خبط في واحد والعصير وقع منه وشايف كل ده بالتفصيل الممل وشايف العصير وهو بيقع لحد ما فجأة خبط في بنت وقعوا علي الأرض
_ايييه مش تبص قدامك....
بص علي بعيد لقي جلهوم قرب هو ورجالته ..
تخيلهم زي البط وهما بيجروا وكان بيضحك
_ايه ده معقول ما فيش ذوق للدرجة دي موقعني وبتضحك
بص لها ابتسام: انا اسف يا ........
كانت بترفع شعرها اللي بيطير ....
فتح ابتسام بوقه..
_ مش معقول ...
نفخت وهي بتقوم ونفضت هدومها وهو لسه واقف فاتح بوقه.
ابتسام لقي اللي بيضربه بالقفا بص لقي جلهوم ...
جلهوم: هههههه وقعت في ايدي يا عروسة
ابتسام بخوف: ايه !
جلهوم: ههههه هو انا ماقولتلكش اني هازفك علي محسن يا محسن تعالي خود عروستك بالحضن
ابتسام : لا يا حبيبي دا عند أمك فتحي
جلهوم مسك قلبه :
هو جاب سيرة ست الحبايب
محسن: والله ما يقصد
ابتسام: لا اقصد..
جلهوم بتفكير: اومال لو عرف اسم مراتي شكري هايعمل ايه
ابتسام ضحك: الا صحيح قولي شكري مراتك عاملة اييييه
جلهوم مسك قلبه:
كله الا شكري القلب حب الفؤاد هو جاب سيرتها
محسن: والله ما يقصد
ابتسام: لا اقصد يا جلهوم وعلي فكرة الكل عارف ان اسمك نور
الناس كانوا واقفيم يتفرجوا ....
جلهوم شهق وبص لمحسن:
دا غلط فيا
محسن: والله ما يقصد
ابتسام: لأ اقصد
جلهوم: خلص عليه ...خلص علي الكلب ده خلص عليييه
فجأة سمعوا صوت صويت ..بص ابتسام ورجالة جلهوم مكتفينه لقا البنت بتتخطف حاول يفك نفسه...
قرب منه جلهوم وهو بيضحك:
هو دخول الحمام زي خروجه ولا ايه ..
ضربه ابتسام تحت الحزام....
جلهوم بوجع : هو ضربني في !!!!
محسن: والله ما يقصد
ضربهم ابتسام وجري ولف ليهم :
لا أقصد ..
وقع جلهوم علي الارض يعيط:
مستقبلي ضاع مستقبلييييييي شكري هاتطلقني !
محسن: ليه كل ده يا معلم اللي يتكسر يتصلح
جلهوم: كله الا ده اه ما كانش يومك يا جلهوم يا فضحتي بين البلطجية والنشالين وقطاع الطرق وجميع الحرف الابداعية بس لأااااا وديني لاجيب طارك يا غالي !
شافهم ابتسام وهما بيدخلوها عربية بس مالحقهاش ومشت وكان حواليها بودي جارد بيخوفوا الناس ...
فضل يجري بسرعة ورا العربية وسرعته كبيرة بنفس سرعة العربية
حاول يسمع صوت او اي حاجة لحد ماركز وبدأ يسمعهم..
_ادهم باشا طلب نخطفها ونوديها ليه وهايدينا 2 مليون جنيه بس هي جميلة اوي طلقة لوز مقشر مش لازم اوديها ليه انا هاخدها لنفسي احسن بس هاعمل ايه في التيران التانيين دول هايكون ليها حل
* اتنين مليون جنيه علي 4 يعني كل واحد هاينوبه 500 الف طب ليه مايكونش الفلوس ليا انا وبس وهاتدبر
/ ياااااه انا جعان اوي ياتري ماما طابخة ايه النهاردة يا سلام لو حلة محشي ورق عنب وبطاية وازلط ازلط ازلط ستكون زلطاية مليئة بالظلط ..
@ خليك مفتح دول عيال صايعة لو غفلت شوية يشفطوك ياه لو اخدت الفلوس كلها ليا ...
ابتسام: ياختييي كلهم تفكيرهم زبااااااالة بس يا تري مين فيهم اللي هايكسب.
العربية وقفت والبنت كانت فاقدة الوعي.
قرب ابتسام وبكل تلقائية خبط علي الازاز ...
فتح السواق الازاز وده كان اللي بيفكر في البنت وراح رازعه قلم ...
عينيه احمرت وفجأة طلع المسدس وحطه علي راسه
_انت عملت ايه ياض انت في وعيك
بلع ابتسام ريقه وعمل نفسه اعمي :
حسنة قليلة تمنع بلاوي كتيرة يا بيه حححسنة !
زقه الراجل وقع علي الأرض وفتحوا باب العربية ونزلوا منها وهما ماسكين البنت ودخلوها ...
وقف ابتسام وهو بيفكر هايعمل اييه..
فجأة لمعت عينيه بفكرة ...
__________________________
في المستشفي
جلهوم : عااااااااااااااا منك لله يا ابتسام الكلب
كانت الممرضات بيضحكوا عليه ...
راجل كبير قاعد :
مش قد الجواز بتتجوزوا ليه فضحوتنا وعرتونا رجالة خرعة
بص جلهوم ل .محسن:
الكلام ده ليا
محسن: والله ما يقصد !
جلهوم: اااااه هات لي ابتسام يا محسن
نفس الراجل الكبير:
هاتجيب ابتسام تشوف خيبتك ياخويا
جلهوم بعياط: الراجل ده بيلقح عليا يا محسن
محسن: والله ما يقصد!
___________________________
الباب بيخبط وبيكون ابتسام واقف ...
بيفتح واحد من البودي جارد:
ايه !
ابتسام بينزل الطاقية علي وشه:
البيتزا يا فندم
_بس احنا ماطلبناش بيتزا ..
بيجي اللي كان بيفكر في المحشي :
هاتها هاتها مش خسرانين حاجة ..
بياخدوا البيتزا وبيقفلوا الباب وبيقف ابتسام وهو بيضحك ...
ابتسام وهو بيشاور علي دماغه:
اللي هنا مخ متكلف دلوقتي ياكلوا من البيتزا اللي حاطط فيها مخدر وبعد كده يروحوا في سابع نومة وادخل انقذ القشطة اللي جوا واكون قدامها سوبر هيرو وتحبني ونعيش قصة حب ملتهبة ههههخخخ هههخخخ
بعد ربع ساعة وابتسام رايح جاي راح ناحية الباب وزقه بس مش بيتفتح ...
ابتسام: اعمل ايه دلوقت ..
افتكر ان عنده قوه خارقة وزقه بقوة اتكسر ووقع علي الأرض
وقف ابتسام وعمل صوت طرازان وضرب صدره بايده :
مع ابتسام مافيش مستحيل ! هحاول ائلف اي شعار قريب بس مش وقته ده وقت البطولات هههههه ااااااااه
وقع علي الأرض من قوة القلم اللي خده ...
ابتسام: ايييه تااا ثناني ثناني اتكثرت ...اهئ اهئ يا ظلمة
رفع دماغه لقا 3 بودي جارد محاوطينه ...
ابتسام : نهار اثود انتم ماكلتوش بيتثا ليييه ليييه الافترا ده
مسكوه من قفاه ووقفوه قدامهم ..
_انت مين يالا وعاوز اييه
ابتسام: بثراحة بقا البت اللي جوه دي قريبتي واللي انتم عملتوه مايطلعش من رجالة كده عيب
_يارجالة بيقول علينا مش رجالة
*لأ دا يتأدب يا معلم ...
مسكوه ونزلوا فيه ضرب في كل مكان ....
وقع علي الارض وقعد يعيط وبعدين بص لاول واحد:
مزعلاك اوي يا خويا ما انت عاوز تخلع بيها لنفسك وتلبسها ليهم ولا كأنك عملت حاجة
بص ليه الاتنيين التانيين...
_ايه يارجالة حتة عيل ما نعرفوش هايوقعنا في بعض
*اسفوخس عليك انا قلبي كان حاسس
ابتسام: حاثث حاثث ايه يا خويا ما انت اثخم منه وعاوز الاتنين مليون جنيه كلهم ليك وبتفكر تخلص منهم باي طريقة ..
_اه يا ناقص يا زبالة !
/انا ماتوقعتش فيكم يا عشرة العمر كده
ابتسام: يا عم اتنيل ماانت عارف انهم اندال وطول السكة عينيك منفجلة وخايف..
بصوا لبعض بعصبية وطلعوا مسدساتهم ورفعوها علي بعض ...
ابتسام بخوف: نهار اثود...
كل واحد فيهم عمر مسدسه وابتسام خايف وبيحبي لبعيد لانه ماعتش قادر يوقف وبيدعي عليهم في نفس:
الهي يدشدشكم زي ما دشدشتوني اااه الهي يدشملكم زي ما دشملتوني الهي ينفخكم زي ما نفختوني خافوا مني بقا لاني قلبي ابيض ودعوتي مستجابة اااااااه هاتلي حقي منهم يارب يارب ياخدكم بالجامد
بدأوا في ضرب النار وابتسام بيصوت :
انا عاوز انتحر وما احسش بالألم يا جزم انا كدا هاموت من الرعب وذنبي في رقبتكم ...
بعد عشر دقايق ضرب متواصل سكتوا ...
وقف ابتسام يبص عليهم بحذر وهو ماسك ضهره ...
ابتسام : موتوا ! يلا نصيبكم علي نياتكم ترزقون لو كانت نيتكم خير كان ربنا نجاكم يلا البقاء لله ادينا في دنيا محطات وكل واحد عليه الدور ...
قرب علي البنت اللي متربطة علي الكرسي ...
قعد علي الارض يبص علي ملامحها:
سبحان الله الجمال عدي الكلام تقبلي تكوني ام العيال !
وقف وهو مبتسم :
انا جيت انقذك مش زي الاوغاد المتوحشين دول .
فك الحبال اللي كانت مربوطة بيها وشالها وهو بيتمطوح ..
ابتسام: ياااا قوي. .
طلع بره البيت وبص في العربية لقا فيها المفتاح ..
ابتسام: دي عصابة دي بالذمة دا جلهوم علي مستوي عنها
ركب البنت جمبه وساق العربية والعربية بتيجي يمين وشمال..
ابتسام: شوفتي عشانك سوقت عربية لاول مرة في حياتي وللأسف شكلها اخر مرة هههه وابقي شهيد الحب ..
فجأة لقي عربية شرطة بتيجي جمبه ..
طلع الظابط من الشباك:
اوقف يا بني
ابتسام: هههه انا عارف اني لو حلفت لك علي المية تجمد مش هاتصدقني بس انا مش عارف اوقفها الحقونا يا حكومة
الظابط: اقف احسن لك
ابتسام : اهئ اهئ والله ما انا عارف
بدأت البنت تفتح عينيها وبتبص علي ابتسام والظابط وبتبص قدامها وبتصرخ بصدمة:
حااااسب حااااسب
ابتسام بص بخوف: عاااااااااا