رواية تائهه في بحور الذكريات الفصل الثالث والعشرون 23 والرابع والعشرون 24 بقلم دودو محمد
فى غرفة فى فندق من افخم الفنادق
رامى :- نيرو نيرو
نيره :- امممممم
رامى :- اصحى يا قلبى
نيره :- لا انا عايزه انام شويه
رامى :- يابت قومى بقى
نيره :- فتحت عنيها وقالت هى الساعه كام
رامى :- الساعه 10صحى النوم صبحيه مباركه يا عروسه
نيره :- وشها احمر وقالت احم الله يبارك فيك
رامى :- امممم احبك لما تقلب احمر كده
نيره :- بطل غلاسه يارامى واوعى كده وزقته
رامى :- مسكها وقال ريحه فين
نيره :- هخش الحمام
رامى :- مفيش حاجه اسمها هقوم ده فى موضوع مهم حصل وعايز احكيلك عليه
نيره :- فى ايه يارامى خضتنى
رامى :- هقولك بس قربى
نيره :- قربت وقالت قول بقى
رامى :- شد الغطه وقال ده موضوع صعب اوووى
نيره :- لالالا اوعى يارامى
رامى :- شششش عيب كده خلينى اعرف انقاش الموضوع براحتى
نيره :- لا يارامى يارامى
وفتحت عنيها لاقت نفسها نايمه فى اوضه غريبه غير اوضتها وافتكرت اللى حصل امبارح نزلت دمعه من عنيها وقالت الله يرحمك يا حبيبى كنت بتمنا دلوقتى اكون نايمه فى حضنك وبدلعنى زى ما علطول بدلعنى اه يا رامى اه واحشتنى اوى اوى
وفى الوقت ده اتفتح باب الاوضه وكان وليد
وليد :- بص الاتجاه التانى وقال احم ا.ا.اخش
نيره :- ظبطت الطرحه على شعرها وقالت خش خلاص
وليد :- حط شنط قصاد نيره على السرير وقال اتفضلى
نيره :- ايه ده
وليد :- احم هدوم بيت وخروج ليكى
نيره :- ومين قالك محتاجه حاجه منك
وليد :- براحتك انا خليت واحده فى المحل فى نفس جسمك تجبهم ليكى وبيستهيألى المقاس هيكون مظبوط عليكى عايزه تخديهم خديهم مش عايزه براحتك وسبها وخرج من الاوضه
نيره :- فتحت الشنط وعجبها الهدوم اوى وقالت امممم طب اعمل ايه اقبلهم ولا ارفضهم بس لو رفضهم هلبس ايه معيش هدوم ولو اخدهم ابقى بفتح ليه مجال ويبدء يعيش دور الزوج المسؤال على مراته وقعدة تفكر وفى الاخر قرارت انها تاخدهم وقامت اخدت طقم ودخلت الحمام واخدت شاور واتوضة ولبست هدومها وخرجت اداة فرضها وقعدة وقالت
نيره :- طب اعمل ايه دلوقتى وانا جعانه دلوقتى ولاقت الباب خبط وقامت فتحت الباب
رقيه :- هاى
نيره :- وعليكم السلام
رقيه :- انت مرات وليد
نيره : - اه انا وانتى مين
رقيه :- انا صاحب وليد والد
نيره :- قولتى وليد ومين
رقيه :- والد دى اللى هى دمها حلو خالص
خالد :- الله يكرمك يا حاجه 😂😂
نيره :- الد قولتيلى وبصت لخالد
خالد :- ايوووووون هى
رقيه :- انتى كنتى فين
خالد :- بهيام وحشتك ولا ايه يا مزه
نيره :- هههههههههه
خالد :- بتضحكى على ايه
نيره :- اصل شكلك تحفه وانت بتسبل كده
خالد :- احم هو انا باين عليا اوى كده
نيره :- الصراحه اه
رقيه :- انتو تقولو ايه اللى انا مش افهم
خالد :- بنشكر فيك يا جميل
وليد :- انتو مالكم متجمعين كده عند باب اوضى
رقيه :- وليد انتى كنتى فين اللى انا بتسال عليكى انتى
وليد :- كنت تحت يا رقيه بتمشى شويه
خالد :- بغيظ وانتى تسألى عليه ليه اسألى عليا انا بس
وليد :- انتى بتغيرى يا الد
خالد :- خفه ياليدو
وليد :- شكلك تحفه وانت غيران
خالد :- ملكش فيه
رقيه :- انتى ليه تزعلى من اللى انا
خالد :- علشان انتى قهرتى اللى انا ومشى
رقيه :- طلعت تجرى وتقول الد الد انتى مالك
وليد :- بص لنيره اللى كانت بتضحك على اللى حصل وقال تحبى تنزلى تفطرى تحت ولا اجيب ليكى الفطار هنا
نيره :- قطعت الضحك وقالت احم لا مش مشكله مليش نفس
وليد :- براحتك ومشى وسابها
نيره :- لنفسها يا ابنى ال ومسكت بطنها وقالت اعمل ايه انا دلوقتى هموت من الجوع كان لازم ارفض يعنى ودخلت وقفلت الباب
……………………………………………………
فى بيت محمد إبراهيم
فى اوضة نرمين صحيت من نومها ودخلت حمامها اخدت شاور واتوضة وطلعت لبست هدومها واداة فرضها وخرجت من الاوضه
نرمين :- صباح الخير
الكل :- صباح النور
محمد :- لابسه كده وريحه فين
نرمين :- هروح اتمشى شويه ويمكن اغيب
محمد :- ماشى يا بنتى خلى بالك على نفسك
نرمين :- حاضر يا بابا
نادر :- بس غريبه
نرمين :- على ايه
نادر :- مش عوايدك يعنى ولا بتهزارى ولا بتضحكى ولا بتعملى مشاغبه زى ما بتعملى علطول
نرمين :- عادى يعنى تعبانه شويه عن اذنكم
منيره :- طب اقعدى كلى
نرمين :- معلش يا ماما مليش نفس ومشيت وسابتهم
منيره :- لا البت دى فيها حاجه دى مش نرمين بنتى دى عمرها ما قالت ماما مفيش فى بؤقها غير يا حاجه او ياست الحبايب
نادر :- فعلا نرمين مش على طبيعتها
محمد :- سبوها ليا بليل ابقى اقعد معاها واشوف مالها
……………………………………………………
عند نرمين
وقفت تاكسى ومشيت بى بصت فى الساعه لاقتها لسه بدرى راحت على محل العاب واشترت العاب كتير ودفعت الحساب واخدت الحاجه ومشت راحت قعدة عند النيل شويه وافتكرت كل اللى كان بيحصل ما بنها وبين ادم ومره تضحك ومره تعيط ومره تزعل ومره تفرح
نرمين :- بدموع ليه يا ادم تعمل فيا كده ده انت الوحيد اللى سمحت ليه يخش قلبى انت الوحيد اللى كنت بحس نفسى مبسوطه وانا جنبك انت الوحيد اللى قدرت تنزل دموعى وتكسرنى بجد قدرت تعمل فيا حجات كتير واتحكمت فيا وفى مشاعرى بس بعد كل ده قلبى مش عايز يكرهك وكل ما تبعد قلبى يتعلق بيك اكتر ويتوجع اكتر واكتر وبصت للسما وهى بتعيط وقالت ياااااارب انا تعبانه اوى مش قادره استحمل بعده عنى ولا قدره اعيش حياتى زى الاول نفسى ارتاح بقى نفسى وفى الوقت ده الدنيا مطرت الكل جرى على حته يدارى نفسه فيها من الشتا اما نرمين قعدة تحت المطره وبقت دموعها مختلطه مع المطره وبعد شويه المطره بطلت وكانت هدوم نرمين مبلوله اخدت الالعاب وراحت عند الملجئ وقبل ما تخش شافت ادم ونهى جاين عليها
وكان ادم ماسك ايد نهى
نرمين :- اول ما شفتهم حست بنغزه فى قلبها وكانت دموعها على وشك النزول
ادم :- نرمين بتعملى ايه هنا
نرمين :- وهى بتحاول تمسك دموعها وبتبعد عنيها عن عين ادم جايه الملجئ للاطفال ما انت عارف باجى هنا كل جمعه
ادم :- اه معلش نسيت بقى وبص لنهى وقال انتى عارفه يا حبيبتى الاطفال هنا زى العسل تحبيهم اوى
نهى :- بجد يا دومى طب تعالى نخش ليهم
ادم :- بص لنرمين وقال ده لو مكنش يضيقك طبعآ
نرمين :- وانا ايه يضيقنى المكان مفتوح للكل بالعكس انا افرح مدام فى مصلحة الاطفال عن اذنك
وسابتهم ودخلت الملجئ
نهى :- لالالا مش قادره اكمل البت مدمره يا ادم حرام عليك بجد
ادم :- علشان اكسر ليها تكبرها وعنادها
ويلا نخش
ودخلو الاتنين وكانت نرمين حاوليها الاطفال وبتوزع ليهم الالعاب وكان الاطفال كلها مبسوطه واخدو الالعاب وراحو يلعبو بيها
ونرمين :- قعدة على الكرسى اللى فى الجنينه تترعش وتعطس
نهى :- قربت لودن ادم وقالت البت شكلها تعبان وداخل دور انفلونزه جامد عليها دى مبلوله خالص وبتترعش وبتعطس
ادم :- بخضه عليها طب والعمل هى عنديه ومش هتقبل مساعده مننا
نهى :- هروح اجرب معاها وسابته وراحت لنرمين وقالت انتى تعبانه تحبى اوصلك للبيت
نرمين :- لا ش وعطست شكرآ
نهى :- يا حبيبتى انتى بتعطسى وبتترعشى وشكل داخل عليكى دور انفلونزه
نرمين :- لا انا كويسه وعطست الحمدالله
نهى :- يابنتى كده غلط عليكى ممكن يزيد عليكى الدور ويعمل ليكى اغماء وانتى ماشيه لوحدك وحطت ايديها على وشها وقالت وشكل عندك حمى جامده انتى سخنه خالص
نرمين :- بعدت راسها عن ايد نهى وقالت شكرآ ليكى وياريت بقى تمشى وتروحى لخطييك
نهى :- تعبت من نشفان دماغها وسابتها ومشيت
وراحت عند ادم
ادم :- رفضت المساعده صح
نهى :- للاسف اه وشكلها مدمر خالص
ادم :- خلاص خلينا هنا مراقبينها لحد ما تروح على البيت
نهى :- ماشى
وفى الوقت ده جه طفل وشد نرمين من ايديها
الطفل :- ابله نونه قومى العبى معانا
نرمين :- بتعب معلش يا حبيبى مش قادره العب
الطفل :- شدها من ايديها وقال علشان خاطرى يا ابله
نرمين :- وقفت وحست نفسها دايخه بس اتحملت على نفسها وراحت عند الاطفال
الطفل :- تعالى اجرى ورايا
نرمين :- بتعب حاضر
طفل تانى :- لا اجرى ورايا انا
طفل تالت :- لا اجرى ورايا انا
نرمين :- حاست انا الدنيا بتلف بيها ومش قادره تقف على رجليها ومره واحده الدنيا اسودة ومحستش بحاجه
ادم ونهى :- اول ما شافوها اغمى عليها طلعو يجرو عليها وشلها ادم وحطها فى العربيه وراه وقعدة جمبها نهى وراح بيها على المستشفى
نرمين :- ادم ادم
ادم :- هى بتقول ايه
نرمين :- بحبك يا ادم
نهى :- بتقول بحبك يا ادم
ادم :- فرمل العربيه وبص وراه على نرمين ومسك ايديها وقال وانا بموت فيكى حق عليا بس كان لازم اعمل كده علشان اكسرك تمردك ونعيش مرتاحين وباس ايديها
نرمين :- ادم ادم ليه بتعمل فيا كده
نهى :- حرام عليك حتى وهى بتخطرف بتنادى عليك وبتلومك انا لو منها مابصش فى وشك تانى بس الحب بيذل اصحابه
نرمين :- ادمممممم
ادم :- باس ايديها وقال انا هنا يا حبيبتى ومش هبعد عنك تانى
نهى :- ممكن تمشى بقى على المستشفى بسرعه
ادم :- شغل العربيه وراح على المستشفى
……………………………………………………
فى بيت محمد إبراهيم
الباب خبط
منيره من المطبخ افتح الباب يا نادر
نادر :- حاضر يا ماما وراح فتح الباب وكانت شهد
شهد :- احم ا.ا.اذيك
نادر :- الحمدالله وانتى
شهد :- كويسه طنط منيره موجوده
نادر :- هى موجوده بس مينفعش ابن طنط منيره
شهد :- ه.ه.هى ك.ك.كانت عايزانى
نادر :- طب ما انا برضه عايزك ليا علطول وفى الوقت ده جت منيره وخبطت على ضهره وقالت
منيره :- بتعمل ايه يا منيل موقف البت كده ليه على الباب وعمال تسبل ليها
نادر :- ايه يا حاجه ملافظ السعد منيل ايه قدام البت
شهد :- ههههههههههههههه
نادر :- لا بقى مدام كلمة منيل ضحكتها قوليها تانى بقى علشان نشوف السنان اللولى دول
منيره :- يوكسك واقف تغازل البت قدامى كده اختشى ياولا
نادر :- اما انتى غريبه يا حاجه مش خطيبتى
منيره :- لسه مفيش حاجه رسمى
نادر :- اول ما استلم الشغل هتقدم علطول
منيره :- يبقى لحد ما تتقدم ملكش دعوه بيها وشدتتها من ايديها وقالت تعالى معايه يا حبيبتى عايزاكى تعمليلى طبخه من ايديكى الحلوين دول
شهد :- حاضر يا طنط
نادر :- بقى كده يا حاجه بتاخدى المزه منى ماشى
……………………………………………………
فى فيلا وحيد الدمنهورى
فى اوضة تقى كانت تقى بتكلم عمرو فى التليفون
تقى :- بدموع انا زعلانه اوى على تقى يا عمرو
عمرو :- يا حبيبتى اهدى شويه من ساعة ما اتصلت بيكى مبطلتيش عياط
تقى : - نرمين طيبه اوى ياعمرو ومتستحقش اللى بيحصل فيها ده قلبها مكسور اوى وعمرى ماشفت نرمين بالضعف ده العن ابو الحب اللى بيضعف الواحد بالطريقه دى
عمرو :- يا حبيبتى مش كل الحب فى حب تضحيه وفى حب انانيه وفى حب يخلى الواحد سعيد وفى الحب يخلى الواحد تعيس فى حب تتنزلى علشانه لو بعمرك وفى حب بياخد منك عمرك وزهرة شبابك الحب انواع وربنا بيبعت الحب لكل واحد على حسب مقدرته وربنا بعت الحب ده لنرمين علشان عارف ان هى قويه ومهما هتضعف وتقع مسيراها تقوم تقف على رجليها من الاول وترجع اقوى من الاول
تقى :- بدموع يارب يا عمرو ترجع نرمين زى الاول واحسن كمان
عمرو :- اللى مستغربه ازاى اخوكى يعمل كده فيها ولما هو مش بيحبها غار عليها ليه منى
تقى :- هتجن يا عمرو هتجن
عمرو :- لا يا ماما اثبتى على وضعك انتى مجنونه لوحدك ومش ناقصه جنان
تقى :- بس بقى يا عمرو بجد مخنوقه ومش فايقه لهزارك ده
عمرو :- خلاص بقا يا توتا روقى كده ونرمين قويه وهتعدى المرحله دى
تقى :- يارب يا عمرو
……………………………………………………
فى الفندق
فى الاوضه عند نيره كانت قعده وهتموت من الجوع
نيره :- منك لله يا شيخ زى ما سيبنى جعانه كده وشويه وجه وليد وفى ايده شنط
وليد :- فتح الباب وقال احم اخش
نيره :- بغيظ منه خش
وليد :- حط الشنط قدام نيره وقال ليها خدى
نيره :- ايه ده
وليد :- اكل علشان تاكلى
نيره :- لا مش جعانه ومش عايزه حاجه منك
وليد :- استغفرالله العظيم يابنت الناس متعصبنيش
نيره :- الله انا حره مش عايزه اكل
وليد :- هتصومى يعنى
نيره :- اه انا حره
وليد :- نيره متتعبنيش معاكى واتفضلى كلى
نيره :- لا
وليد :- انتى عايزه توصلى لايه علشان انا تعبت معاكى
نيره :- احنا اتفقنا كل واحد حر ويعمل اللى هو عايزه
وليد :- ماشى بس لو ضعفتى ولا حصلك حاجه من قلة الاكل انا اللى هتحاسب وهتسأل عليكى
نيره :- لا متخافش
وليد :- انا تعبت من الكلام وسبها ودخل الحمام
نيره :- لما اتأكدت من دخول وليد الحمام قالت لالالا مش قادره ريحة الاكل فظيعه وفتحت الكياس وقعدة تاكل تاكل تاكل وبتبص لاقت وليد وقف وساند على الحيطه وحاطط ايده فى جيبه وبيضحك
وليد :- ههههههه امال بقى لو ليكى نفس كنتى عملتى ايه
نيره :- ها احم ا.ا.انا قولت اكل وكده علشان حرام الاكل ده يترمى
وليد :- والله😂😂
نيره :- ا.ا.اه وبعدين يعنى مكنتش لقمه جبتها هتزلينى عليها يعنى
وليد :- ربنا يصبرنى عليكى
نيره :- هو انا كده لو مكنش عجبك
وليد :- هو ليه انتى عنديه كده
نيره :- انا كده ربنا خلقنى كده هتعترض على خلقته بقى
وليد :- ما تتكلمى عدل زى ما بكلمك
نيره :- وتكلمنى اصلا ليه احنا مفيش ما بنا كلام ماشى
وليد :- لا حوشى يابت انا اللى هموت واتكلم معاكى
نيره :- يبقى احسن ملكش دعوه بى
وليد :- مسك الرمود وغير
نيره :- لو سمحت انا عايزه المسلسل اللى انت غيرته
وليد :- لا انا هتفرج على اللى انا عايزه
نيره :- وانا مليش دعوه عايزه المسلسل
وليد :- اولعى مش هغير
نيره :- قعدة متغاظه منه وتاكل فى ضوافرها وتهز فى رجليها
وليد :- ممكن تهدى شويه
نيره :- لا براحتى
وليد :- هووووف
نيره :- قامت وقفت وبتفتح الباب
وليد :- رايحه فين
نيره :- وانت مالك
وليد :- وقف ومسكها من درعها جامد وقال ردى عليا عدل لما اكلمك
نيره :- اه ايدى اوعى بقى
وليد :- ساب ايديها وقال الهانم رايحه فين
نيره :- مسكت درعها من شدة الوجع وقالت زهقت من القعده فى الاوضه هنزل اقعد تحت شويه
وليد :- فتح الباب وقال يلا
نيره :- يلا فين انت هتنزل معايه
وليد :- اه لو مكنش عندك مانع
نيره :- هوف ربنا يعدى الشهور دى على خير ونزلت قدامه وهو نزل وراها
……………………………………………………
عند خالد ورقيه
رقيه :- انتى ليه تزعلى من اللى انا الد
خالد :- علشان علشان انا ا.ا.
رقيه :- انتى ايه الد
خالد :- اه اصبرى عليا جايه اهو فى الكلام ع.ع.علشان ا.ا.انا
رقيه :- انتى مالك الد مش تقولى علطول ليه
خالد :- لنفسه هو مال الكلام مش عايز يطلع ليه كده
رقيه :- انتى ساكته ليه الد
خالد :- ابوس ايدك بلاش الد دى بتوترنى اكتر وحياة اهلك يا شيخه
بصى يارقيه انا بحبك وبغير عليكى
رقيه :- اوه الد انتى حبى اللى انا انتى مش تعرفى عنى حاجه خالص الد
خالد :- بصى انا نفسى معرفش حبيتك ازاى وامته بس بحس نفسى مبسوط اوى وانا جمبك
رقيه :- الد انا احب انتى برضه
خالد :- احلفى بجد وحياة اهلك بتكلمى بجد
رقيه :- الد اهدى شويه الناس الد
خالد :- انا لا يهمنى الناس ولا حد وقالتى بحبك الد هييييييا 😂😂😂
وفى الوقت ده وصل وليد ونيره
وليد :- مالك يا عبيط اخواتك
خالد :- قالتلى بحبك الد
رقيه :- الد بس انا اتكسف
خالد :- ياسلام على الرقه ياناس
وعلى الحلاوه ياناس
وليد :- الحمدالله نهت على الربع اللى فاضل فى مخك
نيره :- ههههههههههههههههه
وليد :- بص على نيره وهى بتضحك وسرح فيها
خالد :- قرب على ودن وليد وقال شكلك وقعت يا صاحبى ومحدش سمه عليك
وليد :- ها ق.ق.قصدق ايه
خالد :- قصدى عنيك فضحاك يا حب الحب
وليد :- والله شكل حب رقيه جانك اكتر وبقى يجى ليك تهيؤات كمان
خالد :- الايام جايه وبكره افكرك
……………………………………………………
فى المستشفى
دخل ادم بسرعه على اوضة الكشف
وكشف على نرمين وكانت لسه بتخطرف بأسمه وحس نفسه مش قادرلا عارف يكشف عليها ونده على نهى تكشف هى عليها وخرج هو من الاوضه وراح مكتبه واول مره تنزل دموعه وشويه وجت نهى
ادم :- ها يا نهى عامله ايه دلوقتى
نهى :- متخفش يا ادم عملت ليها اللزم واديتها حقنه تنزل ليها الحراره وان شاءالله هتكون كويسه
ادم :- ساب نهى وراح يجرى على اوضة نرمين وقعد قصادها ومسك ايديها وبسها وقال حق عليا يا حبيبتى انا بحبك لا انا بعشقك وبموت فيكى انتى الهوا اللى بتنفسه انتى ليا كل الحياه
وشويه ونرمين بدءة تفوق وكان ادم لسه ماسك ايديها
نرمين :- بتعب انا فين
ادم :- انتى فى المستشفى
نرمين :- فى المستشفى ليه
ادم :- تعبتى وانا ونهى جبناكى هنا
نرمين :- اول ما سمعت اسم نهى شدت ايديها من ايد ادم وقالت شكرآ وقامت
ادم :- استنى هنا مش هينفع تمشى دلوقتى انتى لسه تعبانه
نرمين :- لا همشى من هنا
ادم :- مسكها من درعها وقال استنى هنا
نرمين :- شدت درعها من ادم وقالت انت بأى حق تمسكنى كده ها انا حره وانت ملكش كلام عليا وهمشى من هنا وياريت تنسانى خالص وملكش دعوه بيا وحتى لو شوفتنى فى الشارع او اى حته اعمل نفسك متعرفنيش علشان انا شلتك من حياتى اصلا ونسيت ان كنت اعرف حد اسمه ادم وبصت ليه بصت كبرياء ومشت
ادم :- لنفسه ياريت اقدر انساكى لكن انتى عمرى كله يا نرمين
……………………………………………………
بقلمى (دودو محمد)
«تائهه فى بحور الذكريات»
الفصل الرابع وعشرون
فى بيت محمد إبراهيم
وصلت نرمين للبيت ودخلت علطول اوضتها ورمت نفسها على السرير وحطت ايديها على وشها وقعدت تعيط لحد ما سمعت الباب خبط مسحت دموعها وقامت فتحت الباب
محمد :- اذيك يا حبيبت بابا
نرمين :- بأبتسامة حزن كويسه يا بابا
محمد :- ممكن اخش اقعد معاكى شويه
نرمين :- وسعة السكه وقالت اه طبعآ يا بابا
محمد :- دخل قعد على السرير
نرمين :- قفلت الباب وراه وودخلت قعدت جنب ابوها
محمد :- ها عامله ايه فى الدراسه
نرمين :- الحمدالله يا بابا واكتر لوحات بتتعرض فى المعرض بتاع الجامعه لوحاتى انا
محمد :- ربنا يوفقك يارب يا حبيبتى
نرمين :- ربنا يخليك يا بابا
محمد :- بس نونه حبيبتى مش عجبانى اليومين دول فيها حاجه مزعلها
نرمين :- عنيها دمعت وقالت مفيش يا حبيبى بس ضغط عليا فى الجامعه زى ما قولتلك لوحات كتير ليا بتتعرض فى المعرض
محمد :- طب عينى فى عينك كده
نرمين :- بصت لتحت
محمد :- شوفتى مش هو ده السبب
نرمين :- عيطت واترمت فى حضن ابوها وقالت انا تعبانه اوى يا بابا اوى
محمد :- علشان ادم صح
نرمين :- طلعت من حضن ابوها وقالت حضرتك عرفت ازاى
محمد :- انا من اول مره شوفتك بتتكلمى عن ادم لما خرجتى معاه اليوم كله شوفت فى عنيكى لامعه وكنت حاسس انك مبسوطه اوى ويوم كتب كتاب اختك لما قال على الخطوبه شوفت الدمعه اللى كنتى مخبيها فى عينك وشوفت الكسره والحزن فيهم ومن يومها وانتى على الحال ده يا بنتى
نرمين :- بدموع وجعنى اوى اوى يا بابا وكسر فيا حجات كتير جوايا حطم ليا امالى وطموحاتى قلبى من جوه بينزف دم يا بابا كل ما بشوفه معاها مش عارفه اعمل ايه لا قادره اكرهو ولا قادره ارجع حياتى طبيعيه زى الاول
محمد :- بس اللى انا اعرفه عن نرمين بنتى قويه ومفيش حاجه تكسرها مهما كان ومتأكد انك هتقومى وتقفى تانى وهتقدرى تنسى ادم وتعيشى حياتك احسن من الاول كمان بس انتى قربى اكتر من ربنا صلى راكعتين وامسكى المصحف اقعدى اقرى فيه هتلاقي قلبك ارتاح ونور من جوه علشان دخل ليه كلام الحق وربنا قادر على كل شئ ومحدش يعلم الغيب ونصيبك مع مين يا حبيبتى ومسير ربنا هيبعتلك البنأدم الصح اللى يعيشك سعيده ومبسوطه
نرمين :- ياريت يا بابا نفسى ارتاح بقى
محمد :- ملس على شعرها وقال ربنا يريح قلبك ويسعدك يا حبيبتى وبسها من راسها
وسبها وطلع من الاوضه
نرمين :- قامت غيرت هدومها ودخلت الحمام واتوضت وخرجت صلت ركعتين ومسكت المصحف وقعدت تقراه فيه
……………………………………………………
فى الفندق
طلع خالد اوضه ورقيه طلعت هى كمان اوضتها واتبقى وليد ونيره
وليد :- تحبى اطلبلك حاجه تانى تشربيها
نيره :- لا شكرآ انا هطلع انام
وليد :- ماشى يلا
نيره :- لو عايز تخليك انت خليك
وليد :- لا هطلع انام كمان
نيره :- ماشى وطلعت نيره ووليد الاوضه
وليد :- دخل الحمام
نيره :- مسكت التليفون واتصلت على امها
منيره :- اذيك يا عروسه
نيره :- بطلى تقولى ليا الكلمه دى
منيره :- مش لسه متجوزه
نيره :- انا عمرى لا كنت ولا هكون عروسه الا لرامى بس
منيره :- يا حبيبتى الحى ابقى من الميت وبعدين ميصحش الكلام اللى بتقوليه ده انتى متجوزه واى راجل لو سمع مراته تقول كده على جوزها القديم هيزعل حتى لو كان اخوه
نيره :- ماما فكك منى دلوقتى المهم البنات صاحين
منيره :- لا يا حبيبتى لسه منيماهم دلوقتى
نيره :- يا خساره كانو واحشينى وعايزه اسمع صوتهم
منيره :- الصباح رباح بكره اتصلى بيهم وكلميهم
نيره :- ان شاءالله تصبحى على خير
منيره :- وانتى من اهله
وقفلت نيره مع امها وخرج وليد من الحمام
نيره :- احم على فكره ممكن انت تنام على السرير وانا انام على الكنبه عادى
وليد :- وهو بينام على الكنبه لا انا هنام هنا
نيره :- اصل يعنى الكنبه صغيره عليك لكن انا بتبقى كبيره عليا
وليد :- لا مرتاح كده
نيره :- طب خد
وليد :- وليد بص وقال ايه ده
نيره :- هيكون ايه يعنى مخده وغطا
وليد :- قام اخدهم منها وحط المخده نام عليها وفرش الغطا عليه
نيره :- نامت واستغطت وراحت فى نوم عميق
وليد :- مكنش عارف ينام قام وقعد على الكنبه وحط راسه ما بين ايديه
نيره :- كانت بتحلم برامى وبتقول وانا بحبك اوى يا رامى ههههههه بس بقى كده طب خد ههههههه
وليد :- سمع كلام نيره اضايق بس معرفش ايه السبب فى الشعور ده وان هو ليه اضايق مع ان هو عارف قد ايه نيره بتحب رامى
و بيبص على نيره على السرير لاقها الغطا وقع من عليها وهدومها مرفوعه لحد ركبتها اتوتر ومبقاش عارف يعمل ايه
وليد :- الله يخربيت الورطه اللى اتورط فيها دى اعمل ايه دلوقتى وقام من مكانه ومسك الغطا ولسه هيحطه عليها نيره فتحت عنيها
نيره :- شدة الغطا من ايد وليد وقالت يا نهارك اسود ا.ا.انت بتعمل ايه وشايل الغطا من عليا ليه ها انا غلطانه ان امنت ليك صحيح واحد قليل الادب
وليد :- اسكتى شويه ايه راديو واتفتح انا ماشلتش الغطا من عليكى هو اللى وقع وانا كنت بحطه عليكى مش اكتر
نيره :- اه ما انت لازم تقول كده لما كشفتك بجد واحد معندهوش رحت الدم
وليد :- لمى لسانك وبعدين انا لوعايز حاجه هخدها منك غصب عنك لانك مراتى لكن مش انا اللى اخلف وعدى مع حد وانا وعدك مش هاجى جنبك وانتى براحتك عايزه تصدقى صدقى مش عايزه انتى حره
نيره :- حست بصدق كلامه وقالت خ.خ.خلاص مفيش مشكله
وليد :- سبها وراح نام على الكنبه
نيره :- قعدت على السرير لحد ما حست ان وليد نام قامت من مكانها وراحت قربت على وليد علشان تتاكد ان هو نام وبصت ليه وسرحت فى ملامحه هى اول مره تحقق فى ملامح وشه واول مره تكون قريبه ليه قوى
وسرحت فى تفاصيل وشه قد ايه فى شبه كبير من رامى وقد ايه ملامحه رجوليه اوى وفى نفس الوقت فيها طيبه قعدة سرحانه فيه لمده وبعد كده انتبهت لنفسها فاقت وطلعت تجرى على السرير ولامت نفسها كتير
نيره :- انا ازاى اعمل كده ازاى اسرح فى راجل تانى غير رامى ازاى غبيه غبيه ونامت على السرير وراحت فى نوم عميق من كتر التفكير
…………………………………………………
اشرق نهار جديد لتكون بداية يوم جديد بألمه وطموحاته
فتح وليد عنيه وكانت نيره نايمه والطرحه متزحلقه من على شعرها وشعرها الناعم البنى مفروض على المخده قد ايه شبه الملايكه وهى نايمه وشعرها مفروض جمبها منظرها عايز يترسم لوحه فنيه وكأنها حوريه من الجنه وراح عندها ومد ايده علشان يمسك خصله من شعرها
وليد :- فاق وانتبهى لنفسه راح قعد على الكنبه ولام نفسه وقال ايه اللى انت عملته ده ا.ا ازى تسرح فيها كده ازاى وازى امد ايدى على شعرها و.و.وليه بفكر فيها مش عارف وفى الوقت ده فاقت نيره وقامت قعدت على السرير وقالت
نيره :- وهى بتتاوب صباح الخير يارامى
وليد :- اتصدم من اللى سمعه وقال بعصبيه رامى الله يرحمه انا اخوه وليد بعد كده ركزى واعرفى انتى بتكلمى مين وسبها ودخل الحمام
نيره :- يا لهوى على غبائى مش اخد بالى وبعدين قالت وهو زعل ليه ان كنت نديت عليه رامى ولا وليد وبعدين قالت ما هو راجل برضه وانا مراته ومفيش راجل يقبل مراته تناديه بأسم واحد تانى وبعدين قالت برضه ملهوش ان يزعل هو متجوزنى وعارف ان قلبى مع رامى ومتفق معايا على كده يووووووه بقى يزعل ولا يتفلق اياكش يولع انا مالى وطلع وليد من الحمام سرح شعره واداه فرضه وخرج من الاوضه من غير ولا كلمه
نيره :- قامت من على السرير وافتكرت انها كانت بشعرها يا نهار اسود ده انا كنت قعده بشعرى قدامه يوووووه هو اليوم باين عليه من اوله ودخلت الحمام اخدت شاور واتوضت ولبست هدومها وادت فرضها
……………………………………………………
فى بيت محمد إبراهيم
فى اوضة نرمين صحيت من نومها قامت من على سريرها جهزت نفسها وادت فرضها وخرجت من الاوضه
نرمين :- صباح الخير
الكل :- صباح النور
نرمين :- والله البيت وحش من غير نيرو
منيره :- يابنتى ادعلها ربنا يسعدها وعقبال ما ربنا يسعدك انتى كمان وارتاح
نرمين :- اه عند ام ترتر
منيره :- ايه بتقولى ايه
نرمين :- بقولك هلبس فستان بترتر كتير علشان اظهر فى الفرح يا حاجه
نادر :- ههههههههه اهى نرمين بغلستها رجعت تانى
نرمين :- ليه حد قالك ان كنت مسافره
نادر :- لا بس كنتى مبوزه
نرمين :- لا تلاقينى بس كنت بضرب بؤقى على بوز البطه ولا حاجه علشان لما اخد سلفى
نادر :- ههههههههههههه ماشى يا بطه
منيره :- مش هتبطلو كلام بقى وتاكلوه
نرمين :- عنيفه اوى ست الحاجه
منيره :- ماتلمى نفسك يابت بطل ما انزل عليكى الشبشب
نادر :- بتحبى تجيبى لنفسك التهزيق 😂😂
نرمين :- ده انا مايغمضليش عين غير لما اتهزق من ست الحبايب 😂😂
منيره :- ما تسكتو بقى
نرمين :- طيب طيب يا حاجه بس متزقيش
وخلصو الاكل ووقفت نرمين وقالت
نرمين :- هكت انا بقى حد عايز منى حاجه
نادر :- استنى اوصلك معايه على السكه
نرمين :- انت ليه محسسنى انك عندك عربيه وهتوصلنى معاك فيها
نادر :- تصدقى ان انا غلطان كنت هركبك معايه التاكسى وهوصلك ومش هدفعك ولا مليم
نرمين :- ها ندوره حبيبى مين حبيب نرمين
نادر :- زقها من وشها وقال مش انا ومشى
نرمين :- خه هنا يا ابنى ندوره حبيبى هقولك حاجه طه وطلعت تجرى وراه
……………………………………………………
فى فيلا وحيد الدمنهورى
فى اوضة ادم
صحى من نومه وقام دخل الحمام وجهز نفسه وطلع اداه فرضه وخرج من الاوضه ونزل وكانت قعده تقى وامينه
ادم :- صباح الخير
امينه :- صباح النور يا حبيبى
تقى :- مردتش عليه
امينه :- انت رايح فين دلوقتى
ادم :- اتصلو بيا فى المستشفى وعايزنى
امينه :- ربنا معاك
ادم :- توتا مش سامع صوتك يعنى
تقى :- قامت ووقفت وقالت عن اذنك يا ماما انا همشى علشان اتأخرت
امينه :- طب مش ترودى على اخوكى
تقى :- ما انا بسمعه صوتى اهو
ادم :- تقى تعالى معايا عايزك
تقى :- انا متأخره عن اذنكم
وطلعت من الفيلا
أدم :- طلع يجرى وراها تقى استنى عايزه اقولك حاجه
تقى :- نعم ياادم عايز ايه
ادم :- مالك مخصمانى ومش عايزه تكلمينى
تقى :- لا ولا حاجه ولا جرحت قلب صاحبتى ولا كسرتها ولا حاجه خالص انت ايه يا اخى ازاى تهون عليك نرمين تعمل فيها كده نرمين مش وحشه ولا عمرها اتمنت حاجه لحد غير كل خير
ادم :- عارف
تقى :- ولما انت عارف ليه عملت فيها كده ليه علقتها بيك ورحت خطبت واحده تانيه عاملت ليك ايه علشان تقسى عليها بالشكل ده
ادم :- عندت معايه
تقى :- ولو حتى عندت معاك كان ممكن تعقبها بأى حاجه الا انك تجرحها بالمنظر ده
ادم :- يا تقى افهمينى انا بحب نرمين
تقى :- انت ناوى تجننى ولما انت بتحبها ليه سبتها ورحت لواحده تانيه
ادم :- انا مسبتهاش
تقى :- ازاى بقى
ادم :- تعالى اوصلك وافهمك كل حاجه فى العربيه
تقى :- ماشى يا ادم وركبت معاه العربيه وراح بيها للجامعه
……………………………………………………
عند وليد كان قاعد بيفكر فى حاله
وليد :- هو انا ليه اضيقت لما كانت بتحلم بى وليه اضيقت اكتر لما نادتنى بأسمه وليه شاغل بالى بيها مش عارف ليه فى يومين بس حياتى اتلغبطت
مبقتش فاهم حاجه خالص
وفى الوقت ده جه خالد
خالد :- ليدو سرحان فى ايه
وليد :- ايه يا اخى فى حد يعمل كده
خالد :- اممممم غمز 😉😉 ليه وقال هو اوله بتبدء بسرحان وبعد كده بهيام وبعد كده ب
وليد :- قطعه وقال هو ايه
خالد :- حط راسه على ايده وقال بهيام الحب يا ليدو الحب هييييييييح
وليد :- يا ابنى متخلنيش اشك فى امرك
خالد :- ده الحب حاجه حلو خالص يا ليدو وشكلك بدء يبان عليه اعراضه
وليد :- ليه انفلونزه
خالد :- حاجه زى كده بيجيلك رشح فى الحب والتهاب فى المشاعر واحتقان فى العشق والرومانسيه هيييييييح يارب الناس كلها تجلها انفلونزه الحب يا ليدو
وليد :- لو بمنظرك ده يارب لا ده انت شكلك سايح ونايح على الاخر انشف يالا
خالد :- ده حب رقيه سياحنى زى الزبده البلد يا ابنى
وليد :- البت هبلتك اكتر من انت اهبل
خالد :- وايه تانى يا مهوى
وليد :- والله العظيم اللى يشوف حركاتك ومنظرك ما يقول عليك ظابط ابدآ
خالد :- سيبك انت انا فى حب رقيه ظابط ايقاع😂😂
وليد :- كويس عارف نفسك 😂😂
وفى الوقت ده جت رقيه
رقيه :- هاى
خالد :- هاى ورحمة الله وبركاته يا قمر انت يا لوز اللوز
رقيه :- قعدت جمب خالد وقالت فين المرات بتاع انتى وليد
وليد :- فى الاوضه فوق
رقيه :- وليه مش يجى يقعد معانا هنا
خالد :- بنت حلال جت على السيره
نيره :- السلام عليكم
وليد وخالد :- وعليكم السلام
رقيه :- اللى انا اسأل على انت
خالد :- صح البونيه بتتكلم صح سألت عليكى فعلا
نيره :- ميرسى يا حبيبتى
رقيه :- انا مش اعرف عادت مصر بس اللى انا حابب اعزم انت على العشا احتفل بعيد جوز انت
خالد :- يسلملى الفهمان يارب
وليد :- انت عبيط يلا ازاى ممنوع طبعآ علشان المهمه
خالد :- ها المهمه مهمة ايه
وليد :- انت نسيت
خالد :- ها اه اه المهمه
وليد :- انت مالك شكلك اتغير كده
خالد :- ها لا بس انا كده لما بجوع شكلى بيدى على حازم وبص لنيره وقال وانتى عامله ايه
نيره :- كويسه
خالد :- طب انا عندى فكره احنا نجتمع فى اوضة وليد كلنا ونجيب عشا ونقعد نسهر مع بعض للصبح ايه رايكم
رقيه :- اوك
نيره :- موافقه
وليد :- ماشى
خالد :- قشطات
……………………………………………………
فى الجامعه
وصلت نرمين وكان عمرو وقف مستنيهم
نرمين :- مورى ازيك
عمرو :- الحمدالله كويس
نرمين :- مبروك على السنه
عمرو :- الله يبارك فيكى متفكرنيش ده انا اتهريت تريقه عليها من اهلى ولا امى تقولى اوع تكون رامتها فى الحمام كنت استنا طلوع الشمس وارميها وقول يا شمس يا شموسه خدى سنة الحمار وهاتى سنة الجاموسه
نرمين :- ههههههههههههههههه 😂😂😂
عمرو :- السؤال اللولبى هنا مين بقى الحمار 😂😂😂
نرمين :- ههههههههه لا والسؤال الاصعب هنا ازاى هتركب سنة الجاموسه 😂😂
عمرو :- ده انا على ايديكم بشوف ايام سوده
عند ادم وصل بالعربيه هوو تقى وشاف نرمين وهى بتضحك مع عمرو اتغاظ ونزل من العربيه وراح عند عمرو ونرمين
عمرو :- اول ما شاف ادم وشاف الشرار اللى طالع من عنيه قال ايووووووه النظره دى انا عارفه كويس اوووى عن اذنكم يا جماعه
نرمين :- رايح فين
عمرو :- رايح ارمى سنة الحمار واستنا سنة الجاموسه وطلع يجرى من قصاد ادم
نرمين :- لسه هتمشى
ادم :- مسكها من درعها وقال انتى ازاى تقفى وتتكلمى وتضحكى مع شاب غريب كده
نرمين :- زقت ايده وقالت حاجه متخصكش وبعدين انا مش قولتلك انسانى ولو حتى شوفتنى فى الشارع اعمل نفسك متعرفنيش
ادم :- مقدرش اعمل نفسى معرفكيش علشان انتى عمرى
نرمين :- انا بقى معرفكش وانت بالنسبالى ولا حاجه وبكرهك يا ادم
ادم :- كدابه علشان وانتى تعبانه كنتى بتنادى بأسمى وقولتى بحبك يا ادم
نرمين :- اهو انت قولتها وانا تعبانه يعنى كنت بخطرف وكلام الخطرافه محدش بياخد عليه
ادم :- لا غلط ده كل الكلام اللى فى قلب مايطلعش غير فى وقت الخطرافه
نرمين :- لا خد الكلام الصح منى وانا فايقه انا بكرهك بكرهك ولما بشوفك بيركبنى ميت عفريت فياريت تمشى من وشى دلوقتى
ادم :- انا همشى يا نرمين دلوقتى بس اعملى حسابك انا مش هسيبك وهتلاقينى مرافقك زى ضلك واه لو خايفه على صاحبك اوى بلاش تقفى معاه وتضحكى انا حظرتك اهو
ومشى وسابها
نرمين :- اما غريبه مش خطب مايشغل باله بخطبته شاغل باله بيا ليه
تقى :- يا نرمين ادم بيحبك وعمل
نرمين :- قطعتها وقالت تقى لو ليا غلاوه عندك متتكلميش فى الموضوع ده تانى انا ما صدقت قدرت اتقبل الوضع وابداء حياتى من جديد
تقى :- يا بنتى اسمعينى هو ماخط
نرمين :- قطعتها وقالت تقى ما خلصنا خلاص بقى
تقى :- براحتك يا نرمين
نرمين :- تعالى نشوف الجبان ده راح فين
ومشيت نرمين وتقى يدوره على عمرو
……………………………………………………
عند نادر فى المكتب الجديد
وصل نادر واستلم الشغل وقعد على مكتبه وفتح دوسيه القضيه وقعد يقراه فيه وسمع خبط على باب مكتبه اذن للى بيخبط الدخول
نادر :- انتى
فريده :- اذيك يا ندوره
نادر :- انتى جايه ليه
فريده :- ههههههه وانت مفكر لما انت تسيب الشغل هسيبك فى حالك
نادر :- مهما تعملى مش هتعرفى توصلى ليا واه بنفوذك قدرتى تمناعينى اشتغل فى مكاتب كبيره بس برضه ربنا كرامنى واشتغلت فى مكتب
فريده :- هههههههههه انت بتسمى ده مكتب دى اوضه تحت السلم
نادر :- نعمه ورضا الحمدالله راضى بيها
فريده :- فى ايدك ترجع مكتب دادى وتبقى من اكبر المحامين والمقابل حاجه واحده بس وبسيطه تتجوزنى
نادر :- وانا سبق وقولتلك لا مش بفكر فى الجواز دلوقتى
فريده :- طب اعمل حسابك بقى انا سبق وقولتلك لو مش هتبقى ليا مش هتبقى لحد تانى يعنى لو فكرت مجرد تفكير فى حد غيرى هخليك تترحم عليها سلام يا ندورتى
ومشيت من المكتب
نادر :- داهيه لا ترجعك بنآدمه مستفزه