رواية قلب لم يكن مقصود الفصل الثالث3والاخيربقلم نيرة السيد
= طب وحبييتك؟
كنت مبسوطة أوي، وفي نفس الوقت حاسة بالذنب ناحيتها
فقالي بتردد
_ معتقدش هسامحها بعد اللي عملته
لسه هنكمل كلامنا، فوني رن كانت ماما رديت عليها، وأول ما رديت قالتلي بزعيق
: أنتِ أيه اللي عملتِ ده؟
بلعت ريقي وأنا برد علىٰ ماما في الفون وبقولها
= يا ماما أنتِ فاهمة غلط، خليني احكيلك
كانت بتزعق، ومتعصبة علىٰ آخرها، حاولت أهديها، وحكيتلها علىٰ كل حاجة، وفي النهاية قولتلها
= وبس ده كل اللي حصل يا ماما، وأنا وخالد ومش ناويين نطلق
فهدأت وقالتلي
: طيب يلا اقفلي، خليني أفهم أبوكِ؛ لإنه قاعد متعصب برة، وجايب آخره
قفلت معاها، وفضلت قاعدة بفكر، دخل عليا خالد
فسألني وقالي
_ مالك؟
اتنهد وقولتله
= هنعمل أيه طيب؟ وحبيبتك هتعمل معاها أيه؟
فسرح وقالي
_ مش عارف، بس كل اللي أعرفه إن اللي عملته مش مبرر بالمرة
فقولتله بنظرة خوف
= يعني مش هتسبني زي أخوك؟
مسك إيدي وقالي بطمأنينة
_ مستحيل، عمري ما هسيب إيدك أبدًا يا براء
بصيت في عينه وقولتله بتأمل
= هثق فيك أوعىٰ تخيب ثقتي
فبس رأسي وقالي بحب
_ ربنا يقدرني وأكون قد ثقتك يا براء
فونه رن فقام يرد، وأنا دخلت أرن علىٰ أختي، وحكتلها كل حاجة فقالتلي
: وجالك قلب تعملِ كده يا براء؟
قولتلها بندم
= ماكنش قدامي حل غير كده صدقني
فقالتلي بهدوء مع تقبل
_ المهم إنها عدت علىٰ خير، وحقيقي حتىٰ لو كنتِ أخدتِ أخو ماكنتش هتبقي مرتاحة؛ لإنه مدلع، ومش قد المسؤؤلية، إنما خالد الكبير، اللي هيحافظ عليكِ
ابتسمت ابتسامة دافية وقولتلها
= عندك حق، المهم أي الدنيا عندك؟ أبوكِ هدىٰ؟
فقالتلي تطمني
: أيوه متقلقيش، كله تمام
خلصت مكالمتي، ولقيت خالد جاي وملامح وشه بتقول إن في حاجة مش كويسة
فسألته وأنا قلقانة وقولتله
= وشك عامل كده ليه؟ مين كلمك؟ وقالك أيه؟
قالي بضيق
_ الزفت أخويا اشتكىٰ بابا؛ عشان يأخد حقه، ليه عين الواطي ده
حاولت أخلي أهدأ، وقولتله بنبرة هادية
= صدقني هيخسر كل حاجة يا خالد، متقلقش، كل ظالم هيأخد جزائه، خالي يجيب آخره، وإحنا هنقفولوا
ففرك في دقنه وقالي
_ أنا تعبت والله يا براء، ربنا يعدي الفترة دي علىٰ خير
طبطبت علىٰ كتفه وقولتله
= هتعدي، وأنا جانبك
ابتسم، وحاسة بالأمان، عدىٰ كام يوم، وأنا كنت بنزل المطعم، وأنا ماليش نفس، لكن لابد من نزولي
رن عليه بالليل وقالي
_ بقولك أيه، ما نيجي نتعشىٰ سوىٰ؟
رديت بكل تلقائية وقولتله
= ماشي، تعالىٰ وأنا هصبطتلك أفضل عشاء
فقالي بود
_ لا، مش عايز أتعبك، خلينا نتعشىٰ برة
فرحت وقولتله
= اتفقنا
خلصت اللي ورايا في المطعم، وقفلته، وجي بالعربية، ونزل فتح الباب وقالي
_ اتفضلِ مزمازيل
ضحكت بكسوف وركبت العربية، نزلنا المطعم كان من أكبر المطاعم، وأغلاهم، أول ما وصلنا حد من اللي هناك قالنا
: اتفضلوا يا فندم، ترابيزتكم
بصيتله بتعجب مع إعجاب وقولتله
= ترابيزتكم؟ أنت حاجز لينا مخصوص
فابتسم وهز رأسه، وعطاني بوكية ورد كبير وقالي
_ ورد يشبه عيونك يا جميل
كنت هموت من الخجل، وشي أحمر، وبصيت في الأرض وأنا بأخده وقولتله
= زوقك جميل في الورد، ممتنة
وأكلنا، وبعدها لقيته واطىٰ علىٰ ركبته، وفتح علبة فيها خاتم وقالي بحركة من بتوع أفلام السيما
_ تتزوجني!
ضحكت وعملتله بحركة تلقائية بإيدي
= ما إحنا بالفعل متزوجين
فقالي بحب وهو مُبتسم
_ لا، بس نتزوج حقيقي بقىٰ، مش تمثيل
هزيت رأسي بفرح، وقولتله
= موافقة
الكل صقف في المطعم، وحسيتني في فصل في روايةمن روايات شكسبير، وبدأنا حياتنا أزواج، وأخو اتحبس بعد محاولات منه إنه يورث باباه وهو حي
وفي مرة من المرات كنت قاعدة سرحانة بقرأ أورادي فدخل خالد عليا وقالي بحماس
_ بتفكر في أيه يا حلو؟
قولتله بابتسامة
= بقرأ الأوراد
فقالي بحب
_ رمضان قرب، كل سنة وإحنا سوىٰ في بيتنا
فمسكت إيده بمودة وقولتله
= كل سنة وأنت الهدية اللي ربنا بعتهالي
فمسح علىٰ رأسي بحنية وقالي
_ في سلسلة الأخطاء الشائعة لدكتور محمد الغليظ عن رمضان بيقول فيها:
بيتكرر قدامنا مشاهد كتير في رمضان لناس مش عارفة يعني إيه صيام صحيح زي ما ربنا أمر!
وبيقابلنا بردو مشاهد لناس مش عارفة ما لا يسع المسلم جهله من أحكام الصيام الفقهية!
إمتىٰ ننوي الصيام؟
لو حد أكل أو شرب وهو ناسي يعمل إيه؟
إيه هي الأعذار اللي ممكن تخلي حد يفطر؟
ولما يفطر إيه المطلوب منه بالضبط بعد كدا، قضاء ولّا كفارة ولّا الاتنين مع بعض؟
الجهل بالأمور دي ممكن يوقعنا في أخطاء شرعية كبيرة وإحنا مش حاسين!
طب والحل؟
1- طالما إنت مسلم بالغ عاقل = فإنت واجب عليك تتعلم أحكام الصيام زي كدا ما بتتعلم أحكام الطهارة والصلاة
ليه؟
لأن الصيام فرض عليك، فإنت إزاي هتأدي عبادة وإنت مش عارف أحكامها!
يعني مثلًا ينفع تسوق عربية وإنت أصلًا ماتعلمتش السواقة ولا حتى تعرف حاجة عن قواعدها!
2- لو فيه أي حاجة بخصوص الصيام أو بشكل عام إنت مش عارف حكم الشرع فيها = واجب عليك تستفتي من تثق في علمه ودينه من أهل العلم؛ لأن ربنا عز وجل قال: {...فَسۡـَٔلُوۤا۟ أَهۡلَ ٱلذِّكۡرِ إِن كُنتُمۡ لَا تَعۡلَمُونَ}
وقال:
كلنا في رمضان بنحب صلاة التراويح والنزول للصلاة في المساجد، وده شيء جميل وفيه إقامة لشعائر الإسلام..
ولكن ميكونش ده علىٰ حساب الاهتمام بالفروض!
لأن كتير مننا بيهتم جدًا بالتراويح في رمضان ويزعل لو فاته ركعة فيها، لكن عادي جدًا يفوته فرض أو يتكاسل عنه في ميعاده المظبوط!!
والحقيقة أن الفرض أحب إلىٰ الله تعالىٰ من أي نافلة، ورمضان شهر لزيادة النوافل بلا شك، ولكن مش علىٰ حساب الفروض..
قال الله تعالىٰ في الحديث القدسي: "مَا تَقَرَّبَ إِلَيَّ عَبْدِي بِشَيْءٍ أَحَبَّ إِلَيَّ مِمَّا افْتَرَضْتُ عَلَيْهِ، وَمَا يَزَالُ عَبْدِي يَتَقَرَّبُ إِلَيَّ بِالنَّوَافِلِ حَتَّىٰ أُحِبَّهُ..."
فالفروض جت الأول، وبعد ذلك النوافل لزيادة القرب من الله تعالىٰ وطلبًا في محبته..
الخلاصة..
• خليك متوازن ورتب أولوياتك صح
• الفروض مافهاش تهاون تمامًا، حافظ عليها واحميها من أي خلل أو تقصير
• أكثر من النوافل بلا شك، وتقرب إلىٰ الله بكل اللي تقدر عليه
ابتسمت وقولتله بود
= اللهم بلغنا رمضان لا فاقدين ولا مفقودين يارب يا خالد، وإن شاء الله نحاول نجتنب أي أخطاء بنعملها في رمضان
ربط علىٰ يدي بطمأنينة، وحاسينا بهدوء مع صوت المطر والحب اللي بيجمعنا