رواية القاسي والبريئه الفصل الرابع والعشرون24 بقلم ايمان ابراهيم

هديه بعد ما شافت رسالة جاسر مردتش بس هو طبعا عرف انها شافتها  هو زعل شويه انها مردتش بس معلش يعنى هى حقها انت عملتك منيلة بنيلة رعبت البت لازم يسكت ويتحمل كل فعل ليه رد فعل وقفل التليفون ونام وهديه نامت برضه لانها كانت تعبانه من التوتر وشده الاعصاب .

النهار بدا يطلع والكل بدا يصحى عشان يستعدوا ليوم جديد هديه صحيت من النوم وكانت احسن شويه واعصابها هديت قامت عشان تساعد مامتها فى تحضير الفطار امال قالتلها صباح الخير يا قلب ماما ايه اللى صحاكى بدرى كده قالتلها صباح الفل يا ست الكل انا لقيت عينى فتحت قلت اقوم بقى وعارفه انك بتقومى بدرى قلت اجى اساعدك ونفطر مع بعض وحشنى اوى الفطار معاكوا يا ماما اوى امال قالتها واحنا كمان يا نور عينى انتى وحشتنا قعدتك معانا وصباحك العسل ده طيب يلا بقى خدى الحاجات اللى عندك دى وانا هحصلك وهنادى على بابا واختك لقوا رقيه واقفه قالتلهم اختها صاحيه اهى وجت بنفسها اى خدمات  😄  امال قالتلها يلا روحى نادى على بابا بس بالهداوة بلاش تخضيه احسن انا عارفاكى 😄😄  قالتلها ليه ده انا حتى نسمة كده ومليش حس قالتلها اه اوى بامارة مقالك اخر مرة على الله تهوبى بس ناحية الاوضه ده انتى تسرعى بلد امشي يلا 😄  قالتلها والله انتوا ظالمنى فى البيت ده هديه قالتلها ايوة واخده بالى على يدى ده عجناكى وخبزاكى الله يرحم ايام المدرسه والجامعة وشقلبه الاوضه  رقيه قالت لا امشي بقى لان موقفى بقى حرج جدا 😄😄 وراحت تنادى على باباها  بابا بابا يلا عشان الفطار وكانت بتنادى بالراحة كمال صحى وبصلها قالها رقيه قالتله صباح الخير يا بابا يلا عشان نفطر قالها صباح النور انتى كويسه تعبانه ولا ايه قالتله اه يا بابا انا كويسه والله ليه فى ايه قالها مش بعادة يعنى انتى صوتك يسرع بلد مش بيبقى هادى الا اذا تعبانه بعد الشر قالتله لا بقى انتوا  متفقين عليا فى البيت ده والله هتفتقدوا حسي ده  قالها ماشي  خلينا نفتقده  وهنقلك ساعتها 😅😅  يلا روحى وانا هاجى وراكى وقام عشان يغسل وشه ويروح يفطر معاهم .

عند جاسر صحى من النوم وغسل وشه وقعد يفطر كان لوحده طبعا وبعد ما خلص بعت رساله لهديه يصبح عليها بس هى مشفتهاش لسه وقفل التليفون وراح عشان يلبس وروح على شغله وهو نازل خبط على احمد ونهلة  راحت نهلة فتحت الباب صباح الخير يا جاسر تعالى يلا انا جهزت الفطار كنت لسه هكلمك قالها لا افطروا انتوا بالهنا انا قلت اصبح عليكوا قبل ما اروح الشغل قالتله انا كنت هكلمك اصلا جاسر قالها خير قالتله خير انا هطلع رحلة مع شغلى اسبوع عاملينها للغردقة وانا من زمان نفسي اشوفها قالها بس انتى عمرك ما سافرتى ولا بيتى برة البيت قالتله خلاص بقى انا كبرت وبتحرك لوحدى انا بقلك عشان تبقى عارف قالها ماشي يا نهلة تروحى وترجعى بالسلامة هتسافرى امتى قالتلها على نهاية الاسبوع كده قالها خلاص ابقى عرفينى بس قالتله تمام واحمد كان لسه طالع بعد ما غسل وشه واخد دش وسلم على جاسر قاله ما تيجى يا جاسر تقعد معانا طالما هديه مش موجوده بدل ما تقعد لوحدك قالهم هشوف عشان انا مش حابب اقفل الشقة عايز احس انها مفتوحة قاله خلاص ابقى روح على النوم بس قبل كده تعالى معانا قاله ماشى اشفكوا بعد الشغل ان شاء الله وسلم عليهم ونزل .

بعد ما كمال والاسرة خلصوا فطار امال قالتله اجبلك القهوة يا كمال ولا انت هتزل قالها لا هاتيها انا هقعد فى البلكونه شويه هديه قالتله انا هاجى اقعد معاك قالها ماشي حبيبتى تعالى وراحوا يقعدوا مع بعض كمال قالها انتى عاملة ايه يا بنتى قالتله احسن كتيير يا بابا الحمد لله قالها يارب دايما كل يوم احسن وانا يابنتى مش هتكلم فى اى حاجه لحد ما انتى يبقى عندك استعداد  وياريت تاخدى الوقت ده وتفكرى كويس فى كل حاجه عشان اى قرار تاخديه متحسيش انك استعجلتى فيه ماشي يا حبيبتى قالتله حاضر يا يابابا .

هديه قالت لباباها انها هتعرف شريف اللى حصل عشان ميزعلش بس انا مش هقوله كل اللى حصل برضه يا بابا هقول حصل سوء تفاهم وانا اتعصبت زيادة عشان مش عايزة لما شريف ينزل تبقى النفوس شايلة من بعضها قالها صح يابنتى عين العقل واستاذنت من باباها وراحت عشان تتصل باخوها واتصلت بيه فعلا شريف رد عليها الو ازيك يا هدهد عاملة ايه الحمدلله يا شريف انت عامل ايه انا بخير طمنينى عليكوا كلكوا بابا وماما ورقيه وجاسر واخواته قالتله كلنا بخير وانتى يا هدهد يامو العيال عاملين ايه حبايب خالوا اللى هاكلهم بس يشرفوا بالسلامة 😄😄 قالتله كويسه الحمد لله بس تعبت شويه اليومين اللى فاتوا وكنت فى المستشفى شريف اتخض 😮😮  مستشفى ليه حصل ايه قالتله متقلقش ما انا بكلمك اهو قالها يعنى تعبتى ودخلتى المستشفى ومحدش يقولى وازاى محدش فيكوا يبلغنى قالتله اهدا بس ياشريف هما كانوا ملخومين معايا لان كان ممكن الحمل ميكملش شريف قالها كمان ينهار ابيض كل ده ومحدش يبعتلى رساله حتى قالتله والله كلهم كانوا مشدودين بسببى حتى جاسر مكنش بيعرف يدخلى عشان حالتى كانت حرجه شويه قالها وايه اللى يوصلك لكده اوعى يكون جاسر عمل حاجه والله انزل اهد الدنيا على دماغه قالتله لا خالص ياشريف انا اللى الحمل معصبنى وبنفعل من اقل حاجه واى كلام فى شد ولا حاجه باخده على اعصابى وده اللى خلانى اتعرضت للازمه دى حتى جاسر هو اللى لحقنى وقال لبابا وماما شريف قالها مع انى متاكد ان مش ده كل اللى حصل بس ماشي يا هديه المهم انك بخير وخلى بالك من نفسك وحمدالله على سلامتك وكويس انك انتى اللى كلمتينى بنفسك والا والله كنتوا هتلاقونى قدامكوا فى خلال ٢٤ ساعة ويحصل اللى يحصل قالتله لا يا سيدى اطمن  انا كويسه اهو  والعيال دى شكلها هيطلعوا روحى من قبل ما يجوا قالها براحتهم حبايب خالوا دول 👼👼 يسلام بقى اذا جم ولدين ده انا هستلمهم منك مش هتشوفيهم غير على الجامعة بقى وعليكى خير 😄😄😄 قالتله يسلام وانا هسيبهملك اياك طب ورينى بقى واذا جم بنات قالها بس يبقى رقيه اللى تستلمهم ويبقى عليه العوض ومنه العوض 😄😄  قالتله ده انتوا مقسمينها بقى وانا اطلع منها قالها اه انتى اولدى بس وملكيش دعوة قالتله اما نشوف والله كله هيخلع وانا اللى هشربها لوحدى فى الاخر قالها لا احنا معاكى وفى ضهرك علطول واوعى تحتاجى حاجه ومتقوليش ياهديه حتى اذا جوزك هيزعل انتى اختى واللى تؤمرى بيه يجيلك تحت رجلك سامعانى ربنا يخليك يا شريف وميحرمنيش منك ولا منكوا يا حبيبتى وهو بيقول الكلمة دى كانت لسه ليندا هتخبط وسمعتها قالت حبيبتى مين دى اللى حبيبته نهاره مهبب 🤔🤨  طيب بس لما تخلص ومشيت وهى العفاريت بتتنطط قدامها واول حد دخل عليها قالتله امشي من قدامى احسن والله اولع فيك تعالى بعد نص ساعة امشي الراجل ياعينى اتلهى ومشى بسرعة 😄😄  وهى قاعدة لا على حامى ولا على بارد  وشريف طبعا مش عارف ايه اللى مستنيه اصبر على رزقك 🤌🤌  شريف كان خلاص بيسلم وهيقفل مع هديه قالها ماشي يا هدهد سلمى على بابا وماما ورقيه وانا هكلمكوا تانى سلام يا هدهد سلام يا شريف وقفل . 

بعد ما شريف قفل بعت لليندا عشان فى شغل هيكمله استلقى وعدك يا عم الامور بقى 😄  طبعا راحت والشر يتطاير من عينها وخبطت ودخلت والبوز مقلكوش بقى شبرين قالها ايه ده مالك قالتله مالى كويسه اهو بشد فى شعرى ولا بقطع فى هدومى 😏😏  شريف ضحك اوى 😄 قالها لا ماهو باين اومال اذا مش كويسه هتعملى ايه هتولعى فى الشركة باللى فيها قالتله انت نادهلى عشان تسالنى مالى قالها لا بجد فى ايه قالتله مفيش قالها والله ضحكتينى مع انى كنت لسه بكلم اختى وقلقتنى عليها اوى ايوة بقى طلعت اخته اهههه راحت مفرودة بقى والضحكة بقت من الودن للودن اه صحيح اخبارها ايه والبييهات اخبارهم ايه قالها كويسه والله مع انها كانت فى المستشفى قال اتعصبت وانفعال زيادة نتيجة الحمل بس طلعت الحمدلله وهى عند ماما وبابا دلوقتى قالتله هو انت شاكك فى حاجه قالها مش عارف اذا كانت مخبيه حاجه ولا اللى قالتله هو كل اللى حصل قالتله حتى اذا مخبيه حاجه انت المفروض تحترم ده لان كل واحد عند جزء فى حياته مش بيحب حد يقرب منه وكمان هى ممكن تكون مش عايزة تتسبب مشكلة بينك وبين جوزها انت برضه هتبقى خال الاولاد  حط ده دايما فى دماغك يسلام على العقل ياناس اومال مين اللى كان هيولع فى اللى قدامه من شويه 😄😄😄 سبحان مغير الاحوال المهم شريف قالها معاكى حق كلامك ريحنى بعد ماكنت قلقان انتى دايما بتريحينى يا ليندا وبتيجى فى وقتك ليندا  هتطير خلاص هى مش هنا اساسا 😉😅  قالتله وده يسعدنى قالها تسلمى يا ديدا  قالتله خلاص طالما قلت ديدا يبقى انت بقيت تمام امشي بقى تمشي فين لسه فى شغل هنخلصه وبعدين متضحكيش عليا انا فاكر العشا مش ناسيه 😉 قالتله ولا انا اختار المكان اللى يعجبك ونروح فى يوم الاجازة اتفقنا قالها خلاص اتفقنا يلا نخلص اللى ورانا بقى 😉.

رقيه كانت بتشتغل ولقت اللى اسمه هشام ده جه ازيك يا انسه رقيه اهلا بحضرتك خير حضرتك جيت فجاة يعنى قالها اه فعلا عشان انا متاكد انى اذا اتصلت انتى هتوزعينى قالتله اه فعلا عرفت ازاى 😅 قالها ايه ده بجد كنتى هتعملى كده قالتله اه والله 😄 مستغرب ليه انت مش صاحب الفستان انا عايزة صاحبه الفستان قالها ما انا قلتلك هى مش هتقدر واخده انا احسن قالتله ايه اللى يضمنلى ان مش هتيجوا بعد كده وتعملوا مشكله زى اللى قبلكوا قالوا كده برضه  وعملوا زيك بالظبط 😄😄  لما كانوا هيخلونى اعتزل المهنه قالها لا لا انا غير بجد  هاتيه بس وهتشوفى قالتله ربنا يستر  بس صدقنى اذا جيت بعد كده تقلك كانى ومانى هقلك مليش فيه اتفقنا قالها اتفقنا واخده ومش قالت طيب ماهو طيب اهو انا كنت ظالماه  على الفاضى معلش بقى انا منى لله 😄😄.

احمد وهو فى الشغل كانت الدنيا هاديه مفيش شغل كتيير صاحبه قاله ايه يابو حميد مفيش جديد قاله جديد ايه مش فاهم قاله من فترة كده كنت قلت فى مزة وحوار قاله اه لا ماهو الحوار ملحقش يبدا عشان يخلص صاحبه قاله ليه بس كده ده احلى حاجه البدايات قاله انتهت من قبل ماتبتدى قاله مين اللى خلص انت ولا هى قاله لا انا ولا هى الظروف اللى جت ضدنا اخويا مكنش مرحب  اوى بالجوازة وحصلت كام حاجه خلتنى وقفت عشان كان هيبقى فى مشاكل قاله ليه يعنى هيبقى فى مشاكل احمد قاله عشان هى كانت تبقى اخت مرات اخويا واذا حصل مشكلة عند اختها ممكن تتاثر بيها انا عارف نفسي لكن دى اختها غصب عنها كانت هتتضايق عشانها حتى اذا هى قالت ان مش هتتاثر او حياتنا هتبقى بعيد برضه فى وقت هيجى ممكن تضايق او تشيل منى عشان اخويا فخدتها من قصرها وقلت خلاص ربنا مش قاسم بقى صاحبه قاله مش عارف اقلك ايه بس اكيد ربنا مش بيعمل حاجه وحشه شايلك حاجه كويسه احمد قاله اكيد وانا راضى باللى ربنا يكتبهولى واحمد وقرر  يسيب الايام توريه اللى مكتوب اذا ليها نصيب هيجيله لحد عنده محدش بيهرب من نصيبه .

هديه مسكت التليفون وشافت رسالة جاسر اللى بيصبح عليها بقت محتارة مش عارفه ترد ولا متردش احسن يفتكر انى خلاص بقى والموضوع يعدى كده لا طبعا انا هرد بس هفهمه انى لسه مش مسامحة ردت وقالت مساء النور على فكرة انا دريت بس من باب الزوق والاصول واى كان اللى هيحصل بينا انت ابو اولادى اللى كان ممكن يروحوا بسببك . وبعتتها وهى مش عارفه صح ولا لا بس حست انها لازم تقول حاجه مش هتفضل كاتمة جواها كده ولسه كمان حاسه ان اللى جواها مطلعش الصراحة عايز يتسوا  على الجمبين بجد جاسر شاف الرسالة بتاعت هديه ورد عليها قالها معاكى حق انا مش هقدر الومك بس خلى بالك دول ولادى برضه واكيد مكنتش هبقى عايز اتسببلهم فى اى حاجه وحشه لاقدر الله عموما ربنا يطمنى عليكى وبعتها وهى شافتها ومردتش . 

امال مامت هديه وهى قاعدة مع كمال قالتله انت ناوى على ايه ياكمال هتتكلم مع هديه ولا هتسيبها لحد ماهى اللى تيجى من نفسها  انا زعلانه عليها دى ملحقتش حبييتى انا علانه من جاسر اه لانى بنتى وعيالها كان ممكن يجرالهم حاجه بس انا عايزة اطمن عليها قالها طبعا انا هخليها تهدا خالص وهتكلم معاها وانصحها كاب عشان ده اول موقف صعب يحصلها مع جاسر  والموقف اثر فيها جامد وكلنا اتخضينا عليها ومش هخليها تاخد اى قرار الا وهى راضيه عنه تماما عشان متندمش فى يوم من الايام وليا كلام مع جاسر تانى طالما بنتى جاتلى يبقى انا ليا كلام طول ماهى فى بيته متكلمتش لكن دلوقتى الموضوع عندى ولازم يتعالج بصبر وحكمة امال قالتله صح عين العقل وربنا يقدرلها الخير يارب قالها ان شاء الله