدا
كارما : ما تقارنيش تصرفي بتصرفها .. انا اعترفت بذنبي و ندمت
زياد : حلا مستنية اللحظة الي هتشوفك بيها عشان تنتقم فالافضل تقفلي على نفسك الباب
كارما بخوف : يلهوي .. دي متوحشة و ضربت رجالة ما بالك انا ؟!
غادة : لا حول و لا قوة الا بالله … اهدي يا حبيبتي و اقري شوية قرآن .. ما تخافيش مش هتأذيكي و لو قربتلك جدو اكيد هيعاقبها لوحدها
**********************
دلفت حبيبة اوضتها وجدت اوس يعمل على اللابتوب بتركيز و بجانبه ينام كنان بهدوء
حبيبة بابتسامة : ليه بتشتغل بالاوضة ؟ ممكن كنان يدايقك
اوس بحب : محتاج وجوده عشان بيفكرني بمامته الي نسيت جوزها
عانقته من الخلف و قالت : عمري ما هنساك .. بس قولت طالما مشغول اسيبك تشتغل براحتك
اوس : راحتي هتكون مطرح ما حبيبتي تكون
حبيبة بخجل : و بعدين معاك
اوس : قوليلي بقا ايه الي حصل ؟! وشك اصفر كدة ليه ؟
حبيبة : كارما هيا الي قالت لجدو على حكاية البيت .. و حلا عايزة تضربها
اوس : طبعا حلا الكلبة المسعورة في البيت ده
حبيبة بتحذير : اوس .. هقولها
اوس : خلاص اسف .. تعالي نخرج للبلكونة شوية انا زهقت هنا
حبيبة بحماس : يلا
خرجو سويا من الاوضة و التقو بفريدة التي تمشي بسرعة و اضراب
فريدة : الحقونيييي
حبيبة : في ايه مالك ؟!
فريدة ببكاء : انا حامل .. حامل يا حبيبة
حبيبة : الف مبروك
فريدة بغضب : ما قولتش كدة عشان تباركيلي .. اعمل ايه انا في المصيبة دي ؟! ازاي هخس ؟! ازاي ههتم بالبيبي الجديد و اسر مع بعض ؟! هتحرم من الكبدة و السوشي يا حبيبة
اوس بصدمة : ده كل الي مزعلك ؟!
فريدة : طبعا لازم تتريق .. ما انت لو ست و عشت الي عشناه انا و مراتك كنت هتقول حقي برقبتي
حبيبة : طب اهدي اهدي .. ريلاكس يا فريدة .. احمدي ربك في ناس كتير نفسهم في حتة عيل يشيل اسمهم
فريدة : ربنا يبعت يختي .. انا مال اهلي ؟! هو عيل واحد و شال الاسم خلاص .. لزومها ايه المرمطة دي
حبيبة بحماس : انا هنزل اقول لتميم و طنط سحر
اوس : يلا هاجي معاكي
احتضنت حبيبة فريدة و قالت : دي نعمة يا حبيبتي .. الف مبروك
امسكت يد اوس و نزلت باتجاه الطابق السفلي
دلفا سويا المطبخ حيث تعمل النساء باجتهاد واضح
حبيبة : طنط .. فريدة حامل بجد
سحر بسعادة : بجد ؟! يا الف نهار ابيض .. لولولولوي
سعاد : الف مبروك يا سحر عقبال فرحتك بعيال مصطفى
عبدالله من خلفهم : حبيبة
حبيبة بفزع : ايوة يا جدو
عبدالله : العيال فين ؟!
حبيبة بتوتر : تحت بيشتغلو .. بس زياد و كارما فوق
عبدالله : ليه
حبيبة : كارما تعبت فزياد طلعها اوضتها
عبدالله : انا مش وكلتك مهمة الاشراف على شغلهم ؟!
حبيبة : ايوة … بس يعني طلعت اطمن على كنان و اوس .. و …
عبدالله بمقاطعة : ارجعي لشغلك .. اوس عايزك في المكتب
اوس : جاي حالا
التفت الى حبيبة و قال : امته هنرجع بيتنا ؟ انا زهقت .. لازم حد يفصلني عنك في اي لحظة
حبيبة بابتسامة : معلش .. يلا روح شوف جدو
*************************
بعد منتصف الليل .. في حديقة البيت .. اجتمع كل شباب العائلة بينما ذهب الكبار للنوم
دينا : لازم نحاكمها و نعاقبها .. ده قرار مش هنرجع فيه ابدا
فارس : مية مية .. لازم تتعاقب
تميم : هدوووووء … انا هنا اكبر حفيد في العيلة .. يبقى الكلمة الاخيرة ليا .. انا هنا بمثابة قاضي القضاة … احضرو المتهمة يلا
ذهبت حبيبة للداخل و عادت مع كارما
كارما بتوتر : ليه طلبتوني ؟!
تميم : مين محامي الدفاع بتاعها ؟!
زياد : انا
تميم : اتفضل وريني المرافعة بتاعتك
زياد : احم احم .. سيادة القاضي .. موكلتي كارما لم تكن تحمل اي نوايا سيئة تجاهنا .. هيا حلفت على المصحف قدام جدو انها هتقول الحقيقة .. و جدو كان عارف اننا خرجنا من البداية ممكن عرف من الغفر او ما شبه مش عارف بالزبط
تميم : محامي فاشل
زياد : سيدي القاضي .. لو كانت كارما تحمل اي نية سيئة ما كانتش قبلت تتعاقب معانا
مصطفى : اعترض … انا كمان المرة الي فاتت اتعاقبت معاكم و لما كشفتوني سحلتوني
تميم : اعتراض مقبول
زياد : بس كارما بنت .. ما نقدرش نضربها .. و انا اؤمن بنزاهتها يا سيادة القاضي و متأكد انها ما عملتش كدة بدوافع مادية زي مصطفى .. هيا اعترفت تحت التهديد
تميم : لا كدة اوفر يا زياد .. تهديد ايه يا اهبل ؟!
دينا : سيبه ده بيتعلم من افلام محمد سامي
زياد: بص من الاخر كدة انا اطالب ببراءة المتهمة
تميم : على انهي اساس ؟!
زياد : المتهم بريء حتى تثبت ادانته
تميم : ما هي ثبتت عليها يا حمار .. حتى هي الي اعترفت .. و الاعتراف سيد الادلة
زياد: طب تمام كدة لازم عقوبة مخففة جدا طالما اعترفت و سلمت نفسها
حبيبة بدهشة : يخربيتكم .. انا صدقتكم بجد
دينا : عشان هبلة
فريدة : بصفتي المستشار القانوني اعتقد يا سيدي القاضي اننا لازم نسمع اقوال المتهمة
تميم : اتفضلي يا كارما .. اشرحي اسبابك
كارما بخوف : انا .. انا غلطت .. و اعترف بغلطي .. بس و الله غصب عني
بدأت تبكي بشهقات مسموعة
ليلة بصدمة : بجد قلوبكم مفيهاش رحمة .. حرام عليكم
امسكت حبيبة يد كارما و قالت : كفاية هزار بقى .. كارما مش هتتعاقب .. نيتها كانت سليمة حرام تتعاقب على حاجة خارج ارادتها
دينا بحدة : اترزعي مكانك و الا هسيب عليكي البت دي
حبيبة بخوف : طب اسفة في ايه
دينا : سيادة القاضي .. انطق بالحكم
تميم : الحكم هيكون بناء على الاقتراحات و التصويت
فارس : ليه هيا انتخابات ؟!
يزن بهمس : قاضي فاشل و متخلف
اوس : كلهم متخلفين
يزن : بجد ازاي تميم بيعمل الحركات دي بعد ما وصل للسن ده ؟!
اوس : الهطل ملهوش سن يا صاحبي
يزن بغموض : مراتك مبسوطة .. انت لسا ما قولتلهاش ؟!
اوس : لما نروح اوضتنا .. مش عايزها تعمل قلق و يلاحظو عليها
يزن : تمام
فارس : اقترح انها لازم تتعلق على النخلة تلات ايام
غادة : ايه الجنان ده حرام عليك
دينا : تنضف اوضنا كلنا لوحدها
حلا : تبقى شغالة لينا كلنا زي المرة الي فاتت
مصطفى : تشيل كل عقوبات جدو لوحدها
زياد : كفاية بقى حرام .. دي لسا عيلة هتشيلوها كل ده ؟!
نطقت لارا اخيرا و قالت : دي مش عيلة بقى عندها 18 سنة
تجاهلها الجميع .. نظرت حولها ثم غادرت المكان
فريدة : بصو عشان نكون منصفين زي ما عاقبنا لارا عقوبة خفيفة رغم الذنب الكبير الي عملته لازم نعاقب كارما عقوبة اخف من كدة
مصطفى بغيظ : طبعا ما هيا كوسا .. انا بقى عندي تسلخات من ضربكم عادي .. بس البنات ما يتعاقبوش حرام
دينا : انت اول البخت و كنا متحمسين .. كلام فريدة صح يا جماعة .. بصو البت بتترعش ازاي
نظرت فريدة الى تميم بترجي
تميم بحزم : النطق بالحكم .. كارما ناجي بريئة و ذلك بسبب حسن النية و الاحساس بالذنب
فارس : اه يا ظالم .. ماشي يا دكتور الحمير لينا لقاء اخر
دينا : مش لدرجة بريئة يا تميم … كدة اوفر
حلا بغضب : لو ما حكمتش حكم عادل انا هقوم اجيبها من شعرها
فريدة بحدة : جربي كدة و شوفي شعرك هيحصله ايه
حلا : ما تخافي على العيل الي في بطنك يا ولية
تميم : حلااااا … اتلمي و الا هسيب الكل عليكي و انتي و نصيبك بقى
اخرجت موس صغير من اذنها مخفي على شكل حلق
حلا : حد يقرب يلا
تميم : قولت اتلمي .. ايه شايلة معدات الدفاع في البيت كمان ؟!
حلا : طبعا عشان اي لحظة غدر اشرحكم كلكم
يزن : بقولكو ايه .. تحبو احكيلكم ايه الي حصل بعد ما مشيتو من البيت الي روحناله ؟!
فارس : اه صحيح ازاي نسينا نقولكم ؟! انا سجلت فيديو عشان تصدقونا
بعد وقت طويل من الحكايات و القصص الخيالية التي ابدع فارس في زيادتها على القصة ذهبو للنوم اخيرا
دلفت حبيبة اوضتها و وضعت كنان في سريرة
حبيبة باستغراب : اوس
اوس : قلبه
حبيبة بابتسامة : مالك ؟! حاسة انك عايز تقولي حاجة
اوس بشرود : صحيح
حبيبة : في ايه ما تقولي طيب
اوس : اوعديني انك مش هتزعلي
حبيبة : مش بزعل منك
اوس : ……
الفصل الثامن والعشرون
اوس : انا لازم اسافر انجلترا بكرا الصبح
حبيبة بصدمة : ايييه ؟!
اوس : عندي مشكلة في الشغل و انتي عارفة زياد ما يقدرش يسافر عشان فرحه
حبيبة : طب ما حازم موجود
اوس : ما المشكلة حصلت معاه
حبيبة : هو مش كان واخد اجازة و راح يشوف مراته ؟!
اوس : اممم .. بس امبارح تعب و دخل المستشفى و بنفس الليلة حصل خلل في الشغل
حبيبة بصدمة : تعب ؟! طب هو عامل ايه دلوقتي ؟
اوس : بقى احسن الحمدلله .. بس لازم اروح اطمن عليه و اشوف ايه الي حصل
حبيبة : طيب و ليلة تعرف ؟
اوس : لا .. و انتي اوعي تقوليلها حاجة
حبيبة بقلق : اوس .. خودني معاك .. مش هستحمل تبعد عني تاني
اوس بهدوء : هروح يوم واحد بس و هرجع على طول .. هبقى مطمن اكتر و انتي هنا خصوصا ان كنان لسا صغير و مش هيستحمل السفر
حبيبة بضيق : انا هاخد بالي منه كويس بس ما تسيبنيش هنا
اوس : منا كدة كدة مضطر اسيبك و اروح الشغل .. الافضل انك تبقى هنا
جلست على السرير و بدأت تهز ساقها بتوتر و عدم رضا
اوس : انتي قولتي مش هتزعلي
حبيبة : ما طبيعي ازعل يا اوس طالما هتسيبني هنا لوحدي و تروح
جلس بجانبها و قال بهدوء : طب مش تقدري ان صاحبي تعبان و لازم ابقى جنبه ؟
حبيبة : ربنا يشفيه .. هو ايه الي حصله بالزبط ؟
اوس : مراته قالت حالة تسمم .. بس دلوقتي بقى احسن
حبيبة : الحمدلله .. يعني انت حاسس ان الي حصله مش صدفة ؟
اوس : الظاهر كدة .. هتاكد الاول و بعدين اقولك
حبيبة : ماشي بس لازم تكلمني و تطمني عليك كل شوية
اوس : حاضر .. اي اوامر تانية ؟
حبيبة : تروح و ترجع بسرعة و مش هقبل اعذار ابدا .. انا بحذرك اهو
اوس بابتسامة : حاضر يا حبيبتي .. لو حصل اي حاجة بغيابي تكلميني على طول …و اوعي حد يتكلم بالموضوع ده قدام ليلة
حبيبة : ما تقلقش عليها … هيا اصلا مش مركزة مع حد غير مصطفى و على طول تلاقيهم قاعدين في ركن لوحدهم
اوس بضحكة : اهو جيه اليوم الي اشوف مصطفى الرخم مرتبط و عايش جو العشاق ده
حبيبة : ده انت قدوته … بس الفرق الوحيد ان مصطفى ملهوش بالزنق
اوس : ما طبيعي دي ضيفة لو حد شافهم هتقوم القيامة
حبيبة : يعني مش عشان صغيرين
اوس بغمزة : صغيرين ايه ؟! ده انتي اتزنقتي من و انتي باللفة
حبيبة بغيظ : اه يا سافل … متحر..ش بالاطفال
اوس : هيا طفلة وحدة بس الي سرقت قلبي .. و بعدين انا كنت صغير اش فهمني يعني
حبيبة بضحك : انت اصلا عملت سكيب لمرحلة الطفولة
اوس : و انتي لسا ما خرجتيش منها اصلا .. يلا ع النوم يا شاطرة و راكي مدرسة الصبح
حبيبة بمشاكسة : طب يلا يا بابي نام جنبي و احكيلي حدوتة
****************************
في صباح اليوم التالي
بعد ان ودعت اوس دلفت للمطبخ وجدت دينا منهمكة في تحضير الطعام
حبيبة : بتعملي ايه يا دينا ؟!
دينا بفزع : اعااا .. يخربيتك خضيتني
حبيبة : ايه الي مصحيكي بدري كدة ؟
دينا بابتسامة : انا ما نمتش اصلا .. قولت لنفسي لازم ادلع ختيبي و اعمله فطار تحفة طالما نايم عندنا
حبيبة بسخرية : يا نحنوحة … و الله ما بلومش لارا ع عملته .. ده انتي تستاهلي ضرب الجزمة
دينا : اتلمي يا ولية في ايه ع الصبح ؟!
حبيبة بضيق : مفيش .. هروح اطمن على كنان
دينا : مالك يا بت مكلضمة وشك كدة ليه ؟
حبيبة : اوس خرج من شوية و هيسافر انجلترا
دينا : عارفة .. يزن قالي امبارح .. بس ما تقلقيش مش هيقعد كتير .. هيرجع مع حازم و يمنى
حبيبة : يمنى ؟ على كدة هيا موجودة هناك كمان
دينا بتحذير : بت .. اتلمي و ما تعمليش حوار الست محترمة جدا
حبيبة : حلوة ؟
دينا : حلوة ايه ؟ اقل وصف ليها انها تحفة فنية ..تحسيها خارجة من مسلسل تركي
حبيبة : امممم واضح ان ليلة واخدة من جمالها كتير
دينا : مامتها احلى صدقيني
دلفت البنات سويا
حلا بغضب : انا زهقت من العيشة دي .. جدو كل شوية يزود العقوبة فاكرني الشغالة الفلبينية بتاعته
كارما : ما احنا كلنا بنشتغل جات عليكي يعني ؟!
حلا : اخرسي يا خاينة .. انا هموت و اعلم على قفاكي الحلو ده
كارما بخوف : ما قصديش حاجة و الله
نظرت دينا الى لارا التي اتجهت لغسل الاطباق بصمت
دينا : حضرتك بتعملي ايه ؟!
لارا ببرود : بشتغل
دينا : انا لسا مخلتصش الفطار .. استني و تغسليهم مرة واحدة اسهل
لارا : انا عارفة شغلي كويس مش محتاجة نصايحك
دينا بحدة : طب اتكلمي عدل
حلا : دينا .. ما تنسيش القرار بتاعنا
دينا : ماشي .. خودي دول وديهم و ارجعي خودي الباقي
حلا بجوع : الله … ريحة البيض تفتح النفس
كارما : وسعي يا لارا هساعدك
لارا ببرود : اتفضلي
ليلة : طب انا اعمل ايه ؟!
دينا : انتي اعملي الشاي و اللبن لابو عضلات بتاعك
ليلة بضحكة : مصطفى بيشرب لبن الصبح ؟
دينا : اممم من يوما علقتيه بيكي بقى عايز يعمل كل حاجة صح بالدنيا … سبحان الله
كارما : يا بنات .. هو انا ممكن اسأل سؤال ؟
حبيبة : اه طبعا
كارما و هي تغسل الاطباق : هو في حب بيبقى من نظرة بس ؟ .. يعني من غير كلام و لا معرفة .. بس مجرد نظرة كدة
مرت لحظات من الصمت .. وضعت الطبق و استدارت وجدت جميع البنات ينظرن لها باستغراب شديد
كارما بتوتر : في ايه ؟!
حبيبة : ايه لزوم السؤال ده يا كرملة ؟ هو في حاجة ؟
كارما : لااا .. مفيش حاجة .. بس يعني شوفت فيلم امبارح قبل ما انام و كان بيتكلم على الموضوع ده فقولت اسألكم
دينا بشك : متأكدة ؟
كارما بخوف : اه
ليلة بضحك : مالكم عاملين كدة ليه ؟ هيا سألت سؤال مش جر..يمة على فكرة
حلا : بت .. في نظرات متبادلة و لا ايه النظام ؟
كارما : انتي بتقولي ايه ..اتلمي يا حلا عيب كدة
لارا : ما تركزيش معاهم يا كارما .. دول شايفين الحب حلال ليهم هما بس
حلا : ما تخرسي يا ام لسان و نص
ليلة : طب محدش جاوب على السؤال .. هو في كدة بجد ؟
حبيبة : ممكن .. كل شيء وارد .. بس ما اعتقدش انه هيكون حب مية بالمية .. ع الاغلب اعجاب
حلا : ما بلاش هطل .. الحب عمره ما كان من نظرة .. ازاي هتحبي شخص من غير ما تعرفيه و تعرفي صفاته و اسلوبه و تفكيره و من الكلام ده
دينا : على فكرة .. الحب بيتولد معانا من ساعة نخرج من رحم امهاتنا .. اروحنا بتتلاقى بعالم تاني و بتتعلق ببعضها عشان كدة اول ما تلتقي بالشخص المناسب هتحسي انك عارفاه و في مشاعر جواكي مش فاهماها
حلا : اهو ده الكلام الي ما بيتفهمش منه حاجة .. كفاية فلسفة يا دينا و خليكي واقعية شوية .. اوك ممكن الواحدة تحس انها استريحت لواحد اول مرة تشوفه بس مش من اولها نقول حب .. يعني انتي مثلا حبيتي يزن اول ما شوفتيه ؟
دينا بتفكير : بصراحة لا .. كنت حاسة انه شخص كويس بس لما اتعاملت معاه اكتر حبيته و اتعلقت بيه
حلا : اهو يعني مش زي ما قولتي
كارما : و انتي يا حبيبة ايه رأيك ؟
حبيبة : معرفش .. يعني انا و اوس نعرف بعض من زمان و انا اتعلقت بيه من احنا عيال .. بس يعني بعد ما كبرت حبيته اكتر
كارما : طب و لما سابك و سافر ما حسيتيش ان حبك ليه قل ؟ او ان الي كان بينكم مش حب حقيقي ؟
حبيبة : لا طبعا .. بالعكس انا اتعلقت بيه اكتر لما سافر .. و بصراحة كلام حلا منطقي جدا .. يعني ما اعتقدش ان النظرة بتبقى حب حقيقي .. تقدري تقولي بداية الطريق للحب .. ممكن بعدها تحبي الشخص ده و ممكن لا
دينا بخبث : و عشان كدة عملو الخطوبة يا كرملتي
كارما بتفكير : اوكييي
دينا : ممكن نعرف بقى ايه السر ورا السؤال ده ع الصبح ؟
كارما بتوتر : مفيش سر و لا حاجة
حلا بمكر : طاما اتوترتي يبقى في
اقتربت دينا منها ببطىء و قالت : يلا طلعي المستخبي يا بت
كارما بخوف : وسعي كدة و الله ما في حاجة
حلا : مش علينا الحركات دي
حبيبة : انتي مالك يا حلا .. و انتي يا دينا اتلمي .. هيا حرة مش عايزة تقول براحتها
حلا : اقسم بالله يا بت لو ما نطقتي لافضحك في البيت كله و اقولهم كرملة عشقانة من ورانا
كارما : مفيش حاجة الله يحرقني ساعة ما سألت
حلا : بقولك اتكلمي يلا .. مين ده الي بينك و بينه نظرات حب و اعجاب
كارما ببكاء : ابعدي عنيييييي
اقتربت لارا و دفعت حلا بعنف
لارا بغضب : انتي بتحشري نفسك بحياتها ليه ؟! ملكيش دعوة بيها
حلا بضحكة : انتي عايزة تتضربي يا بت ؟
امسكت لارا السكينة و قالت : قربي مني و شوفي هطلع مصارينك ازاي
حلا برفعة حاجب : و الله ؟
ليلة بصراخ : بسسس … في ايييييه ؟ ما تتلمو احنا جايين نشتغل مش نتخانق
حلا : وطي صوتك لاحسن اجيبك من ودانك الحلوة دي
دينا : انتي يا بت عايزة تضربي اي حد و خلاص ؟! كفاية اتلمي مش عايزين نعرف .. بس مصيرك تقوليلي يا كارما
كارما : مستحيل .. انتي الوحيدة الي مش بقولك اسراري عشان عارفاكي هتروحي تقولي لزياد كل حاجة
دينا : انا خايفة على مصلحتك يا بت .. خصوصا لو عندك اصدقاء سوء يعني
لارا بغيظ : دينا اخرسي مش مكفيكي الي حصلك ؟!
دينا برفعة حاجب : حد وجهلك كلام يا بت ؟!
دلفت سحر و قالت : انتو بتعملو ايه كل ده ؟! فين الاكل ؟
دينا : اهو يا طنط جاهز .. ليلة روحي ودي الشاي .. انا هطلع اصحي الولاد
سحر : طب بسرعة
بعد وقت قصير اجتمع كل الافراد على طاولة الطعام
تميم : ايه عقوبة النهاردة يا جدي ؟
عبدالله : هتجهزو انتو لسبوع كنان
فارس : و مالو .. اي حاجة بعيد عن التنضيف
عدنان : امته هيرجع اوس يا حبيبة ؟
حبيبة : قالي هيكون هنا بكرا
ليلة : على كدة مامي و بابي هيجو معاه ؟
حبيبة بتوتر : و الله مش عارفة
سعاد : انا عزمت كل قرايبي و خالتك وفاء جاية مع عيالها بكرا
دينا : طب زيزي مش هتيجي ؟
سحر : لا طبعا ماما مش بتحب الحفلات دي
دينا : و الله وحشتني اوي .. كان زمانها هي الي بتتعاقب دلوقتي
حلا بسخرية : مش هتقدر تبعد عن توفي بتاعها خالص .. دي ما صدقت رجعتله
تميم : ربنا يخليهم لبعض و يبعدهم عننا
سحر : اتلم يا تميم دي جدتك الي بتتكلم عليها
تميم : مقولناش حاجة
التفتت غادة الى زياد الذي يأكل بصمت مريب
غادة بخفوت : زياد .. مالك يا حبيبي
زياد : مفيش بس بفكر بالشغل
غادة : مش شرط تبقى ملتزم على طول .. انت دلوقتي واخد اجازة ما تفكرش غير بفرحنا
زياد : حاضر يا حبيبتي
غادة بتوتر: زياد … افتح الموضوع دلوقتي ؟
زياد : اه .. بس اعتقد مامتك مش هتسكت
غادة : هقول الي عندي و الي يحصل يحصل
التفتت لهم و قالت بصوت واضح : جدو
عبدالله : ايوة
غادة: انا عايزة اطلب طلب يعني لو ما عندكش مانع
عبدالله : اتفضلي يا حبيبتي
غادة : احم .. يعني انا بصراحة عايزة الفرح يبقى اسلامي
خديجة : لي يا بت هو احنا كفرة ؟! ما افراحنا دايما اسلامية و مفيش اختلاط
غادة : بس في اغاني و ده حرام
حلا باندفاع : قولتلكم البت دي مش سالكة محدش رد عليا .. اهي بتدور على مشاكل من تحت الارض
غادة : حلا اسكتي و ما تدخليش
خديجة بحدة : غادة اقفلي الموضوع ده و الي عايزاه مش هيحصل
غادة : ده بدل ما تشجعيني ع الصح يماما ؟! .. الاغاني يعني ذنوب و انا عايزة ربنا يبارك في جوازتنا .. ده فرحي و يحقلي اعمل الي انا عايزاه
سحر : يا بت احنا لو عملنا كدة الناس هتاكل وشي .. ازاي فرح من غير اغاني و رقص ؟!
غادة : رضا ربنا اهم من رضا الناس يا طنط … و انا مقولتش الفرح يبقى من غير رقص .. انا بس مش عايزة موسيقى .. ممكن نستعمل الدف و نغني براحتنا
فريدة : طب و الله فكرة .. البت دي صوتها حلو اوي ممكن هيا الي تغني بفرحها
خديجة بغضب : كفاية .. مش عايزة اسمع ولا كلمة .. انا من يوما خلفتك مستنية اليوم ده بفارغ الصبر تقومي تخربيلي فرحتي عادي كدة ؟!
غادة : ما احنا ممكن نفرح من غير ما نعصي ربنا يا ماما .. المفروض حضرتك تشجعيني
فارس : زيزو ايه رأيك ؟
زياد : براحتها طبعا .. ده فرحها تعمل الي هيا عايزاه
خديجة : بس يا زياد .. مش عايزة ازعل منك انت كمان
سعاد : غادة يا حبيبتي احنا متعودين على كدة .. بكرا الناس هتقعد تتريق علينا
غادة : بس …
خديجة بحدة : اخرسي .. مش عايزة اعكنن عليكي قبل الفرح
عبدالله بحزم : بسسس .. ايه هتتخانقو قدامي ؟!
خديجة : حضرتك مش سامع البت بتقول ايه ؟! دي عايزة تفضحنا
عبدالله : سمعت .. و البنت كلامح صحيح .. ده فرحها و من حقها تعمل الي هيا عايزاه
سحر بصدمة : يعني ايه يا عمي ؟!
عبدالله : يعني الي غادة عايزاه هيحصل طالما مش حاجة غلط .. بالعكس دي هتعمل حاجة كويسة جدا … و المفروض ان حضراتكم ستات مؤمنة و بتعرفو ربنا .. يبقى لازم تشجعوها و تفرحو ان بنتكم بالزمن ده بتفكر بالطريقة دي
غادة بابتسامة : ربنا يخليك لينا يا جدو
عبدالله : ربنا يثبتك يا حبيبتي و يكتبك الاجر و الثواب
كارما : و ده هينطبق على فرح الرجالة كمان يا جدو ؟
عبدالله : لو زياد عايز كدة انا معنديش مانع
كارما برجاء : زياااد اوعا توافق عشان خاطري
تميم بضحك : و انتي مالك ؟! ده فرح رجالة يا بت
كارما : اوك بس انا بقالي كتير بتفشخر قدام صحابي البنات باخويا و فرحه الي هيتعمل .. مش عايزة اتخزوق و يفضحوني
غادة : انا مش فاهمة ليه كلام الناس مهم بحياتكم كدة ؟!
دينا : سبحاان مغير الاحوال .. الله يرحم سنينك يا بت
غادة بضيق : دينا اتلمي و اتلهي بخطيبك
دينا : اكتر من كدة ؟! ده شوية و هياكلني
بدأ يزن يكح بخنقة .. و ناولته دينا كأس الماء بسرعة و اخذت تخبط على ظهره بقوة
دينا : اسفة اسفة و الله مش قصدي
حلا : كام مرة قولنا ما نتكلمش على حد و هو بياكل .. افرضي طب ساكت دلوقتي هتعملي ايه ؟!
دينا : بعد الشر اتلمي يا طفسة .. اشرب يا حبيبي
يزن : كفاية .. هتخنقتي اكتر
دينا : الحق عليا بساعدك ؟!
يزن : ايدك تقيلة يا بت هتطلعيلي الروح
دينا : بعد الشر عليك
تميم : هما دول هيتجوزو امته يا جدي ؟
عبدالله : لسا ما اتكلمتش مع الحج محمود
يزن : هو مستعجل اكتر مني .. و كل يوم بيسألني على الموضوع ده
عبدالله : و الله يا ابني انت شايف في فرحين قدامنا .. بعد فرح فارس نقعد و نحدد موعد لفرحكم
خولة : احنا مش مستعجلين ع الجواز .. سنة كمان مش هتأثر
يزن بصدمة : سنة يا طنط ؟!
خولة : اه .. دينا لسا ما خلصتش جامعة و مفيش جواز قبل التخرج
عبدالله : قولنا نتكلم بالموضوع ده بعدين يا خولة .. خصلو فطار و كل واحد يشوف شغله
سحر : مش عايزة اشوف حد من الاولاد في المطبخ .. عندنا شغل كتير و مش ناقصين دلعكم
فارس : احسن .. نقعد قدام التلفزيون بقا و نشتغل براحتنا
***********************
دلف مصطفى الى اوضة المكتب بحذر شديد
عبدالله : كل ده على ما تلملي اخبارهم يا مصطفى ؟!
مصطفى : اعمل ايه ما هما الي بقو خايفين مني و مش بيقولو حاجة قدامي عشان عارفين اني هقولك
عبدالله : ها اخلص … ايه الي حصل ؟
مصطفى : مش نتفق الاول ؟!
عبدالله بخبث : كارما بتقولي كل حاجة من غير مقابل .. اندهلها ؟
مصطفى بضحك : قديمة .. البت اتقفشت و اعترفت بكل حاجة
عبدالله : ايه ؟! و عملولها حاجة ؟
مصطفى : لا طبعا .. زيزو ما بيسمحش بكدة ابدا
عبدالله : و اشمعنا انت الي فرموك ؟!
مصطفى : بتعايرني يا بيدو ؟!
عبدالله : اخلص ياض ايه الي حصل ؟!
مصطفى: الي حصل حاجة ما بتتقالش و الله .. البت لارا عملت مصيبة
عبدالله باهتمام : عملت ايه ؟
اقترب مصطفى من عبدالله اكثر و اخبره بكل ما حدث
عبدالله بصدمة : هيا حصلت ؟!!
مصطفى : انا تعبت و انا اتحايل ع البت ليلة عشان تقولي و اول ما عرفت جيتلك جري
عبدالله بغضب : روح اندهلي لارا بسرعة
مصطفى بخوف : ابوس ايدك هيفرموني و الله
عبدالله : قولت اندهلها
بعد دقائق دلفت لارا و اغلقت الباب خلفها
لارا : حضرتك ندهتلي يا جدو ؟
عبدالله بحدة : ايه السبب الي يخليكي تعملي كدة ؟
لارا بتوتر : عملت ايه ؟
عبدالله : كنت عارف من البداية انك عملتي حاجة غلط … بس ما توقعتش انك هتوصلي للمرحلة دي .. ايه الي يخلي بنت بسنك تعمل في بنت عمها كدة ؟ دلوقتي حالا هتقولي كل حاجة
لارا : انا معملتش حاجة .. هيا الي بدأت
عبدالله : عملت ايه ؟؟ اتريقت عليكي ؟ ده سبب كافي عشان تأذيها كدة ؟
لارا بغصة : عارفة اني غلطت .. بس ..
عبدالله بغضب : بس ايه ؟! فهميني انتي عايزة ايه بالزبط ؟! ليه بتأذي بنات عمك بالشكل ده ؟ مش احنا اتكلمنا و قولتي هتبقي احسن .. ايه الي حصلك ؟
لارا ببكاء : انا عملت كدة من حرقة قلبي .. كلهم بيتريقو عليا و بيدايقوني و محدش بيدافع عني خالص
عبدالله : و انا روحت فين من كل ده ؟! ليه ما بتيجي تقوليلي و انا اعاقبهم زي كل مرة
لارا : حضرتك عارف كل حاجة و مش بتعملهم حاجة .. لو انا دايقت اي وحدة بتعاقب على طول من غير ما حد يشتكيلك .. بس انا اتبهدلت و اتشتمت و اتضربت كمان و حضرتك ما عملتش حاجة عشاني
عبدالله بصدمة : يا سلام ؟ يعني ايه ؟ انا ظلمتك ؟
لارا بانكسار : حضرتك مش شايف حد غير كارما و حبيبة .. دول الملايكة بالنسبالك .. ما بتعتبرنيش حفيدتك زيهم و كلهم بيعاملوني على اني شيطانة … محدش شايفني و لا حاسس بيا .. الي عملته رد فعل على الي عملوه معايا
عبدالله : رد فعل قولتيلي ؟ الحق مش عليكي … انا ليا كلام تاني مع الي خلفوكي هما الي لازم يتعاقبو .. اطلعي برا
لارا : اهو اول ما انا اغلط الدنيا كلها بتقوم عليا .. لو واحدة تانية الي غلطت مش ….
عبدالله بحدة : قولتلك اطلعي برا من غير نقاش
انتفضت برعب و خرجت بسرعة .. مجرد ان اغلقت الباب بدأت تبكي بحرقة
كارما بشهقة : لارا .. مالك في ايه ؟!
ارتمت في حضنها و ازداد بكائها اكثر
كارما : اهدي يا حبيبتي اهدي .. قوليلي ايه الي حصل
لارا : انا بكرهكم .. بكره العيلة دي كلها .. يا رب خودني عشان ارتاح
كارما : ما تقوليش كدة يا لارا .. اهدي بس و فهميني مالك ؟
لارا ببكاء و شهقات : لما .. انا .. اغلط .. لازم اتبهدل .. بس اي واحدة تانية تغلط محدش بيحرك ساكن
كارما بصدمة : جدو زعقلك ؟
لارا : اه .. منا الحيطة المايلة في البيت ده .. كلكم بتكرهوني .. كلكم
دفعتها و ذهبت تركض باتجاه الحديقة الخلفية
صعدت كارما بسرعة للطابق العلوي حيث يجلس الشباب
كارما : دينا .. ممكن نتكلم شوية ؟
دينا : بعدين .. مش شايفاني بشتغل
كان السباب جميعهم يجلسون على شكل دائرة و امامهم جبال من توزيعات السبوع يقومون بتعبئتها في اكياس زرقاء صغيرة
كارما : خمس دقايق بس يا دينا عشان خاطري
دينا : امري لله يا ستي .. هاتي ايديك
مدت كارما يدها و ساعدتها على الوقوف
حبيبة : انا مش فاهمة ليه كل ده ؟ منا طلبت حاجة السبوع كلها اونلاين
حلا و هي تأكل : جدك عايز الحاجة تبقى كتيرة و قد المقام
غادة : طب بطلي اكل ابوس ايدك ما سبتيش حاجة للناس الي هتيجي
حلا : ما تقلقيش خير ربنا كتير اهو .. اااه معدتي بتوجعني اوي
ليلة : ما انتي خلصتي على التوفي كلها جاتك القرف
زياد بملل : ما بيردش برضو
حبيبة بقلق : انا بدأت اقلق بجد .. المفروض وصل من ساعتين
زياد : معرفش ده قافل موبايله
حبيبة بخوف : كلم .. كلم حازم او حد من الفرع الي هناك و اسأله
زياد : حاضر اهدي انتي بس
قام زياد و اتجه الى البلكونة لاجراء المكالمة
حلا : ما براحة يا بت مش هيسيبكم و يهرب
حبيبة بقلق : هو وعدني هيكلمني كل شوية و يطمني
تميم : تلاقيه مشغول شوية .. ما تخافيش اكيد هيكلمك
اتى زياد و قال : حبيبة خودي اوس عايز يكلمك
اخذت الهاتف بسرعة و ردت
حبيبة : اوس .. انت فين ؟ ليه مش بترد على الموبايل ؟
اوس : اسف يا حبيبتي و الله نسيت الموبايل في العربية .. انا لسا واصل المكتب حالا
حبيبة : طب انت كويس ؟
اوس : اه يا روحي ما تقلقيش .. اول ما اخلص هرجعلك على طول
حبيبة : ماشي … اه صحيح حازم عامل ايه دلوقتي ؟
نظر لها زياد و عيناه تبرق
حبيبة بتوتر : قصدي ان ليلة يعني بتسأل عليه
اوس بابتسامة : هو كويس و بيسلم عليها .. بكرا هييجي معايا هو و مراته
حبيبة : اوك توصلو بالسلامة .. بس ما تقفلش موبايلك تاني
اوس : حاضر يا حبيبتي .. خودي بالك من نفسك و من كنان .. انا هقفل دلوقتي و هكلمك اول ما اخلص
حبيبة : ماشي يا حبيبي
اوس : بحبك
حبيبة بابتسامة : و انا كمان
انهت المكالمة و اعطت الهاتف لزياد
حلا بقرف : كمية تلزيق تسد النفس اقسم بالله
فارس : محن متجوزين .. ربنا يوعدنا يا رب
حلا : اقسم بالله لو سمعتك بتقول الكلام الزبالة ده هديهالك بوشك
فارس : ليه كدة ده انا محترم جدااا
******************
اتجهت دينا للحديقة الخلفية حيث تجلس لارا … جلست بجانبها بهدوء
دينا : ايه الدموع دي ؟ ده انا كنت فاكراكي جبلة ما بتحسيش بحاجة
لارا : اخفي من وشي يا دينا مش ناقصاكي
دينا : براحة يختي انا جاية اواسيكي
لارا : مش عايزة اسمع نصايحك .. قومي من هنا
دينا : نتكلم جد شوية ؟
لارا : لا .. خلي الصمت العقابي شغال اهو ارتحت من قرفكم
دينا بذهول : يااااه ده انتي عارفة كل حاجة اهو
لارا بغضب : دينا قومي من هنا .. اقولك .. خليكي انا هقوم
امسكتها دينا من معمصها و قالت : اقعدي .. خلينا نتفاهم الاول
لارا : قصدك تسمعيني محاضرات .. انا مش عايزة اسمع شكرا .. و لو عايزة تعايريني برضو مش عايزة اسمع