شفت حاجه غريبه اسامه ابن صاحب العماره اول ما عيني جت في عينيه خد العربيه وطار بيها قال سليم مالك وشك اتخطف ليه كده
قلت له اسامه موجود هنا بص لي بصه غريبه وقال اسامه مين ده اسامه ابن صاحب العماره اللي انا كنت فيها في القاهره واول ما عيني جت في عينيه خد عربيته وجري
انا مش عارفه ليه هو عمل كده حاسه ان في حاجه
هتحصل عيناه كانت بتطلع شرار وانا خايفه من نظراته
قال لي طول ما انا معاكي ما تخافيش من اي حاجه
بصيت له وابتسمت وقلت له انت عندك حق ومشينا بالعربيه وذهبنا الى الشركه خلصت الشغل واخذته ومشينا بدري
قال سليم انت ماشيه دلوقتي ليه قلت له انا حاسه انك تعبان وعايز تستريح بص لي وابتسم وقال انت حاسه بيا هو صح لكن طول ما انا جنبك تعبك راحه ليا واخذني في حضنه وبسني من جيبيني اول مره حسيت بالامان والحب والاطمئنان وذهبنا الى الفيلا قال ليه جدي وشك ولا البدر هو انت من اللي بيقولوا اللي لا احبابه نسى اصحابه
قلت له انت الاحباب والاصحاب يا جدي قال يلا يا بكاشه ابتسمت له وسالت على اخواتي قال محمد طلع نام وامل قاعده مستنياك جوه علشان محمد عايز يحدد ميعاد الزفاف مستعجل لانه هيسافر بعد شهر وهو عايزها تكون معاه
قلت اللي هي عايزاه انا هعمله لها يا جدي ودخلت ليها
عامله ايه يا قلبي قالت الحمد لله انت عايزه ميعاد الفرح يكون امتى قالت الوقت اللي تحدديه وانا بخبث بعد شهر كويس بسط واتصدمت ده هو هيسافر بعد شهر ازاي بقى هكتب الكتاب ونسافر على طول ضحكت لها وقلت لها الاسبوع الجاي ان شاء الله ميعاد الزفاف وكتب الكتاب
اترمت في حضني من الفرحه وقالت ربنا يخليكي ليا يا حبيبه قلبي قلت لها يلا يا بكاشه روحي اتصلي بمحمد وقولي له على الميعاد جريت على اوضتها تتصل بيه
ذهبت الى جدي وسليم لقيت عمتي قاعده معاهم في الصالون قالت عمتي لسليم ما افتكرتش حاجه قال لا يا امي اول ما افتكر لازم يكون اول واحده تعرف استاذنت منهم علشان ادخل لمحمد اطمن عليه لقيته قاعد وزعلان مش نايم
قلت مالك يا محمد واخذته في حضني قال احنا لما كنا في القاهره كنت بشوفك على طول لكن دلوقتي انا حاسس ان حضرتك بعيده عني قوي
قلت ازاي يا محمد انا كل يوم معاكم لكن الايام اللي فاتت علشان سليم كان في المستشفى وما كانش ينفع اسيبه ده جوزي يا محمد صح ولا انا غلطانه بص ليه وقال صح انا اسف قلت له انت ابني تربيتي قبل ما تكون اخويا ونزل معايا على تحت قعدنا كلنا مع بعض وبعد امل مخالصة المكالمة نزلت قعدت معانا كلنا كنا مع بعض كنت حاسه بفرحه كبيره ان انا في وسط عيلتي واهلي واحبابي كنا بنتكلم وبنضحك ونهزر مع بعض كانت الخادمه حضرت العشاء على السفره وذهبنا الى السفره وبعد العشاء جدي طلب شاي وعمتي وسليم طلب قهوه وقلت لها وانا كمان بص لي وابتسم قالت امل من امتى وانت بتشربي القهوه
بصيت لها وقلت من ضغط الشغل وكل واحد شرب مشروبه وقعدنا كملنا كلامنا في فرح امل وقال جدي ان شاء الله الاسبوع الجاي اكبر فرع هيكون ليكي يا امل انت وابن عمتك وبعد القعده الجميله الحلوه كان ميعاد النوم كل واحد طلع على اوضته وبوست محمد قبل ما يطلع وقلت له عايز حاجه قال لي لا شكرا وطلع مع امل وطلعت انا وسليم على اوضتنا ذهبت الى الدولاب عشان اطالع لي لبس وادخل اخذ دش
جاء سليم وقال لي الطقم ده هيكون عليك تحفه بصيت له وقلت انا عمري ما لبست اللبس ده قال انت متزوجه دلوقتي ولازم تلبسي اللبس ده انا بصيت له واتكسفت قوي قال وانت مكسوفه وشك كله جايب الوان الطيف واخذني في حضنه وقال الايام الصعبه اللي شفتيها هوريكي ايام سعيده وهنا وفرح بصيت له وقلت انا نفسي اعرف انت فاقد الذاكره ولا بتستعبط قال انا بستعبط وهستعبط ليه
قلت انا حاسه بكده بص لي وضحك و قال ،،