رواية حب تحت التهديد الفصل الرابع 4 بقلم جمال المصري
بسم الله ولا إله إلا الله
وفي لحظه بيطلع رجاله مسلحين من تحت الارض و يحاصرو جنينه القصر كلها و بيقتلوا كل المتسللين و بيتم نقل فهد لغرفة نومه و يطلبوا الطبيب الخاص اللي في لحظات بيكون في القصر وبيتم القبض علي كل الموجودين في الحفله بما فيهم عمه رافت والتحفظ علي الكل في سجن تحت القصر
رافت .. يصرخ انتو ايه اللي بتعملوه ده انا عمه وعايز اطمن عليه
واحد من الحرس كل شئ اتغير خلاص فهد بيه اصبح الزعيم وانت عارف انه دلوقتى هو المتحكم في كل حاجه ولحد ما نطمن عليه كلكم هتكونوا هنا ومش عايز ولا كلمه مفهوم ولا لا
رافت .. كان عارف ان الرجاله المسلحين دول هما الرجاله اللي هيحمو فهد بعد ما خلاص رسمي بقي الزعيم رغم انه لسا ما كتبش الكتاب لكن بالنسبه للجيش المنظم ده خلاص هو بقي الزعيم وبقي من الصعب قتل فهد في ظل وجود الرجاله دي وكمان عارف ان سلطة واحد من الرجاله دي بتعدي سلطته وعشان كده بيسكت و يستسلم ليهم
فيروز .. واقفه ساكته وفستانها الابيض كله دم وهي منهاره من العياط ومش متصوره ازاي كل ده حصل دي كانت في حرب
قائد الحارس .. يدخل عليهم و يسال صالح اخبار فهد بيه ايه
صالح .. الدكتور عنده يا تيمور بس انا مستغرب انتو المفروض تظهروا بعد كتب الكتاب عشان وقتها فهد بيه هيكون الزعيم
تيمور .. بالنسبة لنا فهد بيه هو الزعيم ومن دلوقت احنا رجالته وان شاء الله اول ما يوقف علي رجليه يكتب الكتاب
صالح .. ان شاء الله يا تيمور
تيمور .. بيكلم رجالته اقبضو علي كل الحرس والموجودين في الفيلا
صالح .. بس
تيمور .. بيقاطعه انت عارف النظام الكل هيطلع بعد فهد بيه ما يقوم ويستلم الزعامه راسمي
راجل من رجالة تيمور يقرب من فيروز
تيمور .. لا فيروز هانم هي وصالح و الدكتور الوحيدين اللي مالناش سلطه عليهم اسفين يا فيروز هانم يلا روح من هنا شوف شغلك
الدكتور .. بيطلع
فيروز .. طمني يا دكتور فهد عامل ايه
الدكتور .. الحمد لله الرصاصه جات في كتفه بس محتاج حد يراعيه و يخلي باله منه ويغير له علي الجرح
فيروز .. انا عندي فكره في التمريض وانا هفضل جنبه لحد ما يقوم بالسلامه
الدكتور .. اتفضلي دي مواعيد العلاج وياريت العلاج ده يجي بسرعه
صالح .. تيمور ابعت حد يجيب العلاج بسرعه
تيمور .. حاضر يا صالح
فيروز .. بتخبط علي الباب
فهد .. ادخل
فيروز .. بتدخل حمد الله على سلامتك يا فهد
فهد .. الله يسلمك يا فيروز
فيروز .. دي تاني مره تنقذني من الموت والمره دي اخدة االرصاصه مكاني
فهد .. الرصاصه دي اتوجهت عليكي عشان هتبقي زوجتي وكان لازم احميكي
فيروز .. انا هفضل معاك لحد ما تقوم وكمان موافقه علي الزواج
فهد .. لا انتي لازم تمشي من هنا كل ثانيه بتبقي فيها هنا فيها خطر علي حياتك
فيروز .. وانا مش من النوعيه اللي بهرب ولا بخاف يا فهد وخلاص انا قرارت اني هفضل معاك لحد ما ترتب امورك وبعد كده امشي
فهد .. بصوت عالي صالح
صالح .. بيخبط علي الباب وبيدخل نعم يا فهد بيه
فهد .. خد فيروز ووصلها شقتها وخلي رجالتى تحميها هنا مش امان ليها
تيمور .. بيدخل حمدالله على سلامتك يا فهد بيه
فهد .. تيمور انت جيت ازاي
تيمور .. مجرد ما نفذة المطلب وبقيت الزعيم خلاص واجبي اني اظهر و احميك
فهد .. بس لسا الجواز ما تمش ٠٠٠٠٠٠٠تيمور .. الجواز ما تمش بسبب الخيانه لكن من دلوقتى انت الزعيم وانا وكل رجالتي فداك وتحت امرك وفيروز هانم لو مشيت من هنا هتموت لازم تفضل معاك وانا ورجالتي هنحميكم بكل قوتنا مهما حصل
فيروز .. خلاص بقا يا فهد بيه انت هتخاف عليا اكتر من نفسي
فهد .. يعني انتي ما خفتيش من اللي حصل
فيروز .. بصراحه خوفت بس مش معنى كده اني اهرب لا بالعكس لازم أواجه
تيمور .. تحب نعمل ايه في المعازيم كلهم في السجن تحت القصر وكل اللي هاجمو علي القصر ماتوا
فهد .. عرفتوهم مين
تيمور .. واضح انهم من رجالة اندريا الامريكي
فهد .. تمام جهز رجالتك عايز رد قوي ينهي علي اندريا و رجالته عشان مفيش اي حد يتجرأ بس يفكر يهاجم القصر تاني
تيمور .. احنا جاهزين تحب نتحرك دلوقتى
فهد .. لا كام يوم اكون وقفت علي رجلي عشان انا اللي لازم احاسب اندريا واعرف اذا كان فيه حد وراه ولا لا
تيمور .. زي ما تحب يا زعيم وبالنسبه للناس اللي تحت ايه اوامرك
فهد .. سيبهم وهات لي عمي رافت
تيمور .. حاضر يا فهد بيه وبيطلع
فيروز .. معلش يا عم صالح سيبني مع فهد شويه
صالح .. حاضر يا فيروز هانم و بيطلع و بيقفل الباب وراه
فهد .. ايه عايزه تستفردي بيا لا مش وقته
فيروز .. استفرد بيك ايه ليه انت فاكر نفسك مين
فهد .. انا فهد اللي كل البنات بتتمنا بس اني ابصلها
فيروز .. ده علي اساس انك شاروخان بطل هزار انت مجنون عايز تروح تقتل واحد في امريكا
فهد .. ضحك انتي ما تعرفيش قوتي قد ايه وخصوصا بعد ما تيمور ظهر انا اقدر اقوم حروب ودمر دول وعشان تفضلي هنا ما لكيش دعوه بشغلي
فيروز .. ازي انا لازم اعرف كل حاجه مش هكون مراتك
فهد .. ده علي الورق بس يا انسه يعني بلاش تعيشي الدور
فيروز .. ده علي اساس اني هموت عليك يعني بس لازم اعرف عشان اعرف الرصاصه هتجيني من فين
فهد .. لا ان شاء الله مفيش رصاص تاني انا مش مستعد اضرب مكانك تاني
فيروز .. اه هتبدأ تزلني من دلوقتى دي ما كنتش رصاصه دي
فهد .. اه الم فظيع
فيروز .. بتقرب منه بسرعه وخوفها عليه بيظهر علي وشها
فهد .. بيضحك خلي قلبك جامد
فيروز .. انت بتضحك عليا طاب ماشي انا هوريك هعمل ايه فيك
فهد .. لا انا مش قدك خلاص حرمت
تيمور .. بيخبط علي الباب
فيروز .. ادخل
تيمور .. تمام يا فهد بيه طلعت الكل من السجن ورافت بره
فهد .. دخله
رافت .. الف حمدالله علي سلامتك انا كنت هتجنن عليك
فهد .. الله يسلمك وبيمد ايده عشان رافت يبوس ايده وكده يكون قبل فهد كزعيم
رافت .. بص لفهد وزي ما يكون مش عايز يبوس ايده
تيمور .. بيحط ايده علي المسدس
رافت .. عرف ان تيمور هيقتله ما هو عارف العرف بيبص علي فهد وبيقرب منه وبيبوس ايده مبروك الزعامه عليك يا ابن اخويا
فهد .. الله يبارك فيك يا عمي تقدر تمشي
رافت .. بيمشي وعنيه بطق شرار
فيروز .. بتبص لي صالح يا عم صالح انا مش فاهمه حاجه
صالح .. ده اسمه العهد معني انه يبوس ايد فهد انه قبل بزعامته وبعد ما يرجع من امريكا هتكون في حفله كبيره والكل فيها يبايع فهد بيه وكده يكون استلم كل شئ مكان المرحوم ابوه رسمي
فيروز .. دي حاجه زي اللي بنشوفها في المسلسلات التركي القديمه قيامة ارطغر
صالح ..بالظبط كده واي واحد يخون العهد بيموت بطريقه بشعه
فيروز .. انا هروح احضر الاكل
صالح .. الخدم رجعوا لشغلهم
فيروز .. ايه وليه حبستو الخدم و المعازيم
صالح .. ده تقليد قديم اول ما الزعيم الجديد يمسك كل حاجه الكل يتحبس وبيكون مستني حكم الاعدام والزعيم هو اللي يقرر اذا كانوا يموتوا او يرجعوا يكملوا مهامهم كل الحاجات دي هتشوفيها غريبه بس دي عاداتنا
فيروز .. فهمت وانا اللي هحضر اكل فهد لحد ما يقوم بالسلامه
صالح .. زي ما تحبي بس فهد بيه مش بيحب الشطه
فيروز .. حاضر وبتطلع علي المطبخ وبتطلب من وحده من الخدم تجبلها الشطه وبتعمل الاكل وبتزود شطه علي الاخر وبتقول بصوت مسموع انا هوريك يا فهد عشان تتريق عليا
خلف .. الحمد لله اننا لسا عايشين انا خفت يعرفوا اننا احنا اللي بلغنا اندريا بالحفله
رافت .. اخرس الحيطان ليها ودان فهد خلاص بقي الزعيم وتيمور بقي معاه يعني اي كلمه هتطلع هنموت وكمان لسا مش عارفين هيعمل ايه في اندريا وكمان لو اندريا اتكلم يبقا كده حياتنا انتهت
خلف .. والعمل ايه
رافت .. مفيش قدامنا غير الانتظار كل حاجه هتظهر بالوقت لو قرار يهاجم اندريا لازم نروح معاه ونحاول نقتل اندريا قبل ما يتكلم
خلف .. ربنا يسترها لو اندريا اتكلم يبقى انت انتهيت يا رافت بيه
رافت .. مش لوحدك لو ده حصل يبقا هنموت بأبشع طريقه
خلف .. اه الزعيم هيحطنا في شوال جير ويربطه ويرمينا في البحر عشان نموت غرقانين ومحروقين في نفس الوقت
رافت .. انت هتطلطم زي النسوان امشي من قدامي
خلف .. بيمشي وهو بيكلم نفسه من الخوف وبمجرد ما بيطلع بره الفيلا وبيركب عربيته ويبعد شويه بتعدي عربيه وبتقطع عليه الطريق وقبل ما يفكر يعمل حاجه بيلاقي المسدس في دماغه وبيغطو عنيه وبيخطفوه
فيروز .. الاكل جاهز يا فهد
فهد .. انتي بنفسك اكيد الاكل جميل زيك
فيروز .. مش لما تاكل الاول ابقا احكم علي الاكل
فهد .. كفايه انك تعبتي نفسك وبيبدا ياكل وملامح وشه بتتغير