رواية فتاة انحنت من أجل الحب
الفصل الاربعون 40 والواحد والاربعون 41
بقلم دودو محمد
🌹فتاة انحنت من أجل الحب 🌹
🌷الفصل الاربعون 🌷
فى الشركه الجديده لامير
زقت زهره اميره بعدته عنها ورجعت وحطت ايديها على بطنها
أمير /بص على ايديها اللى على بطنها وقال انتى حامل
زهراء / بصدمه حامل
وفى الوقت ده اتفتح باب الاسانسير وقالت بصدمه عاطف
عاطف / بص ليهم الاتنين ومتكلمش
زهراء / بخوف وتوتر ا.ا انا جيت فى الميعاد علشان نروح المشوار بتاعنا
عاطف / بص ليهم ومتكلمش
زهراء / ا.ا انت ساكت ليه
عاطف / بتعملى ايه هنا مع البنأدم ده يا زهره
زهراء / ص.ص.صدفه والله
عاطف / وهو بيقفل أيده بعصبيه قال وليه موقفين الاسانسير
زهراء / ها ك.ك.كان معلق وراحت مسكت أيده وضحكة ليه بتوتر وقالت المهم ي.ي.يلا بينا علشان منتأخرش
عاطف / بص لامير بغيظ وركب هو وهى الاسانسير التانى
أمير / بص على ايد زهره وهى ماسكه ايد عاطف واول ما اختفو خبط بأيده فى الحيطه وقال خلاص تعبت اقسم بالله تعبت هفضل فى العذاب ده لحد امته وشغل الاسانسير وطلع على مكتبه
سهى / كنت فين كده يا حبيبى من بدرى نزلت ومظهرتش
أمير / كنت فى مشوار تبع الشغل انا داخل مكتبى اطلبى ليا واحد قهوه علشان مصدع
سهى / سلامتك يا قلبى من عنيا
أمير / مدخليش حد خالص عليا
سهى / حاضر
أمير / دخل وقفل الباب وراه وطلب رقم وانتظر الرد وشويه وقال ها ايه الاخبار
......../ خرج من شقة اهلو راح على العياده بتاعته علطول
أمير / خليك وراه اوعى يغيب عن عينك لحظه واوعى يحس أن فيه حد بيراقبه
........../ حاضر يا باشا
أمير / بلغنى حركاته اول بأول سلام وقفل التليفون وقال لما اشوف اخرتها معاك يا ريان ايه وفى الوقت ده دخلت سهى وحطت القهوه قدامه وقالت
سهى / عايز حاجه تانى يا حبيبى
أمير/ لاء شكرآ اطلعى واقفلى الباب وراكى
سهى / حاضر وخرجت وقفلت الباب وراها وبدأ امير يشوف الشغل اللى وراه
______________________________
عند زهراء وعاطف
ركبو العربيه وشغل عاطف العربيه من غير ولا كلمه
زهراء / عاطف
عاطف / ارجوكى يا زهره متتكلميش فى اى حاجه دلوقتى
زهراء / حاضر بس عايزه اقولك حاجه واحده بس اللى حصل فوق ده صدفه ومحدش فينا كان مخطط لده
عاطف / وهو بيدوس على أسنانه ابوس ايدك اسكتى انا بحاول أهدى اعصابى علشان مش عايز اذيكى
زهراء / وهى حابسه الدموع فى عينيها قالت حاضر وبصت من الشباك وحطت ايديها على بطنها ودموعها نزلت منها لما افتكرت كلمة امير انها حامل وبعد وقت وصل عاطف عند الدكتور ونزلو الاتنين من العربيه وطلعو عند الدكتور ودخلو علطول
الدكتور / اتفضلو
عاطف وزهره قعدو على الكراسى اللى قصاد المكتب
الدكتور / منورنى يا استاذ عاطف تحب تتكلم فى وجود المدام ولا نخرجها
عاطف / بص لزهره بحب وقال خليها قاعده
زهراء / معلش يا عاطف انا هستناك بره ووقفت ولسه هتخرج
عاطف / مسكها من ايديها وقال ياريت تخليكى جنبى محتاجلك
زهراء / بصت على أيده اللى ماسكها بيها وبصت ليه بتوتر ورجعت قعدت تانى
الدكتور / تمام اتفضل معايا اقعد مكان ما تحب
عاطف / هقعد على الكنبه دى ومراتى تقعد جنبى ممكن
الدكتور / اه طبعآ زى ما تحب
عاطف / قعد وبص لزهره وقال تعالى اقعدى جنبى
زهراء / راحت قعدت جنبه
عاطف / حط أيده على ايديها ومسكها
الدكتور / نبدأ
عاطف / ماشى
الدكتور / بص انا مش هقولك زى الدكاتره التانيه احكيلى عن طفولتك ولا هقولك تتكلم في ايه أبدأ انت زى ما انت عايز
عاطف / بص لزهره بدموع وبدأ يحكى حكاية زينب لحد ما قابل زهره
الدكتور / زهره دى اللى هى مراتك اللى معاك دلوقتى
عاطف / ايوه دى اللى قدرت تغيرنى خلتنى بنأدم تانى حسستنى أن انا اتولد من جديد نستنى حب زينب وكل الماضى عيشتنى حالة حب حلوه حتى لو هى كانت بتحاول تتأقلم على العيشه معايا بس ده شئ يتحسب ليها انها بتحاول
الدكتور / تمام كفايه كده النهارده وان شاءالله نكمل الجلسه التانيه
عاطف / طيب يا دكتور ممكن تدينى حاجه اخدها لما اتعصب لان بخاف على اللى بحبهم من العصبيه بتاعتى وبأذيهم جامد
الدكتور / اه طبعآ بس انت معاك العلاج اللى هيمنعك حبك للأشخاص دى هيخليك تخاف عليهم ومستحيل تأذيهم لان اللى بيحب حد صعب يأذيه
زهراء / حبست دموعها فى عينيها وحطت ايديها على بطنها وقالت عن اذنكم وخرجت
عاطف / بص على زهره وهى خارجه ووقف سلم على الدكتور وقال شكرآ يا دكتور
الدكتور / العفو هستناك الجلسه الجايه إن شاءالله
عاطف / أن شاءالله وخرج وراح عند زهراء وقعد جنبها وقال انتى خرجتى ليه
زهراء / ها ق.ق.قولت اسيب ليك شويه من الخصوصيه علشان لو حبيت تقول حاجه لدكتور
عاطف / زهره انتى نفسى ومش بتكسف منك لما تشوفى دموعى
زهراء / ربنا يخليك يلا بينا
عاطف /يلا ونزلو الاتنين العربيه
زهراء / انا شكلى نسيت التليفون عند الدكتور
عاطف / طيب استنى اطلع اجيبه
زهراء / لاء خليك انت جهز العربيه وانا هطلع اجيبه ونزلت من العربيه وطلعت عند الدكتور وطلبت تقابله ودخلت عنده وقالت اسفه يا دكتور لو هزعج حضرتك
الدكتور / مفيش ازعاج اتفضلى انا تحت امرك
زهراء / دكتور من الاخر كده رغم الحب اللى عاطف بيحبه ليا للاسف انا مش بحبه وهو عنده مراته ام عياله اللى بتحبه بجد فأنا عايزه الطريقه اللى اقدر انسحب بيها من حياته من غير ما أثر على علاجه
الدكتور / انا لاحظت ده من نظراتك ليه وهو عارف انك مش بتحبيه بس هو طبعآ بيعشقك لأن انتى كنت سبب تخرجى حبه الاولانى من قلبه
زهراء / طيب والعمل يا دكتور
الدكتور / انتى تحاولى تبعدى واحده واحده من قدامه وتملى خلى مراته دى اللى قصاده تخليها تحسسه بحبها وحنانها تجذبه ليها تقف جنبه فى اشد أوقاته وهو غصب عنه هينجذب ليها وياريت لو تخليها تيجى معاه الجلسه الجايه علشان اشوف هو ايه شعوره وهى جنبه
زهراء / حاضر يا دكتور شكرآ لحضرتك
الدكتور / اياكى والانسحاب المفاجئ ده هيجيب نتيجه عكسيه وهيولد جواه الانتقام من تانى خلي الفراغ تملاه الاول مراته علشان لما تنسحبى نهائى من حياته ميبقاش فيه فراغ
زهراء / حاضر عن اذنك وخرجت من الاوضه نزلت ركبت العربيه
عاطف / كل ده
زهراء / اسفه بس عنده مريضه وكان صعب ادخل
عاطف / ماشى وشغل العربيه ورجع على الفيلا
وبعد وقت وصلو ونزلو من العربيه ودخلو الفيلا
زهراء / مساء الخير
ملك / مساء النور عملتو ايه
زهراء / احم كله تمام
عاطف / انا طالع اوضى وسابهم وطلع الاوضه
زهراء / روحى وراه
ملك / اروح وراه اعمل ايه
زهراء / شوفيه لو محتاج حاجه مش هو جوزك
ملك / ايوه جوزى بس خايفه احسن ما يكسفنى
زهراء / حتى لو رفض قربى ليه انا سألت الدكتور وقال انك انتى تقربى ليه على قد ما تقدرى وانا انسحب واحده واحده
ملك / احم م.م.ماشى وطلعت وهى متوتره وخبطت على باب اوضت عاطف وفتحت الباب ودخلت
عاطف / جايه هنا ليه مش قولتلك متقربيش على اوضى خالص
ملك / ا.ا.انا قولت لتكون محتاج حاجه
عاطف / مش محتاج حاجه ولو هحتاح حاجه هطلبها من مراتى زهره مش منك
ملك / دخلت وقفلت الباب وراها وراحت عنده وقالت انت ليه بتعاملنى كده يا عاطف انا بحبك واستحملت كتير منك و علشانك انا ام اولادك ومعملتش حاجه ولا عمرى خونتك ولا فكرت ابعد عنك رغم كل اللى انت عملته فيا ليه مصمم تجرحنى وتوجعنى ليه ليه ودموعها نزلت منها
عاطف / علشان مش بحبك يا ملك انا بحب زهره ومستحيل احب غيرها
ملك / بس انا مراتك وام عيالك انا احق بيك من اى حد
عاطف / ملك اطلعى بره
ملك / لاء مش هطلع يا عاطف انا تعبت بجد تعبت مش قادره استحمل اشوفك مع غيرى انا استحملت منك كتير بس بعد ده كله مش شيفنى وشايف زهره وبس حرام عليك بجد حس بيا يا عاطف
عاطف / لف واداها ضهره وقال اطلعى بره يا ملك
ملك / وقفت قصاده وقربت منه وقالت ارجوك يا عاطف حس بيا انا مبقاش ليا اهل انت بقيت اهلى وكل ما ليا فى الدنيا دى متبعدش عنى ارجوك وقربت منه ولسه هتبوسه
عاطف / مسكها من دراعها وفتح الباب وحدفها بره وقال اياكى تقربى من اوضى تانى فاهمه وقفل الباب
ملك / دموعها نزلت منها وقعدت تعيط
زهراء / سمعت صوت عاطف خرجت من اوضتها تجرى وشافت ملك قاعده فى الارض تعيط راحت عندها وقعدت جنبها واخدتها فى حضنها
ملك / مسكت فى زهره وقالت مش قادره استحمل يا زهره قلبى واجعنى اوى نفسى يحس بيا ويعرف انا قد ايه بحبه هو مش شايف غيرك قدامه
زهراء / طبطبت عليها وقالت احنا عارفين من الاول ان الموضوع ده هياخد وقت مش هيسلم ليكى بسهوله اجمدى يا ملك احنا لسه فى أولها المشوار طويل ومحتاج مجهود أكبر من كده
ملك / إهانته صعبه ليا يا زهره
زهراء / عارفه وحاسه بيكى بس الحب يخليكى تعملى اى حاجه علشان تفضلى جنبه علطول قومى يا ملك روحى نامى فى اوضك وانا هدخل أكلمه
ملك / ماشى وقامت راحت اوضت بيلار ونامت جنبها
زهراء / خبطت على باب اوضت عاطف
عاطف / قولتلك متجيش هنا تانى يا ملك
زهراء / فتحت الباب وقالت ممكن انا ادخل
عاطف / بفرحه اه طبعآ ده مكانك يا زهره
زهراء / دخلت وقفلت الباب وراها وقعدت جنب عاطف وقالت ليه عملت كده فى ملك يا عاطف
عاطف / انتى عارفه يا زهره انا بحبك انتى ومستحيل افكر فى ملك دى نهائى
زهراء / ليه بس ملك ام اولادك ومن حقها تعيش جنبك زى اى زوجه ليها حقوق عليك حرام لما تحرمها منها
عاطف / بص فى عينيها وقال طيب ما انا ليا حقوق عندك وانتى منعانى منها
زهراء / اتوترت ورجعت شعرها وراه ودنها وقالت ب.ب.بس وضعنا يختلف هى عاشت معاك سنين كتير وكان فيه ما بنكم عشره وهى رغم اللى شافته معاك مقدرتش تكرهك وبتحبك بجد
عاطف / قرب منها وقال وانا مش عايز حاجه من الدنيا غير حبك يا زهره
زهراء / جت تقوم من جنبه
عاطف / مسكها من دراعها وقربها ليه وقال رايحه فين
زهراء / ه.ه.هروح انام
عاطف / خليكى نايمه هنا جنبى
زهراء / وهى بتحاول تقوم قالت احم انت واعدنى انك هتسبنى براحتى
عاطف / انا سيبك براحتك يا زهره بس بجد مبقتش قادر على البعد اكتر من كده ولسه هيقرب منها ويبوسها
زهراء / زقته وقامت وقفت وقالت ارجوك يا عاطف بلاش طريقتك دى
عاطف / غمض عينه واتنهد وقال اسف يا زهره بس حبى ليكى اللى بيخلينى اندفع بمشاعرى
زهراء / ياريت تفكر بملك اكتر هى تستحق حبك ده اكتر منى
عاطف / انا راضى ومستنى لحد ما تحبينى زى ما بحبك يا زهره
زهراء / بصت ليه ولسه هتخرج افتكرت حاجه قفلت الباب تانى وقالت ع.ع عاطف ليا طلب عندك
عاطف / امرى يا قلبى
زهراء / احم بكره هيروح الفرش بتاع ريم على الفيلا اللى هتعيش فيها ولازم اكون جنبها ممكن اروح معاها
عاطف / انو فيلا بتاعة امير
زهراء / هزت راسها وقالت ايوه بس صدقنى مليش دعوه بيه وانت عارف ان هو دلوقتى متجوز ومراته حامل محدش ليه علاقه بالتانى
عاطف /لاء يا زهره مستحيل هوافق على أن مراتى تروح لفيلا حبيبها القديم
زهراء / بس انا مش رايحه ليه هو انا رايحه دور اختى انا اختها الوحيده ولازم اكون واقفه جنبها فى وقت زى ده
عاطف / انا قولت لاء يا زهره مطوليش فى الكلام
زهراء / اتنهدت وراحت قعدت جنبه ومسكت أيده وبصت فى عنيه وقالت عاطف انت مش بتثق فيا
عاطف / بحب بص فى عينيها وقال بثق فيكى طبعآ يا زهره
زهراء / قربت اكتر ليه وحطت ايديها على خده وقالت لو صحيح بتثق فيا زى ما بتقول سبنى اروح هناك وابقى جنب اختى فى فرحتها
عاطف / فرح بقرب زهره ليه ومسك ايديها بسها برقه
زهراء / بتوتر ها قولت ايه
عاطف / قرب من خدها وبسها برقه وقال روحى يا زهره بس ملكيش دعوه بحد وانا راجع من الشركه هاجى اخدك
زهراء / ش.ش.شكرآ يا عاطف
عاطف / لا استنى شكرآ حاف كده
زهراء / قصدك ايه
عاطف / شاور على خده وقال تشكرينى هنا
زهراء / ها وبلعت ريقها بالعافيه وقربت من خده وبسته بسرعه وقامت واقفت وقالت تصبح على خير هروح انام وطلعت تجرى من الاوضه ودخلت اوضتها ودموعها نزلت منها وقالت انا اسفه يا أمير أن قربت لحد غيرك بس ربنا يعلم قلبى وكلى علشانك انت واترمت على السرير وقعدت تعيط لحد ما نامت
عاطف / حط أيده على خده مكان البوسه وضحك بحب وقال بحبك اوى يا زهره اوى ونام على سريره وهو فرحان وسعيد
_____________________________
اشرقت شمس صباح يوم جديد بنورها الساطع فى سماء القاهره لتبدأ ريم بفتح عيونها على صوت تليفونها ردت وقالت
ريم / صباح الخير يا حوده
محمود / صباح السعاده والهنا يا روحى قومى يلا علشان نلحق نشترى الفرش ويروح الفيلا
ريم / بدرى كده
محمود / نعم يا اختى بدرى ايه ده بدرى من عمرك قومى يلا اخلصى
ريم / يوووه بقى حاضر قايمه اهو
محمود / تعرفى لو قفلت معاكى ونمتى تانى هتقومى تلاقى نفسك نايمه فى حضنى زى المره الفاتت وانا بتمنى الصراحه
ريم / غلس مش هنام تانى يلا باى
محمود / باى يا قلب الغلس
ريم / قفلت التليفون وقامت خرجت وقالت صباح الخير
سامح وشريف ونبيله /صباح النور
ريم / متجمعين عند النبى أن شاءالله
نبيله / يسمع من بؤقك ربنا وازور بلد الحبيب المصطفى
شريف / ربنا يقدرنى يا امى وهخليكى تطلعى حجه أن شاءالله
نبيله / ربنا يخليكى يا حبيبى ويرزقك ويعلى مراتبك كمان وكمان
شريف / ويخليكى لينا يا ست الكل وبعدين بص لسامح وقال اه صح فين يا ابنى البنت اللى كنت هتخطبها
سامح / اتفقت مع ابوها هعمل الخطوبه وكتب الكتاب يوم فرحك إن شاءالله
شريف / ياراجل هو ليه الكل طمعان فى يوم فرحى كده حتى ساره هتتخطب اليوم ده
سامح / اصلك فتحت نفسنا على الجواز
شريف / والله بتتريق
سامح / محسسنى انك شخصيه مهمه اوى
شريف / يخربيت الدبش اللى بيتحدف من بؤق ده مش عارف اللى اخدتك دى هتاخدك على ايه
سامح / اطلع منها انت هى بتحبنى كده
شريف / بكره تضرب نفسها مليون شبشب انها حبتك
سامح / لما نشوف مين اللى هتضرب نفسها مليون شبشب لميس ولا روز
شريف / قصدك ايه يا سامح
سامح / قصدى انت عارفه كويس اوى
شريف / بصله بزعل وقال متشكر اوى يا اخويه بتعيرنى مكنتش اتوقع تقول كده وسابهم ودخل اوضه
نبيله / ليه كده يا ابنى انت عارف اخوك حساس اوى من الموضوع ده ليه تجرحه بكلامك ده
سامح / هو اللى بدأ بالرخامه وانا رديت عليه بطريقته
نبيله / اخوك بيهزر معاك لكن انت اللى قلبتها جد
سامح / وانتو عارفينى مش بحب الهزار
نبيله / ورحمة ابوك يا سامح ادخل صالح اخوك بكلمتين
سامح / حاضر يا امى حاضر ودخل الاوضه عند شريف لاقه قاعد وبيشرب سجاير قال بأستغراب انت من امته بتشرب سجاير يا شريف
شريف / شئ ميخصكش
سامح / قعد جنبه واخد السيجاره من ايديه وطفاها وقال روق يا شيفو انا كنت بهزر مقصدش حاجه
شريف / والله بتهزر عبيط عنك انا
سامح / خلاص بقى متزعلش وبعدين الاتنين هيضربو نفسهم مليون شبشب أنهم اتجوزونا احنا الاتنين
شريف / بصله وضحك
سامح / ايوه كده يا جدع اضحك انت كلها كام يوم وهتكون عريس وانا كمان هههههههههه
شريف / يا عم انت مستعجل على الفرح علشان مصلحتك
سامح / على ايه يا عم على الأقل انت هتحضن وتبوس إنما أنا غلبان أخرى همسك الايدين
شريف / هههههههههههه قر فيها بقى مش نقصه الحكايه اللى يكرمك
سامح / بغمزه الله يسهله ناس ليها بوس وناس تتقهر وتتحسر على حالها ههههه
شريف/ يخربيتك الفرح هيولع بينا قل اعوذ برب الفلق
سامح / حبيبى يا شيفو ربنا يسعدك يارب
شريف / ربنا يخليك يا سامح ويسعدك مع خطيبتك ويفرحكم ببعض قريب ان شاءالله
سامح / خبط على رجل شريف وقال لما اروح بقى اشوف مزتى واحشتنى وسابه وخرج
شريف / بص على اخوه وهو خارج ومسك تليفونه واتصل على رقم لميس وانتظر الرد
لميس / صباح الخير يا شيفو
شريف / صباح الحب والدلع
لميس / هههههههه
شريف / هى الأيام مش عايزه تمشى ليه بقى
لميس / ههههههههه ليه ما هى الايام ماشيه عادى
شريف / عايزها تجرى بقى علشان يجى الفرح وبدل ما تقوليلى صباح الخير يا شيفو فى التليفون تقوليها وانتى فى حضنى
لميس / شريف
شريف / يقطع شريف وسنينه هتجن يا بت عايزه اتجوز بقى
لميس / بدلع بعد الشر عليك يا حبيبى
شريف / هو مينفعش الفرح يبقى النهارده لاء مينفعش يبقى دلوقتى واجى عندك الاوضه اخدك فى حضنى
لميس / هههههههههه مجنون بس بحبك اوى
شريف / وانا بعشقك يا لميس انتى عارفه الفتره اللى مكنتش بكلمك فيها كنت حاسس بفراغ كبير اوى فى حياتى
لميس / انا بقى كنت هموت من غيرك كنت شايفه الدنيا دى كلها سوده وملهاش اى طعم اوعى تعملها تانى وتبعد عنى كده
شريف / مقدرش ابعد عنك تانى يا لميس ربنا يخليكى ليا يا قلبى
لميس / وميحرمنيش منك يارب
شريف / اجهزى يلا علشان اعدى عليكى اخدك
لميس / هتنزل الشركه النهارده
شريف / ايوه امير هيكون مشغول النهارده فى الفيلا عندهم علشان فرش ريم ومحمود مينفعش احنا الاتنين منرحش الشركه
لميس / اوك على ما تيجى هكون انا جهزت باى
شريف / باى يا قلبى وقفل مع لميس وخرج نزل وقف تاكسى وراح عند لميس كانت جهزت خرجت ليه وركبت معاه التاكسى وراحو على الشركه
_____________________________
فى فيلا امير
فى اوضت امير
صحى امير على صوت تليفونه بص جنبه ملاقاش سهى نايمه جنبه رد وقال
أمير / ها ايه الاخبار
........./ من شويه طلع الشقه بتاعته هو وبعدها بربع ساعه وصلت عنده واحده وطلعت عنده فوق وبعد حاولى ساعه نزلت البنت وركبت تاكسى وهو نزل بعدها ركب عربيته وروح شقة أهله
أمير / بأستغراب بنت صورتوها طيب
......../ احم لاء محدش قال لينا
أمير / انتو اغبيه لازم حد يقولكم تعملو ايه ده شغلكم يا اغبيه كنت صورتها وهى طالعه عنده
........./احنا اسفين يا باشا غلطه مش مقصوده ونوعد حضرتك مش هنكررها تانى
أمير / اى حاجه تحصل زى دى تصوروها علطول فاهمين
........./حاضر يا باشا
أمير / قفل التليفون واستغرب عدم وجود سهى جنبه وقال راحت فين دى وقام بص عليها فى الحمام ملاقهاش شك فيها لتكون هى اللى كانت عند ريان فتح الباب ونزل يجرى وهو بينده عليها وقال سهى يا سهى انتى فين
امينه / بخضه فى ايه يا ابنى نازل بتجرى وبتنده على سهى وانت متعصب كده ليه
أمير / مفيش يا امى بس هى فين
سهى / ايوه يا حبيبى انا هنا
امير/ كنتى فين كده
امينه / كانت فى المطبخ بتحضر الفطار فيه ايه يا حبيبى
أمير / احم مفيش اصل قمت ملاقتهاش جنبى اتخضيت
امينه / اه ما هى صحيت من بدرى وخر
سهى / قطعتها وقالت لدرجاتى يا حبيبى ملهوف عليا
أمير / ها ا.ا اه عن اذنكم
امينه / رايح فين يا حبيبى
أمير / هطلع اصلى فرض ربنا وسابهم وطلع الاوضه
امينه / انتى ليه مقولتيش لامير انك خرجتى روحتى لدكتور
سهى / انتى مش شايفه حالته يا مرات عمى اخاف أقوله يزعل منى أن خرجت من غير ما اقوله
امينه / عندك حق يا بنتى ربنا يكملك بعقلك
سهى / تعيشى يا مرات عمى هروح احضر بقيت الفطار
امينه / ماشى يا حبيبتى علشان نعمل الغدا للناس اللى جايه النهارده
سهى / هو مين اللى جاى النهارده
امينه / ريم ونبيله علشان الفرش اللى جاى النهارده
سهى / احم واختها جايه معاهم
امينه / معرفش بس معتقدش انها تيجى
سهى / ياريت ماشى يا مرات عمى انا رايحه المطبخ وسابتها ومشيت
______________________________
فى الفيلا عند جهاد وأحمد
فى اوضت جهاد
أحمد/ احلى صباح على احلى عيون
جهاد / ههههه صباح النور يا ابو حميد
أحمد / مزتى عامله ايه النهارده
جهاد / الحمدالله احسن بس الجرح بيشد عليا شويه
أحمد / معلش يا حبيبتى
جهاد / احمد معلش هتعبك بس عايزه اطمن على اسلام وعبير
أحمد / تانى يا جهاد ما انا امبارح مطمنك عليهم
جهاد / عايزه اعرف فاقت ولا لسه اكيد اسلام هيموت عليها وزعلان أصله متعلق بأخته اوى
أحمد / لحد ما كنت هناك امبارح كانت لسه مفقتش من الغيبوبه واخوها قاعد معاها فى العنايه
جهاد / يمكن تكون فاقت انا بدعلها تقوم بالسلامه طول ما انا قاعده علشان خاطر اسلام ميتوجعش عليها
أحمد / ادينى سبب مقنع لحبك لاسلام
جهاد / انا نفسى معرفش بحبه ازاى وليه
أحمد / رجعى نفسك يا جهاد اسلام ميتحبش يا حبيبتى انا مش بفرض رأى عليكى انتى عارفه أن انا صحبك قبل ما اكون اخوكى الكبير بس بجد خايف عليكى من حبك لاسلام
جهاد / لو بأيدى كنت مختارتش الحب ده بس غصب عنى حبيته ومش قادره اكرهو رغم كل اللى بيعملوا ده
أحمد / بجد اول مره اكون عاجز بالطريقه دى ومش عارف اخد قرار
جهاد / انا عجزه زى زيك بالظبط بس انا بعذاب بقى
أحمد / اخدها فى حضنه وبسها فى راسها وقال ياريت فى ايديا حاجه يا جهاد ياريت
جهاد / متشلش همى انت ركز فى حياتك مع ساره وامسك فيها بأيدك وسنانك ساره بتحبك بجد
أحمد / وانا بموت فيها يا جهاد وناويت البسها الشبكه فى فرح اخوها محمود
جهاد / بفرحه بجد ربنا يسعدك يا حبيبى يارب
أحمد / وقف وبسها فى راسها وقال هروح الاول المستشفى وبعد كده هروح لجامعه وابقى اطمنك فى التليفون سلام وخرج وسابها
جهاد / اتنهدت بوجع وقالت اااااه وجع قلبى كبير اوى يا احمد ياريت كنت اقدر احكى ليك على اللى جوايا بس مش عايزه اوجع قلبك عليا واضيع فرحتك ربنا يسعدك ويفرح قلبك يا احمد يارب
_______________________________
فى المستشفى عند اسلام وعبير
خرجت عبير من العنايه ودخلت اوضه عادى وكانت قاعده وقاعد جنبها اسلام
عبير / اسلام ناوى تعمل ايه مع جهاد
اسلام / اتنهد وقال مش عارف يا عبير هحاول اصلح اللى فات يمكن تسامحنى
عبير / هتتجوزها
اسلام / ياريت توافق بس مستحيل تسامحنى على اللى حصل
عبير / انا لما أخرج هتأسف ليها ولروز وهطلب منها تسامحك
اسلام / ياريت بالسهوله دى يا عبير
عبير / مدام بتحبك اوى كده وضحت بعمرها علشانك ومقدرتش تشوفك محبوس هتسامحك اكيد
اسلام / هحاول اعمل بكل طريقه علشان تسامحنى بس قبل اى حاجه لازم اقف على رجلى واعمل ليا عمل خاص مستقل بيا بعيد عن فلوس ابوكى وعن حياته
عبير / وانا
اسلام / وانتى ايه
عبير / وانا هعمل ايه
اسلام / هتكملى تعليمك بس على حسابى انا مش هسيبك احنا بنكمل بعض يا عبير وانتى مسؤوله منى لحد ما تروحى بيت جوزك
عبير / بوجع بيت جوزى مين ده اللى هيرضى يتجوز واحده زي
اسلام / ليه بتقولى كده يا عبير انتى لسه صغيره والعمر قدامك وكتير مننا بيغلط وبيصلح من نفسه مش عيب على فكره احنا عايشين الدنيا نغلط ونتعلم
عبير / نفسى الناس تحبنى بعد ما كرهتنى
اسلام / اكيد هتحبنا بعد ما يتصلح حالنا ونتغير
عبير / يارب يا اسلام
اسلام / اخدها فى حضنه وقال نامى شويه ريحى
عبير / غمضت عينيها فى حضن اخوها ونامت
اسلام / بسها فى راسها وقال بصوت واطى حقك عليا يا عبير انا السبب فى اللى انتى وصلتى ليه ده علشان مكنتش الاخ الصالح ليكى وقعد يمشى أيده على شعرها
_____________________________
فى فيلا عاطف
صحيت زهره من نومها وقامت دخلت الحمام اتوضت وخرجت أدت فرضها وخرجت من الاوضه ونزلت لاقت عاطف قاعد بيشرب القهوه بتاعته وبيقراه فى الجريده
زهراء / صباح الخير
عاطف / بصلها بحب وقال صباح النور وطبق الجريده وحطها جنبه
زهراء / ملك والاولاد منزلوش
عاطف / لاء
زهراء / اكيد بعد اللى حصل امبارح ملك مش هتنزل
عاطف / تنزل ولا متنزلش شئ ميخصنيش
زهراء / اتنهدت وقالت عاطف علشان خاطرى بلاش تعاملها كده وحياتى عندك
عاطف / حياتك غاليه اوى على انك تحلفينى بيها علشان واحده زى ملك
زهراء / بليز يا عاطف
عاطف / بص ليها فى عينيها وقال حاضر يا زهره مشكلتى مقدرش ارفض ليكى طلب
زهراء / ههههه ربنا يخليك
عاطف / تعرفى أن ضحكتك حلوه اوى
زهراء / احم ش.ش.شكرآ وفى الوقت ده ملك نزلت وقعدت من غير ولا كلمه
بيلار ورائف / صباح الخير يا ماما صباح الخير يا بابا وقعدو على الكراسى
عاطف / فين حضن بابا
بيلار / انت وحش ومش هنحضنك خالص
زهراء / عيب يا حبيبتى تكلمى بابا كده
رائف / علشان هو السبب فى دموع ماما
زهراء / بصت لعاطف وبعدين بصت لاولاد وقالت عيب يا حبايبى تقولو كده بابا بيحبكم وبيحب ماما بس هو زعلان منها شويه صغننين
ملك / بصت لعاطف بدموع ووقفت ولسه هتمشى
زهراء / رايحه فين يا ملك
ملك / طالعه اوضى
زهراء / اقعدى افطرى طيب
ملك / مليش نفس
زهراء / عاطف قول حاجه
عاطف / اقعدى يا ملك افطرى
ملك/ لاء شكرآ ولسه هتطلع
عاطف / بتحذير ملك انتى عارفنى مش بحب اقول الكلمه مرتين اقعدى
ملك / بصت ليه وقالت الكلام ده الأول إنما دلوقتى خلاص عن اذنكم وسابتهم وطلعت اوضتهم
عاطف / بص لزهره وقال بغيظ شوفتى قولتلك بلاش
زهراء / احم عاطف الاولاد
عاطف / اتنهد وبص للاولاد وسكت
زهراء / يلا كلو يا حبايبى
بيلار ورائف / مش عايزين وطلعو يجرو على امهم
زهراء / عجبك كده يا عاطف اللى بيحصل ما بنكم ده بيأثر على نفسية الاولاد
عاطف / وانا اعملها ايه
زهراء / اطلع ليها علشان خاطرى ملك بتحبك ولما تلاقيك طالع ليها وتقولها كلمتين هتفرح وتنزل معاك
عاطف / مستحيل يا زهره مش علشان بحبك ومش بحب ارفض ليكى طلب تتمادى فيها
زهراء / بترجى وحياتى عندك ومش هطلب منك حاجه تانى
عاطف / يا زهره اطلبى منى اى حاجه انشالله عمرى كله مش كتير عليكى بس بلاش طلبات تخص ملك
زهراء / عاطف علشان خاطرى
عاطف / اتنهد وقال حاضر يا زهره حاضر وقام وقف وطلع عند باب اوضت بيلار وخبط عليهم وفتح الباب
ملك / اتفاجئت وقالت عاطف
عاطف / بيلار رائف انزلو عند ماما زهره
بيلار / لاء انا قاعده مع ماما
رائف / وانا كمان
ملك / رائف بيلار اسمعوا كلام بابا
رائف وبيلار / حاضر يا ماما ونزلو عند زهره
ملك / غريبه اول مره تعملها وتطلع عندى
عاطف /ملك اتكلمى عدل
ملك / والله هى دى طريقة كلامى انا خلاص فاض بيا يا عاطف مبقتش قادره استحمل وجع وأهانه اكتر من كده مش هعيش عمرى كله اشحت الحب منك
عاطف / انتى عارفه من الاول ان انا مش بحبك يا ملك
ملك / ولما انت مش بتحبنى طلبتنى ليه من اخويه اول ما شفتنى ولا كنت متجوزنى علشان تضرب فيا وتعذبنى شويه زى اللى كانو قبلى
عاطف / خلاص يا ملك
ملك / بدموع لاء مش خلاص يا عاطف انا استحملت معاك اللى مفيش واحده تقدر تستحملو وفوق كل ده دخلت مستشفى المجانين على ايدك واتحرمت من ولادى بسببك وكنت بستحمل واقول استحمل ما هو غصب عنه لكن دلوقتى شايفه أن حب زينب طلع من قلبك واتحسنت بس للاسف شغلته واحده تانيه غيرى خلاص بقى مش هيهين نفسى تانى انا دلوقتى اهم حاجه عندى ولادى وبس
عاطف / صعبت عليه ملك شدها فى حضنه وقعد يطبطب عليها
ملك / اتشعلقت اكتر فيه وقعدت تعيط
عاطف / بعدها عنه وقال عارف انك اكتر واحده اتعذبت معايه بس قلوبنا مش بأيدينا يا ملك
ملك / بدموع عارفه يا عاطف واكبر دليل على كده قلبى اللى حبك رغم كل اللى شافه منك ومش قادره اكرهك
عاطف / مسح دموعها وقال حقك عليا يا ملك متزعليش منى
ملك / اترمت فى حضنه وقالت بدموع متتأسفش يا عاطف مهما عملت فيا صدقنى مش محتاجه حاجه منك غير انك تكون حنين عليا وتقربنى منك
عاطف / طبطب عليها وقال إن شاءالله يا ملك يلا ننزل نفطر
ملك / طيب خلينى شويه فى حضنك
عاطف / هههههههه احنا كده مش هننزل نفطر احنا كده هنروح مكان تانى وبص على السرير
ملك / بعدت عنه بكسوف وقالت احم ي.ي.يلا ننزل وفتحت الباب ونزلت ونزل وراها عاطف
زهراء / شافت ملك نازله فرحانه عرفت أن عاطف قربها ليه فرحت ليهم
ملك / فين الاولاد
زهراء / فطرتهم وخرجو يلعبو فى الجنينه
ملك / شكرآ يا زهره
زهراء / العفو على ايه المهم انكم اتصالحتو وغمزت ليها
ملك / ضحكت ليها وقالت طيب كلى وانتى ساكته
زهراء / وهى بتضحك قالت هههههههه ماشى ماشى
عاطف / بص بحب لزهره وهى بتضحك وقعدو ياكلو التلاته وبعد وقت قامت وقفت زهراء وقالت
زهراء / هطلع اجهز بقى علشان امشى
عاطف / اجهزى واوصلك على سكتى بس زهره انا بقولك اهو ملكيش دعوه بحد
زهراء / ح.ح.حاضر وطلعت الاوضه جهزت نفسها وبعد شويه نزلت وخرجت مع عاطف ركبت العربيه وراح وصلها فيلا امير وقال ليها
عاطف / مسك ايديها وقال زهره متخلنيش اندم على قرارى ده انتى فهمانى
زهراء / حاضر يا عاطف متقلقش ولسه هتنزل
عاطف /شدها وحضنها وقرب على خدها وبسها برقه
زهراء / اتوترت وبعدت عنه وضحكت بتوتر وقالت احم ب.ب باى ونزلت من العربيه ودخلت الفيلا
عاطف / قعد يبص عليها لحد ما دخلت وبص فوق شاف امير وهو واقف فى البلكونه وبيبص عليهم بص ليه بغيظ وشغل العربيه ومشى
أمير / شاف زهره وهى فى حضن عاطف وبيبوسها اتعصب وقعد يبص عليهم لحد ما زهره نزلت ودخلت الفيلا وعاطف مشى دخل الاوضه وبعصبيه قال عااااااااااا ليه ليه تبقى فى حضن حد غيرى ليييييييه وحدف التحفه اللى قدامه على الأرض
زهراء / دخلت وهى متوتره ورنت الجرس وفتحت ليها سهى
سهى / بصت ليها من فوق لتحت وقالت بغيظ ايه جابك انتى
زهراء / حاجه متخصكيش اوعى كده من وشى
سهى / هو ايه اللى ميخصنيش ده بيت جوزى يعنى بيتى
زهراء / وبت جوز اختى يعنى بيت اختى اوعى كده وزقتها ودخلت
سهى / مسكتها من دراعها وقالت انتى واحده بارده يا غلسه مش عايزك قالها ليكى جايه ليه علشان تقربى منه تانى
زهراء / شدت دراعها من ايديها وقالت تصدقى مش هرد عليكى هسيبك تهوهوى زى الكلاب كده اهرى وكلى فى نفسك علشان عارفه ومتأكده انك مهما عملتى امير مش بيحبك ولا هيبحبك لان انا وبس اللى فى قلبه
أمير / نزل من فوق وقال مين قالك كده انتى واخده قلم فى نفسك اوى كنت بحبك زمان يا زهره انتى طلعتى من قلبى من ساعة ما قولتى ليا انك بتحبى واحد غيرى وراح وقف جنب سهى وبسها فى خدها وقال إنما دلوقتى مراتى وابنى كل حياتى
سهى / بصت ليها بتحدى وانتصار
زهراء / بصت لامير بدموع وقالت مهما تقول مش هصدقك لأن انا مش مجرد واحده وخلاص انا ماشيه فى دمك جوه وريدك وعمرك ما تعرف تخرجنى منهم
سهى / بصت ليها بغيظ
أمير / لاء متقلقيش غيرت دمى من زمان علشان كان دم فاسد ولازم يخرج من جسمى
زهراء / بصت ليه بدموع وقالت كداب يا أمير كداب عينك فضحاك
أمير / مدخلش معاكى جوزك ليه
زهراء / جوزى واحد مش فاضى وراه شركاته ومسؤاليات كتير
أمير / ربنا يعينه ويقدر يملا عينك بالفلوس
زهراء / بصت ليهم الاتنين بقرف ودخلت وسابتهم وراحت سلمت على امينه
امينه / عامله ايه يا بنتى
زهراء / كويسه يا خالتى انتى ايه اخبارك
امينه / نحمده يا حبيبتى
أمير / باركى ليها يا امى المدام حامل
زهراء / بصت ليه بغيظ
امينه / بفرحه بجد مبروك يا حبيبتى ويكملك على خير
زهراء / الله يبارك فيكى يا خالتى وبصت لامير بتحدى
أمير / داس على سنانه بغيظ وسابهم وطلع اوضه
زهراء / هما لسه محدش فيهم جه
امينه / اتصلت بيهم وجاين فى السكه مع عربية الفرش اقعدى يا حبيبتى
زهراء / قعدت جنبها وقالت امال فين ساره
امينه / فوق فى اوضتها وبصت لسهى وقالت اطلعى نادى عليها يا سهى
سهى / بصت لزهره بقرف وقالت حاضر يا مرات عمى. وطلعت عند اوضت ساره وندهت عليها
ساره / نزلت تجرى وحضنت زهره وقالت زوزو حبيبتى واحشتينى اوووووى انا كنت هتجن عليكى ومش معايه رقمك الجديد علشان اكلمك
زهراء / انتى اكتر يا سرسور هديكى رقمى وأسجل رقمك علشان برضه انا اوقات هتجن عليكى ومش بعرف اوصلك
ساره / تعالى معايا فوق نقعد نتكلم مع بعض شويه
زهراء / اوك وطلعت مع ساره فى اوضتها وقالت اوضك دى احلى من التانيه بكتير
ساره / عايزه الحق الاوضه التانيه انا بحبها اكتر فيها احلى الايام والذكريات معاكى
زهراء / واحنا اتبقى لينا ايه غير شوية ذكريات عايشين عليهم
ساره / على رأيك فاكره لما قولتلك بكره تبعدى عن الحاره وتحسى بأشتياق ليها وهتندمى انك بعدى عنها بس فى وقت مينفعش فيه الندم
زهراء / بدموع عندك حق فى كل كلمه قولتيها يا ساره
ساره / بزعل انا زعلانه على اللى وصلتى ليه يا زهره الدمعه اللى تملى فى عينك دى بتوجعنى بجد فين زهره اللى كلها حيويه ونشاط كانت الضحكه مش بتفارق وشك كانت طموحك ملهوش حدود ليه بقيتى مكسوره كده بقى مرسوم على وشك الحزن والهم بقى اللى يشوفك يقول عندك ستين سنه
زهراء / اللى انا حاسه بيه كفيل يعجزنى قبل الاوان يا ساره وجع القلب صعب قوى فراق اغلى ناس علينا بيموت احلى ما فينا ودموعها نزلت منها
ساره / حضنتها وقعدت تطبطب عليها وفى الوقت ده سمعو صوت العربيات قالت شكلهم جم تحت
زهراء / مسحت دموعها وقالت يلا بينا ننزلهم
ساره / يلا ونزلو الاتنين وسلمت زهره على امها واختها ومحمود وطلعو على الدور بتاع محمود وريم وبدأو يطلعو الحاجه وبعد وقت انتهو العمال من طلوع الحاجه ومشيو وبدأت زهره وريم يرتبو الحاجه وامير ومحمود بقو يشيلو الحاجه التقيله ليهم
محمود / ريمو تعالى اوريكى حاجه
ريم / حاضر وراحت معاه الاوضه التانيه
وفضل امير وزهره لوحدهم
زهراء /اتوترت من وجود امير معاها فى اوضه لوحدهم حاولت تشغل نفسها بأى حاجه وشالت الشنطه بتاعة ريم بس كانت تقيله عليها
أمير / حس بتوتر زهره وشافها وهى بتحاول تشيل الشنطه راح ومسك الايد بتاعة الشنطه وكانت ايد زهره تحت أيده
زهراء / بلعت ريقها بالعافيه وبصت فى عينه
أمير / بص فى عين زهره وقرب ليها وحسس على ايديها اللى تحت أيده
زهراء / شدت ايديها من تحت أيده وعملت نفسها بتعمل حاجه تانيه بس رجليها اتكعبلت وكانت هتقع
أمير / طلع جرى عليها ولحقها قبل ما تقع على الأرض ووقعت فى حضنه
زهراء / بصت على شفايفه وهى قريبه منه واخدت نفسها بصعوبه
أمير / وهو نفسه سريع قرب ليها اكتر وقرب على شفايفها بس فى الوقت ده دخلت عليهم سهى
زهراء / بعدت عن امير بسرعه واتوترت
أمير / غمض عينه بغيظ وبص لزهره وبعدين بص لسهى وقال فى حاجه يا سهى
سهى / بصت ليهم بدموع ونزلت تجرى على اوضتها
أمير / نفخ وبص على زهره شافها متوتره خرج ونزل يجرى وراه سهى
زهراء / دموعها نزلت منها وقعدت على الكرسى تعيط
عند محمود وريم
ريم / ايه اللى عايز توريهونى
محمود / ده وشاور على قلبه
ريم / بعدم فهم ايه مش فاهمه
محمود / قرب منها وقال قلبى بيوجعنى وعايز بوسه بسرعه علشان يخف وشدها فى حضنه وقرب من شفايفها وبسها بوسه طويله
ريم / اتصدمت من اللى حصل حاولت تبعد بس محمود كان متحكم فيها جامد واول ما بعد عنها ضربته وقالت بغيظ انت واحد قليل الادب
محمود / وهو بياخد نفسه بصعوبه هموووووت بقى يا ريمو عايز اتجوز يا جدعان يخربيت كده الأيام مش بتمشى ليه
ريم / اوعى بقى يا محمود
محمود / خليكى شويه كده يا ريمو اهو حاجه تصبرنى على اللى انا حاسس بيه
ريم / قعدت تضرب فيه وقالت والله العظيم انت غلس وقليل الادب انا بكرهك اوعى كده
محمود / أهدى يا مجنونه انتى مراتى يا بت وبعدين عينى فى عينك كده بقى انتى بذمتك بتكرهينى
ريم / عااااااااااا غلس اوعى بقى
محمود / بعد عنها ومشى أيده على راسه من وراه وضحك وقال امته بقى احضن وابوس براحتى
ريم / وشها احمر وطلعت تجرى وسابته
محمود / هههههههههه خدى هنا يا بت هتودينى فى داهيه بخدودك الحمرا دول يقولو كنت بعمل فيكى ايه
ريم / دخلت الاوضه وشافت زهراء بتعيط اتصدمت وقالت مالك يا زهره وفين أبيه امير
زهراء / بدموع امير نزل مع مراته
ريم / فهمت زهره بتعيط ليه حضنتها وقالت ياريت ما كنتى جيتى بدل العذاب ده ووجع قلبك
زهراء / كان لازم اجى وابقى جنبك فى يوم زى ده وبعدين مسحت دموعها وقالت متشغليش بالك بيا تعالى يلا نكمل
ريم / ماشى
محمود / زوزو يلا علشان الغدا جاهز تحت
زهراء / روحو انتو انا مليش نفس
محمود / يلا انتى عارفه خالتك امينه هتطلع تجيبك من شعرك لو منزلتيش هههههههههه
زهراء / ههههههههه طيب انزلو انتو وانا جايه وراكم
ريم / خلاص هنزل معاكى
زهراء / لاء انزلى مع محمود وانا جايه وراكم
محمود / يلا يا ريمو
ريم / ماشى ونزلو الاتنين مع بعض
زهراء / قعدت على الكرسى وعيطت شويه وسمعت صوتهم بينادو عليها مسحت دموعها ونزلت وهى نازله شافت باب اوضت امير وسهى مفتوح وقفت تبص عليهم
أمير / خلاص يا سهى بقى قولتلك مفيش حاجه من اللى فى دماغك دى هى كانت هتقع وانا مسكتها
سهى / بتلف ولسه هتتكلم شافت زهره بتبص عليهم قربت من امير وقالت خلاص يا ميرو مصدقاك وقربت من شفايفه وبسته
زهراء / اول ما شافت كده حست أن الدنيا بتلف بيها واغمى عليها
أمير / سمع صوت حاجه وقعت بعد عن سهى وطلع يجرى شاف زهره وقعه على الأرض طلع يجرى عليها بخوف وخبط على وشها وقال زهره فوقى زهره فوقى زهره زهره قومى يلا وشالها ودخلها اوضه وحطها على السرير
الكل طلع على الصوت واتصدمو لما شافو زهراء اغمى عليها
نبيله / بخوف بنتى ايه اللى حصلها
أمير / بقلق معرفش يا خالتى انا سمعت صوت حد وقع طلعت اجرى لاقتها زهره
ريم / طيب اتصلو بالدكتور بسرعه
سهى / يا جماعه متقلقوش ده طبيعى لاى واحده حامل
نبيله / حامل
امينه / انتو متعرفوش ولا ايه زهره حامل
ساره / وانتى عرفتى ازاى يا ماما
امينه / امير اللى قالى
ساره / وانت عرفت منين
أمير / مش وقته يا ساره نطمن عليها الاول
محمود / اتصلت بالدكتوره وزمانها جايه
وبعد وقت وصلت الدكتوره وطلبت منهم كلهم يخرجو من الاوضه وسألتهم اذا كانت متجوزه ولا لاء وبعد وقت خرجت الدكتوره من الاوضه
الكل طلع يجرى عليها
أمير / خير يا دكتوره
الدكتوره/ متقلقوش يا جماعه هى كويسه
نبيله / هى حامل يا دكتوره
الدكتوره / لاء طبعآ مش حامل دى لسه انسه زى ما هى
الكل / اتصدم من الخبر وبصو لبعض
أمير / انسه ازاى
الدكتوره/ طبعآ لما عرفت انها متجوزه شكيت انها حامل وكشفت عليها لاقيت انها بنت زى ما هى
أمير / بصدمه طيب الاغماء ده من ايه
الدكتوره / الضغط وطى عليها فاجئه سبب ليها الاغماء ده وانا فؤقتها و بقت كويسه
امينه / شكرآ يا دكتوره وصلها يا محمود
محمود / اتفضلى ونزل مع الدكتوره واداها الفلوس واخد منها الروشته وراح يجيب العلاج لزهره
الكل دخل الاوضه عند زهره
زهراء / كانت قاعده والدموع نازله منها
نبيله / ليه كده يا بنتى
زهراء /بدموع ارجوكى يا امى محدش يكلمنى فى الموضوع ده
ساره / ولما انتى بنت ازاى عايشه معاه
زهراء / جت تقف كانت هتقع
أمير / سندها قبل ما تقع
زهراء / بعدت عنه بسرعه ووقفت وقالت ابوس ايديكم مش عايزه أسأله كتير انا لازم امشى
امينه / تمشى ازاى وانتى كده
زهراء / متقلقيش عليا يا خالتى
سهى / كانت بتابع اللى بيحصل بغيظ
أمير / تعالى اوصلك
زهراء / لاء انا همشى لوحدى ونزلت وسابتهم
أمير / بص ليهم كلهم ونزل يجرى وراه زهراء
زهراء / خرجت من الفيلا ودموعها على خدها
أمير / ركب العربيه وراح عند زهره وقال تعالى اوصلك
زهراء / بدموع مش عايزه حاجه منك
أمير / نزل من العربيه وركبها بالعافيه
زهراء / ابعد عنى افتح الباب بقولك
أمير / ركب العربيه ومشى بيها وبعد وقت وقف فى مكان مفهوش حد
زهراء / كانت بصه من الشباك ودموعها نازله منها
أمير / ليه يا زهره
زهراء / ليه ايه
أمير / ليه مقولتيش انك مسلمتيش نفسك ليه
زهراء / بدموع وده هيفرق معاك
أمير / ايوه يا زهره هيفرق كتير معايا
زهراء / ليه ما انت عندك مراتك هيفرق معاك ايه
أمير / هيفرق يا زهره انك حافظتى على نفسك علشانى هتأكد انك مبعتيش حبنا تحت اى ظروف
زهراء / بدموع بس انت سلمت نفسك لشهواتك بعد حبنا فى أول فرصه جات ليك انا جسمى حرمته على اى راجل انما انت ماشى وراه شهواتك
أمير / محصلش يا زهره المره الوحيده اللى لمستها فيها قولتلك ازاى حصلت فكرتها انتى
زهراء / كداب يا أمير انا شوفتك بعنيه وانت بتبوسها واخدها فى حضنك
أمير / بص ليها بدموع وقال حقك عليا يا زهره
زهراء / بدموع انت واحد ضعيف يا أمير ضعيف
أمير / شدها فى حضنه وقال انا مهما وقولت ليكى من وراه قلبى والله وكنت بحاول انتقم منك لما رفضى ترجعى معايا وروحتى مع جوزك
زهراء / عاطف مريض يا أمير انا بساعده يتعالج ومستنيه الوقت المناسب هنسحب من حياته علشان ميروحش كل اللى بنعملوه على الفاضى ويرجع بالسلب عليه وعلينا
أمير / وليه مقولتيش كده من الاول يا زهره
زهراء / حاولت افهمك بس انت محاولتش تسمعنى تهورك ضيع كل حاجه من ايدك يا أمير
أمير / لاء يا زهره مفيش حاجه ضاعت من أيديه انا خلاص عرفت الحقيقه ومش هبعد عنك مهما حصل
زهراء / مبقاش ينفع يا أمير انت هتكون اب مقدرش أحرم طفل من أن يعيش ما بين أمه وأبوه
أمير / لاء يا زهره سبق وقولتلك أن انا مستنيها تولد وهاخد ابنى منها وهطلقها
زهراء / بصت ليه بدموع وهزت راسها بمعنى لاء
أمير / علشان خاطرى يا زهره كفايه بعد وفراق قلوبنا مبقتش متحمله وجع اكتر من كده اطلقى من جوزك وانا هطلق سهى ونعيش اللى جاى مع بعض
زهراء / بصت ليه بحب وبدموع واترمت فى حضنه
أمير / ضمها فى حضنه وقال يااااااه يا زهره يااااااه واحشتينى اوى واحشنى كل حاجه فيكى
زهراء / انا بعيد عنك بموت يا أمير ليه عملت فيا كده ليه ومسكت فيه اكتر وقعدت تعيط
أمير / حقك عليا يا زهره انا واحد غبى ان وجعتك غبى وفى الوقت ده عاطف اتصل بزهره
زهراء / اتوترت وبصت لامير وبعدت عنه وردت وقالت ا.ا.ايوه يا عاطف
عاطف / بعصبيه انتى فين
زهراء / ها ا.ا انا جايه اهو
عاطف / بتعملى ايه مع امير يا زهره
زهراء / ها ..؟.........
🌹فتاة انحنت من أجل الحب 🌹
🌷الفصل الواحد والاربعون 🌷
اتصل عاطف بزهراء وهى مع امير فى العربيه ردت عليه وهى متوتره وقالت
زهراء / ا.ا ايوه يا عاطف
عاطف /بعصبيه انتى فين
زهراء / ا ا انا جايه اهو
عاطف / بتعملى ايه مع امير يا زهره
زهراء / ها م.م.مين اللى قالك
عاطف / بعصبيه مترديش على سؤالى بسؤال بتعملى ايه مع امير
زهراء / ت.ت.تعبت من المجهود واغمى عليا وهو مرضاش يسيبنى اروح فى المواصلات وانا كده جه يوصلنى
عاطف / بعصبيه وليه مستنتيش لما اجى واخدك
زهراء / احم مقدرتش اقعد اكتر من كده وكنت عايزه اروح اريح فى اوضى
عاطف / عمومآ حسابنا مش فى التليفون تعالى حالا على الفيلا
زهراء / ح.ح.حاضر وقفلت معاه وبصت لامير وقالت عاطف عرف أن انا معاك
أمير / وهو عرف منين
زهراء / معرفش
أمير / وايه اللى هيحصل
زهراء / م.م.مش عارفه بس شكله متعصب
أمير / مستحيل اخليكى تروحى عنده ده ممكن يأذيكى
زهراء / متقلقش انا بعرف اسيطر عليه
أمير / بغيظ ازاى يعنى
زهراء / احم بالكلام بقدر اسيطر عليه بالكلام
أمير / واخرتها يا زهره هنعيش كده قلوبنا متشحطفه على بعض وكل واحد مع حد تانى
زهراء / معلش يا أمير هى فتره ولازم نستحملها
أمير / فكرة أن اسيبك تروحى بيت راجل تانى دى هتجننى مش قادر اتقبلها
زهراء / وانا زيك يا أمير فكرة أنك هتروح تنام جنب واحده غيرى دى بتموتنى انا النهارده لما شوفتكم بتبو واتكسفت وسكتت وقالت احم وانتو قريبين من بعد كنت هموت يا أمير مش عارفه انت ازاى تعمل كده
أمير / انسى بقى يا زهره ما قولتلك كنت بحاول انتقم منك علشان رفضينى وعشتى مع راجل تانى بس والله العظيم معرفتش اقرب ليها تانى هى المره الوحيده اللى انتى عارفها وبعدين انا شوفتك برضه بعنيه وهو بيحضنك يا زهره كان هاين عليا انزل اكسر العربيه فوق دماغكم انتو الاتنين
زهراء / ربنا يعلم يا أمير أن انا بحاول ابعد عنه على قد ما اقدر
أمير / زهره خليكى معايا متروحيش ارجوكى
زهراء / امير انا بدأت مشوار ولازم امشيه لاخره مقدرش انسحب من نصه فى خطوره علينا وعليه
أمير / بص الاتجاه التانى
زهراء / سحبت وشه ليها وقالت ثق فيا وانا بوعدك هخلص الموضوع ده فى اسرع وقت ممكن
أمير / ماشى يا زهره بس اياكى تسمحى ليه يلمسك فاهمه
زهراء / بنظرة حب قالت حاضر وانت برضه ابعد عن البت المسهوكه دى فاهم
أمير / هههههههه فاهم اى اوامر تانيه
زهراء / خلى بالك على نفسك علشان خاطرى
أمير / حاضر ما انتى نفسى علشان كده هحافظ عليها
زهراء / يااااااه يا أمير واحشنى كلامك ونظرة الحب اللى فى عينيك والضحكه الحلوه اللى على شفايفك كل حاجه فيك كانت واحشانى
أمير / قرب منها ولسه هيبوسها
زهراء / بعدت عنه وقالت لاء يا امير بلاش ارجوك
أمير / غمض عينه واتنهد وقرب من راسها وبسها برقه وقال بحبك
زهراء / وانا بعشقك ربنا ميحرمنيش منك
أمير / ولا يحرمنى منك يا عمرى
زهراء / يلا علشان اتأخرنا
أمير / انا لو عليا مش عايز اسيبك ابدآ
زهراء / ولا انا كمان بس غصب عنى
أمير / اتنهد وشغل العربيه ومشى بيها على فيلا عاطف وصلها ونزلت وشغل العربيه ورجع على الفيلا
زهراء / دخلت وهى متوتره لاقت عاطف قاعد ومتعصب وملك قاعده معا قالت ا.ا.السلام عليكم
ملك / وعليكم السلام
عاطف / وقف وراح عندها ومسكها من شعرها وقال انا نبهت عليكى قد ايه أن ملكيش دعوه بيه وقايلك متندمنيش ان وافقت على المشوار ده تكسرى كلمتى وتركبى معا العربيه
زهراء / بألم ااااااه يا عاطف شعرى
ملك / ارجوك سيبها يا عاطف
عاطف / بعصبيه متدخليش فى اللى ملكيش فيه فاهمه
ملك / بخوف ح.ح.حاضر
زهراء / اه يا عاطف شعرى
عاطف / عملتى كده ليه ها وحشك حضنه حنيتى لحبه لمسك مسك ايديكى دى انا هعرفك ازاى تركبى معاه يا زهره وشدها من شعرها طلعها الاوضه وحدفها على السرير
ملك /طلعت تجرى وراهم علشان تنقذ زهره
عاطف / انزلى تحت ومشوفش وشك
ملك / اسمعها الاول طيب
عاطف / مسكها من دراعها وحدفها بره الاوضه وقفل الباب بالمفتاح
ملك / قامت تجرى من على الارض وقعدت تخبط على الباب وتقول عاطف افتح يا عاطف ارجوك افتح
زهراء / وهى ماسكه دراعها المتجبس من الوجع قالت ه.ه.هتعمل ايه
عاطف / شدها من شعرها رفعها كلها على السرير ومسك ايديها ورجليها رابطهم فى السرير
زهراء / بألم لالالا يا عاطف ارجوك
عاطف / جاب الحزام ولفه على أيده وضربه بيها وقال انا غلطان لما فكرت اعملك بحنيه انتى واحده خاينه كلكم زى بعض كلكم خاينين كلكم
زهراء / بألم اااااااه يا عاطف والله ما حصل حاجه ارجوك يا عاطف بلاش تعمل كده انت مش بتثق فيا
عاطف / قعد يضرب فيها وقال انا حمار حمار أن أمنت ليكم تانى كلكم صنف واحد كلكم خاينين خاينين
ملك / وهى بتخبط على الباب افتح يا عاطف يا عاطف سبها هتموت فى ايديك
زهراء / بدموع ااااااااه حرام عليك يا عاطف كفاااااايه
عاطف / حدف الحزام فى الارض ومسكها من شعرها وقال انا هعرفك ازاى تخونينى هتفضلى مربوطه كده ومفيش اكل ومفيش شرب والباب هيتقفل عليكى ورينى بقى حبيب القلب هينقذك ازاى
زهراء / بدموع حرام عليك يا عاطف انت بتظلمنى
عاطف / بصلها بقرف وخرج وقفل الباب عليها بالفتاح
ملك / لالالا يا عاطف بلاش تعمل فيها كده ممكن تموت فيها دى زهره حبك فى حد يعمل كده فى حد بيحبه
عاطف / مسكها من دراعها وداس على سنانه وقال حسك عينك تدخلى فى الموضوع ده بدل ما اعمل فيكى زيها
ملك / بألم طيب هات المفتاح
عاطف / مش هكرر كلامى تانى وزقها وقعها على الأرض ونزل
ملك / قامت جريت وخبطت على الباب وقالت زهره انتى كويسه
زهراء / بدموع جسمى كله وجعنى يا ملك
ملك / معلش اجمدى كده واستحملى لحد ما يهدا واخد منه المفتاح وافتحلك
زهراء / بدموع ااااااه يارب انت عارف ان انا مظلومه
ملك / انا متأكده انك مظلومه اللى يساعد حد من غير ما يستنى منه حاجه يبقى عمله نادره فى زمانه ده وانتى عملتى كده يا زهره واكيد الخير ده هيقف ليكى وينور طريقك انا هحاول اشوف صرفه متقلقيش
زهراء / اهم حاجه يا ملك خليه يروح الجلسه بأى طريقه علشان ميروحش كل اللى عملته على الفاضى
ملك / متشغليش بالك أنا نازله ليه تحت احاول معا ونزلت وسابتها
زهراء /بدموع امير انا محتاجك جنبى اوى
ملك / نزلت ملاقتش عاطف فى الفيلا
عاطف / نزل متعصب ركب عربيته وخرج بيها من الفيلا وكان سايق العربيه بسرعه جنونيه وكل ما يفتكر أن هو ضرب زهراء بالطريقه الوحشيه دى يزيد من سرعته وقال بدموع انا غبى غبى ازاى قدرت اعمل فى زهره كده ازاى قدرت اوجعها ا.ا.انا لازم ارجع افكها واصالحها وهى اكيد هتسامحنى وحاول يلف العربيه بطريقه مفاجئه العربيه قلبت بيه وعملت حادثه والناس اتلمت حاوليه واتصلو بالاسعاف وجت شالته راحت بيه المستشفى
_____________________________
فى فيلا امير
وصل امير الفيلا ودخل وكانت نبيله وريم روحو بيتهم دخل قعد على الكنبه جنب أمه وقال
أمير / خالتى نبيله مشيت
امينه / ايوه راح محمود يوصلهم وانت وصلت زهره
أمير / هز راسه وقال ايوه يا امى
امينه / اللى انا مستغربه ازاى طول المده دى متجوزه وبنت بنوت زى ما هى
أمير / زهره اتجوزت الراجل ده عند فيا لكن هى محبتهوش ومسلمتش نفسها ليه
امينه / وليه جوزها صابر عليها لحد دلوقتى ومأخدش حقه منها
أمير / معرفش يا امى واحسن أن هو مقربش ليها
امينه / وانت فرحان ليه متنساش برضه اسمها متجوزه ومتنساش أن انت كمان متجوز ومراتك حامل
أمير / مش ناسى يا امى
امينه / اوعى يا أمير تفكر تقرب من زهره دى تبقى خيانه هى لجوزها وانت لمراتك
أمير / ماما انتى عارفه اخلاقى كويس اوى مستحيل اعمل حاجه زى كده
امينه / عارفه يا حبيبى بس انا واجبى كأم انبهك قبل ما تعمل الغلط أو حتى تفكر فيه
أمير / ربنا يخليكى يا امى ووقف وقال عن اذنك طالع اوضى وسابها وطلع الاوضه لاقى سهى قاعده ووشها متغير دخل الاوضه واتنهد وقال السلام عليكم
سهى / بزعل وعليكم السلام
أمير / فتح الدولاب وطلع هدوم ليه
سهى / روحت وصلتها
أمير / مين
سهى / فيه غيرها السنيوره
أمير / اسمها زهره ايوه وصلتها
سهى / على فكره البت دى بتمثل حلو اوى وعملت موضوع التعب ده علشان تصعب عليك وترجعها ليك تانى
أمير / والله وعرفتى الموضوع ده لوحدك ولا حد ساعدك يا شيخه اتقى الله زهره كانت تعبانه بجد وهى لو عايزينى ارجعها ليا مش محتاجه تعمل الفيلم ده كله لان هى عارفه يوم ما هتيجى وتقولى انا اسفه ارجعلى هرجع ليها علطول
سهى / بغيظ والله وبتقولها ليا عادى كده طيب راعى أن انا مراتك
أمير / ومتنسيش أن هى حب عمرى ومتجوزك وانتى عارفه أن قلبى مشغول بواحده تانيه مكذبتش عليكى
سهى / بس انت وعدنى انك هتدينى فرصه نعيش مع بعض وتحبنى واحبك ايه غير كلامك تانى النهارده
أمير / مغيرتش كلامى بس زهره هتفضل عايشه جوه قلبى وتفكيرى ومهما حصل مش هقدر انساها
سهى / براحتك يا امير بس برضه متنساش أن انا ام ابنك وليا حقوق عليك
أمير / مش ناسى يا سهى عن اذنك ولسه هيدخل الحمام يغير هدومه رجع تانى وقال هو عاطف عرف ازاى أن زهره معايا
سهى / و.و.وانا ايه عرفنى
أمير / انا قولت يكون جه هنا وسأل عليها وحد قال ليه أن هى معايا
سهى / احم ل.ل.لاء محدش جه
أمير / امممم ماشى وسابها ودخل الحمام غير هدومه وخرج نام على الكنبه
سهى / بأستغراب انت هتنام على الكنبه ليه
أمير / ها اصل عندى برد ومش عايز اعديكى علشان اللى فى بطنك
سهى / بعدم اقتناع ماشى تصبح على خير
أمير / وانتى من أهله ونام على السرير يفكر فى كل اللى بيحصل
_____________________________
فى فيلا عاطف
وصل الخبر لملك طلعت تجرى وخبطت على باب اوضت زهراء وقالت بدموع
ملك / الحقينى يا زهره عاطف عمل حادثه بالعربيه زهره ردى عليا ارجوكى زهره
زهراء / صحيت من نومها على صوت خبط الباب وسمعت صوت ملك وقالت بخضه فيه ايه يا ملك
ملك / عاطف يا زهره عاطف عمل حادثه واتصلو بينا من المستشفى
زهراء / انتى عارفه يا ملك انا مربوطه مش هعرف افك نفسى روحى هاتى اى حاجه افتحى الباب ده بسرعه
ملك / بدموع حاضر حاضر ودخلت المطبخ وجابت سكينه وطلعت تجرى وحاولت تفتح الباب معرفتش قالت مش عارفه افتحه يا زهره
زهراء / حاولى تانى يا ملك
ملك / حاولت تانى وقالت بدموع مش عارفه مش عارفه
زهراء / أهدى يا ملك علشان تعرفى
ملك / ا.ا.انا هروح المستشفى وهجيب المفتاح واجى افتح ليكى واطمن على عاطف
زهراء / ماشى بس متتأخريش
ملك / حاضر ودخلت اوضتها لبست هدومها ونزلت تجرى ركبت العربيه مع السواق وراحت على المستشفى سألت على عاطف وقالو ليها فى اوضت العمليات طلعت وقفت قصاد اوضت العمليات وهى بتدعى ربنا يقومه بالسلامه ودموعها على خدها وهى واقفه شافت حد قربت منه وقالت بصدمه ريان
ريان / اول ما شافها اتوتر وقال م.م.ملك
ملك / اترمت فى حضنه وقالت بدموع و.و واحشتنى اهون عليك تسبنى لوحدى ازاى قلبك يطوعك تبعد عن اختك ومتسألش فيها كده
ريان / طبطب عليها وقال ربنا يعلم عاملت ايه علشان خاطرك انا بعد عنك علشان محدش يأذيكى يا ملك
ملك / بدموع مفيش اذيه اكبر من انكم تتخلو عنى انا امى واخواتى واحشونى روحت البيت القديم ملاقتش حد منكم
ريان / احنا عايشين هنا يا ملك من فتره
ملك / وليه مسألتوش عليا
ريان / مسألتش عليكى علشان انا اللى خرجتك يا ملك انا اللى بعت ليكى الممرضه تخرجك من المستشفى بعد ما اديتها فلوس من وراه عاطف
ملك / بصدمه وليه عملت كده
ريان / لان كان من مصلحة عاطف انك تقعدى فى المستشفى علشان يعرف يقرب من اللى متجوزها وعلشان خاطرها عمل حاجات كتير
ملك / مش فاهمه يا ريان ممكن توضح ليا معنى كلامك
ريان / مش وقته يا ملك الكلام ده بعدين ابقى احكى ليكى كل حاجه
ملك / طيب انا عايزه اشوف ماما واخواتى
ريان / بعدين يا ملك المهم انتى بتعملى ايه هنا
ملك / بدموع عاطف يا ريان عاطف عمل حادثه بالعربيه وفى اوضت العمليات
ريان / بصدمه امته ده
ملك / من شويه انا خايفه عليه اوى يا ريان
ريان / طبطب عليها وقال بعد كل اللى عملو فيكى خايفه عليه وبتعيطى علشانه
ملك / ايوه يا ريان خايفه عليه لأنه ابو ولادى وبحبه
ريان / بس ده واحد ميستهلش
ملك / ارجوك يا ريان بلاش تقول عليه كده
ريان / عمومآ يا ملك أهدى وان شاءالله خير
ملك / علشان خاطرى ادخل طمنى عليه
ريان / حاضر يا ملك وسابها ودخل اوضت العمليات اتعقم ودخل الاوضه اللى هو فيها
وبعد وقت خرج وقلع اللبس المخصوص للعمليات
ملك / طلعت تجرى عليه وقالت كل ده يا ريان طمنى ابوس ايدك
ريان / كسور فى مناطق متفرقه فى جسمه غير ازاز العربيه منتشر فى أجزاء جسمه
ملك / قعدت فى الارض بدموع وقالت يارب قومه ليا بألف سلامه يارب متوجعش قلبى عليه انا لو حصل ليه حاجه اموت
ريان / شد أخته وقفها وشدها فى حضنه وطبطب عليها وقال أهدى يا ملك أهدى وبسها فى راسها وفى الوقت ده تليفونه رن بص على الرقم وبعد أخته ورد وقال ايوه
......./ انت فين
ريان / فى المستشفى ليه
........../ مش هنتقابل زى ما متفقين فى الشقه
ريان / لاء حصلت ظروف مش هينفع اجى
........./ انا ما صدقت لاقيت سبب أخرج بيه
ريان / طيب وانا اعمل ايه حاجه غصب عنى
ملك / لو وراك مشوار مهم روح متعطلش نفسك
ريان / ها لاء مش مهم
........./ مين دى بقى أن شاءالله
ريان / اختى
......../ اختك ازاى يعنى
ريان / اختى عادى يعنى
......../ انا عارفه صوت اختك مش عبيطه انا ريان قسمآ بالله لو طلعت بتلعب بيا بعد كل اللى عملتو علشانك هقلب الترابيزه على دماغ الكل وعليا وعلى اعدائى انت فاهمنى طبعآ
ريان / والله العظيم دى اختى ملك انتى عمرك ما شوفتيها وبعدين انا مش بتهدد ولا بخاف فاهمه وقفل التليفون فى وشها
ملك / مين دى يا ريان
ريان / د.د.دى واحده اعرفها
ملك / بتحبها يعنى
ريان / ها ا.ا اه
ملك / ربنا يسعدك يا حبيبى وفى الوقت ده خرج عاطف من اوضت العمليات طلعت تجرى عليه وقالت ع.ع.عاطف رد عليا ارجوك عاطف ياريت كنت انا يارب اللى مكانه
ريان / مسكها وقال تعالى يا ملك
ملك / لالالا انا هروح معاه مش هسيبه وفى الوقت ده خرج الدكتور طلعت تجرى عليه وقالت طمنى يا دكتور ارجوك هو كويس صح
الدكتور / للاسف حديد العربيه ضغط جامد على الرجلين فتره طويله عمل احتباس لدم فيهم وده سبب ليه شلل
ملك / هزت راسها وقالت لالالا مستحيل يا دكتور ق.ق.قول انك بتكدب مستحيل يحصل كده لعاطف هو كويس وقوى وهيقوم يمشى
الدكتور / فهمها انت يا ريان عن اذنكم
ملك / لاء يا ريان ابوس ايدك متقولش زى الدكتور الحمار ده قول أن عاطف كويس وهيقوم يرجع معانا البيت
ريان / اهدى يا ملك مفيش حاجه ملهاش علاج وحالته دى ليها علاج ده شئ مؤقت
ملك / مش مشكله حتى لو فى اخر الدنيا هروح معاه يتعالج
ريان / طب يلا امشى ندخل ليه ومشو الاتنين دخلو ليه وهو فى البينج قال
عاطف / زهره انا بحبك زهره مستحيل اسيبك ليه اممممم زهره اموت لو سبتينى زهرررره انا اسف
ملك / دموعها نزلت منها ومسكت أيده وقالت ياريت فى ايدى حاجه اعملها ليك حتى لو الحاجه دى هتوجعنى يا عاطف
ريان / عاطف عمره ما شافك قدامه عاطف بيحب زهره وهيفضل يحبها مهما عملتى علشانه
ملك / عارفه يا ريان انا مستعد اعمل اى حاجه تخليه مبسوط وسعيد انشالله لو هبوس رجل زهره تحبه
ريان / لدرجاتى يا ملك
ملك / ايوه يا ريان اللى بيحب حد بيعمل اى حاجه علشان خاطر اللى بيحبه يبقى سعيد
ريان / بص على عاطف وقال بس ياريت اللى بتحبيه يقدر الكلام ده
عاطف / زهره انتى رايحه فين وسيبانى وفتح عينه بتعب
ملك /عاطف عامل ايه دلوقتى
عاطف / بتعب ااااه انا فين
ملك / انت فى المستشفى يا عاطف
عاطف / فين زهره وبص فى الاوضه عليها بس اتفاجئ بوجود ريان
ملك / زهره زى ما انت سيبها فى الاوضه مربوطه فى السرير والباب مقفول عليها
ريان / سلامتك يا عاطف باشا
عاطف / الله يسلمك وحط أيده على رجله وقال ا.ا انا ليه مش حاسس برجلى
ملك / بدموع ده شئ مؤقت يا عاطف
عاطف / ق.ق.قصدك ايه
ريان / الحادثه أثرت على رجلك وده سبب ليك شلل مؤقت ومع العلاج هترجع احسن من الاول
عاطف /حط أيده على رجله وقال يعنى انا بقيت واحد مشلول مش هعرف انزل الشغل واتحرك لالالا مستحيل انا هقوم وامشى عليهم تانى انا مفيش حاجه هتقدر تكسرنى
ملك / اهدا يا عاطف عارفه انها صعبه عليك بس أن شاءالله هتكون كويس قريب اوى
عاطف / بص لريان وقال بعصبيه والمفروض اقدر امشى على رجلى بعد قد ايه
ريان / ملهاش وقت معين ده حسب الاراده والعزيمه بتاعتك ممكن بعد شهر ممكن بعد اتنين ممكن بعد سنه حسب انت وعزيمتك
عاطف / انا لازم اقوم أنا لازم اقف على رجليه علشان اقدر احمي زهره من الدنيا كلها
ملك / بدموع أن شاءالله هترجع توقف من تانى فى أقرب وقت
عاطف / مسك ايد ملك بعصبيه وقال انا مش مستنى رأفه من حد بلاش نظرت الاستعطاف اللى فى عينك دى
ملك / بدموع وألم عاطف ايدى
ريان / راح شد ايد أخته وقال اهدا يا باشا هى خايفه عليك مش اكتر
عاطف /بص لملك بعصبيه وقال خدى المفتاح وروحى افتحى لزهره وفكيها وخليها تيجى
ملك /بدموع ح.ح حاضر المفتاح فين
عاطف / هتلاقيه فى الهدوم اللى كنت لابسها
ريان / هتلاقى هدومه وكل حاجه تخصه فى الامانات
ملك / حاضر
ريان / استنى اجى اوصلك
عاطف / لاء خليك انا عايزك
ملك / انا معايه السواق عن اذنكم وسابتهم وخرجت
عاطف / بص على ملك لحد ما خرجت وبعدين بص على ريان وقال بعصبيه ايه خلاك تظهر افرض حد شافك وبلغ امير
ريان / متقلقش محدش يعرف أن انا عايش اصلا وبعدين انا مكنتش اعرف اللى حصل وكنت فى المستشفى بخلص اوراق مريض هعمل ليه عمليه هنا فى المستشفى واتفاجئت بوجود ملك وعرفت اللى حصل ومقدرتش اسيبها فى الحاله دى
عاطف / لو حد عرفك وبلغ امير كل اللى احنا عملنا هيتكشف وزهره هتبعد عنى
ريان / واختى فين من حياتك
عاطف / انا شاكك فيك اصلا انك انت اللى خرجتها من المستشفى
ريان / ل.ل لا طبعآ وهخرجها ازاى
عاطف / ريان انا دافع ليك فلوس قد كده علشان تقنع بنت عمه تساعدنا وتفضل معاه وزهره تكرهو وتحبنى انا متدخلش بقى فى اللى ملكش فيه
ريان / وده اللى عملتو انا وسهى واخبرهم بتوصل ليك اول بأول وكمان الظروف ساعدتنا وطلعت سهى حامل منى ووهمته أن هى حامل منه علشان تقطع ليهم اى امل بس متنساش انك متجوز اختى حرام توجعها اكتر من كده اختى بتحبك
عاطف / ده حاجه تخصنا احنا خليك انت فى اللى بتعملو فاهم وحاول تخلى بالك من حركاتك علشان محدش يكشف وجودك
ريان / بص ليه وقال حاضر يا باشا اللى تأمرنى بيه عن اذنك وخرج من الاوضه
وبعد وقت وصلت زهره مع ملك ودخلت الاوضه عند عاطف
عاطف / زهره انا اسف متزعليش منى انا عملت كده من غيرتى عليكى واهو ربنا جبلك حقك وبقيت واحد مشلول
زهراء / مش وقته الكلام ده يا عاطف المهم دلوقتى سلامتك وانا عرفت أن الشلل ده مؤقت يعنى مع العلاج هتبقى كويس
عاطف / مسك ايديها وقال المهم انك متبعديش عنى يا زهره
ملك / بصت ليهم بدموع وقالت عن اذنكم
زهراء / لاء يا ملك خليكى متخرجيش وسحبت ايديها من ايد عاطف وقالت انتى ليكى فيه زى واكتر كمان لازم تبقى جنبه
ملك / امال فين ريان
زهراء / ريان مين
ملك / اخويه اللى حكيت ليكى عليه
زهراء / افتكرت كلام ملك على اخوها وافتكرت كلام امير لما حكى عليه وقالت هو انتى لاقتيه
ملك / ايوه قابلتوه صدفه النهارده
عاطف / مكانش يعرف أن زهره تعرف بموضوع سهى وريان وفكر أن محدش حكى ليها
زهراء / بصت لعاطف بأستغراب وشكت أن هو ليه يد فى اختفاء ريان عن امير
عاطف / ساكته ليه يا زهره
زهراء / ها م.م.مفيش عن اذنكم
عاطف / رايحه فين
زهراء / هخرج اقعد بره
عاطف / لاء خليكى جنبى
زهراء / ملك معاك عن اذنكم وخرجت من الاوضه وبعدت عنها ومسكت تليفونها اتصلت على رقم ساره
ساره / صحيت من النوم اتخضت وردت بلهفه وقالت الو يا زهره فيه حاجه
زهراء / متقلقيش يا ساره مفيش حاجه ممكن اكلم امير
ساره / بصت فى الساعه وقالت دلوقتى ده الفجر قرب يأذن
زهراء/ معلش يا ساره محتاجه أكلمه ضرورى
ساره / حاضر ثوانى وقامت خرجت من اوضتها وراحت عند اوضت امير وخبطت على الباب
أمير / اتخض وقام فتح الباب بسرعه وقال فيه ايه يا ساره ماما تعبانه ولا حاجه
ساره / لا ماما كويسه وشاورت على التليفون وقالت بصوت واطى زهره
أمير / استغرب وبص على سهى وهى نايمه وخرج وقفل الباب وراه واخد التليفون ونزل اوضت المكتب ورد عليها وقال صباح الخير يا قلبى
زهراء / صباح النور يا أمير معلش اتصلت بيك فى الوقت ده وصحيتك من نومك
أمير/ ولا يهمك يا عمرى انتى اتصلى بيا فى اى وقت
زهراء / انا عرفت حاجه ومقدرتش استنى لصبح
أمير / قولى
زهراء / عاطف عمل حادثه بالعربيه من شويه وجه المستشفى واتصلو بينا
أمير / وهو حصل ليه حاجه
زهراء / مش هو ده موضوعنا المهم لما جيت عرفت حاجه مهمه أن ريان كان هنا فى المستشفى وطلع اخو ملك مرات عاطف
أمير / يعنى هو ليه صله بعاطف
زهراء / ايوه وشكيت أن هو السبب فى اختفائه علشان سهى تفضل معاك وانا افضل معا
أمير / انا فعلا عرفت أن هو عايش هنا ومخلى ناس تمشى وراه وتوصلنى كل حركاته يبقى عاطف هو ده الشخصيه اللى قالى عليها صحبى اللى جاب ليا المعلومات عن ريان طيب ملك دى طيبه وممكن تساعدنا
زهراء / ايوه طيبه بس معتقدش تعرف حاجه عن ريان ده لأنها بقالها فتره كبيره بعيده عنه
أمير / عمومآ متشغليش بالك أنا هوصل للحقيقه فى أقرب وقت
زهراء / يارب يا أمير
أمير / المهم انتى كويسه
زهراء / طول ما انا بعيده عنك عمرى ما هكون كويسه
أمير / وانا اكتر منك وقريب اوى أن شاءالله هنكون مع بعض خلى بالك على نفسك
زهراء / حاضر وانت كمان لا إله إلا الله
أمير / سيدنا محمدآ رسول الله
زهراء / قفلت مع امير وقعدت على الكرسى من تعب جسمها
____________________________
مرت الايام بدون احداث تذكر
أمير/ مازال بيبحث عن الحقيقه
زهراء/ فكت جبس ايديها ورجعت الفيلا على أمل تطلق من عاطف وترجع لامير
عاطف/ سافر مع ملك بره علشان يكمل علاجه فى اسرع وقت وكان عايز زهره تسافر معاه لكن هى رفضت وطلبت منه تقعد فى مصر علشان تحضر فرح اخواتها وهو وافق بصعوبه
ملك / اتقربت الفتره دى من عاطف اكتر وكانت سعيده ومبسوطه من تغير عاطف معملته ليها
سهى / بتنزل مع امير الشركه وبتحاول تقرب لامير بأى طريقه
ريان / بيتحرك بحذر شديد وبيكلم سهى وبينقل لعاطف الاخبار اول بأول
شريف ولميس / حضرو الشقه وفرشوها وفى انتظار الفرح
ريم ومحمود / مازال محمود بيتغازل فى ريم ويكسفها وحضرو كل شئ وبأنتظار الفرح
سامح وروز / كل يوم بيتقربو اكتر لبعض وحبهم بيزيد
ساره وأحمد / حبهم بيكبر كل يوم عن اليوم اللى قابلو وساره جننت احمد بغيرتها عليه
جهاد / اتحسنت ونزلت المدرسه تانى وقلبها وجعها على بعاد اسلام ومشتاقه ليه جدآ
اسلام وعبير / عبير اتحسنت وخرجت من المستشفى وقعدت فى فيلا اسلام واسلام فتح شغل مستقل ليه وبدء يعتمد على نفسه واتكفل بمصاريف أخته
_____________________________
اشرقت شمس صباح يوم جديد بنورها الساطع فى سماء العاصمه لتبدء ابطالنا بالاستيقاظ
انه يوم فرح شريف ولميس ومحمود وريم وساره واحمد وسامح وروز
صحيت ريم على صوت تليفونها بصت فيه لاقته رقم محمود ردت عليه بصوت نعسان وقالت
ريم / الو
محمود / يخربيت سنينك انتى لسه نايمه
ريم / ايوه يا محمود لسه بدرى ايه مصحيك فى الوقت ده بس
محمود / يا بت انتى جبله معندكيش دم انا منمتش طول الليل بفكر فى الليله وفيكى وانتى نايمه وبتشخرى
ريم / يعنى عايزينى اعمل ايه بس سبنى انام الله يكرمك
محمود / تنامى ايه قومى قامت قيامتك اعملى اى منظر جهزى نفسك زى العرايس وظبطيها كده
ريم / والله العظيم انت قليل الادب وملكش دعوه بالحاجه دى
محمود / مليش دعوه ايه بس يا ريمو ده انا بحلم باليوم ده من قد ايه ومش مصدق نفسى أن جه اخيرآ
ريم / يعنى بعد كل الكلام والرغى ده عايز ايه سبنى انام ابوس ايدك
محمود / انا ممكن اسيبك لو بوستى شفايفى
ريم / عااااااا بطل قلة ادب يا محمود
محمود / هههههههه هو كده قلة ادب ده انتى على نياتك على الاخر انتى النهارده هتموتى يا سوسو
ريم / انت عارف حلال فيك قفلت السكه فى وشك على الصبح
محمود /هههههههههه هتروحى منى فين يا قطه ده هى كلها كام ساعه وباب هيتقفل علينا ومفيش ليكى مهرب يا حلوه غير حضنى
ريم / كده طيب اهو وقفلت السكه فى وشه وقالت بنأدم مستفز على الصبح ونامت تانى على السرير
محمود / بت يا ريمو انتى يا بت قفلت المجنونه هههههههههههه
زهراء / دخلت الاوضه على ريم وقالت اصحى يا ريمو قومى يلا يا عروسه
ريم / حطت ايديها على وشها وقالت والله العظيم حرام انتو متفاقين عليا ولا ايه
زهراء / بلاش دلع يا عروسه قومى يلا ورانا حاجات كتير لازم نعملها ابقى نامى براحتك فى حضن جوزك بليل هههههههههه
ريم / لاء بجد كده كتير بجد اوڤر انتى ومحمود كلامكم واحد النهارده
زهراء / هههههههههههه طيب قومى يلا
ريم / قامت وهى متعصبه وخرجت دخلت الحمام
زهراء / خرجت وضحكة وقالت البت دى اتجننت يا عينى هههههههههه
شريف/ لاء مش هى بس حتى اللى عندى كمان لميس عندها هستيريت ضحك كل ما اكلمها بتضحك ومش بترد عليا
زهراء / ههههههههه دى فرحه مش مصدقه نفسها أن خلاص فرحكم النهارده
شريف / انا نفسى مش مصدق
زهراء / ربنا يسعدكم يارب
سامح / عقبال اللى عندى انا كمان لما تطير من الفرحه يا بختكم والله
شريف / ابوس ايدك بلاش تقر مش نقصه الحكايه
سامح / يا عم انا فرحان ليكم ربنا يسعدكم يارب
نبيله / ويريح قلبى من نحيتك يا زهره يارب
زهراء / تانى يا ماما بلاش نتكلم فى الموضوع ده تانى
نبيله / ريحى قلبى يا بنتى انتى ليه لسه بنت لحد دلوقتى جوزك عنده مشكله طيب
زهراء / يا ماما كفايه بقى مش كل شويه تسألينى السؤال ده وسابتها ودخلت الاوضه
سامح / يا ماما بلاش كل شويه تحرجيها قدمنا بقى
نبيله / غصب عنى انا ام وعايزه اطمن على بنتى
شريف / يا ست الكل دى حاجه خاصه ما بينها وبين جوزها احنا ملناش دعوه وبص لسامح وقال يلا اجهز علشان نروح ناخد لميس وروز لمركز التجميل ده ونشوف نفسنا احنا كمان
سامح/ انا هجهز اهو ودخل لبس هدومه ونزل هو وشريف راحو اخدو البنات وجم مشو مع محمود وريم وساره واحمد ودوهم مركز التجميل ورجعو على الفيلا عند امير علشان يجهزو نفسهم للفرح وانتهى اليوم وجاء الليل وبدأت الناس فى التجمع