دخلت الى الغرفه لقيت عمتي بتقول انت مش عارفني يا سليم
وقال لي انت مين انت كمان قلت له ازاي ما انتش عارفني
قالت عمتي ده مش عارفني انا يا احلام امه هيعرفك انت
رديت وقلت انا مراتك يا سليم نصك الحلو وابتسمت
قال لي وانا مش فاكر اي حد ومش قادر يقف على رجليه بس في نفس الوقت انا فرحت انه قام وفاق بالسلامه،
قلت له حمد لله على سلامتك يا غالي
بصت ليه عمتي وقالت ربنا يديكم لبعض يا بنتي
ودخل الدكتور يطمن على سليم
سالته عمتي سليم مش عارفنا ولا فاكر اي حد
قال الدكتور فعلا هو فاق امبارح بعد الزياره بساعه واحده
لكن لما فاق عرفنا ان فاقد الذاكره وده من تاثير الحادثه
وانا هكتب له على خروج ويعمل علاج طبيعي على رجليه ثلاث ايام في الاسبوع
ولمينا اغراضه وتركنا المستشفى وذهبنا الى الفيلا لقينا جدي واخواتي قاعدين في الصالون
واتفاجئوا بسليم وكانوا فرحانين بيه جدا
لكن جدي زعل على فقدان الذاكره
انا قلت لي ان الدكتور قال دي مساله وقت من تاثير الحادثه وان شاء الله هترجع لي في اقرب وقت
والخدم كانوا بيجهزوا السفره وكلنا قعدنا على السفره واتغدينا وقعدنا شويه مع بعض
وقال سليم انا تعبان وعايز استريح استاذنت من جدي وعمتي واخذت سليم الى اوضتنا لقيته بيقول لي احكي لي حدوته عشان انام
انا بصيت له وضحكت
بيقول لي بتضحكي على ايه
قلت لا ما فيش حاجه ماشي غير هدومك وخش خذ دش وانا هحكي لك الحدوته قبل ما تنام كان بيمشي يعرج جامد من الم في الرجلين ونام على السرير وحكيت له حدوته كوميديه قعد يضحك ومن كتر التعب اللي هو كان فيه نام قبل ما اكملها
وانا نمت معه على السرير وفي الصباح الساعه 6:00 بفتح عيني لقيته بيتامل فيا قوي
بقول له انت بتبص لي ليه كده بص وسكت ما ردش
قلت السؤال ثاني قال لي عشان انا مش عارف هو انا كان في علاقه بيني وبينك
قلت له اه لازم بين الزوجين يكون في علاقه بينهم
رد وقال لي انا جعان وعايز اكل حضرت له فطار بسيط وفطرته واخذ العلاج وفي الساعه 8:00 نزلنا على تحت
وكان الفطار على السفره فطرت وقلت لجدي انا رايحه الشركه قال لي ربنا معاكي يا بنتي
قام سليم وقال لي انا رايح معاكي قلت له انت تعبان
قال هروح معاكي بردك كنت بحس انه طفل صغير كنت بفرح بيه قوي كان غير اللي انا اعرفه خالص كان انسان جديد
وأخذته وذهبنا الى الشركه واحنا نازلين من العربيه
قلت له قول سلام عليكم وخش معايا على طول
قال ماشي
واحنا داخلين على الشركه الامن قال له حمد لله على السلامه يا سليم بيه رديت انا وقلت الله يسلمكم
قالوا للموظفين سلام عليكم ودخلنا على المكتب على طول
وانا شغاله كان بيبص في الاوراق وبيطلع على كل حاجه في المكتب كنت حاسه انه مش فاقد الذاكره وانه شخص عارف كل حاجه من نظراته في الاوراق لكن ما كانش بيتكلم
لقيته بيقول لي ايه اللي انت بتعمليه ده
قلت شغلي قال لي ازاي وانت جاهله
بصيت له باستغراب وقلت انا جاهله ايش عرفك
ارتبك وقال انا مش عارف حاجه مش عارف ايه اللي قلته وايه معنى الكلمه اللي انا قلتها
قلت له لا انت عارف على فكره انا حاسه ان انت مش فاقد الذاكره بص بصه غريبه وقال