وانا في المستشفى ومعي سليم
جاء وكيل النيابه ومعه شخصين الكاتب والرسام اخذ مواصفات اسامه ورسم الصوره
قال لي وكيل النيابه انت تعرفيه كويس
قلت ايوه اخر مره كلمني فيها انا وجدي يوم زفافي اتصدم لما عرف اني هتزوج من شخص اخر
قال وكيل النيابه هو ممكن يكون عايز يقتل سليم من اجلك ورسم الصوره من غير غلطه
شاف الصوره سليم علشان يعثر عليه وبعد اقوالي خرج وكيل النيابه وترك المستشفى
وقال لي سليم انا هروح اخذ دش واغير ملابسي وخرج سليم وتركني لوحدي كان باين الشر في عينيه بعد ساعه جاءت عائلتي كلها وسالوا على سليم
قلت لهم هيغير ملابسه ويرجع على طول اطمنوا عليا
وقلت لامل الحمد لله انا بخير وانت يا محمد خد عروستك وروح بيها على الفندق وقضوا اسبوع العسل قبل السفر كانوا رافضين لكن انا اصريت
وقلت لهم انا بخير وانتم اطمنتوا عليا وربنا يسعدكم الوقت اتاخر وسليم ما رجعش كنت قلقانه عليه قوي خفت لا يؤذي اسامه ويضيع نفسه
جاء لي في الليل وهو فرحان سليم تم العثور على اسامه وسلمته للشرطه
قلت له لازم تنزل الشركه من بكره عشان في شغل كتير والشغل ما يتاثرش
قال لي ماشي هروح لكن لما اطمن عليك وتخرجي من المستشفى بالسلامه
قلت له ازاي انا خروجي من المستشفى على الاقل بعد اسبوعين قال لي مش هخرج من هنا غير وانت معايا وضحك وقال يا جهله
قلت له انا قلت لك ان احساسي ما بيكدبش عليا وكنت متاكده 100% ان انت مش فاقد الذاكره
قال انا فعلا مش فاقد الذاكره وكانت خطه علشان نوقع المجرم اللي عمل كده وكنا عايزين نعرف هو عمل كده ليه
قلت له طيب وايه التغيير اللي انت عملته معي بعد خروجك من المستشفى انت ما كنتش طايقني ولا قابلني
ضحك وقال قبل ما اخرج من المستشفى بثلاث ايام كنت فوقت من الغيبوبه لكن كانت جزء من الخطه وسمعت كلامك ليا وانت بتقولي انت حبي الاول والاخير وعرفتيني ان انت مش جاهله ومتعلمه وانت بتبكي كثير عليا كان قلبي بيتقطع من جوه شفت براءتك وقلبك الطيب الحنين رغم كل القسوه اللي انا كنت بعاملك بيها ما كرهتنيش وفضلت تحبيني حبك ليا بالدنيا وما فيها
كنت فرحانه وسعيده قوي بكلامه وبعد خروجي من المستشفى ما كناش بنسيب بعض لا في الفيلا ولا في الشركه وسافرت اختي امل مع زوجها الى الخارج وانا كنت حامل من يوم دخلتي وذهبت أنا وسليم إلى الساحل الشمالي وعملنا شهر عسل ميتوصفش حسيت بالحب والحنان والاطمئنان معه كل يوم خروج وفسح لكن ممنوع نزول البحر وعوضنى عن كل الصعب اللي كان في حياتي ونزلنا إلى الصعيد
وربنا رزقني بتوام ولد وبنت سمينا الولد ممدوح على اسم بابا والبنت هو سماها على اسمي احلام قلت له ليه عايزين اسم على الموضه اسر على الاسم وقال انت احلامي وحبي فيك لازم اسميه على اسمك فرحت قوي
تمت بحمد الله