_ميري بانفاس متقطعه_
ولما بيبقى في وسطيكم هنا..
واحد من رجالته بيتنكر مكانه..
عشان ما حدش يحس بغيابه
_( الدكتوره وشاكر يبصوا لبعض في زهول)_
_الدكتوره بذهول_
يعني ايه لما بيبقى في وسطنا هنا
_ميري_
لحد هنا ومش هنطق بكلمه..
أطمن على اختي وأتأكد إنها في الأمان..
أقولكم على كل حاجه
______________________________
__( في المزرعه غرفه نور)__
_( نور بعد الباشا ما سابها.. الخوف بدأ يسيطر عليها لكن خوفها على اصحابها مش على نفسها.. وفجأه الباب يتفتح وحد يدخل)_
_نور بتوتر_
مين اللي دخل
_ الدكتور_
انا الدكتور يا نور..
_(ويبص على نور يلاقيها بترتعش)_
مالك يا نور.. إنتي خايفه من حاجه ولا إيه..
إيه اللي حصل
_ نور تستجمع قواها_
لو الباب مفتوح اقفله وأتأكد إن المكان أمان
_( الدكتور يقفل الباب ويتأكد ان المكان أمان
ويقرب منها)_
_الدكتور بقلق_
خير يا نور قلقتيني
_نور بصوت واطي_
عملت اللي قلتلك عليه في هبه
_ الدكتور_
دمرتلها خلايا مخها.. تقدري تقولي ان عقلها اتمسح
_نور_
تمام الله ينور عليك..
اسمعني بقى كويس عشان مفيش وقت..
إحنا لازم نهرب من هنا وبسرعه
_ الدكتور_
هنهرب إزاي يا نور..
إحنا ف صحراء..ولو خرجنا من الفيلا دي..
مش هنعرف نمشي إزاي وهيكشفونا
_ نور بصوت واطي_
اسمعني يا دكتور وركز..
عشان اللي هقوله مش هعيده تاني..
دلوقتي إنته كنت قولتلي إن فيه ناس كتيره تحت بيمارسوا استغفر الله العظيم الجنس..
أكيد الناس دي مش مقيمين هنا ال24 ساعه.. والطبيعي ان فيه ناس داخله وناس خارجه..
والناس دي أكيد مش جايين مواصلات..
او ماشيين على رجليهم.. أكيد جايين بعربيات..
وأنته أكيد بتعرف تسوق..
احنا بقى هننزل مكان ما بيركنوا العربيات..
وأنته تحاول تفتح عربيه ونستنى فيها..
لحد ما حد يخرج.. ونخرج وراه..
أكننا زباين ومروحين.. وهنمشي ورا الزبون اللي مروح لحد ما يسلمنا للطريق الرئيسي..
وبعد كده إحنا ناخد طريقنا..
وعشان نأكدلهم ان إحنا زباين..هناخد هبه معانا..
هتلبسها قميص نوم وتقعدها جنبك..
وانا هكون في شنطه العربيه..
ولما نطلع على الطريق الرئيسي..
أول صفيحه زباله تنزلها جنبها..
فيه أي حاجه عايز تسأل عليها..
أو فيه حاجه مش مفهومه
_الدكتور بقلق_
لأ.. كله تمام يا نور.. وربنا يستر
_نور_
لو معاك تليفون اعمله صامت وسيبه هنا..
بس خبيه عشان ما حدش يوصل له
_الدكتور بقلق_
حاضر يا نور.. بس انا قلقان ومش مطمن
_نور بثقه_
وانا عايزاك تفضل قلقان..
عشان طول ما أنته قلقان هتاخد بالك وهتركز
_______________________________
__(في النادي المخزن السري)__
_سمر_
البنات بدأوا المشكله بره..
وجهزوا اللي طلبته.. تقدر تخرج دلوقتي
_سمير_
سمر.. لو لا قدر الله حصل لي حاجه..
وصيتي ليكي انك تدوري على نور وتخلي بالك منها.. وخلي بالك من نهله
_سمر بجديه_
لأ.. انا لا هدور على حد ولا هخلي بالي من حد..
أنا جايه معاك واللي يحصل يحصلنا إحنا الاثنين
_سمير بغضب وصوت عالي_
سمر.. ده أمر ولازم تنفذيه..
_(ويهدى شويه)_
إن شاء الله ما فيش حاجه هتحصل..
هما بس كلمتين حسيت إني عايز اقولهم..
وإنتي ادخلي للبنت اللي جوه دي..
وحاولي تعرفي منها اي حاجه..
وخليكي على تواصل معايا..
ورقمك اللي مع الدكتوره حذاري يشتغل..
يلا لا اله الا الله_(ويسيبها ويخرج)_
_(وطلع سمير من المخزن السري وركب الموتوسيكل ولبس الخوذه واتحرك في اتجاه المستشفى)_
بقلم...محمد طه
_____________________________
__(في القسم مكتب الظابط نورا)__
_المساعد_
في عندنا معلومات جديده ومهمه
_نورا باهتمام_
أقعد..وقول بسرعه وصلتوا ل إيه
_المساعد_
إحنا فرغنا الكاميرات اللي قدام النادي..
مفيش أي أثر لسمر أو سمير في خلال شهر كامل
بس كان فيه كاميرا.. هي بعيده شويه عن النادي..
بس شوفنا فيها حاجه غريبه..
فيه عربيه إسعاف جات وقفت حوالي دقيقه..
وبعدين مشيت ولما رجعنا الكاميرا..
قبل دخول عربيه الاسعاف..
كان فيه بنت واقفه وسليمه ما فيهاش اي حاجه..
وبعد كده دخلت عربيه الاسعاف اخدتها ومشيت.. وعربيه الاسعاف دي من عربيات المستشفى..
وبعدها بحوالي ساعه..
في خناقه حصلت قدام بوابه النادي..
ووقت الخناقه ما كانت شغاله في حد طلع من النادي كان راكب موتوسيكل ولابس خوذه..
بس ما قدرناش نحدد هو ولد ولا بنت..
واتجه ناحيه المستشفى
_(الظابط نورا بإنفعال..
وتقوم من على مكتبها وصوت عالي)_
_نورا بانفعال_
المعلومه دي المفروض كنت قلتها اول حاجه..
اتصل بسرعه بالمرشدين اللي مراقبين المستشفى واديهم مواصفات الشخص اللي راكب الموتوسيكل وخليهم يكونوا مستعدين وفي استقباله.. لان احتمال كبير يكون يا سمر يا سمير.. وأنته خد قوه..
واطلع على المستشفى.. وانا هسبقكم بالموتوسيكل عشان لو حاول يهرب اعرف أطارده.. يلا بسرعه
_______________________________
__(في المستشفى الغرفه السريه)__
_الدكتوره بغضب_
اسمعي يا بت أنتي..
أختك انا ما اقدرش اوعدك انها هتبقى في الامان.. بس كل اللي اقدر اوعدك بيه ان احنا نسلمها للحكومه والحكومه هيا اللي تعاقبها..
_(وتبدأ الدكتوره تلبس جواندي طبي وتطلع مشر،ط وتبدأ تقطع بنطلون ميري من عند الركبه)_
_ميري بنظره خوف_
إنتي هتعملي ايه
_الدكتوره بغضب_
هو أنتي مش قولتي روحك قصاد روح زميلنا..
وإحنا زميلنا كانت رجله مقطو،عه..
وأنا قبل ما هاخد روحك هقطعلك رجلك..
لأ هقطعلك الاثنين.. يا اما بقى تنقذي روحك..
وتنقذي رجليكي وتقوليلي مين الباشا بتاعكم
_(وبدأت الدكتوره تحط المشر،ط على ركبه ميري وبالفعل المشر،ط قطع الجلد وركبتها بدأت تنذ،ف د،م)
_ميري مسرعه_
سمير.. سمير هو الباشا الكبير
__________________________
__(في النادي المخزن السري)__
_(سمر أخدت منشار ودخلت عند سهيله)_
_سمر بغضب_
دلوقتي إحنا بقينا لوحدينا..
وقسما بالله ان ما قلتيلي..
الباشا بتاعكم يبقى مين.. ونور مكانها فين..
هقطعلك رجليكي الاثنين بالمنشار ده
_(وحطت المنشار على رجلين سهيله)_
_سهيله بخوف_
هقولك.. هقولك بس اقسم بالله دي اخر حاجه اعرفها وما اعرفش ان كانت هتفيدك ولا لأ
_سمر بغضب_
قولي
_سهيله تبلع ريقها_
كنت قلتلكم إني حاسه ان الباشا مش راجل..
هو فعلا مش راجل.. ف مره غلط..
وخرجلنا ومكنش لابس كوتشي كالعاده..
والرجلين كانت رجلين بنت
_(سمر تطلع التليفون بسرعه وتتصل بسمير)_
_سمر_
أنت فين
_سمير_
أنا وصلت قدام المستشفى..
بس في هنا مرشدين كتير
_سمر بجديه_
الدكتوره هي الباشا الكبير.............😲😲😲😲