رواية كسرتني قوتك الفصل الحادي عشر 11 والثاني عشر 12 والثالث عشر 13 بقلم سهيله
قصة : { كسرتني قوتك } 🤫💔
الحلقة الحادية عشر { ١١ } 🌹
( يتوتر سليمان )
عابد ب انفعال : م تنطق دخلت تعمل ايه ف اوضتها ؟؟
سليمان : دة مش موضوعنا دلوقتى متغيريش الموضوع 😒
ريناد : اظن الموضوع هو هو .. انت دخلت اوضتى قبل كدة وانا دخلت اوضتك دلوقتى
( تشاورله ب ايدها المتعورة )
ريناد : اظن متعادلين 🙂✋
سليمان : انتى .............
عابد : سليمان خلاص انت كنت عاوز تعرف مين الي حطها وريناد قالت ان هي خلصنا بقا 😑
سليمان ب انفعال : لا مخلصناااش دى مش الحقيقة دى كدابة 😡☝
عابد : قلت خلااص 😠
سليمان ب زعيق : لاااااء 😡
( يجيب سليمان اخره ، يقرب ع ريناد تتخض )
سليمان ب هدوء وغيظ : انا حذرتك قبل كدة .. اوك .. زي م تحبي ي ريناد 🙂✋
( يمشي سليمان ، يعدى الوقت ، تمسك ريناد الجايزة ترميها ، تقرب عليها جودى )
جودى : ريناد
ريناد : امممم
جودى : شكراً انك مقولتيش عليا ودبستى الموضوع فيكي
ريناد : مافيش حاجة 😄
جودى : بس متكررهاش تانى لو سمحتي
( تستغرب ريناد )
ريناد : مش فاهمة 😕
جودي : انا مهما عملت ف سليمان مش هيقدر يعملي حاجة .. انا بقا عندي الحق ف انى اعمل معاه اي حاجة .. عابد مخلينى اتصرف .. من بعد انهاردة مش هقبل اهانته ليا بالساهل .. كل حاجة ليها حساب ☝
ريناد : هتعملي ايه ؟؟
جودي : هتعرفي 😒
( تعدى الايام ، تروح جودى الشركة ، تدخل مكتب سليمان ومعاها السكرتارية ، تخليهم يشيلوا حاجات سليمان وصوره ويحطوا حجاتها وصورها مع ابوه ، وف البيت تغير ديكور اوضة الموسيقى وتخرج صورة ام سليمان تحطها برة وتحط جوة صورتها ، يوصل سليمان الشركة ، يدخل مكتبه يتخض اما يلاقي صورة جودي ف وشه )
سليمان ب زعيق : مرياااااااام 😡
( تقرب السكرتيرة )
السكرتيرة : ايوة يا سليمان بيه ؟؟
سليمان : مريام فين حاجاتى ؟
السكرتيرة : اتنقلت 🙁
سليمان : ومين قالك تنقليها .. مين نقلها ؟؟
السكرتيرة ب توتر : ااااا ...........
سليمان ب زعيق : م تنطقي 😠
السكرتيرة ب خوف : جودى هانم نقلتها مكتب السكرتاريا
سليمان : جودى مين ؟؟
السكرتيرة : جودى هانم 😐
سليمان : هانم ها .. مبقاش إلا الشحاته تبقا هانم .. ماشي 😡
( يمشي سليمان ، ف البيت ، جودى قاعدة قدام المراية لابسة سواريه وبتجهز نفسها ، يقرب عليها عابد وف ايده علبة فيها كوليه الماس ، يديهولها )
جودى : دة ليا ؟؟
عابد : اها
جودى : جميل اوي 😍
عابد : كان بتاع ام سليمان
( تقف جودى )
جودى : لا مقدرش اقبله دى حجاتها 😕
عابد : كان بتاعها دلوقتى بتاعك
( يطلعوا م العلبة ويلبسهولها وجودى هتنفجر م الفرحة ، يوصل سليمان ، ينزل من عربيته داخل ع اخره مش شايف قدامه يخبط ف ريناد ، يلفلها )
سليمان : فين اختك ؟؟
( تتوتر ريناد )
سليمان ب زعيق : انطقي 😡
ريناد ب توتر : فوق 😕
( لسة سليمان هيمشي يشوف صورة امه الي كانت ف اوضة الموسيقى متعلقة برة ، يستغرب ، يجري ع فوق ، يدخل اوضة الموسيقى يلاقي بدل صورة امه صورة جودى ، يقرب يمسك البرواس ويحدفه ع الارض ويطلع م الاوضة ، يلاقي ابوه وجودى )
سليمان ب زعيق : مين الي عمل ف اوضة امي كدة 😠
( يبص ل جودى )
سليمان : اكيد انتى صح ؟؟
عابد : انا الي طلبت منها دة
سليمان : ليه ؟!!
عابد : كدة انت لازم تفوق من الذكريات القديمة الي راح راح خلاص 🤷🏻♂
سليمان : ودة من امتى دة ؟؟ فجأه قلبت دكتور نفساني .. دة مش كلامك انت .. دة كلام الهانم الحرباية 😡👈
( يبصلها )
سليمان : وانتى بردوا اللي خلتيهم ينقلوا مكتبي .. مش كدة .. ايه الي خلاكي تعملي كدة .. سمعينى جملك المفيدة 😠
جودى : عابد عيني ف الشركة .. وانت مساعد المدير .. ف كان لازم يبقا مكتبك قريب منه عشان يتابع شغلك انت لسة ف الاول 💁🏻♀
( يتغاظ سليمان )
جودى : دى جمل مفيدة كفاية بالنسبالك ؟؟
سليمان : انا عاوز اعرف حاجة واحدة بس .. انت كبير وعاقل .. ازاي سايبها سحباك وراها كدة !!
عابد ب زعيق : سليمان 😠
سليمان : مافيش داعي كل شوية تنادينى انا عارف اسمي زفت كويس .. ع عكس ناس هنا 😡☝
( يبص ل جودى )
سليمان : نسيت نفسها 💁🏻♂
عابد : وبعدين يعنى انت عاوز توصل ل ايه ها .. يلا ي جودى 😒
( ياخد ايد جودى ويعدوا من جنب سليمان ، وياريتهم م عدوا ، يلمح سليمان الكوليه بتاع مامته ف رقبة جودى ، يتصدم )
سليمان : لحظة بس ✋🏻
( يقفوا )
سليمان : جيبتى العقد دة منين ؟؟
( تتخض جودى وعابد )
سليمان : العقد دة بتاع امي ☝
عابد : انا الي اديتهولها
سليمان ب انفعال : وليه تعمل كدة ؟؟ دة كان بتاع جدتى وجدتى اديته ل امى تدوهولها ليييييه 😡
عابد : خلصنااا ✋
سليمان ب زعيق : لا مخلصنااااش
( يقرب ع جودى )
سليمان : اقلعي العقد دة 😡
( تتخض جودى وترجع ل ورا ، يقف بينهم عابد ويزق سليمان )
عابد : قلت خلصنا ✋ انا ياما جبت ل امك مستخسر ف جودى حتة عقد !!
سليمان : انا ميهمنيش ان شالله تفتحلها محل الماس بس الا عقد امى .. الي زي دى مينفعش تحطه ع جسمها .. اقلعية حالاً احسن وديني هتشوفي وش مش هيعجبك ي جودي 😡
( تطلع ريناد ع الصوت ، يقرب سليمان ع جودى )
سليمان ب زعيق : اقلعيييييه 😡
( يقرب يمسكه ف رقبتها يقرب ابوه يحوشه تقع جودى ف الارض يكون شد من رقبتها العقد ويزق ابوه يقع ع ترابيزة يغمى عليه )
جودى : عابد 😳
( يتخض سليمان مكانش يقصد ، تجري جودى وريناد ع عابد )
جودى : عابد رد عليا !!!
( يعدي الوقت ، ف المستشفى ، عابد ف العناية وجودى وريناد معاه ، سليمان ف night club عمال يسكر ولا حاسس ب الي حواليه ، تقرب عليه مي )
مي : سليمان .. عامل ايه 😃
( يقوم يقف )
مي : ي بنى !!
( يقع ف الارض )
مي : سليمان 😮
( يطلع الصبح ، يصحى سليمان يلاقي نفسه ف شقة ، يقوم مخضوض )
مي : صحيت ؟
سليمان : انا ايه الي جابني هنا 😑
مي : انا جيبتك انت كنت سكران طينة امبارح .. اقعد
( يقعد )
مي : صحيح شوفت ف المجلة الصبح ان بباك ف المستشفى هو حصل ايه ؟؟
( يسكت سليمان )
سليمان : عاوز اطلب منك طلب
مي : قول
( يعدى الوقت ، ف المستشفى ، جودى قاعدة قصاد عابد ع كرسي ، يخبط الباب )
جودى : ادخل
( تدخل مي )
مي : هاي
( تستغرب جودى حاسة انها شافتها قبل كدة )
مي : الف سلامة ع انكل عابد .. اتفضلي
( تديها علبة حمرا )
جودى : ايه دة ؟!
مي : مش عارفة بس سليمان قالي ادهالك وبيعتذرلك
جودى : اه .. اوك 😒
مي : عن اذنك
جودى : اتفضلي
( تمشي مي ، تفتح جودى العلبة تلاقي فيها عقد بلاستيك لونه احمر وورقة )
المكتوب : طبعاً الاعتذار اغراكي فكرتينى باعتلك العقد وانى اصلاً ممكن اعتذر ل واحدة شبهك .. دة عشم ابليس ف الجنة بس هو دة مقامك متحلميش ب اكتر من كدة
( تقفل جودى العلبة ع اخرها ، ييجي الليل ، ريناد قاعدة بتتعشى ، ترجع جودى )
ريناد : جودى .. ايه الي رجعك سايبة عم عابد لوحده !!
جودى : جيت اعمل حاجة وماشية
ريناد : حاجة ايه ؟
جودى : سليمان جه ؟
ريناد : لا لسة
( يسمعوا صوت عربيته بيركن ، يدخل سليمان سكران )
جودى : سليمان
سليمان : مممممم 😑
الحلقة الثانية عشر { ١٢ } 🌹
جودى : تانى مرة لما تحب تعمل حاجة زي كدة تعملها ب نفسك .. ولا انت جبان لدرجة انك تبعتلي صاحبتك 😏
سليمان : لا عشان تعرفي قيمتك كويس وانتى مين انتي اصلاً عشان اروحلك ب نفسي .. انتى دة اخرك معايا .. احمدي ربنا اني مبعتهلكيش مع البواب ☝
جودى : انا دلوقتى زيي زيك هنا
سليمان : لا غلطانة .. انتى هنا واحدة ضحت ب نفسها وعاشت مع راجل معدى الخمسين سنة .. يعني زوجة بالاجره 😏
( يبصلها من تحت ل فوق ب ابتسامة مستفزة )
سليمان : مزة زيك كدة متعملش كل دة غير لما تكون مستنية الورث 😉
جودى : انا بحب عابد 😐
سليمان : مش قادر اضحك صدقينى وربنا 🤭
( يقرب عليها اوى )
سليمان : شكلك كدة تعملي اي حاجة عشان الفلوس مش الحب .. اظن حتى لو الحوار مكانش فيه جواز كنتي وافقتي بردوا .. طلاما هتطلعي ب قرشين حلوين يعوضوكي 😉
( تتخض جودى من كلامه تضربه بالقلم ، يتخض الكل )
سليمان ب صدمة : بتضربينى 😳
( لسة هيهجم عليها ، تدخل ريناد وتمسك دراعه )
ريناد : لا عشان خاطري 😦👋
( تشده ريناد من دراعه وتمسك فيه )
ريناد : سليمان والنبي بالله عليك متجيش جنبها لا 😧
( تفضل تشد فيه ، يبصلها ويبص ل جودى الي واقفة مكانها متحركتش ب كل برود )
سليمان : اوك .. مش هاجي جنب اختك
( يمسك دراع ريناد )
سليمان : بس انا حذرتك كذة مرة متدخليش .. وبردوا بتدخلي ☝
( يشدها )
ريناد ب خوف : سليمان 😦
( ياخدها ع برة )
جودى : رينااااد 😨
( يطلعوا برة ، تقف ريناد مترضاش تركب )
ريناد : سيبنيييي بقاا
سليمان : هتركبي بالزوق ولا ارجع اضربها زي م ضربتني 😡
( تسكت خايفة ع اختها ، يركبها العربية ويركب ويمشوا )
ريناد : واخدني فين طيب 😟
سليمان : الحتة الي اعوزها
( يذود ف سرعة العربية )
ريناد ب خضة : براحة طيب 😮
( تحط الحزام )
ريناد : وقف نزلني
( يذود اكتر )
ريناد : بقولك نزلنى بتذود السرعة ليه 🤦🏻♀
( ميردش ، تطلع ريناد الفون من جيبها من غير م يشوفها سليمان وتتصل ب يوسف ، يوسف قاعد مع اخته ، يرن الفون ، يفرح اما يلاقيها ريناد )
يوسف : الو 😃
( تلاقيه فتح تتكلم )
ريناد : سليمان واخدني فين ؟؟
( يستغرب يوسف )
يوسف ب استغراب : ريناد في ايه ؟!!!!
ريناد : مش دة طريق ال **** .. نزلنى عاوزة اروح
روان : في ايه ي يوسف !!!
يوسف : شششش ☝
سليمان : مش هنزلك غير لما ناري تبرد من اختك
ريناد : اعملك ايه يعنى انا 🤷
سليمان : في اوتيل قريب من هنا ايه رأيك ؟
ريناد ب خوف : عشان خاطري متكبرش الموضوع اكتر من كدة 😥
( يفرمل سليمان مرة واحدة ، تتخض ريناد تصوت ويقع الفون ، يقف )
يوسف : الو .. الو ريناد ؟؟؟؟
( يقفل يوسف )
روان : مالها ريناد ؟!
يوسف : مش عارف .. شكل سليمان خاطفها 😦
روان : لا بجد ؟!!!
( تمسك ريناد الفون تركبه ، يشوفه سليمان ياخده من ايدها )
سليمان : انتى قديمة اوي اشتريلك واحد جديد
( يحدفه م العربية )
ريناد : انا مش عاوزة واحد جديد انا عاوزة اروح 😐
سليمان : ومستعجلة كدة ليه .. المفروض تبوسي ايدك وش وضهر انك قاعدة ف عربيتى .. دى مش اي حد بيركبها بس متفتكريش انه ل سواد عنيكى .. دة غيظ من اختك مش اكتر .. انتى اصلاً متفرقيش عنها ف حاجة .. عاوزة فلوس ابويا بردوا أو بتدوري ع واحد زيوا 😒
ريناد : انا لا عايزة فلوس ابوك ولا عايزة اقعد ف عربيتك .. متفتكرش انها مريحة القاعدة فيها دى زيها زيك .. حلوة من برة ومن جواها سواد وهباب 😠
( يتغاظ سليمان )
ريناد : الي زيك لولا الفلوس ولا يسوى .. ماشيين بس يأذوا ف خلق الله ولا عندهم احساس ب حد ولا حد طايقهم اصلاً .. عاوزة افهمك ان وجود حد جنبك خوفاً منك مش حبا فيك .. انت اصلاً متتطاقش ولا حد بيقبلك حيوان 🙄
( سليمان يجيب اخره يضربها بالقلم )
ريناد : ااه 😳
( تتخض ريناد )
سليمان : دة عشان يفوقك انتى بتتكلمى مع مين وانتي مين ☝
( تنزل دموع ريناد ، تفتح العربية وتمشي ، يضايق سليمان من نفسه ، ينزل وراها )
سليمان : ريناد .. ريناد ارجعي
ريناد ب عياط : مش راجعة مع واحد حيوان زيك 😣
سليمان : لو انا حيوان عشان ضربتك ف اختك كمان حيوانة عشان ضربتنى 😕
( تلفله ريناد )
ريناد : وانا ايه دخلي .. انت مبتقدرش تعملها حاجة وتيجي عليا انا .. انا مالي بيكوا وب الي بينكوا 🤷
سليمان : طيب اركبي العربية
ريناد : مش راكبة معاك ✋
( يشدها من ايدها تزقوا وتضرب فيه )
ريناد ب زعيق : اوعى قلتلك مش راكبة 😠
سليمان : هتركبي قلت
( يشيلها ، يفرمل يوسف ب متوسيكله ، يشوفه سليمان ينزلها ، يقرب يوسف ع سليمان ويديله بوكس ، يبتسم سليمان ، يركب يوسف وف ايده ريناد تركب وراه ويمشوا )
سليمان : ماشي 🙂
( جودى ف البيت عمالة رايحة جاية متوترة ، يوصل يوسف ، تنزل ريناد ، تجري جودى ع برة تاخد ريناد ف حضنها )
جودى : انتى كويسة عمل فيكي ايه الحيوا دة ؟؟
ريناد : ولا حاجة متقلقيش انا كويسة .. ساق العربية بسرعة بس عشان يخوفني 🤷
يوسف : دة بس الي حصل ؟!
( تبصله )
ريناد : ايوة 😐
يوسف : بس انا سمعته بيقولك رايحين اوتيل
( تتخض جودى وتتوتر ريناد )
جودى : اوتيل ايه !!!
ريناد : كان بيهددنى بس كلام 😕
يوسف : ولما شوفتوا شايلك ؟!
( تستغرب جودى )
ريناد : عشان نزلت ومكنتش عاوزة اركب معاه .. متقلقوش انا كويسة ✋
جودى : وانت عرفت منين ي يوسف ؟!!
ريناد : انا اتصلت بيه .. تصبحوا ع خير 😒
( تدخل ريناد البيت ، يطلع الصبح ، يوصل سليمان البيت ، يدخل ، تقرب عليه جودى )
جودى : سليمان
سليمان : هو انا مواريش غيرك ولا ايه جرا أيه معدش إلا الجربيع يكلموني كمان 🤷🏻♂
جودى : ملكش دعوة ب اختى ماشي .. اي حاجة بيني وبينك متدخلهاش فيها ☝
سليمان : وهو ايه بيني وبينك ها ؟؟
( تسكت جودي ، تنزل ريناد رايحة الشغل ، يقرب عليها سليمان )
سليمان : رايحة الشغل ؟
( يستغربوا )
سليمان : هااا ؟
ريناد ب استغراب : نعم ؟!!!
سليمان : سألتك سؤال ردى 💁🏻♂
( يقرب عند ودنها )
سليمان ب صوت واطي : ولا تحبي اوشوشك عشان تسمعي 😌
( تتخض ريناد وتبعد وتتغاظ جودى عشان مش سامعة بيقولها ايه ، يبصلها سليمان ويرجع يبص ل ريناد )
سليمان : ممممم 🙄
ريناد : ايوة رايحة
سليمان : اوك هوصلك بدل م تركبي الباص
( يمسك ايدها )
سليمان : يلا
( تتخض وتشيل ايدها منه )
ريناد : لا رايحة لوحدى 😐
سليمان : خلاص هبقا اجي اخدك
ريناد : باي ي جودى ✋
( تمشي ريناد )
سليمان : لطيفة اختك .. لا وحلوه 😏
( يقرب عليها )
سليمان هو بيغمز ل جودي : الطف منك بصراحة جامده 😉
( تتخض جودى من كلامه ، يبصلها من فوق ل تحت ويمشي ، تقعد جودى هتنفجر من كلامه ، يعدى الوقت ، يخرج عابد م المستشفى ويرجع البيت )
جودى : حمد لله ع سلامتك ي حبيبي
عابد : الله يسلمك وحشاني والله
جودى : وانت كمان ي قلبي
( يقعد عابد ، ريناد ف المحل ، عمالة تعمل كل حاجة ب استعجال وكل دقيقة تبص ف الساعة )
ليلى : عندك ميعاد ولا ايه ؟!!
ريناد : ااااا لا 😬
( تقوم ريناد تحط البوكيه الي خلصته ع الترابيزة )
ريناد : ابقوا سلموا البوكيه دة للعميل انا ماشية
( تاخد شنطتها )
جاسمين : مستعجلة كدة ليه !!
قصة : { كسرتني قوتك } 🤫💔
الحلقة الثالثة عشر { ١٣ } 🌹
ريناد : باااي ✋
( تمشي ريناد ، ف الشارع )
سليمان : احم احم 😏
( تلاقيه ف وشها ، تتخض )
سليمان : مافيش حد ف الشارع غيري .. بتهربي مني ؟
ريناد : اه 😒
سليمان : متقدريش 🤷🏻♂
( تمشي ، يمشي جنبها )
ريناد : ليه ان شاء الله ؟
سليمان : م انتى مسيرك هتروحي البيت ولا هتباتى ف الشارع .. والا عوزانى استناكى ف اوضتك بقا 😉
ريناد : واحد زيك هيطلع منه ايه غير كلام زباله زي دة 😠
سليمان : ي ترى بتتكلمى مع سي يوسف بالطريقة دى برضوا ؟؟؟
ريناد : واتكلم معاه كدة ليه وهو انسان محترم ومؤدب وكلامه لطيف 😌
سليمان : اااه .. كلامه لطيف .. طب بجد ليه بتهربي مني ؟
ريناد : كدة مش عاوزة اكون معاك 🤷
سليمان : ليه ؟!
ريناد : هستفاد ايه لما ابقا مع واحد كل الي بيعمله ان يفش غله فيا 💁🏻♀
( تمشي )
سليمان : استنى
( يمسك دراعها يوقفها ويقف قصادها )
سليمان : لو زعلانة عشان ضربتك امبارح ف انا اسف
ريناد : لا متقوليش اسف وانت مش حاسس بالكلمة .. متقولهاش غير لما تكون فعلاً ندمان بجد
( تمشي ريناد ، يمشي وراها ، تقف عند محطة الباص ، يقف جنبها )
سليمان : مبسوطة انتى طبعاً وانا عمال امشي وراكي كدة 🤷🏻♂️
ريناد : بالعكس حاجة تقرف .. ايه الي يبسط ف كدة 🙄
( يتغاظ ، ييجي الباص ، لسة ريناد هتنزل من ع الرصيف عشان تركب ، يمسك ايدها )
سليمان : هتركبي معايا
ريناد : انسى ✋
سليمان : يبقا عوزانى اشيلك زي امبارح 🤷🏻♂
( تتخض ريناد ، ياخد ايدها ويروحوا ل عربيته يركبوا ، تهبد ريناد باب العربية )
سليمان : بالراحة ع العربية !!
ريناد : معلش هطبطب عليها 😊
( تفتح الباب وتهبده اكتر وتبتسم ، تغيظه )
سليمان : ماشي 😏
( يطلع سليمان بالعربية مرة واحدة يخضها ، تحط الحزام ، يمشوا ، يوصلوا البيت ، ينزلوا م العربية يلاقوا جودى ف وشهم ، تستغرب جودى وجودهم مع بعض ، يبتسملها سليمان )
جودى : ابوك عاوزك جوة 😐
( لسة ريناد هتمشي ......... )
جودى : وانتى كمان ي ريناد
( يدخلوله )
عابد : عملت ايه ل ريناد امبارح ؟
سليمان : ممممم .. في حرباية هنا بتنقل الكلام بسرعة 🙄
عابد : رد ع سؤالي
سليمان : وانت بتسألني انا ليه
( يبص ل ريناد )
سليمان : اسأل الضحية اهي قدامك 😏
جودى ب خضة : ضحية .. عملك ايه دا ؟؟
ريناد : اااا ............
سليمان : ولا حاجة .. حضنتها بس كانت متضايقة 🤷🏻♂
( تتخض جودى وعابد )
جودى ب انفعال : حضنتها 😡
عابد : ايه الي انت بتقوله دة !!!
ريناد ب خضة : متصدقهوش محصلش والله 😦
سليمان : لا حصل .. انتى مكسوفة ليه ي بيبي عادي انا مش غريب 😏
ريناد ب انفعال : انت اجننت دة محصلش 😧
سليمان : مالك ليه منفعلة .. امبارح كنتي اهدى من كدة ب كتير 😉
( جودى هتنفجر 🔥 )
ريناد : انت كداب ومحصلش بينا حاجة .. دة بيقول كدة عشان يعصبكم مش اكتر محصلش اكتر من انه ساق العربية بسرعة عشان يخوفني وبس ✋
( تبصله )
ريناد : متصدقوش كلام العيال دة 😠
( تمشي ريناد لسة جودى هتروح وراها .............. )
سليمان : ريناد .. ريناد استنى
( يروح وراها يوقفها )
سليمان : مقلتيش ليه اني ضربتك بالقلم .. خايفة اتحاسب .. خايفة عليا ؟؟
ريناد : الوحيد الي خايفة عليه هو ابوك الي لسة خارج م المستشفى .. انت مين عشان اخاف عليك وانا مش معتبره أن ليك وجود اصلاً 😒
( تبصله ب استحقار وتطلع اوضتها ، يبتسم ، يعدى الوقت ، ييجي ميعاد العشا ، الكل قاعد ، يقرب سليمان لسة هيقعد )
عابد : متقعدش
( يستغرب سليمان )
عابد : متقعدش قبل م تعتذر ل ريناد انك ضربتها بالقلم
( يتخض الكل واولهم ريناد )
عابد : لولا اني سمعتكم مكنتش عرفت حاجة 😐
جودى : مقولتيش ليه ي ريناد ؟؟
( متردش ريناد )
عابد : اعتذرلها 👈
سليمان : اوك .. هعتذرلها .. بس مش قبل م مراتك هي كمان تعتذرلي انها ضربتنى بالقلم بردوا
( يتخضوا )
سليمان : غير كدة مش هعتذر ل حد ✋🏻
ريناد : عم عابد انا ...........
سليمان : اسكتي انتى ملكيش دعوة ☝
ريناد : لا ليا الموضوع يخصني 🤷
سليمان : لا ميخصكيش لولا ان اختك ضربتنى مكنتش ضربتك ولا جيت جنبك
( يبص ل جودي )
سليمان : انا عدتلك موضوع الجايزة لما حطتيها ف اوضتى وعملت نفسي مصدق ان ريناد الي حطتها .. بس بما انى انهاردة هعتذر .. يبقا تعتذري انتى كمان .. ساعتها نبقا متعادلين 🙂
( تقف جودى )
جودى : اوك .. انا ............
عابد : بس متعتذريش ✋ تعتذر ليه وانت اكيد غلطت فيها عشان كدة ضربتك 🤷🏻♂
سليمان : خلاص ريناد كمان غلطت فيا ف ضربتها .. اشطا كدا ؟
جودى : ريناد مبتغلطش ف حد 😒
سليمان : خلاص قوليلي ي اخت ام جناحين ايه الي يخليها تخبي عليكوا ومتقولش .. تخبي عليكي انتى بالذات ☝
( يسكت الكل )
سليمان : ممممم .. اكيد خايفة عليا .. بتحمينى عشان مقفش الوقفة دى واتعاقب 🤔
( يبصلها )
سليمان : مش كدة ي رورو 😏
( متردش ريناد )
سليمان : عندك اختيارين دلوقتي .. ي بتحاول حمايتى .. ي حماية نفسها .. وبما انها مبتغلطش ف حد .. ف فكري فيها انتى بقا 😉
( يقعد سليمان ، يقوم عابد )
عابد : مش طافح 😑✋
( يمشي وتروح وراه جودي وريناد ويقعد سليمان ياكل وهو ع وشه ابتسامة عريضة ، يعدى الوقت ، جودى عند ريناد ف اوضتها )
جودى ب انفعال : ازاي متقوليليش .. من امتى بنخبي ع بعض ي ريناد ؟؟؟
ريناد : انا اسفة بجد انا مرضتش اقول عشان ميحصلش مشكلة بس 😕
جودى : ع الاقل تقوليلي انا
ريناد : حاضر اوعدك بعد كدة لو حصل حاجة تانى هقولك ✋
جودى : كلمتين احفظيهم كويس .. حطي ف بالك انه مهما سليمان عاملك حلو ف عشان ينتقم منى من خلالك مش اكتر عشان عارف انتى ايه بالنسبالي .. انا خايفة عليكي .. دة عاوزلنا الاذية وبس ☝
ريناد : عارفة .. متزعليش مني 🙂♥
( تتنهد جودى )
جودى : مش زعلانة .. حصل خير 😑
( تطلع من عند ريناد )
سليمان : مفكرة كلامك دة هيخليها تكرهني ؟
( تبصله )
جودى : انت محدش قالك قبل كدة انك عيب تتصنت ع كلام حد .. بس مين هيقولك .. اليتم وحش معلش 😏
( تستفزه ، يمسك دراعها )
سليمان : اليتم مش ام بس .. وانا هخليكي تدوقي حتة منه 😡
( يزقها ع الكنبة ويمشي ، تعدى الايام ، الكل قاعد ، تقرب الشغالة ع ريناد )
الشغالة : محل المجوهرات باعت ل حضرتك دى
( تدي ريناد علبة )
جودى : ايه دى ؟!
ريناد : مش عارفة 😕
جودى : وريني
( تديهالها ، تفتحها جودي تلاقي فيها سلسلة فضي وفيها ماسة ع شكل قلب )
جودى : تحفة .. اكيد الي باعتها عشان عيد ميلادك بكرة
ريناد : بس مين الي باعتها 🤔
( يقرا عابد ورقة ملزوقة ف غطا العلبة )
عابد : ياريت تلبسيها بكرة ف عيد ميلادك .. كل سنة وانتي بخير .. سليمان
( تتخض جودى وتدي ريناد العلبة ، تتوتر ريناد ، ييجي الليل ، يوصل سليمان البيت ، يركن عربيته وينزل ، تقرب عليه ريناد )
سليمان : ايه الي مصحيكي ل دلوقتى الوقت اتأخر !!
ريناد : اتفضل مش عاوزة منك هدايا
سليمان : مش عجباكي ؟
ريناد : كلامى واضح قلت مش عاوزة منك هدايا ولو مش هتخدها اهي
( تحطهاله ع العربية )
سليمان : فكرك مش هعرف اخليكي تلبسيها ؟
ريناد : مش بالعافية هو 💁🏻♀
سليمان : بكرة نشوف 🙂