رواية كافي السعاده الفصل الثاني2بقلم نورينا

اتصدمت ودمي اتجمد 

- حازم هيرجع !!!

دخلت اوضتي وانا بحاول أتمالك نفسي 

يعني اي هيرجع ! 

انا مصدقت يمشي مصدقت قلبي يتعافي من حبو ومن قسوتو عليا اخر مره ..

راجع لي يارب بس 

ولو هيرجع يجوري ولا يهمك ولا يفرق معاكي تمم عادي اي يعني حازم رجع اي يعني علقك بيه سنتين وف الاخر قالك انا اكتشفت أن مش بحبك اكتشفت أن الي كان بينا كان مجرد تعلق ! تعلق وبس عشان مكنش في غيري قدامو بس هوا كداب هوا كان قدامو كتير واختارني انا هوا قالي كدا وبعد اما سابني منغير ميهزلو شعرايه وهونت عليه عادي اعرف بعدها بأسبوع .. اسبوع بالظبط ولقيت طنط جايه تعزمنا علا خطوبته 

فلاش بالك .....

- جوري لو سمحتي عايز اتكلم معاكي ف البلكونه شويه 

بصيت عليه بأستغراب ومن طريقته الغريبه وقومت معاه 

- ها يا سيدي عايز تقول اي 

نظرتو ارتبكت وفرك بأيدو بتوتر باين عليه بيحاول يجمع الكلام وانا منكرش أن خوفت واخيرا نطق واتكلم .. وياريته متكلم

- جوري انا .. انا مش عارف اقولك اي انا بصراحه مش عايز اكمل أو ا مش عارف اكمل جوري انا اكتشفت أن الي بينا ... مكنش حب و..

قاطعته بسخريه وانا بحاول اكون ثابته

- مكنش حب هه امال كان اي كنت بتسلي وقتك بيا ؟ قولت اهي بتحبني اما اخطبها وخلاص وامثل عليها أن بحبها واسلي وقتي ؟

قالي بتوتر ونفي 

- ابدا .. ابدا يجوري والله انا فعلا كنت مفكر أن بحبك جوري انتي بنت جميله وتتحبي ومليون واحد يتمناكي بس انا حسيت أن انا مبقتش عارف احبك مبقتش عارف ابصلك بنفس النظره بقيت شايفك اختي انا عارف أن مش سهل عليكي تتقبلي حاجه زي كدا انا...

قاطعته بسخريه لتاني مره انا بربع ايدي 

- اديك قولتها انا اتحب ومليون واحد يتمناني انا لو هزعل ف مش عليك ابدا والله لا عليا هه هوا انا مقولتلكش بيقولوا الناقص مبيتزعلش عليه ولا حتا منو ف متفكرش أن هزعل الي هزعل عليه هوا قلبي ومشاعر الي راحت هدر ف واحد زيك هزعل علا وقتي الي ضيعته حياتي الي وقفتها عشانك وعشان انت مش جاهز لسه لاكن عليك هه لا ي بابا فوق انت اخد مقلب ف نفسك 

بصلي بغيظ 

- اعملك اي انا الي معرفتش احبك مشوفتكيش مراتي مقدرتش احب انا حاولت وف الاول منكرش أن كنت منجذب ليكي وكنت مشدودلك اوي بس .. بس يعني 

قولت بضحكه سخريه 

- اكمل انا استنا قابلت واحده ولما شوفتها من اول نظره عرفت انها هيا الي بتدور عليها حسيت انك مش هتعرف تتجوز غيرها لما بصتلها وضحكتلك حسيت أن الدنيا وقفت ع البنت دي مبقتش شايفني بعدها ف قولت تكرهني فيك وتبدأ تتجاهلني متردش عليا متكلمنيش ف كدا هكرهك بس انت غبي انت فاكر أن انا نايمه علا وداني ومعرفش حاجه بس انا اصلا كنت متوقعه أن اليوم دا هيجي وكنت مستنياه

بصلي بصدمه 

- انتي كنتي عارفه 

بصتلو بثقه وسخريه 

- اه كنت عارفه تفتكر الدنيا كانت متسهله لوحدها كدا لا انا الي مكنتش برضي ارن عليك وانت معاها معتش بقولك نخرج عشان اسهلك الدنيا وتخرج معاها ولا حتا بقيت اهتم انت بعت أو لا ف انت بدأت تستغرب انا لي بعدت كدا ف بدأت تقرب تاني انت عارف انت عايز اي انت عايزنا نجري وراك ونتخانق عليك والشغل العبيط دا بس انا مش كدا طلاما عينك وقعت علا غيري واشتهت غيري يبقا ف ستين داهيه 

قالي وصدمتو بتكبر 

- يعني اي .. يعني انتي مش فارق معاكي وعادي كدا انا . انا فكرتك ..

كملت بسخريه 

- اعيط واصوت واقولك والنبي لا متبعدش عني ههههه لا بجد انت فظيع لي يحبيبي كنت مين انت انت مجرد حاجه لا تسوي شيء واحد اناني ومش بيفكر غير بنفسه بيتلاعب بقلوب غيرو ومش عامل حساب لحد ف تفتكر واحد زيك يتزعل عليه اكيد لا عايز تمشي اكيد عارف طريق الباب ولا تحب اوصلك ؟ 

طبعا معرفش يرد صدمتو كانت بتكبر مع كل كلمه بتخرج مني خد بعضو ومشي وانا اتنهدت وبصيت لأثرو بسخرية منكرش انو كسرني بس كسرتي دي تعلمني كتير تعلمني أن مديش لحد الامان ولا اثق ف حد بسهوله تاني هلم شِتات قلبي وهرممها من جديد ....

بعد مرور اسبوع ....

صحيت ك العاده عملت الفطار وفطرت ولبست ونزلت الشارع واستوقفتني مامت حازم ودي بتكون صديقه امي المقربه جايه عليا بأسف وبتقولي 

- انا اسفه يبنتي

قاطعتها بأبتسامه 

- انتي مليش دعوه انتي بالي حصل انتي مهما كان زي والدتي وعمري م هاخدك بذنب ابنك 

بصتلي بأبتسامه وتوتر

- حبيبه قلبي ربنا يبارك فيكي ويحفظك يارب ا احم النهارده خطوبه حازم ابني انا عارفه أن مينفعش اجي بس صدقيني انتو غاليين عندي ووجودكم هيفرق عندي 

بصيتلها بثبات 

- الف مبروك ربنا يتمم لهم بخير أن شاء لو عرفنا نيجي اكيد هنيجي

- ماشي ياحبيبتي 

ركبت تاكسي وروحت ع البحر ووقفت اشم هوا شويه وارتب افكاري ولفيت جبت لنفسي هدوم وميكب وروحت طلعت البيت لقيت مامتي واقفه بتقولي 

- مش لازم نروح علا فكره 

قولت بأستغراب 

- انتي عرفتي منين 

- كنتي بشتري طلبات وقابلت حازم وعزمني 

- اه قولتي حازم طيب لا بس انا عايزه اروح لو مروحتش هيقعدو يقولو مستحملتش اشوفو معاها والكلام الفاضي دا 

-انتي متأكده يبنتي من قرارك دا 

- ايوا ي ماما متأكده 

- خلاص يبنتي الي يريحك شويه والعشا هتأذن هنصلي ونلبس ونروح 

- ماشي بحبيبتي 

بعد وقت كانت العشا أذنت صليت ولبست فستان ازرق واسع وطرحه بيضه وهيلز ابيض وبعض الميكب البسيط نزلت من البيت وكل خطوه بخطيها بتخرج مني تنهيده طويله اخويا مصطفي  بيمسك ايدي وبيقولي

- لو مش مرتاحه يلا نرجع 

قولت بأبتسامه 

- لا يحبيبي انا كويسه وهبق احسن لو عملت كدا 

ابتسملي بحنان واحنا بنكمل وطلعنا البيت سلمت علا طنط وعلا عمو اكرم والد حازم وبعض الضيوف وقربت علا حازم وخطيبته الي كانت جميله بقدر متوسط ولاكن كان فيها حاجه غريبه البنت ماسكه فيه بطريقه غريبه وبتبصلي بطريقه اغرب بس حقها 

وقفت بعيد جنب مصطفي اخويا وحضرنا نص الخطوبه ومشينا 

تاني يوم عرفت انو هيسافر تايلاند مع خطيبته بعد اما يكتبو الكتاب ابتسمت بسخريه كنا احنا الي متفقين نعمل كدا بس لعله خير وبعدها سافر وانا لميت شتات قلبي من جديد اشتغل وتعبت لما فتحت الكافي بتاعي بعد سنه بالظبط وواحده واحده الكافي اتعرف 

بااااك......

فوقت من سرحاني وانا بتهند وقعدت وانا بفكر اجدد ديكور الكافي هيفضل جو الزمن القديم بس بطريقه شيك هدمج بين جيلنا والجيل القديم بحيث يناسب كل الأعمار ابتسمت بحماس دي فكره هتودي الكافي ف حته تانيه 

بصيت علا تلفوني لقيت رقم غريب بيرن مسكت التلفون وانا برد 

- الو مين معايا 

- انا هاجر يجوري 

- ايوا اهلا يحبيبتي عامله اي 

- الحمدلله كويسه انتي عامله ايه

- الحمدلله بخير 

- كنت عايزه اتكلم معاكي ف موضوع كدا واخد رائيك 

- اكيد يجوجو اتفضلي 

- بصي هوا انا بحب واحد وهوا بيحبني بس هوا كل اما اقولو يجي يتقدم بيتلكك ومش عارفه اعمل اي انا بحبو دا اول حب ف حياتي والله عمري م كلمت حد خالص بس هوا الي فضل ورايا لحد اما حبيتو 

- تمم بصي خديها نصيحه من اخت ليكي طلاما مش مديكي كلمه او قرار انو هيتقدم ف يوم كذا وبيتهرب منك ديما دا واحد مش شاريكي دا بيستلي فقط انصحك انك تبعدي 

- بس بحبو اعمل اي واقولو اي 

- ابعتي قوليلو احنا الكلام بينا غلط وحرام انا مش هخون ثقه اهلي فيا ولا هعمل حاجه تغضب ربنا ي ابن الحلال لو بتحبني انت عارف طريق البيت اهلا وسهلا بيك ف اي وقت انت لا مديني قرار ولا كلمه واظن دا حقي واعملي بلوك ولو بيحبك هيعرف يوصل لبيتك ويتقدم 

- برائيك اعمل كدا 

- سيبك من قلبك ف القرارات دي واسمعي عقلك بيقولك اي 

- بيقولي ابعد عشان غلط 

- يبقي اي ؟ 

- ابعد عشان فعلا غلط بجد شكرا ليكي لولاكي كنت هفضل كدا 

- ولا اي حاجه يحبيبتي لو عوزتي اي حاجه انا موجوده 

- حاضر يحبيبتي 

تاني يوم ....

ف الكافي واقفه محتاره ابدأ منين واعمل اي وبفكر قاطع تفكيري واحده من التيم 

- بتفكري ف اي يجوري 

- بفكر اغير ديكور المكان 

- اي ازاي دا المكان مشهور بسب الديكور دا 

قولت بحماس 

- انتي مش فهماني بصي الكافي ماشاء الله كبير ومتقسم كذا ركن تمم بفكر اخصص كل ركن ديكور مختلف بس نفس الالوان فهماني 

قالت بتفكير 

- قربت افهم قصدك 

مشيت ف الكافي بحماس 

- يعني بصي الركن دا كبير اكبر ركن هنا هنجددو لنفس الديكور بس استايل تاني نفس الاستايل بتاع الزمن القديم

اما بقا الركن دا هنخليه استايل شباب وهنغير المرايه الي ف الركن دا نخليها ع الموضه 

اما بقا الركن دا هنخليه استايل بناتي بس ف نفس الوقت الالوان هتكون متقاربه وماشيه مع بعض 

واحده من التيم بحماس 

- فكره خطيره بجد بس ثانيه انتي مش كنتي محوشه المبلغ دا عشان تعملي دور تاني 

- ايوا بس قولت الفكره دي لو نفذناها هتودي المكان فحته تانيه وكمان هنرفع سعر المنيو وكدا هنلم اكتر وهفتح الدور الي فوق 

بنت تانيه من التيم 

- بس مين الي هينفذ الفكره محتاجين مهندس ديكور شاطر يشرف ع المكان ويكون مع العمال لان اكيد مش هتقفي انتي 

- انا مهندس ديكور 

بصيت بصدمه اثر الي اتكلم  !

                الفصل الثالث من هنا