رواية احلام الفصل الثالث عشر13 بقلم وفاء الدرع

ودخلنا الى الفيلا واستغربنا من موقف العربيه اللي جريت اول ما شافتنا ما حدش شاف مين اللي فيها خاف جدي ليكون حد عايز يؤذيه واحد مننا

رد سليم وقال له ما تخافش من اي شيء يا جدي طول ما انا موجود انتم كلكم في رعايتي

 ابتسم جدي وقال انا مش خايف على نفسي انا خايف عليكم وربنا يسترها عليكم يا ابني وكنا جايين كلنا تعبانين ومرهقين كل واحد طلع الاوضه بتاعته عشان ينام 

وفى اليوم التالي مازلت الى جدي وسبت سليم نايم قلت له ازي حضرتك يا جدي قال الحمد لله تعالي يا احلام امال فين سليم وايه اللي منزلك بدري كده قلت له علشان مش عايزه سليم يعرف انا شفت اللي كان في العربيه وهو اسامه ابن صاحب العماره اللي حضرتك كلمته يوم فرحي وانا خايفه ليكون عايز يؤذي سليم 

قال جدي ان شاء الله انا هشوف الموضوع ده بعد فرح اختك امل يا دوبك نجهز للعرس الفرح بعد يومين قلت له حاضر يا جدي لقيت سليم نازل ومستغرب اني ما صحتهوش قلت له ما رضيتش اقلقك ولقيتك في سابع نومه وقلت طالما صحيت هنزل اشوف جدي كنت بكلمه على فرح امل قال سليم ان شاء الله كل حاجه هتكون جاهزه قبل الفرح محمد اتصل بيا وجاي هو والعائله في المساء وقمنا فطرنا 

قلت لسليم انا مش هروح الشركه النهارده لازم ابقى مع امل اليومين دول قال لي نروح الشركه تخلصي الشغل ويجي بعد الظهر وافقت وطلعنا نلبس بص ليا وقال انا حاسس ان في حاجه لكن انت مش عايزه تقولي عليها في ايه يا احلام 

قلت له ما فيش حاجه لقيته زعل وقال براحتك ولبسنا وذهبنا الى الشركه وما كلمنيش ولا كلمه حسيت انه زعلان لكن انا خايفه عليه وخلصنا شغلنا ومشينا الساعه 2:00 بعد الظهر حضرنا وجهزنا جميع مستلزمات الفرح وكان فرح على مستوى عالي جدا وجاء الباشمهندس امجد وامنيه بنته حضروا الفرح معانا كنت بعتبرهم من اهلي كنت سعيده وفرحانه على فرحت اختي امل وبعد كتب الكتاب كان في ضرب نار عالي محمد اخويا اتفزع اخذته في حضني وقلت له ما تخافش يا محمد عقبال فرحك يا حبيب قلبي 

وبعد ما خلص الفرح طلعت اختي الى اوضتها وقعدت اتكلم معاها في اللي هتعمله وبعديها طلع محمد وخرجت انا 

دخلت اوضتي وانا فرحانه بصيت لسليم وقلت عقبال عوضنا يا رب ما ردش علي قعدت اصالح فيه واقنعته ان ما فيش اي حاجه انا مخبياها عليه قال لي انا هعديها لكن انا احساسي ما بيخيبش قلت له يلا يا دوبك ننام علشان العرسان ماشيين الصبح بدري على الساحل الشمالي قال لي ماشي ونمنا وفي الصباح خبطت على اختي وقلت لها اني احلام قالت خشي يا احلام دخلت عليهم كان محمد في الحمام بياخذ دش وهي قاعده زي البدر المنور قلت لها عملت ايه قالت لي كله تمام الحمد لله قلت لها طب اجهزه يلا علشان تلحقوا وقتكم بدري قالت ماشي ونزلت على تحت دخلت المطبخ وجهزت مع الشغاله الفطار وقعدنا فطرنا كلنا مع بعض 

وطلعنا كلنا من الفيلا واحنا بنركبهم العربيه شفت اسامه في ايده مسدس متوجه على سليم وقفت امام سليم واخذت الرصاصه وما حستش بالدنيا وما فيها