رواية نار الانتقام الفصل الخامس 5 بقلم جمال المصري
المشهد لا يوصف النار والانفجارات في كل مكان وجاسر بيفكر ازي هيطلع من الموقف ده والعربيات بتقرب وجاسر بيبص لي ملك
ملك ..بتحاول تقوم جاسر ساعدني عشان نطلع من هنا
جاسر ..ازي يا ملك احنا محاصرين و مفيش قدامنا غير المواجهة
ملك ..انا اعرف ممر سري هيطلعنا بعيد عنهم
جاسر.. يساعدها و يمشو سوا لحد ما وصلوا لمكان قريب من المكان اللي فجروه
ملك .. هنا فيه مدخل تحت رجلي يدخلنا علي نفق عشان نهرب
جاسر ..يشيل الرمله وفعلا بيلاقي باب صغير بيفتحو وبينزل هو الاول عشان يطمن اني مفيش حد وبعد كده بتنزل ملك والدم نازل لا ده مش هينفع لازم نوقف النزيف يا ملك
ملك ..ده مش وقته يا جاسر المهم نطلع من هنا بي اقصي سرعه
جاسر ..يبقا لازم اشيلك وفعلآ بيشيلها وبيتحرك بسرعه
ملك .. لا انا هقدر امشي نزلني يا جاسر
جاسر.. مش هنزلك وبطلي كلام وبلاش تعملي زي الاطفال
ملك .. خالي بالك عشان اكيد هيكون في رجاله هنا
جاسر .. نمشي من اي طريق فيه طريقين
ملك . تشاور علي طريق وبتقول له هنطلع من هنا
جاسر .. بيتحرك بسرعه وحذر في نفس الوقت
ملك .. بتكون ماسكه المسدس وباصه لي وره
جاسر ..ماسك المسدس ومركز قدام ويتقدم بسرعه
ملك .. يظهر اتنين من الخلف نزلوا وراهم بتضربهم بالنار
جاسر .. بيوقف وبيبص لقي الاتنين مرمين علي الارض
ملك .. ما تقلقش يا جاسر ويلا
جاسر .. وهو بيتحرك مش معقول تكونى من الناس دي
ملك.. انا عمري ما كنت منهم انا كل هدفي اني انتقم لي خطيبى والحمد لله بفضل ربنا ثم انت قدرت اخد اول خطوه ومش هرتاح غير لما التنظيم الملعون ده يختفي من الوجود ويرجع السلام لي ارضنا
جاسر . انا كل اللي اعرفه عنك انك مصريه لكن ازي وصلتي لهنا معرفش
ملك .. نطلع من هنا وهحكيلك كل حاجه يا جاسر
جاسر .. تمام اتفقنا نطلع من هنا و نوقف النزيف وبعد كده نتكلم براحتنا
ملك .. بتبص في عينيه وهو شايلها وبيجري بيها وكأنها لقيت حاجه كانت ضايعه منها وهي لفه ايديها حوالين رقبته وهو بيجري باقصى سرعه كانوا مش شايل حاجه
جاسر ..ومستمر في الجري وهو كل شويه يبص لي ملك لحد لما وصل عند باب ضرب الباب برجله وطلع لقي عربيه بص علي ملك هتقدري توقفي يا ملك
ملك.. اه وهتلاقي مفاتيح العربيه مدفونه في الرمله قدام العجله الاماميه
جاسر ..تمام ونزل جاسر علي الارض قدام العربيه وفضل يدور في الرمله لحد لما لقي المفتاح وفتح العربيه وركب ملك وبعدين ركب هو وتحرك بي العربيه
ملك .. بتشاور لي جاسر علي طريق تطلع من هنا يا جاسر
جاسر .. الطريق دي هيودينا فين
ملك .. هندخل الغابه وفيه بيت كان بتاع خطيبي وبعد ما مات انا جهزة البيت ده عشان لحظه زي دي
جاسر .. تمام بس اهدي وحطي ايدك علي الجرح
..ملك كانت خلاص قوتها بتضعف وعينيها بتقفل حبه حبه وهي باصه علي جاسر وسندا راسها علي كتفه وهي بتحاول تفوق نفسها لحد ما توصل جاسر للبيت وفعلآ حوالي نص ساعه في الغابه لحد ما لقي بيت صغير
جاسر .. وقف ونزل من العربيه ونزل ملك و شالها وضرب الباب برجله ودخل لقي سرير حطها علي السرير و بص لها ارتاحى يا ملك وبداء يشوف مكان الجرح لقى الرصاصه تحت الكتف بشويه وجاب جاسر قماشه نظيفه ونظف مكان الجرح وبص لي ملك للاسف الرصاصه لسا جوه ولازم نطلعها
ملك .. ابتسمت ابتسامه كلها تعب وايه المشكله هتعرف تطلعها ولا اطلعها انا
جاسر .. ابتسم لا هتعلم فيكي عندك مانع
ملك .. بنفس الابتسامه اكيد لا وانا اطول اموت علي ايدك
جاسر .. بيحط ايده علي شفايفها اوعي اسمع الكلمه دي تاني وان شاء الله تقومي بالسلامه وتنوري الدنيا بقلبك الابيض وقام جمع حطب وولع النار واخد سمكي من السلاح اللي معاه وحطه علي النار لحد ما بقى لون احمر لون الدم وبص لي ملك جاهزه
ملك .. هزت راسها ايوه
جاسر .. اداها قطعة قماش كبيره عشان تحطها في بقها
ملك .. حطة القماشه في بقها
جاسر .. اخد السكينه من النار وقرب من مكان الرصاصه واول السكينه ما لمسة جسم ملك
ملك .. صرخت وهي بتعض علي القماشه جامد واغمي عليها
جاسر .. طلع الرصاصه وطهر الجرح بي مطهر كان موجود و كو الجرح وجاب شاش وقطن ولف المنطقه المصابه وجاب بطانيه طبعا كانت موجوده في البيت وغطا ملك وكان فيه بندقية صيد موجوده في البيت اخدها وطلع عشان يشوف اي حاجه يصيدها عشان يجهز اكل لي ملك عشان تستعيد قوتها وطلع يمشي في الغابه ومن حسن حظه لقي غزاله وبراحه قرب ووجه السلاح عليها وضربها واخدها ورجع علي البيت وجهزها بحاجات كانت موجوده في البيت وولع النار وشواها وسمع صوت ملك دخل بسرعه لقيها لسا فايقه وبتحاول تقوم جري عليها خليكي زي ما انتي وحمد الله على سلامتك
ملك .. الله يسلمك و بصت علي الجرح لقيته ملفوف بشاش بصت لي جاسر شكلك دكتور شاطر
جاسر .. بالعكس انتي الي طلعتي شاطره يا ملك مفيش اي حد يستحمل اللي انتي استحملتيه علي العموم انا هروح اجيب مياه عشان ناكل
ملك .. هتاكلنا ايه
جاسر .. غزاله وبصي هتاكلي ايدك وراها
ملك .. انا مستنيه اهو وربنا يستر يمكن ما موتش من الرصاصه اموت من الغزاله
جاسر .. ايه كمية النكد دي يا بنت اتفألي انتي ليه متشائمة كده
ملك .. بنت تعرف اني بقالي سنين ما سمعتش الكلمه دي
جاسر .. لازم ما تسمعهاش وانتي عايشه وسط مليشيات مسلحه انا هتجنن ازي بنت زيك مهما كان حصل معاها تخد قرار وعارفها انها ممكن تموت بسبب القرار ده وكمان تكمل وتقتل انتي مخلوقه من ايه
ملك .. ابتسمت هو لو فضلت تتكلم انا فعلا هموت بس مش من المليشيات لا من الجوع
جاسر .. ضحك حاضر يا اميرتي الصغيره ٥ دقايق بالظبط وهكون هنا وفعلآ خمس دقايق وجاب المياه وكان في صنيه كبيره حط عليها الغزاله ودخل البيت وحط مخده تاني تحت راس ملك عشان تعرف تاكل وبقي ياكلها بايده لحد لما شبعت
ملك .. تسلم ايدك فعلآ طلعت شيف ممتاز ممكن بقا اعرف حكايتك بالظبط
جاسر ..ولا حكايه ولا حاجه زي ما انتي عرفتي انا كنت نقيب في الجيش في قوات مكافحة الارهاب وحياتي انتهت مع موت ليلي مراتي اللي كان بسبب الكلاب دول وبعدها بي ايام قتلت واحد منهم وانفصلت من الجيش وكل اللي انا عايزه هو الانتقام نار الانتقام جوايا بتحرق كل حاجه فيا ومش هرتاح غير لما ادمر المنظمه دي
ملك .. يعني الهدف واحد يبقا نتحد سوا ايه رايك انا ليا سنه معاهم واعرف حاجات كتير عنهم
جاسر.. موافق بس بشرط انك تقومي بسرعه
ملك .. وانا موافقه وبتحاول تتعدل
جاسر .. مش بسرعه كده ارتاحي هنقعد هنا يومين تكون الاوضاع هدية شويه زمان الدنيا مقلوبه علينا وبعد كده نتحرك
ملك .. والهدف مين
جاسر .. انتي ليه مستعجله كل حاجه في وقتها حلوه المهم دلوقت اننا نطلع من لبنان
ملك .. بعد الي حصل هيكون صعب لكن مفيش حاجه مستحيله
جاسر .. انا معايا ياسر وناصر دول اصحاب عمري وليهم سنين هنا هيساعدونا وان شاء الله نوصل لي هدفنا انا بعت لهم رساله وان شاء الله علي بكره يكونوا هنا
ملك .. ان شاء الله
جاسر .. ايه مش هتنامي
ملك .. لا مش جايلي نوم
جاسر .. يبقا تقوليلي ايه الي جابك هنا
ملك .. انا مصريه درست في مصر لحد الجامعه وبعد كده والدي مات وماما كانت لبنانيه جينا هنا وتعرفت علي احمد الله يرحمه وحبيته و تخطبنا وفي يوم الخطوبه نزلوا الكلاب دول علي الخطوبه واحمد طلب مني استخبه وطلع هو واجهم وما سابوش حد عايش قتلو الكل بدون رحمه يا جاسر ومن وقتها وانا ببص علي الاطفال والنساء وكل اهلي مرمين علي الارض والدم في كل مكان وانا عايشه عشان الانتقام وبس وقلبي ما فيهوش مكان لي اي حاجه و بدات الدموع تنزل من عينيها
جاسر .. انا اسف ان كنت فكرتك و كتر خيرك انك استحملتي ده كله يا ملك وازاي دخلتي في المنظمه
ملك .. في بنات منهم بيجندو البنات اتعرفة علي وحده منهم وفعلآ بعد ما وثقة فيا ضمتني للمنظمه وطول السنه وانا بكسب ثقتهم وخدمة في اكتر من مكان وبفضل التدريب الي اخدته منهم بقيت قويه ومش بعرف الخوف
جاسر .. بالعكس هما حياتهم مبنيه علي الخوف الي مخليكي كده حاجه وحده وهي الانتقام واوعدك اننا هننتقم منهم شر انتقام وهنخليهم يعيشو الجحيم علي الارض
ملك .. وانا تحت امرك وهنفذ كل اوامرك اعتبرني عسكري عندك
جاسر .. يلا كفايه كده وحاولي تنامي وانا هفضل بره لحسن حد منهم يجي تصبحي علي خير
ملك .. وانت من اهله
جاسر.. طلع بره وكان الجو شديد البروده و بيعدي الوقت ببطئ
ملك .. تقوم وتحس ببرودة الجو و بتاخد بطانيه وتطلع لي جاسر
جاسر .. انتي قومتي ليه
ملك .. الجو برد عليك يا جاسر خد البطانيه دي عشان ما تخدش برد
جاسر .. لا خليها معاكي البطانيه دي مفيش غيرها وانتي تعبانه
ملك .. لا انا بخير
جاسر .. لا مستحيل
ملك .. تقرب منه وبتقعد جنبه وبترمي البطانيه علي ظهره وظهرها كده اتغطينا احنا الاتنين
جاسر .. سكت شويه و بصلها وقال طاب اتغطي كويس وفعلا تغطي جسمها كله وهو كمان و تحط راسها علي كتفه وتنام وهي قاعده جنبه وهو صاحي لحد ما الشمس بتطلع وبدفي المكان وتيجي الشمس علي عيون ملك وبتقوم
ملك .. انا اسفه ما حستش بنفسي
جاسر .. ولا يهمك المهم تكوني ارتحتي
ملك .. اه الحمد لله وبجد مش عارفه اشكرك ازي
جاسر .. مش خلاص بقينا فريق واحد يعني مفيش شكر بينا وانا هولع نار عشان اسخن اللي فاضل من الغزاله عشان نفطر
ملك .. وانا هروح اجيب مياه من البئر الي هناك
جاسر .. لا انتي تعبانه انا هجيب المياه
ملك .. لا انا بقيت كويسه وكمان عشان افوق شويه
جاسر .. ماشي ما تتاخريش
ملك .. حاضر وتروح عند البئر و تملى مياه وبترجع علي طول
جاسر .. جهز الاكل وقعدو ياكلو سوا والاكل كان لذيذ
ملك .. تسلم ايدك ادخل بقا ريح شويه وانا هفضل هنا ولو حسيت بي اي حاجه هصحيك
جاسر .. ماشي وبيدخل ينام
ملك .. قاعده وعينيها علي كل مكان وودنها مع كل صوت وقامت اتمشت جنب البيت لحد ما وصلت عند شجره ونزلت علي الارض وفضلت تحفر في الارض لحد ما طلعت صندوق وفتحته كان في قناصه وعدد من الاسلحه والذخيرة اخدت القناصه منه ورجعته مكانه وهي بتقول خليك لحد ما احتاج لك وطلعت فوق البيت براحه عن طريق سلم خشبي كان ورا البيت وفضلت تبص في المنظار بتاع القناصه وكل شئ تمام لحد ما لمحت عربيه جايه من بعيد نزلت بسرعه وصحت جاسر
جاسر .. في ايه يا ملك
ملك .. فيه عربيه من عربيات المنظمه جايه علي هنا شكلهم بيفتشو الغابه
جاسر .. قام واخد منها البندقيه وبصلها انتي جبتيها من فين دي
ملك .. كنت شايلها هنا هو وشوية سلاح
جاسر .. تمام هاتي السلاح وانا اطلع اعطلهم وفعلا طلع فوق البيت ونشل علي عجلة العربيه وضربها بطلقه ووقفت العربيه ونزلوا الارهابين وجاسر خلص عليهم وبيبص وراهم لقي عربيه تبعهم بتلف وبترجع وعرف اني الغابه هتكون ساحة قتال وبينزل عشان يشغل العربيه بيلاقي البنزين خلص
ملك .. مالها العربيه
جاسر .. البنزين خلص عشان كده العربيه كانت بتقطع واحنا ماشين
ملك .. و هنعمل ايه دلوقت
جاسر .. ما قدمناش غير المواجهة فين السلاح والذخيرة
ملك .. اهو
جاسر .. كويس الذخيرة كتير هرن علي ياسر عشان يستعجلو وياخدو بالهم و بيطلع التليفون يلاقيه فصل شحن وهو ده وقته
ملك .. فيه ايه تاني
جاسر .. التليفون فصل شحن
ملك .. في صوت عربيات بتقرب
جاسر .. يلا خدي سلاحك وخدي ساتر وكل الي تلمحيه اضربيه
ملك .. بتاخد سلاح وذخيره وتستخبى وراء شجره بعيد عن البيت
جاسر .. بيكون قريب من ملك وواخد ساتر