_الباشا بإهتمام_
طلبت منك إيه نور
_الدكتور_
طلبت مني إني أهربها..وأنا جاريتها ف الكلام..
لحد ما أبلغ حضرتك وتقولي أتصرف إزاي
_الباشا بكل غضب_
تعالا ورايا.._(وأخد الدكتور وراحوا عند نور)_
_الباشا بشر_
عايزه تهربي ليه يا نور
_نور بابتسامه_
كده خالصين يا باشا..
أنته راهنت على ذكائي وجلت مني..
وأنا راهنت على ذكائك وجلت منك
_الباشا بعدم فهم_
مش فاهم
_نور بثقه_
يا باشا إحنا بنتعلم منك..
وزي ما حضرتك بتعمل إختبارات للي شغالين معاك..
أنا كمان عملت إختبار للدكتور..
عشان اشوف ولائه لفرد ولا للمنظومه كلها..
ونجح ف الاختبار..
وبعدين أنا قولت إن سعادتك هتقرا الحوار..
وتفهم إنو إختبار..
وبعدين أنا لو هربت منك هروح فين..
مفيش قدامي غير أصحابي واصحابي تحت عنيك..
يعني بكل سهوله هتقدر تجيبني انا واصحابي..
وتأذينا بكل سهوله
_الباشا حس إنو ف نص هدومه..
وإن نور علمت عليه..فحاول ينقذ الموقف بتهديد
_الباشا_
أنا هبلع اللي حصل دا بمزاجي..
وهعتبر إنو إختبار زي ما بتقولي..
وكويس إنك عارفه إن إصحابك تحت عنيا..
وف أي لحظه بإشاره مني أدفنهم كلهم
_(ويسيبهم ويخرج والدكتور يتأكد إنو أبتعد)_
_الدكتور_
الخطوه اللي عملناها دي..هتخليه يركز معاكي أكتر..
وأنا مكنتش موافق على الخطوه دي من الأول..
ممكن بقي تفهميني إيه اللي ف دماغك
_نور_
اللي ف دماغي هقولك عليه واحده واحده..
بس المهم تنفذ اللي أقولك عليه بالحرف..
ومش لازم تغلط
_الدكتور_
حاضر يا نور هنفذ اللي هتقولي عليه..
_(ويطلع السلا،ح اللي عطهولو فهد)_
بقولك إيه يا نور..
أنا أتأكدت إن السلا،ح ده..
ما فيهوش أي أجهزه تسجيل..
وبصراحه أنا مليش ف الأ،سلحة وضر،ب النا،ر..
ومبحبش أشيل سلا،ح..خديه خليه معاكي
_نور_
ماشي يا دكتور هاته..بس أنته متأكد إنو نضيف
_الدكتور_
متأكد..السلا،ح نضيف لا فيه جهاز تسجيل..
ولا كاميرا ولا طلقات
____________________________
__(من أمام القسم)__
_فهد_
سهيله..أنا بأكد عليكي لآخر مره..
ما تتصرفيش من دماغك..
كل اللي مطلوب منك تعرفي سمير متهم ف إيه..
ولو سمر جاتله زياره تراقبيها..
وتشوفي وتعرفي هيا بتعمل إيه
_سهيله بكره وغل_
بس أنا لو شوفت سمر مش هقدر أمسك روحي
_فهد بتهديد_
لو ما قدرتيش تمسكي روحك..
أوعدك أن روحك هتطلع على إيدي
_سهيله بكره_
أطمن يا فهد..أنا بس هعلم عليها..
وهديها درس عمرها ما هتنساه
_فهد بغضب_
سهيله..حسابك القديم لسه ما اتقفلش..
ف متخليش حسابك يتقل..
أعملي اللي مطلوب منك وبس
_سهيله_
خلاص يا عم فهد هعمل المطلوب مني..
_(وبعد نص ساعه تلاحظ إن فهد..
متواجد معاها وممشيش)_
_سهيله_
هوه أنته معايا ف المهمه ولا إيه..
قولتلك خلاص هعمل المطلوب مني..
أطمن وطمن الباشا
_فهد_
أنا ف مهمه تانيه..والهدف بتاع مهمتي..
موجود هنا ف القسم..(ويسكت شويه)
إلا قوليلي يا سهيله..لو أنا عايز بنت تحبني أعمل إيه
_سهيله بعدم فهم_
نعم..وأنته بقي عايز مين تحبك إن شاءالله
_فهد بعصبيه_
وإنتي مالك مين ولا مش مين..
جاوبي على قد السؤال
_سهيله_
خلاص يا عم أنته عصبي ليه كده.._(وتسكت)_
_فهد بعصبيه_
ساكته ليه ما تجاوبي
_سهيله تتخض_
حاضر..هوه على حسب خبرتي..
لو عايز بنت تعشقك..
أتحر،ش بيها.. أو قولها كلام قليل أدب..
هما البنات بيحبو الواد الجرئ وقله الأدب
_فهد بغضب_
أتفووو عليكي..أسكتي أسكتي
_بقلم...محمد طه
_سهيله بإندهاش_
ما أنا كنت ساكته..أنته مش طبيعي عالفكره
_(وتخرج الظابط نوره من القسم..
وفهد يتحرك وراها)_
_سهيله بمكر_
وربنا يا فهد ما أمسك عليك حاجه..
لأذلك زله الكلاب..وهخليك زي الخاتم ف صباعي
___________________________
__(في المستشفى)__
_سمر جمعت البنات وبتديهم التعليمات النهائيه ف خطه تهريب سمير من القسم
_سمر_
اسمعو يا بنات..
إن شاءالله الليله هنهجم على القسم وهنطلع سمير..
والخطه زي ما هيا مفيش فيها تغيير..
والدخول والخروج يكون ف أقل من خمس دقايق..
وفيه بنتين منكم هيفضلو هنا ف المستشفي لمراقبه الدكتوره..
ولمراقبه أي شئ غريب يحصل ف المستشفي
__(مكتب المديره)__
_أم محمد_
أنا نهله صعبانه عليا أوي يا دكتوره
_الدكتوره_
صعبانه علينا كلنا..اللي حصلها برضوا مش قليل..
خطف نور بنت خالها ومو،ت علي..
الله يكون ف عونها
_أم محمد بزعل_
أنا لولا إني عارفه حالتها كويس..
كنت قولت عليها إنها مدمنه
_الدكتوره بإستغراب_
مدمنه..مدمنه إزاي يعني
_أم محمد_
مستسلمه كده وجسمها بدأ يقل..
دي تقريبا ظهر عليها أعراض المدمنين بالظبط
_الدكتوره_
هيا إن شاءالله هتتجاوز المرحله دي..
إنتي بس خليكي جنبها..وحاولي تشغليها بأي حاجه
_أم محمد_
والله أنا فكرت ف حاجه كده..
بس خايفه ليكون مش وقته
_الدكتوره_
خير يا أم محمد..أوعي تكوني عايزه تخطبيها لشاكر
_أم محمد_
عمرك أطول من عمري يا دكتوره
_الدكتوره_
على بركه الله..وألف مبروك مقدما
__(في غرفه نهله)__
_هبه تعمدت إنها تأخر الجرعه على نهله..
عشان تبتدي ف تنفيذ خطتها..
_ونهله جسمها بدأ يفتقد لجرعه الهروين..
وبدأت نهله تحس بألم شديد..
ف راسها وف جسمها كله
_نهله بوجع_
هبه..روحي هاتيلي الدكتوره بسرعه
_هبه بابتسامه_
بس الوجع اللي عندك ده..علاجه مش عند الدكتوره..
علاجه ف كوبايه العصير اللي بجيبهالك كل يوم
_نهله بوجع شديد_
وفين كوبايه العصير..روحي هاتيها بسرعه
_هبه_
كان على عيني..بس يا خساره..
السكر اللي كنت بحطهولك ف العصير خلص..
وأنا مش معايه أجيب تاني
_نهله بوجع_
هديلك كل اللي هتقولي عليه..
بس أبوس إيدك هاتيلي كوبايه العصير..
أبوس إيدك هاتيلي العصير
_(هبه بدأت تشغل تلفونها وبدأت تصور نهله فيديو)_
_هبه بابتسامه_
بس أنا مش عيزاكي تبوسي إيدي..
أنا عيزاكي تنزلي تبوسي رجلي وتترجيني
_نهله بكل وجع وألم ومن غير ما تفكر..
تنزل ع الأرض وتبوس رجلين هبه وتترجاها
_هبه بابتسامه كبر_
خلاص كده كفايه قومي..
فيه بقي كمان حاجه مهمه عيزاها منك
_نهله باستعجال_
هديلك الفلوس اللي هتقولي عليها
_هبه_
بس أنا مش عايزه فلوس
_نهله بعد تفكير_
لو عايزه نور..أول ما هعرف حاجه عنها هقولك
_هبه باستفزاز_
بس أنا مش عايزه نور
_نهله بوجع_
طيب إنتي عايزه إيه عشان ترحميني من الوجع اللي هيمو،تني ده
_هبه بنظره شر_
جسمك..عايزه جسمك
_نهله بعدم فهم_
إزاي يعني مش فاهمه..هتعملي إيه بجسمي
_هبه بكره وسفاله_
فيه دكتور أمور عايز ينام معاكي..
وبعد ما هياخد مزاجه منك..
هيديلك العلاج..ها قولتي إيه
(نهله من غير تفكير لأن عقلها بقي مغيب من شده الألم والوجع)
_نهله باستعجال_
موافقه موافقه
_(وأخدت هبه نهله وراحت عند الدكتور)_
_هبه_
جاهز يا دكتور
_الدكتور_
جاهز وتحت أمرك يا هانم
_هبه_
طب يلا وريني شقاوتك
_وبدأ الدكتور يقلع نهله هدومها..
وهبه بدأت تصورهم فيديو..
وبعدين هبه سابتهم وخرجت..
وعملت إتصال تلفوني
_هبه_
ألو..شرطه الآداب..كنت عايزه أبلغ عن جريمه آداب..
أكتب عندك العنوان
_وبعد ما خلصت المكالمه..
فيه إيد أتحطت على كتفها من الخلف.............