رواية فتاة انحنت من أجل الحب
الفصل الثالث عشر 13 والرابع عشر 14
بقلم دودو محمد
🌹فتاة انحنت من أجل الحب 🌹
🌷الفصل الثالث عشر🌷
عند امير
روح البيت عندهم دخل على اوضه وقفل الباب عليه ونام على السرير وبص على السقف صورة زهره ظهرت ليه الدموع نزلت من عينه وقال
امير / يارب صبر قلبى على فرقها قلبى وجعنى اوى ومش متخيل أنها بقت من حق حد غيرى الموت اهون الف مره من انها تبعد عنى ومسك تليفونه واتصل على أخته ساره وقال ايوه ساره
ساره / بدموع ايوه يا أمير
امير / خلصو ولا لسه
ساره / انا مش فاهمه حاجه ايه جاب اسلام والمأذون فى اوضت زهره
امير / زهره خلاص مبقتش ليا يا ساره زهره هتتجوز اسلام
ساره / مستحيل ده يحصل زهره ليك يا أمير جواز زهره من اسلام معنى موتك يا أمير
امير / عارف بس ده لمصلحتها هى كان هو ده الشرط بتاعه علشان يتنازل عن المحضر مبقاش ليكى مكان هناك تعالى يا ساره
ساره / انت لازم تعمل حاجه يا أمير امنعهم من الجوازه دى اعمل اى حاجه
امير / خلاص يا ساره زمانهم كاتبو الكتاب تعالى
ساره / انا جايه وقفلت مع امير وبصت على الاوضه من بعيد ونزلت تجرى من على السلالم ووقفت تاكسى وروحت البيت
___________________________
فى المستشفى عند زهراء
زهره اتصدمت لما سمعت كلام اخوها سامح وبصت ليهم وقالت
زهراء / ي.ي.يتجوز مين
احمد / انتى يا زهره
زهراء / مستحيل ده يحصل مستحيل
اسلام / على فكره انا اه اتنازلت على المحضر بس اقدر البسك بلوه اكبر من اللى فاتت دى
شريف / قام مسكه وقال انت بتتكلم كده ليه مين انت علشان تتجوزك انا اختى مخطوبه
اسلام / شد نفسه من ايد شريف وقال هه خطبها عارف ان انا جاى اتجوزها ووافق عادى
زهراء / قامت وقفت وهزت راسها تنفى كلامه وقالت بدموع مستحيل امير يعمل كده مستحيل
اسلام / اسألى اخوكى
زهراء / راحت عند سامح وقالت امير عمل كده يا سامح رد عليا
سامح / عمل كده علشان مصلحتك علشان تخرجى من هنا
زهراء / بعصبيه مصلحتى مصلحتى يسيبنى لغيره انا مصلحتى معاه هو وانا مش هقبل اكون مرات حد غيره فاهمين
احمد / بس ده كان شرط اسلام من الاول يتنازل عن المحضر فى مقابل يتجوزك دلوقتى
زهراء / راحت عند شريف وقالت شريف ورحمة بابا اللى لسه محطوط تحت التراب بلاش تسمع كلامهم انا بحب امير ومستحيل اكون من نصيب حد غيره شريف علشان خاطرى بلاش
سامح / غمض عينه وقال للمأذون اكتب الكتاب
شريف / شد زهره وراه وقال زهره مش هتتجوز ده يا سامح زهره هتتجوز امير
اسلام / نسيت اقولكم انا خليت المحامى يسيب طرف فى القضيه مفتوح علشان لو حصل غدر منكم اختكم تدخل الحجز تانى وغمز ليهم
شريف / شد اسلام وسنده على الحيطه ومسكه من رقبته وقال روحك هطلعها بأيديه واريح الناس من قرفك
سامح وأحمد ادخلو علشان يبعدو شريف عن اسلام
زهراء / قعدت تهز راسها بتنفى لنفسها كل اللى بيحصل ده وشافت الكل مشغول والباب مفتوح خرجت منه ونزلت تجرى على السلالم ونزلت الشارع وكانت مش شايفه قدامها من الدموع وبتجرى ومش بتبص حاوليها وفى الوقت ده جت عربيه خبطتها جامد وطارت زهراء ورسها اتخبطت فى الرصيف والدم قعد ينزل من دماغها والدنيا بدأت تسود تدريجيآ فى عيون زهراء لحد اسودت نهائى والعربيه اللى خبطتها طلعت تجرى والناس اتجمعو حاولين زهره وطلبو ليها الإسعاف وجت شالتها
____________________________
فى المستشفى
قدر احمد وسامح يبعدو شريف عن اسلام
سامح / يا اخى اهدا شويه متعقدهاش اكتر ما هى متعقده امير نفسه جه على نفسه علشان خاطر اختك مش هى كانت مش عايزه امير خلاص يبقى تشرب نتيجة اغلاطها بقى وبيبصو فى الاوضه ملقوش زهره
شريف / هى زهره راحت فين
احمد / اكيد هربت واحنا مشغولين
سامح / بسرعه تعالو ندور عليها قبل ما تروح فى حته بعيده عن هنا وخرجو الاربعه من الاوضه وقعدو يسألو عليها فى المستشفى وفى حد قال ليهم أنه شاف واحده بتعيط وبتجرى وخرجت من المستشفى خرجو الاربعه من المستشفى فى نفس الوقت اللى دخلت فيها عربية الإسعاف اللى فيها زهره
وقعدو يدورو فى الشارع بس من غير فايده اتصلو على البيت علشان يسألو عليها بس محمود قال ليهم مفيش حد جه وقعدو مده طويله يدوره فى الشارع لحد ما تعبو وروحو على البيت
عند زهره دخلت المستشفى وهى مش حاسه بالدنيا وكان وشها كله دم وكله جروح دخلت بسرعه على اوضت العمليات وبعد وقت خرجت زهره وهى فى غيبوبه
الدكتور 1/ طيب دى هنعرف ليه اهل ازاى معهاش حاجه تثبت شخصيتها وحالتها خطيره ودخلت فى غيبوبه والله اعلم هتفوق منها ولا لاء لان عندها شرخ فى الجمجمه وصعب جدآ تخرج منها عملنا اللى علينا ولو عاشت دى تبقى معجزه من ربنا
الدكتور2 / والمشكله أن الجروح اللى فى وشها مضيعه ملامحها خالص وصعب حد يتعرف عليها بالمنظر ده مع أن شكلها مش غريب عليا بس الجروح مش موضحه اوى
الدكتور 1/ اقولك على حاجه دخلها العناية المركزه وحطوها تحت الاجهزه عاشت يبقى كويس ونعرف منها معلومات عنها لو ماتت شيلو من عليها الاجهزه ونبلغ القسم يستلم جثتها
الدكتور 2/ صح عندك حق ودخلوها العنايه وحطوها تحت الاجهزه وهى فى غيبوبه
____________________________
فى بيت توفيق
نبيله / بدموع ليه يارب كل ده بيحصل لينا جوزى ومات وبنتى وراحت منى يارب هونها علينا بقى ورجعلى بنتى سليمه وكويسه كفايه وجع قلب احسن قلبى مبقاش مستحمل وبصت لشريف وسامح وقالت ارتحتو دلوقتى لما اختكم طفشت بسببكم جواز ايه اللى كنتو عايزين تجوزها ده طيب اعملو حساب لعضم التربه اللى مش بقالو كام ساعه افتكرو كلامه قبل ما يموت قال زهره هتتجوز امير تروحو انتو تعملو عكس كلامه اقولكم ايه بس حرام عليكم وجع قلبى ده حرام
شريف / انا مكنتش موافق يا ماما ابنك سامح السبب
سامح /انا السبب علشان كنت خايف عليها وعايز أخرجها من الحبس بأى طريقه
شريف / كنت هتخرجها من الحبس بس كنت هدخلها حبس تانى أكبر اللى عرفتو ان اسلام ده بنأدم مش كويس يعنى كنت هترمى اختك فى النار بأيدك وفى الوقت ده جرس الباب رن
نبيله / قومى بسرعه يا ريم افتحى يارب تطلع اختك
ريم / قامت بسرعه تفتح بس كانت امينه وامير وساره ومحمود
امينه / عملتو ايه برضه ملقتهاش
شريف / لاء يا خالتى
امير / هو ايه اللى لاء الارض انشقت وبلعتها يعنى
سامح / نعمل ايه دورنا فى المكان كله ملقنهاش شكلها ركبت تاكسى وراحت فى حته
ساره / ازاى وهى مش معاها فلوس
شريف / ما هو ده اللى هيجنينى راحت فين وهى مش معاها فلوس
محمود / ممكن تكون ركبت التاكسى وقالت إن الفلوس وقعت منها وصعبت على صاحب التاكسى ووصلها مكان ما هى عايزه
ريم / صعب زهره تعمل كده تتحرج
امينه /يعنى هتكون فين
نبيله / معرفش يا اختى بنتى راحت منى جوزى وبنتى ااااه يا قلبى اااااه انا عايزه بنتى بأى طريقه تنشالو تنحطو تجبوها ليا اتصرفو متقعدوش ليا كده قومو
امير / انا يا خالتى مش هيغمض ليا عين غير لما الاقيها ودخل لبس هدومه ونزلو الاربعه يدوره علي زهره تانى
___________________________
فى فيلا اسلام وعبير
اسلام كان قاعد متغاظ وقال
اسلام / انا غبى كنت سبتها محبوسه احسن فكرت وقولت اتجوزها وازلها بس هربت منى بس هتروح منى فين هجبها هجبها وهنتقم منها وهخليها تتمنى الموت الف مره
عبير / وهى خايفه من ردت فعل سامح قالت استفدت ايه دلوقتى كلهم هيشيلوك الليله وهيقولو انت السبب فى هروبها ومستحيل يسيبوك فى حالك
اسلام / محدش فيهم يقدر يعملى حاجه
عبير / لاء يقدرو اللى زى دول مش بيهموهم حاجه وبياخدو حقهم بالدراع
اسلام / يروحو يشفو اختهم اللى جايبه ليهم العار بطماعها وجشعها
عبير / ابعد عنهم الفتره دى ملكش دعوه بيهم
اسلام / هرقبهم من بعيد لبعيد ويوم ما اعرف انها رجعت برضه هروح اتجوزها وهكسرها وهكسر اللى اسمه خطبها ده وقام وقف وقال انا خارج وسابها وخرج
عبير / ربنا يستر من ردة فعل سامح معايا على الموضوع ده ودخلت اوضتها
____________________________
عند امير وشريف وسامح ومحمود كانو عاملين يسألو فى الشوارع عليها وبعد مده طويله تعبو وراحو قعدو على قهوه وامير قال
امير / احنا لازم نبلغ القسم هما يقدرو يوصلو ليها بسرعه عننا
شريف / ماشى
محمود / مينفعش
سامح / ليه
محمود / لازم يعدى 24 ساعه على الاختفاء
امير / يا سلام يعنى نقعد كده نستنى اربعه وعشرين ساعه علشان نعمل بلاغ عن شخص مفقود
محمود / هو ده القانون مسموح ليك البحث بذات نفسك عن المفقود واذا لما يتم العثور عليه خلال الاربعه وعشرين ساعه بتروح تحرر محضر بالاختفاء
شريف / ده ايه التخلف ده يعنى لو حد مخطوف المجرم هيستنا الاربعه وعشرين ساعه ده يكون عمل اللى عملو فيها
امير / مش قدمنا غير ندور عليها فى المستشفيات والأقسام
سامح / وايه هيوديها هناك
شريف / معرفش بس اهو نحاول مش هنخسر حاجه
امير / انا وشريف هندور عليها فى المستشفيات وسامح ومحمود فى الاقسام
سامح / ماشى
شريف / يلا بينا علشان نلحق وقتنا
محمود / يلا وكل اتنين مشيو مع بعض
عند محمود وسامح
دخلو الاقسام وبدأو يشفو الاسامى بتاعة المحجوزين وكل ما يدخلو قسم يخروجو منه وهما محبطين
وبعد وقت طويل جدآ من البحث ملاقوش اسم زهره فى ولا قسم
____________________________
فى المستشفى اللى فيها زهراء
دخل الدكتور المسؤول عن المستشفى اوض العنايه المركزه وشاف حالة زهره ونده على الممرضه وقال
الدكتور / انتى يا بنت مين دى
الممرضه / دى واحده جت النهارده فى حادثه وحالتها خطيره
الدكتور / وفين اهلها
الممرضه / محدش لسه عارف معلومات عنها وهى فى غيبوبه والدكاتره قالو احتمال ضعيف جدآ انها تعيش
الدكتور / بقرف اعتبروها ماتت وشيلوها من على الاجهزه فى حالات تانيه محتاجه السرير بتاعها ده
الممرضه / صعبت عليها زهره وبصت ليها بزعل وقالت بس يا دكتور حرام لسه فيها النفس
الدكتور / انتى هتعرفى اكتر منى يا حيوانه
الممرضه / لاء حضرتك بس الدكاتره قالت لما الجهاز يوقف خالص ويدى انذار اشلها
الدكتور / وانا المسؤول هنا وبقولك شيلها دلوقتى حالا احنا منعرفش مين دى واكيد نومتها على السرير مش هتجيب لينا فلوس فى ناس هتدفع وهما أوله بى
الممرضه / بصت ليه وقالت بزعل حاضر
الدكتور / نص ساعه ويكون السرير جاهز فاهمه وبص ليها بقرف وسابها
الممرضه / عينى عليكى يا بنتى تلاقى أهلك دلوقتى قلبهم عليكى نار ومش عارفين يوصلو ليكى حرام والله زهرة شبابك دى لله الامر من قبل ومن بعد ولسه هتشيل الجهاز شالت ايديها وقالت فكره فى ناس كتير من أهل الخير معايه الارقام بتاعتهم اتصل بحد فيهم ينقلها فى اى اسعاف ويعالجها فى مكان احسن من هنا يمكن ربنا رايد ليها تعيش وخرجت من الاوضه ومسكت تليفونها وطلبت رقم وقالت السلام عليكم ازيك يا عاطف بى
عاطف / وعليكم السلام ازيك يا سميحه
سميحه / بخير الحمدالله كان ليا طلب عند حضرتك يا باشا
عاطف / أمرى يا سميحه
سميحه / فى بنت غلبانه جت فى حادثه ودخلت غيبوبه وحالتها خطر والمستشفى عايزه تشلها من على الاجهزه وهى لسه فيها الروح علشان مش عارفين ليها اهل ومش هيدفعو الحساب ممكن تخدها فى مستشفى عندكم فى الاسكندريه بس تكون متجهزه كويس لان عندها شرخ فى الجمجمه والحركه خطر عليها
عاطف / طيب ما تخليها عندك وانا اتكفل بكل مصارفها
سميحه / خساره فيهم القرش اللى هيكسبوه من وراها
عاطف / نص ساعه وتكون عندك عربية اسعاف مجهزه تنقلها المطار وتيجى اسكندريه بطياره طبيه مجهزه امن واحسن
سميحه / بفرحه ربنا يبارك فيك ويزيدك من نعيمه ويديك الصحه ويخليك للغلابه اللى زى حالتنا اللهى يجبر بخاطرك وينصرك على من يعاديك
عاطف / ههههههههه خلاص خلاص يا سميحه خلينى اقفل معاكى علشان الحق اتصل بعربية الإسعاف
سميحه / بسرعه اللهى تنستر دنيا واخره
عاطف / هههههه حاضر اقفلى بس
سميحه / قفلت معاه وقالت الف حمد والف شكر يارب ودخلت عند زهره وقالت ربنا يقومك يا بنتى بالسلامه ويرجعك لاهلك سليمه متعافيه يارب وبعد وقت وصلت عربية الإسعاف مجهزه من كل شئ واخدت زهره وخرجت بيها من المستشفى فى نفس الوقت اللى دخل فيه شريف وامير وصلت المطار وحطوها فى الطياره الطبيه المجهزه وراحت على اسكندريه دخلت اكبر مستشفى واتحطت فى العنايه المركزه واتكفل بكل مصارفها عاطف
عند شريف وامير
امير / اول ما دخل المستشفى وقف فاجئه واتنهد فى نفس وقت خروج الاسعاف
شريف / مالك يا أمير
امير / مش عارف حاسس ان روحى راحت منى مره واحده
شريف / لو تعبان استريح
امير / لالالا تعال ودخلو الاتنين وسألو الاستقبال عن مواصفات زهره رد عليهم الاستقبال وقال فى حاله جت بنت فى الحدود دى وكانت حالتها خطر بس ماتت واهلها استلمت جثتها
شريف / بعد الشر لاء احنا اهلها طيب مفيش اى حالات جت تانى النهارده
الاستقبال / لا والله
امير / شكرآ وخرجو الاتنين من المستشفى
شريف / احنا تقريبآ دورنا فى كل المستشفيات
امير / ثوانى اتصل بمحمود اشوفهم عملو ايه واتصل بمحمود واول ما رد عليه قال عملتو ايه يا محمود
محمود / دورنا عليها فى كل الاقسام مش موجوده وانتو
امير / واحنا دورنا فى كل المستشفيات تقريبآ وملقنهاش
محمود / طيب هنعمل ايه دلوقتى
امير / مش عارف تعالو ونتقابلو فى القهوه اللى كنا قاعدين فيها نشوف هنعمل ايه
محمود / ماشى
امير / قفل مع محمود وقال برضه ملقهاش
شريف / يعنى هتكون راحت فين زهره متعرفش حد
امير / بدموع مش عارف يا شريف قلبى اطمن شويه لما أتأكد انها محصلش ليها حاجه ممكن تكون قاعده عند حد خايفه تيجى تجوزوها زفت الطين ده
شريف / والله ما كنت هجوزها ليه
امير / حقها عليا انا انا اللى مقدرتش احميها اكتر من كده بس ترجع واللى هى عايزاه هعملو ليها بس متوجعش قلبنا بالطريقه دى
شريف / ترجع بس واللى هى عايزاه نعملو ليها والله
امير / امشى نروح ليهم على القهوه
شريف/ يلا
____________________________
فى بيت توفيق
كانت نبيله قعده بتعيط وتكلم نفسها
نبيله / بدموع الاتنين يروحو منى مره واحده جوزى وبنتى طيب ليه عملت ايه علشان يحصلى كل ده انا طول عمرى راضيه بالمقسوم وعمرى ما اعترض على قضاء ربنا فى حاجه ولا غلط فى حق حد يجى دلوقتى جوزى يموت وبنتى تروح منى طب ليه طيب توفيق مات وده أجله وانتهى ومستنيه اجلى انا كمان إنما زهره ليه تروح منى انا اه كنت بدعى عليها وازعق ليها وأوقات كمان كنت بضربها بس ده كله لمصلحتها كنت عايزه أشوفها احسن الناس كنت خايفه عليها من طمعها وحبها للفلوس يضيعها وده اللى حصل ااااااه يا بنتى قلبى وجعنى عليكى ومش عارفه جرارك ايه وانتى فين نايمه ولا صاحيه سقعانه ولا مدفيه جعانه ولا شبعانه موجوعه ولا سليمه ليه تعملى فى امك كده يا زهره يارب ردها ليا عاجلا وليس اجلا يارب برد نار قلبى وطمنى عليها ااااااااه ااااااه يارررررررررب
امينه / لا إله إلا الله أهدى يا حبيبتى ربنا يطمنا عليها أن شاءالله قريب اوى
نبيله / يارب يا اختى يارب يكون ده كابوس وهصحه منه
ساره وريم / قاعدين بيعيطو وكل ما نبيله تقول الكلام ده يعيطو اكتر
امينه / قومو يا بنات نامو انتو ده الفجر قرب يأذن
ريم / لاء يا خالتى مش هيجيلى نوم طول ما زهره مش لاقينها
ساره / ولا انا يا ماما انا هستنا الشباب لما يجو واطمن على زهره
نبيله / حد يتصل بيهم يطمنو قلبى عليها
ساره / حاضر يا خالتى ومسكت تليفونها واتصلت على امير وقالت ايوه يا أمير عملتو ايه
امير / بزعل دورنا عليها فى الاقسام والمستشفيات مش لاقينها يا ساره
ساره / وانتو فين دلوقتى
امير / قعدين على القهوه بنشوف هنعمل ايه
امينه / كان صوت تليفون ساره عالى قالت خليهم يجو طيب بدل قعدتهم على القهوه كده
ساره / ماما بتقولكم تعالو
امير / ماشى يا ساره احنا جاين
ساره / قفلت معاه وقالت جاين يا ماما
نبيله / ياترى انتى فين يا بنتى روحتى فين يا حبيبت امك
امينه / احسن حاجه تعمليها يا نبيله قومى اتوضى وصلى ركعتين وادعى ربنا أن يردها ليكى واقرى فى المصحف شويه ده هيريح قلبك شويه
نبيله / حاضر هعمل كده وقامت من على الكنبه بصعوبه وقالت بدموع يارب طمنى على بنتى يارب رجعها ليا يارب ودخلت اتوضت ودخلت اوضتها صلت ركعتين ودعت ربنا يرجع بنتها وقعدت تقراه فى المصحف وبعد وقت وصلو الاربعه ودخل امير ومحمود وساره وأمينه شقتهم
وسامح وشريف وريم دخلو ينامو شويه
ونبيله قعدت تقرأه فى المصحف للصبح
____________________________
فى شقة امير
دخل اوضه هو ومحمود محمود نام على سريره وراح فى النوم وامير وقف فى البلكونه للصبح يدعى ربنا أن يرجع زهره تانى ليه
واشرقت شمس صباح اليوم الجديد فى سماء العاصمه صحى محمود من نومه وبص لاقه امير وقف فى البلكونه قام وقال
محمود / انت منمتش يا ابنى
امير / انام ازاى وروحى بعيد عنى ومعرفش عنها حاجه
محمود / انت كده مش هتصد لا بتاكل ولا بتنام
امير / والدموع فى عينه قال النوم اتحرم عن عينى طول ما زهره بعيده عنى
محمود / إن شاءالله نقدر نوصلها النهارده
امير / يارب يا محمود يارب
محمود / خبط على كتفه وسابه وخرج من الاوضه
امير / رجع بص تانى على الشارع ودمعه نزلت من عينه مسحها ودخل من البلكونه
___________________________
فى شقة توفيق
صحى شريف على صوت تليفونه بيبص لاقه رقم لميس رد عليها وقال
شريف / صباح الخير يا لميس
لميس / صباح النور انتو لسه نايمين
شريف / اصلنا نمنا الصبح علشان كده اتأخرنا فى الصحيان
لميس / طيب اوصف ليا البيت فين بالظبط
شريف / بيت مين
لميس / البيت بتاعكم علشان جاى عندك
شريف / ها لالالا متتعبيش نفسك
لميس / قول بقى يا شريف
شريف / العنوان (.........)
لميس / اوك نص ساعه وهكون عندكم سلام
شريف / قفل مع لميس وقام من على سريره
سامح / فتح عينه وقال فى ايه يا ابنى
شريف / بنت صاحب الشغل والمديره جايه دلوقتى هنا علشان تعزينى
سامح / وفيها ايه ما تيجى
شريف / هروح اشوف امك وخرج من الاوضه
سامح / بص فى الساعه وقام دخل الحمام وشويه خرج دخل اوضه اده فرضه وفى الوقت ده جرس الباب رن
شريف / راح فتح الباب وقال تعالى يا لميس
لميس / سلمت عليه وقالت البقاء الله
شريف / ونعمه بالله اتفضلى
لميس / دخلت وسلمت على نبيله وقعدت جنبها وقالت شدى حيلك يا ماما
نبيله / الشده على الله يا بنتى
لميس / متزعليش هو دلوقتى فى مكان احسن من هنا وحاسس بيكم وشايفكم
نبيله / الله جاب الله خد الله عليه العوض جوزى وبنتى راحو وفى وقت واحد اااااااه يا بنتى
لميس / بصت بأستغراب لشريف
شريف / بصلها وبص على الأرض وسكت
لميس / احم هى بنتك كمان ما
نبيله / قطعتها وقالت بعد الشر إن شاءالله تكون عايشه والاقيها دخله عليا دلوقتى يارب رجعها ليا وريح قلبى عليها
لميس / راحت قعدت جنب شريف وقالت هى ايه حكاية اختك دى
شريف / مفيش تعبت شويه بعد موت بابا وهربت من المستشفى ومن ساعتها منعرفش عنها حاجه
لميس / لا إله إلا الله لا حولا ولا قوة الا بالله ربنا يرجعها بالسلامه ويطمن قلبكم عليها
نبيله / يارب يا بنتى يارب
وفى الوقت ده خرجت ريم من اوضتها وبصت لشريف بأستغراب
شريف / تعالى يا ريم دى لميس المديره عندى فى الشغل وبص للميس وقال دى ريم اختى الصغيره
لميس / قامت وراحت سلمت على ريم وبستها وقالت البقاء لله
ريم / ونعمه بالله
لميس / بصو انتو كلكم زعلانين ده طبيعى بس اكيد مأكلتوش حاجه من امبارح صح
نبيله / ومين ليه نفس ياكل
لميس / قعدت جنبها وقالت يا ماما الحزن ملهوش دعوه بالاكل لازم تاكلو علشان تقدرى تصدو وتقدرو تصلبو طولكم
شريف / انا مليش نفس
لميس / انت بالذات لازم تاكل اخدت بالها من اندفعها قالت قصدى انتو لان الحزن بيضعف الجسم اكتر من الطبيعى
ريم / كل ده مستغربه لميس وافعالها
لميس / تسمحيلى يا ماما اقوم ادخل المطبخ
نبيله / يا حبيبتى المكان كله مطرحك
لميس / بصت لريم وقالت تعالى معايه
ريم / راحت معاها المطبخ ووقفت
لميس / انتى هتوقفى كده يا بنتى حضرى معايه الفطار
ريم / ا.ا اه ماشى وحضرو الاتنين الفطار وحطوه على الطبليه
لميس / يلا يا ماما
نبيله / مليش نفس كلو انتو
لميس / لازم تاكلى لقمه لو حتى صغيره حرام بطنك تكون فاضيه كل ده
نبيله / يا حبيبتى كلو انتو بالهنا والشفا
شريف / خلاص يا لميس سبيها براحتها
وبص لريم وقال ادخلى لسامح وقوليلو يجى
ريم / حاضر يا أبيه
لميس / بأستغراب مين سامح
شريف / اخويه اللى اصغر منى علطول
لميس / اه ماشى
سامح / خرج من الاوضه وسلم على لميس
شريف / اقعد كل لقمه
سامح / مليش نفس
لميس / على فكره غلط اللى انتو بتعملو ده لازم تاكلو علشان جسمكم ما يضعفش وبالتالى حركته تقل وميبقاش عندكم جهد للحركه نهائى
ريم / اقعد يا سامح كل لقمه
سامح / بص للميس بأستغراب وبعدين بص لشريف
لميس / عملت سندوتش وقامت عند نبيله وقالت خدى ده وانتى قاعده كده كلى فيه
نبيله / يا حبيبتى مليش نفس والله
لميس / اللهى بنتك اسمها ايه
نبيله / زهره
لميس / اللهى ربنا يطمنك على بنتك زهره تاكليه
نبيله / بصتلها
لميس / بالله عليكى
نبيله / لا حول الله يارب واخدته وقطمت منه حته
لميس / ايوه كده
سامح وريم / مستغربين اللى بيحصل
سامح / مين دى
شريف / ما قولتلك المديره فى الشركه وبنت صاحب الشركه
سامح / وجايه ليه
شريف / جاى تعزى
سامح / أنت متأكد انها جاى تعزى بس
شريف / ا.ا.ايوه امال ايه
ريم / انا شايفه انها معتبره نفسها من أهل البيت وعايشه حياتها فينك يا زهره لو كانت هنا كانت حرجتها بالكلام
لميس / قعدت معاهم على الطبليه وقالت انتو ليه مش بتاكلو
سامح وريم / بصو ليها بأستغراب
لميس / انا عارفه انكم مستغربين اللى انا بعملو بس انا بجد اول ما دخلت هنا حسيت بدفا العيله حسيت انكم اخواتى وان ماما زى ماما الله يرحمها وحسيت أن البيت بيتى علشان كده مش حاسه ان غريبه وبتحرك فيه براحتى
ريم / احم براحتك البيت بيتك طبعآ وكان نفسنا نتعرف عليكى فى ظروف احسن من كده
لميس /ربنا يخليكى يا ريم وانا أن شاءالله هاجى عندكم علطول لو مكنش يضايقكم
ريم / تنورى يا حبيبتى فى اى وقت
شريف / كلو يلا
وقعدو كلهم يا كلو وبعد وقت خلصو اكلهم وشالت لميس الاكل وغسلت ريم الاطباق
___________________________
فى شقة امير
فى اوضت ساره
صحيت على صوت تليفونها بتبص لاقته رقم احمد ردت عليه وقالت
ساره / السلام عليكم
احمد / وعليكم السلام صباح الخير
ساره / صباح النور
احمد / عملتو ايه لاقيتو زهره
ساره / بزعل لاء
احمد / هتكون راحت فين
ساره / مش عارفه يا احمد الشباب لصبح قلبو عليها الدنيا وكأن الارض انشقت وبلعتها
احمد/ ملهاش قرايب تروح عندها ولا حد
ساره / ساره مش من النوع اللى بيود قرايب وملهاش أصحاب غيرى
احمد / غريبه دى
ساره / احنا هنا كلنا هنتجن عليها
احمد / ربنا يرجعها بألف سلامه
ساره / يارب
احمد / هتنزلى الجامعه النهارده
ساره / لاء صعب لما اطمن على زهره الاول
احمد / ماشى خلى بالك على نفسك
ساره / حاضر مع السلامه
احمد / سلام
ساره / قفلت معاه وقامت من على سريرها خرجت من الاوضه وقالت صباح الخير
امينه / صباح النور
ساره / امير صحه ولا لسه
امينه / اخوكى منمش اصلا
ساره / ولا هينام طول ما هو قلقان على زهره وميعرفش ليها مكان ربنا يرجعها لينا بالسلامه
امينه / يارب حضرى فطار وافطرى انتى واخواتك وانا هروح عند خالتك نبيله
ساره / مش هتفطرى
امينه / اكلت سندوتش كلو انتو
ساره/ ماشى ودخلت الاوضه عند امير وقالت منمتش صح ولا هتنام عرفه انك مش هترتاح طول ما زهره بعيده عنك بس عايزه اقولك هى اه رفضت تتجوز اسلام بس معملتش حساب حبكم وبعدت عنك لو كانت بتحبك بجد كانت حاولت تطمنك لو حتى برساله عليها لأنها هى عارفه بجد انت بتحبها قد ايه وقدايه هتكون انت حزين على غيابها بس كالعاده مفكرتش غير فى نفسها وبعدت عن الكل من غير ما تعمل حساب احساسنا ووجعنا عليها
امير / انتى اللى بتقولى كده يا ساره
ساره / اه يا أمير انا اللى بقول كده انا زعلانه منها وزعلانه عليها زعلانه منها علشان اختارت البعد ومعملتش حساب اللى بيحبوها وزعلانه عليها علشان طمعها وجشعها وصلها لطريق مسدود والكل دلوقتى بيدفع التمن بسببها انا بحب زهره وربنا يعلم أن قلبى وجعنى عليها قد ايه بس برضه عارفه أن دى نتيجة تصرفاتها الطايشه وانت يا أمير اخويه وزعلانه عليك شايفه أن حبها ضيعك وضعفك الحب اللى بجد بيقوى صاحبه مش بيضعفه زى حالتك كام مره زهره اختارت الفلوس على حساب حبك كلنا عندنا طموح بس بنعمل بكل طريقه علشان نوصل ليه بتعابنه ومجهودنا مش على حساب الغير كلنا بنحلم نعيش بعيشه ومستوى احسن وافضل بس عمرنا ما روحنا مشينا الطريق الغلط اللى هيوصلنا بطريقه غير شرعيه للحلم ده الجزاء من جنس العمل واللى الإنسان بيزرعه هو اللى بيحصده اذا كان خير ولا شر مش غلط اننا نغلط ونعترف بغلطنا الغلط اننا نغلط ومنعترفش بالغلط ده ونستمر فيه فوق يا أمير من اللى انت فيه لان زهره حتى لو رجعت عمرها ما هتتغير وهيفضل ده حالها وسابته وخرجت
امير / قعد على السرير وحط راسه ما بين أيده وقال عندك حق فى كل كلمه قولتيها يا ساره بس المشكله عندى فى ده وضرب على قلبه وقال ده ضعيف اوى من ناحيتها اوى يا ساره
___________________________
فى المدرسه عند روز
وصلت جهاد المدرسه وبعدها بشويه روز
روز / بزعل هاى
جهاد / هاى ورحمة الله وبركاته مال وشك على الصبح انا بدأت أكره نفسى من قلبة وشك الصبح دى فى ايه يا بنتى ارحمى امى
روز / بقولك ايه مليش نفس احضر المدرسه النهارده
جهاد / امممم نفسك فى ايه يا حبيبتى نفسك نخرج ونتسرمح مثلا
روز / No يا غبيه ت.ت تعالى نروح نعزى مستر سامح
جهاد / نعمممممم ياروح النونه نروح نعزى مستر سامح دلوقتى ليه كان جنان
روز / فيها ايه بس يا جوجو
جهاد / فيها أن انتى مجنونه وهتجنى امى معاكى يعنى نروح نعزى دلوقتى اكيد الناس من حزنهم نامو متأخر وهيصحو متأخر نروح احنا عاملين ايه نروح نخبط عليهم ونقولهم هاى احنا المجانين اللى جاين نعزيكم فى عز النهار والف الف الف مبروك وعقبال الباقى إن شاءالله الله يحرق اللحظه اللى عرفتك فيها يا شيخه انجرى يا بت قدامى
روز / بلييييييز يا جوجو مش هقدر اركز
جهاد / يا بنتى ربنا يهديكى أهدى شويه نخلص مدرسه ونروح ليه
روز / هوف منك بنأدمه غلسه
جهاد / معلش اصل انا واحده وحشه
روز / بصت ليها بغيظ ومشيت
جهاد / لاء خلاص انا تعبت من البت دى بس بحبها وشكلها كيوت اوى لما بتزعل هههههههههه وبعدين قالت بت يا روز خوه هنا يابت وراحت عندها وبعد يوم مر بصعوبه على روز انتهى اليوم الدراسى وركبو تاكسى وراحو على عنوان بيت سامح وسألو عليه وطلعو خبطو على الباب
ريم / فتحت ليهم وقالت ايوه
جهاد / احم مستر سامح موجود
ريم / ايوه اقولو مين
روز / روز وجهاد
ريم / اتفضلو ودخلو قعدو ودخلت ريم بلغت سامح
روز /بصت على البيت وقالت شكلهم فقرا جدآ
جهاد / الفقر مش عيب المهم البنأدم غنى بثقافته ودينه وأخلاقه
روز / انا مقصدش حاجه ده شئ يتحسب للمستر أنه فقير لكن ممتاز جدآ فى شغله ومؤدب ومحترم جدآ وعنده عزت نفس
جهاد / ايوه فعلا وعلى فكره رغم رخمته فى التعليم لكن أن بحبه شخصيآ
روز / اتغاظت منها وقالت والله طيب ما تروحى تتجوزيه
جهاد / مش الصنف اللى بتمنى اتجوزه انا عايزه واحد ينكد على اللى جابو اهلى بس يكون طيب وحنين فى نفس ذات الوقت
روز/ يا سلام طيب اسكتى المستر جاى
سامح / ازيك يا روز ازيك يا جهاد
جهاد / الحمدالله يا مستر البقاء لله
سامح / ونعمه بالله شكرآ يا جهاد
روز / البقاء الله
سامح /شكر الله سعيكم معلش ياروز مش هقدر اجى اديكى الدرس اليومين دول
روز / ولا يهمك يا مستر المهم تكون كويس
سامح / الحمدالله على كل شئ وبعدين قال ريم هاتى اتنين عصير
ريم / حاضر يا سامح
روز / مفيش داعى يا مستر
جهاد / ريم دى اختك
سامح / ايوه اختى الصغيره
روز / بس فيها شبه كبير منك
وفى الوقت ده جرس الباب رن
ريم / راحت تفتح الباب وكانت على الباب ساره
ساره / انتو عندكم ضيوف
ريم / دول طالبات من عند سامح جاين يعزو
ساره / اممم ماشى هدخل ابص على خالتى
ريم / سبيها نايمه ما صدقنا انها نامت شويه ادخلى اقعدى
ساره / دخلت وقالت السلام عليكم
روز وساره / بصو لبعض وقالو وعليكم السلام
سامح / تعالى يا ساره دى روز ودى جهاد وبص ليهم وقال دى تبقى ساره جارتنا ومتربيه معانا
روز / بغيظ اه هاى
جهاد / ازيك
ساره / الحمدالله
سامح / تعالى اقعدى
ساره /لاء خليكم براحتكم انا هروح عند ريم وسابتهم ومشيت
روز / كانت متغاظه منها
جهاد / قربت من ودن روز وقالت براحه شويه على نفسك اكلتى البت بعينك
روز / عادى يعنى
سامح / فى حاجه
روز / ها ل.ل لا
وفى الوقت ده جرس الباب رن قام سامح يفتح الباب وقال
سامح / اتفضل يا احمد
احمد / دخل وقال طنط عامله ايه
سامح / زى ما هى تعال اتفضل
احمد / دخل ولسه هيقعد اتفاجئ وقال جهاد بتعملى ايه هنا
جهاد / بصدمه احلف وانت عامل ايه بقى مش بتيجى يعنى
احمد / جهاد متستعبطيش رد عليا
سامح / انت تعرفها
احمد / جهاد تبقى اختى
روز وسامح وساره كانت بتسمعهم اتفاجئو
جهاد / احم كنت جايه انا وصحبتى نعزى المستر
احمد / المستر هو انت مدرس عندهم
سامح / ايوه
روز / قربت من ودن جهاد وقالت اخوكى مز اوى يا جوجو
جهاد / اتفضليه يا غاليه بس يؤسفنى اقولك أن هو بيحب واحده
احمد / صدفه غريبه
جهاد / ربما صدفه مش فاضيه نجيبو جهاد
احمد / انتى شايفه أن الوضع هنا يستحمل الهزار
جهاد / احم اسفه
ساره /جابت العصير وادته لروز وجهاد وقالت ازيك يا احمد
احمد / ازيك يا ساره
جهاد / كانت بتشرب العصير واول ما سمعت اسم ساره خرجته كله فى وش روز
روز / ايه ده يا معفنه
جهاد / مسحت وش روز بالمنديل وقالت ا.ا اسفه
احمد / أهدى شويه يا بنتى
جهاد / انتى ساره اللى احمد بيح
احمد / داس على رجل جهاد
جهاد / عااااااا
روز / فى ايه يا بنتى
جهاد / م.م.مفيش
ساره / ايوه انا ساره وانتى بقى اخت احمد
جهاد / للاسف ق.ق.قصدى ايوه
احمد / مش قولتلك أن اختى سكر سكر ما شاءالله عليها
جهاد / بجد انا منبهره من كمية الصدف النهارده
روز / فعلا انا برضه استغربت الصدف بتاعة النهارده
ساره / انتى شكلك أجنبى شويه
روز / مامى وداد مصريين بس اتولد فى أمريكا وعشت عمرى كله هناك ولسه جايه مصر من فتره صغيره
ساره / بس هنا اجمل واحلى من امريكا
روز / انا اول ما جيت واجهت صعوبه فى التعامل مع الناس بس شويه بشويه بتعود
احمد / طيب يلا بينا احنا يا جهاد كفايه كده على الناس وابقى اجى يوم تانى اطمن على طنط
سامح / البيت بيتك اى وقت
احمد / واى حاجه تعرفها على زهره طمنى
سامح / شريف وامير ومحمود نزلو يلفو الشارع عليها تانى
احمد / ربنا يرجعها بالسلامه
سامح / يارب
جهاد / يلا يا روز نوصلك على سكتنا
روز / اوك
سامح / خليها قاعده وابقى اوصلها انا
روز / شكرآ يا مستر بجد لازم اروح دلوقتى علشان دادى ومامى ما يقلقوش عليا
سامح / احم ماشى وشكرآ ليكم على انكم جيتو ليا لحد هنا
جهاد / انت غالى علينا يا مستر كلنا بنعزك
سامح / شكرآ يا جهاد
احمد / يلا يا جهاد يلا يا
روز / أسمى روز
احمد / اسمك حلو اوى
روز / ميرسى
سامح وساره / كانو متغاظين
ونزلو التلاته ودخل سامح اوضه
وريم وساره قعدو مع بعض
ريم / بدموع زهره واحشتنى اوى واحشنى غلستها واستفزازها ليا يارب رجعها لينا بألف سلامه
ساره / وانا والله واحشتنى اوى ودموعها نزلت منها
_____________________________
مر اسبوع بدون احداث تذكر ما بين بحث الشباب على زهراء وما بين وجع قلب نبيله وأمينه والبنات عليها
ومابين اشتياق روز لسامح وزيارة لميس الدايمه ليهم ومابين خوف عبير من ردة فعل سامح رغم انو مكلمهاش من يوميها حالة زهره زى ما هى فى العنايه عايشه تحت الاجهزه وبس وفى يوم دخلت الممرضه ليها علشان تشوف الحاله وتغير ليها المحلول ايد زهره اتحركت وقالت بتعب
زهراء / اممممم انا فين اممممم
الممرضه / يا انسه يا انسه
زهراء/ اممممم
الممرضه / راحت بلغت الدكتور ودخل كشف عليها وقال
الدكتور / انتى سمعانى يا انسه
زهراء / اممم
الدكتور / حاولى تفتحى عينك واحده واحده
زهراء / فتحت عينيها واحده واحده وبعدين قفلتهم بسرعه وكررت نفس الحكايه لحد ما أتأقلمت على النور
الدكتور / شيفانى كويس
زهراء / بصوت واطى ومتعب ايوه
الدكتور / حاسه بأيه
زهراء / بتعب راسى بتوجعنى اوى
الدكتور / ده طبيعى من أثر الحادثه
زهراء / حادثة ايه
الدكتور / انتى اسمك ايه
زهراء /...........
🌹فتاة انحنت من أجل الحب 🌹
🌷الفصل الرابع عشر 🌷
فى شقة امير كانو بيجهزو الشنط بتاعتهم استعداد لسفر الصعيد
فى اوضت امير
كان بيجهز شنتطه وهو بيطلع هدومه من الدولاب وقعت صورة زهراء فى الارض نزل جبها من الأرض وقعد على السرير وبصلها ودموعه نزلت منه وقال
امير / اسبوع بحاله يا زهره معرفش حاجه عنك واحشتينى اوى اوى يا زهره واحشنى ضحتك وكلامك واحشنى نظرت عيونك اه لو اعرف بس انت فين كان قلبى ارتاح عمرنا ما افتراقنا المده دى كلها اول مره تغيبى عنى يازهرتى وحضن الصوره وبعد كده بسها واخدها حطها معاه فى الشنطه وقفل شنتطه وخرج من الاوضه وكانت ساره خلصت ومحمود وأمينه مستنينه
امينه / خلصتو يا ولاد
ساره / ايوه يا ماما
امينه / اكدى على الغاز
ساره / متقلقيش يا ماما أكد على كله ومحبس الميه قفلته
امينه / ماشى يلا بينا
امير / شال شنتطه وشنتطة ساره ومحمود شال شنطته وشنطة امه
وخرجو وقفلو الباب بالمفتاح وبالقفل وراحو خبطو على شقة توفيق
ريم / فتحت ليهم وقالت خلاص يا خالتى ماشين
امينه / ايوه يا حبيبتى جينا نسلم عليكم قبل ما نمشى ودخلت عند نبيله
نبيله / اول مره نبعد عن بعد يا أمينه معرفش ليه كل اللى بنحبهم بيسبونا جوزى وبنتى وانتو
امينه / يا حبيبتى هى كلها اسبوع نخلص إجراءات الورث وهنيجى علطول
امير / متخفيش يا خالتى مش هنتأخر علشان ارجع ادور على زهره من تانى
نبيله / بالسلامه يا حبيبى ربنا يكفيكم شر طريقكم
محمود / عينه منزلتش من على ريم
امير/ شريف انزل دور على اختك انت وسامح زى كل يوم متيأسش حاسس اننا هنلاقوها قريب ان شاءالله
شريف / انت بتوصينى على اختى عمرى ما هرتاح غير لما اوصل ليها
محمود / ريم روحى المكتب عادى وانا مش موجود متتكسفيش علشان هتبقى لواحدك
ريم / وهى حابسه دموعها فى عينيها قالت حاضر
محمود / شاف الدمعه اللى فى عيون ريم كان نفسه يشدها يخدها فى حضنه ويطبطب عليها
ساره/ يلا يا جماعه هنتأخر
امينه / يلا يا ولاد وسلمت على نبيله وريم وسامح وشريف وامير سلم عليهم ومحمود وساره ونزلو الاربعه وقفو تاكسى وركبوه وراح بيهم على محطة القطر وركبو القطر اللى رايح الصعيد
___________________________
فى اسكندريه
فى المستشفى اللى فيها زهراء فاقت والدكتور بدأ يكشف عليها واتفاجئ انها مش فاكره الحادثه اللى حصلت ليها سألها وقال
الدكتور / اسمك ايه
زهراء / أسمى أسمى غمضت عينيها وقالت انا ازاى مش فاكره أسمى
الدكتور /طيب انتى منين
زهراء / م.م.معرفش
الدكتور / طيب عندك كام سنه
زهراء / مش عارفه مش عارفه هو ايه بيحصلى
الدكتور / غمضى عينك
زهراء / غمضت
الدكتور / خدى نفس وخرجى بهدوء
زهراء / عملت زى ما هو قال
الدكتور / صفى ذهنك وحاولى تفتكرى اى حاجه تيجى فى دماغك
زهراء / حاولت تركز وحاولت تفتكر وسمعت صوت رجولى بيقول بكرهك مش بحبك بكرهك والكلمه بتتكرر بكرهك بكرهك بكرهك بكرهك حطت ايديها على ودنها وقالت كفايه وفتحت عينيها
الدكتور / افتكرتى ايه
زهراء / ولا حاجه مش سامعه غير صوت واحد بيقول بكرهك
الدكتور / طيب الصوت ده مش بيفكرك بحد
زهراء / هزت راسها بمعنى لاء
الدكتور / ماشى ارتاحى شويه
زهراء / طيب انا ليه مش فاكره حاجه وايه جبنى هنا اصلا
الدكتور / ارتاحى بس وهتعرفى كل حاجه بعدين خرج من الاوضه وسابها ومسك تليفونه وطلب رقم عاطف وانتظر الرد
عاطف / السلام عليكم
الدكتور / وعليكم السلام
عاطف / خير يا دكتور
الدكتور / المريضه اللى تبع حضرتك فاقت من شويه
عاطف / تمام وايه حالتها
الدكتور / للاسف طلع عندها فقد ذاكره مؤقت
عاطف / ازاى يعنى
الدكتور / يعنى الحادثة عملت ليها فقد ذاكره مؤقت يفضل معاها شهر اتنين تلاته حسب ما تجمع الأفكار فى دماغها تانى وتبدأ واحده واحده تفتكر كل حاجه حصلت ليها من تانى مع العلاج
عاطف / والمطلوب ايه
الدكتور / يعنى اهلها يحاولو يفكروها بذكره ليها حاجه حصلت ليها زمان حبتها أو حاجه وجعتها اكله بتحبها يعنى كل شئ متعلق بالماضى وقبل الحادثه
عاطف / بس انا معرفهاش دى واحده طلبت منى أن اساعدها
الدكتور / خلاص كلمها حضرتك تبلغ اهلها
عاطف / بس على ما اعتقد انها راحت المستشفى لواحدها ومكنش معاها اى إثبات شخصيه
الدكتور / والعمل حضرتك
عاطف / هكلم الست اللى كلمتنى عليها واخليها تحاول تعرف حاجه عنها
الدكتور / اوك يا عاطف باشا اسف ازعجت حضرتك
عاطف / ده انا اللى بشكرك على مجهودك مع المريضه
الدكتور / العفو يا باشا ده واجبى فى رعاية الله مع السلامه وقفل معاه وراح يشوف شغله
عند عاطف
اتصل على سميحه وانتظر ردها وبعد وقت ردت عليه
سميحه / السلام عليكم اذيك يا عاطف باشا
عاطف / وعليكم السلام الحمدالله يا سميحه
سميحه / يارب دايمآ يا باشا
عاطف / سميحه البنت اللى انتى بعتيها فاقت الحمدالله
سميحه / بفرحه الف حمد والف شكر ليك يارب فرحة قلبى ياباشا
عاطف / بس فى مشكله
سميحه / خير يا باشا
عاطف / البنت عندها فقد ذاكره مؤقته ومش فاكره اى حاجه ومحتاجين نعرف مين اهلها علشان يساعدوها ترجع ليها الذاكره
سميحه / بس يا باشا انا معرفهاش وقولت لحضرتك انها جت فى الحادثه مكنش معاها اى إثبات شخصيه
عاطف / عارف بس مفيش حد جه سأل على حد مفقود شرطه بحثت على واحده غايبه
سميحه / لاء محصلش يا باشا
عاطف / طب والعمل
سميحه / مش عارفه والله
عاطف / عمومآ انا عملت اللى عليا وهفضل للآخر معاها لحد ما تقدر تمشى على رجليها وتروح بقى تشوف طريقها
سميحه / لا حولا الله يارب تلاقى قلب اهلها عليها نار بس ياريت يا باشا تعرفها انها من القاهره مش من اسكندريه وتعرفها حكايتها وهى تيجى تدور بقى على أهلها
عاطف / انتى شكلك كبرتى وخرفتى يا سميحه وهى هتعرف اهلها ازاى وهى فاقده الذاكره وانا هشوفها فين علشان احكلها انا مش فاضى ليها يعنى
سميحه / يوه فاتت عليا دى يا باشا اصل البنت صعبانه عليا اوى
عاطف / نصبها بقى يلا سلام
سميحه / سلام
عاطف / قفل معاها التليفون وقعد يلفه بأيده التانيه وبص على الأرض وقال ودى اعمل معاها ايه بس لو سبتها كده لوحدها معرفش ايه هيحصلها وبعدين سكت وقال انت شاغل بالك ليه انت عملت اللى عليك والباقى بتاع ربنا وبدأ يشوف شغله
__________________________
عند سامح
رجع تانى نزل المدرسه وصل سامح المدرسه ودخل شاف عبير وهى واقفه بتبص عليه وهى قلقانه اتجاهلها ومشى بس وقف لما سمع صوت روز بتنده عليه
روز / مستر سامح يا مستر
سامح / بصلها وقال ايوه يا روز
روز / حمدالله على السلامه
سامح / الله يسلمك ياروز
روز / انت كده هتيجى ليا الدرس النهارده صح
سامح / للاسف مش هعرف اليومين الدول يا روز علشان هخرج من المدرسه عندى كذا مشوار
روز / لاء بليز تعال النهارده انت بقالك كتير مش بتيجى المدرسه ولا بتدينى الدرس
سامح / صدقينى يا روز لو كان ينفع كنت جيت
روز / حرام والله
سامح / بصلها بأستغراب وقال هو ايه اللى حرام
روز / بأندفاع مشوفكش كل ده
سامح / بصلها وابتسم
روز / حست نفسها اندفعت فى الكلام بصت فى الارض وقالت بكسوف احم ق.ق.قصدى يعنى مأخدش الدرس
سامح / تمر الظروف اللى عندى وهرجع اديكى الدرس زى الاول يا روز
روز / بزعل ماشى عن اذنك ومشيت
سامح / بص عليها وهى ماشيه وسرح فى زعلها الطفولى وابتسم بس قطع الابتسامه لما شاف عبير واقفه قدامه وقال نعم
عبير / انت نسيت
سامح / نسيت ايه
عبير / نسيت أن انا مراتك مش سأل فيا يعنى
سامح / وهو بيدوس على سنانه وليكى عين تيجى تتكلمى كفايه اختى اللى لحد دلوقتى مش عارفين نوصلو ليها بسبب اخوكى
عبير / وانا ذنبى ايه
سامح / ذنبك انك أخته وكل حاجه بتحصل بتبقو انتو الاتنين متفاقين عليها ولا مفكرانى عبيط وهصدق انك متعرفيش حاجه زى ما بتقولى
عبير / والله مكنتش اعرف ان اسلام هيعمل محضر فى اختك
سامح / يعنى عايزه ايه
عبير / تيجى الشقه النهارده
سامح/ مش فاضى
عبير / خلاص تعال بكره
سامح / عبير انا لا هاجى ليكى النهارده ولا بكره ولا اى يوم تانى
عبير / يعنى ايه انا مراتك وليا حقوق عليك
سامح / انتى مصدقه اللى حصل ده جواز بجد دى حتة ورقه بيعملوها العيال السيس علشان يحللو لنفسهم الزنا والحرام أساس الجواز الاشهار غير كده لعب عيال
عبير / يعنى ايه
سامح / يعنى دى كانت لعبه عملتها علشان اخد الحاجه اللى تخص اختى واخدها والورقه اللى معاكى ابقى بليها واشربى مايتها انا كان ممكن اوريها لاخوكى وامسكها عليكى ذله بس مش انا اللى اعمل كده متعودش اتعامل بالاسلوب الزباله ده بحب اتعامل برجوله اللى اخوكى ميعرفش حاجه عنها ولا كان هيشغله أخته متجوزه عرفى ولا لاء
عبير / بلاش تلعب معايه يا سامح هتخسر صدقنى
سامح / ولا تقدرى تعملى حاجه والورقه دى مضرنيش بحاجه انا راجل لكن هضرك انتى كبنت نصيحه منى انتبهى لدراستك وفكك من اللى بتعمليه ده
عبير / ماشى يا سامح بس ابقى افتكر كلامى أن حظرتك منى وبصت ليه بغيظ ومشيت
سامح / بص ليها بقرف ومشى
كانت سامعه الكلام ده جهاد وكانت مصدومه من اللى سامعته ومبقتش عارفه تقول لروز ولا لاء وراحت عند روز وقعدت جنبها وهى سرحانه
روز / هاى ايه يا بنتى داخلتى و قعدى من غير لا سلام ولا كلام
جهاد / ها سورى يا روز عامله ايه
روز / زفت
جهاد / ليه
روز / المستر مش عايز يجى يدينى الدرس وبيقولى عندى ظروف
جهاد / م.م.معلش يا روز يمكن عنده ظروف بجد
روز / ماشى بس مش هيحصل حاجه لو جه الساعه دى يعنى
جهاد / هو انتى ليه ملهوفه عليه كده
روز / ها ع.ع.عادى يعنى
جهاد / روز لآخر مره بقولك بلاش تعلقى نفسك بمستر سامح
روز / هوف منك يا جهاد كل شويه تقوليلى كده ارحمينى بقى يا بنتى
جهاد / علشان احنا بدأنها لعبه ولازم تنتهى زى ما هى لعبه يا روز
روز / اسكتى بس علشان المستر هيبدأ يشرح
جهاد / بصت ليها شويه وبعده كده بصت للمدرس وهو بيشرح
_____________________________
فى الشركه عند لميس وشريف
دخل شريف المكتب عند لميس وقال
شريف / صباح الخير وقعد على الكرسى
لميس / صباح النور يا قلبى مالك
شريف / تعبت اوى يا لميس وهتجن نفسى اعرف اختى راحت فين ومخلتش حته فى القاهره الا ولما دورت فيها كأن الارض انشقت وبلعتها
لميس / طيب ليه متحاولش تدور عليها بره القاهره
شريف / مش فاهم
لميس / يعنى تكون بره القاهره فى اى محافظه تانيه
شريف / وايه هيوديها هناك واحنا ملناش اى حد خارج القاهره وبعدين مستحيل تكون خارج القاهره هى اصلا لما مشيت مكنش معاها فلوس هتسافر ازاى
لميس / مش عارفه بس بقول مدام مش لاقينها هنا يبقى اكيد فى محافظه تانيه
شريف / مستحيل يا بنتى هى اكيد هنا بس فى حته مش قادرين نوصلو ليها انتى فين بس يا زهره هنموت عليكى وربنا
لميس / قامت وراحت قعدت قصاده على الكرسى ومسكت أيده وقالت إن شاءالله هترجع وربنا هيطمنا عليها
شريف / يارب يا لميس يارب
لميس / طبطبت على أيده وقالت روح يا حبيبى وريح نفسك شكلك منمتش كويس
شريف / مينفعش يا لميس انا بقالى اسبوع مش بنزل الشركه
لميس / ولا يهمك يا عمرى انا بشتغل شغلك وشغلى خليك انت ريح نفسك علشان تقدر تدور على اختك
شريف / بصلها بحب وشد أيده من ايديها ومسك وشها بأيده وبص فى عينيها وقال ربنا يخليكى ليا بجد انتى مفيش منك فى الدنيا دى وقرب منها وبسها فى راسها وقال بحبك
لميس / بصت ليه بحب وقالت انا بعشقك اوى يا شريف بموت فيك انت روحى وعمرى
شريف / سرح فيها شويه وبص على شفايفها وبعدين بلع ريقه و قال احم ا.ا انا هقوم ا.ا اروح
لميس / رجعت شعرها وراه ودنها وبصت فى الارض بكسوف من نظرت عينه وقالت م.م.ماشى
شريف / وقف وقال خلى بالك على نفسك وابقى كلمينى طمنينى عليكى
لميس / روح انت ونام براحتك ولما تصحه ابقى اتصل بيا ماشى
شريف / ماشى ومشى لحد الباب وفتحه وقال لميس
لميس / نعم
شريف / بحبك
لميس / ضحكت وقالت وانا بعشقك
شريف / ضحك وخرج وقفل الباب وراه ونزل وقف تاكسى وروح على البيت
___________________________
عند امير
وصل هو وأمه واخته وأخوه البلد واستقبله عمه وقال (هكتب الحوار عامى عادى علشان الناس اللى معرفتش تقراه الحوار باللهجه الصعيديه )
حسين / البلد كلها نورت يا ولاد اخوى
امير / منوره بأهلها يا عمى
حسين / منوره يا حاجه ام امير فرصه سعيده ان اتعرفت عليكى
امينه / تعيش يا اخويه وتسلم من كل رضى
حسين / سبحان الخالق طالعه كلك عمتك يا بنتى
ساره / بجد يا عمى
حسين / هتشوفيها دلوقتى يلا بينا كلهم فى انتظاركم
امير / يلا يا عمى واخدهم وراحو على الدوار وكان الكل مستنيهم وسلمو على الكل
منار / بدموع ولاد اخويه تعالو فى حضن عمتك واخدتهم فى حضنها وقالت ياااااااه شامه فيكم ريحة اخويه احمد الله يرحمه صحيح اللى خلف مامتش
حسين / سبيهم يا منار يسلمو على الباقى
منار / فرحانه اوى يا اخويه احمد كان واحشنى اوى ولما حضنت ولاده دلوقتى كأنى حضنته هو ربنا يرحمك يا اخويه
حسين / تعالو يا ولاد سلمو على عمكم حسن
امير / اذيك يا عمى
حسن / اهلين
امير / استغرب من معملته الجافه معاهم وبص لأمه واخواته وسلم على الباقى ودخلو قعدو
حسين / الحاجه ام صلاح مراتى عليها شوية اكل هتاكلو صوابعكم وراها وقفت ليكم مخصوص فى المطبخ وعملت ليكم الاكل بنفسها
امينه / عشتى يا اختى تسلم ايدك
ام صلاح / ده النهارده عندنا فرح فى البلد كلها علشان جيتو فيها
امير /ربنا يخليكى يا مرات عمى
حسين / امال فين الأولاد يا ام صلاح يجو يسلمو على ولاد عمهم
ام صلاح / فوق قاعدين على البتاع ده اللى اسمه ابصر ايه ده اللى بيبقى على التليفونات والكمبوتر
محمود / هههههههه اسمه الانترنت يا مرات عمى واسمه كمبيوتر مش كمبوتر هههههههه
ساره / ضربته بالكوع وقالت اتلم شويه
محمود /يا بت براحه وبعدين انا بقولها معلومات عامه هههههههه
ام صلاح / معلش يا ابنى معرفش بيقولو عليه ايه مرات عمك على قدها
ساره / ولا يهمك يا مرات عمى محمود بيحب يهزر بس
حسين / اطلعى نادى عليهم يا ام صلاح
ام صلاح / حاضر يا اخويه وطلعت ندهت عليهم وبعد شويه نزلت
وهما نزلو وراها
حسين / تعالو يا ولاد سلمو على ولاد عمكم وبعدين قال ابنى الكبير صلاح مهندس معمارى متجوز بنت عمه حسن ومعاه ررررو يا ابويه مش بعرف انطقها قولهم اسمها انت يا ولدى
صلاح / ههههههههه اسمها روبين وسلم عليهم
ساره / روبين يعنى ايه أصله اسم غريب اوى
صلاح / روبين اسم ياقوته
محمود / بس اسم جميل
صلاح / ربنا يخليك
امير / ربنا يخليهالك
صلاح / ويكرمك بواحده زيها يارب هتجننك زى ما مجننانى
امير / ههههههههه
حسين / ودى بنتى سها دكتوره
سها / مسلمتش على امير ومحمود بالايد اكتفت بالسلام بالكلام وسلمت على ساره وحضنتها
ساره / بنتك اموره اوى يا عمى
سها / ربنا يخليكى يا سرسور
ساره / والنبى أسمى طالع من شفايفك زى العسل
امينه / ربنا يسعدك يا بنتى ويخليكى يا حبيبتى ماشاءالله قمر
سها / ميرسى يا مرات عمى
حسين / وده اخر العنقود ابنى حسام الفاشل بتاع العيله كلية زراعه
حسام / مالها الزراعه ده لولانا احنا كانت الأراضى بارت ولا ايه يا حاج
حسين / سلم على ولاد عمك الاول
حسام / سلم على ولاد عمه وقال نورتونا اوى والله
امير / ربنا يخليك يا حسام البلد منوره بأهلها
حسام / انت شبه عمى اوى فى الصوره اللى عندنا
حسين / اللى خلف مامتش يا ابنى
حسام / بص لساره ومحمود وقال انتو توأم
محمود / ايوه بس انا على احلى شويه
حسام / تبآ لتواضعك متواضع اخر حاجه
ساره / على فكره إبليس بس اللى بيشكر فى نفسه
حسام /عايزه الحق انتى احلى منه بكتير
امير ومحمود / بصو ليه بغيظ
محمود / ايه يا عم انت اخواتها وعممها واقفين وبتعكسها قدامهم
حسام / وانا كده بعاكس ده انا برفع من روحها المعنويه مش اكتر
امير / محمود بس وبص بقرف لحسام وقال اتشرفنا بمعرفتك
حسين / قومى يا ام صلاح انتى ومنار وسها حضرو الاكل
ام صلاح / من عنيا يا اخويه وبصت لمنار وسها وقالت يلا يا بنات
امينه / مفيش داعى تتعبو نفسكم والله
حسين / تعبكم راحه ياام أمير البيت بيتكم وبص لحسن وقال تعال يا اخوي عايزك
حسن / قام وراح مع حسين
حسين / دخل وقفل الباب وراهم وقال مالك يا اخويه قاعد وساكت ليه كده ومش باين على وشك الفرحه بولاد اخوك وفين مراتك وولادك مجوش ليه مش منبه عليك تجبهم معاك
حسن / فى ايه ياحسين مش نفذت اللى فى دماغك وجبتهم ياخدو من فلوسنا عايز ايه تانى
حسين / كام مره أقولك أن ده حقهم وكنت بدور عليهم من زمان علشان اديهم ليهم
حسن / لاء مش حقهم ابوهم ميت قبل ابويه يبقى هما ملهومش حق
حسين / بس ابويه كاتب لابوهم نص الأملاك قبل ما يموت علشان يعوضه على اللى عملو فيه
حسن / انا ماشى وفتح الباب ومشى
حسين / حسن استنا يا ابنى حسن يخربيت غبائك بنأدم وخرج وكانو حضرو الاكل قعد ياكل معاهم وبعد كده دخلو كل واحد الاوضه بتاعتهم يريحو من السفر
____________________________
فى فيلا احمد
كان قاعد فى اوضه وجهاد رجعت من المدرسه بتاعتها دخلت عنده الاوضه واترمت على سريره
احمد / وده اسمه ايه ما تروحى على اوضك
جهاد / كنت عايزه اخد رأيك فى حاجه
أحمد / ارغى
جهاد / هو انا لو عرفت حاجه مهمه حصلت من وراه صحبتى المفروض اروح أقولها ولا بلاش احسن ما تزعل
احمد / على حسب الموضوع ده ايه
جهاد / بص المختصر أن هى بتحب واحد وانا سمعت بالصدفه أن الواحد ده متجوز عرفى بس غصب عنه مش برضاه يعنى ومحصلش حاجه خالص ما بينه وبين اللى متجوزها
احمد / وايه عرفك أن معملش حاجه كنتى معاهم
جهاد / لاء سمعتهم وهو بيقول دى كانت لعبه علشان ياخد حاجة أخته
احمد / الكلام ده بخصوص سامح صح
جهاد / ها و.و.وانت عرفت ازاى
احمد / اول حاجه صحبتك اللى بتتكلمى عليها دى تبقى روز لأنك ملكيش صاحبه غيرها ثانيآ معنى أن هو ياخد حاجة أخته يبقى قصده على الصور اللى اسلام مصورها لزهره لان ساره حكت ليا وقالت إن حد اده سامح صور لاسلام وزهره ومتعرفش مين
جهاد / ماشى ايوه هو سامح وروز بس هو اتجوز عبير عرفى
احمد / مش انتى لسه بتقولى أن هو قال ليها انها لعبه يعنى مكنش فى نيته يتجوزها وهو اصلا مفيش حاجه اسمها جواز عرفى لأنه حرام اصلا لازم الجواز يتم حسب الشريعه والاسلام
جهاد / طيب اقول الموضوع ده لروز ولا لاء
احمد / بلاش اصل ملهوش لازمه تعرف حاجه زى دى مدام هو معملش كده بقصد جواز ولا حاجه تانيه
جهاد / ماشى طيب وانت عملت ايه مع ساره
احمد / ولا حاجه لسه زى ما احنا
جهاد / ومستنى ايه لما تروح من ايدك انت دخلت فى سنه وشويه بتحبها فى سكوت
احمد / انا ما صدقت اتقبلتنى كصديق ليها خايف اعترف ليها بحبى تكون مش بتحبنى واخسرها كصديقه وحبيبه للابد
جهاد / بس انا مشوفتش كده يوم ما اتقبلنا عند المستر شوفت واحده غيرانه عليك من روز وكانت نفسها تنط فى كرشك وانت بتقول لروز اسمك حلو
احمد / بفرحه بجد
جهاد / زى ما بقولك كده والله اسألنى انا مش بتفهم الواحده غير واحده زيها
احمد / تعرفى يا جوجو لو كلامك ده بجد هجبلك كل اللى تطلبيه
جهاد / ايوه بقى ابعت يلى بتبعت اتصل اتصل واعترف ليها بحبك
احمد / انتى مجنونه مينفعش فى التليفون وبعدين هى مسافره الصعيد عند أهل ابوها وهتقعد اسبوع وهتيجى
جهاد / ده ايه الفقر ده ياربى كنت ناويه ادفعك دم قلبك
احمد / عيب عليكى يا جوجو من غير حاجه لو طلبتى ايه مش ببخل عليكى فيه
جهاد / شهدلله عندك حق بتجيب ليا اى حاجه بطلبها خلاص انا هطلب تجيب ليا باكو شيكولاته
احمد / احلى باكو هيكون عندك بليل
جهاد / وقفت وراحت باست احمد فى خده وقالت بحبك يا ابو حميد
احمد / بلافه ههههههههه
جهاد / ظلمنى والله كده طيب مخمصاك ها وسابته وخرجت من الاوضه
احمد / هههههههه مجنونه
جهاد / بصت من الباب وقالت بس بموووت فيك يا بودى ومشيت
احمد / هههههههههههه
_____________________________
فى اسكندريه
فى المستشفى عند زهراء
كانت قاعده فى الاوضه ودموعها على خدها وكل ما تغمض عينيها علشان تفتكر حاجه تسمع صوت واحد بس وكلمه واحده بكرهك بكرهك بكرهك
دخل الدكتور لاقها حطه ايديها على ودنها وعماله تعيط وتقول بس كفايه كفايه حرررررررام
الدكتور / يا انسه أهدى شويه مش كده
زهراء / اهدا ايه انا مش فكره حاجه خالص وكل ما احاول افتكر اسمع صوت واحد بس وكلمه واحده بكرهك هتجن يا دكتور هتجن انا مين مين اهلى
الدكتور / أهدى بس ده شئ طبيعى بعد الحادثه اللى انتى اتعرضى ليها فقد ذاكره مؤقت وشويه شويه هتفتكرى
زهراء / يعنى انا هرجع افتكر تانى يا دكتور
الدكتور / ايوه طبعآ مع العلاج أن شاءالله هترجعى احسن من الاول
زهراء / طيب انا جيت هنا ازاى مين جبنى
الدكتور / انتى جيتى هنا متحوله من مستشفى فى القاهره وكنتى فى حاله خطيره وفى غيبوبه وبفضل ربنا قومتى بالسلامه
زهراء / طيب مين جبنى هنا
الدكتور / بصى كل اللى اعرفه ان فى واحد اسمه عاطف هو ده اللى متكفل بمصاريف المستشفى
زهراء / يعنى هو من أهلى
الدكتور / على ما اعتقد لاء هو فى حد كلمه وطلب منه أن هو يساعدك
زهراء / طيب اللى كلمه ده يعرفنى
الدكتور / والله معرفش
زهراء / طيب ممكن اطلب منك طلب يا دكتور
الدكتور / اه طبعآ اتفضلى
زهراء / عايزه اشوف اللى اسمه عاطف ده
الدكتور / بس ده راجل اعمال كبير ووقته تملى مشغول
زهراء / بليز يا دكتور
الدكتور / هكلمه واشوف
زهراء / معلش كلمه دلوقتى
الدكتور / حاضر ومسك تليفونه وطلب رقم عاطف وانتظر الرد
عاطف / ايوه يا دكتور
الدكتور / المريضه اللى حضرتك متكفل بمصاريف عالجها طالبه تشوفك
عاطف /بأستغراب تشوفني انا
الدكتور / ايوه
عاطف / ............