اشواق زقته وصرخت بيه : انت بتعمل ايه .
براق : اكون بعمل ايه يعني انتي بقيتي مراتي .
اشواق : مراتك اي انت مصدق الكلام اللي بتقوله ده ..
براق سكت ومردش وهو شايفها لسة منفعله ومش مستوعبه اللي بيحصل .
اشواق : انا هفضل معاك يابراق لحد وقت معين لكن متحاولش تستغل اللي انا فيه ده..
براق كان متعصب من نفورها منه لكنه برضو مش عايز يضغط عليها اكتر وهي لسة هتتكلم شاور ليه بأيده وقال : كفايه انا فهمت اللي انتي عايزاه انا هروح المستشفى عندي مناوبه لو عوزتي حاجه اتصلي بيا .. عندك التلفون الأرضي وبكرى هجيبلك فون وخط جديد.. بعد اذنك .خلص كلامه ومشي وهو حاس أنه مخنوق اكتر يعمل ايه عشان تحس أنه بيحبها. لاحظت اشواق انها زودتها عليه لما شافت ملامحه اتغيرت بس حتى ولو مينفعش يعمل كده...
//اشواق لسة عايشه في الماضي بتاعها//
***********
تاني يوم..
سهام بجديه : انا موافقه اتجوز زين بس متحرميش من ابني
الام بفرحه : ربنا يكملك بعقلك ياحبيبتي انا هروح افرح ابوكي..
سهام : استني يمه عشان خاطري خليهم يجيبولي ابني عاوزه اشوفه
الام : هو لسه بالحاضنه ياحبيبتي ..
سهام : عاوزه اشوفه أن شاء الله من بعيد المهم أشوفه .
الام حاضر يابنتي هروح انده لمصطفى يجي يساعدك.. نوديكي تشوفيه .
***********
براق خبط على الأوضه اللي اشواق نايمه فيها.. ونده عليها .. سمع صوتها بتقول : شويه وهطلع يابراق.
وفعلا خرجت وهي مغطيه شعرها وكأنه راجل غريب.
براق كان حامل معاه موبايل جديد وحاجات تانيه. .
اتكلم من غير مايبص ناحيتها : ده الفون ليكي وفيه خط جديد وسيفت رقمي عندك لو احتجتي حاجه اتصلي بيا فورا هكون عندك.
وخرج علبه كبيره وقال دي شبكتك عشان ملحقناش نعمل حاجه .
اشواق : بس انا مش عايزه حاجه ..
براق : ده حقك زيك زي. ايه عروسه. ولسة هتعترض قاطعها وقال في ست هتجي تعمل شغل البيت كمان شويه بعد اذنك..
خلص كلامه وخرج بسرعه كان عنده امل انها تلين من ناحيتها ويعرف يتقرب منها لما يبقوا ببيت واحد إنما هي حتى مش مدياله مجال. . بالتعامل معاه كأنه غريب .
*********
سهام : اول ماشافت ابنها من ورى الزجاج كانت هتقع وهي بتعيط عشان افتكرت سالم.. سندها اخوها مصطفى وقال : اهدي متخافيش هو كويس بس عشان يطمنوا عليه اكتر..
سهام بصت لمصطفى وقالت بدموع : عاوزه اخده بحضني عاوزه اشم ريحته ياخوي عشان خاطري. خليهم يجبوه ليا..
مصطفى : النهارده اخر يوم ليه في الحاضنه انتي مش عايزاه يبقى كويس سيبه لحد بكرى يجبوه ليكي.. يلاا عشان اوصلك اوضتك ابوكي لو شافك كده هيتعصب...
كانت سهام مستسلمه لكل اللي بيحصل معاها مستقبله قدرها باستسلام تام وهدوء غريب كل اللي بتعمله ده عشان متخسرش ابنها..
اتصلت بيها اشواق عشان تتطمن عليها .. واتصدمت لما بلغتها انها هتتجوز زين. .
اتخانقت معاها اشواق وسمعتها كلام زي السم وقفلت في وشها.. وهي بتقول خاينه كدابه غداره.. متستاهليش حب سالم ليكي..
*************
براق وصل البيت بعد ما اتصلت بيه الشغاله وبلغته أن اخوات اشواق اتخانقو معاها..
دخل البيت وهو بيدور عليها بعيون كلها قلق ورعب عليها هيكونوا عملوا فيها ايه
استقبلته الشغاله واتكلمت بتهتها.. : حضرتك الست اشواق ضربها اخوها وهي قافله الباب على روحها ومش بترد..
خبط الباب وندهن عليها مفيش صوت...
كسر الباب ودخل واتصدم بيها...
24
اشواق كانت من*هاره بت*عيط ومك*سره كل حاجه بالاوضه .. قاعده عالأرض وضامه ركبتيها على صدرها وبتعيط بحرقه...
جري ناحيتها بخوف وهلع : اشواق انتي كويسه حصل ايه..
اشواق رفعت وشها اللي مليان دموع : سالم ما*ت وكلهم نسيوه.. حتى مراته ام ابنه عاوزه تروحي تتجوز عمه زين.. انا بكرها وبكرههم كلهم
اتصدم براق من كلامها ومكنش مستوعب أن سهام ممكن تتجوز زين.. حاول يستوعب كلام اشواق اللي هي اساسا كانت منهاره..
اشواق برجاء : براق. وديني قبر سالم . عاوزه ازوره عاوزه احكيله عن اللي حصل ..من بعده..عاوزه اشتكيله..
حاوط وشها بحنان ومسح دموعها وقال : اشششش اهدي .. اهدي الاول وكل حاجه عاوزاها هتحصل.
اشواق عيطت ودفنت وشها بحضنه كانت في أضعف حالتها...
خرجها براق من حضنه ولاحظ كدمات على وشها غمض عنيه بغضب وقال : مين اللي عمل في وشك كده..
اشواق حسست مكان ضر*ب اخوها يعقوب وسكتت
براق وقف وساعدها تقف وقعدها عالسرير قعد قدامها وقال: صدقيني أيده اللي اتمدت عليكي هكسرهاله وحيات عينيكي .. عشان ميفكرش يكررها تاني.. ولسة هيمشي.. مسكت أيده تمنعه
اشواق : استنى يابراق عشان خاطري متتخانقش معاه
براق بغضب : ده ضربك هتدافعي عنه
اشواق. بدموع : متسيبنيش لوحدي بالوقت ده انا محتجالك
براق مكنش مصدق أنه بيسمع الكلام ده منها قعد جنبها وخدها بحضنه وهو بيقول : انا جمبك ومش هسيبك ابدا..
أشواق بالوقت ده معترضتش بالعكس فضلت في حضنه ودفنت نفسها زي الطفل الصغير...
براق كان مبسوط أوووي اول مره اشواق تكون قريبه منه كده..
**********
عند زين ويعقوب
زين بغضب : مش هتبطل ايدك تسبق لسانك.كده.
يعقوب: مش شايفها اتصلت تشخط فينا كأننا عيال صغيرين قال ايه مش هتتتم جوازتك من سهام...احنا ناقصنا حريم يتدخلو بشغلنا..
زين : ماشي انت عندك حق بس مش بالضرب كده .. كل حاجه ممكن تتحل بكلمتين بالهداوه وبعدها هتشوف اختك اشواق هي اللي هتقوم بالفرح..كله
يعقوب بضيق: انا مش بعرف الف وادور اتصرف أنت معاها..
زين : ماشي بس انت متتدخلش تاني ماشي.
يعقوب : ماشي المهم نخلص من تقسيم الورث بسرعه ..
زين : حاضر اكتب كتابي على سهام وكل حاجه هتتحل...
************
بعد مرور ثلاثة أشهر .. يوم فرح زين وسهام..
سهام كانت واخده ابنها اللي سمته سالم فحضنها بتلاعبه وامها مصره انها تهتم بنفسها عشان هي عروس .
وفعلا أدت ابنها لامها واهتمو بيها هناك.. لبست فستان فرح غصب عنها وبقلبها غصه مش هتنساها ابدا ..
راحت سهام لبيت سالم مره تانيه كعروسه لعمه زين .. لكن في بيت سالم حصلت حاجه قلبت كل الموازين...
قبل كتب الكتاب في نص ساعه دخلت عليهم اشواق وكانت بتزغرد بفرحه وكان الكل مصدوم من فرحتها الكبيره دي وهي اللي فضلت معارضه الجوازه دي .
مرات يعقوب بخبث : ايه يااشواق واخيرا قبلتي بالجوازه دي وقررتي تقفي جمب اخوكي في يوم فرحه..
بصت ناحيتها اشواق بكره وغل وقالت : لا يامرات اخوي انتي فاهمه غلط انا راجعه وفرحانه كده عشان راجل البيت اللي البيت كله قائم عليه رجع من تاني رجع من الموت سالم فاق من الغيبوبه اللي كان فيه وهو دلوقتي عند الرجاله بيستقبلوه لا مراته هتتجوز غيره ولا ابنه هيتربه بحضن حد تاني انهت كلامها الصادم للجميع ونظرت إلى الباب ليدخل سالم بحلته نفسها لقد عاد من الموت وكان براق يخفيه طوال هذا الوقت خوفا عليه..
وقفت سهام وتسمرت بمكانها عندما رأته يديها ترتعش وجسدها ينتفض وقلبه يكاد يخرج من مكانه عاد حبيبها. حبها الاول زوجها ووالد طفلها ذرفت الدموع واسرعت تقف أمامه تنظر إليه بشوق وحب وعشق لم تعلم مالذي ينتظرها منه هامسة بشوق سالم ..
لكنها صدمت عندما ...