رواية زينة البنات الفصل الخامس والثلاثون35 بقلم نجلاء فتحي عاشقة الكلمات
فى منزل آيه فتحت الأم غرفه بنتها بالمفتاح لتضع ليها الطعام وجدتها نايمه فى الأرض ،،وضعت ما تحملة على طاولة وجثت على ركبتها بحزن/ قومى يا ضنايا نايمه فى الأرض لية ،،يلا علشان تاكلى وأحميكى حنتك الليلة يا عروسة ينفع تعملى حمام على نفسك جوزك يقول إيه لما تروحى بيته ،،، ،،يوة بت يا آيه مش بتردي لية ،،،،،ثم هزتها وشهقت حين رأت خط دم يسيل بغزارة من فمها وأنفها وفاقدة وعيها صرخت بأسم جوزها. ألحقنى حراااااام عليك بنتى مش بترد عليااااااااااا ،،،،أنت السبب ،،،آيه بلاش توجعى قلب أمك عليكى،،ثم خرجت للشرفة تولول وتلطم يالهوووى يالهوووى أنجدووونى يا نااااااااااس حد يطلب إسعااااااااااف،،، دكتوووووور يا نصبتى ،،بنتى أنجدواا بنتى أبوها حَبسها ومانع أجيب دكتور ،،بنتى ماااااتت يالهوووى يالهوووى
أجتمع الجيران وأشتبك معهم والدها رفض أنقاذها على أعتقاد تسبب له المشاكل، ، وبأعجوبة شخص منهم حملها بقلب أب بغض النظر حالتها المزريه وأنطلق بيها بسيارته لأقرب مستشفى
__________
فى الشركه أهتزت سمر داخليآ من كلام بهاء فقد أهانها أمام الطالبات والخبر يلف الجامعة وقتها فقالت لكى تهينه أكثر :- أنت ولا حاجة حته دلدول فى إيد أخويا البشمهندس سيف خلاك مسخرة قدامنا مالك أنت ومال الهندسة يا دلدول أفندي أنا أخلى عمى الدكتور فاروق المحمدي يرميك برا الشركه يا جربوع يا معفن
أحد الطالبات/ عيب كدة يا سمر أستاذ بهاء مغلطش فيكى ولا فينا ومن أول يوم تدريب رفض حد يقول بشمهندس وبنقلوله أستاذ
، دى مش أخلاق بنت ناس أبدآ،،سورى
طالبة أخرى/ أنتى قليلة الذوق أستاذ بهاء مراعى ظروفنا فى الغياب
طالبة ثالثة/ أنتى مش محترمه أزاى تكونى بشمهندسه المستقبل بأخلاقك القذ*رة دى بيئه أوووى
طالبة رابعة/ حتى لو أستاذ بهاء مع كامل أحترامى ليه شغال عندك بيمسح بيتكم مينفعش نهين حد حرام وعيب ميصحش
طالبة خامسة/ هو علشان أستاذ بهاء راجل جد وبتاع شغل معجبش الهانم قولتى تكسرى عينه لاء يا حلوة هو إللى كسرك قدامنا بأخلاقة الجميله ،، أنتى عايزة شاب مستهتر وأستاذ بهاء مش كدة٠
أجتمع التسع فتيات حوالين منها يعنفوها على ما بدر منها
حاول بهاء التدخل وتلطيف الجو فشل لأسف ،،،تخيلوا لو بنتين بيتكلموا صعب تسكتهم فما بالك بعشرة بيتخانوا ومشادة كلامية مَن يسمع الحديث يشعر بهاء ملاك 😇
أتى سيف وقال بحدة/ أنتو فين هنااا دى شركه محترمه
فتاة بجراءة حكت الموقف والبنات أيدتها
نظر هو لأخته فقد كشفت السر إللى حافظ علية سنين وأنه أبن صاحب الشركه ،،،
صدق من قال آن المصايب تجى بالجملة وراء بعض
سيف بحدة/ يا بنات كل واحدة تمشى مفيش تدريب تانى هنا أول وأخر مرة أدخل تدريب الشركه ،،وأنت يا أستاذ بهاء ورايا على مكتب ،،ثم نظر لأخته وقال"- حسابك معايا فى البيت
نظروا البنات لبعض بحزن فالمكان كويس وبهاء إيضا عكس ما يسمعونه من زميلاتهم الاتى يتدربهن فى أماكن آخرى ويشتكون من سوء المكان والمعاملة ،،وقرروا يذهبوا لسيف فى مكتبة يترجوه فقد كشف السر وأصبح المدير وليه سلطه بقائهم
بقلم نجلاءفتحى عاشقةالكلمات
_________
(فى مكتب سيف)
سيف/ اتفقت معاك تربيها وتخليها تلتزم مش تهينها دى أختى برضو
بهاء/ هانتى ومتكلمتش
سكت سيف لبرهه فهو محق بشهادة البنات لم يجد ثغرة يعنفه بيها فقال/ خلاص موضوع وراح لحالة أرجع لشغل الحسابات ومفيش تدريب تانى داخل هنا،،، وأرجو تقبل أعتزارى أكيد أنت لو مكانى تعمل أكتر من كدة دى أختى ،، وأرجو محدش يعرف أنى صاحب الشركه
بهاء/ مفيش مشكله ،،،لية مخبى
سيف/ علشان أنجح بمجهودى ،،مش عايز أسمع جملة دة نجح على حس أبوة وعمه فهمت
بهاء بأعجاب/ فهمت
طرق الباب ودخلت البنات بعد ما آذن لها،، تترجى سيف بالبقاء وأمام توسلتهم وألحاحهم وافق فلا يقدر راجل يقول لبنت حواء لاء ،، وطلب منهم بطريقة غير مباشرة يعدلوا سلوك أخته وحَسن صورتها أمامهم وإللى حدث ممنوع يتنقل لأى حد غيرهم يقصد( النميمه) وافقوا البنات بشدة
تقدمت إحدى الطالبات يبدو عليها التدين / جزاك الله خيرآ ،،وأنا بناءآ عن أصحابى نعتذر بشدة على ما بدر مننا أتجاة أخت سيادتك، ،،حقيقى الساكت عن الحق شيطان أخرص،،والكلام إللى قولناه فى حق الأستاذ بهاء شهادة فى حقة من أخلاقه الرفيعة
نظر لها سيف بتقيم نظرة تفحصية ملابسها محتشمه ،،لبقتها فى الحديث، ،حيائها وعدم النظر لة ،،أول فتاة تلفت نظرة فقال/ أسمك إيه
نظرت الفتاة للجميع ثم لأرض وقالت بأستحياء/ عائشة
سيف/ منين
عائشة/ جنوب الوادى أقصد أمى وأبويا من هناك وأنا عايشة مع عمى ومراته هنا وأنا صغيرة علشان مش بيخلفوا
سيف/ علشان كدة بتتكلمى زينا ،،،وأهلك
عائشة / لينا قواعد مدام الجد قال كلمه تبقا تتنفذ ،،عندى أخوات كتير وجدى حكم على أبويا عمى يربينى والشهادة لله متكفل بيا كأنه أبويا بجد ومراته أمى
سيف / أسف لو كلامى دايقك
عائشة/ لا عادى ،،لو كنت لسة فى الوادى زمانى مش متعلمة ذى أخواتى أو متجوزة ومخلفة كمان ،،عمى رفض وقالى التعليم أهم ودخلت كلية الهندسة الحمد لله
شعر سيف بالراحة فى الحديث لتلك الفتاة عكس طبع أخته وأعجب بفطريتها وعدم خبثها أبتسم لها وقال:- تمام يا بشمهندسه عائشة أتمنى مفيش مشاكل تانى أنتى وزميلاتك
رفعت نظرها لة وقالت بحماس/ بأذن الله ثم نظرت للبنات فقالوا/ وعد
وعند رحيل الجميع قال سيف لنفسة بنت جدعة وأخذ يردد أسمها حتى يحفظة
بقلم نجلاءفتحى عاشقةالكلمات
_____________
وصلت تغريد للمنزل القديم وصعدت للدور الأول وجدت باب الشقة مفتوح دخلت وقالت :- فايز فايز أنت فين ،،ملقتش غير البيت المعفن دة كنا أتقابنا فى بيت عبدالله أو عندنا فى بيت أبويا أو عندك ،،،أتفزعت حين وجدت صوت عبدالله يأتى خلفها وقال:- فايز أسمه فايز سهلتى مهمتي عرفت الأسم فاضل الشخص
وكمان أتقبلتوا فى بيتى
أرتجفت تغريد/ أفهمك أفهمك أنت فاهم غلط
عبدالله بهدوء/ كنت مستنى لما أبعتلك المرسال تمشى لبيتك أى حاجة تكونى قدامى بيها نظيفة ،،
تغريد بخوف/ أنت فاهم غلط
عبدالله😡/ غللللللط مراتى على علاقة بواحد تانى وغلط ،،،مراتى دخلت راااااجل غريب بيتى على فرشتى غلط وجودك هنا أكد الماية على الملايه يا ********والسجائر صح نظر للرضيع وجذبها من شعرها بقوة/ الواد دة أبن مين يا ********
تغريد/ أةةةةةةة شعرى ،،،،أبنك ،،،
عبدالله/ دة أسود أنتى بيضة وأنا قمحى والشمس غمقتنى محدش فى عيلتى عندة ست صوابع
تغريد/ أبنك
عبدالله/ ميييييين فايز دة
بكت تغريد ورفضت الكلام وصراخ الصغير يعلو ويعلو
أخذ عبدالله الصغير غصب عنها وسلمه لأحد رجاله بالخارج فمهما كان الطفل ليس لة ذنب ،،ملاك طاهر هذا تفكير المعلم عبدالله
عبدالله/ بقينا لوحدنا دة مخزن بتاع الهايبر ورجالتى تحت تحبى أثبتلك محدش ينجدك مين إيدى
تغريد/ أنا مراتك أم أبنك أوعا تأذينى مش أذيتك
ضحك عبدالله بشدة/ مش عايزانى أأذيكى طب أزاى وأنتى على زمتى داخلة فى الأربع سنين مرار طافع عارفة أنتى عاملتى إيه نسمى الله ونبدأ وقت الحساب ثم أغلق باب الشقة أو المخزن بالمفتاح ،،،،جلس على كرسى متهالك وقال:- وفرى خوفك ودموعك بعدين ،،،أولآ كنتى السبب فى موت أبويا ،،، أتهمتينى قربت منك وحامل ،،،سرقتيى مرتين وسرقتى دهب وفلوس أمى فوقهم ، عارفتى راجل تانى وأنتى على ذمتى ،و دخلتيه بيتى والله اعلم لمسك ولا لاء أكيد أعرف ،، روحتى لغوايش تعملى عمل بالمرض والموت وتعملى لزينه كدة ،،،سمتيها يعنى نيتك تقتليها، ،،خلتيني بسببك أعمل حادثة بالموتسكل ولحد الان ظهرى تعبنى منها وباخد علاج ،،،وأمى كنت أخسرها حتى حكاية الغريب إللى أتهجم على زينه مجهول ليا بكلامك وأحنا فى المكتب تأكدت ليكى علاقة ،،خسرتنى صاحب عمرى وأخويا كل دة ومش أذتينى أمال الأذيه عندك شكلها إيه😡😡😡 يا بنت ال*********،،،*********
تغريد تمسكت على موقفها/ غيرانه عليك بحبك
عبدالله/ أخرسى الحبيب ميغدرش، ،،الحبيب يسعد حبيبه ،،،،وبقولهالك تانى لو كنتى بتحبينى كنتى قدرتي تشيلى حب زينه من قلبى أيوة زينه أحساسك صح زينه مراتى يا عر* النسوان ، مراتى على سنه الله ورسوله بموافقتى ورضايااااا
تغريد بصدمه/ أتجوزتها
عبدالله/ عندك مانع ،، أعمل فيكى إيه
تغريد بغل/ أيوة يا عبدالله خونتك على فرشتك الطاهرة ،،علشان مش راجل المعلم عبدالله كسرت مناخيرة وجبتها الأرض
عزيزى القارئ هل تسمع صوت تكسر عظام لا تقلق ،، عبدالله يربى تغريد
تغريد / أضرب كمان دة أخرك متقدرش تغير الواقع ،،لو جاتلى الفرصة أقتل حببتك زينه أعملها
ينهال عبدالله عليها بالصفعات والركل وغضبة عماة وأخرج هم وقرف منها أربع سنوات على ذمته ،، أخذ يلهث من شدة أنفعاله وغضبة وهى أمامه غارفة بكدماتها ودمائها وكسورها وقال:- طلاق مش مطلقك دلوقتى فين يا بنت****** فلوس ودهب أمى
تغريد بتعب وصدق/ معرفش
عبدالله/ أستغليتى أول جامعة لزينه وسمتيها وسرقتى أمى وكسرتى باب اوضتها ودولابى
تغريد بصدق/ مش أنا ،،،أنا سرقت الخمسين ألف جنية بس
عبدالله/ عايز ذهب وفلوس أمى
تغريد فقد تألمت بشدة ولا تستطيع التحمل/ ممكن فايز سرقهم كان موجود صدقنى هو عايز يسرقك خوفت منك تعرف يبقا سهانى وسرقك
عبدالله بجبروت/ عملت إيه فى دنيتى وحش أتبلى بيكى لو أقتلك محدش يلومني بس لاء وحيات زينه وحياتها غالية عندى لتتمنى الموت مش تطولية أوعى تفكرى شوية الضرب دة عقاب لاء ،،،، التقيل والحساب الصح أنتى وال🐕 التانى جاااااى،،ثم تركها
تحملت تغريد الألم وزحفت فى الأرض تطرق الباب وتنادي على عبدالله فالمكان مخزن غير أدَمى
وأمر رجالة أى واحدة من زوجاتهم أنجبت جديد ترضع الصغير معاها وهو يتولى مصاريفة فقد دخل الشك قلبه هذا ليس أبنه لكن خاف يتخلص منه يتحاسب بية قدام ربنا أو ربنا يعاقبة ويحرمه من نعمة الانجاب من زينه ،
بقلم نجلاءفتحى عاشقةالكلمات
___________
ذهبت سمر بعد خروجها من الشركه لمنزل عمها لم تجدة ذهبت لة العيادة لم تجدة ذهبت لة المستشفى التى يعمل فيها وهى ناوية خراب لأخوها
فاروق/ سمر يا بنتى عمك اليومين دول مشغول
سمر/ بعد إللى حكيته لحضرتك دة زعقلى وبهدلنى
فاروق/ خلى مشاكلك أنتى وأخوكى على جنب حقيقى اليومين دول مشغول فى كارثة
سمر ببكاء/ الله يسامحك يا بابا سافرت وسبتنى فى حماية عمى وهو زهق منى مين يجبلى حقى
فاروق/ لية الكلام دة ،،أول مرة أقولك لاء،،،وحق إيه دة أخوكى عايزة تقنعيني الواد المحاسب شتمك من غير سبب أعديها، ،طيب أنتى سكيتي مستحيل
سمر/ حضرتك مع مين
فاروق/ مع الحق ،،حاضر أبهدل أخوكى بس شوية دماغى تروق
سمر بضيق/ ودماغ حضرتك تروق أمتى
فاروق/ قريب تعملى إيه لو ظهر ليا بنت تتقبليها
سمر بقسوة/ لاء طبعآ أكيد مش شرعية أمال مستخبية العمر دة كله ليه ،،،دى عار ،،،ثم أدركت نفسها وقالت:- بس عمى حبيبى ميعملش الغلط
فاروق بحزن/ روحى بيتك عندى شغل
سمر/ ok
تنهد فاروق بألم فقد قدم بلاغ للبوليس فى لحظة تهور وأتهم عبدالله بخطف زينه وذهبت قوة للمنزل لم تجد زينه وبشهادة أهل الحارة هى أخته فأصبح البلاغ كاذب و إزعاج للسلطات
________________
(فى المستشفى )
تبكى الأم على حال أبنتها والأب كالعادة غير مهتم ،،
_________
رجع عبدالله الحارة مجهد مذ*بوح كرامته ،،لم يحب تغريد لكن أفعالها فى رقبتها وتهينه وجد أم آيه تجلس على الرصيف أمام منزله منهارة
عبدالله/ قاعدة لية كدة ،،،أبو آيه جراله حاجة
أم آيه/ حكت كل شئ بالتفصيل من أول ما مشيوا من الحارة ليوم النتيجة وتعرضها لحاله نفسية علاجها مع دكتور نفسى ،،وتعافت ثم منع أبوها عنها العلاج والجامعة وكتب كتابها غصب على أبن عمها وحبسها فى الأوضة وضرب طول الوقت ،،،ويوم حنتها نزفت من بقها وأنفها
عبدالله/ لاحوله ولا قوة الا بالله العلي العظيم أبوها طول عمرة متهور وغبى ،،،هى عاملة إيه
الأم ببكاء/ الدكتور بيقول الدم دة ضغطها عالى مش بينزل ورافضه الحياة بنتى العروسة بقت لابسة حفاضة بتعمل حمام على نفسها مش بتتكلم تشوفني تصرخ فى وشى وتنادي على بهاء وزينه وأنت وبس أبوس إيدك شوفلى حل خلى زينه تزرها خبطت على شقتك محدش رد
رجع عبدالله للخلف خطوة حتى لا تقبل الأم إيدة/ عندى مشاكل وأمى و زينه عند خالتى فى طنطا
الأم/ طنطا!!!! ،،،أعمل معروف ساعدنى دى آيه متربية مع أختك
عبدالله بثبات/ زينه مش أختى دى مراتى
الأم/ أتجوزت أختك 😲
عبدالله بضيق/ زينه بنت عمى وبس ومتربيه معايا ويجوز أتجوزها ،،، مش راضعين على بعض
الأم/ تغريد وافقت
عبدالله بثبات / الشرع محلل أربعة بس محدش يعرف
الأم/ حياتك وأنت حر فيها يا ضنايا ياما قولت لأمك تجوزك زينه بعد مطلقت تغريد أول مرة قالت أخوات علشان كدة فاكرتكم راضعين على بعض،،المهم ساعدنى
عبدالله/ أفتكر عندك أبن برا مصر
الأم/ أيوة زمانه أتخرج من الجامعة خد نمرته كلمه مش عارفة أتصل بية أزاى ثم أخرجت النمرة من ملابسها وقالت خد نمرة الدكتور ابنى
أخذها عبدالله ونظر فيها/ دى نمرة دولية والمحل والبيت والمحمول مفهوش ،،تعالى معايا على السنترال العمومى
الأم/ ماشى
ركب عبدالله الموتسكل وقال:- أركبى ورايا يا ست أم آيه
أم آيه/ أول مرة أخاف أقع يا بنى
عبدالله/ متخافيش أمشى أنا براحة، ،السنترال بعيد عايز مواصله
رضحت أم آيه وركبت خلفة
_____________
وبعد وقت خرج عبدالله من كبينه السنترال ،،هرش فى رأسه بأحراج/ محدش رد ،،ممكن ساب البيت أو مش موجود
بلعت الأم ريقها/ مش بتعرف تكدب يا معلم أنا شايفة وشك متعصب جوا الكبينه وبتتكلم، ،مش سامعت حاجة
عبدالله تنهد/ بصراحة كدة يا أم آية أنسى أبنك
الأم أنصدمت/ قالك إيه قولتله الظروف
عبدالله/ أيوة
الأم بترقب/ ردة إيه
عبدالله بلجلجة / قالى قول لأمى تعتبر كان ليها أبن ومات ومش نازل مصر تانى خلاص أشتغلت وأتجوزت وأنا فى الكلية ودلوقتى بشتغل فى مستشفى ومخلف ،،،،حاولت أقنعة أبوك وأمك ،،قاطعني وقال بلغ أبويا هو السبب فى غربتى مصدقت طفشت منه وأختى الله يتولها برحمته وقفل السكة فى وشى
بكت الأم بشدة ,,, ضمها عبدالله لحضنه يراضيها وقبل رأسها بنية أبن لأمه وقال :- حقك عليا مكنتش عايز أبلغك ٠ثم مد إيده لأم آيه بنمرة التليفون
أخذتها الأم وقطعتها
عبدالله/ لية كدة ضيعتى أخر شئ بينكم
الأم/ تخيل حملت فية تسع شهور ،،طلعت اللقمة من بُقى علشانه ،،عملت مشاكل مع أبوه علشان أوفرله هدوم و مصروف زيادة، ،تحملت ضرب وشتيمه أبويا ليا علشان يسافر يتعلم برا علشان نفسة فى كدة ،،،دة أنا لما عرفت حامل فية فرحت أخلف سند وظهر ليا أنا وفرتلة كل حاجة ويوم محتاجته يقول كدة يبعد عنى يتجوز ويخلف حرمنى من فرحته ،،،،ثم شقت ملابسها وقالت :- أبنى ماااااااااات يا نااااااس محدش يعزينى فيه أبنى مطمرش فية العشرة ولا التربية مرعاش كلام ربنا ليا يانصبتتتتتتتى فى أبنى علية العوض ومنه العوض أدعى علية ميهنش عليا أةةةةة يا أبنى يا خسارة تربيتى فييييك ،،،،
ضمها عبدالله لحضنه يدارى جسدها ولف جزعها العلوى بشاله وهى منهارة وتدعى وتطلم على أبنها وصلها عبدالله بالموتسكل لحد المستشفى لبنتها ثم رجع البيت يرتاح ألقى بجسدة على السرير فقد نسى يأخذ علاج الغضروف فترة وهو آثر علية لم يستطيع النوم من الألم ذهب الصيدلية وأخذ حقنه مسكن ورجع المنزل يحاول ينام
بقلم نجلاءفتحى عاشقةالكلمات
____________
فى ظهر اليوم التالى ذهب عبدالله لبيت تغريد بناءآ على شيخ الحارة
وجد أم تغريد تجلس أمام منزلها على الرصيف تولول ،،بنتها وحفيدها مرجعوش من أمس
عبدالله تصنع الحدة/ مراتى فين
الأم/ جاى تسأل عليها وأنت رميها شهور عندى
عبدالله/ طفشت
الأم/ حراااااام عليك ،،،هاتلولى بنتى يا ناااس معنديش غيرها 😭😭
أتى شاب صغير السن وقال لعبدالله بعد الكلمات فى أذنه نظر تلقائي بعيونه مكان أتجاة أشارة الشاب الصغير وجد شاب كبير يجلس بجوار أم تغريد 😡
عبدالله/ قول لغوايش تفوف بالليل عليا تاخد حسابها
رحل الشاب الصغير لمنزل غوايش يبلغ الرساله ٠
عبدالله نظر للشخص المراد ولاحظ أسمر اللون ،، ولدية ست صوابع فى كل إيد من كفة مثل الطفل مهلا تغريد خاينه مثل مرات عمة ،،لازم وقت الحساب ،،ألتزم الصمت وأتصل فى الخفاء على رجالته فحضروا وشاور ليهم على هذا الشاب يحضروا الليلة فى المخزن أو الشقة الخاصة بالهايبر
_____________
فى منزل الخالة فى طنطا
مكان أول مرة نذهب له
راضية/ سرحانه فى إيه
زينه/ فى عبدو
راضية/ أنا وافقت على جوازك هنا لأن عارفة أبنى عاشق واحدة قبل جوازة من تغريد ورفض يقولى منين طلعتى أنتى يا نور عينى
زينه/ يعنى مش زعلانه
راضية/ يا عبيطة أنتى بنتى متربية قدام عينى بتعرفي تمصى غضب أبنى وعارفة مفتاحة متزعليش منى المهم راحه أبنى والراحة دى معاكى يمكن انصدمت لأنى عقلى مترجم أخوات واتجوزا ،،ياما أم آيه شارت أجوزك لعبدالله بعد مطلق تغريد أول مرة ورفضت على أساس أخوات معرفش أنتم الاتنين متنيلين بتحبوا بعض ههههه،
زينه/ أنا تعبت شويه ودخلت المستشفى قالى تعيشى مع ماما راضية وجبنى هنا وكتب كتابى ،،كنت عايزة وسط الحارة
( ملحوظة زينه رفضت تبلغها آن تغريد سمتها بأمر من عبدالله،
،،و الأثنين ميعرفوش بحكاية فاروق )
راضية/ هو وعدك بفرح كبير فى الحارة ،،،،تصدقى من يوم م جيتى عملتى ونس ليا أنا وأختى هنا وأختى حبتك أووى
زينه بحب/ أنا بنت ماما راضية يعنى أختها لازم تحبني
راضية/ أنتى كبرتى لازم تعرفى حاجة محدش بيختار أمه ولا أبوه فردوس هى أمك ليوم القيامه وتتنادى بيها مش بيا أوعى فى يوم تغلطى فيها ،،ربنا يحاسبك
زينه/ رمتنى😔😔
راضية/ عارفه ،،بس برضو أمك ،،،ربنا نهى عن معاملة الوالدين الوحشة مهما كان أستقبلى الوحش إللى منها بالحلو ،،،جنه ربنا حلوة اوووى يا زينه
زينه حضنتها/ حاضر ،،بس برضو أنتى ماما حبيبتى
راضية/ ألهى يرضى عنك ،، يتقفل عليكم باب أنتى وعبدو عايزة بعد تسع شهور طفل أبنى بيتكسف محترم متربى
زينه لنفسها وبسخرية/ على يدى ثم قالت :- فعلا ولا بيقول ألفاظ وكلمات توترني خلفتى،قطة مغمضة
ضحكت الام/ يا زوزو عارفة أبنى لولا الملامه كان دخل عليكى هنا بعد كتب الكتاب يا بنت دة أنا واخداكى من حضنه بالعافية بس لازم أعيش الدور أبنى مؤدب يانصبتى تبقا كارثة لو بيتكسف عيبه فى حقة
زينه بتسرع/ لاء لاء دة قليل الأدب اووى
نظرت ليها الأم بطرف عين / ازاى حصل بينكم حاجة
تلجلجت زينه/ حضن وبوسه من خدة ماسكه إيد ودة قبل كتب الكتاب ثم قالت بضيق أول مكتب الكتاب مفيش حاجة خالص هو بعيد عنى
ضحكت الأم/ طمنتيني على المعلم يا زوزو ،،،،،، عبدو بيعرف يحضن
زينه/ أعمل عصير تشربى معايا ثم هربت للمطبخ
ضحكت راضية/ يارب أسعدهم معنديش غيرهم ،،،نادرآ عليا يا زينه أحلى شوار ليكى على مزاجى لازم أدلع أبنى برضو ثم أتفقت مع أختها تشترى ملابس عرايس خاصة لزينه أغلى وأحلى حاجة هدية منها للعروسه
((شايفين الأم يبختك بحماتك يا زينه))
_____________
فى منزل سمر ,فى غرفة الصاله
سيف/ مينفعش تنامى على ظهرك ورجلك مرفوعة على مسند الكنبة
سمر/ براحتى محدش غريب
سيف/ عمك فاروق مش فاضى اليومين دول ،،يعنى أربيكى من أول وجديد لو مش أنظبطى
سمر/ مسير عمى يفضى وأبلغة على بهدلتك فيا أنت والحيوان المحاسب بتاعك. ،، لعلمك دور سى السيد كان زمن يا بشمهندس وأنتهى
سيف/ الكلام مش جايب نتيجة معاكى من هنا ورايح مفيش تليفون [ تليفون عادى بزراير لسة التاتش والنت مش وصل 😆]،،،مفيش مصروف غير يوم الجامعة أو التدريب وقليل ، ممنوع خروجك من البيت لأى ظرف غير للجامعة والتدريب واتابعك بالتليفون بالساعة يارب تتأخري يعنى يا حلوة مفيش خروجات مع أصحابك ،،،لو لسانك طول على أى حد كبير تصرفى يزعلك وقتها يارب تكسرى كلمتى لاحظى أنتى على وش جواز لو أنا شاب مقبلش واحدة زيك ثم تركها
فى لحظة غضب شتمته ،،، رجع ليها تانى وتحكم هو بغضبة وقال/ نفسى أمد إيدى وأضربك بس مش أعمل كدة كل كلمه قولتها على الله مش تتنفذ وقتها تشوفى العقاب صح ،،حسى على دمك البنات إللى بتدرب معاكى محترمه غيرى منهم وقلديهم ثم تركها وهو يبرطم بالكلام وهى تشطاط غضبآ
بقلم نجلاءفتحى عاشقةالكلمات
___________
فى المخزن أو الشقة شاور عبدالله لرجالته يفرغوا الشوال
فسقط فايز متألم