رواية مسار اجباري الفصل التاسع والعشرون29والاخيربقلم منه محمد
في غرفه العرسان منال قاعده لوحدها وعيونها تلف في الغرفه وسعيده وفرحانه انها اخيرا بقت مع امجد لحد ما سمعت صوت رسايل كتير ع موبيلها قامت من مكانها واخدته وبتعجب: هي ليه علا بتبعت لي رسايل دلوقتي
علا= امجد حبني قبلك وهيفضل يحبني وانتي اخدتيه مني
منال نزلت دموعها وحدفت جسمها ع السرير تبكي
امجد دخل ولقاها : منال ليه مبرقه فيا كده
منال قامت واتعدلت وبصتله من بين دموعها الغزيرة نظره كلها غيظ وغضب شديد
امجد ارتبك من منظرها: حصلت حاجه من فضلك قوليلي
منال من غير كلام مدت له الموبيل يشوف الصور ورسايل الحب والغرام الي بينه وبين علا وهو وشه اتغير
منال: ايه ده انا بسالك ايه ده انطق ورد عليا ايه ده
امجد طغت الصدمة على ملامحه وبلع ريقه: اكيد مش زي ما مفكره
منال: وانا عايزه حالا اعرف الحقيقه الي خبيتها عني وقلت لي حاجه تانيه اظن لسه فاكر الي قلتهولي ان انت وهي مجرد زملاء سوي في الكليه مش حاجه اكتر من كده مش ده الي قولته ان مفيش حاجه بينكم امال ايه صور العشق والغرام والحب دي رد قولي ايه صور مفبركه ليه واقف صنم كدا رد سكوتك اكبر دليل انك غشاش وكداب وخاين عارف ليه كدبت عليا عشان انت مخادع خدعتني
امجد : انا مش كدا انا هقولك ع كل حاجه انا وعلا فعلا كنا بنحب بعض
منال: كنتم ولا فيه علاقه بينكم اكتر من الحب
امجد: يا منال كل ده حصل من الماضي , وانا وهي حاليا مفيش اي علاقه تربطنا سوي ولا ليها مكان في قلبي والله مافيه غيرك انتي وبس
منال زعقت فيه: ازاي اقدر اصدقك قولي , تعرف لو كنت قلتلي الكلام ده من زمان كنت صدقتك اما دلوقت لا اظن سالتك الف مره تقولي الحقيقه بس انت مقلتش اي حاجه انا كنت بثق فيك كتير وكنت هصدقك لو حتي شويه لكن دلوقت لا مش هصدق اي حاجه تقولها ولا هقدر اثق فيك انت قتلتني بايدك حبيتوا بعض كنت قولي وانا كنت هبعد عن الساحه خالص وابعد بعيد كنت تعالي صارحني وشوفني كنت هعمل ايه بس انت كسرتني قتلتني وروحي بتفرفر من الالم تعرف الالم الي حاسه بيه قد ايه لا مش هتحس لو قلت لي عندي استعداد اضحي بكل حاجه عشان تبقوا سوي والله كنت هبعد
امجد صرخ فيها : منال انتي فاهمه كل حاجه غلط انتي حبيبتي وكل حاجه ليا انا اتعلمت منك ايه هو الحب اما حبي ليها كان مجرد اعجاب وانتهي وعارف ومتاكد مائه في المائه اني بحبك انتي وبس والله بحبك كتير انتي روحي وحياتي وقلبي بصي في عنيا شايفه اني بخدعك واني بكدب انا معترف اني غلط لاني خبيت عليكي بس مكنش عندي الشجاعه وقلت قصه وراحت لحالها معرفش انها هتبعت لك الصور في ليله فرحنا بعد ما بقيتي في بيتي ومعايا منال انا كنت خايف اخسرك ومش عايز اخسرك واوعدك في المستقبل مش هخليكي تشتكي مني ابدا ولا يوم واعتبريها غلطتي الاولي والاخيره هنبدء حياتنا الجديده نوعد بعض ان احنا الاتنين في المستقبل مش هنسمح نفهم بعض غلط
منال زقت ايده وبكت: انا دعيت كتير اني اخدك وابقي ليك وحصل وربنا استجاب كنت شيفاك احسن راجل في الدنيا بالنسبه لي ومفيش حد زيك واتعلمت اكمل في الحياه واقضي كل لحظه بسعاده معاك ليه خلتني احس بالقهر وموتني
امجد شدها لحضنه وقال بحنان دافئ : مش هخبي عليكي اي حاجه تاني ابدا , وكل لحظه في حياتي هعشها عشانك
...................قصص منه محمد كاتب..............
لبست وجهزت وبتلف الطرحه لقته طالع من الحمام
اطياف بصتله في المرايا وقالت : بقالي قد ايه عماله اصحيك ,كل حاجه جاهزه وبعد شويه هنتحرك لبيت منال
امير وقف قدامها وفضل يبصلها بنظرات اعجاب
اطياف بصتله الي عمال يراقب كل حاجه حواليه بعين الفضول :: بتبص ع ايه كده
اميربنفس النظرات
اطياف ابتسمتله :الله هتفضل مبحلق مش هتقولي حاجه
امير : غصب عني, مش عارف اشيل عيني عنك كأني اول مره اشوفك, وبقيت خايف
اطياف : خايف من ايه
امير : خايف حد يشوفك ينبهر وانا وقتها هتحول لوحش وعقلي يتوه
اطياف: للدرجادي بتغير عليا
امير: ايوه بغير هو عيب الواحد يغير ع حد بيحبه , بغير لما بشوف اي عين غيري تتحط عليكي لو حد سلم عليكي بغير , بغير من نسمه الهواء الي بتقرب منك
اطياف: بتعرف تتكلم كلام حلو
امير: والله ما كنت بعرف اقول كلمتين ع بعض من كلام الحب, بس اظاهر علمتيني وبقيت اقول كلام مش عارف بيطلع منين وازاي كأنه بحبك
اطياف: ايه كأنه
امير ضحك: لاء مش كأنه انا بحبك بجد , وكل مره هختارك انتي يامجنونه
اطياف ضربته في كتفه بغيظ : انا مش مجنونه
امير: لاء مجنونه وست المجانين كمان
اطياف :انا مش مجنونه
اميرضحك :خلاص انا الي مجنون وعيل مبسوطه دلوقت
اطياف : انا كمان بحبك واكيد انت عارف يعني
امير: انا مش غبي حسيت لما فجأه الامور اتطورت بينا بشكل غير متوقع , ع عكس ما كانت عليه في بدايه تعارفنا
اطياف : طيب تعرف لما بدئت احبك واتعلق بيك كنت قلقانه كتير
امير : ليه
اطياف: يعني مكنتش عارفه انك هتحبني , وكنت خايفه
امير : خايفه
اطياف :يعني اتجوزت وعشت في بلد ارياف مش جوي ولا مكاني
امير : ودلوقت
اطياف: مبسوطه كتير في عشتي معاك هنا , وحبيتك كتير لدرجه ادمنتك, ادمنت صوتك ادمنت كلامك, ادمنت كل حاجه تخصك , نقلتني لعالم تاني بحس ان انت الوحيد الي بتفهمني انت الوحيد الي بتحميني لوحدك سندي, لما بتكون جنبي مش بحتاج لحد ,حضنك بينسيني وجعي, بعيش في حضورك بسعاده , غزلك بيحسسني اني اميره , امير انت بالنسبه لي كل حاجه قادره استغني بيها عن الكل , بس مقدرش اتخلي عنك لان انت الي بتقدر تكون الكل بس محدش بيقدر يكون انت ,انت اسبشيل مختلف انا حبيتك من جوه ,وحبيتك كمان لما اتاكدت اني لقيت فيك كل صفات الراجل الي نفسي فيه
امير: تعرفي عمري ما تخيلت في يوم من الايام هنعيش مع بعض لحظه تفاهم ولا تحبيني زي ما حبيتك ما هو انتي كنتي ما شاء الله كل يوم تدبي خناقه معايا شكل وكنت بقول البت دي متتعاشرش ,ومن افعالك جبت لي خلل في دماغي وكنت قربت اروح لدكتور مجانين
اطياف : ليه هو انتي حبتني لما كنا بنتخانق
امير : لهو انتي مخدتيش بالك اني هتجنن عليكي من اول يوم شوفتك فيه
اطياف: مع اني كنت كل ما اشوفك اقولك بكرهك
امير: وعرفت انك بتكدبي عليا لما كنتي بتقلهولهالي واتأكدت ان الكلمه ده من وري قلبك يوم ما اهتميتي بيا لما انضربت بالنار لان لو كدا كنتي هترميني ولا هبقي فارق معاكي
اطياف: عشان حبيت حنيتك عليا ومعاك بحس اني طفله لو سيبتها هتقع
امير: وانا كنت بتوجع لما كنت بشوف في عيونك حزن كبير , وكنت بقعد افكر ازاي امحي الحزن ده وابدله بسعاده وابتسامه
اطياف: بقيت رومانسي زياده يا امير
امير: الراجل لما بيحب بجد بيبقي رومانسي اكتر من الستات وع فكره الحب مش بس رومانسيات الحب سند ضعف قوه في وقت واحد والراجل الي بجد وقت الازمه تشوفي منه الي مايخطرش ع بالك
اطياف: وانا حقيقي مش بتمنا رفيق في العالم غيرك
امير: عارفه يا تيفا انتي عامله زي السهم دخل حياتي فجاه وسيطرتي ع عقلي وقلبي
اطياف كشرت بقرفه: سهم ده الي ربنا قدرك عليا ها
امير: اقولك انتي كل حاجه حلوه في حياتي يا تيفا انا حاسس اني عايش بسببك انتي كل حاجه بالنسبه لي
اطياف : طيب يله بينا احسن كلمتين حلوين منك كمان مش هتحرك من هنا
امير: لسه في في قلبي كلام احلي واحلي لازم تسمعيه
اطياف: لا مش وقته وخد بالك من قلبك كويس يا امير عز الدين اصل قلبك لو اجهدته كتير مش هيكون له فايده, يله روح البس هدومك ودقيقه تكون جاهز الكل مستنينا تحت
امير شدها عليه ولف ايده حوالين وسطها : سيبيهم يمشوا وخلينا مع بعض احنا شويه
اطياف: يله ولما نرجع هديك حاجه حلوه اوي يامرمر
................قصص منه محمد كاتب...............
اطياف نزلت رمت السلام وهما ردوا عليها
ثريا : طالعه زي القمر حلوه اوي
اطياف :انتي كمان جميله
ثريا :اطياف كنت عايزه اقولك ع حاجه
اطياف: اتفضلي
ثريا : عايزه اعتذرلك عن ظروف جوازك بس كنت واخده منك موقف ,ومكش ينفع اعمل كده المفروض افهم مشاعرك واخدك ع انك زي بنتي , انا محروجه من الموضوع ده مقدرتش اتفهمك سامحيني
اطياف: يا حبيبتي بتتكلمي في ايه , انتي تستاهلي التقدير والاحترام ومهما عملتي معايا انتي زي امي وبحبك زيها , وبعدين انا ليا معاكي علاقه مزدوجه انتي رعيتي امير من طفولته يعني امه وحماتي في نفس الوقت
اسهان: اطياف عندها حق يا ابله ثريا , انتي ام لينا كلنا وعلمتينا في البيت ده نتحمل جميع المسؤليات مره بهدوء ومره بزعيق لكن دايما بنحبك وبنحترمك , وهتفضلي غاليه دايما عندنا وبفضل دعوتك ربنا عطاني منال واطياف بناتي
ثريا: عشان انتي كمان طيبه يا اسمهان تستحقي تكوني ام , وهفضل ادعيلكم كلكم يله ياولاد نروح للعروسه
......................
ثريا بعد رجوعهم من بيت منال طلعت تطمن ع علا الي كانت واقفه وسامعه مدحها في اطياف لقتها نازله بشنطه
ثريا بصت وسألتها سؤال: علا انتي رايحه فين , وايه الشنطه دي
علا بحقد وغضب: هسيبك البيت للابد , مش هقدر اشوف السعاده لغيري في عينك بحس اني بتخنق وانا شايفه منال واطياف ومعاملتك معاهم , هو انتي امي ولا امهم , معقول انتي ام عطيتي سعادتي ليهم يا خاينه , انا بكرهك انتي قتـ لتي سعادتي ومش هسامحك
ثريا : اتجننتي معقول فيه ام تكره بنتها , وبعدين ازاي قتـ لت سعادتك, انتي اغلي حاجه عندي مش هحب حد زيك انتي حياتي
علا :وانا ماشيه
ثريا مسكت دراعها: تمشي تروحي فين
علا بتزقها عنها بهستريا: في داهيه
ثريا: وانا مش هسيبك
علا صرخت بعصبية مفرطة ودفعتها من ع السلم وثريا وقعت من ع السلم ودماغها اتخبطت في الرخام والكل صرخ واطياف برقت عيونها من الصدمة وصرخت باسم امير الي نزل جري والكل دخل في حاله صادمه
.................
يوم الدفنه
علا ماسكه الخشبه الي جواها جثمان امها وتتكلم بدون وعي: ازاي ده فرحي كمان شويه, امي لازم تحضر الاول , محدش يمشي انا هتجوز
اسمهان مسكتها بسرعه وبكت: علا جرالك ايه يابنتي
علا: ليه مسكني كده سيبوني انتم دايما تضايقوني بالطريقه دي, امي لازم تجوزني الاول هي ليه مش بتصحا كل ده نايمه
امجد دخل يشيل النعش تلفونه رن بعد ورد: رشاد هتكلم معاك بعدين
رشاد: ليه فيه حاجه انا كنت محتاج اتكلم معاك وعايز نتقابل
امجد :مش هينفع دلوقت خالص
رشاد : هو ايه الصويت الي عندك ده
امجد: للاسف ثريا هانم اتوفت فجاه واحنا طالعين ندفنها دلوقت وعلا من ساعه ما امها ماتت وهي مش في حاله طبيعيه هكلمك بعدين
امير انتظر امجد وشاور للرجاله يرفعوا النعش تحت صرخات علا وتردد انها قتـ لت امها
........................
اطياف: الو
رشاد :اطياف
اطياف :نعم قولي عايز ايه بسرعه يا رشاد
رشاد: انا زعلت لوفاه مراه عمك
اطياف: كل حاجه حصلت بسرعه رهيبه لدرجه مش قادره اصدق لحد دلوقت
رشاد :اطياف عايز اقابلك
اطياف بشخط: عقلك بخير انت عارف الوضع الي في البيت في الوقت ده عامل ازاي
رشاد: انا عارف بس من فضلك متقوليش لاء ده امر مهم جدا
اطياف بحده: رشاااد
رشاد بتصميم: انا هفضل واقف قدام بيتكم القديم, وهفضل مستنيكي تيجي بسرعه
اطياف قفلت السكه وركبت عربيه مخصوص اخدتها لحد هناك ونزلت راحت عليه بعجاله: ليه جبتني هنا كام مره منعتك تتصل بيا بس مفيش فايده فيك
رشاد :عشان عايز اعتذرلك
اطياف ضمت حواجبها بتعجب: تعتذر لي عن ايه
رشاد :عارف حتي مليش وش اطلب تسامحيني ,لاني مستهلش وبذنبي مش قادر ابصلك
اطياف :ممكن تتكلم بوضوح اكتر ,معنديش وقت لازم ارجع البلد قريب
رشاد: انا اشتركت مع علا ابوظ حياتك
اطياف بصدمه وذهول: ايه
رشاد : مش بس حياتك , حياه امجد ومنال ,واني لازم امنع جوازتهم تتم بأي شكل
اطياف: انت عملت كل ده بس ليه وعدتك بايه
رشاد :هي استدرجتني
اطياف :استدرجتك ازاي؟
رشاد :وعدتني ارجعك لحياتي
اطياف: انا مستحقره نفسي لما في يوم حبيت واحد واطي زيك, انا قرفانه من وشك كنت بقول ان حظك وحش معايا , لكن لا الحمد لله انك مكنتش من نصيبي , ده ربنا بيحبني انك مش شريك حياتي , مش قادره اصدق انك تعمل ده فيا , من اليوم وطالع اياك توريني وشك المشمئز انا مش عايزه اشوفك ابدا مدي الحياه
رشاد طالع يجري وراها: اطياف
اطياف بصراخ: بقولك اياك تيجي قصادي , انا مش عايزه اشوفك ياحقير يالي كنت هدمر حياتي , وحياه اختي
اطياف مشت شويه للتاكسي ووقفت تفكر في حاجه وبعدها جريت وبكل غضبها منه ضربته ع خده بالقلم : انت مش دمرت حبنا , انت دمرت صداقه طفولتنا سحقتها انت ميت في نظري
رشاد رجع البيت يبكي ع وضعه وان دي نهايه حبه مع اطياف واخد شريط برشام كامل وراح لطريق الموت
...............قصص منه محمد كاتب..............
اطياف بعد يومين عرفت ان حميده وصبيحه اتقـ تلوا في شقتهم ولما راحت لعلام ابو حميده قالها ان الي قتـ لهم عمها زي ما قتـ ل امها وهنا حصلها حاله جنان وجريت ع السرايا لمحته قاعد في الجنينه
اطياف قربت عليه: انت قاعد تقرء الجورنال بكل حواسك يا حكيم بيه
حكيم بصلها : ايوه بحب اعرف اخبار العالم وايه الي بيحصل فيها
اطياف بستهزاء : فيه خبر عنك هيوديك في داهيه , بس مش هينزل النهارده هينزل بكره مهم جدا
حكيم اتكلم بعصبية: بتقولي ايه يا بنت , انتي ازاي تتكلمي معايا بالشكل ده
اطياف سندت بأيدها ع التربيزه قدامه وقالت بتحدي :احمد ربنا اني بتكلم لحد دلوقت اظن عارف تربيتي واخلاقي ولحد دلوقت انا محترمه
حكيم قام من مكانه وقال بغضب: انتي يابت اتلحس عقلك , ولا حصلك ايه
اطياف قالت بهدوء: عايزه اقولك ان عصر العنف والقمع هيختفي, اصلي وصلت لقاتل امي ودلوقت هسحب المجرم لمكانه
حكيم عيونه زاغت في كل مكان ومش ع بعضه واطياف رجعت دخلت السرايا كأنها تايهه
اسمهان قربت منها بلهفه: اطياف كنتي فين كل ده, فيه حاجه حصلت
اطياف الحزن كاسي ملامحها : انتي فعلا قلقانه عليا اصل احيانا بخسر الناس الي بيحبوني , واحيانا بخسرهم عشان مبادئي وتحقيق العداله للمظلومين , بخسر وبضحي باهم علاقاتي, بس متقلقيش كله هيبقي احسن وبخير متقلقيش عليا اطلاقا كل حاجه هتتصلح حالا
اطياف ركبت العربيه في طريقها للقسم واتصلت بامير وهي تكبح بكائها
امير :اطياف كل حاجه عندك تمام انتي كويسه
اطياف دمعه نزلت منها ونطقت بصوت مخنوق: ايوه كل حاجه بخير , وهتبقي تمام
امير بقلق : امال مالك ليه صوتك زي ما تكوني بتعيطي
اطياف شهقت: امير الي قتـ ل امي مش حرامي عمك , وقتل صبيحه وحميده كمان وانا رايحه ابلغ عنه القسم
امير سمعها وسكت!!
اطياف بكاء: انت سكت ليه من فضلك قولي حاجه
اميراتنهد بحزن: اطياف انا معاكي في كل قرار, اوعي تعتبري نفسك لوحدك , وكل خطوه في الحياه انا همشيها معاكي ,وهندخل الامتحان سوي
اطياف: امير الي بعمله صح
امير: ايوه صح وانا بدعمك فيه
.......................
امير دخل بعد ما حكيم بعت له يجيله ع وجه السرعه
امير: نعم بعت عايزني
حكيم :اه شوف يا امير من اول لحظه جات مراتك السرايا وهي عنيده ومتعسفه وعشانك اتقبلت البنت الانانيه واتسامحت مع عندها ونوشفيه دماغها بس دلوقت جه الوقت تسيطر عليها والاحسن تمسك زمام امورها بنفسك والا انا اعرف ازاي اسيطر عليها
امير بصرخه حاده: لحد هنا وتقف انا الي هقرر اليوم ,قتلت مراه عمي مديحه بعلمي او من غير علمي عملتها ومش هشارك في جرايمك
حكيم: انت عارف ان الرصاصه مكنتش لمديحه, دي كانت لحد تاني
امير بنفعال عليه: في النهايه قتلت حتي لو كانت لحد تاني مش من حقك تاخد روح حد منه , ولحد اطياف قبل ما تفكر توصلها تاخد راحه لانك هتتخبط في جدار الي هو انا امير عز الدين , فضلت كاتم وساكت عشان اطياف متعرفش حاجه لكن خلاص اهي عرفت الحقيقه وهي راحت تبلغ عنك وانا هقف معاها ومستحيل ادعمك وهحميها من اقرب الناس ليها حتي لو ابوها, وانا غلطت طول عمري مستسلم لكل قرار غلط اخدته لكن دلوقت خلاص مش هيحصل
حكيم: انت ازاي تتجرء تقف قدامي
امير: لاء حاسب انا كان المفروض اقف من زمان في وشك لاني ظلمت نفسي كتير واليوم حاسس بالندم والكسوف انا لوحدي الي هتحاسب ع كتابي
عزيز كان واقف وقاله بعد ما امير سابهم ومشي: الي سمعته كنت اتمني اموت قبل ما اسمعه ليه عملت كده ده انا كنت دايما شايفك اب وبحترمك وفي المقابل تقتل مراتي ام بناتي تعرف انا ماسك نفسي عنك بالعافيه بس خلاص نفذ صبري قراراتك وتحكماتك عندك اهم من اي شئ اهم من الذات قولي استفدت ايه في المقابل خسرت مراتك وبنتك اتجننت هتقضي حياتك كلها زي الضل خسرتني حبي وفضلت ساكت واخدت بنتي مني وقفت اتفرج ع الي بيحصلها وانا برضو ساكت عمري ما قلت لك لاء عشان قلت انك اخويا دراعي وكتفي وانا زي المغفل وطلعت من غير حبيبتي تعرف اليوم نزلت من نظري جامد انا عمري ما قابلت واحد منحط اكتر منك انت مقتـ لتش حبيبتي بس انت قتلتـ ني بالحياه
حكيم بتوتر وخوف: عزيز انت فاهم غلط , مفيش حاجه من دي, تعال اقعد واسمعني
عزيز صرخ فيه: مش هسمع حاجه كلامك وافعالك كلها قذره , وكونك اخويا انا مستعر منك وبتمناه الموت لان امير ضحي بحياته عشان خاطر حبيبته رغم كان بينفذ كل كلامك بحب واخلاص لكن النهارده وقف ضدك وانا مبسوط انه فاق وسابك لوحدك اليوم
................قصص منه محمد كاتب.............
فضل يتصل بكل مسؤل بعد ما اطياف وامير طلعوا في الصحافه وفضحوه ولما لقاه الابواب كلها اتقفلت في وشه طلع يجمع شنطته يستعد يهرب من البلد وهو نازل لقاه الشرطه
الظابط: حكيم بيه معانا امر بالقبض عليك في جرايم قتل , اتفضل معانا حطوه الكلبشانت في ايده
اطياف وقفت قدامه وقالت: قلت لك يا حكيم مهما كنت طاغي وظالم مسيرك في يوم هتقع بأمر من الله حضره الظابط شدوه
الظايط: يله
امير: ها ارتاحتي دلوقت
اطياف: جدا ونفسيتي مرتفعه ماما اسمهان انتي من اليوم كبيره البيت
منال: وامنا كمان بعد ما مشت امنا من الدنيا اخدتينا بين درعاتك وخوفتي علينا وكنت صديقه في كل وقت وام بنتمنالك السعاده من كل قلبنا وانتي بجد امنا واحنا بناتك
اسمهان بسعاده بالغه ضمتهم لحضنها وعزيز وامير مبسوطين
امير: عمي عزيز انت من اليوم عمده البلد رغم اكبر مني بس الله يسامحه عمي حكيم عطاني المسؤليه ع دماغي لكن انت وريثها الشرعي
عزيز:لآء يابني
امير: عمي سيبني اعمل الصح , من النهارده العايله والبلد مسؤلياتك ياعزيز حكيم عز الدين
عزيز ضمه لحضنه وامير ضمه بسعاده
منال: يله كلنا ناخد سلفي بالمناسبه الحلوه دي
امجد: دخليني معاكم في الصوره
....................
النهايه بعد ولاده اطياف وجابت نسخه مصغره من امير
امير باس جبينها : حمد لله بالسلامه يا ام بنتي
اطياف: الله يسلمك , اظن شكلي كله غلط
امير ضحك: ولا غلطه لدرجه مش قادر ارفع عنيا عنك يامنوره حياتي
اطياف :بجد انا منوره حياتك
امير : طبعا منوره حياتي انتي سندي, هو حد يلاقيكي في الايام دي
اطياف :ربنا يخليك ليا لسه بتحبني
امير :طبعا بحبك انتي مراتي يابنتي
اطياف كشرت: يعني بتحبني عشان انا مراتك بس
امير : هو انتي مش بتزهقي من السؤال الغلس ده
اطياف: لاء بقي مش بزهق والله ساعات بحس انك حبتني شفقه والسلام
امير :شفقه ازاي
اطياف: اصلي سمعت انك بتشفق ع قطط الشوارع والكلاب
امير: وانتي بقي قطه ولا كلب
اطياف: انا مش بهزر
امير :وانا مش بهزر وبعدين ازاي اشفق عليكي وانا من يوم ما شوفتك وانتي كلك قوه وجبروت
اطياف: ازاي
امير ابتسملها: يعني رغم عانيتي في طفولتك وبرغم ظروف عيشتك , ورغم وجود مشاكل كتير في حياتك بس لسه مقبله وعندك شغف ع الحياه وعندك احلام وامنيات كتير, وتهيئ الظروف لنفسك بايدك , عشان حياه افضل , وانا وقفت معاكي لاني اعجبت بشخصيتك اوي
اطياف : وانا لما اعجبت بشخصيتك الجميله, بقيت مهوسه بيك شويه
امير عوج وشه: شويه
اطياف: لا كتير
امير: وانا قلبي بيرفرف وبقولهالك بصوت عالي انا معاكي بحس بنفس الشعور وبحبك وواقع وخالص ع الاخر
اطياف: وانا عمري ما هندم اني حبيتك يا بو بنتي
واخيرا الحب مش مجرد مشاعر .......الحب افعال .........الحب مش واجب بنعمله ........الحب ده حاجه كبيره منقدرش نستغني عنه .........واللارتباط مع حد بيحترمك ويقدرك بيحسسك بسعاده تغنيك عن الدنيا كلها___
تمت