رواية القاسي والبريئه الفصل السادس والعشرون26 بقلم ايمان ابراهيم
جاسر بعد اخد هديه وروحوا ودخلوا البيت جاسر قال لهديه نورتى بيتك ووحشتينى البيت كان وحش من غيرك وراح بايسها من راسها وحضنها جامد هديه فى الاول كانت مترده انها تحضنه بس راحت لفت ايدها حوالين رقبته بس من غير ولا كلمة وراح بصلها وقالها انا عارف انك لسه واخدة على خاطرك او خايفة منى انا بس حبيت اوصلك انك وحشانى ومش هضغط عليكى وهسيبك على راحتك قالتله كويس انك فاهم كده وفرت عليا كلام كتيير كنت هقوله انا غصب عنى اول دخلنا البيت وجينا الاوضه افتكرت شكلك وانت داخل عليا قالها عارف وحسيت بده من دقات قلبك اللى كنت سمعها وانتى فى حضنى ده كان توتر مش كده قالته اه قالها وانا مقدر ده بس بلاش تفضلى بعيد كتيير يا هديه انا مش هقدر على البعد كتييير قالتله كل حاجه فى وقتها يا جاسر احساسي ان كان ممكن اخسر ولادى احساس عمرك ما هتقدر تتخيله لانى انا اللى شايلاهم مش انت كل حاجه تخصهم بحس بيها بقلبى قالها خلاص بقى ياهديه كلامك ده بيوجعنى اكتر هما اولادى برضه ومكنتش هسامح نفسي لو كان جرالك او جرالهم حاجه بس عشان تبقى عارفه مفيش حاجه اسمها تسيبى البيت تانى او االاوضه انا اللى هبعد وقت ما يحصل حاجه تانى لا قدر الله وارد اننا نختلف تانى زى اى بيت ما بيحصل فيه وزى ما انتى طلبتى ان امشي اذا حسيت انى هتعصب ماشى ياهديه عشان نقفل الكلام فى اللى حصل بقى قالتله ايوة خلاص احسن برضه انا مش عايزة اتكلم فيه تانى انا هقوم عشان انام بقى لانى تعبانه اوى وقامت عشان تاخد دش وتهدى اعصابها وبعد ما طلعت كانت لابسه قميص نوم نبيتى مجسم شويه وكان نازل تحت الركبه بشويه وكانت خدودوها لونها وردى بسبب الدش الدافى كانت حلوة حلوة يعنى 😉😉 واخينا بقى لما شافها بلع ريقه وفضل باصصلها اثبت مكانك البت لسه بتقول كل حاجه فى وقتها 😄😄 راح قايم وقالها انا كمان هاخد دش وانام وقام بسرعة ودخل واخد الدش وطلع لقى هديه لابسه الاسدال وقاعدة بتصلى الحمد لله انها لبست الاسدال خلى الليلة تعدى على خير 😄 جاسر راح نايم على السرير واتغطى وكان مخلى وشه فى اتجاه هديه وهى خلصت الصلاة وقامت عشان تنام وراحت رايحة على السرير ونامت بس كانت هى بضهرها لجاسر جاسر راح مقرب منها وراح حضنها وقالها سامحينى فى دى بقى ده حضن عشان خاطرى يا هديه راحت مطبطبة على ايده وغمضت عينها ونامت والله بنتنا طيبه اوى 🥰🥰🥰 .والله حضن بس اوعوا تفهمونى غلط لازم نشد ودنه شويه اومال ايه 😉 .
شريف بقى كل يوم يحس انه مش قادر يستغنى عن ليندا بيكتشف كل شويه قد ايه هى شبهه فى حاجات وبتعرف تحتويه لما يغضب او يقفش على حاجه وهو برضه بيعرف يحتويها امتى يتكلم وامتى يتعصب مش فرض سيطرة وتحكم وخلاص وقد ايه هى بتحترمه وبتخاف عليه وبتحترم ان ليه وقت بيحتاج يبقى فيه لوحده وهو كمان شيء جميل جدا لما الطرفين يفهموا بعض ويحترموا بعض ده اللى بيخلى المشاعر تكبر وتكبر والعلاقه تنجح شريف قال لليندا بقولك يا ديدا قول يا قلبى انا هكلم بابا وماما النهاردة واقلهم انى عايز اتقدملك وهظبط عشان اشوف هقدر اقابل بابا وماما عندك ايه رايك قالتله طبعا معنديش مانع ده انا نفسي يجى اليوم اللى اشوف فى مامتك وباباك واخواتك قالها قريب يا حبيبتى قريب ليندا قالتله انا كمان هقول لماما وبابا اظبط معاد معاهم انا كنت كلمتهم عنك كتيير اوى اصلا 🤭 قالها يسلام وده من امتى قالتله من اول ما جيت قالها ده انتى واقعة فى حبى من زمان بقى يا جمييل 😉😄 قالتله ايه الغرور ده لا استنى عندك 😛 انا كنت بقولهم انك شاطر ومحترم كده يعنى اعجاب مش اكتر قالها يا بت وراح قرصها من وسطها 😄 قالتله الله وبعدين بقى والله همشي قالها ايوة امشي احسن عشان وجودك خطر 😉😅 قالتله خلاص هقوم فعلا عشان مش مرتحالك هروح اشوف شغلى قالها على فكرة جهزى نفسك عشان فى الاجازة هاخدك عشان نشوف العربيه قالتله بجد نويت خلاص قالها ايوة قالتله تمام الف مبروك مقدما يا حبيبى هجيلك عشان نروح مع بعض قالها ماشي حبيبتى .
شريف كان خلاص بيخلص شغل وليندا كمان وقال يروح يعدى عليها عشان ويروحوا وهو رايح شافها جايه عليه وهى معاها زميل ليها فى الشغل وكانت بتضحك شريف لما شافها 😠 الدم ضرب فى نفوخه وهى حست ان ملامح وشه متغيرة وهو راح مقرب عليهم وقالهم مضحكونى معاكوا وهو بيبص لليندا هى عارفه طبعا البصة دى وراها ايه قالتله لا ده موقف بس حصل معاه وكان بيضحك حاجه عاديه والله والتانى كان مستغرب ومش فاهم فى ايه فشريف قاله مش تباركلنا صحيح هنتخطب قريب عقبالك 🫤 راح اخينا وشه ضرب الوان ايه ده صحيح الف مبروك ربنا يتمم على خير يا ليندا عن اذنكوا شريف قاله اتفضل وبص لليندا وقالها اتفضلى يا هانم ولا لسه فى حاجه قالتله حاااضر يلا بينها وركبوا العربيه وشريف مش بينطق وده قلقها اكتر قالتله بهدوء ششريف انت مش عايز تقول حاجه انت ساكت كده ليه قالها انتى اللى المفروض تقولى مش انا ده لو عندك حاجه تقوليها اصلا قالتله ما انا قللتلك كل حاجه والله مفيش اكتر من كده قالها يسلام يعنى الضحكة دى كانت عشان قالك موقف حصل معاه قالتله خلاص اسفة والله طلعت منى غصب عنى مقصدتش قالها انا مش بخنقك ولا بضايقك وفاهم اننا طبيعى نتكلم ونجامل الناس لكن المفروض تخلى بالك شويه ومكنش ينفع صوت ضحكتك يبقى عالى كده خصوصا انى عارف ان الرزل ده كان عينه منك قالتله وانا عمرى ما اديته ريق والله وهو عارف ومفيش حد يملى عينى غيرك هو موقف وخلص صدقنى انا مقدرش اشوفك كده قالها طيب خلاص وياريت ميكررش تانى وانا واثق فيكى طبعا وكلامى مش معناه غير ان بحبك وبغير عليكى والضحكه دى تبقى ليا انا بس قالتله يا حبيبى يا شريف قد كده بتغير عليا قلها اه طبعا وعلى الله تشوفك ولا اسمعك بتضحكى كده تانى هطربقها على نفوخك 😅 قالتله لا خلاص والنبى حرمت 🙆♀️ قالها يبقى تصالحينى طالما غلطتى قالتله ما انا اعتذرت قالها لا مش بالكلام بالفعل قالتله والفعل اللى هو ايه بقى راح مشاورلها على خده بصباعه قالتله هو اللى فهمته صح 😳 قالها ايوة قالتله نعععععم قالها انا دلوقتى بشاور على خدى ثانيه كمان وهنقل المكان لحته تانيه 😉😁😁 قالتله لا لا وعلى ايه حقك عليا وراحت بايساه فى خده 😊🤭 قالها ايوة كده وخلى بالك انا حسابى صعب جدا 😉😉 ومش بسيب حقى قالتله واضح ولسه ياما هشوف 🤭 قالتله طيب احنا وصلنا خلاص يلا هكلمك لما اروح واطمنك قالها ماشي حبيبتى خلى بالك من نفسك توصلى بالسلامة ونزل من العربيه وطلع البيت .
احمد اخو جاسر وهو فى الشغل قال لصاحبه ما تيجى نخرج شويه نتغدا فى اى حته زهقان اغير جو قاله ماشى وفعلا خرجوا مع بعض وهما ماشين راح احمد مفرمل مرة واحده بالعربيه كانت بنت معديه وبتتكلم فى الموبايل وعمال يديها كلكس وهى مش مركزة خالص واتخضت منه راح واقف ونزلها وقالها انتى كل ده مش سامعة حد يعدى وهو بيتكلم فى التليفون كنتى هتجبيلى مصيبه راحت قايلاله اييه يا جدع انت حيلك مالك طايح فيها كده انت كمان ماشي بسرعة قالها يسلام انتى هتطلعينى انا اللى غلطان عشان تغلوشي على غلطتك قالتله بقلك ايه متزعقليش انا بقلك اهو خلاص محصلش حاجه انت ماشي بسرعة وانا مخدتش بالى خلصنا اتكل على الله بقى قالها يا جبروتك يا شيخة بجد ده بدل ما تعتذرى ده انتى كان حد غيرك كان خبطك ولا ليكى ديه عشان تبقى تخلى التليفون ينفعك ايه مش قادرة تستنى لما تعدى وترغى براحتك قالتله وانت مالك انت انا ارغى براحتى قالها اه براحتك بس متجبيش للناس مصيبه باستهتارك انا مستهترة 🤨🤨 اه ولمضه كمان قالتله طيب امشي بقى عشان بدات تتلم احسن اصرخ واقول بيعاكسونى صاحب احمد قاله يلا يا عم دى باين عليها مش هتسكت خلينا نمشي طالما الحمد لله محصلش حاجه قاله والله عشان خاطرك بس والله كنت خبطها عشان تتعلم يا ساتر وسابها وركب العربيه ومشي ووصل المكان هو وصاحبه وطلبوا الاكل وشويه ولقوا مين داخل عليهم اختنا ام لسانين 😄😄 اللى كان هيخبطها وهى شافته راحت باصله كده وقعدت وكان باين عليها انها متوترة او خايفه لكن احمد محطش فى دماغه شويه كده ولقى واحد داخل وكان باين عليه انه بيدور على حد ومتنرفز وجاى ف تجاه البنت دى راح شادد الكرسي وقعد وبدا يكلمها بصوت مسموع قالها ايه حكايتك بقى هو كلامى مش بيتسمع هو انا مش قلت مفيش شغل يعنى مفيش شغل قالتله لا معلش انت لسه مش جوزى عشان تتحكم فيها وانت عارف انا محتاجه الشغل ده قد ايه ومصدقت لقيته خصوصا كمان انه مريح ومش مجهد قالها طيب ايه رايك انك هتسيبيه والا هوريكى وكان صوته عالى والناس بدات تبص عليهم واحمد كان مضايق اوى من طريقته وصعبت عليه لانها بدات تعيط والتانى ولا عنده دم وهى عمالة تقوله وطى صوتك ميصحش كده الناس بتتفرج قالها طيب يلا قدامى بقى وبدا يشد فيها وهى خافت وقالتله لا ابعد مش هروح فى حته انت شكلك اتجننت احمد مقدرش يقعد وكان هيقوم صاحبه قاله ملكش دعوة يا احمد ده باين عليه بتاع مشاكل وممكن يقل ادبه عليك قاله يعنى اسيبه يعمل اللى بيعمله ده واتفرج لا انا دمى اتحرق انا هقومله ويحصل اللى يحصل وراح رايحله والتانى ماسك ايديها ولسه هيشدها تانى راح احمد قاله جرى ايه يا جدع انت انت محدش مالى عينك وعمال تتشطر عليها راح التانى قاله وانت مالك واحد وخطيبته بتدخل ليه قاله والله اللى شايفه ده واحد بيتشطر على واحدة مش منظر مخطوبين خالص دى مرعوبه منك واذا مبعدتش عنها انا اللى هقفلك قاله بصفتك ايه ان شاء الله قاله بصفتى راجل دمى حر مش نطع زيك بيتشطر على البنات قاله طيب انا هوريك النطع ده هيعمل ايه لسه كان هيمد ايده على احمد راح احمد مديله بوكس 😄👊 كومه مكانه والمكان ده كانوا عارفين احمد وجم بسرعة قالوله خير يا استاذ احمد قالهم خدى الشيء ده برة واوعى يخش هنا راحوا مقومينه وفوقوه ومطلعينه برة والبنت كانت منهارة وبتعيط من الخضه واحمد قالها متخافيش خلاص مش هيعملك حاجه قالتله لا انت متعرفهوش ده ممكن يضايقنى وانا مروحة خصوصا انى عايشه لوحدى انا وماما 🥹🥹 قالها هو خطيبك فعلا ولا بيقول كده وخلاص قالتله هو قرا فتحتى اه بس انا خلاص استحالة اكمل مع واحدا زيه انا كنت هموت بسببه النهاردة لما انت وقفت بعربيتك فجاة كان هو برضه اللى بيكلمنى ومش مخلينى مركزة لولا ستر ربنا كان ممكن يجرالى حاجه بسببه قالها لا متخافيش انا مش هسيبك وهوصلك لحد البيت بس اذا مش هيضايقك او تفهمينى غلط تعالى اقعدى معانا عشان ميقربش منك تانى قالتله لا ميصحش كده قالها متخافيش انا عارف انك محرجه طبعا بس هناكل لقمة كده عشان يبقى عيش وملح واروحك سكتت شويه وهو قالها خلاص والله متخافيش يلا انا جعت بقى قالتله طيب ماشي كانت بنت محجبه جميلة اوى وراحت قعدت معاهم واعتذرتلهم وقالت انا اسفة بوظت الخروجه صاحب احمد قالها لا ولا يهمك مكنش ينفع نسيبك مع البنى ادم ده احنا عندنا اخوات برضه وميرضناش ان حد يعمل معاهم كده يلا اتفضلى بالهنا وبداؤ يكالوا وخلصوا اكل واحمد طلب الحساب وقاموا عشان يمشوا واحمد وصل صاحبه وبعدين قال يوصلها وهى شكرته كتييير قالها ايه حكايتك بقى اسمك ايه وازاى عرفت البنى ادم ده قالتله اسمى هند بشتغل فى محل مكياج الست صاحبة المحل بتحبنى ولما ربنا كرمها وبقى ليها محل لوحدها اخدتنى معاها وانا مبسوطة اوى بشغلى خصوصا بعد وفاة بابا ومعاشة مش كبير وانا امى لوحدنا ومعنديش اخوات فالمعاش مع المرتب اللى باخدة الحمد لله معيشنى انا وماما كويس انا البنى ادم ده اللى المفروض يبقى حمايه ليا اكتر حد لقيته بيضايقنى ويكسر فيا ويحبطنى قالها هو قريبك قالتله اه يعنى فى مقام ابن عمى مع باباه طيب اوى مش عارفه هو كده ازاى قالها طيب هتعملى ايه قالتله هقول لماما وهى هتنهى معاهم قالها طيب اذا اتعرضلك هتعملى ايه قالتله مظنش ان باباه هيسيبه يعمل كده قالها طيب ممكن تاخد رقم تليفونى واذا حصل اى حاجه تتصلى بيها قالتلى متشكرة بجد ملوش لزوم كفايه اوى اللى انت عملته قالها اى حد مكانى كان هيعمل كده قالتله لا مش اى حد بدليل انك الوحيد اللى جه وحاشه عنه قالها طيب من فضلك عشان اطمن عليكى انا عندى اخت ومرضاش حد يجى جمبها قالتله يا بختها بيك بجد انت جدع اوى يا استاذ احمد قالها سجلى الرقم يلا قالتله ماشي وراحت رنت عليه منه وهو سجله ووصلها البيت وشكرته كتيير قالتله نفسي كنت اعرفك على ماما بس هى بتنام بدرى بس اكيد هقولها على انت عملته متشكرة اوى مرة تانيه مع السلامه يا استاذ احمد مع السلامة يا هند ونزلت وطلعت البيت واحمد كان مبسوط اوى انه قدر يعمل حاجه كويسه وكان قلق
ان على هند شويه لانه حس ان اللى كان خطيبها ده مش سهل ومؤذى انا هبقى اكلمها بس افوت يومين كده ولا حاجه احسن المجنون ده يحاول يضايقها وروح على اللبيت .
هديه كانت بتحضر الاكل عقبال ما جاسر يرجع من الشغل وهى واقفه كانت بتفتكر لما رجعت البيت بالليل معاه فلاش باك
هديه كانت طول الليل حاسه بجاسر وايده حواليها وكل ما تحاول تبعد يشدها عليه هى مش هتقدر تنكر ان جواها احاسيس عكس بعض احساس بالقلق واحساس بانها تسامحه علطول بس قالت لا برضه لازم يحس انه غلط عشان ميعملش كده تانى ولما صحيت برضه لقيته لسه حاطط ايده عليها زى اللى خايف تهرب منه راحت قايلاله جاسر عايزة اقوم بقى عشان اصلى واحضر الفطار راح مفتح وابتسم وقالها صباح الخير ياقمر قالتله صباح النور ممكن تفك الحصار ده عشان اقوم بقى قالها معلش اصلى مش مصدق انك رجعتى بجد قالتله لا انا جيت ومعاك اهو خلينى اقوم بقى وسابها وقامت عشان تغسل وشها وراحت عشان تتوضا وتصلى وجاسر قام بعدها ودخل برضه يغسل وشه ويجهز عشان يروح الشغل وكان يومها الصبح بيتعامل معاها بكل هدوء وحنيه .
عودة للحاضر
هديه خلصت الاكل ةراحت عشان تتصل برقيه اختها لانها مكنتش لحقت تشوفها يوم ما مشيت كان عندها ضغط فى شغلها الو ازيك يا رقيه ازيك يا هدد عاملة ايه طمنينى قالتلها تمام الحمد لله وجاسر قالتلها كويس هادى خالص رقيه قالتلها ربنا يهدى سيركوا قالتلها يارب يارقيه احنا دلوقتى كويسين بس المهم وقت الخلاف بقى هيبان هيقدر يلتزم بقى ولا لا رقيه قالتلها ان شاء الله كل خير خلى بالك من نفسك ومن صحتك ومن حبايب خالتو االلى هموت ويجوا بقى 👼👼 قالتلها اه ياختى ما انا اللى هدبس بعد كده رقيه قالتلها عيب عليكى وانا روحت فين ده انا هزهقك منى 😄😄 ويمكن تكرشينى كمان قالتلها طيب هنشوف يا روكا على الله بس متهربيش منى قالتلها لا انا لزقه متخافيش شدى حيلك بس انتى متحرمش منك يا روكا ولا منك يا هدهد انا هقلك سلام بقى عشان جاسر على وصول وهجهز الغدا مع السلامة حبيبتى وقفلت معاها .
وفعلا جاسر وصل ودخل البيت وراح لهديه وسلم عليها وقالها ازيك يا حبيبتى قالتله بخير الحمد لله وانت عامل ايه قالها الحمد لله كان فى شويه مشاكل كده فى الارض وضايقتنى اوى وشديت مع التجار قالتله طيب روح غير هدومك واحنا بناكل احكيلى قالها تمام وقعدوا ياكلو وحكلها على اللى حصل ان كل واحد عايز مصلحته ومش بقدروا ان وراه شغله التانى وممكن يطولوا بالهم شويه لانى مش بيقدر ينزل الارض الا لما يرجع من المدرسة قالتله طيب ما انا ممكن اساعدك قالها انتى عايزة تنزلى الارض تانى قالتله لحد ما انت ترجع بس وبعد كده كمل لما تيجى عشان الشغل ميتعطلش وانا بقوم بدرى اصلا يعنى مش هياثر على البيت جاسر قالها لا يا هديه نزول لوحدك مش هيحصل ادينى بقلك بالراحة اهو من غير انفعال اقفلى الكلام بقى عشان احنا يدوب لسه متصالحين بلاش كلام فى حاجه ممكن تعمل مشكلة تانى وترجعى تزعلى او تخافى منى تانى قالتله طيب انا عندى طلب تانى خير فى ايه ايه انا محتاجه حد يساعدنى فى البيت الفترة اللى جايه انا كل شويه هبتدى اتقل وفى حاجات مش هقدر عليها لوحدى قالها بس انتى عارفه رايي فى كده مش بحب حد غريب يبقى فى البيت قالتله عارفه عشان كده فكرت ان اللى هتيجى تبقى من الصبح بدرى ولحد قبل ما تيجى يعنى وقت محدد مش هتبات قالها اذا كده مفيش مانع قالتله بجد 😀 قالها اه طالما هنبقى براحتنا بس اشوف اللى هتيجى دى قالتله اكيد طبعا هى هتيجى كمان شويه عشان نشوفها مع بعض قالها طيب استعجليها بقى لانى تعبان وعايز اريح وهو بيقول الجرس رن كانت هى هديه قالتله اهى هقوم افتحلها وفتحتلها كانت بنت مش صغيرة يعنى فى التلاتينات كده وشكلها عادى وهديه دخلتلها وجاسر كان قاعد مستنى وهى شافته من هنا وتنحت من هنا جاسر اخد باله علطول 😎 قاله اسمك ايه قالتله اسمى هنيه يا بيه قالها اشتغلت فين قبل كده قالتله عند ناس طيبين زيكوا كده قالها وسيبتيهم ليه قالتله النصيب بقى يا بيه قالها لاجابه دى متنفعنيش عارفه اذا عرفت ان فى مشكلة هتشوفى هعمل فيكى ايه قالتله والنبى يا بيه مفيش هما كانوا عايزين واحده اصغر عشان تبقى اسرع بس فى الحركة قالها اههه هنشوف المهم تسمعى كلام ست هديه وتخلى بالك لانها حامل وانتى هنا عشان راحتها واى غلطة هتشوفى شغلك سامعة قالتله متقلقش عينى للست هديه لا والله مش للست هديه ده لجوز الست هديه 😄😄 تعالى يا هديه الحقى الوليه هتشقط الراجل 😁😄 هديه جتلها ها يا هنيه البيه شافك قالتلها اه يا هانم ومن النجمة هتلاقينى عندك الا جاسر بيه بينزل امتى قالتلها على ٧ ونص كده خلاص ٦ هتلاقينى عندك قالتلها لا يا هنيه مش من بدرى كده ممكن من ٩ لا يا ست ودى تيجى عشان اساعدك اههه ياخوفى 🤨 المهم هنشوف طيب يا هنيه روحى دلوقتى واشوفك الصبح ماشي ياست سلميلى على جاسر بيه الله يسلمك ومشيت هنيه . جاسر قالها انتى مطمنه ليها يا هديه قالتله اه باين عليها طيبه والنبى انتى اللى هبلة 😏😄 قالتله بتسال ليه فى حاجه قالها لا بس خلى بالك انا اذا صدر اى غلطه مش هتفضل دقيقة واحده ماشي يا هديه قالتله اكيد هروح بقى اخلص اللى ورايا .