رواية حب تحت التهديد الفصل الثاني 2 بقلم جمال المصري
بسم الله ولا إله إلا الله
ناصر .. بيوقف قدام قصر كبير جدآ وبيقرب من الحرس وبيقولهم ان عنده معاد مع فهد بيه
الحارس .. بلغ الحرس الشخصي بتاع فهد بيه وقال له انه معاه بنت فاقده الوعي في العربيه وبيديهم الاذن انه يدخل
ناصر .. بيرجع للعربيه وبيركب وبيدخل جوه القصر بالعربيه
صالح .. خبط علي باب المكتب
فهد .. ادخل
صالح .. ناصر جاب البنت
فهد .. تمام خليهم يجبوهم هنا
صالح .. بس حرس البوابه بلغوني اني البنت مغمي عليها في العربيه
فهد .. وقف علي طول وتحرك عشان يطلع بره وينتظر العربيه قدام باب القصر
ناصر .. وقف بالعربيه وبيفتح الباب عشان يشيل فيروز
فهد .. استنا هي فاقده الوعي ليه
ناصر .. من امبارح واحنا بنتكلم وما نمتش واول ما ركبة العربيه راحت في النوم وفيروز نومها تقيل اووي
فهد .. يعني هي موافقه
ناصر .. اكيد طبعآ دي طايره من السعاده حضرتك يا فهد بيه هتعيشها في نعيم
فهد .. اوعي من قدام الباب
ناصر .. بيبعد عن باب العربيه
فهد .. بيقرب من فيروز وهي نايمه زي الملايكه بوشها الجميل الملائكي و يشيلها ويدخل بيها القصر و بيبص لصالح خد ناصر واستناني في المكتب
صالح .. حاضر يا فهد بيه
فهد .. بيدخل غرفة النوم وبينزل فيروز براحه علي السرير ويغطيها ويطلع بيروح علي غرفة المكتب اول ما يدخل
صالح .. يوقف هو و ناصر
فهد .. بيقعد وبيفتح الخزنه وبيطلع ٩٠ الف جنيه وبيرميهم علي المكتب يلا خدهم ومش عايز اشوف وشك تاني انت فاهم
ناصر .. انا تحت امرك يا بيه و ياخد الفلوس بفرحه و بيطلع جري علي العربيه و يروح علي طول علي ليلي
صالح .. بيقعد وهو بيبص لي فهد يا فهد بيه امبارح واحد من البلطجيه حاول يسرق ست ولما قاومته ضربها بسكين اكتر من ضربه والست في المستشفي حاليآ بين الحياه والموت
فهد .. عايز الكلب اللي عمل كده في ظرف ربع ساعه يكون قدامي
صالح .. انا بعت الرجاله وكلها دقايق وهيكون قدامك يا فهد بيه
فهد .. انا اشوف فيروز صحية ولا لسا عشان نبدأ إجراءات الفرح اول ما تجيبه الواد ده بلغني
صالح .. حاضر
فهد .. يفتح الباب براحه ويدخل ويقرب منها ويقعد علي السرير وهو بيبص عليها وبيقول في نفسه فيكي حاجه غريبه رغم انك بسيطه جدآ لكن في عيونك قوه مش موجوده في كل اللي حواليا انتي اول بنت تقدر توقف قدامي وعشان بساطتك دي وقوتك هتكوني زوجتي عشان اقدر اكون كبير العيله دي واقدر اوصل لهدفي ومش عارف اختيارك انتي هيكون صح ولا غلط ولا عارف دخولك العالم ده هيعمل ايه فيكي بس اوعدك هحميكي بكل قوتي
صالح .. يخبط علي الباب
فهد .. يقوم وبيفتح الباب وبيطلع
فيروز .. تبدأ تفتح عنيها و تبص حواليها ايه ده انا فين وتقوم وهي بتمسك راسها حاسه بصداع وتحاول تتحرك وبتفتح الباب وبتطلع وتسمع صوت عالي وتتحرك ناحيته
فهد .. انت الكلب اللي اتجرا يسرق وكمان كنت عايز تقتلها
السارق .. انا اسف يا زعيم مش هتتكرار
فهد .. حياتك مرتبطه بي الست دي لو عاشت هتعيش ولكن من غير ايدك بس لو ماتت هيكون اخر يوم في حياتك
فيروز .. تقرب من المكتب والباب مفتوح و تبص براحه عشان محدش يشوفها
صالح .. بيجيه تليفون و يقرب من فهد معاليك الست ماتت في المستشفي
السارق .. ابوس ايدك ارحمني
فهد .. وانت ما رحمتهاش ليه ويطلع المسدس و يضربه برصاص ودم يطرطش علي وش فهد
فيروز .. اتصدمت من اللي شافته و كتمت صرختها و تحركت لورا براحه و بترجع بظهرها خبطت فاظه ووقعت انكسرت و بترجع بسرعه عشان تهرب لكن قطعه من الزجاج تدخل في رجلها و بتوقع علي الارض
فهد .. بيسمع صوت الفاظه لما وقعت و يدي المسدس لي صالح وبيطلع بيلاقي فيروز مرميه علي الارض و تزحف وهي خايفه منه بيقرب منها و يشيلها
فيروز .. ساكته و جسمها بيترعش ومش قادره تتكلم
فهد .. بيدخل بيها الاوضه وينومها علي السرير وبينزل علي ركبه وبيمسك رجلها وبيطلع قطعت الزجاج من رجلها
فيروز .. بتبص بصدمه وهي مش عارف ده مين وفجاه تفتكر الموقف اللي حصل امبارح وبتقول هو هيقتلني عشان اللي حصل امبارح
فهد .. وهو بيجيب مطهر وقطن وشاش اقتلك ليه بالعكس انا هتجوزك
فيروز .. انا مخطوبه وبحب خطيبي و هنتجوز يبقى ازاي هتتجوزنى
فهد .. ما كنتش اعرف انك مخطوبه ومين خطيبك
فيروز .. ناصر هو كان معايا في العربيه انت عملت فيه ايه
فهد .. يضحك ناصر هو خطيبك ما تقلقيش انا ما عملتش فيه حاجه بالعكس اديته ١٠٠ الف جنيه عشان يجيبك ليا وفعلآ عمل كده واخد الفلوس وكمان لسا رجالتي مبلغني انه اشترى فيلا وعنوانها ............. والعربيه اللي جابك بيها هنا كمان ويبدا يحط المطهر علي رجلها و يربطها بالشاش وهو بيسمع كلامها
فيروز .. انت كداب مستحيل ناصر يعمل كده
فهد .. وانا هكدب ليه وقالي انك موافقه علي الزواج
فيروز .. مستحيل اصدق وبتحاول تقوم انا لازم امشي من هنا
فهد .. دلوقتى مستحيل لازم الجواز يتم وانا مش هسمح انك تعارضي زواجنا فهمتى ولا لا
فيروز .. بس انا مش بحبك
فهد .. ولا انا بحبك بس القدر جمعنا وهديكي مليون جنيه يعني قد اللي خده ناصر عشر مرات
فيروز .. ولا فلوس الدنيا كلها تخليني اتجوز قاتل زيك
فهد .. هسيبك تهدي لكن بكره هيكون زواجنا فاهمه وبيطلع وبيقفل الباب وراه
فيروز .. بتقوم وبتحاول تفتح الباب لكن بتلاقيه مقفول بالمفتاح
ناصر .. بيرن علي ليلي
ليلي .. الو
ناصر .. يلا مستنيكي في العنوان ده ..... اخدت فيلا و هنقعد فيها علي طول
ليلي .. بجد يعني اخيرا هنبقا مع بعض علي طول
ناصر .. ايوه يا مزتي يلا مستنيكي
ليلي .. مسافة السكه هكون عندك
ناصر .. بيقلع وبينزل حمام السباحه وهو في قمة السعاده خلاص الدنيا ضحكت له ونسي فيروز خالص كانها مش موجوده
ليلي .. بتوصل وتحاسب التاكسي وتنزل و بتدخل الفيلا وتوقف قدام باب الفيلا وبتنده
ناصر .. انا هنا في حمام السباحه يا لولو
ليلي .. بتروح ناحيت الحمام انا مش مصدقه اني هعيش هنا
ناصر .. بيطلع من الحمام وبيحضنها
ليلي .. اصبر اغير لبسي
ناصر .. وليه تغيري الفيلا فيلاتنا يعني ناخد راحتنا وبيحضنها وينزل بيها حمام السباحه
ليلي .. المياه تجنن انا اسعد انسانه في الدنيا بس انا خايفه فيروز تعرف مكانا وتيجي
ناصر .. ضحك تيجي فين دي زمان فهد بيه قتلها
ليلي .. قتلها ليه
ناصر .. فيروز مستحيل تصدق اني انا اللي وديتها هناك و هتفتكر انه خطفها و هتحاول تهرب والقصر بتاعه تحت حراسه مشدده تحسي انه قيادة فى الجيش التاني واكيد هتاخد لها طلقه وكده يبقا خلصنا منها للابد
ليلي .. ده انت شيطان يا ناصر
ناصر .. تلميذك يا قلب ناصر
ليلي .. تستمتع بالمياه و بتعوم وهي مبسوطه انها مع ناصر وكمان في فيلا جميله زي دي و بتعوم ناحيته وبتحضنه ايه يا ناصر مش هتتجوزني
ناصر .. وليه النكد ده واحنا كويسين كده الجواز نكد ولا عايزانا نسيب بعض
ليلي .. لا طبعآ ده انا اقتلك ولا فكرني هبله زي فيروز
ناصر .. يبقا تسمعي الكلام ونسي حكاية الجواز دي فاهمه
ليلي .. حاضر بس لو فكرت تسيبني هقتلك خليك فاكر كلامي كويس
ناصر .. وانا عايز اموت علي ايدك يلا اقتليني ويحضنها
ليلي .. مش عارفه بحبك علي ايه يا شيطان انت
ناصر .. عشان احنا الاتنين شياطين زي بعض يا شيطانه
ليلي .. بقا الجمال ده كله يتقال عليه شيطانه وبتشاور علي نفسها
ناصر .. ماشي يا فرجينيا يا جميلة الجميلات و يمسك ايديها يلا تعالي افرجك علي الفيلآ ويطلعوا من حمام السباحه وبيطلع يفرجها علي الفيلآ
فيروز .. مستحيل ناصر يعمل كده اكيد فهد ده عمل فيه حاجه انا لازم اطلع من هنا بي اي طريقه وبتلف في الاوضه زي المجنونه وبتفح الشباك وبتلاقي نفسها في الدور الاول علوي وبتقرر انها هتنط من الشباك ولازم تطلع من القصر الغريب ده وبتطلع علي الشباك وبتنط وبتنزل علي الارض وبتمشي ناحيت سور القصر وبتلاقي شجره قريبه منه وتطلع عليها وبتعدي الناحيه التانيه وبتوقف تاكسي وبتقوله اطلع يا اسطا
السواق .. علي فين يا انسه
فيروز .. لسا هتقوله عنوان ناصر وبعدين افتكرت العنوان اللي قالوا فهد وقالت للسواق يطلع عليه
السواق .. طلع علي العنوان ووقف قدام فيلا فخمه
فيروز.. نزلت ووقفت قدام سور الفيلا وهي مش عارفه تدخل ولا لا وبتقول في نفسها مستحيل ناصر يخوني وخلاص هتمشي لكن بتلمح ناصر طالع من باب الفيلا رايح علي حمام السباحه وكان حضن ليلي اتصدمت لا مستحيل كل ده كنت بتضحك عليا يا كلب يا واطي وفتحت باب السور بتاع الفيلا ودخلت ناحيتهم
ناصر .. قعد علي الكرسي اللي علي حمام السباحه وليلي في حضنه
ليلي .. شافت فيروز وتنفضت من مكانها فيروز
فيروز .. ايوه فيروز يا خاينه انتي وهو اكتر اتنين كنت بحبهم يعملوا كده فيا
ناصر .. انت طلعتي ازي ده القصر كله حرس
فيروز .. ولا فيه حرس ولا حاجه وديني جيت عشان اشوف خيانتك بعنيه أنا مصدقتش فهد لما قالي انك بعتني
ناصر .. انا كنت و اخدك عشان الفلوس اللي بخدها منك بس من اول ما شوفت ليلي صحبتك وهي اللي دخلت دماغي ومش زيك كل ما قرب منك تقوليلي لا وحرام لكن ليلي ادتني كل اللي انا عايزه وعيشتني المتعه عشان ما فيش حاجه اسمها حب
ليلي .. سمعتي خليكي انتي في الحلال والحرام اما احنا مش عايزين غير الدنيا وهنتمتع بيها وسبنالك انتي الفضيله
فيروز .. فعلآ كلبه رخيصه وبترفع ايدها عشان تضربها
ناصر .. بيمسك ايدها وبيزقها في حمام السباحه
فيروز .. بتوقع في حمام السباحه وبتنزل وتطلع في المياه وهي مش عارفه تاخد نفسها
ليلي .. فيروز مش بتعرف تعوم يا ناصر
ناصر .. احسن خلينا نخلص منها
فيروز .. بدأت تنزل في قاع حمام السباحه