بصله بصدمه بعد أما ركزت في الصوت و و لقيته !!
_ مهند انت !
قالي بحب باين ف عينيه
_ قلب مهند ونور عيني مهند
قولت بصدمه
_ انت بتعمل اي هنا
قالي بحب واضح عليه
_ بشتغل هنا من ساعه م لقيتك مش بتيجي غير هنا قولت اشتغل هنا عشان اشوفك كل يوم
استغربت جدا وقولت
_ هوا انت بتراقبني
قالي بنفس لمعة عيونو الي حفظاها
_ ايوا من ساعه م سبتيني. مشيتي اخر مره وانا بشوفك ف كل حته وبقيت اجي هنا قبل أما اروح شركتي عشان اشوفك من بعيد كل مره كنت بشوفك فيها كان بيكون نفسي اجي اخدك ف حضني واقولك كفايه بُعد بس معرفتش قولت اسيبك لما تتعافي من كل الي حصل وتقفي علا رجلك كنت عايز اشوفك قويه الاول ولما تبداءي تكوني كويسه هجيلك واحاول ارجعك ليا المره الي فاتت مقبلتيش تسمعيني بس النهارده محدش فينا هيمشي من هنا غير لما تسمعي كل الي عندي وساعتها تقرري هترجعيلي أو لا
اتهندت تهنيده طويله وقولت بهدوء
_ اقعد ي مهند سمعاك
قعد بسرعه وقالي بلهفه حب
_ والله الخطوبه دي كانت رسميه جدا البنت دي دكتوره نفسيه كانت صديقه ليا مش اكتر كنت بروحلها العياده عشان اقدر اتعالج لأن كان عندي اكتئاب حاد ف كان لازم اتعالج عشان لما نرجع لبعض ميكونش في عائق بينا يخلينا ممكن نسيب بعض ف يوم كانت معايا طول الست شهور دول لحد اما صاحبي اقترح عليا اخطبها رفضت رفض قاطع أن اخطبها لقيتها اجتلي وقالتلي أنها محتاجه الخطوبه دي عشان تخلص من زن أهلها هنتخطب كام شهر هنبقي اصدقاء مش اكتر وبعدين نسيب بعض عشان أهلها صعبين شويه وبصراحه مرضتش ارفضلها طلب خصوصا انها فضلت جنبي وساعدتني كتير ف كان لازم اردلها الجميل انا كنت بكلمها عنك ع طول وهيا عارفه أن مش هقدر انساكي ولا احب غيرك وبس يستي خلصنا الشهرين وسبتها واهلها سكتو وحاولت افهمك مرضتيش تسمعيني لو عايزه تكلميها تتأكدي معن...
قاطعته بحب وانا بمسك أيده
_ لا مش محتاجه اسمعه من حد كفايه أن سمعت منك وضحكت بحب وانا بقول فكرك مش عارف أن انا عارفه انا كنت عارفه أنك بتراقبني ولما كنت بتتأخر عليا وبتشوفني زعلانه كان بيكون عشان بفكر انك مش هتيجي كنت بفرح اوي لما بتبعتلي الهدايا قدام بيتي وريحه برفانك الي بتسيب اثر قدام الباب كنت بعرفها كنت مستنيه الخطوه دي عشان .. عشان وحشتني ونفسي نرجع
بصلي بفرحه كبيره
_ بجد يا جويريه يعني مصدقاني
ابتسمت بفرحه
_ ايوا مصدقاك كفايه بعد اكتر من كدا انا اصلا مسمحاك بس كنت عايزه ابعد شويه عشان أرتب أفكاري واكون جاهزه نفسيا أن أدخل ف علاقه والحمدلله قدرت اتخطي الي حصل
قال بحماس
_ حيث كدا بقا نتجوز ونعمل فرح كبير بقا ونعزم الناس ونفرح بقا
ضحكت علا جنانه
_ اي دا بسرعه كدا احنا لسه بنتفق
قالي بأعتراض
_ لا والنبي انا مصدقت اخيرا الأمور ترجع لطبيعتها عشان خاطري ي جوري
اتهندت وقولت بأبتسامه حاولت تخرج طبيعيه
_ بس انا مين هيحط ايدو ف ايدك يوم كتب الكتاب مين هيسلمني ليك وبقولك خلي بالك منها انت اخد حته مني حافظ عليها مين هيخرج معايا نشوف فستاني والميكب وهدومي مين هيقف معايا يشوفني محتاجه اي ؟
مسك ايدي بحب
_ احنا مش محتاجين حد جنبنا كفايه انا جنبك وبعدين يستي انا هكون جنبك ف الفرح انا مش كفايه ولا اي
ابتسمت بحب وقولت
_ انت بالدنيا كلها ي مهند والله
بصلي بتفكير وقال بسعاده
_ اي رائيك منعملش فرح ونطلع بفلوسها نعمل عمره
ابتسامتي وسعت وقولت بفرحه
_ دي فكره تحفه بجددد انا موافقه اجيب فستان سيمبل ابيض وحجاب كامل بدون ميكب ونعمل عمره ونبتدي حياتنا بما يرضي الله
_ وانا يستي موافق جدا كمان يلا بينا نقوم نجهز الي محتاجينه نعمل كتب كتاب هنا بحفله بسيطه كدا نعوم صحابنا عشان افرحك
_ ماشي هروح بس ااقدم علا اجازه من الشغل
_ نعم لا مفيش الكلام دا انتي تسيبي الشغل وانا الي هصرف بقا وانتي تقعدي معززه مكرمه ف بيتك
_ انا بزهق من قاعده البيت سيبني اروح الشغل
_ اممم ماشي بس ساعه لما ربنا يرزقنا ب بيبي هتقعدي من الشغل
_ ماشي موافقه
بعد مرور وقت ....
كنت واقفه فستاني الابيض الواسع وسع بسيط وطرحتي ووجهي خالي من اي ميكب شكلي جميل اوي حقيقي زي م كنت بتمني بالظبط مش متخيله أن اخيرا اليوم الي حلمت بيه سنين انا بعيشه دلوقتي قعدت الف بفستاني بفرحه واتفاجئت بدول مهند واقف مبلم
////////////////////////////////////////////
كنت واقف مزهول من شكلها الي يخطف القلب قبل العين شكلها مُبهر مُبهر بدرجه كبيره معقول الجمال دا كلو ليا قربت عليها وعيوني بتدمع لحظه الدراك أن حلمي دلوقتي بيتحقق اخيرا بعد تعب انتظار طال سنين طويله شكرا يا يارب شكرا أن دعوتك انك تحفظها ليا وفعلا مخلتش حد غيري ياخدها
_ بسم الله ماشاء الله تبارك الرحمن اي الجمال دا كله
بصتلي بخجل والي ذادها جمال وحلاوه
_ الف مبروك لينا يحبيبتي
_ الله يبارك فيك يحبيبي
_ يلا بينا ننزل
_ ماشي يلا
مسكت ايديها وانا ماشي جنبها ب البدله البيضه الكلاسيك ونزلنا سوا المكان كان متزين بطريقه انيقه جدا وناس بسيطه صحابي وصحابها ليشاركونا فرحتنا اتجهنا ناحيه الترابيزه عشان نبدأ كتب الكتاب
قال المأذون
_ فين والد العروسه
بصتلي جويريه بتوتر بصتلها عشان تطمن
_ الراجل الطيب دا يا شيخنا
قولتها وانا ببص علا ابو صاحبي امير اقترح علينا أنه يكون هوا الي ماسك ايدي واحنا وافقنا
جه صوت من ورا
_ هتخلي راجل تاني غير ابوكي يحط أيده ف ايد عريسك ي جويريه يبنتي
قومت بفزع من مكاني والحقيقه مش عشانو خالص لا عشان جويريه خايف تتأثر وتتعب تاني بسببه قربت عليها ومسكن ايديها فمحاوله مني أن اطمنها بصتلي بهدوء بس ايديها كانت فيها رعشه واضحه قلقت اكتر عليها بخوف
_ جويريه لو عايزه تمشي تعالي ونعملو ف يوم تاني
بصتلي بهدوء
_ لا احنا هنكتب الكتاب النهارده
ووجهت كلامها لابوها
_ خير حضرتك
بصلها بكسره اول مره اشوفو ف الحاله دي
_ حضرتك ؟ فين بابا الي بتقوليهالي انا عارف أن غلطت وغلطت جامد لما ....
بصتلو بقوه بس انا عارف أن ورا القوه دي شخص بينهار
_ بسسسس متكملش ومش عايزه اسمع حاجه من حضرتك عايز تحضر كتب الكتاب تتفضل تقعد مع المعازيم وارجوك كفايه بلاش مشاكل اكتر من كدا
بصلها بنفس الكسره وهوا بيمشي لأقرب كرسي يقعد عليه وبيبصلها بعيون بتلمع بالدموع
معقول ! بيعيط!! غريبه الدنيا قادره تغير حال الواحد ف ثانيه بس يترا اي الي حصل غيرو كدا ؟!
بصيت لجويريه ومن قلبي كنت مبسوط أنها قدرت تكون قويه ولو حتا قدام الناس
وقفت قصادي ومسكت ايدي بقوه وعيونها فيها حب وو حزن ف نفس الوقت
_ مفيش حاجه يا مهند هتفرقنا تاني احنا لبعض ومكتوبين لبعض من واحنا لسه ف اللفه انسي انسي أن نبعد تاني النهارده هيكون كتب كتابي ع حبيب عمري وشريك ايام الجايه النهارده هيكون اسعد يوم ف حياتي عشان هتكتب ع اسمك
_ وعد مني ليكي قدام الناس كلها انك عمرك م هتندمي ابدا ع اختيارك ليا ووعد مني هصونك وهحترمك وهقدرك ودينا هكون جنبك قبل أما حتا تطلبي انتي حلم اتمنيته سنين وعمري م هفرط فيكي ابدا النهارده هتتكبي ع اسمي ومن للحظتها هتتكتب لينا حياه جديده حياه اوعدك انك مش هتتمني ابدا تخرجي منها
فجأه الناس سقفت ووشوش الناس بتضحك منهم مبسوط بينا ومنهم بيبصو لبعض بحب منتظرين اللحظه الي تجمعهم ببعض زينا منهم الي مش مصدق أن لسه في حب كدا ومنهم قاعد حزين عيونو فيها دموع وبكل كبرياء رافضه تنزل ...
« الحب جميل .. بس مع الشخص الصح الشخص الصح هوا الي هيحسسك أن الحب حلو .. ولاكن لو اخترت شخص غلط هتلاقي نفسك ف دايره انت مش منها ومش شبهك ... اختار صح وانت تلاقي الحياه الي بتتمناها السر ف اختيارك »
قعدت جنبها من جديد ماسك ايدي عم احمد ابو صاحبي بكل سعاده ومع كل كلمه بتخرج من المأذون وانا بيتجدد جوايا احاسيس ومشاعر للحظه تقشعر البدن
بص المأذون ل جويريه وهوا بيقول
_ هل تقبلي الزواج من مهند عبد الله
بصتلي بأبتسامه كلها حب ورضا
_ نعم اقبل
المأذون بصلي انا وقال
_ هل تقبل الزواج منها
فضلت باصص عليها
_ نعم اقبل ... اقبل بكل روح راضيه وبقلب مطمئن
المأذون بسعاده
_ بارك الله لكما وبارك عليكما وجمع بينكما في خير
////////////////////////////////////////////
سمعت الجمله دي وانا قلبي بيرفرف من السعاده المكان لا يسمع اجنحتي
للحظه إدراك أن بقيت على اسمو خلاص
بصيت لمهند بسعاده ودموع الفرح مليت عيني وانا بردد ورا المأذون
_ بارك الله لنا وبارك علينا وجمع بيننا ف الخير
المأذون قعد يقولها والناس بتقول معانا بحب وفرحه لينا
بس انا وهوا كنا ف وادي تاني بنقول معاهم وعينها بتقابل بعضها بكل حب وعشق وقلنا مع بعض
_ بارك الله لنا وبارك علينا وجمع بيننا في خير
واحد صاحب العريس شد المنديل بفرحه
ومهند قام وانا قومت من مكاني وبكل حب سحبني لحضنه والناس سقفت لينا بسعاده
واحد من صحابه بضحك
_ خلاص يعم روميو مش كدا
قاله مهند بضحك
_ لا مش خلاااص دي حلم سنيييين
وفجأه اشتغلت اغنيه تامر حسني حلم سنين
مسك ايدي واتجهنا لدايره متنزينه بطريقه جميله وقفنا داخلها والناس حوطتنا من جميع الاتجاهات ومسكنا ف ايد بعض وبدأنا نرقص بكل حب وسعاده
«« عشنا وشوفناه اليوم اللي اشتقناله ...
إحضني قصاد الناس ... يا حبيبي وماله
ما بقينا لبعض خلاص
زادوا العشاق إتنين اكتب أسامينا ...
كان حلم سنين وسنين ... نبقى لبعضينا
الله على ده الإحساس
ليلة وإنت جنبي ليلة تسوى عمري ليلة
بألف ليلة معاك »».
انتهت الاغنيه وسط فرحه وبهجه ومشاعر مختلطه قرب مني وباس راسي بحب صاحبو بعدين شدوه وصاحبي قربو مني وباركولي ورقصنا سوا
بعد مرور وقت كنت نسيت تماماً وجود بابا للحظه افتكرته دورت بعيني عليه ملقتهوش سبت البنات وخرجت لقيته قاعد علا الرصيف برا قربت ناحيته بهدوء وقعدت
_ مالك !
بصلي بحزن واستغراب
_ بعد كل الي حصلك بسببي سيبتي كتب كتابك عشان تيجي تسأليني مالك ! بلاش تبقي كويسه كدا معايا انا بتكسر اكتر من جوايا لمجرد أن بفتكر انا ازاي كنت اب قاسي وانتي برغم كل دا لسه فيكي الطيبه دي وجايه تسألي عن حالي
قولت بحزن
_ مهما كان ف انت بابايا عايزني اسيبك قاعد كدا
بصلي للحظه وهوا بيقول بدموع
_ بنتي انا اسف سامحيني
بصتلو بحزن
_ متعتزرش انا لما الاقي نفسي هقدر اسامح هسامح ي بابا كلها وقت
دموعو بتنهار اكتر وايدو بتترعش بصيت علا حالتو بأستغراب
_ في اي ي بابا مالك
قال بانهيار
_ انا اسف سامحيني انا غبي والله غبي تعالي بسرعه نرجع الحفله مفيش وقت
وقفت وقلبي مقبوض يترا في اي وبابا خاف كدا لي
_ والنبي يابنتي اجري الحقي مهند
قلبي وقع في رجلي مهند ! ماله اتنفضت بخضه لما سمعت صوت طل.قه مسد.س خرجت وصوت صوتي ملي المكان رجلي اتجمدت مكانها بقيت اجر بيها بالعافيه عشان اقدر اوصل وكل حواس جسدي توقفت لما شوفتو
واقع ع الأرض
الدم محاوطو من كل حته
بس عيونه .. عيونه رافضه تغمض بتدور علا حد معين
ولما وقعت عينه عليا ابتسم بحب
قربت عليه بأنهيار وبجسد مرتعش
_ انت بتعمل فيا مقلب صح اكيد دا مش حقيقي الناس راحت فين واي الدم دا قوم بقا كفايه هزعل منك والله ومش هكلمك تاني مهند انت مبتردش ليه مهند رد عليا
فتح عيونو بتعب شديد وهوا بيقول بتعب ونبره عشق
_ كان نفسي نكمل سوا ونخلف صبيان وبنات ا. ا كان نفسي نكون سوا بس .. كفايه انك بقيتي علا اسمي وان الي عشت أتمناه اتحقق اخيرا وعدتك انك هتكوني اول واخر واحده تتكتب علا اسمي ووفيت بوعدي .. ا.ا خلي بالك من نفسك و..
مسكت وشوو بعياط شديد
_ انت بتقول اي اسكت اسكت متقولش كدا انت هتقوم فاهم ولا لاء مش هسمحلك تبعد عني أنا مصدقت نعيش سوا هتسبني بكل سهوله كدا
قالي بتعب شديد وعيونو بتغمض
_ اا انا بحبك بحبك يا جويريه اوي خلي .. خلي بالك من نفسك ... اشهد ان لا اله الا الله واشهد أن محمداً رسول الله......
قلبي اتقبض ودمي نشف قولت بعدم استيعاب وانا بهز فيه
_ مهند مهند انت بتهزر صح مهند قوم والنبي مهند عشان خاطري متسبنيش وحياتي عندك ديما لما بحلفك بحياتي بتسمع كلامي مهند والنبي مليش غيرك متسبنيش مهنددددد مهنددد لاءاااا
بصيت علا بابا بأنهيار لقيته بيبكي!
_ بابا قولو يقوم بابا عشان خاطري خليه يقوم بابا رد عليا مهند مهند انت مش هتسبني انا فاهم
بعد وقت.....
كنت قاعده ف الشارع بتوهان مش حاسه بأي حاجه حوليا غير صوت مهند وهوا بيودعني دموعي بتنزل بصمت ملامحي بهتت من العياط والحزن خصوصا بعد أما اكتشفت أن بابا كان سبب ف انو يبعد عني مفوقتش غير وانا شيفاهم شايلينه ف النعـ.ش قعدت ع الأرض بعياط شديد جسمي مش قادره اشيلو من التعب اجو اتنين صحابي سندوني
واحده من صحابي
_ تعالي اطلعي البيت انتي تعبانه
قولت بعياط
_ لا لا انا عايزه امشي ف الجناز.ه
وفعلا سندوني ومع كل كلمه بتخرج من الناس جوايا حاجه بتنطفي حاجه مستحيل تنور من جديد
بعد مرور أربع سنوات
«««بااااك »»»
عشان خاطري يبنتي وافقي متوقفيش حياتك بقالك 4 سنين ع الحال دا
بصيت ل بابا ب ملل
_ وانا قولت لا ي بابا مستحيل خلاص انا معتش بفكر ف الجواز
شوفت ف عينه الحزن ولقيته بيقول
_ حقك عليا يبنتي انا اسف انا السبب ف بعدكم عن بعض صدقيني كنت معمي بس ربنا خدلك حقك مني ومنهم
بصتله بحزن وسيبته ونزلت روحت للمكان الي بزورو ديما فيه جبت معايا شكولاتات واكل ووزعت ع الاطفال بنيه الاجر والزكاه علا روح حبيبي كل خميس بعمل كدا خدت الورد المفضل ليه وروحت لقبـ.رو وبدأت احط الورد وقولت وانا دموعي سابقه كلامي ..
_ عامل اي يحبيبي اكيد انت ف مكان كويس ربنا يرحمك يانور عيني ربنا خدلك حقك من كل الي كان السبب ف مو.تك يانور عيني اخويا وعمل حادثه وأتبتـ.رت رجليه الاتنين وأيده اليمين وبقا عايش منغير روح بيتمني يمو.ت عشان يترحم من حالته لانه خلاص بقا ف دار رعايه مبقاش في حد جنبو وصحابو الي كانو مشتركين معاه ف الجريـ.مه دي كلهم اخدو اعدا.م بسبب قضايا كتير كانو فيها زمان وبابا من كتر الحزن اتشـ.ل وبقاش في حاجه فيه بتتحرك نهائي يدوب بيتكلم بالعافيه وحاليا ف دار مسنين الحقيقه مقدرتش اخليه يقعد معايا كنت كل لما اشوفو هفتكر اليوم المشؤم دا وحاتم اتجوز واحده بيعته الي وراه والي قدامو ولبسته قضايا وفلوس ملايين ومن قهرته شنـ.ق نفسو حقك أجه يحبيبي ياريت كان يومي قبل يومك ياحبيبي بس انت طيب وربنا بيحبك عشان كدا استعاد أمانته هصبر لما اجيلك يانور عيني ومش هتكتب ع راجل غيرك ابدا انتي حبيب عمري الاول والاخير نلتقي ف الجنه يحبيبي دي مش نهايتنا دي بدايه لينا بس ف حياه احسن من هنا بكتير نلتقي ف الجنه يحبيب ايامي ....
تمت بحمد الله