_سمر_
خليها بس تحبسك.. وأنا كفائه أهربك ف عز الضهر وأخط،فها كمان.. قوم أنته بس خدلك دش..
لحد ما أجهزلنا حاجه ناكلها
_سمير يقفل الدولاب ولسه هيروح الحمام..
يتفاجئو بدخول حد البيت
_سمير وسمر بسرعه وف هدوء..
كل واحد فيهم يطلع سلا،حه..
وسمير يكلم سمر بلغه الإشارة
_سمير بالاشاره_
أنا هخرج وإنتي هتفضلي هنا..
وهنعمل عليه كماشه..
بس ما تخرجيش إلا بعد إشاره مني
_سمر بالاشاره_
تمام
_ويخرج سمير يتفاجئ بدخول أربع بنات..
اللي كانت داليا بعتاهم المستشفى عشان يساعدو سمير ف خط،ف نور
_سمير ينزل سلا،حه_
إنتوا خرجتو من السجن أمتي..
وإيه اللي جابكم هنا
_واحده من الأربع بنات_
إحنا لسه خارجين النهارده..
وبعدين إحنا ما نعرفش حد غير الغاليا..
هيا فين..وليه ما سألتش علينا طول الفتره دي كلها
_سمر تتأكد إن الدنيا برا أمان..
ف تخرج وتقف ورا سمير
_سمير_
الغاليا ما،تت بسكته قلبيه..بعد ما اتقبض عليكم..
ودلوقتي تخرجوا من هنا وما ترجعوش هنا تاني..
عشان اللي هشوفها منكم هضايقها..
_(ويعلي صوته)_ برااااااااااا
_الأربع بنات واقفين يبكو على خبر مو،ت الغاليا
_سمر تطلع سلا،حها وتشد الأجزاء وبكل غضب_
كملوا عياط برا إنتي وهيا..
_(وتعلي صوتها)_ إطلعو براااااااا
_سمير بعد البنات ما خرجو_
سمر خلي عينك عليهم..
عشان دول تربيه الغاليا..
وممكن يعملولنا مشاكل..ويمكن...
_سمر تقاطعه_
ويمكن يوصلونا للباشا الكبير..ولمكان نور
_سمير_
بالظبط كده..
وعشان كده ما يغيبوش عن عينك لحظه..
وأنا هدخل آخد دش وهروح للظابط نوره
_سمر_
تمام..أنا هخلي حد يراقب الأربع بنات دول..
وأنا هروح النادي أرتب مع البنات..
عشان نكون جاهزين لتهريبك من القسم..
لو الظابط نوره حجزتك
___________________________
__(المقر البديل للباشا الكبير)__
_ميري_
بعد إذنك يا باشا..أنا فيه حاجه محيراني..
ومش لاقيه ليها تفسير لحد دلوقتي
_الباشا_
خير يا ميري..إيه اللي محيرك
_ميري_
وجود نور ف وسطينا..
وإحنا كده كده لا هنستفيد منها..
ولا هيا هتفيدنا بحاجه..
وأنا وأختي ما قصرناش ف حاجه..
يبقي إيه سبب وجودها ف وسطينا
_الباشا_
بالنسبه لنور أنا مش جايبها ف وسطينا..
عشان أستفيد منها..أو عشان تفيدني بحاجه..
نور إتسببت ف كشف شغلي..
وكشفت الناس اللي شغالين معايا..
وحاولت إنها تكشفني أنا شخصيا..
نور أنا مخليها قدام عنيه..
عشان أحاسبها بالبطئ هيا وإصحابها ..
أما بالنسبه ليكي أنتي وأختك..
وأنكم ما قصرتوش ف حاجه..
ف لأ يا ميري..أنتو الاتنين قصرتوا..
أختك أنتي عارفه هيا قصرت ف إيه..
وأنتي أهملتي شغلك..
تقدري تقوليلي هبه فين دلوقتي..
وبتعمل إيه وبتخطط ل إيه
_ميري بتردد_
هبه ف البانسيون
_الباشا بغضب_
هبه مش ف البانسيون..هبه سابت البانسيون..
وبعدين إتواصلت مع الزبون اللي راح هدد الدكتوره..
وبعدين راحت زياره للسجن..
وبعد كده انقطعت أخبارها
_ميري_
هوصلها وهجبها..
أنا بس إنشغلت بمشكله سهيله..
وأنا أمر أختي يهمني أكتر من هبه
_الباشا بغضب وصوت عالي_
وهبه دي شغلك..
وشغلك أهم من أختك ومنك إنتي شخصيا..
قدامك 24ساعه وتعرفيلي هبه فين وبتعمل إيه..
إتفضلي
بقلم...محمد طه
_ميري_
حاضر..
إتفضل دي المعلومات اللي طلبتها نور
_____________________________
__(ف القسم)__
_(من داخل مكتب الظابط نوره)_
_العسكري_
فيه واحد برا إسمه سمير عايز يقابل حضرتك
_الظابط نوره_
خليه يدخل وخليك معاه ما تخرجش
_يدخل سمير والعسكري معاه..
ونوره مش عاطيه ليه أي إهتمام..
وبتراجع ملف قضيه قدامها ع المكتب
_سمير_
أنا سمير..جاي أسلم نفسي..
وأعرف أنا متهم ف إيه بالظبط
_نوره وهيا باصه ف ملف قدامها
حط الكلابشات ف إيديه يا عسكري
_سمير بغضب_
يا أفندم ليه الكلابشات..
أنا اللي جاي مسلم نفسي
_نوره تقفل ملف القضيه اللي كانت بتراجعه..
وتبصله بغضب
_نوره بغضب_
يعني إيه جاي مسلم نفسك..
أقول لحضرتك أتفضل أقعد مكاني..
وأطلبلك واحد لمون يهدي أعصابك
_سمير بغضب_
يا أفندم أنا عايز أعرف أنا متهم ف إيه
_نوره بتجاهل لسمير_
يا عسكري..روح أبعتلي الكاتب..
_(وتبص لسمير)_
ف المحضر هتعرف أنته متهم ف إيه
_سمير بغضب_
يا أفندم حضرتك عارفه ومتأكده..
إني ما ليش يد ف تفج،ير المبني
_نوره_
بس أنته مش متهم ف قضيه تفج،ير مبني..
أنته متهم ف قضيه تانيه خالص
_سمير بتوتر_
قضيه تانيه..قضيه إيه..
أنا متهم ف إيه بالظبط
_نوره بهدوء_
ما تستعجلش..
قولتلك هتعرف أنته متهم ف إيه ف المحضر
_____________________________
__(في النادي)__
_(سمر جمعت البنات وبتديهم التعليمات)_
_سمر_
إسمعو يا بنات..
طبعا كلكم عارفين سمير..
اللي كان بيتدرب معانا هنا ف النادي..
وطبعا عارفين إن أنا وسمير..
عمرنا ما هنورطكم ف مشاكل..
بس إحنا دلوقتي واقعين ف مشكله..
ومحتاجين مساعدتكم..
ومساعدتكم مش هتكون ببلاش..
اللي هتطلبوه هتاخدوه وبذياده..
ها.. هتقفو معانا وتساعدونا..
ولا أشوف حد غيركم
_البنات كلهم ف صوت واحد_
إحنا معاكم
_سمر_
على بركه الله
__________________________
__(في المستشفى مكتب المديره)__
_(إتصال تلفوني الدكتوره وشاكر)_
_الدكتوره_
ها يا شاكر..
عرفت حاجه عن الراجل وإبنه
_شاكر_
أيوه يا دكتوره عرفت كل حاجه
_الدكتوره بإهتمام_
طب قولي..
بعد ما خرجو من المستشفي راحوا فين
_شاكر_
لأ يا دكتوره..
دي الحاجه الوحيده اللي ما عرفتش أوصلها..
لأنهم بعد ما خرجو من المستشفي..
دخلوا ف أماكن ما فيهاش كاميرات..
وأختفو وما قدرتش أتتبعهم
_الدكتوره بنرفزه وعصبيه_
أومال عرفت إيه يا شاكر..
وبتقولي عرفت كل حاجه
_شاكر_
يا دكتوره دول عملوا مصيبه..
قبل ما يدخلوا المستشفي
_وقبل الدكتوره ما ترد..
باب المكتب يتفتح..وتدخل واحده منقبه..
وتقفل الباب وراها..وترفع النقاب وتكشف وجهها
_والدكتوره كانت قاعده على المكتب..
تقوم تقف وإيدها على زرار جرس الإنذار
_الدكتوره بتوتر وقلق_
هبه.............