رواية تائهه في بحور الذكريات الفصل الثامن عشر 18 والتاسع عشر 19 بقلم دودو محمد
اشرق صباح يوم جديد لتبدء معه طموح وامال ناس كتيره وكثير ما يكون بداية امل وكثير ما يكون بداية الم ولكن فى الاخير لكل نهار نهايه ويأتى الليل بظلامه وسكونه لينهى الرحله وينتظر اليوم الجديد بما فيه من طموحات جديده وتستمر الرحله هكذا مابين امل والم تتشابه الحروف ولكن يختلف الشعور
استيقظت نيره من نومها قامت من على سريرها دخلت حمامها غسلت وشها واتوضت وطلعت اداة فرضها وخرجت من الاوضه وكان مفيش حد فى البيت غير نادر ونايم دخلت اوضتها تانى ومسكت المصحف ولسه هتقراه فيه سمعت صوت الباب بيخبط
طلعت وفتحت الباب وكانت شهد
شهد :- صباح الخير صحيتك من النوم
نيره :- لا يا حبيبتى انا صاحيه من شويه تعالى خشى ودخلت شهد وقفلت الباب وراها
شهد :- نيره هو ليه كان فى عساكر امبارح هنا
نيره :- حكت ليها عن كل حاجه
شهد :- يالهوى هو فى بنأدمين كده
نيره :- انا كنت بقول زيك كده لحد ماشوفت بعينى
شهد :- بس اللى اسمه وليد ده طلع كويس لو مكنش هو مكنتيش طلعتى
نيره :- منكرش ان اللى حصل ده غير فكرتى شويه عنه واحترمته اكتر بس طبعآ مش اكتر من اخ
شهد :- بس الحمدالله انك طلعتى منها
نيره :- الحمدالله
شهد :- على كده بقى مش هتنزل شغل تانى
نيره :- لا جربت ومعرفتش اتعامل مع العالم الخارجى هقعد فى بيتى اربى بناتى وخلاص
وفى الوقت ده طلع نادر وهو لبس فانله حملات وبنطلون قطن وشعره منكوش وبيطمتع
شهد :- اول ما شافته اتكسفت
نيره :- احم احم عندنا ناس على فكره
نادر :- بص لاقى شهد قعده دخل يجرى على اوضه لبس فانله نص كوم وسرح شعره وطلع تانى من اوضه
نادر :- انا اسف والله يا شهد معرفش انك قعده
شهد :- احم مفيش مشكله
نادر :- عامله ايه
شهد :- الحمدالله وفى الوقت ده الباب خبط
نيره :- ومين ده اللى جاى لينا دلوقتى
نادر :- مش عارف وراح فتح الباب
المحضر :- ده بيت نيره محمد إبراهيم
نادر :- ايوه
المحضر :- طب هى موجوده
نادر :- ايوه وجت نيره وقالت
نيره :- اؤامر حضرتك
المحضر :- امضى هنا واستلمى
نيره :- ده ايه ده
المحضر :- امضى الاول وانتى تعرفى
نيره :- مضت واخدت الورقه وقفلت الباب
نادر :- فيها ايه الورقه دى
نيره :- قراتها ودموعها نزلت منها وقعدة على الارض
نادر :- اخد الورقه منها وقراه اللى فيها واتصدم
شهد :- فى حاجه وحشه ولا ايه
نادر :- حماتها طلبه حضانة البنات ليها علشان الام غير صالحه ولا مؤهلا لتربية البنات
شهد :- يعنى ايه مش فاهمه
نادر :- يعنى حماتها استغلت موضوع امبارح وراحت محكمة الاسره وعملت دعوه ان حضانة البنات تكون ليها بسبب ان الام غير صالحه او غير مؤهلا لتربية البنات وبما فى اثبات بكده بيتحكم من اول جلسه بحضانة الاطفال للجد او الجده او العم او العمه ولو مطلقه بيبقى الحضانه للاب
شهد :- يعنى كده هما هياخدو البنات
نادر :- للاسف
شهد :- طب ما تحاول تشوف طريقه تخلى الحكم فى صالحها
نادر :- حاجه واحده بس هى اللى تنفع
شهد :- ايه
نادر :- الصلح والتراضى بتروح اللى رافعه الدعوه بسحب الملف وتبقى البنات مع امهم وفى حضنتها
نيره :- كانت ولا سمعه ولاكلمه من اللى بتتقال وقامت دخلت اوضتها ولبست هدومها وخرجت من الاوضه
نادر :- انتى رايحه فين كده
نيره :- ريحلها اشوف ليه بتعمل كده معايه
نادر :- بلاش دلوقتى
نيره :- لا هروح دلوقتى
نادر :- طب استنى اخش البس واجى معاكى ودخل اوضه ولبس هدومه وطلع ونزل هو واخته وشهد راحت على شقتهم
……………………………………………………
عند وليد صحى من نومه على صوت خبط على الباب قام وفتح الباب
خالد :- ليدو حبيب قلبى
وليد :- يا صباح الرزاله جاى بدرى كده ليه ودخل تانى نام على سريره
خالد :- ايه يا ابنى الكسل ده قوم كده وفوق
وليد :- خالد
خالد :- عيون خالد
وليد :- مش القائد حاجز ليك اوضه
خالد :- فعلا انت محق
وليد :- طب ليه جاى على اوضى تقرفنى روح على اوضك وحط المخده على راسه
خالد :- شد المخده من على وش وليد وقاله قوم كده وفوق ده انت هيبقى يومك فل علشان اصتبحت بوشى
وليد :- ربنا يستر روح بقى على اوضك وبطل غلاسه على الصبح
وفى الوقت ده الباب خبط فتح خالد الباب وقفله تانى
وليد :- مين
خالد :- بصدمه الفندق ده فى لمبات منوره بتمشى
وليد :- ايه اللى انت بتقوله ده
والباب خبط تانى
خالد :- فتح الباب ودخلت رقيه
رقيه :- انتى واحده متخلفه ليه اقفلى الباب فى وش اللى انا
خالد :- الله لا وبتتكلم كمان
وليد :- هى مين
خالد :- اللمبه
وليد :-لمبه
خالد :- ايوه مش دى اللمبه نايلون
وليد :- الله يحرقك هى دى المهمه
خالد :- يا رااااااااااااجل
وليد :- اه والله
خالد :- المهمه لمبه
وليد :- ياابنى استر مجالك شويه دى رقيه الصحفيه التركيه
خالد :- ياراجل يا سلام على جمال المهمه وحلاوة المهم وطعامة المهمه
وليد :- حيالك حيالك اصلها بتتكلم عربى وبتفهم
خالد :- بس مش مسامحك يا اخى بقى انت قاعد هنا مع حتة الكنافه بالمكسرات دى وسايبنى انا مع الغفر هناك روموش عينى وصوبع رجلى الصغير مش راضين عنك
رقيه :- بصت لوليد وقالت مين دى يا وليد دى مجنونه خالص
خالد :- مد ايده وقال محسوبك خالد بس بما فيها دى وانتى يبقى محسوبتك خلود مساعد مع وليد
وليد :- متخديش عليه هو صواميل دماغه مفكوكه لوحدها
رقيه :- وليه مش توديها تصلح دمغها وليد
وليد :- لا بعيد عنك دى عاها عايش بيها طولت العمر.
خالد :- كده يا ليدو بتسوء سمعتى قدام الاجانب
وليد :- انت اللى فاضح نفسك بهبلك ده
خالد :- ليدو ده البت بتنور لوحدها وحط صوبعه على كتفها وقال لا وبتكهرب كمان هو فى كده فى الدنيا
رقيه :- انا مش افهم عليها وليد هى تقول ايه
خالد :- صقف بأيديه وقال صلاة النبى احسن ايه الرقه دى يابت ده احنا عندنا غفر اقسم بالله وعيط بتمثيل
رقيه :- اوه انتى بتعيطى ليه
خالد :- الله يرحمك يا اما كانت بتضحك عليا ومفهمانى ان بنت اختها ملكة جمال وهى فى الاخر طلعت دكر وشبه الشويش عطيه انتى عارفه لو كانت عايشه وشافتك مش بعيد كانت هى اللى اتجوزتك
رقيه : - اوه الماما بتاع انتى ميت
خالد :- خبر اسود ومنيل انت حايش نفسك عنها ازاى دى البت تتاكل اكل
وليد :- طب اتفضل روح اوضك بقى
خالد :- على جثتى انا راشق هنا يا معلم
رقيه :- وليد انتى خليكى معايه انا
وليد :- عايزه ايه يا رقيه
رقيه :- عايز اشوف الهرم واشوف ابو الهول
خالد :- هيييييييييح على الطلاق من مراتى اللى متجوزتهاش لو روحتى عند ابو الهول هينطق ويقوم يخدك بالحضن
رقيه :- دى مجنونه خالص
وليد :- سيبك منه خليكى معايه انا معلش يا رقيه مش هينفع اروح انهارده خليها يوم تانى
رقيه :- انا زعلان منك انتى
خالد :- ياشيخ حس على دمك بقى تخلى حتة السكر دى تزعل ده انا واولع فى نفسى ولا ازعلها
وليد :- ياابنى مش هينفع انهارده
خالد :- ليه وراك الديوان
وليد :- لا بس
رقيه :- قطعت وليد وبصت لخالد وقالت مش انتى المساعده بتاعة وليد
خالد :- ها اه
رقيه :- يبقى انتى خد اللى انا عند ابو الهول
خالد :- انشالله ياخد عدوينك يا ضنايا هو ده الكلام اللى مظبوط
وليد :- مفيش مشكله انا متأكد انك هتقدر تحميها رغم انك تافه بس فى الشغل تصد
خالد :- مش عارف اقولك ايه انا كده هتغر
رقيه :- هروح الاوضه البس الهدوم بتاع اللى انا بسرعه
خالد :- اجى اساعدك يا جميل
رقيه :- بعصبيه انتى واحده قليلة ادب ومش كويسه وانا هخاف منك انتى
وليد :- اهدى يارقيه هو خالد كده بيحب يهزار علطول
رقيه :- تلزم ادابها يا اما انا اعرف شغلى معاها
خالد :- ايه دى دى طلعت من بولاق يا ابا
وليد :- بص لرقيه وقال روحى انتى احهزى يارقيه
ومشت رقيه وهى متعصبه من خالد
خالد :- صقف بأيديه وقال العب يلا اسد يلا
وليد :- خالد احترم نفسك ومتخلنيش اندم ان انا جبتك معايه فى المهمه ورقيه تركيا اه بس دى بنت مسلمه خليك فاكر ربنا فى تعاملك معاها
خالد :- بجديه انت عارف ان كل ده هزار مش انا اللى اغضب ربنا واحنا مش عشرت يوم ولا اتنين احنا عشرة سنين ازاى تفكر فى كده
وليد :- يا ابنى انا واثق فيك وعارف خالد الجدع بس انا من وجبى كأخ وصديق انصحك وانبهك
خالد :- عمومآ متخفش عليها انا اقدر احميها لحد ما تيجى هنا وحتى اقدر احميها من نفسى
وليد :- حس بزعل خالد قال ايه ده يا خالد
خالد :- ايه فى ايه
وليد :- ده انت طلع عندك دم وانا معرفش
خالد :- لا خفيف يا ولا
وليد :- خلاص بقى يا خلود انا كنت بقول كده علشان الصراحه البت طلقه
خالد :- دى مش بس طلقه دى طلقه بالتلاته
وليد :- ههههههههه ايوه كده فكها
خالد :- كام
وليد :- هو ايه
خالد :- فكة كام عايز هئ هئ هئ
وليد :- تصدق ان انا غلطان ان بحيلك غور يالا
خالد :- اه يا واطى تاخد غرضك منى وترمينى للكلاب
وليد :- ههههههههه بتزهقنى بس بحب خفة دمك
وفى الوقت ده خبط الباب وفتح خالد الباب
رقيه :- الد انا خلصت انتى لسه
خالد :- رفع حاجبه وقال الد فين بقيت الحروف
رقيه :- انا مس بعرف اتكلم اربى حلو انا اتكلم اربى مكسر سويه
خالد :- احم انا بقول خلينا هنا احسن وبص لوليد وقال عندك حق يا صاحبى انا ممكن مقدرش على نفسى بالرقه دى
وليد :- لا انا واثق فيك ويلا بقى علشان الوقت
ومشى خالد مع رقيه
……………………………………………………
فى فيلا وحيد الدمنهورى
وصلت نيره وهى منهاره وكانت امينه قعده فى وش الباب
امينه :- اذيك يا نيره
نيره :- مش كويسه انتى ليه تعملى كده ليه
امينه :- بعد اللى حصل امبارح انا مش امن على بنات ابنى يتربو بعيد عنى
نيره :- انتى عرفتى منين
امينه :- الناس كلها عرفت ان مرات رامى الدمنهورى الله يرحمه اتقبض عليها بتهمة اختلاس واحنا عيله ليها اسمها ووضعها
نيره :- بس انا معملتش حاجه وعشت معاكم سنين طويله عمركم شفتو حاجه وحشه منى
امينه :- لا
نيره :- طب ليه تعملى كده وتخدى بناتى منى
امينه :- انا محرمتكيش منهم لو عايزه تعيشو معاهم هنا مفيش مشكله وفقى على الجواز من وليد وعيشو مع بعض علطول
نيره :- قولى كده بقى انتى عامله كل ده علشان كده وهو عامل فيها شهم علشان يأثر فيا واوافق على الجواز منه لا والف لا جواز مش هتجوز وبناتى هتبقى معايه واعلى ما فى خيلكم اركبو
امينه :- هههههههه برحتك متتجوزيش بس البنات هناخدوهم وبالقانون واعتقد ان اخوكى المحامى عارف ان الحكم فى صالحنا ومن اول جلسه
نيره :- طب هتستفادى ايه من كل ده
امينه :- بنات ابنى يبقى فى حضنى ووصية ابنى تتنفذ زى ما هو عايز بالظبط
نيره :- قعدة على الارض عيطت وقالت حرام عليكم مقدرش اعيش من غير بناتى ابوس رجليكى بلاش بناتى واى حاجه عايزها هعملها ليكى بعيد عن الجواز
امينه :- والله انا قولت اللى عندى وفى ايديك القرار هتوافقى تتجوزى وليد هتعيشى مع بناتك العمر كله
مش موافقه يبقى البنات هتعيش معايا وانتى مش هتشوفيهم العمر كله
نيره :- بدموع ليه ليه حسبى الله ونعمه الوكيل حرام عليكم حرام انا معملتش ليكم حاجه وحش ليه تعملو معايا كده وانتى ام وعارفه قد ايه صعب فراق الولاد عن حضن امهم ليه عايزه تحرقى قلبى وتحرمينى منهم
امينه :- انتى اللى عايزه تحرمى نفسك منهم مش انا برفضك لوليد
نادر :- شدها من ايديها وقال كفايه زل بقى انتى ازاى راضيه تذلى نفسك بطريقه دى ازاى
نيره :- بصت لنادر وقالت دول ولادى يا نادر انا لو هبوس على كل رجل شويه هعملها بس ما يبعدوش عن حضنى
وبصت لامينه وقالت شوفى ابنك هيكتب امته
الكل :- اتصدم من كلمة نيره
نادر :- نيره انتى بتقولى ايه
نيره :- اللى سماعته موافقه على الجواز وكانت الدموع نزله من عنيها
امينه :- راحت ليه بالكرسى وقالت ايوه كده تعالى فى حضنى
نيره :- بعدت عنها وقالت بس بشرط تتنزلى عن الحضانه
امينه :- اليوم اللى يتكتب فى الكتاب المحامى هيتنازل
نيره :- اللى هو امته يعنى
امينه :- الخميس الجاى
نيره :- ماشى ومشيت هى ونادر وامينه مسكت التليفون اتصلت بوليد وهى مبسوطه
وليد :- السلام عليكم
امينه :- وعليكم السلام اذيك يا حبيبى
وليد :- الحمدالله يا ماما انتى عامله ايه وادم وتقى عاملين ايه
امينه :- كلنا كويسين يا حبيبى المهم
وليد :- خير يا ماما
امينه :- اعمل حسابك كتب كتابك يوم الخميس
وليد :- بصدمه كتب كتاب مين
امينه :- كتب كتابك انت على نيره ماهى وافقت
وليد :- وافقت ازاى وهى لحد امبارح كانت رافضه الجواز ومين قرر ميعاد كتب الكتاب من غير ما يقولى
امينه :- وفقت ازاى مش مشكلتك وانا اللى حددت ميعاد كتب الكتاب على اساس انك موافق
وليد :- مش هينفع يا ماما يوم الخميس يعنى كمان 3ايام وانا فى الشغل ازاى بقى
امينه :- بقولك ايه بلاش الحجج بتاعتك دى وانا مش كل ما اقنع واحد التانى يرفض اتصرف ويوم الخميس كتب كتابك سلام وقفلت السكه
……………………………………………………
عند نرمين فى الفندق
صحيت من نومها
قامت من على سريرها ودخلت حمامها واتوضة واداة فرضها والباب خبط
نرمين :- فتحت الباب
تقى :- صباحو
نرمين :- اهو صباح وسبتها ودخلت
تقى :- دخلت وقفلت الباب وراها
وقالت ايه يا مزه مش تسألى على الغولبان اللى اطحن بسببك ده
نرمين :- بقولك ايه يا تقى انا مش فايقالك ولا فايقه لحد خالص
تقى :- انتى ليه بقيتى ضعيفه كده فين نرمين البنت القويه فين المية راجل
نرمين :- بدموع ودى عمرها ما حصلت منها ان حد شاف دموعها وقالت انا تعبانه يا تقى تعبانه اخوكى وجعنى اووى وجرح كرامتى وقلل من انوثتى وبعد كل ده بحبه ومش قادره اكرهو ولا قادره اتقبل الاهانه دى ولا قادره اتنازل عن كرامتى ولا قادره ارجع تانى نرمين القويه حب اخوكى خلانى ضعيفه كسر فيا حاجه كبيره اوى جوايا يا تقى واترمت فى حضنها
تقى :- صعبت عليها نرمين وهى اول مره تشوفها بالضعف ده وقالت ششششش اهدى يا نرمين احنا طول عمرنا بنقول عليكى قويه وجامده ووقت ما بنكون فى مشكله اول واحده بنجرى عليها هو انتى علشان عارفين ان احنا سندين على ضهر جامد هتيجى دلوقتى تضعفى لا يا نرمين متخليش لا ادم ولا اى حد يكسرك وارجعى تانى نرمين القويه
نرمين :- بعدت عن حضن تقى وقالت عمر اللى بيتكسر بيتصلح يا تقى حتى لو اتصلح بيسيب اثر
تقى :- يا حبيبتى انتى اللى طول عمرك بتقولى الست اللى بجد عمرها ما تعتمد على راجل تعتمد على نفسها وان شغلها وهو مستقبلها وعمر ما حياة الواحده بتقف على راجل بعد عنها وسبها ليه غيرتى دلوقتى رأيك واعتمدى على ادم ووقفتى حياتك عليه
نرمين :- بدموع علشان حبيت يا تقى وقلوبنا مش بأيدينا
تقى :- حضنتها وقعدة تطبطب عليها ونرمين تعيط
……………………………………………………
بقلمى (دودو محمد)
«تائهه فى بحور الذكريات»
الفصل التاسع عشر
عند ادم كان قاعد فى الكافتيريه هو ونهى وبيتكلمو
نهى :- لا يا ادم انت غلط فى كده البنت ممكن تسامح على اى حاجه الا حاجتين
انك تطعنها فى انوثتها وانك تخونها الاتنين دول مستحيل على اى واحده تسامح عليهم
ادم :- انا امبارح كانت هطق منها كل ما افتكر اللى اسمه عمرو ده كان لمسها مش قادر يا نهى رغم اللى عملته فيه برضه مارتحتش كنت عايز اموته او اقطع ليه ايده اللى اتمدت عليها وهى كنت هموت من الغيظ منها وملاقتش حاجه احرق دمها بيها الا دى
نهى :- ادم انت عايز تعلمها درس ولا عايز تبعدها عنك
ادم :- ده انا اموت لو بعدت عنى ده انا بعمل كل شغل المراهقين ده علشان اديها درس ومتفكرش تنطق كلمة بعد تانى
نهى :- ايوه يا ادم بس انت زودها اوى وبكده هتخليها تكرهك
ادم :- والمفروض اعمل ايه
نهى :- مش عارفه بصراحه ايه ردت فعلها بعد كلامك امبارح ليها بس هنستنا ونشوف وفى الوقت ده دخلت تقى ومعها نرمين
تقى :- نرمين تعالى نقعد فى اى مكان تانى
نرمين :- لا هقعد هنا وكمان معاهم وشدة ايد تقى وراحت ليهم
تقى :- لنفسها استر يارب
نرمين :- صباح الخير يا جماعه
نهى :- صباح النور
ادم :- مرداش يرد عليها
نرمين :- جرى ايه يا ادم مش عايز ترد عليا الصباح ليه
ادم :- سورى مسمعتكيش
نرمين :- اهو يا عم هقولك تانى صباح الخير
ادم :- من غير نفس صباح النور
نرمين :- قعدة على الكرسى وقالت معلش يا جماعه لو هرزل عليكم ممكن اقعد معاكم على الطربيزه وشدة تقى وقالت اقعد يابنتى
ادم :- ما انتى قعدى خلاص
تقى :- مستغربه نرمين وافعالها وتغير حالها
نرمين :- بصت لنهى وقالت سورى يا حبيبتى لو هقطع ليكم القعده الرومانسيه دى
نهى :- وهى بتكتم ضحكتها لا مفيش مشكله احنا اوقتنا كلها رومانسيه
نرمين :- اه يا حبيبتى ربنا يجعل ايامكم كلها رومانسيه مش قادره اقولك الواحد من غير الرومانسيه دى ميعرفش يعيش ده انا لازم يوميآ رومانسيه مره الصبح ومره بليل بقيت مريضة رومانسيه
تقى :- مقدرتش تمسك نفسها من الضحك ههههههههههههههه حلوه يخربيت عقلك يا شيخه
ادم :- متغاظ منها وقال والله وايه نوع الرومانسيه دى اللى بتاخديها مرتين
فى اليوم
نرمين :- رجعت ضهرها لوراه وقالت ياااااااااااه مقولكش بخدها كلها على بعضها كده تجنن
ادم :- قام مسك نرمين من درعها وقال بجد انتى قد الكلام اللى بتقوليه ده
نرمين :- زقت ايده وقالت ايوه قده ولو مكنتش قده مكنتش قولته
ادم :- خلاص تعالى ليا بليل فى اوضى دوقينى الرومانسيه دى مدام حاجه سهل بالنسبالك
نرمين :- رفعت ايديها ونزلت بيها على وشه وقالت اصلك بنأدم زباله وافكارك زباله زيك انا اشرف منك و من عشره زيك ولا علشان انت عايش القرف ده مفكر الناس كلها زيك وسابته ومشيت
تقى :- طلعت تجرى وراها
ادم :- كان مصدوم من اللى حصل ووقف وحاطط ايده مكان القلم اللى ضربته ليه نرمين وقال بقى انا يابنت ال*****تمد ايديك عليا وعزة جلال الله هتشوفى يا نرمين لهوريكى ايام سوده وشد المفرش اللى على الطربيزه ووقع كل اللى عليه فى الارض
……………………………………………………
عند وليد فى الفندق
كان قاعد ومتعصب من كلام امه
وليد :- ازاى يا ماما تعملى كده ازاى
ومسك تليفونه واتصل على خالد
خالد :- ايوه يا ليدو فاتك نص عمرك الخروجه تحفه والبت رقيه دى اروبه وعماله تجرى كده وكده وكأن بفسح بنت اختى والله
وليد :- ممكن تفصل شويه وتسمعنى
خالد :- فى ايه يا وليد
وليد :- خالد انا مخنوق وعايزك تيجى دلوقتى
خالد :- فى ايه يا ابنى ما انا لسه سايبك ومكنش فيك حاجه
وليد :- حكا ليه اللى امه قالته ليه
خالد :- اووبا دى كبرت اوى يا معلم اقفل وانا هجيب رقيه وجاين
وليد :- ماشى يا خالد سلام
خالد :- سلام
……………………………………………………
فى بيت محمد إبراهيم
وصل نادر ونيره ودخلو الشقه وكان نادر متعصب ورمى المفاتيح على الطربيزه وقال
نادر :- ممكن بقى تفهمينى ايه اللى انتى عملتيه ده
نيره :- عملت ايه انا كل اللى عملته حافظة على بناتى فى حضنى
نادر :- تروحى توافقى على الجواز من وليد
نيره :- انت اللى بتقول كده ما انت كنت موافق على جوازى منه علشان هيحمينى مش ده الكلام اللى قولته امبارح ولا ناسى
نادر :- لا مش ناسى وانا عند رأى بس انك تتجوزى بطريقه دى كده مش هيبقى جواز انتى موافقه تحت ضغط وبكده هتعيشى تعيسه فى حياتك
نيره :- انا عندى اعيش تعيسه فى حياتى ولا ان اعيش حياتى وانا ميته من غير بناتى صدقنى احساس صعب على اى ام لما تحس ان عيالها هتعيش بعيد عن حضنها ده انا مش اروح اتجوز وليد بس لا انا اروح ارمى نفسى فى النار ولو فيها مصلحه لبناتى يا نادر
نادر :- كنتى صبرتى لما نشوف الحكم
نيره :- لو كان فى امل واحد فى الميه ان الحكم هيبقى فى مصلحتى كنت موافقتش على الجواز ودخلت الحرب دى بقلب جامد بس مش فى مصلحة البنات وهيروحو منى
نادر :- يعنى انتى ده قرارك الاخير
نيره :- ايوه يانادر
نادر :- ماشى براحتك بس لازم اتصل بى بابا اقوله على كل حاجه
نيره :- اعمل اللى عايز تعمله وسابته ودخلت اوضتها وقفلت باب اوضتها عليها واترمت على السرير وقعدة تعيط ……………………………………………………
فى الاوضه عند نرمين
دخلت اوضتها ودخلت وراها تقى
تقى :- ده انتى ليلتك طين ده ادم مش هيعدى اللى انتى عملتيه بساهل
نرمين :- اعلى ما فى خيله يركبه
تقى :- انا كنت اتوقع اى حاجه منك الا انك تمدى ايدك عليه الصراحه
نرمين :- ولا انا الصراحه بس هو عصبنى قال اروحلو الاوضه قال
تقى :- يا بنتى ما انتى اللى خلتيه يقول كده من طريقة كلامك
نرمين :- انتى هدافعى عليه علشان اخوكى
تقى :- مش كده يا نرمين انا لو زعلانه على اخويه مكنتش جيت وراكى بس انا بقول الحق
نرمين :- عادى انا بتكلم على الرومانسيه اللى هو الغزل وكده والكلام اللى بنقراه فى الروايات مش قصدى اللى جه فى دماغه
تقى :- حصل خير بس ربنا يستر من اللى جاى ده ادم مش هيعدى الموضوع ده على خير
نرمين :- ولا يقدر يعمل حاجه معايه بس ايه رأيك فى القلم 😂😂😂
تقى :- طرقع والنعمه انتى جبتى الشجاعه دى منين 😁😁😁
نرمين :- ههههههههه بس هو متهزش تقولى جبل واقف متحركش 😂😂
تقى :- الله اكبر انتى هتحسديه ولا ايه😂😂
نرمين :- هحسده على ايه يعنى بس يا عين امه عمرو استحمل ايده ازاى
تقى :- نهار اسود ده انا نسيته ده مش بيقدر يتحرك من على السرير
نرمين :- لدرجاتى مطحون
تقى :- ده كلمة مطحون عليه شويه ده مهروس يا قلب امه
نرمين :- طب تعالى نضحك عليه شويه
تقى :- ضربتها فى صدرها وقالت تضحكى عليه ليه شايفه اراجوز
نرمين :- ياسلام على الحونين يا ناس بتزعلى عليه
تقى :- اه ومزعلش عليه ليه مش حبيبى
نرمين :- طب يلا يا سعديه احسن الحب ولع فى الدره 😁😁😁
تقى :- اللهى تولعى فى نص البحر وميلاقوش ميه يطفوكى يابعيده😂😂
نرمين :- ههههههه طب يلا يا اذكى اخواتك 😁😁
……………………………………………………
عند وليد فى الفندق
وصل خالد مع رقيه للفندق ودخلت رقيه على اوضتها ودخل خالد عند وليد
خالد :- خبط على باب اوضة وليد
وليد :- فتح الباب لخالد وقاله خش وساب الباب وراح قعد
خالد :- دخل وقفل الباب وقعد على الكرسى وقال ها احكى ليا بتفصيل ايه حصل وازاى مرات اخوك وافقت فى يوم وليله كده
وليد :- يا ابنى انا معرفش سبب تغير رأيها المفاجئ ده
خالد :- يمكن فكرت وشافت ان اخوك وامك ليهم حق ان هما بطلبو منها الجواز ليك وحست انها محتاجه راجل جمبها
وليد :- مش هو ده اللى خايف منه انا خايف ليكون اتشدت ليا بعد ما ساعدها تخرج من القضيه اللى هى كانت فيها
خالد :- اه بتاعة الاختلاس
وليد :- بأستغراب وانت عرفت ازاى
خالد :- با ابنى ده الصحف كلها منزله الخبر اختلاس زوجة المرحوم رامى الدمنهورى متنساش ان شركة ابوك مشهورا ورامى كان مشهور من رجال الاعمال
وليد :- الله يرحمه
خالد :- ها وهتعمل ايه لو كلامك ده صح
وليد :- انا مستحيل المسها او اعاشرها معشرة راجل لمراته هشوف فيها رامى اخويه الله يرحمه
خالد :- وبرضه مش هتقدر ترفض الجواز اللى هو كمان يومين
وليد :- انا فى دوامه يا خالد مش عارف اطلع منها
خالد :- مش عارف اقولك ايه يا صاحبى بس قولها على الاقتراح اللى انا قولتهولك قبل كده.وشوف رد فعلها ايه
وليد :- تفتكر هتوافق ولا تكون ناويه تبدء حياه جديده وعايزه تستقر مش عارف يا خالد مش عارف دماغى هتنفجر
خالد :- ربنا يصلح حالك ويدلك على الطريق الصح قوم واتوضه وصلى صلاة استخاره وربنا يريح قلبك
وليد :- هعمل كده.
وقام خالد راح على اوضه ووليد قام اتوضه وطلع يصلى ركعتين صلاة الاستخاره.
……………………………………………………
فى اوضة عمرو
خبطت تقى على الباب
عمرو :- فتح ليهم
نرمين :- هههههههههههههههههه
عمرو :- بتضحكى ما هو كل ده بسببك انتى كشفت شعرى ودعيت عليكى يا بعيده
تقى :- هدى اعصابك شويه يا حبيبى
عمرو :- حبك برص انتى كمان وعشره خرس
تقى :- طب انا مالى طه هى السبب
عمرو :- مش اخوكى يا مخفيه وانتو اللى بتعلفوه
نرمين :- هههههههههه امال فين السنه يا عمرو اكلها الفار
عمرو :- اللهى فار يعضك من صرصور ودنك ياشيخه انتى ايه معندكيش دم حسى على دمك شويه وتعالى سندينى وبص لتقى وقال وانتى خشى شوفيلى لقمه اكلها
نرمين :- انت هتعملنا سى السيد وحياة امك
عمرو :- هو فى سى السيد متكسر كده اللهى يتكسر عضمك يا ادم يا ابن حوا وادم
تقى :- ايه ده ادم ايه جابك
عمرو :- ها فين فين وقعد يبص حواليه
تقى ونرمين :- ههههههههههههههههههههه😂😂
عمرو :- بتضحكى عليا يا بنت ال
تقى :- ها بنت الايه عييييييب الشتيمه عيب
نرمين :- هههههههههههههه الصراحه منظرك مسخره مش قادره امسك نفسى من الضحك الصراحه
عمرو :- يا اختى حلوه اللهى تجربى مره ايديه علشان تحسى باللى انا حاسس بى
نرمين :- عيب عليك ده انا لسه سايبه بصمه على وشه بأيدى دى
تقى :- ادم
نرمين :- قديمه لسه عاملها فى عمرو المهم بس يا ولا يا عمرو خليته زى الهلهولا
عمرو :- ادم
نرمين :- ايوه والله ادم ده على اللى ناويه اعملو فيه ابن المضيقه ده
تقى :- ادم
نرمين :- هو فى ايه اللى نازل عليكم ادم ادم اللهى يولع مكان ما موجود
عمرو :- حلو ولعنا كلنا 😂😂😂
نرمين :- بص يا عمرو
عمرو :- زق وشها وقال بصى انتى
نرمين :- بتبص لاقت ادم وقف على الباب والشرار بينط من عنيه
ادم :- بقى كل الكلام ده عليه وحياة امك ما انا سايبك وهدفعك تمن القلم ده غالى اوى وراح عليها
تقى :- وقفت قصاده وقالت بالله عليك لتهدى شويه وانا هفهمك كل حاجه
نرمين :- سبيه يا تقى هيعمل ايه يعنى
تقى :- ما بلاااااااااش
عمرو :- وهو مستخبى وراه تقى اه وانا قوليلها بلاش
نرمين :- ولا يقدر يع
ادم :- قاطعها الكلام وشالها
نرمين :- ايه ده يا بنأدم انت نزلينى
ادم :- مسمعش كلامها ومشى بيها
نرمين :- قعدة تضرب على كتفه وتقوله نزلنى بدل ما اصوت والله
ادم :- صوتى براحتك محدش هيقدر يقرب ليا وهقول عندك صارعه وده دور عندك بيجى ليكى كل فتره وانا الدكتور بتاعك
نرمين :- وحياة امك ما انا سيباك شكلك حبيت الضرب منى
وفى الوقت ده وصل ادم للعربيه وحطها وقفل الباب وركب هو كمان العربيه ومشى بيها
فى اوضة عمرو
عمرو :- انت يا ابنى نزلها بدل ما امد ايدى عليك
تقى :- خلاص يا ابنى مشى
عمرو :- احم انا ك.ك.كنت بدور على حاجه اضرب بيها اخوكى
تقى :- ياررررراجل وهو الحاجه دى وراه ضهرى
عمرو :- يا بنتى افهمينى انا خفت عليكم
تقى :- والله وخفت علينا من ايه بقى ان شاءالله
عمرو :- خفت يغمى عليكم من منظر الدم اللى هينزل من اخوكى بسببى
تقى :- امممم بأمارة ما انت مشلفطه امبارح
عمرو :- شوفتى اهو انتى قولتيها ببؤق وتعالى وصلينى للسرير
تقى :- تعال يا اخويه
عمرو :- تقى هو انا لو قولت ليكى هاتى بوسه هتزعلى
تقى :- خالص ايه ده ادم رجعت تانى
عمرو :- ادم يا لهههههههههههوى وطلع يجرى
تقى :- ههههههههههههههههههههههههه