رحت الصعيد انا واخواتي اتصدمت في دخولي الى الفيلا شخص طويل عريض وسيم لكن نظراته حاده
قلبي اتخطف اول ما شفته وقلت في بالي اكيد ده هو اللي اسمه الحب من اول نظره قال لي انتم ولاد خالي كنت سرحانه في ملامحه قال لي نفس السؤال قلت له ايوه احنا دخلنا الفيلا اتبهرت بشكله اكني قصر حاجه كبيره قوي وجنينه كبيره وفيها جميع انواع شجر الفاكهة
قلت له مين حضرتك قال لي انا سليم ابن عمتكم
ولقيت جدي نازل من فوق ومعه عمتي الكبيره ام سليم ومعه عمتي الصغيره ام محمد المعيد في الجامعه بتيجي الصعيد كل اجازه قال لي جدي ده سليم ابن عمتك ماسك الشركه بتاعتي هو المسؤول عنها في كل حاجة وله اختين متزوجين الكبيره مع زوجها في الخارج والثانيه متزوجه في اسكندريه ان شاء الله هتشوفيها يوم فرحك
قلت له فرح مين يا جدي قال لي فرحك على ابن عمتك سليم هو اللي هيصونك ويخلي باله منك ومن اخواتك
قلت له لكن انا هتجوز واحد ما اعرفوش ازاي قال لي هو انسب شخص اليك وانا كلمتي هنا بتمشي على اي حد وندى على الشغاله توريني اوضتي انا واخواتي طلعنا على فوق ودخلت الاوضه اكنها ملعب كبيره قوي وفيها ثلاث سراير وفيها انتريه ودولاب حاجه فخمه حاجات ما بشوفهاش غير في السيما والتلفزيون قلت في بالي ربنا عوض صبري خير
قعدت اخواتي في الاوضه وقلت انزل اكلم جدي لقيت سليم بيكلموا وبيقول له ازاي انا بش مهندس كبير واتجوز واحده واحده جاهله و كانت بوابه على عماره خبط وجدي بالقلم وقال له دي بنت خالك وهي واخواتها ليهم نص ثروتي طلعت جاريه على فوق وما حدش خد باله مني قلت في بالي يا ترى هيحصل معايا ايه اكثر من كده بعد ما ارتحنا من السفر كانت السفره اتحضرت من جميع اصناف الاكل اللي قلبك يحبه
قعدنا اكلنا على السفره كلنا وبص ليه جدي وقال ان شاء الله يوم الخميس اللي جاي كتب كتابك ودخلتك انت وسليم وافي نفس اليوم شبكه اختك امل على محمد حسيت ان امل فرحانه ومحمد كمان لكن انا رغم اني حبيته من اول نظره لكن خايفه من اللي جاي