رواية لا تراجع ولا استهبال الفصل الثامن8 بقلم حنين عادل

ابتسام بيقع علي الأرض بتعب:

ماعتش قادر تعبت خلاص

_كسرت لي البيض ياااا متخلف تس تس

بيبص ابتسام بصدمة ناحيته وبتتغير ملامحه وبيكون هايعيط في نفس الوقت جوهرة الخاتم بتتلون كلها باللون الأحمر .

ابتسام بهيستريا:

تس تس انا الثعبان ههههههه الواحد مكتوب له يشوف حاجات غريبة يا جدع انا اكيد بتخيل 

كانت افعي كبيرة واقفة تبص عليهم 

جني فتحت بوقها وهي بتبص عليها...

الأفعي: ايه اللي هببته ده يا غبي عشان جوزي اللي مالوش لازمة أكل ومرعي وقلة صنعة يجي يقولي ماعرفتيش تحمي ولادي ويجعص ده ما بيصدق ينتقدني تقولش نازل من السما وانه لو كان اتجوز بنت خالته احسن  اقولك اختار لك موتة ساهلة

بيغمض ابتسام عينيه:

ده اكيد بسبب التعب اصل استحالة يكون في حاجة راس تعبان وجسم انسان ضخم انا بتخيل بتخييييال

جني: طب كفاية تخيل علي نفسك المية وصلت لي .

فتح ابتسام عينيه شاف الأفعي واقفه متعصبه وعينيها حمرا..

لطم وهو بيعيط:

ماطلعتش بتخيل مانابني الا اني تخيلت في البنطلون اهئ اهئ هاكمل رحلتي ازاي منظري هايكون ايه وسط فانزاتي ..

بتتكلم الافعي بعصبية :

موت عيالي مش هايروح هدر بقا انا مخلوق اسطوري .اسطورة ...اتغفل كده

ابتسام: كذابه الأسطورة محمد رمضان ...ههههه

انا اسف انا اسف ماقصدتش والله البقاء لله في عيالك اللي جابهم يجيب غيرهم...

الأفعي:

...عشان البوابة الملعونة دي وعشان انسان براس حمار زيك انا خسرت اولادي وبعدين انا ست يامتخلف ياعديم النظر مش باين عليا وعلي انحنائاتي ولا ايه!

چني بتبلع ريقها وهي مش متخيلة لسه انه حقيقة : هيا ناوية علي ايه يا ابتسام

ابتسام بخوف: احب الخص لك الموقف اللي انا فيه ده بمقطع بسيط من اغنية (عامل نفسي مش داري واخد خطوة اجباري كله باع مافيش شاري عاااااااااا )

بتلف الأفعي حوالين ابتسام بعد ما اتحولت لافعي طبيعية بديل ضخم اكبر من الاول وهو بيصوت ....

ابتسام: استهدي بالله يا ست الستات مش كده حمار وغلط نزلينيييي منك لله يا نادين منك لله يا ادهم ..

الافعي: منك لله الراجل ماعدش فيه حيل ولا أمل دا جابهم وفصل !

ابتسام: قلبي عندك يا حبيبتاااااي بس والنبي نزلييني ..

في نفس الوقت ادهم بيكون قاعد قدام البلورة وبيضحك 

أدهم: هتلاقوا في كل خطوة حجر كبير هايقف في طريقكم هاخليكم تفكروا ان الموضوع سهل ولكن انتم لسه ماتعرفوش هايقابلكم كام مشكلة ههههههههههه 

الافعي بغضب: 

اصل انا ناقصة نكد عشان تيجي تزود الطين بلة انا مستحملة بالعافية وبقول هارتاح في الجنة

ابتسام: وايه اللي زنقك علي كده اخلعيه وريحي نفسك واتجوز غيره! يستتك ويهننك ...

الأفعي:

 ليه وانا عبيطة انا كرهت صنف الرجالة تمًا.

جني بتضرب في الأفعي وهيا بتلف حوالين ابتسام وبتخنق فيه ...

وابتسام بيعافر بس الأفعي اقوي....

ابتسام: هاموت يا ولية يابنت التيت بتخنق سبيني حرام عليكي ...ايه ده هي الدنيا اسودت كده ليه ...

جني بتحاول تساعده بس قوتها اقل الافعي بتخبطها  بديلها بتتخبط في صخرة ودماغها بتنزل دم...

ابتسام بعصبية: ايه اللي انتي عملتيه ده لاااا كده مش حلو انتي اللي جبتيه لنفسك ..

بيغمض عينيه وفي نفس الوقت عينيه بتتحول للون الازرق وبيفضل يضرب فيها بكل قوته وهو مش. مفارقه مشهد وقوع جني.

ابتسام: بتضربي الكراش يا ولية....انا هاوريكي عمال اعتذرلك من الصبح ايه ابوس ايدك دا انتي تستاهلي اللي جوزك بيعمله فيكي عشان انتي سئيلة ماقولتلك خليه يتجدعن تاني وربنا هايجيب الفرج ههه

الافعي وهيا بتتضرب:

فصل مية ونور يا خويا فقدت الأمل

الافعي اتكومت علي الأرض وجري ابتسام علي جني اللي كانت ماسكة دماغها ودايخة ..

شاف ابتسام تعبان كبير جاي علي بعيد استخبي هو وجني ورا صخرة...

التعبان: انتي ياولية  ايه ده عيااااااالي عيااااالي يا هباب البرك عملتي فيهم ايه

الافعي: مش انا دا واحد غريب يا خويا

التعبان: وسيبتيه فعصهم حبايب قلبي وكومك كده يخص !

حضنت التعبان البيض:

ماتزعلوش مني يا حبايب قلبي انا اللي عملت فيكم كده ماعرفتش اختار صح دا انا لو اتجوزت كلب بلدي كان نفعني عنها اهئ اهئ وديني لأجيب حقكم ..

بص التعبان للافعي بشر

الافعي بخوف:

مش انا مش انا ...

جا التعبان يضربها مسكته الأفعي من رقبته:

مش عارفه انا مستحملاك علي ايه يا سبع البرومبة وديني لأعلمك الأدب..

ونزلت فيه ضرب .....

التعبان: اااااااه خلاص كفاية ماعتش قادر ديلك تقيل اوي وسنانك دبابيس  يا وليه اتهدي بقا بدل ما اطلقك اهئ اهئ

الأفعي: تطلقني رضينا بالهم والهم مش راضي بينا !

اتسحب ابتسام وهو شايل جني والتعبان لسه بيضرب...

ابتسام ضحك: 

تستاهل الطيبون للطيبات ..

________________________________

في بيت جلهوم...

فتح جلهوم الباب وقلع الجزمة براحة ودخل يتسحب وهو بياكل في ضوافره

جلهوم: يارب شكري تكون نامت!

بص في الصالة...

جلهوم: الحمد لله يا ما انت كريم يا رب طالما ماخضتنيش بخلقتها العكرة في الضلمة كالعادة تبقي نامت ..

فتح باب اوضة النوم لقي كوباية ومعلقة وقعوا وعملوا صوت كان في المقبض بتاع الباب

جلهوم: عااااا كمين .....كمين قووول يا فكيييييييك

طلع يجري بس وقفه صوتها التخين

شكري: جلهوووووووووووووم ..

لف ليها وحط وشه. في الأرض:

نعم يا معلمة ! نعم يافلذه أكبداي وسلطانة روحي

شكري: ايه اللي انا سمعته ده

جلهوم: مش صح مش صح خالص

شكري: حتة عيل قد ركبتك يهزقك يا هزق !

بيوطي جلهوم وبيبوس ايدها:

السماح يا معلمة اهئ اهئ انا هاصلح كل حاجة بس خفي ايدك المرة دي والنبي

شكري بابتسامة:

لا انا عوزاك في حاجة تانية انا ناويت استقر واخلفلك حتة عيل ..

بيقفل جلهوم زرار قميصه وبيبرق وهي بتقرب منه وبيقعد صوت وبعدين بتشد من رجليه:

لاااااااااااااا 

__________________________

ابتسام رجع البيت اللي كانوا فيه تاني ونزل جني

ابتسام: انت احسن دلوقتي يا جني

جني: الحمد لله 

ابتسام: طيب عرفنا مكان بوابة الخروج هانجيب ازاي اختك عندها ...

جني: دا فعلا اكبر اختبار...

ابتسام: احنا نخش علي القصر ونجيب عليه واطيه ونخطفها وبس !

جني:مش شايف احجامهم وبعدين الكترة تغلب الشجاعة حتي لو كنت قوي هما اكتر منا بكتير انت بتتكلم عن جيش مصري متعلمين منه استراتيجيات الحرب..

ابتسام: علي العموم نامي ارتاحي والصباح رباح 

______________________

العصفور اللي في بيت ابتسام:

حرااااااام هانموت يا بشر هانموت

العصفورة: الصبر يا خويا الصبر مفتاح الفرج

العصفور: بما اننا هانموت انا عاوز اعترف لك بحاجة

العصفورة : وانا كمان عاوزة اعترفلك بحاجة 

العصفور: انا ماكانش المفرض اتجوزك انا كان عيني من هيفاء صاحبتك وصاحبي دبسني فيكي

العصفورة: وانا كنت واخداك كوبري عشان بحب هيثم صاحبك ..استني يعني احنا اتعملنا كميييين 

العصفور والعصفورة فتحوا بوقهم بصدمة..

_________________________

في الصباح 

صحت جني وابتسام ..

جني: ها هانعمل ايه لازم نكون احنا التلاتة عند البوابة وقت غروب الشمس 

ابتسام بضحك:

وقت غروب الشمس واقف علي البحر بعيد عمال بحكيله واشكيله واشرح واعيد...هههه

جني: دا وقته

ابتسام: بنفك الجو المشحون بالتوتر ده!

اقولك سيبي الموضوع ده عليا وانا هابهرك !

جني: هاتعمل ايه يعني

ابتسام: هابهرك..بس انتي روحي اتعاملي مع التعبان ومراته...ماشي.. 

جني: ربنا يستر

ابتسام: ههه هابهرك! بس الاقي اي حاجة اكلها بس ايه ده فيه اكل اهو صحيح ربنا رزاق !

اكلوا وبعدها مشت جني وهي بتفكر ياتري ابتسام هايعمل ايه ..

ابتسام قدام القصر لابس لبس ستات :

بقرأ الودع وبعرف المستور والمكشوف وبعرف الطالع والنازل والأخضر واليابس والقالع واللابس خودوا كلامي ثقة تجدوا ما يسركم...

بتكون الملكة واقفة وشايفاه وبتسمح ليه بالدخول

بيخش ابتسام يتقصع وبينحني للملكة زي ما الحراس بيعملوا...

حتشبسوت: اجلسي

قعد ابتسام وحط البؤجة بتاعته قدامه ومسك القوقع وقعد يلعب بيه ويقول:

انا عاوزة من ده يا حزنبل ما تقولي الطالع يا حزنبل خليك حنين يا حزنبل دا انا اصلا طالع عين أمي هنا فامتحرجناش يا حزنبل

حتشبسوت: ماذا وجدت ..

ابتسام: وجدت الكثير يقول الطالع انك ست قادرة ولا ريا في زمانها يا ويل زوجك منك هاتقتليه قوية ومفترية بس جامدة انما ايه بس في الاخر الكهنة هايدوكي درس انما ايه يطلع من نفوخك..

حتشبسوت وقفت والحراس اتجمعوا ورفعوا الرماح علي ابتسام ..

حتشبسوت:

كم انت غبي !

ابتسام: انتي عرفتيني!

حتشبسوت: انك ترتدي عباية بدون غطاء للراس يا أبله

ابتسام: ههههه اصلي بصراحة لقيت الجو عندكم حر!

ايه المرة دي هاتزجوا بيا في السجن ..

حتشبسوت: 

لا  

بصت للحراس:

أطعموه للأسد فهو لم يتناول فطوره بعد

ابتسام وهو بينضف ودنه:

لا مش واخد بالي انا سمعت صح ولا لأ اصل انا في تراب في ودني تقريبا اسد اهئ اهئ منك لله يا أدهم الكلب منك لله ياحبشسوت منك لله يا نادين... 

بيمسكوه يجرجروه في الأرض وهو بيصوت...

ابتسام: هتخلوني اكل للأسد يا فراعنة اه يا كفرة..

بيفتحوا القفص وابتسام بيفتح بوقه بصدمة..

ابتسام للحرس : ههههه عدي كده شوية لو سمحت 

بيبعد الحرس فابيقع ابتسام مغمي عليه و.