رواية زينة البنات الفصل الثامن والثلاثون38 بقلم نجلاء فتحي عاشقة الكلمات
تجلس آيه فى حديقة المصحة النفسيه على كرسى أتى أمامها بهاء وقال:- أزيك يا آيه
آيه دعكت عينها بكفوفها هل تحلم أم تتوهم ،، وقفت تنظر له وتلمس وجه وقالت:- أنت بجد ولا بتوهم ذى كل مرة
تنهد هو بيأس/ المرادى حقيقة
هزت آيه رأسها بخوف وتنظر للمكان ثم لملابسها البيضاء ،،صرخت وتخربش وشها وهو منعها وقال:- وشك جميل بلاش تبوظيه
آيه/ أنا مجنونه شمتان فياااااااا
رد فعلها غير متوقع أتى لها الدكتور محمد جرى الذى يتابع الموقف ،كان يتوقع هى تتقبل وجودة لكن رد فعلها صدمه فقال/ أمشى يا أستاذ بهاء من فضلك
بهاء/ مش سايبها
الدكتور بحدة/قولت أمشى طول ماهى شايفاك مش مسيطر عليها ممكن قلبها يقف من الهياج أمشى بقا ثم حملها مع التمريض غصب لداخل غرفتها وهى تغلق عيونها حتى لا ترى بهاء
سار بهاء خلفهم أغلق الطبيب باب غرفتها حتى لا يرى ماذا يفعل معها فهو متأكد يتابعهم ذى كل مره
بعد ساعة ونصف هدأت آيه من كلام الطبيب بذل مجهود فهو وعدها مفيش حقن مهدئه تانى ونفذ وعده٠
الطبيب/ رفضتى بهاء لية
آيه/ أنا بحبه اووى مش عايزاه يشوفنى هنا يتريق عليا
الطبيب/ تعرفى هو إللى جابك هنا
آيه/ أزاى
الطبيب/ زارك وأنتى فى المصحة التانية وزارنى طلبت أنقلك هنا عمل مجهود مع أهلك ونقلك رغم هنا أغلى وتكفل بمصاريف علاجك علشان باباك رفض
آيه/ شافني وأنا مربوطه فى السرير بالحديد😭
الطبيب/ أيوه
آيه/ هو بيعاملنى أخته مش حبيبته
الطبيب/ النهاردة أخوكى بكرا حبيبك
آيه/ عايزاة جوزى
الطبيب/ يطماعة اصبرى ،،ممكن مش تصرخى تانى كدة بترجعى نفسك لنقطة البدايه
آيه/ صعبانه عليا نفسى
الطبيب/ متأكد مش مشى أنادي عليه ليكى
آيه/ لاء خايفة
الطبيب/ أنا أكون برا أى حاجة نادى عليا ،،ثم فتح الطبيب الباب وجد بهاء فى وشه فقال:- بسم الله الرحمن الرحيم، خضتنى
بهاء/ سمعت كل حاجة سبنى معاها
الدكتور/ خليك حريص دى واحدة غير إللى تعرفها ،،هدوئك تشوف البنت إللى تعرفها غير كدة واحدة تانية ،،،أنا برا عند أذنك
دخل بهاء الغرفة
آيه بلجلجة/ متقفلش الباب بخاف بابا كان بيحبسنى
أغلق بهاء الباب برفق / متخافيش معايا ،،واقفة لية سريرك حلو أممم ريحة الأوضة جميله
أخذت آيه تشم / مفيش ريحة
بهاء بأبتسامه/ المكان ريحته حلوه بوجودك
دقت ضربات قلب آيه بسرعة وأهتزت حدقيه عينها
بهاء/ زعلتي أول مشفتينى وأنا كنت جاب ليكى كيس حلويات
آيه بترقب/ فين
بهاء بلجلجة فهو لم يشترى لها شئ فقال/ من زعلى علشان صرختى فى وشى رميته، ،بس مستعد أروح أشترى ليكى تانى
آيه/ لاء خلاص مش مهم ،،هو أنت شايفني مجنونه
بهاء/ لاء طبعآ أنتى هنا مريحة أعصابك،،، آيه تعرفى أمى ماتت
شهقت آيه وأقتربت وجلست بجوارة وطبطت على كتفة/ بقيت لوحدك أنا جنبك أقصد لما تكون فاضى فوت أقعد معايا أنا كمان وحيده
بهاء بتوجس/ بس أمك وأبوكى واخوكى عايشين
غمضت هى عيونها تحاول تتحكم فى اعصابها/ قولت أهلى ميتين أنا معنديش أهل ، نظرت له وقالت بقهر :- بابا جوزنى غصب أقصد الراجل إللى مكتوب أسمه وراء أسمى كتب كتابى لأبن عمى وحرمنى من التعليم والكلية
بهاء/ بس أنتى مش متجوزة
آيه/ لاء متجوزة
بهاء/ طلقك
آيه/ أنا بثق فيك بتتكلم جد
بهاء/ ورحمه أمى بجد
آيه بتوجس/ أنت مرتبط
بهاء/ لاء عندك عروسه ليا حلوة
وضعت آيه كفوفها على وجهها وتبكى
بهاء/ شيلى إيدك ،مشبعتيش من العياط يا آيه
آيه/ أنا بح،،،،ثم منعت نفسها من التحدث عن مشاعرها حتى لا يحرجها مرة أخرى ويقول مراهقة
تنفس بهاء/ زينه تتجوز
آيه/ أبية عبدالله
عقد هو حاجبة/ عارفتى منين حد قالك
آيه/ لاء ،،دة وضع طبيعى لاثنين عشاق ربنا يسعدهم
رغم هى قبلت تكون زوجه تانية
بهاء/ لاء عبدالله طلق تغريد
آيه/ أحسن بت لازجة ورخمه
بهاء شعر هذة آيه التى يعرفها فقال/ أكلم الدكتور تتفسحى
آيه بحزن/ مع مين،،معنديش حد يهتم بيا،،أنا هنا مجنونه محبوسه مليش مكان برا خلاص
تنهد بهاء/ معايا
أتسعت عين آيه/ أنت واعى يا أبية أنا آيه الرخمه مش بطقنى
بهاء/ تخيلى جه اليوم إللى أطلبك تخرجى معايا
آيه جريت لدولابها فتحته ثم أغلقته بسرعة/ معنديش هدوم خروج خلاص خليها مرة تانية
وهنا دخل الدكتور محمد وقال:- أحلى طقم لأجمل بنوته فى الدنيا يكون عندك هو أحنا عندنا كام آيه يعنى،،،،، ثم شاور لبهاء وشكره بعينه فهو شاف آيه عكس ما كانت حالتها منذو قليل
آيه/ ينفع أخرج
الطبيب/ مش ينفع ،،،،متزعليش أخرجك على مسؤليتى ساعة وترجعى مع أستاذ بهاء
آيه بتزمر/ ساعة تعمل إيه لاء ست ساعات حلوة
الطبيب/ هى نبطشية خلاص مفيش خروج
آيه جريت لبهاء/ خلاص نخرج ساعة ثم غمزت له وقالت بصوت غير مسموع للدكتور/ نتفسح براحتنا ونحطه قدام الأمر الواقع
الطبيب بمكر/ بتقولى حاجة
آيه/ ولا حاجة يلا هاتلى الهدوم خلينى أخرج
بهاء بوجع / حنه زينه تقريبآ أخر يوم فى السنه دى والفرح أول يوم فى السنه الجديده تحضرى معايا
آيه بترقب/ مش عارفة الوقت ولا الأيام هنا
أخرج بهاء من جيبة قلم جاف وكتب على الحيطة اليوم والتاريخ حتى تنتهى السنه وقال :- خدى قلمى وكل يوم حطى علامه على اليوم لحد يوم الحنه
الطبيب/ بلاش القلم
اخفت آيه القلم بجسدها
الطبيب بجوار أذن بهاء/ لو أذت نفسها بالقلم أنت المسؤول قدامى
بهاء/ نهار أسود ،،هاتى القلم
آيه/ لاء أعتبرته هدية منك مكان الحاجة الحلوة
بهاء/ أوعى تفرطى فية ولا تأذى نفسك أقصد أقصد حد يخدة منك
آية حضنت القلم الجاف/ دة أحلى قلم جاف بحياتى☺️
بهاء/ ربنا يستر 🥺 ،،جهزى نفسك للخروجه لما الدكتور يأذن
بقلم نجلاءفتحى عاشقةالكلمات
_____________
فى المنزل يفكر سيف مع نفسة لماذا بهاء يذهب للمصحة النفسية مين ليه هناك يزوره أمه وتوفت وأخته مع زوجها بالخارج مقيمه معاه ،،هل لديه صديق بالداخل 🤔
_____________
زينه/ عايزة أشوف الشقة بعد متفرشت
عبدالله/ فال وحش على العروسه كفاية شوفتى العفش من البلكونه
زينه/ يسلام مش واضح علشان خاطرى يا عبدو خليك حلو
شدها لحضنه/ وأنا مش حلو يا جزمه
زينه/ يالهوووى أنت أحسن الحلوين يا عبدو
زام هو/ يجدعان مين خلى الفرح مع بدايه السنه بس
زينه/ أنت
عبدالله/ ينقطع لسانى
زينه شهقت/ بعد الشر عنك ومين يدلعنى
عبدالله/ أنا أدلعلك يا بطل ،بت احنا مكتوب كتابنا متجيبى بوسه
ابعدته زينه/ بعينك يا عبدو 😝
عبدالله/ وكمان تطلعى لسانك على فكرة أنا جوزك وفى ناس بتبوس من غير فرح عادى
زينه بدلع / عايزة فستان أبيض كبيير ذى بتاع بنت خالتك
عبدالله بتذكر قال لنفسة/ أجيبه منين بنت خالتى عصاية ، أنما أنتى بقره لبانى على أبوها
زينه/ بتفكر فى إيه
عبدالله/ فى البقره اللبانى
زينه بعدم فهم/ بقره إيه
عبدالله بأنتباة/ أقصد أد*بح بقرة لبانى فى فرحنا، زوزو هو لازم فستان ذى بتاع بنت خالتى
زينه بتزمر/ أيوه
عبدالله/ بس زينه البنات مش تلبس حاجة غيرها لابسها سبينى أختار فستانك
زينه/ ماشى ، بلاش استيل يبين بطنى حاسه زايدة اتنين سنتى
رفع ليها حاجبة/ أتنين سنتى أقصدك ١٠ كيلو زيادة
زينه بزعل/ أخص عليك يا عبدو قصدك أنا تخينه
جذبها لحضنه/ يابت بحب النقل التقيل دة أنا معلم مليش فى خله السنان يا مربرب ،،دة أنتى قشطوطة، ،لزلوظه حته جيلى أغووص وأتمتع و٠٠٠٠
وضعت زينه إيدها على فمه/ عيب فى بنات بتقرأ البارت
عبدالله/ محدش غيرنا
زينه/ نجلاء تسمعنا مصدقت جمعتنا
عبدالله/ نجلاء مين
زينه/ إللى كاتبة حكايتنا
عبدالله/ والله عال حكايتنا على المشاع دة أنا ٠٠٠
كممت زينه فهم عبدالله/
الكاتبة نجلاءفتحى الملقبه بعاشقة الكلمات ممكن تأذيك لو غلطت فيها مصدقت خليتنا مع بعض دماغها محدش يعرف فيها إيه
عبدالله/ هى ممكن تاخدك منى
زينه/ أيوة أعتذر ليها بقا
عبدالله بلجلجة/ أعتذر لعفريت بعينها معاشت ولا كانت ست عفريته دى *****
الكاتبة/ بخ أنا جيت بقا تغلط فيا وعايزنى أسكت وإيه ست دى أسمى الآنسة نجلاء يامعلم
عبدالله/ بسم الله الرحمن الرحيم إيه الصوت دة
زينه/ نوجه حبيبه قلبى نورتى🥰
الكاتبة/ قلبى يا زوز أركنى على جنب مشوف إللى بيغلط فيا
عبدالله/ بترحبى بمين
زينه/ هووش بقا يعبدو
،،يرضيكى مش عايز يخلينى أشوف الشقة
الكاتبة/ أسمع كلامها
عبدالله/ عيشنا وشوفنا المعلم عبدالله يسمع كلام حرمه مين أنتى علشان أسمع كلامك يا بت
الكاتبة/ حرمه فى عينك قليل الادب وإيه بت دى ،،،،معندكش ذوق خالص ،،دة أنا ممكن أخلى الايام الجاية عليك شبه الفلفل الأسود إللى بتبيعة ،،،أعتذر ليا حالآ خلينى أمشى
عبدالله بغرور/ بعينك تطلعى مين ،،لو زينه أنا خدامها
الكاتبة/ براحتك يا كبير قابل إللى جاى خلى فرحك يعدى على خير بقا
عبدالله/ متقدريش تعملى حاجة رجَلتى موجودة
الكاتبة/ وأنت يا بيضة دورك إيه قدامى ،،،مش راجل رايح تتحامى فى رجالتك
عبدالله/ لو طولتك اطلع****؟؟
الكاتبه/ خليكم شاهدين يا متابعيين قاعدة بأكل يوسفى وموز وهو أستفزنى أما خليتك تبوس إيدى مبقاش أنا يا أبو لسان طويل أنت ،،،،مبقاش أناااااااا يبتاع الجنزبيل والقرقة أنت لما قرفتك فى حياتك
زينه أمسكت زراع عبدالله بترجى/ أعتذر ليها عايزة فرحى حلو علشان خاطرى يا عبدو
زفر عبدالله/ أسف
الكاتبة/ بتقولها من غير نفس لية ممكن فى لحظة اكره الناس فيك عادى
زينه/ خلاص بقا يا نوجه دة أنا عروسة عايزة فرح حلو وفيه أكل كتير
عبدالله/ بت،،،،، تطلبى منى يا جزمه،،،، نجلاء بتاعتك دى معاش جنية
الكاتبة/ ليه بشحت منك ،،هو علشان ربنا كرمك بهايبر من القشة للصاروخ تتنطت عليا ،دة أنت بتاع توابل يلاااااااا متنساش أصلك يا بتاع رجل العفريت والحبة الحمرا، ،دة أصلك فلفل وكمون حصى وإللى يسلم عليك يعطس يااااااض ،،دة نصف زباينك بتوع سحر
عبدالله بغضب/ لو جدعة أظهرى نفسك
زينه تلطم/ نوجه مش تخلص من لسانها
عبدالله/ ورينى نفسك يا جبانه
الكاتبة/ بظهر بأفعالى يا بتاع المغات والسحلية المتحنطة
عبدالله/ يا بنت ال
الكاتبة بحدة/ لو سمعتك شتمتنى أخليك تدوق الحرمان واقهر قلبك أخشع وتأدب معايا ياااااض هبت منك أى شخصية تنكشنى بعمل هبوط اضطراري عليها فى البارت عادى
زينه بترجى/ السماح بقا من فضلك وخلى آيه ترجعلى أنا بحبك ،، عبدو مش يقصد هو متوتر علشان عريس مش عارف بيقول إيه
عبدالله بحدة/ نهارك مش فايت يا جزمه،، إيه الكلام الخايب دة ،،عبيط مثلا قدامك
زينه/ استنا أنت بس ،،،ها يا نوجه وحيات فرحتك أخر شهر فى السنه القديمه تفرحى قلبى فى السنه الجديدة وخلينى أتجوز عبدو بسلام عايزة أفرح
الكاتبة/ هى طيبه قلبى إللى مبهدله حالى ،موافقة وأحلى زرغوطه مقدمآ ليكى يا عروسه لولولولولولولى. ثم رحلت بسلام
تنهدت زينه/ نوجه أحترس منها متقلبش حد يغلط فيها
عبدالله/ تعرفيها منين
زينه/ سيبك منها بقا ولا عايزها تحضر
عبدالله/ لاء خليها مكانها اوووف البت خليتنى اعتذر ليها وأنا مش بعتذر لحد غيرك😡
زينه/ خلاص بقا ،احم عبدو عايزة أفرد شعرى فى فرحى ومش ألبس طرحة
عبدالله/ نعم يا روووووح أمك
زينه/ على فكرة نوجه سمعاك
عبدالله بلجلجة/ مش بغلط فيها ،،خلاص يا ست أقصد يا أنسه نجلاء واحد ومراته اقفلى المشهد دة بقا مش كفايه واقفة ليا على الواحدة ممنوع البوسه حتى الكلام تقطعى عليا
زينه بضحك/ الرقابه يا عبدو فى بنات بتقرأ والمتابعين محترمين احترامآ ليهم ،،لكن لو هى عايزة توصل شئ بطريقة غير مباشرة بتوصلها المتابعين أذكياء
عبدالله/ زوزو هما يبقا معانا بعد الفرح
زينه/ أكيد دول متابعين نوجه البيت بيتهم
عبدالله لنفسة :- لو أعرف مكانها أخطفها وأطلق سراحها بعد الفرح حسابك معايا يا نجلاء مطلعة أسرارى برااااا
زينه/ ساكت ليه
عبدالله/ لو حد عرف من المتابعين إللى ممكن يحصل بينا بعد الفرح عيبه فى حقى يسلام لو أخنقها
زينه شهقت/ أزاى تفكر كدة عيب
متزعلهاش بقا ،،هدوئها مش مريحنى أسفةةةةةةةةةةةةةة يا نوجةةةةةةةةةةةةة عبدو بيهزرررررررر
بقلم نجلاءفتحى عاشقةالكلمات
كامل أحترامى لأى عطار مش أقصد التقليل من شأنه لكن هذا كلام روايااااات دعاااااابه،،والمعلم عبدالله استفزني ،،خدوا بالكم المعلم عبدالله على سن ورمح اعتزرى 🥰 مسيطرة أمشيه مسطرة💃💃
___________
أتت يوم الحنه ذى أى بيت مصرى فية عروسه أو عريس فما بالك ببيت يجمع فية حنه العروسة والعريس معآ 💃💃
فرش عبدالله خيمه كبيرة فى الشارع للطباخ ورفض وجودة على السطح علشان الكنز نستوه صح ،،،،،،
وعلقت الزينه على المنزل بأكمله ،،،
وداخل الشقة يجتمع الأحباب والأقارب وصوت الراديو يصيح بالأغاني الراقصة والبنات تبدل الشرايط بداخله وترقص ،،،والستات تعمل الحنه البلدى تعجنها وتجهزها للمساء وتشكلت لتسع أدوار فوق بعض من الأكبر لأصغر
،،، وجزء يريد تجهيز العروسه ،،لكن الأم رفضت بحجة العروسه تتكسف وحقيقة الأمر عبدالله تحدث مع أمه ورفض حد يشوف زينه تتحسد وجعل أمه تتولى هذة المهمة بنفسها وإذا تألمت هى لم يهم تجهيزها المهم تكون سعيدة وهو لم يفرق معاة هذة النقطة ٠،،
أما هو مشغول للغاية فليس لدية أخ يقف بجوارة حتى بهاء لم يظهر منذو أخر لقاء بينهم اعتقد عبدالله أنه نفذ كلمته وسافر لأخته وزوجها فى الخارج ،،
____________
وصل الخبر لفردوس أبنتها ظهرت وحنتها اليوم جريت لفاروق تبلغة الخبر
___________
حضر بهاء بتاكسى للحارة وأوقفة بالقرب من منزل عبدالله لأن مظاهر الحنه تجهز وكان يرتدى قميص رصاصى فاتح وبنطلون رصاصى غامق كوتشي أسود طقم شيك للغاية وآيه نزلت بجوارة ترتدى بنطلون جينز أزرق فاتح واسع مرسوم على رجله فراشات وبلوزة مشجرة وحجاب ،،أمسك هو إيدها وذهب يبحث عن عبدالله، ،،،أجتمع الجيران على بهاء وسلموا علية بالترحيب وفرحوا أنه ألتحق فى الشركه فرحه أبن حتتهم لديه منصب ،،،فى بداية الأمر لم يتعرفوا على آيه بسبب ضعفها وحالتها الجسديه المزريه
أتت ست عجوز وسلمت على بهاء وحضنته وقالت:- فيك الخير يا علاء
بهاء/ بهاء يا خاله ستوته
ستوته/ عالى صوتك
بهاء بصوت عالى 🔉 / أنا بهاااااااء يااااااااا خاله،،،،،،مش علاء
ستوته/ كنت فين يا منيل
بهاء/ بشتغل فى شركةةةةةة
محاااااااااسب
ستوته/ صلاة النبى لولولولولولولى الواد علاء محاسب قد الدنيا لما أركب الأتوبيس مش أحاسب أنت إللى مسرحهم بقا
بهاء/ أوعى تعملى كدة انا محاسب مش كمسرى
ستوته ضربته فى صدرة/ بتضحك عليا يا واد لاء أنا كبرت صحيح بس عقلى يوزن بلد محاسب يعنى كمسرى ويحاسب الناس فى الأتوبيس
غمض بهاء عيونه بيأس ثم قبل رأس هذة السيدة بأحترام وقال/ والله وحشني كلامك يا ستوته
ستوته/ أمك الواطية متسألش عليا
بهاء/ ماتت الله يرحمها
ستوته/ برضو مجاتش ليه
بهاء/ جاية بالليل أبقا روحى معاها
ستوته/ لما أشوفها الواطية خدت منى فلوس الجمعية
بهاء/ نهار مدوحس ركزى أمى الله يرحمها سامعة ماتتت وشبعت موت عمرها معملت جمعية ،،إللى بتعمل فى الشقة إللى فوقيناااا
ستوته/ أمك ماتت
بهاء/ حمدلله على السلامة ،،،أيوة الله يرحمها
ستوته/ والنبى معرف يا ضنايا أمال مين بيشطفك ويغسل طي**** ،،،،،،وضع بهاء كفة على فم ستوته وأبعدها وقال:- فى إيه يا وليه هو لسانك دة مش يحترم نفسة البت واقفة جنبى، وأمى تغسلى المكان دة لية عيل أهطل قدامك
ستوته/ اوعا يا ***** عايز تخنقنى وتسرق فلوسى
بهاء/ فلوس إيه بذمتك حلتك حاجة
أخرجت ستوته منديل قماش من ملابسها وفتحته وقالت :- فلوسى
بهاء بصدمه/ دى عمله انتهت دى عليها الملك فاروق يا نهار أزرق
ستوته/ علية برمه شنب وحته نفخة راجل صح قولى يا مخفى الملك مش بيظهر ليه🥰
بهاء/ جرا إيه يا ستوته، ،السلك لامس. الملك تعيشى أنتى وبقا فى رئيس وليله
ستوته/ الحليوة مات
بهاء/ رايحة فين أستنى
ستوته/ أعزى
بهاء/ خدى يا ولية أستنى ههههههههههههههههههههههههههه يحطوكى فى الخنكة ثم تذكر آيه ذهب ليها وقال بإخراج أسف
آيه التى سمعت الحوار / هههههه ست ستوته محدش ياخد على كلامها
بهاء/ على فكرة أنا بستحمى لوحدى
آيه/ ههههه قولتلك ستوته محدش ياخد على كلامها ،،،بص أبيه عبدالله أهو ثم جريت ليه
بهاء/ الحمد لله مخدتش بالى أنى قولت الخنكه،،آيه بلاش تجرى وسط الحارة اووووف مفيش فايدة
________
عبدالله لم يتعرف عليها لكنه رحب بيها
بهاء بأبتسامه/ مبارك يا صاحبى ثم حضنه
عبدالله/ لسة فاكر تجى
بهاء شدد من أحتضانه/ مدير المصحة كان رافض آيه تخرج أنا فى مناهدة معاه من تمانيه الصبح
أبتعد عبدالله بفرحة/ كدة فرحتى كملت يا أخويا ،،ثم نظر لآيه/ أطلعى لزينه الشقة فوق شقتنا
آيه/ وشقتكم فين
عبدالله/ هتجوز فيها عقباك
نظرت آيه لبهاء وقالت يارب ☺️
عبدالله/ أطلعى لزينه
بهاء/ أستنى
عبدالله / سيبها ،،،،اطلعى
طلعت آيه لصديقتها
بهاء/ لازم أكون جنبها آيه بتتعالج نفسى
عبدالله/ آيه مش مجنونه متخفش مش تعمل حاجه حتى لو عملت أنا وزينه معاها زينه مراتى عارفت وواثق فيها
تعلق نظر بهاء على السلم وآيه تجرى مثل الطفلة تنادى على زينه ،،،شعر بهاء بخنقه عندما لفظ عبدالله كلمه( مراتى )
_________
صرخت زينه بأسم آيه وكالعادة بكوا سوا ،،جذبتها زينه لغرفة وطردت العيال وجلسوا مع بعض حكت آيه كل ما مرت بية أظهرت مشاعرها لبهاء لأول مرة لزينه ،،، حزنت زينه لما مرت بية صديقتها وشعرت أن ظروفها أفضل بكثير عن غيرها ،،
آيه بحزن/ مش مجنونه
زينه/ أبوكى إللى مجنون وعايز مصحة ،أنا شايفة صاحبتى وأختى متأكدة لو حد جنبك بيحبك بجد مكنتيش وصلتى للمصحة ولا يهمك النهاردة حنتى فرحتى فى بنت ريقى نشف علشان عبدو يبعت مرسال يجبها
آيه/ مين مامتك فردوس
زينه بحدة/ معنديش غير أم واحدة هى ماما راضية وبس
آيه/ حيرتينى معاكى
زينه/ سمر صاحبتى من أولى ثانوى وكنت عندها فترة ثم بدأت تحكى لها تفاصيل هروبها لحد لقائها بسمر وعبدالله أخذها من عندهم
آيه / مين عرف طريقك لأبيه عبدالله
زينه/ معرفش ولا هو يعرف
آيه بحزن/ عارفتى واحدة غيرى
زينه / أنتى إللى فى القلب يا عبيطة ثم حضنتها
نترك البنات يفضفضون ما مروا بيه لبعض، ،،مع تحفظ شديد رفضت زينه تحكى ما قاله لها عبدالله عن حقيقة تغريد والطفل
_____________
بعد العصر صعد عبدالله للشقة وهى شبه الصين الشعبيه من كم البشر ،،أدايق لم يجد معشوقته طول اليوم ف قال لأمه:- تحضر لية ملابس نظيفة ليجهز لمراسم الحنه
الأم/ أنزل أجهز فى الشقة،، هنا صعب مفيش مكان
عبدالله/ لاء الشقة قفلتها لو اتفتحت العيال تبهدلها دى شقة عروسه ،،أجهز فى القهوة
ضربت الأم على صدرها / ينصبتى القهوة يا عبدو، ،عندك بيت طويل عريض ١٠ شقق يرمح فيهم الخيال وتروح القهوة
عبدالله بضيق/ ألبس فين طيب
الأم بحنان قالت بصوت عالى/ زرغوطه يا مرا منك ليها للعريس داخل يستحمى ويلبس يلا يا بنات وسعوا سكه أدخلوا الأوضة خلى العريس على راحته
بدأت الستات تطلق الزراغيط والبنات جريت للغرف أيوة زمن الكسوف والحياء يا بنات بقا 🥰
ودخل عبدالله الحمام
______
زينه / أجهز لعبدو هدومه
راضية/ لاء الناس تقول إيه
زينه/ متعودة أجهزها
راضية/ يوه أختشى ،،،متزعليش منى مش عايزة أى واحدة من نسوان الحارة تتكلم عليكى عارفه جوزك ومتربين مع بعض بس خلى الكام ساعة يعدوا على خير لو بتحبى عبدالله
زينه بتفهم/ حاضر ،،طب أشوف شكله
راضية/ أهدى يا ضى عينى تتحسدى هى آيه شكلها متغير ليه
زينه بلجلجة/ عامله رجيم أوعى تسأليها تزعل
راضية/ حاضر ،،،،،أمها مجاتش لية
زينه/ تعبانه
راضية/ بعد الفرح أزورها بأذن الله
______
أطلقت النساء زرغوطه فقد جهز عبدالله فى أقل من نصف ساعة ونزل الشارع لتبدأ حفلة الحنه وزينه بدأت تلبس حاولوا البنات يلبسوها رفضت ليس خوف من عبدالله لكن أحترامآ لكلمته