رواية القاسي والبريئه الفصل الواحد والعشرون21 بقلم ايمان ابراهيم

احمد ونهلة بعد ما جاسر مشى نهلة قالت هو جاسر ازاى بقى كده كانى شايفة واحد تانى معرفش ليه  كل ما احاول اقنع نفسي انه اتغير الاقى انه مش بيتغير او انا بقى اللى مش عارفه اتعامل معاه انا مش عايزة اخسره ده اخويا برضه وعايشين فى بيت واحد قلبى مش هيطاوعنى اقاطعه ده انا هبقى عمة اولاده ربنا يهديك يا جاسر بجد احمد قالها بصى يا نهلة جاسر طول عمره عنيد ورايه من دماغه والتعامل معاه متعب جدا  ولازم تبقى سياسية اوى اوى والا فعلا هتخسريه انا نفسي ساعات بحس ان ممكن افقد اعصابى فى لحظه واخسره بس لازم يعرف اننا كبرنا ولينا حياة ومينفعش يدخل فيها طول الوقت وده مش هيقل من  احترمنا ليه كاخ بس كمان ميتحكمش فينا كاننا لعبه  لازم يفهم ان فى حدود زى ما احنا مراعيين ده هو كمان لازم يراعيها  ومش كل حاجه يقولها لازم نوافق عليها  واللى حصل معاكى ده لازم نتعلم منه عشان ميحصلش تانى نهلة قالتله معاك حق الواحد بيتعلم وقت الازمات والمشاكل وربنا يستر ويهديك يا جاسر ويكون فى عون هديه الصراحة وعلى دماغه دى .

شريف كان مبسوط جدا مع ليندا وقضى يوم جمييل  وخلصوا غدا  وقعدوا يتكلموا مع بعض وشريف كان بيسال ليندا  عايز يعرفها ويعرف حياتها كانت ازاى قالها انتى بقالك كتيير هنا يا ليندا قالتله اه بقالى سنه ونص تقريبا ومبسوطة هنا مش حاسة انك وحيده خصوصا انك بنت ولوحدك مش بتخافى يعنى قالتله اول ما جيت كنت متوترة وخايفة بالذات خايفة انى افشل او مقدرش اثبت نفسي فى شغلى لكن مع الوقت قدرت اتغلب على الخوف ونجحت فى شغلى الحمد لله وانت جيت اهو ومبقتش لوحدى بصراحة وجودك معايا فرق كتيير اوى .

شريف قالها فرق فى ايه ممكن اعرف قالتله انك انسان مريح ومحترم فى التعامل ومن ساعة ما جيت عمرى ما حسيت انى خايفة منك وملتزم ومش بتاع حركات زى اللى ساعات بتعامل معاهم بحكم شغلى وده طمنى حتى لما قلتلى يا ديدا مقلقتش منك خالص حسيت انك بتقولها فعلا بنيه صافيه  اوى انا مش بقرب من اى حد كده ولا بثق انى ابقى لوحدى كده لكن انت فعلا مختلف فعلا ياشريف وانا بجد مبسوطه انى معاك شريف اتبسط اوى من كلامها قالها وانا الصراحة قلقان من انبساطك ده الصراحة 😄 بصتله كده وقالتله ليه كده يا شريف فضحك وقالها اصل انتى انبساطك ده هيجى على دماغى بغرامه وانا غرمت فطار وغدا لحد دلوقتى كفايه انبساط بقى لحد كده ابوس ايدك 😄😄😄😄  ليندا ضحكت اوى وقالتله اخص عليك خضتنى بجد افتكرت فى حاجه زعللتك بصلها بحنيه وقالها انتى مينفعش حد يزعل منك يا ليندا بجد  🥰🥰  ليندا فى فراشات فراشات بطير 😉😉  اتكسفت وبصت فى الارض وابتسمت بخجل وقالتله شكرا يا شريف راح قالها يعنى قدرت انسيكى العشا ولا اييه 😄😄  قالتله برضه يا شريف مفيش فايدة يعنى بس بجد انا بقى اللى هعزمك وبشرط تسيبنى اعزمك بجد مش كلام عايزة احس انى عملت حاجه عشانك قالها كل ده ومعملتيش انتى لو تعرفى انا بقالى قد ايه متفسحتش واتبسطت كده انتى اسعدتينى بجد وانا عايز نعمل كده كل ما يبقى فى فرصه ليندا قالتله خلاص اتفقنا  بص بقى احنا نروح دلوقتى ونبقى نتفق على موضوع العشا ده  ماشي قالها خلاص اتفقنا وليندا وصلت شريف قبل ما ينزل مد ايده عشان يسلم عليها وهى راحت مدت ايدها عشان تسلم عليه وهما بيسلموا ليندا  اول ما شريف لمس ايدها ارتبكت اوى  وهو حس بكده 😊😊 راحت سحبت ايدها وقالتله اشوفك على خير يا شريف رد عليها هستنا تليفونك انا مش هنسى ماشي قالتله متقلقش ولا انا  مع السلامة يا ليندا ونزل وشاورلها سلام ومشيت .

شريف طلع البيت وهو حاسس ان قلبه مش على بعضه حتى نبضات قلبه كانت سريعة قال لنفسه ايه يا شريف انت ملحقتش معقول يبقى فى حاجه بالسرعة دى هى ليندا تتحب اه واوى كمان بس لازم اتاكد انه مش مجرد شعور واحساس مؤقت لان ده هيتحدد على اساسه حاجات كتيير وانا مش مستعد اجى فى نص الطريق واقف تانى اما اشوف هى كمان احساسها ايه عشان بجد مش عايز اخسرها ودخل ياخد دش بعد اليوم الطويل ده .

ليندا برضه روحت وهى خلاص هتعيط من الفرحة مش مصدقه ان شريف اللى كان بالنسبالها زى النجمة اللى فى السما كان معها  وبيكلمها  واليوم كله تقريبا معها واللى كان مستحيل بقى ممكن بس يبقى احساس اكيد مش تعويض عن حاجه مكملتش مع انها حاسه من نظرات شريف اللى كانت متغيرة  مش نظرات صديق لا فى كده نظرة جديدة الست بتحسها برضه 😉☺️☺️  بس قالت خلى كل حاجه تاخد وقتها .

عند جاسر بعد ما خلص كلام مع اخواته راح بقى يشوف هديه دخل الاوضه لقاها بتعيط وزعلانه اوى راح قاعد قدامها وقالها ليه كل ده يا هديه عشان قلتلك منقلش دلوقتى نوع التوام ايه الحق عليا خايف عليكى يا حبيبتى راحت هديه قالتله خايف عليا من اهلى انت مصدق نفسك قالها لا طبعا مش ده قصدى انا عارف انهم هيفرحوا ووارد فى مرة بالغلط يتقال وبعد الشر يحصل حاجه انا مش بتوقع الوحش بس الحاجات دى بتحصل وكنت بشوفها  ومش هتتحمل انها تحصل ليكى يعنى خوفى عيكى يضايقك هديه كانت بقت اهدا  شويه وقالتله لا طبعا ميضايقنيش بس انا ممكن انبه على ماما متقولش خالص لاى حد  لانى مش هقدر  ابقى عارفه واخبى عليها قالها طيب ما انا اخواتى سالونى وقلت هنعرف وقت الولادة يعنى انا اللى عايز اخبى انا بس مستنى تعدى فترة الحمل والولاده على خير مش اكتر قالتله معلش بقى يا جاسر انا عايزة اعرف ماما قالها يعنى كل اللى قلتله ده ومفيش فايدة قالتله انت كل اللى طلبته  قبل كده انا عملته لكن المرة دى اسمع كلامى  مش هيجرا حاجه قالها طيب يبقى مش اول ما نعرف خليها متاخر شويه  مش علطول ونبقى نتفق هنقول امتى  وخلاص بقى كفايه كلام  فى الموضوع ده الدكتورة كانت  لسه بتقول بلاش انفعال ولا انتى عايزة الاولاد يطلعوا عصبين قالتله هو انا اللى فتحت الموضوع ولا انت وكمان مش مستنى لما نعرف لا من اولها بتقول قالها انتى عارفه انا مش بحب اسيب الحاجه كده للظروف احب  كل حاجه تبقى واضحة  ماشي يا هديه راح بايسها من راسها عشان تهدا هديه لما هو عمل كده قالتله خلاص ماشي المهم انى مش هخبى على ماما  قالها طيب ايييه بقى 😉😉 قالتله ايه قالها جعان مش هاكل بقى قالتله حاضر هقوم احضر الاكل راح مسكها من وسطها وقالها مش ده الاكل اللى انا اقصده تعالى بس وانا هقلك 🫣😊😊😊  يلا بقى عيب نسيبهم ونمشي 😄😄 .

جاسر قام من النوم راح اخد دش ويستعد عشان يروح الشغل وهديه كانت بتحضر الفطار صباح الخير يا هدهد قالتله صباح النور يا جاسر قالها يا حبيبى صباح الخير يا حبيبى هااا صباح ايه قالتله صباح الخير يا حبيبى ايوة كده  وقعدوا وفطروا وقالها هتعملى ايه النهاردة قالتله ممكن اقول لماما تيجى يعنى لسه مفكرتش هشوف قالها طيب انا هروح الشغل بقى اذا  فى حاجه ابقى كلمينى قالتله حاضر  وسلم عليها ومشى .  فات وقت هديه خلصت البيت وكل حاجه وحست انها زهقانه قالت تنزل تتمشي شويه ومطلبتش جاسر تقوله  قالت هى ١٠  دقايق بس تمشي رجلها  وارجع وممكن كمان اعدى على ماما تنزل معايا  وفعلا راحت لمامتها وامال فرحت اوى لما لقتها هديه حبيبتى ازيك ايه المفاجاة دى تعالى يا قلبى اقعدى طمنينى ازيك والحمل كله كويس قالتلها الحمد لله يا ماما انا كويسه امال قالتلها ليه يا بنتى تتعبى نفسك وتنزلى كنتى قلتى وانا اجيلك قالتلها ليه يا ماما يعنى انا  زهقت قلت امشي رجليا وقلت اخليكى تيجى معايا امال قلتلها ياريت انا كمان عايزة امشي رجلى ثوانى واكون جاهزة وننزل مع بعض وجهزت ونزلوا مع بعض وهديه شافت كمال بابا حبيبى ازيك كمال قالها ازيك يا ينتى ايه المفاحاة الحلوة دى ولله زمان والعمال اللى كانوا مع باباها فرحوا بيها وسلموا عليها  ازيك يا ست هديه وحشتينا عاش من شافك والله بنوصل السلام مع جاسر بيه ولا بيقول حاجه وربنا 🤔😄  هديه قالتلهم طبعا بيقولى الله يسلمكوا يارب اشفكوا بخير علطول كويس انى شفتكوا  كمال قالها  ايه على فين كده وواخده ماما معاكى قالتله هنتمشى شويه يا  بابا الارض والزرع وحشونى عايزة امشي واشم ريحتهم قالها وماله حبيبتى يلا خدى ماما عقبال ما اخلص وهاجى معاكوا وفعلا اخدت مامتها  وراحوا يكملوا مشى .

جاسر قال يتصل بهديه عشان يطمن عليها فضل يرن يرن ويرن 😠😠  يختااااى ملحقناش يا عم والنبى البت زهقت نزلت تمشى رجلها شويه ناقص لما تيجى تعطس تقلك 😁  ربنا يستر 🙆‍♀️  جاسر اتعصب وفضل شويه كده ومقدرش مبدهاش بقى راح واخد بعضه وقام ومشى واخد فى وشه بقى زى القطر اللى هيقف فى وشه هيتفرم  كله يبعد بقى القطر معدى 😳  وصل جاسر البيت وينادى هديه هديااااا  وفكر شويه وقال اكيد عند مامتها ونزل ورايح عندهم وهو فى طريقه شاف كمال ازيك يا عمى ازيك يا جاسر يابنى خطوة عزيزة  يعز مقدارك يا عمى انا جاى اشوف هديه قالوا طيب تعالى نشرب قهوة عقبال ما تخلص مشى مع مامتها ياعم الحج هو شايط اصلا  اهدا والنبى 🤌🤌 كمال قال انت جيت بدرى يعنى النهاردة يا جاسر خير يابنى قاله لا ابدا انا قلت اجى اسلم عليكوا  لانى اتشغلت الفترة اللى فاتت وقصرت معاكوا شويه شوف والنبى الراجل ياااخرابى منك 😎😎  كمال قالوا نورتنا يابنى اهى هديه جت اهى هديه شافته من هنا  لا اوعى تولدى دلوقتى استنى لسه بدرى 🤌😄  بس لما تروحى بقى ملحقتيش ياختى ملحقتيش  قالتله جاسر ايه ده جيت بدرى يعنى قالها اه  قلت اجى اسلم على طنط وعمى قبل ما نروح قالتله اه طبعا يلا بينا امال قالتلهم طيب نتغدا بقى مع بعض جاسر قالها معلش يا طنط اعفينى المرة دى انا ورايا لسه شغل هكمله فى البيت خليها مرة تانيه قالتله خلاص وعد هنستناكوا انتوا اصحاب بيت تيجوا فى اى وقت قالها اكيد يلا يا هديه سلمت على باباها ومامتها ومشيت معاه اول ما دخلوا البيت جاسر رمى المفاتيح وراح لافف وحط ايده فى جيبه ومقرب من هديه وبصلها فى عينيها اول واخر مرة تنزلى ومتقوليش والا مش هخليكى تخرجى من باب البيت سامعه 😠  ولا لا  هديه قالتله ليه كل ده ايه اللى حصل زهقت قلت امشي رجلى واروح لماما شويه فيها ايه هو انا فى سجن ولا ايه ولا كل ما هاجى اتنفس هاخد اذنك قالها اذا عايزة تعتبريها كده يبقى اه  .

هديه قالتله كده طيب اوعى بقى والله ما انا  بايته معاك فى اوضه واحده  قالها نعم قالتله اللى سمعته وانا لولا انى مش عايزة اضايق بابا كنت اخدت بعضى وروحت بيتنا  انت اييه ايييه مبتتعبش حرام عليك وسابته وراحت تنام فى الاوضه التانيه وقفلت الباب عليها بالمفتاح جاسر راح واح وفضل يخبط افتحى يا هديه احسنلك قالتله ايه يعنى هتعمل ايه قالها عايزة تعرفى بجد !! .

ياترا جاسر ممكن يعمل ايه وهو شخص مش بيقبل الرفض الله يسامحك يا جاسر ياللى جايبلى الكلام