رواية فتاة انحنت من أجل الحب
الفصل السابع والثلاثون 37 والثامن والثلاثون 38
بقلم دودو محمد
فى فيلا عاطف
وصلت ملك ونزل عاطف وفتح ليها الباب وقال بجديه
عاطف / ادخلى
ملك / دخلت وحطت شنطة هدومها على الأرض وبصت لعاطف وقالت مش عارفه اقولك ايه شكرآ يا عاطف انك رضيت أن اجى اعيش مع اولادى
عاطف / قفل الباب ومسك ملك من دراعها وشدها دخلها اوضت المكتب وزقها ودخل وقفل الباب وراهم وقال انا وافقت انك تيجى تعيشى هنا بس علشان خاطر زهره مش علشان خاطرك انتى، انتى واحده خاينه هتعيشى هنا خدامه لينا عينك متترفعش فى اى حد فينا ملكيش دعوه بزهره
ملك / هزت راسها بمعنى حاضر ودموعها نزلت منها وقالت انا مخنتكش يا عاطف ربنا يعلم أن انا شريفه وكنت محافظه على سمعتك
عاطف / خلاص يا ملك قفلى على الكلام فى الموضوع ده هتنامى مع اولادك فى الاوضه حسك عينك تيجى جنب اوضى مش مسموح حد يدخل فيها إلا زهره
ملك / بكسره ووجع هزت راسها وقالت حاضر
عاطف / اتفضلى امشى
ملك / فتحت الباب وخرجت ولسه هتطلع السلم
زهراء / ملك رايحه فين
ملك / وهى بصه على الأرض ودموعها نازله منها قالت هطلع انام مع الاولاد
زهراء / وليه تنامى مع الاولاد مش هو لسه جوزك
ملك / هزت راسها وقالت ايوه بس هو اللى قالى كده
وفى الوقت ده خرج عاطف من المكتب
زهراء / عاطف انت ليه هتنيم ملك فى اوضت الاولاد ليه مش هتنام فى اوضك
عاطف / زهره انا رجعتها الفيلا علشان خاطرك لكن اكتر من كده لاء
زهراء / بس هى مراتك وليها حقوق عليك
عاطف / زهره كفايه ارجوكى
ملك / بصت ليهم وقالت عن اذنكم ولسه هتطلع
عاطف / خدى شنتطك معاكى محدش هيطلعها ليكى
ملك / ح.ح.حاضر وراحت شالتها وطلعت الاوضه عند الاولاد قعدت جنب بيلار وبستها واخدتها فى حضنها وهى نايمه وقالت ليها بصوت واطى واحشتى ماما يا قلب ماما وقعدت تبوس فيها وعدلتها على السرير ونامت جنبها
عند زهراء
طلعت الاوضه وهى زعلانه على ملك وقعدت على السرير
عاطف / طلع وراها وقعد جنبها وقال مالك يا زهره
زهراء / بصت ليه وقالت ارجوك لو بتحبنى بجد بلاش تهين ملك ملك بتحبك يا عاطف
عاطف / قام من جنب زهره وقال انا رجعتها هنا علشان خاطرك بس مش هقدر اتعامل معاها تانى كزوجه ليا
زهراء / وقفت وراحت عنده وقالت ليه يا عاطف
عاطف / بصلها فى عينيها وقال علشان انا بحبك انتى يا زهره انتى مراتى وبس مش شايف حد غيرك ومسك ايديها وقال انا مستعد اعمل اى حاجه علشان تحبينى يا زهره زى ما انا بحبك
زهراء / سحبت ايديها من أيده وقالت بتوتر احم ماشى يا عاطف اللى يريحك
عاطف / بص على أيده بعد ما زهره سحبت ايديها منها وضحك بأنكسار وقال هسيبك تنامى تصبحى على خير وراح عندها وبسها من راسها وبص فى عينيها وقال بحبك وخرج وسابها
زهراء / اخدت نفس وخرجته براحه وقعدت على السرير وقالت أهدى يا زهره الطريق لسه فى أوله بدأتى مع عاطف ولازم تكملى للآخر علشان ولاده ومراته ونامت على السرير وقالت يا ترى يا أمير عامل ايه واحشتنى اوى وعلى قد ما فرحت بحقيقة جوازك على قد ما زعلت من تسرعك فى قراراتك بس بحبك وهفضل احبك مهما حصل وغمضت عينيها ونامت
______________________________
عند جهاد واسلام
حاول اسلام الهروب بعد ما جهاد رفضت تكمل معاه ولسه بيجرى وجه الظابط المسدس عليه وداس على الزناد وفى الوقت ده احمد صرخ وطلع يجرى وقال
أحمد / جهااااااااااد وقعد فى الارض وحط أخته على رجله ودموعه نزلت منه وقال ليه عملتى فى نفسك كده يا جهاد ليه
جهاد / بتعب ودموع الموت اهون ليا مليون مره من ان يحصل حاجه لاسلام يا احمد انا بحبه وعمرى شويه عليه وارجوك يا احمد بلاش تسيبه يتسجن خرجو منها بأى طريقه وبلاش تأذيه علشان خاطرى
أحمد / ليه يا جهاد ليه ده واحد ميستهلش حبك ليه ولا يستاهل انك تضحى بعمرك علشانه
اسلام / اول ماسمع احمد صرخ بأسم أخته وقف وبص واتصدم لما شاف جهاد اخدت الرصاصه مكانه رجع يجرى عليها بس مسكه الظابط وحط فى أيده الكلبشات حاول يجرى من ايد الظابط ويروح لجهاد
الظابط / منعه وشده وقال انجر قدامى ده انت ليلتك سوده النهارده
اسلام / بدموع ارجوك خلينى اطمن عليها
الظابط / عامل نفسك حنين ولما انت كده خطفتها ليه
اسلام / ارجوك
الظابط / امشى قدامى انجر وشده من دراعه
اسلام / قعد يبص على جهاد وهى فى الارض ودموعه نازله منه وركب البوكس بتاع الشرطه وفضل يبص عليها لحد ما العربيه مشيت
سامح / قوم بسرعه يا احمد نادى حد من عربية الإسعاف يجى يلحقها
جهاد / اغمى عليها ومحستش بأى حاجه
أحمد / بدموع لالالا يا جهاد فوقى وحياة اغلى حاجه عندك وقام بسرعه من على الارض وشالها وطلع يجرى بيها على عربية الإسعاف وحطها فى العربيه وركب معاها ومسك ايديها وقال بدموع اوعى يحصلك حاجه يا جهاد انا اموت مقدرش اعيش من غيرك مين هيغلس عليا مين هينصحنى لما اكون محتاج نصيحه مين هيساعدنى لما اقع فى مشكله انتى نصى التانى يا جهاد انتى نصى الحلو اللى الدنيا من غيرها متسواش خليكى قويه علشان خاطرى
سامح / وصل مع احمد عند عربية الإسعاف ووقف معاه لحد ما العربيه مشيت وراح عند العربيه اللى فيها روز علشان يطمن عليها
روز / اول ما شافت سامح طلعت تجرى عليه وقالت بدموع شوفت اللى حصلنا يا سامح الزباله واخوها كانو خطفينا وبصت جنبه وقالت فين جهاد الواطى اللى اسمه اسلام جه اخدها من الاوضه ومشى
سامح / بص ليها ومعرفش يقول ايه
روز / رد عليا يا سامح فين جهاد انت ليه بتبصلى كده وساكت
سامح / جهاد اخدت الرصاصه مكان اسلام
روز / بصدمه ايه اللى انت بتقولو ده لاء مستحيل يحصل كده لالالا قول انك بتهزر رد عليا ساكت ليه جهاد كويسه ومحصلش ليها حاجه صح
سامح / أهدى يا روز
روز / متقوليش أهدى رد عليا جهاد كويسه صح
سامح / جهاد اخدوها فى الاسعاف وهى فاقده الوعي يا روز
روز / هزت راسها رافضه كلام سامح ودموعها نزلت منها وقالت مستحيل قول انك بتكدب عليا مستحيل يحصل كده لجهاد
سامح / شدها فى حضنه وقال أهدى يا روز إن شاءالله هتكون كويسه ومش هيحصل ليها حاجه
روز / بدموع انا اموت لو حصلها حاجه انا بحبها اوى يا سامح هى اللى حببتنى فى العيشه فى مصر بروحها الحلوه لما كنت بلاقى صعوبه فى التعامل مع الناس اول ما رجعت من امريكا كانت هى اللى بتسهل عليا الصعب وبضحكنى وتنسينى اى حاجه وجعانى رغم الوجع والحزن اللى كانو فى قلبها عمرها ما اشتكت ولا حسست حد بده بلعكس كانت تملى تحلى الدنيا بضحكتها الحلوه بسهوله كده تروح وتسبنى ارجوك قولى أن كل ده محصلش وان انا بحلم لالالا انا فى كابوس صحونى منه ارجوكم وقعدت تعيط
سامح / شششش أهدى يا روز علشان خاطرى بس اتفاجئ أن هى سكتت نهائى واغمى عليها فى حضنه شالها وحطها فى الاسعاف بخوف
سليم /بخضه على بنته مالها يا سامح
سامح / زعلت على جهاد صحبتها علشان اتصابت بالرصاص واخدوها المستشفى واغمى عليها من كتر العياط
وشويه وفاقت روز
روز / بدموع انا عايزه جهاد عايزه اكون جنبها
سليم / يا حبيبتى روحى الاول الفيلا ارتاحى شويه وبعد كده ابقى روحى ليها المستشفى
روز / بدموع مش هروح اى مكان غير المستشفى مستحيل اسيبها لوحدها
سامح / سيبها يا عمى انا هروح معاها المستشفى ومش هسيبها لوحدها
سليم / بص لبنته بقلة حيله وقال طيب تعالو اوصلكم وركبو عربية سليم وراحو على المستشفى اللى فيها جهاد
______________________________
فى فيلا امير
فى اوضت امير
امير اتصل على شريف وانتظر الرد
شريف / السلام عليكم
أمير / وعليكم السلام عامل ايه يا شريف
شريف / كويس يا امير
أمير /مال صوتك باين عليه انك مخنوق ايه اللى حصل متخانق مع لميس ولا ايه
شريف / ايوه من يوم اللى حصل لزهره بسبب ابن خالتها
أمير/ اول ما سمع اسم زهره قلبه قعد يدق جامد وسكت شويه
شريف / امير انت روحت فين
أمير / ها احم م.م.معاك طيب وهى ذنبها ايه وبعدين اختك اللى حابه العيشه معاه
شريف / امير احنا عرفنا حاجات عن اللى اسمه عاطف ده فيها خطوره على زهره
أمير / بأستغراب حاجات ايه دى يا شريف
شريف / عاطف كان محجوز فى مستشفى امراض نفسيه فتره وعنده حاله بسبب واحده حبها وخانته قبل كده وبتجيلو حاله بيعذب مراتتو بيها زهره مش اول واحده يتجوزها ويضربها ويعذبها ويعمل فيها كده لا اتجوز قبلها كتير وكانت نهايتهم يا يموتو نفسهم زى ما زهره عملت كده يا يدخلو مستشفى المجانين
أمير / بعصبيه وازاى تسمحو ليها تروح معاه بعد ما عرفتو كل ده عنه
شريف / وانت عرفت ازاى انها روحت معاه الفيلا
أمير / ها احم ا.ا.انا شوفتها بعد ما هربت من المستشفى
شريف/ شوفتها ازاى
أمير / مفيش يا شريف كنت عند قبر بابا زى ما انت عارف لما اكون مخنوق بروح هناك واتفاجئت بيها بتحط ايديها على كتفى وانا قاعد واتكلمنا مع بعض وبعد كده سبتها ورجعت الفيلا
شريف /سكت شويه وقال احنا اتفاجئنا بغيبها فى المستشفى ونزلنا ندور عليها وشويه وجه ليا تليفون من لميس بتقول أن عاطف كلمها وقال ليها أن زهره فى الفيلا عنده
أمير / وهى بعد كل اللى عرفته ده رجعت تانى ليه اختك غبيه ومتعرفش نتيجة عنادها دى هتوصلها لحد فين
شريف / انا عارف تفكير اختى يا أمير اختى رجعت ليه وعرضت نفسها للخطر علشان خايفه علينا مع أن احنا قولنا ليها ارجعى معانا واحنا هنقدر نحميكى
أمير / اختك بتعاند معايا انا يا شريف عايزه تنتقم منى لكرامتها بسبب جوازى من سهى مع أن عرفتها الحقيقه بس اختك هتفضل طول عمرها كده عمرها ما هتتغير ابدآ
شريف / انا خايف عليها اوى يا امير وجودها مع واحد مجنون فيه خطوره عليها وممكن يعمل فيها اى حاجه تأذيها
أمير / خبط بأيده الحيطه وقال غبيه غبيه ومشى أيده على شعره وقال مش عارف ليه تعمل فى نفسها وفينا كده ازاى لميس متقولش لينا كل ده ليه دارت علينا
شريف / اهو انا متخانق معها بسبب كده مصدوم فيها كانت تملى تقول على ابن خالتها ده كويس وطيب جدآ ومطلعه عاطف ده ملاك بجناحات ودارت علينا الحقيقه معرفش ليه عملت كل ده هتجن يا أمير هتجن ومش عارف اعمل معها ايه
أمير / مش مهم أى حاجه دلوقتى المهم نلحق اختك من ايد المجنون ده ليعمل فيها حاجه
شريف / انا دماغى واقفه مش عارف افكر فى اى حاجه
أمير / اقفل دلوقتى يا شريف على ما افكر فى حل لمصيبه دى
شريف / هستنا منك تليفون
أمير / إن شاءالله وقفل معاه وحدف التليفون على السرير وقال بعصبيه لأمته يا زهره هتفضلى تعذبى فينا كده وتوجعى قلوبنا عليكى وقعد على السرير وحط راسه ما بين ايديه وقال اعمل ايه يا ربى مش هقدر استنى لما يعمل حاجه تانى فيها لازم اتصرف وقام وقف وراح عند الدولاب وطلع هدوم ليه ولبسها واخد مفاتيح عربيته وتليفونه ونزل يجرى ركب عربيته وشغلها ومشى بيها
______________________________
فى شقة توفيق
فى اوضت ريم
نامت ريم على السرير وبصت مكان ما كان نايم محمود وضحكة بكسوف وافتكرت لما بسها حطت ايديها على شفايفها وضحكت وقالت
ريم / مجنون بس بحبه وفى الوقت ده تليفونها رن برقم محمود ردت وقالت الو
محمود / متعرفيش تقولى ايوه يا حبيبى
ريم / اخلص وبطل رخامه
محمود / حاضر بتعملى ايه
ريم / ولا حاجه لسه كنت هنام
محمود / امممم تنامى ايه رأيك اجى انيمك فى حضنى زى الصبح
ريم / محمود اتلم
محمود / بذمتك مكنتيش بتفكرى فيا دلوقتى لما كنتى نايمه فى حضنى
ريم / لا طبعآ انت واحد قليل الادب
محمود / يا ستى انا واحد قليل الادب المهم تكون بالحلال هو فيه احلى من قلة الأدب فى الحلال
ريم / انت كل تفكيرك فى الحاجات دى وبس
محمود / اللى هى ايه بقى
ريم / بكسوف متستعبطش انت عارف
محمود / يا بنتى وربنا انتى مراتى مرررررراتى افهمى بقى يا بنأدمه
ريم / والله عارفه أن انا مراتك مررررراتك بس برضه لسه الفرح يعنى مش من حقك اى حاجه غير بعد الفرح
محمود / طيب بذمتك البوسه بتاعت النهارده محركتش عندك اى شعور أو احساس حلو جواكى
ريم / بكسوف لاء وأقفل بقى علشان عايزه انام باى
محمود / لاء باى ايه استنى هنا يا بت قوليلى اى كلمه حلوه حرام عليكى عندى جفاف عاطفى
ريم / اروح اجبلك عاطف جوز زهره يعوضك طيب ولا ايه ههههههههههههه
محمود / هه لا خفه يا بت العن ابو استظرافك ايه جاب سيرة الخر ده بلاش سيرة البنأدم ده بيعصبنى
ريم / اهدا يا محمود انا بهزر
محمود / عارف بس سيرته بتفكرنى بالعذاب اللى امير وزهره فيه وبزعل علشانهم
ريم / ومن سمعك والله انا مش برتاح للبنأدم ده خالص ربنا يخلصنا منه
محمود / يارب تصبحى على خير
ريم / وانت من أهله
محمود / باى يا قلبى
ريم / باى وقفلت مع محمود وحطت التليفون جنبها وقالت ربنا يريح قلبك يا زهره ويبعدك عن البنأدم ده وغمضت عينيها ونامت
_____________________________
فى الفيلا عند لميس
فى اوضت لميس
كانت نايمه على سريرها وبتعيط والباب بتاع اوضتها خبط أذنت ليه بالدخول
الجده / فتحت الباب وقالت عامله ايه يا حبيبتى
لميس/ بدموع تعبانه اوى يا تيته
الجده / بخوف تعبانه طيب تعالى اخدك لدكتور حاسه بأيه قولى يا حبيبتى
لميس / بدموع انا مش تعبانه جسديآ يا تيته انا تعبانه من بعاد شريف عنى هتجن عليه كنت بحلم باليوم اللى هكون فيه مراته وابقى معاه علطول بس بعد اللى حصل ده حاسه ان بقى صعب جدآ وحاسه أن بقى حلم بعيد بالنسبه ليا رجعت لنقطة الصفر من تانى بعد ما صدقت أن احنا قربنا لبعض رجعنا بعدنا تانى شريف لو بعد عنى يا تيته انا هموت واترمت فى حضن جدتها وقعدت تعيط
الجده / طبطبت عليها وقالت شريف بيحبك يا عبيطه وانا اتأكد من ده بنفسى هو بس زعلان علشان أخته واللى حصل فيها من عاطف
لميس / وانا ذنبى ايه يا تيته وانا اعرف ان كل ده هيحصل منين
الجده / انا كنت عارفه كل ده بس مقولتش لحد ولو اعرف ان البنت اللى هيتجوزها عاطف تبقى اخت شريف انا كنت وقفت قصاده ومنعته يتجوزها لان ده هيسبب ليكى انتى مشاكل فى حياتك مع شريف
لميس / وليه مقولتيش ليا يا تيته كنت عرفتينى على الأقل مكنتش شكرت فيه واتكلمت عنه بثقه قدامهم انا بعترف إن انا غلطانه أن أدخلت فى الموضوع ده من أوله بس هو ظلمنى يا تيته بيقولى انا اقصد اعمل كده علشان بكره أخته مع أن انا والله بحبها مش بكرها ولا عمرى اتمنيت ليها حاجه وحشه انا مش كده يا تيته هو شيفنى وحشه اوى فى نظره
الجده / سبيه يوميآ يهدا فيهم وبعد كده هتلاقيه جاى يتأسف ليكى ويصلحك
لميس / يارب يا تيته انا خايفه اوى ليبعد ويسيبنى
الجده / انتى عبيطه يا بت انتى مراته ومش بالسهوله دى هيفرط فيكى
لميس / واحشنى اوى اوى وهتجن واسمع صوته
الجده / هو مفروض افتتاح الشركه امته
لميس / كمان يومين
الجده / خلاص استحمليهم اليومين دول وهتشوفيه هناك فى الافتتاح
لميس / يا لهوى يا تيته لسه هستنى يومين كتير اوى عليا
الجده / معلش استحمليهم ووقفت وقالت ومش عايزه اشوف العيون الجمال دول فيها دموع تانى فاهمه
لميس / هزت راسها وقالت حاضر
الجده / باست راسها وقالت تصبحى على خير يا حبيبتى
لميس / وانتى من أهل الخير يا تيته
الجده / خرجت وقفلت الباب وراها
لميس / نامت على السرير وقالت كده برضه يا شريف اهون عليك بس مهما يحصل بحبك وهفضل احبك وغمضت عينيها ونامت
______________________________
فى المستشفى عند جهاد
وصل سامح وروز ودخلو يجرو على المكان اللى فيه جهاد وشافو احمد وهو واقف على باب اوضت العمليات راحو عنده وسامح خبط على كتف احمد وقال
سامح / جهاد عامله ايه دلوقتى
أحمد / الحمدالله الرصاصه جت فى كتفها وهما دلوقتى بيخرجوها من كتفها
روز / بدموع و.و وهى عامله ايه تعبانه صح وبتتوجع
أحمد / من كتر الوجع اغمى عليها بس فاقت واتكلمت معايا قبل ما تدخل العمليات
روز / ياريت كنت انا اللى ابقى مكانها
سامح / بلهفه بعد الشر عليكى يا روز إن شاءالله جهاد هتقوم بالسلامه وترجع احسن من الاول
أحمد / الكلب الواطى ودينى ما انا سايبه على اللى عملو فيكم ده
روز / صحيح أخته محدش يعرف حاجه عنها
أحمد / عملت حادثه وهى بتهرب بالعربيه ونزفت كتير والخبطه كانت جامده فى راسها دخلتها فى غيبوبه
سامح / بزعل مش عارف استفادت ايه من اللى حصل ده ضيعت نفسها ومستقبلها ومستقبل اخوها بس ارجع واقول أن ده نتيجة إهمال الأهل فى التربيه وعدم المراقبه ليهم وانشغالهم عنهم فى جمع الفلوس والأملاك
أحمد / عندك حق عبير واسلام كانو غير كده خالص كانو قمة الادب والاحترام اتبدل حالهم بعد انفصال مامتهم عن ابوهم وانشغال ابوهم عنهم بسبب الفلوس والسفر المستمر والفلوس الزياده عن اللزوم هما السبب فى اللى وصلو ليه عبير واسلام
روز / متجبوش سيرتهم قدامى ربنا ينتقم منهم
وفى الوقت ده دخلت ساره وقالت
ساره / السلام عليكم
كلهم / وعليكم السلام
ساره / جهاد عامله ايه دلوقتى
أحمد / فى العمليات بيخرجو من كتفها الرصاصه بس ايه جابك فى الوقت المتأخر ده لوحدك
ساره / اتحايلت على ماما ووافقت بصعوبه وخلت السواق يجبنى ويستنانى بره وبعدين بصت لسامح وروز وقالت ازيك يا سامح ازيك يا روز
روز / الحمدالله كويسه
سامح / تمام الحمدالله بس مكنش ينفع تخرجى من البيت فى الوقت ده كنت استنيتى لصبح وجيتى
ساره / مكنش ينفع اسيب احمد اقصد جهاد فى وقت زى ده
أحمد / شكرآ يا ساره
وفى الوقت ده خرجت جهاد من العمليات ودخلت الاوضه ودخلو كلهم وراها
ام جهاد / بدموع قومى يا حبيبتى ردى على امك
ابو جهاد / ياريت كانت جت فيا ومجتش فيكى يا بنتى يا نور عينى اللى بشوف بيها
ساره / اهدو شويه يا جماعه هى اكيد تعبانه ومحتاجه راحه
جهاد / امممم اسلام فين اسلام
ام جهاد / بتقولى ايه يا حبيبتى
ابو جهاد / عايزه ايه يا بنتى قولى
جهاد / بصوت واطى جدآ وتعب اسلام اسلام راح فين وسبنى
روز / قربت منها وقالت بتقولى ايه يا جهاد
سامح / يا جماعه هى لسه مفقتش دى بتخترف من تأثير البنج
جهاد / اسلااام انا عايزه اسلام راح فين كان هنا
روز / اسلام؟ عايزه اسلام ؟
أحمد / دموعه نزلت ومقدرش يشوف أخته كده خرج يجرى من الاوضه
سامح / خرج وراه وخبط على كتفه وقال اهدا يا احمد الحمدالله بقت كويسه وأحمد ربنا أن هى جت على قد كده
أحمد / مش قادر اشوف اختى فى الحاله دى يا سامح جهاد مش بس اختى دى اختى وبنتى وصحبتى وكل حاجه ليا جهاد الضحكه الحلوه معقول تكون نايمه كده ومش حاسه بحاجه صعب عليا اوى
سامح / ده اختبار من ربنا احمده على الضراء قبل السراء
أحمد /الحمدالله فى السراء والضراء وفى الوقت ده خرجت روز وقالت
روز / احمد كلم جهاد فاقت وعايزاك
أحمد / مسح دموعه ودخل قعد جنبها على السرير وباس راسها وقال حمدالله على السلامه يا جوجو
جهاد / بتعب الله يسلمك وبصت حاوليها وقالت ممكن تسبونا لوحدنا ثوانى
ساره / اه طبعآ براحتكم وخرجت من الاوضه والكل خرج وقفلو الباب وراهم
أحمد / خير يا حبيبتى
جهاد / بتعب اسلام
أحمد / مالو يا جهاد
جهاد / ارجوك خرجو من المكان اللى هو فيه انا سامحته وهتنازل عن المحضر انا عارفه ان انا لسه فى عين الحكومه قاصر ولازم بابا اللى يتنازل عن المحضر علشان كده كلم بابا وخليه يتنازل وانا مش هقول أن هو كان خطفنى هقول أن احنا كنا فى رحله وانتو فكرتو أن هو خطفنا ارجوك يا أحمد وغلاوتى عندك خرج اسلام
أحمد / ليه يا جهاد ده ميستهلش حبك ازاى تحبى بنأدم زى ده مع كل بنت شويه والشر بيجرى فى دمه انتى اعقل من كده يا جهاد خليه ياخد جزائه وبلاش تحبى واحد زى ده
جهاد / بدموع تقدر تخرج حب ساره من قلبك
أحمد / سكت ومردش عليها
جهاد / رد عليا يا أحمد تقدر تخرج ساره من قلبك تقدر تكرها لو عملت فيك ايه
أحمد / بس ساره تختلف عن اسلام يا جهاد وانا راجل حتى لو فيها ايه اقدر اغيره فيها
جهاد / الحب مفيش فيه راجل ولا بنت ولا وحش ولا طيب الحب ده شعور وإحساس بيتولد فيك غصب عنك دقة قلب بدق اول ما تشوف اللى بتحبه قدامك عينك مش بتشوف عيوبه حتى لو ايه دى حاجه ملناش يد فيها يا احمد ده ربنا اللى عايز كده هو بس اللى بيجمع القلوب عند بعضيها علشان عارف كل قلب فيه ايه وانا حبيت اسلام ومش فى ايديا حاجه غير أن احبه
أحمد / معرفش يرد على على أخته ويقولها ايه باس راسها وقال استريحى انتى بس دلوقتى
جهاد / مش هستريح غير لما اعرف ان اسلام خرج من القسم
أحمد / اتنهد وقال ماشى يا جهاد بس الاول هيجو ياخدو اقوالك واقوال روز وبعد كده هنروح نتنازل عن المحضر
جهاد / ياريت تخلى روز تقول زى ما انا قولتلك أن احنا كنا فى رحله وانتو فكرتو أن هو خطفنا ومستر سامح برضه
أحمد / ماشى يا جهاد ارتاحى شويه بقى
جهاد/ مسكت أيده وقالت ربنا يخليك ليا وقالت بألم ااااااه
أحمد / بخوف براحه يا جهاد على نفسك
جهاد / حطت ايديها على كتفها المجروح وقالت هنا بيوجعنى اوى
أحمد / ارتاحى وشويه وهتاخدى مسكن يريحك
جهاد / ماشى وغمضت عينيها
أحمد / بسها من راسها وخرج يبلغهم يقولو ايه فى المحضر
_____________________________
فى فيلا عاطف
عاطف سمع صوت جرس الباب قام من على السرير بأستغراب وبص فى الساعه وخرج من الاوضه ونزل يفتح الباب وقال بأستغراب
عاطف / انت ايه جابك هنا
أمير / مسكه من هدومه وقال انا جاى اخد زهره من هنا
عاطف / زقه وقال انت عبيط يالا دى مراتى جاى تخدها بتاع ايه
أمير / مستحيل اسيبها ثانيه واحده هنا وزق عاطف ودخل قال زهره انزلى هروحك معايا مستحيل اسيبك ثانيه واحده مع المجنون ده
زهراء / فتحت عينيها بأستغراب وفكرت نفسها بتحلم بصوت امير
عاطف / مسكه من هدومه وقال شكلك شارب حاجه اطلع بره بدل ما اطلب ليك الشرطه
أمير / اطلب الشرطه وانا هقدم فيك بلاغ انك مجنون وبتضرب مراتك وبتعذبها وعندى ما يثبت كلامى
عاطف / محدش ليه عندى حاجه ومدام انا مجنون هوريك الجنان اللى على أصله ودخل مكتبه
أمير / بصوت عالى زهره بقولك انزلى بدل ما اطلع ليكى فوق أنزلى هاخدك معايا مستحيل اسيبك هنا مع المجنون ده انزلى يا زهره
زهراء / سمعت صوت امير تانى واتأكدت أنه مش حلم قامت لبست الروب وخرجت من اوضتها بسرعه ونزلت تجرى وأتصدمت لما شافت امير تحت
عاطف / جاب المسدس بتاعه وقال هى طلقه واحده فى قلبك وملكش ديه عندى حرامى وبيتهجم عليا فى بيتى ومش هاخد فيك ولا ثانيه وابقى ارتحت منك للابد
أمير / انت مفكرنى هخاف من البتاع ده على جثتى اسيب معاك زهره لو ثانيه واحده
عاطف / صدر المسدس على امير
زهراء / اول ما شافت كده طلعت تجرى على عاطف وقالت وهى حابسه الدموع فى عينيها انت جاى ليه يا أمير
أمير / جاى اخدك معايا يا زهره وهطلقك من المجنون ده
زهراء / غمضت عينيها وهى كلها دموع وقالت ومين قالك أن انا هاجى معاك يا أمير انا مش هسيب بيت جوزى
أمير / راح مسك دراع زهره وقال امشى معايا كفايه عناد بقى انتى كده بتعرضى نفسك للخطر ده مجنون يا زهره مجنون
عاطف / زقه وقال ابعد ايدك عن مراتى وحط صوبعه على الزناد
زهراء / شافت كده خافت على امير وقالت انا بحب عاطف يا أمير ومش هبعد عنه ولا اسيبه وياريت تطلع بره ومتجيش هنا تانى
عاطف / اول ما سمع كلمة بحب عاطف نزل أيده بالمسدس وبص لزهره بفرحه وقال بجد يا زهره
زهراء / وهى حابسه دموعها هزت راسها بمعنى ايوه
عاطف / شدها فى حضنه والمسدس وقع من ايديه
أمير / اتجن لما شاف كده وسمع كلام زهره طلع يجرى مسك المسدس وقال بدموع ابعد عنها
زهراء/ اتصدمت لما شافت المسدس فى ايد امير وشافت الدموع نازله من عينه
أمير / انتى بتحبينى انا يا زهره انتى بس بتقولى كده علشان توجعينى وتنتقمى منى لكرامتك علشان اتجوزت بس انا قولت ليكى الحقيقه تعالى معايا ارجوكى يا زهره وبلاش تعملى فيا كده
عاطف / لسه هيروح عليه
أمير / لو اتحركت خطوه واحده هدوس على الزناد وحط أيده على الزناد
زهراء / وقفت قدام عاطف وقالت لو عايز تموت عاطف موتنى انا الاول يا أمير ومقدرتش تمسك دموعها نزلت منها غصب عنها
أمير / لدرجاتى يا زهره
زهراء / غمضت عينيها وقالت لنفسها بحميك من نفسك يا أمير انا بحبك وخايفه عليك وفتحت عينيها وقالت ايوه يا أمير لدرجاتى
أمير / نزل أيده بالمسدس وقال كان عندى امل انك ترجعى ليا ونعيش ايامنا اللى جايه مع بعض بس من هنا ورايح مش هفكر فيكى تانى يا زهره هعيش لمراتى ولابنى وبس انتى صفحه كلها وجع ولازم تنتهى من حياتى خليكى معاه وبص على ايديها المكسوره وقال خليه يضرب فيكى ويهينك خليكى مذلوله ليه ورمى المسدس على الأرض وبصلها وعينيه كلها دموع ومشى
زهراء / قعدت فى الارض وقعدت تعيط
عاطف / قعد فى الارض جنبها واخدها فى حضنه
زهراء / بدموع امير يا عاطف امير قرر ينسانى ويتخلى عنى وقعدت تعيط
عاطف / صعبت عليه وطبطب عليها وقال شششش أهدى يا زهره انا جنبك وعمرى ما هتخلى عنك ولا هبعد عنك ولا اسيبك
زهراء / بدموع وصوت عالى اميررررررررررر وقعدت تعيط فى حضن عاطف لحد ما عينيها راحت فى النوم شالها وطلع بيها على اوضه وحطها على السرير بتاعه ونام جنبها واخدها فى حضنه وباس راسها وغمض عينه ونام
______________________________
بقلمى دودومحمد
🌹فتاة انحنت من أجل الحب🌹
🌷الفصل الثامن والثلاثون🌷
اشرقت شمس صباح يوم جديد بنورها الساطع فى سماء العاصمه لتبدأ زهراء بفتح عيونها وبصت جنبها لاقت نفسها نايمه فى حضن عاطف بصت حاوليها لاقت نفسها نايمه فى اوضت عاطف قامت بسرعه من جنبه وقالت
زهراء /ا.ا.انا ايه جبنى هنا ونمت ازاى فى حضن البنأدم ده انا ليه مش فاكره حاجه ايوه كان امير هنا ومشى وبعد كده مش فاكره ايه اللى حصل
عاطف / فتح عينه وشاف زهره بتكلم نفسها ضحك وقال صباح الخير
زهراء / صباح النور انا جيت هنا ازاى
عاطف / قعد وقال انا اللى شيلتك وجبتك هنا
زهراء / ليه
عاطف / حالتك امبارح كانت مش هتسمح انك تنامى لوحدك وبعدين كنت أنا هبقى قلقان عليكى لو سيبتك فى اوضك
زهراء / وهى الدموع فى عينيها ياريت بعد كده متعملهاش تانى ولسه هتفتح الباب
عاطف / راح مسك ايديها وقال زهره مش ناويه تيجى تنامى هنا معايا فى الاوضه انتى مراتى يا زهره والمفروض ننام فى مكان واحد
زهراء / عاطف انت واعدنى انك هتسيبنى براحتى ارجوك بلاش تضغط عليا اكتر من كده وفتحت الباب وخرجت ودخلت اوضتها واترمت على سريرها وقعدت تعيط
عاطف / بص على زهره وهى خارجه بوجع وغمض عينه واتنهد ودخل الحمام اخد شاور وخرج من الحمام لبس هدومه ونزل خرج من الفيلا
عند زهراء
قامت من على السرير ومسحت دموعها دخلت الحمام اخدت شاور واتوضت وخرجت لبست هدومها وأدت فرضها ونزلت وشويه وملك نزلت مع الاولاد
زهراء / فتحت لدراعها وقالت فين حضن ماما زهره
رائف وبيلار / طلعو يجرو عليها وحضنوها وبسوها فى خدها
زهراء / بصت لملك وقالت صباح الخير يا ملك
ملك / وهى بصه على الأرض والدموع فى عينيها قالت صباح النور
زهراء / وقفت وراحت عندها وقالت مالك يا ملك
ملك / بدموع مفيش يا ست زهره
زهراء / بأستغراب ست زهره ليه بتقوليلى كده
ملك / عاطف اللى طلب منى مليش دعوه بيكى واكون خدامه ليكم وانا مستعده اعمل اى حاجه فى سبيل أن انا افضل جنب ولادى
زهراء / بصت على الاولاد وقالت بيلار رائف اطلعو العبو فى الجنينه يلا وخرجو الاولاد الجنينه وبصت لملك وقالت ملك انا لما كلمتك علشان تيجى تعيشى معانا هنا كلمتك علشان تساعدينى اخلى عاطف يتعالج ويرجعك ليه وتعيشى معاه انتى وولادك وانا انسحب اشوف حياتى لكن انتى بالمنظر ده مش بتساعدينى انتى كده بتحاولى تبعدى نفسك عن عاطف
ملك / عاطف بيحبك بجد يا زهره ومبقاش يشوف غيرك قدامه مهما اعمل هو مش بيحبنى
زهراء / صدقينى لما يتعالج هيختارك انتى
ملك / الحب ملهوش دعوه بالعلاج حب عاطف حب صادق ليكى انتى مشوفتيش امبارح لما نمتى فى حضنه كان هيتجن عليكى ازاى نظرة الخوف اللى كانت فى عنيه عليكى عمرى ما هنساها عاطف اتعالج فعلا على ايدك من حب زينب بس للاسف بقى مريض بحبك انتى
زهراء / تقدرى تقربى من عاطف تقفى جنبه تشديه ليكى تخليه يحس بخوفك عليه انتى بتحبى عاطف يا ملك وده هيسهل حاجات كتير فى مهمتنا
ملك / طيب ما انا بحبه من زمان يا زهره واستحملت اللى محدش يقدر يستحملو بس عمره ما حبنى عمرى ما شفت نظرة الحب اللى فى عنيه ليكى انا رضيت بحالى يا زهره المهم عندى دلوقتى اولادى اعيش جنبهم مش عايزه من الدنيا حاجه تانى وانتى مبروك عليكى حب عاطف انتى شكلك بنت حلال وتستهلى كل خير
زهراء / لاء فعلا واضح انك بتحبيه اللى بيحب حد عمره ما يتخلى عنه بسهوله دى بيعمل بجميع الطرق علشان يبقى جنب اللى بيحبه بيحارب اى حد بيفكر يبقى جنبه عارفه انك بتتعذبى لما بتشوفيه مع حد غيرك صدقينى انا اكتر واحده حاسه بالشعور ده وعارفه قد ايه قلبك بيوجعم ومجربه احساسك ده بس الفرق بينى وبينك أن انتى عندك فرصه تقربى ليه إنما أنا صعب يا ملك
ملك / صدقينى انا حاولت كتير اوى من زمان من ايام حبه لزينب بس علطول كنت بفشل
زهراء / انا فى الوقت المناسب هنسحب وانتى بقى تدخلى فى الوقت ده وتقفى جنبه وهو هيلاحظ اهتمامك بيه هيتشد ليكى اكتر ويحبك
ملك / وانتى هتعملى ايه
زهراء / هرجع لحياتى القديمه وأحاول ارجع اللى راح منى
ملك / انا خايفه ده يأثر بالسلب على عاطف بعد ما يتعالج
زهراء / لاء طبعآ احنا هناخد رأى الدكتور اللى هيتابعه ونشوف هيقول لينا ايه بس اهم حاجه حاولى تكونى موجوده تملى فى المكان اللى هو فيه وقربى منه اكتر من كده واه بلاش تكونى ضعيفه معاه كده عمره ما هيبص ليكى عاطف بيحب الست اللى شخصيتها قويه مش ضعيفه ومسلمه شبهك كده
ملك / يعنى اعمل ايه
زهراء / يعنى بلاش تبقى علطول بتعيطى قدامه بلاش كل حاجه يقولها ليكى تقولى ليه حاضر بلاش يشوف ضعفك ده حاولى تخليه يشوفك بشكل تانى غير ده شد انتباهه ليكى
ملك / م.م.ماشى
زهراء / ايه رأيك ننزل تشترى شوية هدوم ونغير شكلنا شويه
ملك / عاطف مش هيرضى
زهراء / لاء انا هكلمه
ملك / ماشى
زهراء / اشطا تعالى نفطر وبعد كده أكلمه
ملك / يلا
وراحو الاتنين حضرو الفطار وندهو على الاولاد وقعدو يفطرو وطلعت زهراء كلمت عاطف ووافق بعد صعوبه على خروجهم
_____________________________
فى فيلا امير
وصل امير الفيلا وهو هدومه كلها تراب وحالته كانت صعبه اول ما أمه شافته بالحاله دى اتخضت عليه وقالت
امينه / مالك يا ابنى عامل فى نفسك كده وكنت فين من امبارح
أمير / وهو الدموع فى عينيه كنت عند قبر بابا
امينه / اكيد كنت مضايق صح مالك يا حبيبى
أمير / قعد جنب أمه وقال انا تعبان اوى يا امى اوى
امينه/ اكيد برضه زهره
أمير / فى غيرها اللى وجعه قلبى ومعذبانى
امينه/ قولتلك انساها يا ابنى وفكر فى مراتك وابنك اللى جاى فى السكه النصيب ده بتاع ربنا وانتو مفيش ليكم نصيب مع بعض
أمير / عندك حق هعمل كده يا امى وهشيل زهره من تفكيرى ومن قلبى وهعيش لمراتى وابنى بس
أمينه / طبطبت عليه وقالت ايوه كده ربنا يكملك بعقلك يا ضنايا ويسعدك يارب
أمير / وقف وقال عن اذنك يا امى
أمينه / استنا انادى ليك مراتك من المطبخ تطلع معاك
أمير / لاء خليها براحتها انا هطلع انام شويه وسابها وطلع على اوضه دخل وقفل الباب وراه وفتح الدولاب وطلع صورة زهره وبصلها بدموع وقال من هنا ورايح ملكيش وجود فى حياتى هنساكى يا زهره وهفكر فى نفسى وبس وقطع الصوره ورماها فى الارض وراح قعد على السرير وحط راسه ما بين ايديه وفى الوقت ده دخلت سهى وبصت فى الارض شافت صورة زهره متقطعه ومرميه فى الارض فرحت وراحت عند امير وقعدت جنبه وشدته فى حضنها
أمير / قعد يعيط ويمسك فى سهى اكتر
سهى / فرحت اوى لما شافت أن أمير بيقرب ليها اكتر وضمته جامد فى حضنها وشوية وبعدته عن حضنها ومسكت وشه ما بين ايديها وبصت فى عينيه وقالت عمرى ما حبيت اشوفك فى الوضع ده يا أمير قلبى بيتقطع علشانك انا بحبك اوى يا أمير وعمرى ما هسمح لاى حد يضعفك انا فى ضهرك قوتك وسندك فى وقت ضعفك
أمير / بدموع انا تعبان اوى يا سهى عايز اموت مش عايز اعيش فى الدنيا دى
سهى / بعد الشر عليك يجعل يومى قبل يومك انا محتاجك ومسكت أيده وحطتها على بطنها وقالت وابنك محتاجك يا أمير فكر فينا احنا ، احنا من غيرك منسواش حاجه وقربت منه اكتر وقالت سيبك من اللى باعك وفكر فى اللى شاريك وبصت على شفايفه وقالت انا بحبك يا امير ومستعده اضحى بعمرى كله علشانك وكل اللى عايزاه اشوفك مبسوط وسعيد وقربت من شفايفه وبسته
أمير / قرب منها اكتر وعمق البوسه ومد أيده على السوسته بتاعة الترنج وفتحها ونيمها على السرير بس فاجئه بعد عنها ووقف ومسح بأيده على وشه وقال مش هقدر اعمل كده يا سهى حاولت بس مش قادر
سهى / قامت من على السرير وقفلت السوسته وراحت عنده وقالت مش مستعجله المهم تبقى معايا وجنبى وسيب نفسك ليا انا هخليك تحبنى
أمير / غمض عينه وقال هحاول يا سهى هحاول
سهى / بفرحه حضنته وقالت انا هخليك اسعد راجل فى الارض مش هخليك تندم ابدآ أن سبت ليا نفسك
أمير / بص على سهى وهى فى حضنه ورفع أيده براحه وطبطب عليها وقال إن شاءالله
سهى / بعدت عنه وقالت هنزل اعمل ليك الاكل اللى بتحبه كله وبسته فى خده ونزلت وهى فرحانه
أمير / بص مكان ما خرجت سهى وقال ياريت تقدرى تساعدينى وتخرجى حب زهره من قلبى وبص على الصوره المتقطعه وراح عندها لمهم من الأرض وشالهم فى المحفظه بتاعته
______________________________
فى فيلا جهاد وأحمد
وصلت جهاد مع اهلها فى العربيه ومعاهم روز وساره ونزلت من العربيه وشالها أحمد وطلعها اوضتها ونيمها على سريرها وغطاها
روز / يا بختك والله كان نفسى يبقى عندى اخ زى اخوكى احمد ده
أحمد / انا تحت امرك انفع
روز / ههههههههه اشطات تنفع ونص كمان
أحمد / هو انتى متأكده انك مولوده ومتربيه فى أمريكا
روز / اه وربنا ليه
أحمد / ده انتى بتتكلمى مصرى احسن مننا ههههه
روز / اولا مامى ودادى كانو علطول بيكلمونى مصرى وانا فى أمريكا ولما جيت هنا واتعرفت بأختك مش محتاجه كلام دى اكيد هتخلينى بنت بلد يعنى
جهاد / اعملك ايه انتى اللى كان عندك ميول للانحراف وانا اللى ساعدك بس هههههههه
روز / ههههههههه انتى كان ناقص تمشينى بمطواه فى الشارع هههه
أحمد / وربنا انتو خبره عنى ده ايه الجيل المنيل ده ياربى
ساره / بزعل حمدالله على سلامتك يا جهاد عن اذنكم
أحمد / خليكى اتغدى معانا
ساره/ بصت ليه بغيظ ومردتش عليه وفتحت الباب وخرجت
أحمد / دى مالها دى وطلع يجرى وراها
جهاد / ساره هتولع فى أحمد بسببك الله يحرقك
روز / what ليه بقى إن شاءالله
جهاد / نازلين هزار وضحك والبونيه شاطت جنبى من الغيظ غيرانه على احمد منك وده من حقها الصراحه انا لو مكانها كنت قومت قطعت شعرك وخنقته
روز / بس انا بتكلم عادى وبهزر معاه زى اخويه مش اكتر وبعدين يا اختى اتنيلى تقطعى شعر مين هو انتى قادره تتحركى اصلا
جهاد / كده هما يومين بس وهقوم واقطع شعرك بأيديه يا روز يا لون ملهوش لازمه انتى
روز / قعدت جنبها وحضنتها وقالت والله العظيم كنت هموت عليكى يا جوجو
جهاد / اااااااااه يخربيت سنينك انتى كده هتموتينى انا انتى ناسيه دراعى يا مقصوفة الرقبه انتى
روز / تصدقى انا غلطانه علشان بحضنك يا جذمه وبعدين حد قالك تعملى نفسك هيرو وتاخدى الرصاصه انتى بداله
جهاد / وهى حابسه الدموع فى عينيها انا عمرى كله مش كتير عليه يا روز
روز / انا اسفه يا جوجو مش قصدى ازعلك والله انا بهزر معاكى
جهاد / وهى الدموع فى عينيها ضحكت وقالت لاء الظاهر كده أن انا بقيت حساسه اوى وده مش من طبيعتى الصراحه
روز / بزعل على جهاد بلاش تحبسى الدموع فى عينك يا جهاد وتضحكى كأنك مبسوطه عيطى وطلعى كل اللى جواكى وانا من واجبى اسمعك وقت ما تكونى زعلانه ومضايقه
جهاد / مقدرتش تمسك دموعها اكتر من كده ونزلت منها وقالت انا تعبانه اوى يا روز وفعلا خلاص مبقتش قادره استحمل اخبى فى قلبى اكتر من كده حب اسلام بالنسبه ليا مرض مش قادره اتعالج منه رغم كل غلطاته وكل أفعاله الشرانيه وسرمحته مع البنات وعمرى ما شوفت منه ريق حلو بس بحبه لا بعشقه يا روز الحب اللى من طرف واحد ده صعب اوى وكمان البنأدم اللى بحبه لا يصلح ابدآ ليا نفسى حبه يخرج من قلبى وارتاح انا تعبت بجد تعبت واترمت فى حضن روز وقعدت تعيط
روز / طبطبت عليها بدموع وقالت حاسه بيكى وبوجعك ياريت كان فى ايديا حاجه كنت عملتها ليكى بس الحب ده بأيد ربنا عز وجل هو بس اللى بيألف القلوب على بعضيها وليه حكمه فى كده كل اللى اقدر اعملو ليكى ادعى ربنا يريح قلبك تملى والضحكه ترجع تنور وشك من تانى
جهاد / يارب يا روز ارتاح يارب
روز / نامى شويه يا جهاد انتى جسمك محتاج راحه وانا هروح الفيلا اخد شاور واغير الهدوم اللى عليا واجيلك تانى
جهاد / طيب خلى أحمد يوصلك
روز / سامح مستنى تحت هيروحنى
جهاد / ماشى بس متتأخريش عليا
روز / نامى وهتقومى من النوم هتلاقينى جنبك
جهاد / ماشى
روز / ساعدتها تنزل راسها على المخده وغطتها كويس وطفت النور وخرجت
عند احمد وساره
طلع أحمد يجرى وراه ساره وينده عليها وهى ماشيه ومش راضيه تقف وترد عليه راح عندها ومسكها من دراعها وقفها وقال
أحمد / ساره بنادى عليكى ليه مش عايزه تردى عليا
ساره / بعصبيه لو سمحت سيب دراعى
أحمد / فيه ايه يا ساره مالك
ساره / مليش قولتلك سيب دراعى
أحمد / لاء مش هسيبه غير لما اعرف مالك
ساره / والله العظيم يا احمد لو مسبتش دراعى هصرخ واخلى امك و ابوك يطلعو ويشوفه منظرك وانت ماسك دراعى كده
أحمد / اصرخى ايه يعنى ومش هسيبك غير لما اعرف سبب زعلك
ساره / لاء متشغلش بالك انت بيا روح لست روز كمل وصلت المسخره بتاعتكم
أحمد / اممممم قولى كده بقى انتى غيرانه عليا من روز
ساره / وانا هغير عليك ليا وبتاع ايه ما تولع انت وهى
أحمد / هههههههه يا عبيطه روز دى زى اختى وبعدين انا عينى مش شايفه غيرك انتى وبس
ساره / والله اختك انا اللى اعرفه ان انت عندك أختين مش تلاته
أحمد / هههههههههه مجنونه
ساره/ سيب دراعى يا احمد
أحمد / مش هسيبه غير لما تسامحينى
ساره / لاء مش هسامحك وهتسيب دراعى
أحمد / طيب توت توت يارب اموت
ساره / بلهفه بعد الشر
أحمد / خايفه عليا
ساره / احمد متغلسش سيب دراعى بقى والله وجعتنى
أحمد / انا اوجع الدنيا بحالها ومقدرش اوجعك
ساره / طيب سيب دراعى
أحمد / طيب سامحينى بقى
ساره / لاء
أحمد / قرب اكتر ليها وقال وحياتى عندك
ساره / بلعت ريقها بصعوبه وقالت ا.ا.احمد ا.ا.ابعد وسيب دراعى
أحمد / قرب اكتر وقال مش هبعد غير لما تسامحينى وتضحكى كمان
ساره / جت ترجع لواره لاقت وراها الحيطه قالت بتوتر احمد
أحمد / قلب أحمد من جوه سامحينى بقى وغلاوتى عندك وقرب اكتر ليها ومبقاش فيه مسافه ما بنهم
ساره / بكسوف س.س.سامحتك ابعد بقى
أحمد / وهو بيبص على شفايفها مش مسامحنى من قلبك
ساره / احمد ابعد بقى
أحمد / هبعد بس بشرط
ساره / ا.ا ايه هو
أحمد / اثبتى ليا انك سامحتينى
ساره / ا.ا.ازاى
أحمد / زى ما تحبى
ساره / احمد متستعبطش بطل قلة ادب
أحمد / قرب على شفايفها وقال هثبتلك انا حبى بطريقتى ولسه هيبوسها
روز / احم احم
أحمد / بعد عن ساره وقال احم ر.ر روز رايحه فين
روز / وهى بتكتم ضحكتها احم هروح عندنا الفيلا وشويه وجايه تانى
أحمد / اجى اوصلك
روز / NO سامح مستنى تحت هيوصلنى الفيلا عندنا
أحمد / احم ماشى مع السلامه
ساره / كانت مكسوفه وبتبص على الأرض
روز / راحت عندها وقالت على فكره يا ساره احمد زى اخويه مش اكتر والله وبعدين انا مخطوبه لسامح وبحبه ومش شايفه غيره قدامى
ساره / احم ع.ع عارفه أن احمد زى اخوكى وربنا يسعدك انتى وسامح يارب
روز / ميرسى عن اذنكم ونزلت وسابتهم
أحمد / شوفتى براءه انا بقى
ساره / هزت راسها بمعنى ايوه
أحمد / انا فرحان اوى بغيرتك دى عليا بس خليكى عارفه أن لو بنات الدنيا دى كلها قدامى مش شايف غيرك انتى وبس اللى ماليه عنيا
ساره / وهى بصه على الأرض هزت راسها وقالت م.م.ماشى
أحمد / رفع وشها ليها وبص فى عينيها وقال بحبك يا ساره
ساره / احم انا ماشيه علشان اتأخرت وزقته ونزلت تجرى
أحمد / هههههههههه كلها ايام وتبقى معايا فى حضنى ودخل اوضه
____________________________
فى فيلا امير
فى اوضت محمود
صحى من نومه بص فى التليفون على الساعه و نزل ايديه الاتنين على السرير وغمض عينه تانى بس فى الوقت ده تليفونه رن برقم ريم رد وهو عينه مغمضه وقال
محمود / صباح الخير يا قلبى
ريم / صباح النور يا حوده ايه لسه نايم كل ده
محمود / اه يا قلب حوده من جوه
ريم / طيب قوم يلا هتأخر على الجامعه بتاعتى
محمود / بقولك ايه ما تيجى نكبر من الشغل والجامعه ونخرج خروجه زى بتاعة امبارح
ريم / كان نفسى بس مش هينفع عندى محاضرات مهمه النهارده مينفعش محضرهاش
محمود / خلاص خلصى الجامعه واجى اخدك نتغدا بره وبعد كده نطلع على المكتب
ريم / امممم ماشى هقول لماما الاول المهم قوم اجهز علشان متأخرش على الجامعه
محمود / ماشى هقوم اهو
ريم / باى
محمود / باى وقفل مع ريم وقام من على السرير دخل الحمام اخد شاور واتوضه وخرج لبس هدومه و اده فرضه ونزل وقال صباح الخير
امينه / صباح النور يا حبيبى
محمود / امال فين البنأدمين اللى هنا امير وساره وسهى
امينه / امير نايم فى اوضه وسهى فى المطبخ بتعمل الاكل وساره عند جهاد اخت احمد
محمود / ماما خلى ساره تخف رجليها شويه من هناك الناس تقول ايه لما تشوفها داخله و طالعه من الفيلا وفيها شاب هناك
امينه / انت عارف أخلاق اختك عمرها ما تعمل حاجه غلط
محمود / انا عارف اخلاقها بس الناس متعرفش
امينه / ماشى يا حبيبى هكلمها
محمود / ماشى يا ماما ربنا يخليكى لينا
امينه / ريم عامله ايه
محمود / كويسه الحمدالله
امينه / شوفو هتنزلو تشترو الفرش امته خلاص الوقت قرب وانتو مجبتوش حاجه
محمود / حاضر يا ماما هبقى اخدها تختار الفرش ويجى بعد الافتتاح
امينه / ومتنساش الفستان بتاعها
محمود / مش ناسى
امينه / والقاعه لسه متحجزتش
محمود / لاء المهمه دى على امير
امينه / والبتاع اللى بيرحو يحطو فيه المكياج ده
محمود / حاضر يا ماما وبعدين يا حبيبتى الكلام ده مش على الريق كده ده حتى كده ممكن يحصلى هبوط على الصبح سلام يا مزتى وسابها وخرج ركب عربيته ومشى راح عند بيت توفيق اتصل على ريم نزلت ليه وركبت العربيه ومشى وصلها الجامعه وراح على المكتب
______________________________
عند سامح وروز
وصلها سامح عند الفيلا وقال
سامح / ادخلى يا قلبى ولما تيجى تروحى اتصلى عليا وانا هاجى اخدك اوصلك
روز / بلاش تتعب نفسك انا هخلى السواق يوصلنى
سامح / اولا انا عمرى ما اتعب طول ما انا جنبك وبعدين مش هبقى مطمن عليكى مع اى حد تانى عايزه تخرجى اتصلى عليا اجى اوصلك مكان ما انتى عايزه
روز / انا كان قصدى تنام شويه انت منمتش من امبارح
سامح / متشغليش بالك انتى انا هوصلك عند جهاد وهروح انام شويه وارجع تانى اروحك بليل
روز / ربنا يخليك ليا
سامح / وميحرمنيش منك يارب يلا ادخلى شوفى هتعملى ايه وانا هروح الشقه عندنا اخد شاور سريع تكون انتى خلصتى
روز / اوك باى ودخلت الفيلا وسامح ركب التاكسى اللى كان موصلهم وروح على البيت
______________________________
عند اسلام فى القسم
كان قاعد حزين فى الحجز على جهاد والباب اتفتح ونده العسكرى على اسمه قام وقال
اسلام / بحزن ايوه انا
العسكرى / امشى انجر قدامى وشده من دراعه وقفل الباب ومشى بيه على مكتب الظابط وفتح الباب وقال تمام يا فندم المتهم اهو
الظابط / سيبه وامشى
العسكرى / تمام يا فندم وخرج وقفل الباب وراه
الظابط / اقعد يا اسلام
اسلام / قعد على الكرسى وبص على الأرض
الظابط / حظك حلو يا اسلام الناس اللى كنت خاطف بناتهم اتنازلو على المحضر وبعد ما اخدنا اقوال البنات قالو انكم كنتو رايحين رحله مع بعض ونفو موضوع الخطف ده
اسلام / رفع رأسه بصدمه وقال البنات قالو كده
الظابط / ايوه قالو كده
اسلام / والبنت اللى كانت مضروبه بالرصاص ايه اخبارها
الظابط / لاء دى اصابه بسيطه فى الكتف وخرجت من المستشفى
اسلام / شكرآ يا حضرت الظابط
الظابط / انا متأكد انك كنت خطفهم بس الحظ ساعدك والناس اتنازلو والبنات غيرو أقوالهم بس ياريت بقى يكون اللى حصلك ده قرصة ودن وانتبه لمستقبلك
اسلام / طيب حضرتك محدش يعرف حاجه عن اختى
الظابط / اختك عندها عربيه (........)
اسلام / ايوه هى
الظابط / وهى بتحاول الهروب عملت حادثه بالعربيه ونزفت جامد والخبطه جت فى المخ ودخلت فى غيبوبه
اسلام / بدموع اختى عبير م.م.مستحيل لالالا اكيد واحده تانيه صح حضرتك
الظابط / عندك المستشفى روح اتأكد بنفسك الإجراءات كلها خلصت بتاعة خروجك أمضى هنا واتفضل امشى
اسلام / بدموع مضى وخرج من القسم يجرى وقف تاكسى وراح على المستشفى ودخل سأل على الحاله ودخل شاف أخته وقعد جنبها ومسك ايديها وقال بدموع كده يا عبير عايزه تبعدى وتسبينى انا مليش غيرك فى الدنيا امك رمتنا ومسألتش فينا ابوكى بيسافر علطول ومش بنشوف وشه ملناش غير بعض يا عبير انا من غيرك اموت انا عارف ان ده عقاب ربنا ليا على اللى عملتو بس انا خلاص فؤقت مش عايز حاجه من الدنيا غير انك ترجعى ليا وجهاد تسامحنى على اللى عملتو فيها تعرفى انها اخدت الرصاصه مكانى رغم اللى عملتو فيها انا واحد ندل وجبان مستهلش حبها ولا تضحيتها علشانى ارجعى ليا يا عبير ووعد منى هكون ليكى اخ تتشرفى بيه هنصلح حياتنا ونعشها بما يرضى الله جربنا العيشه التانيه ومنفعتناش بحاجه يارب انا مليش وش ادعي بس عارف ان رحمتك وسعت كل شيء اشفى ليا اختى ورجعها ليا من تانى وباس ايد أخته وقعد يعيط
______________________________
فى فيلا لميس
فى اوضت لميس
مسكت تليفونها واتصلت على رقم شريف بس مردش عليها حاولت مره كمان رد عليها وقال
شريف/ نعم متصله ليه
لميس / شريف انا من غيرك بموت وحياة اغلى حاجه عندك سامحنى انا مكنتش اعرف حاجه خالص من دى على عاطف
شريف / سكت ومردش عليها
لميس / بدموع شريف انا بحبك وهتجن عليك بلاش توجع قلبى اكتر من كده
شريف / اول ما سمعها بتقول بتوجع قلبى رد بلهفه وقال انتى تعبانه فيكى حاجه اجى اخدك اوديكى لدكتور
لميس / انا تعبانه من بعدك عنى يا شريف انت دكتورى انت علاجى مش عايزه حاجه غير أن اشوفك وتسامحنى
شريف / خلاص يا لميس اقفلى ولما احس نفسى سامحتك هبقى اجيلك
لميس / بدموع ارجوك بلاش تعمل فيا كده بقولك واحشنى وهتجن عليك بلاش تذلنى اكتر من كده حبك ضعف بس انا مش كرهه الضعف ده بس بجد تعبت من بعدك عنى
شريف/ مش قادر انسى انك سبب عذاب اختى
لميس / بدموع والله العظيم مكنتش اعرف وعمومآ انا اسفه متزعلش منى يا شريف
شريف / سكت ومردش عليها
لميس / بدموع رد عليا بالله عليك
شريف / خلاص يا لميس اقفلى دلوقتى انا فى دماغى مليون حاجه
لميس / قولى ايه اللى فى دماغك وانا اشيل عنك كل حاجه
شريف / ورايا مليون حاجه افتتاح الشركه بكره واختى اللى ما بين ايد ابن خالتك المجنون وتجهيز الفرح بتاعنا وبتاع ريم مليون حاجه فوق دماغى مش ناقصه تيجى انتى كمان وتكمليها
لميس / متشغلش بالك بأى حاجه انا جنبك ومش هسيبك
شريف/ ماشى يا لميس عايزه حاجه
لميس / ايوه عايزه
شريف / اتنهد وقال عايزه ايه
لميس / عايزه شريف بتاع زمان نفسى اسمع منك كلمة حبيبتى بحبك الكلام ده واحشنى منك
شريف / ربنا يسهل باى وقفل التليفون
لميس / بصت على التليفون ودموعها نزلت منها وقعدت تعيط
______________________________
فى فيلا امير
فى اوضت امير
صحى من نومه قام من على السرير دخل الحمام اتوضه واده فرضه وغير هدومه ونزل
امينه / صحيت تعال يا ياحبيبى
أمير / ليه سبتونى نايم لحد دلوقتى
امينه / قولت اسيبك تريح جسمك شويه
أمير / مش وقت راحه يا امى افتتاح الشركه بكره وورايا مليون حاجه لازم اعملها
امينه / كل لقمه وشوف وراك ايه
أمير / وقف وقال مليش نفس انا خارج
سهى / ايه يا حبيبى رايح فين انا عملت ليك الاكل اللى بتحبه
أمير / مليش نفس يا سهى وبعدين ورايا حاجات كتير عايز احضرها علشان الافتتاح
سهى / اجى معاك وبالمره عايزه اشترى فستان علشان الافتتاح بكره
أمير / تيجى معايا فين بس اوعى كده من سكتى
امينه / امير خد مراتك هات ليها اللى عايزاه لو مكنتش انت تخرجها وتشترى ليها مين هيشترى ليها
أمير / يا امى ده وقته يعنى
امينه / مش هتخسر حاجه انت معاك العربيه
أمير / اتنهد وقال حاضر اتفضلى البسى بسرعه
سهى / بفرحه هوا وبسته من خده وطلعت تجرى
امينه / هههههههه حرام عليك شوف الفرحه اللى هى فيها متظلمهاش
أمير / حاضر يا امى
امينه / ربنا يسعدك يارب يا حبيبى
وشويه ونزلت سهى
سهى / انا خلصت بسرعه اهو
أمير / طيب يلا امشى قدامى
سهى / حاضر وخرجت هى وامير وركبو العربيه ومشى بيها على المول ودخلو الاتنين وقعدو يلفو على المحلات وبعد وقت عجبها فستان فى محل قالت الله يا أمير الفستان ده شكله تحفه تعال ندخل نشوفه
أمير / سهى خلصى لسه ورايا حاجات تانيه كتير
سهى / لالالا خلاص حلو اوى الفستان ده عجبنى يلا بقى ودخلو المحل وقاست الفستان واشتريته ولسه خارجين من المحل خبطو فى زهره وملك
زهراء / اتصدمت لما شافت امير ومعاه سهى وقعدت تبص عليهم
ملك / مش تخدى بالك وانتى ماشيه
سهى / انتو اللى مش بتشوفو
أمير / كان بيبص فى عيون زهره وانتبه لصوت سهى وملك
زهراء / خلاص يا ملك محصلش حاجه احنا اسفين
سهى / انتو بجحين بجد تخبطو فينا قصد وعاملين نفسكم مش قصدكم
أمير / خلاص يا سهى
زهراء / امير
أمير / حط أيده على وسط سهى وقربها ليه اكتر وحط أيده التانيه على بطنها وقال المهم ابنى محصلش ليه حاجه
زهراء / بصت على ايد امير اللى على وسط سهى وأيده التانيه اللى على بطنها وحاولت تمسك دموعها وقالت يلا يا ملك
سهى / يلا يا حبيبى ناس تعكر الدم ومسكت أيده
زهراء / بصت على أيديهم وطلعت تجرى من المكان وسندت ضهرها على الحيطه ودموعها نزلت منها وحطت ايديها على بؤقها وقالت ليه ليه تعمل فيا كده يا امير ليه
أمير / بص على زهره وهى بتجرى وغمض عينه بوجع وحبس دموعه واتنهد
سهى / مالك يا حبيبى
أمير / ها و و ولا حاجه يلا اروحك علشان اشوف ورايا ايه
ملك / طلعت تجرى وراه زهره وشافتها وهى بتعيط قالت ليها مالك يا زهره
زهراء / مسحت دموعها وقالت بوجع مفيش يا ملك
ملك / انتى فيه حاجه ما بينك وبين الناس اللى جوه صح
زهراء / ده كان جارنا ودى مراته
ملك/ متأكده أن جاركم بس
وفى الوقت ده خرج امير وسهى وشافتهم زهره
أمير / فتح باب العربيه وقال اركبى
سهى / شافت زهراء وقفه عملت نفسها بتمشى علشان تركب ووقعت فى حضن امير وبصت على زهره من وراه كتف امير وضحكة ضحكت انتصار
زهراء / اول ما شافت المنظر ده دموعها نزلت منها واترمت فى حضن ملك وقعدت تعيط
أمير / خلى بالك يا سهى اركبى يلا
سهى / اه سورى يا أمير كنت هقع كويس انك لحقتنى علشان ابنك ميحصلش ليه حاجه ربنا يخليك ليا يا حبيبى وركبت العربيه
أمير / اتنهد وقفل الباب وراح ركب العربيه ومشى بيها
ملك / أهدى يا زهره
زهراء / هموت يا ملك هموت مش قادره استحمل لمسته ليها
ملك / ده حبيبك صح
زهراء / ده حب عمرى كله يا ملك
ملك / وليه بعدو عن بعض
زهراء / لاء دى حكايه طويله هبقى احكيها ليكى بعدين يلا بينا علشان منتأخرش ويحصل مشكله
ملك / يلا
وركبو العربيه بعد ما اشتروا حاجتهم ورجعو على الفيلا