رواية حي رمضان جاي الفصل الثالث 3 بقلم محمد منصور
بسم الله توكلت علي الله. وهو رب العرش العظيم
صحيت تاني يوم ولقيت لمار قاعدة علي طرف السرير وماسكة الموبيل بتاعها وبتقول
لا. ما قدرش اجي ازاي بس جوزي هنا انت مجنون
وبتضحك بطريقة تقرف قولت لها ببرود
مي عز الدين عملتها قبل منك.
وقومت من فوق السرير وهي فضلت تمشي وريا والموبيل قدام منها وبتقول
انا ما بخنكش والله ابدا. اوعي تفتكر اني ممكن اعمل كدة
وقفت قدام منها وقولت
لية بس كدة زعلتيني. دة انا كنت فاكرك بتخونيني.
وبصيت للموبيل وقولت
بس عايزك المرة الجاية تخونيني بموبيل شغال لان الموبيل دة جايب شاشة ولسة ما اتصلحش
لمار بصت للموبيل فقولتها
مش دة اللي كان في الدولاب بتاعي تحت الهدوم
لمار بعصبية
طبعا بطلت تغير عليا وتغير لية ما خلود مشاوير عرفت تغيرك عليا. وتخليك قاسي.
كنت في الحمام ساعتها وهي واقفة برة الباب وعماله تقول
فاكر اول جوازنا كنت بتغير عليا ازاي. انما دلوقتي تغير لية. صدقت سميرة حداية لما قالت. تتولد بداية خيانه الراجل نهاية غيرته عليكي.
خرجت من الحمام بصت لها وفضلت ساكت وهي قالت
انت باصص وساكت لية كدة
فتحت بوقي قال يعني هقول حاجة وقفلت بوقي تاني وسيبتها ومشيت. طبعا مشيت ورايا وفضلت تقول
اية يا خويا مش لاقي حاجة تقولها صح ما كلامي كله صح
بصيت لها تاني وفتحت بوقي وقفلته تاني وهي
ب تتعفرت من الحركة دي وقالت
اتكلم انطق قول اني كذابة دافع عن نفسك
قولت
بطلي تتفرجي علي حداية هتخرب بيتنا.
وطلعت تاني طقم من اطقم الميتين ولبسته وقولت انزل اروح افتح محل الملابس بتاعي. وفتحت باب الشقة وهوب الاقي نفسي جوة صوان كبير وناس بطلعني برة الصوان بالعافية وانا بقول
هو في اية. هه. في اية
واحد من اللي كانو بيطردوني قال
يا برودك يا اخي وكمان ليك عين تسأل في اية. تعرف مين انت هنا علشان تيجي تعزي ولا كل دة علشان اللقطة وتطلع صورك في الفيس. غور يا اخي
ولقيت نفسي برة الصوان وقدام مني مذيع لقناة فضائية ومع المذيع مصور شايل كاميرا فيديو وبيقول
اية هو احساسك وانت كل ما تروح مكان تنطرد
قولت وانا مش فاهم حاجة
انا مين المرة دي
المذيع بص للمصور باستغراب ورجع بص لي وقال
انت مش عارف انت مين
قولت
لا. عارف بس انا لسة صاحي ومش مركز
المذيع
صاحي بالليل كدة
رمضان
يا عم قول انا مين واخلص
المذيع
انت ذكي ذكي ذكي. الحداد اللي اطردت من محل كنتاكي ومن وقتها واحنا مش عارفين نخلص من حوارتك ازاي
رمضان بقرف شديد
افتكرته. افتكرتة. دة اللي مات من سنة وارتحنا منه
وبصيت للهدوم اللي عليه وقولت
لا. بقي هو انا اشتريت هدومة. دة اية النحس دة. انا مبحبوش اجيب هدومة لا.
المذيع
ذكي انت بتقول اية
رمضان
والنبي تتلهي وتسكت بلا ذكي بلا زفت دة انا ماكنتش بحبة في الحقيقة. اصحي الاقي نفسي لبسة
وسبت المذيع ومشيت وقعد علي الرصيف وكل اللي رايح واللي جاي عمال يبص لي وجه واد في ثانوي تقريبا وقف جنب مني وقال
قاعد كدة لية يا فنان
قومت لطشتة بالقلم وقولت
كان بيفن فين. دة كل انجازته انه خد لقب. مطرود دة كان فاضل يطرد مرة تانية وياخد كاس العالم في الطرد
الواد وهو ماسك خده
انت بتضربني يا فنان علشان عايز اتصور معاك
ضربت الواد تاني وقولت
هتتصور معايا لية. اية اللي قدمته ليك ولا لغيرك يخليك تتصور معايا. جتكو القرف بتعملو للكيكي سعر
وهنا تقف عربية ملاكي اخر موديل وينزل منها واحد كدة ما تعرفش وشة من قفاة وقف قدام مني وقال وهو بيخبط علي صدرة
اية دة اية دي مونتو. اية دي مونتو. انتش واجري. انتش،واجري. مساكن شيراتون
قولت للواد اللي كنت ماسكة في ايدي
امشي انت علشان الباشا الكبير وصل. باين ان النهاردة يوم المعاتي
مشي الواد وقالي البني ادم دة واللي انا ما عرفش لي اسم فيهكمل معانا الحلقة باسم مولتو قال اية بقي
كنت خارف اني خلا ايك خنا. شختر
بصت وانا مش فاهم هو عايز اية فقولت له
تاني كدة عيد اللي انت قولته علشان واضح ان حروفك كلها خ.
مولتو
مالك يا فنان. خلامي مش مفهوم ولا اية
رمضان
خلامك. لا مفهوم. هو انت بتقول خلام ما يتفهمش
مولتو
طيب يلا بينا ولااية
رمضان
علي فين
مولتو
انت ناسي اننا عندنا ميعاد في التيلفزيون طالعين في برنامج الحخاية
رمضان
الحخاية. الله يخرب بيتكم. بس قولي صحيح انا سمعتك مرة بتقول انك بتعمل صوت بمناخيرك وانت بتخني علشان مش معاك فلوس تجيب الات موسيقية
مولتو
اني صوت دة
رمضان
صوت شنخر مع السلاحف
مولتو
اة. فين السؤخال بقي
رمضان
السوخام جاي اهو. اني الة موسيقية بتعمل صوت الشنخر.
مولتو بكبرياء الصراصير
عفوا عن السؤال. دي حرية شخصية
رمضان
اية عفوا عن السؤال دي فين الاجابة
مولتو
هترخب عربيتي ونمشي نروح مشوارنا ولا اسيبخ وامشي
رمضان
لا وعلي اية هرخب،،،،،،،،،،،،
وروحنا استوديو كبير في قناة ماعرفش اسمها ومش عايز اقول علي الاستقبال ووساخته حاجة كدة زفت يعني واحد جايلنا وكان بيركب لينا المايكات اللي هنطلع بيها في البرنامج وكان بيقول
اشكال وسخة. بس انتو اللي عليكم العين ولازم نجيبكم
بصيت له وقولت
علي فكرة انا سمعك
زعق الراجل وقال
ما تسمع يا خويا انت هتهددني ولا هتهددني. انا قرفان منك ومنه
ومنه دي راجعه علي مولتو اللي قال
عفوا عن السؤال. دي حرية شخصية
خلص الراجل دة تركيب السماعات ليا وراح ناحية مولتو وقال
عرفت الحرية الشخصية
رمضان
بدل ما تلوم علبهم هما لوم علي اللي جابهم وطلعهم علي الشاشة وخلي ولادنا يشوفهم ابطال ويحبوا يتصورو معاهم. اللي اخطر من الاشكال دي علينا الشاشة اللي طلعتهم لينا.
وهنا لقيت رجلي بتسحبني وبتمشي بص لي الراجل دة وقال
رايح فين
بصيت لرجلي وقولت
مش انا اللي سايق
وروحت لغاية الحمام ولقيت الحمامة واقفة علي المبولة من فوق وبتعمل حمام زينا وفي رجليها ورقة من اياها فقولت
اهلا انتي ظهرتي.
بصيت لي وكالعادة وهي قرفانه وبصت للورقة اللي في رجليها والبصة معانها طبعا خد الورقة مني مديت ايدي خدت الورقة لقيت مكتوب فيها
★انا ذكي الميت اللي انت لابس هدومه وانا قبل ما اموت قدرت اوصل للساحر اوز وطلبت منه يعمل لي تعويذة سحرية علشان اقدر اغير الماضي وارجع تاني★
قطعت الورقة ورمتها علي الارض وبصيت للحمامة وقولت
بصي بقي دة بالذات لا. مش هساعده. فاهمه بلغي الساحر اوز اللي بعتك ان كوكب الارض ما صدق انه مات اقوم انا ارجعه تاني. انسو
فجاة لقيت الحمام بيتهز بيا والحمامة راحت ناحيتي وباستني وسابت ورقة مكتوب فيها
★وربنا انا حبيتك دة دمه كان تقيل اوي علي قلبي. وكان نفسي ما يرجعش ابدا. الارض هتتهز شوية من تحت رجليك علشان هترجع تاني لحياتك ★
بصيت للحمامة وقولت
وانا كمان بحبك اوي. بس وحياة امك بلاش ارجع بهدومي الداخ،،،،،،،،،،،،،،
وهنا تقع عيني علي لمار اللي كانت قاعدة في الصاله بتتفرج علي فيلم المراة والساطور بصيت لها وهي بصيت لي اوي وانا بهدومي الداخلية. وقالت
بتحبها واية كمان
بلعت ريقي بالعافية وقولت
دي حمامة
لمار وهي بتصرخ
حمامة. خلود مشاوير بقي دلعها حمامه.
رمضان
وعهد الله انا كنت بكلم حمامة الساحر اوز
لمار برقت وقربت مني ومسكت الفانلة الداخلية وقالت
واضح انك كنت بتزغط حمامة اوز. ما انا عرفاك حنين
ومسكت رقبتي وقالت
عارف يا رمضان انا هعمل فيك اية
رمضان بخوف
اية
لمار شالت ايدها عن رقبتي وقالت
خليها مفاجاة.
وسابتني ودخلت المطبخ وخرجت بكام كيس اسود وساطور وبدأت تسن الساطور قدام مني، ،،،،،،،،،،،،
ونرجع للعيادة تاني ودكتور وئام بيقول
دي خلصت اللي عايز يسمع كمان واحدة يدفع
وولع نور العيادة علشان اشوف خمس بنات كلهم في سن فتاة الاندومي. وكلهم كانو باصين ومركزين معايا اوي فقولت للدكتور
واضح اني انا بقيت فرجة
وئام
ربنا يفضحك اكتر ما انت مفضوح. سيبك من البنات وخش علي اللي بعده
رمضان
هو انا هطلع من عندك سليم في الاخر يعني هخف من اللي جالي ولا انت هتفضح اهلي وزي ما جيت عندك زي ما هخرج
وئام
تعرف يا رمضان اية الغرض من الرحلة
رمضان
اية
وئام
ولا اي حاجة. كمل كمل. ولا استني
وبص وئام للبنات وقال
عامل صنية رقاق باللحمة تستاهل بوقكم مين ياكل معايا
كل البنات قالو
كلنا هناكل
وئام
بس الخرطة ب 5 ج.
البنات قالو
موافقين
وئام بص لي وقال
وربنا انت قدمك اخضر. وانا بغرف للبنات احكي. بس صحيح الهدوم الجاية بتاعت مين
رمضان
بتاعت امينه اللي كانت امين
وئام
العب دي قصة +18 باين
وفتح وئام شباك في عيادتة وقال
حكايات المفضوح عندنا وبس. والقصة اللي جاية +18
رمضان
انت يا مصيبة بتعمل اية
وئام
احنا في الاوضة دلوقتي 7. بس. محتاجين 11 نفر تاني علشان تحكي حكاية +18
ورجع ينادي تاني وكملو ال 18. وبدات احكي حكاية امينه اللي كانت امين. والحكاية بدات لما كنت في مستشفي ولادة والدكتور بيقولي
احزق الواد هينزل اهو
وكنت بصرخ وبقول
هينزل منين وازاي.