يخبط عصام في الكنبه غصب عنه وموبايله يقع منه ويوطي عشان يجيبه ويشوف موبايل تانى واقع تحت الكنبه ولسة مفتوح وبيسجل ويمسكه عصام بحذر ويقلب فيه ويلاقيه بيسجل من يوم الحادثة ويفرح و...
عصام بغضب : دا كدة حاجة مهمة جداا في القضية وازاى المباحث ماخدتش بالها من الموبايل دا
حسام : اكيد ما دوروش في الشقة كويس
عصام بهدوء : طب يلا علي المديرية بسرعة
حسام : تمام يلا
ويروحوا سوا علي المديرية وعصام مبسوط لانه يعتبر اكتشف الحقيقة واول ما يوصل يطلب مدحت السويفي ويبلغه باللي اتوصله
__________
في ڤيلا مدحت السويفي
منال بفرحة : بجد يعني خلاص اياد هيخرج ، الحمدلله يارب الحمدلله كنت واثقة انه بريئ وهيخرج
مدحت بأبتسامة : الحمدلله بس يلا نلبس ونروح عشان نشوف هيحصل اية
منال : حاضر
ملك في اوضتها سرحانة كالعادة ويخبط الباب وتقوم تفتح والخادمة تبلغها ان مدحت عاوزها تحت و..
ملك : حاضر نازلة
وتنزل ملك لمدحت ومنال ومدحت يقولها الي حصل وملك من فرحتها مش مصدقة و..
ملك بسعادة عارمة : الحمدلله ، طب انا هطلع البس بسرعة واجى معاكوا
مدحت : خليكي يا ملك واحنا هنروح و...
تقاطعه ملك بجدية : لا يا اونكل ماينفعش ، انا لازم اجي معاكوا
مدحت : طيب يا بنتى الي يريحك
وتطلع ملك تلبس هدومها بسرعة وهي الفرحة مش سيعاها ويستعدوا ويرحوا علي المديرية
___________
اياد في الحجز وشعره طول شوية ودقنه ظهرت وباين عليه الحزن جداا ويفتح العسكرى الباب ويدخل وينادى : اياد مدحت السويفي
ويرد اياد : نعم ؟!
العسكرى : تعاالي هيتم الافراج عنك
اياد بعدم تصديق : بجد
العسكرى بجدية : ايوة يلا
ويمشي اياد مع العسكرى وهو مبسوط جداا وبيفكر في ملك بس
___________
في احد الاقسام بالقاهرة
يدخل شاب باين عليه الفقر الشديد وهدومه مقطعه وشعره طويل و...
الشاب : يا حضرت الظابط انا آآ لاقيت الحاجات دى مرمية في الزبالة
الظابط بجدية : فين ؟!
الشاب : الي قبل القسم بتلات شوارع دى وانا يعني آآ احم بقلب لاقيتهم
الظابط : اسمك ؟
الشاب : محمد مصطفي عبد الرحمن
الظابط : روح هناك وقولهم بياناتك عشان لو احتاجناك
ويروج الشاب يعمل زى ما الظابط قاله ويروح الظابط لرئيس القسم و...
الظابط : يا سيادة المقدم في شاب فقير لاقي الحاجات دى في الزبالة بيقول
المقدم : تمام ، وديها للطب الشرعي واعرفوا السلاح دا اية نوعه وبأسم مين فـ اسرع وقت عشان في قضية والسلاح مش لاقينه
الظابط : حاضر يا فندم
ويروح يبعت الحاجة للطب الشرعي ويعمل زى ما امره المقدم
_________
في مديرية القاهرة ، في مكتب وكيل النيابة قاعدين عائلة السويفي واياد و..
المقدم عصام : انا وحسام روحنا شقة المجني عليها علي امل التوصل لاى حاجة وبالفعل لاقينا موبايل المجني عليها مرمى تحت الكنبه ويبدو انها كانت بتتكلم لما حصلت الجريمة ورمت الموبايل من غير ما تقفل والموبايل سجل كل حاجة ويفتح الموبايل ادام وكيل النيابة ويسمعوا كل حاجة
يتابع عصام كلامه : ومن خلال البحث في الصوت والتحقيق طبعا دا مش صوت المتهم اياد السويفي و....
يقاطعه دخول العسكرى
انا اسف يا فندم بس المقدم عبدالله طالب يدخل ضرورى وبيقول حاجة تخص القضية دى
وكيل النيابة : دخلوا يابني فوراً
ويدخل عبدالله وفي ايده اوراق و...
عبدالله بجدية : جه شاب وقال انه ... ويقص عليهم ما حدث وعرفنا صاحب السلاح وحققنا معاه وقال انه في واحد اسمه مرزوق عبد التواب هو الي اشترى منه السلاح دا
عصام : كويس جداا وتم القبض علي مرزوق ولا لا
عبدالله : بعتنا قوات تدور في كل حته وشوية ويدخل العسكرى ومعاه مرزوق و...
العسكرى : قبضنا عليه يا فندم وكان بيحاول يهرب برا القاهرة
مرزوق بخوف : والله ما عملت حاجة يا باشا
وكيل النيابة : اسمع بقا يا مرزوق ، انت متهم بقتل هايدى الزهرى والسلاح الي تمت بيه الجريمة اتلاقي وصاحبه قال انك اشتريته منه
مرزوق : هقول الي حصل يا باشا ، جالي واحد اسمه سعيد أحمد رمضان وطلب منى خدمة و...
يقص مرزوق ما حدث علي مسامع كل الجالسين و...
وكيل النيابة : يتم الافراج عن المدعو اياد مدحت السويفي وذلك بتقديم الدلائل وشهادة المدعو مرزوق عبد التواب وحبس مرزوق عبد التواب وتحويل اوراقه للمحكمة بعد اعترافه علي القاتل المدعو سعيد احمد رمضان والبحث عنه
____________
وكيل النيابة : مبروك يا اياد باشا واتمنى نشوفك في ظروف احسن من دى
اياد بأبتسامة : ان شاء الله
ويمشوا كلهم من المديرية وهما مبسوطين واياد وملك ماتكلموش نهائى وكلهم ساكتين لحد ما قطع اياد الصمت دا و..
اياد : بابا انا وملك هنروح علي بيتنا
مدحت : الي يريحكوا يا حبيبي
__________
في ڤيلا اياد السويفي
يدخل اياد وملك ويطلع اياد لاوضته من غير ولا كلمة و...
ملك : اياد
اياد : نعم
ملك : انا اسفة وتجرى عليه تحضنه وهي بتبكي وهو بيهديها
اياد بحنان : هشششس خلاص اهدى
ملك : انا اسفة عشان شكيت فيك تانى وماوثقتش فيك
اياد : انسي كل الي فات وهنبدأ صفحة جديدة
ملك بأبتسامة : حاضر
ويقرب منها اياد جدا و..
اياد : تعالي بقا عاوز اقولك حاجة مهمة جدا ويسحبها وراه علي اوضته وتسكت شهرزاد عن الكلام الغير مباح
_________
تمــر 4 ايام ويتم القبض علي سعيد واعترافه ان هايدى عشيقته وسرقت امواله وانتقامه منها بالقتل وحبسه 15 سنة مع الشغل ومرزوق سنتين ودا لعدم قتله ومعرفته بالجريمة بس
_________
يجي يوم زواج هند وشادى وهند في سعادة غامرة
وقاعدة علي الكوشة هي وشادى وهند لابسة فستان منفوش وبكم شفاف وطرحة طويلة وشبخ الاميرات وفي اخر القاعة يقفوا اياد وملك وهم مبتسمين
ملك : شكلهم حلوو اووى
اياد : بس مش احلي منك يا حبيبتي
تبتسم ملك ابتسامة خجل
اياد بمرح : لا انا ممكن اعملها معاكى واخدك ونروح علي فكرة
ملك : ههههههه خلاص سكت
__________
بعد مرور 9 شهوور
في جنينة ڤيلا اياد السويفي قاعد اياد وملك ومعهم بنت تشبه ملك في العيون والشكل والجمال وولد يشبه اياد في كل حاجة وهما سعداء و..
اياد : مين كان يصدق يا ملك ان في يوم هنحب بعض كدة وهنتجوز ونخلف قطاقيط حلووين كدة ويبقي حبنا اسمه حب بعـد إنتقام
وتبتسم ملك له
تمت بحمد الله