رواية الحربايه الفصل الحادي عشر11 بقلم سحر حسين
المهم خرجت ريتاج بره القصر و فضلت بره لوقت طويل و بعد ما رجعت راحت علي طول عند حسن في الاوضه بتاعته و قالت له
عندي مفاجاه كبيره ليك يا حسن
قال حسن
خير يا استاذه ريتاج
اتكلمت ريتاج و قالت
مش انت عايز تعرف مين اللي قتل خالي
قال حسن
ايوه مين
قالت ريتاج
............................
انا لقيت حاجه و انت لازم تشوفها بنفسك
اتكلم حسن و قال
ممكن تتكلمي علي طول
مسكت ريتاج تلفونها و خرجت فديوا و قالت
طيب اتفضل شوف الفيديو ده
اتكلم حسن وقال
فديوا ايه ده انا مش عايز اشوف حاجه
اتكلمت ريتاج و قالت
ده فديوا يعرفك مين اللي قتل خالي
اتكلم حسن باستغراب و قال
ازاي يعني انا مش فاهم حاجه
اتكلم ريتاج و هي بتقرب منه التلفون و بتقوله
شوف ده وانت هتفهم كل حاجه
مد حسن و خد منها التلفون و بدأ يشوف الفديوا
الفديوا كان في الاوضه بتاعت ابوه و هو كان نايم علي السرير و كانت موجودة ممرضه معاه و هي اللي كانت بتزود جرعه العلاج اللي سببت في موته المهم اتكلم حسن و قال
مين دي
اتكلمت ريتاج و هي بتخرج من جيبها ورقه مكتوب فيها بيانات الممرضه و قالت
اتفضل دي بياناتها
اتكلم حسن وقال
انتي وصلتي للحاجات دي ازاي
اتكلمت ريتاج و قالت
لا معلش وصلت ازاي دي بتاعتي انا و الباقي عليك و لو احتجت حاجه ابقي عرفني سلام
سبته ريتاج و خرجت من الاوضه و فضل حسن يشغل الفديوا مره وراه مره و كان مضايق جدا المهم بعد شويه خرج من الاوضه بتاعته لقي نواره جايه عنده و اول ما شافته قالت
خير يا حسن رايح فين
اتكلم حسن و هو مضايق وقال
معلش يا نواره ممكن تسبيني دلوقتي انا عايز ابقي لوحدي
اتكلمت نواره و قالت
مالك بس يا حسن
اتكلم و قال
لما ارجع نبقي نتكلم مع سلامه
سبها و مشي و بعد حوالي ساعه كده تقريبا كانت ريتاج قاعده في الجنينه و جت نواره راحت عشان تقعد معاه و كانت لسه هتتكلم معاها لقت تلفون ريتاج بيرن ردت ريتاج و قالت
الو
سكتت ريتاج و بعدين قالت
ماشي يا حسن اجيلك فين بالظبط
سكتت ريتاج و بعدين قالت
طيب دقائق و هبقي عندك مع سلامه
و بعد كده قامت ريتاج و جت عشان تمشي لقت نواره واقفه وراها وقالت لها
نواره خير يا نواره في حاجه ولا ايه
اتكلمت نواره وقالت
لا يا حبيبتي انا كنت زهقانه و قولت اجي اقعد معاكي بس شكلك خارجه
اتكلمت ريتاج و قالت
ايوه فعلا انا خارجه دلوقتي بس لما نرجع نبقي نقعد براحتنا
اتكلمت نواره و قالت
تمام ماشي طيب انتي خارجه رايحه فين لو كده اجي معاكي
اتكلمت ريتاج و قالت
لا يا حبيبتي خليكي وانا مش هتاخر أن شاءالله
و سبتها ريتاج و مشيت و نواره استنت شويه و بعدين خرجت وراها و فضلت ماشيه وراها لحد ما لقت ريتاج دخلت مستشفي و هي دخلت وراها و بعد ثواني شفتها واقفه مع حسن و كانت نواره واقفه بعيد و ما سمعتش كلامهم المهم ريتاج لما وصلت لحد حسن قالت
خير يا حسن في ايه
اتكلم حسن و قال
حابب تبقي موجوده وانا بقابل الممرضه اللي انتي قولتيلي عليها
اتكلمت ريتاج و قالت
طيب هي فين
قال حسن
لسه مش عارف وانا قولت اكلمك انت الاول
ابتسمت ريتاج و قالت
طيب شوف هي فين
اتكلم حسن و هو مضايق و قال
بتضحكي علي ايه بالظبط
اتكلمت ريتاج و قالت
هقولك لما نشوف الممرضه
المهم راح حسن عشان يسأل عليها ممرضه تانيه و هي قالت له
دي سابت المستشفي من زمان بعد ما ربنا ما رزقها بورث كبير
بص حسن لريتاج و هي كمان بصت له و بعدها اتكلمت ريتاج و قالت
طيب بعد ازنك متعرفيش اي حاجه تقدر توصلنا ليها
اتكلمت الممرضه و قالت
انتو عايزنها ضروري اوي ليه كده
اتكلمت ريتاج و قالت
اصل بصراحه كده هي كانت سرقه فلوس من الاستاذ ده و هو كان عايز يتكلم معاها بزوق احسن ما يبلغ البوليس يعني و كده
اتكلمت الممرضه و قالت
اه عشان كده ما انا قولت برضوا ورث ايه ده دول أهلها كلهم شحتين
اتكلمت ريتاج و قالت
طيب تعرفي تساعدينا بقي وانا هخليه يشوفك برضوا
و قربت ريتاج من حسن و قالت له
هات فلوس من معاك
قال حسن لريتاج
ايوه كام يعني
المهم خرج حسن فلوس و ادها لريتاج و هي خدتها اديتها الممرضه و قالت
ساعدينا و متخافيش اسمك مش هيجي في أي حاجه
خدت الممرضه الفلوس و قالت
طيب ممكن بس تستنوني بره لحد ما تخلص شغلي وانا هجبلكوا كل حاجه عنها
اتكلمت ريتاج و قالت
طيب احنا هنستناكي بره
خرجت ريتاج و حسن و راح يقعدوا في العربيه بتاعت حسن و كانت نواره كل ده واقفه بعيد شافت كل حاجه بس مش سامعه اي حاجه و لما خرجوا من المستشفى سبتهم نواره و مشيت المهم اتكلمت ريتاج و هي في عربيه و قالت
هنستني الممرضه دي لما تخلص وان شاء الله تعرف توصل لحاجه
اتكلم حسن وقال
وانتي واثقه فيها اوي ليه كده
اتكلمت ريتاج و هي بتضحك و قالت
اولا هي واخده منك فلوس ثانيا من مصلحتها أنها تقف معاك مدام الموضوع فيه سرقه فهمت
اتكلم حسن و قال
يعني انتي مش متفقه معاها مثلا
ضحكت ريتاج جامد و قالت
يا ابني كفايه شك بقي و فكره لثواني بس ثواني مش اكتر انا هتفق معاها ازاي وانت اللي كنت موجود في المستشفى الاول وبعدين مش انت اللي اتصلت بيا و قولتلي اجي علي هنا
قال حسن
ايوه بس مش يمكن ......
قطعته ريتاج و قالت
من غير بس ولا يمكن بص يا حسن انا معاك و بدور علي اي حاجه عشان خاطر اثبت لك اني مستحيل اعمل كده في خالي و حاجه تانيه لازم تفهما خالي كان أقرب واحد ليا في الدنيا دي حتي كان قريب مني عن ابويا وامي فمهت
اتكلم حسن وقال
ماشي
و بعدين سكت شويه و رجع اتكلم تاني و قال
طيب تفتكري مين اللي عمل كده مع بابا مين اصلا ليه مصلحه يحصل كده في بابا
اتكلمت ريتاج و قالت
مش عارفه و مش قدره اصدق مين عنده قلب يعمل كده في حد تاني
اتكلم حسن وقال
طيب تفتكري حد من عماتي
اتكلمت ريتاج و قالت
اللي هما فيهم واحده تبقي امي مش واخد بالك
اتكلم حسن وقال
انا اسف انا بس بفكر معاكي بصوت عالي
اتكلمت ريتاج و قالت
حسن انا مقدره اللي انت فيه بس مش عايزاك تشك في حد من غير دليل و صدقني لو عرفنا نثبت أن حد منهم ليه يد في حاجه زي كده انا اول واحده هساعدك أنهم ياخدوا عقبهم
اتكلم حسن باستغراب و قال
حتي لو حد ده كان مامتك
اتكلمت ريتاج و قالت
حتي لو مامتي ربنا يسترها و محدش منهم يكون ليه يد في حاجه زي كده خالص
اتكلم حسن و قال
انت غريبه اووي و انا مش عارف افهمك
اتكلمت ريتاج و قالت
و انا مش عايزاك تفهمني يا حسن انا عايزه اخد حق خالي مش اكتر خلينا في موضوع خالي و بس
اتكلم حسن وقال
ماشي بس انا لسه شكك فيكي
اتكلمت ريتاج و قالت
خليك شكك فيا براحتك
و بعد حوالي ساعتين من كلامهم خرجت الممرضه من المستشفي و راحت عندهم و اتدهم ورقه مكتوب فيها عنوان تاني غير اللي كانت عرفته ريتاج المهم اتكلمت الممرضه و قالت
انا عرفت من ناس زميله لينا انها نقلت وده العنوان الجديد بتاعها
اتكلمت ريتاج و قالت
طيب احنا متشكرين جدا
اتكلمت الممرضه و قالت
العفوا بس المهم و نبي أن محدش يعرف أن انا اللي جبتلكوا العنوان ده
اتكلمت ريتاج و قالت
متخافيش احنا منعرفش اي حاجه عنك اصلا يلا سلام
سابتهم الممرضه و مشيت و بعدها خدت ريتاج الورقه و من غير ما تفتحها و داتها لحسن و قالت
اتفضل و من هنا كمل لوحدك
اتكلم حسن و قال
يعني ايه
اتكلمت ريتاج و قالت
يعني روح لوحدك و سألها عشان تعرف مين اللي عمل كده في خالي
اتكلم حسن و قال
مش عايزه تيجي معايا
قالت ريتاج
لا عشان لو كنت انا اللي اتفقت معاها و هي شافتني مش هتعرف تتكلم براحتها انما لما تكون لوحدك و تتكلم معاها براحتك و براحه هتقولك علي كل حاجه
اتكلم حسن و قال
طيب خلاص انا هتصرف بس لو طلع انتي ......
كملت هي و قالت
يبقي انا استاهل العقاب المناسب و متخفش هترجع تلاقيني موجوده في القصر سلام
فتحت ريتاج باب العربيه و نزلت و هو اتحرك و مشي المهم تعالوا بقي نشوف نواره رجعت القصر عملت ايه
لما رجعت ريتاج راحت عند صفيه و قالت لها علي هي شافته و هنا صفيه خافت و قالت
يا لهوي يا نهار اسود هما وصلوا لحد هنا
اتكلمت نواره و قالت
هو فيه يا صفيه انا مش فاهمه حاجه
اتكلمت صفيه وهي حطه اديها علي وشها و قالت
مش فاهمه ايه احنا خلاص روحنا في داهيه
اتكلمت نواره و قالت
ايوه روحنا في داهيه ليه
لسه صفيه هتتكلم دخلت نعمه و قالت
خير يا اختي انتي وهي مالكوا
اتكلمت صفيه و قالت
تعالي يا نعمه و شوفي المصيبه اللي احنا فيها
اتكلمت نعمه و قالت
خير مصيبه ايه
اتكلمت صفيه و قالت
حسن و بنتك هيلفوا حبل المشنقه حوالين رقبتنا كلنا يا اختي
اتكلمت نعمه و قالت
ليه بتقولي كده كفل الشر
اتكلمت صفيه و قالت
دول وصلوا للممرضه اللي كانت مع اخوكي علي يا اختي
اول ما نعمه سمعت كده راحت مصوته علي دخول ريتاج و اول ما سمعت صويت امها قالت
في ايه يا ماما حصل ايه
صفيه اول ما شافت ريتاج اتجننت وراحت مسكتها من رقبتها باديها الاتنين و ...................