رواية رتيل الفصل الخامس 5 بقلم ميرا اسماعيل
ادهم .. هى رتيل اتجوزت !!!
حازم .. هههه اتجوزت لا يا سيدى دول ولادك ولو انى شايف انهم خساره فيك
ادهم .. وووولادى ازاى ؟
حازم .. هو ايه اللي ازاى هى مش كانت مراتك
ادهم .. يعنى انا عندى ولاد من رتيل
حازم .. حسن بيه تعالى نشوف رتيل عقبال ما البيه يجمع ويفكر ازاى يصالح رتيل تانى
ودخولو ل رتيل وحازم اتعمد يسيب الباب مفتوح علشان أدهم يسمع الكلام
رتيل بتعب .. بابا وحشتنى قوى
حسن .. حمدالله على سلامتك يا قلب ابوكى كده يا رتيل انا اخر من يعلم
رتيل .. حقك عليا بس انا مكنتش عايزة ادهم يعرف وبخوف اوعى تكون عرفته
حسن .. لا لا معرفتوش حاجة بس ليه يا بنتى والله ادهم بيحبك وكمان بقا عندكم طفلين زى القمر مش كفاية عليه كده
رتيل بدموع .. بيحبنى ادهم حبه ليا عذاب ووجع بس مفيش حاجة حلوة غير دول وشورت علي الطفلين واياك تقوله يا بابا
حازم .. ازاى بس يا رتيل انا طوعتك الفترة اللي فاتت لانك كنت علي طول تعبانه لكن دول ولاده ومن حقه
رتيل بغضب .. ادهم ملوش حقوق عندى
ودخلت الممرضة .اخدت الطفلين لغرفة الاطفال وادهم وراها علشان يشوف ولاده
حازم من وراها .. هتسميهم ايه؟
ادهم .. رتيل امهم وهى احق منى
حازم.. هى قررت فعلا بس قولت لو عايز ممكن اغير أسماءهم
ادهم وعيونه كلها دموع دموع حنين علي زعل
ادهم .. قررت ايه ؟؟
حازم.. البنت كنز. والولد. اسر
ادهم ... هى لسه فاكره
حازم .. رتيل بتحبك يا ادهم وعمرها متنسا حاجة منك ما بالك بحلم عمركم يكون عندكم طفلين بالاسمين دول
ادهم .. وانا كمان بحبها بحبها جدا يا حازم والله انا اتغيرت وعرفت غلطتى ممكن تساعدني
حازم .. اكيد ممكن دى مهما كان اختى
ادهم بغضب .. اه اختك بس مش لازم تفكرنى
حازم .. مفيش فايده ادهم هو ادهم
ادهم بسرعة .. لا اهو انت اخوها ولو حابب تبقا ابوها كمان ساعدني بقا
حازم .. الهجوم افضل حل الستات بعد الولاده بيكونو محتاجين اى كلمه حلوة هفضيلك الغرفة وانت ادخل ليها وقول كل اللي جواك وصدقنى رتيل بتحبك وهتلين بسرعة
وفعلا حازم عمل كده وادهم دخل عليها
رتيل اول ما شفته انصدمت بس من جواها كانت فرحانه
رتيل .. انت بتعمل ايه هنا
ادهم .. بطمن علي مراتى وام ولادى
رتيل .. بانكسار ولادك ومراتك روح دور في حته تانية
ادهم قرب عليها وباس راسها .. مراتى وحب عمرى انت .مقدرش اعيش من غيرك
رتيل .. لا تقدر وبدليل انك عشت
ادهم .. كنت ميت الحاجة الوحيدة اللي مصبرانى انك مبسوطة
رتيل بتضرب ادهم .. مين قال انى فرحانه انا كنت بتعذب وانت بعيد عني كنت بموت كل ما افتكر اللي حصل وانك بسهولة طلقتنى
ادهم خدها في حضنه .. حقك عليا بس انا نفذت رغبتك
رتيل .. كنت عايزك جنبي لما عرفت انى حامل كنت عايزة اشوف فرحتك امبارح وانا بولد كان نفسي تكون جنبي
ادهم .. حقك عليا هعوضك هعوضك عن كل حاجة
رتيل .. مبقاش ينفع
رتيل .. لا ينفع وافقى وانا أعوضك عن كل حاجة خلينا نربى كنز و اسر معانا في حضننا
رتيل .. وحازم هتبعدنى عنه تانى
ادهم.. بيجز علي أسنانه لا دا اخوكى
رتيل بضحك .. شكلك حلو وانت متغاظ
ادهم بحنان .. وحشتينى يارتيل وحشتنى ضحكتك
رتيل .. وانت كمان
ادهم .. علي فكره انا رديتك ل عصمتى تانى يوم
رتيل باستغراب .. وليه سبتنى أسافر
ادهم .. لانه من حقك تختارى علشان أما ترجعى ليا تانى يبقا اختيارك
وفعلا اتلم العشاق مع بعض بعد ما اتعلمو الدرس كويس
:اوع تسمع كلام من ناس وتبنى عليه أوهام ممكن تهد حياتك
:بمما أننا شركاء مع بعض في حياه مينفعش ابدا نخبي علي بعض اى حاجة او نكدب اى كدبه الكدبه البيضة هتسود والكدبة الصغيرة هتكبر
ادهم ورتيل عملو سبوع للتؤام واتفق ادهم مع حازم انه ينقل شغله في مصر ويتجمعو كلهم مع بعض رتيل ومرات باباها اتصحبو رتيل حبيتها جدا
ادهم ورتيل واقفين قدام التؤام
ادهم .. ربنا يقدرنى وامحى اى حزن أو وجع كنت السبب فيه
رتيل .. طول ما انت وولادى معايا مش عايزة حاجة من الدنيا بحبك يا ادهم
ادهم .. وانا بعشقك
وانتهت رحلة رتيل مع حبك عذاب لكى تبدأ رحلة اخر أحبك لاخر العمر
تمت بحمد الله