رواية في قبضة الفهد الجزء الثالث3 الفصل العشرون20 بقلم جنات
فهد خرج من الشركه وركب عربيته وكلهم وعرف انهم راجعين على القصر .
فهد ركب عربيته واتحرك فى طريقه على يرجع على القصر .
فهد كان سايق العربيه وفجأه حس بخبطه قويه فى العربيه من الخلف وشاف عربيه كانت بتقرب منه بطريقه غريبه وبتخبط عربيته بقوه .
فهد كلن بيحاول يبعد عنها بس مش عارف لانهم كانو ماشين بسرعه رهيب وفهد للاسف احتل توازن عربيته ودخل فى عمود كهربا وراسه اتخبطت بقوة فى دركيسون عربيه وغمض عينيه بوجع من قوة الصدمه .
العربيه اللى كانت بتخبطه لما شافو العربيه دخلت فى عمود الكهربا واتحركو بعيد عنه وكلمو حازم وعرفوه باللى حصل وطبعااا حازم بلغ جاد اللى كان مبسوط جدااا باللى حصل لفهد .
بقلم الكاتبة جنات
ــــــــــــــــ★ــــــــــــــ
بعد منتصف الليل فى قصر الفهد .
حياه كانت لسه بتستنى فهد يرجع وهتموت من القلق والخوف عليه خصوصا انه ماكنش بيرد عليها وبعدها فونه اتقفل .
حياه لبست اسدال وخرجت من اوضتها ونزلت تحت تستناه ... شافت نور المكتب مفتوح .
حياه قربت من المكتب وخبطت على الباب ولما سمعت صوت الفهد بياذن للى بيخبط انه يدخل فتحت الباب ودخلت .
الفهد اتفاجأ بوجود حياه هو كان مفكرها تمارا لانها بالعاده لما بيتاخر فى المكتب بتنزله .
الفهد قام من على مكتبه وقرب منها:مالك يا حياه انتى كويسه ؟
حياه:اسفه لو ازعجت حضرتك يا جدو .
الفهد:ولا يهمك يا حبيبتى مالك ؟!
حياه:فهد اتاخر اوى وكمان ماكنش بيرد عليا وفجأه فونه اتقفل وانا قلقانه اوى عليه يا جدو .
الفهد ضمها لحضنه:متقلقيش يا حبيبتى فهد كويس وهو جاى فى الطريق مع زين ومراد .
حياه:هو كلم حضرتك ؟
الفهد:هو كلم مراد عشان يروحله وزين راح معاه وكلمنى من شويا وزمانهم على وصول .
حياه:هو كان فى حاجه فى الشركه ... طب فهد كويس يا جدو .
الفهد:يا حياه فهد بخير متقلقيش ومافيش حاجه فى الشركه .
سمعو صوت عربيات برا القصر .
الفهد:وصلو اهو .
حياه:طب تعالى نخرجهم .
الفهد:اهدى يا حياه هما هيجو على هنا انا كنت بستناهم اصلا .
حياه هزت راسها وهى هتموت من القلق .
باب المكتب اتفتح بعد ما خبطو عليه ودخل مراد وهو مسند فهد اللى راسه ملفوفه بشاش وزين وراهم .
حياه بعدت عن الفهد وجرت على فهد:فهد انت كويس ايه اللى فى راسك ده ؟!
فهد:اهدى يا حياه دى حادثه بسيطه .
حياه بخوف:حادثه !!
زين:اهدى يا حياه فهد كويس قدامك اهو هو بس عمل حادثه بسيطه وراسه اتخبطت فى دركيسون العربيه واتجرح وكلم مراد وراحله بسرعه واخده المستشفى واخد ٥ غزر والدكتور طمنا متقلقيش .
حياه دموعها نزلت بخوف على فهد وبتحمد ربنا انه قدامها وبخير وان الحادثه كانت مش جامده .
الفهد:فهد خد حياه واطلعو ارتاحو شويا ... وبكرة نتكلم .
فهد هز راسه ومسك ايد حياه وخرجو من المكتب .
الفهد:عرفت حاجه يا مراد ؟!
مراد:كلمت ناس تبعى وهيفرغو الكاميرات اللى فى الطريق ده وهيبلغونى بكل حاجه .
زين:معقول تكون مقصوده ؟!!
الفهد:مش عارف .
مراد:بس لو ربطنا اللى حصل فى الشركه والمكالمه اللى جت لفهد باللى حصل معاه هتعرف انها مقصودة يا عمى .
الفهد:ادم فين ؟
مراد:بيشوف موضوع الكاميرات لان فهد شاكك ان فى اجزاء محذوفه .
زين:بابا خلينا نرتاح وبكرة نتكلم احسن ويكون فهد موجود ويفهمنا ايه اللى حصل معاه .
الفهد هز راسه:روحو ارتاحو وبكرة نتكلم .
زين ومراد خرجو من المكتب والفهد قعد على الكرسي وسند راسه على ضهر الكرسي وغمض عينيه ودماغه فيها مليون حاجه يفكر فيها .
الباب اتفتح ودخلت تمارا وشافته بالحاله دى قربت منه وقعدت على طرف المكتب قدامه:مالك يا فهد ؟
الفهد فتح عينيه وبصلها ومستغرب انه محسش حتى بوجودها لانه كان مشغول فى التفكير .
الفهد ابتسم:ولا حاجه يا حبيبتى متقلقيش .
تمارا:والمفروض انى هصدقك كدا يعنى ... على اساس انى مش عارفاك وحفظاك يا فهد .
الفهد مسك ايدها وباسها:ربنا يخليكى ليا يا نبض الفهد .
تمارا:يااااه من زمان مقولتليش يا نبض الفهد دانا فكرت بطلت اكون نبضك وراحت عليا خلاص .
الفهد ضحك:انتى تبطلى تبقي نبض قلبي فى حاله واحده بس يا تمارا .
تمارا بصتله اوى مستنياه يكمل كلامه .
الفهد:لما يوقف نبض قلبي .
تمارا:اخص عليك يا فهد ايه كلامك ده .... والله هزعل منك لو اتكلمت كدا مرة تانيه .
الفهد قام وقف وشدها لحضنه:وانا مايهونش عليا زعلك يا نبض قلبي .
تمارا:حبيبي يا فهد .
الفهد:خلينا نطلع بقااا .
تمارا:يلا .
بقلم الكاتبة جنات
ــــــــــــــــ★ــــــــــــــ
فى اوضه فهد وحياه اللى قاعده فى حضنه وبتعيط .
فهد:يا حياتى مانا كويس قدامك اهو بتعيطى ليه بقااا .
حياه:انا بحمد ربنا انها جت على قد كدا ... انا كنت ممكن اموت لو حصلك حاجه يا فهد .
فهد باس راسها:حبيبه قلبي بعد الشر عليكى من اى حاجه وحشه .... ربنا يخليكى ليا يا روحى .
حياه:حبيبي يا فهد .
فهد:خلينا ننام بقااا اليوم كان طويل ومتعب اوى .
فهد نام على السرير واخدها فى حضنه ونامو هما الاتنين .
بقلم الكاتبة جنات
ــــــــــــــــ★ــــــــــــــ
فى اوضه زين وجنه .
جنه:ازاى ده يحصل مع ابنى وانا معرفش يا زين !
زين:فهد كويس يا جنه متقلقيش عليه .
جنه بخوف:انا هروح اطمن عليه يا زين .
زين مسكها من دراعها:اقعدى يا جنه ابنك كويس وزى الفل وبعدين مراته معاه واكيد تعبانين بعد اليوم الطويل ده .
جنه قعدت على طرف السرير:الحمدلله انها عدت على قد كدا يا زين .... انا بجد خوفى كل يوم بيزيد على فهد يا زين .
زين قعد جمبها:جنه يا حبيبتى فهد ابنك راجل مش عيل صغير عشان تخافى عليه .
جنه:بس انا امه يا زين ومن حقى انى اخاف عليه .
زين:طيب ممكن تهدى وننام وبكرة ابقي اطمنى عليه براحتك .
جنه:حاضر .
بقلم الكاتبة جنات
ــــــــــــــــ★ــــــــــــــ
صباح يوم جديد .
حياه صحت من النوم وكان فهد نايم .
قامت دخلت الحمام .
بعد شويا خرجت كان فهد صاحي وقاعد على السرير .
حياه:صباح الخير يا حبيبي .
فهد:صباح الجمال يا حياتى ... صاحيه بدرى ليه ؟!
حياه:عشان اجهز واروح الشركه .
فهد:شركه ايه يا حياه مش قولنا طول الحمل بلاش شغل .
حياه:انا كويسه يا حبيبي والله وبعدين انت اهو تعبان مش هتقدر تروح الشركه وفى اجتماع مهم لازم نحضره مع جدو .... وانا بقالى اسبوع ماتروحتش الشغل وبصراحه زهقت موت .
فهد:انا خايف عليكى يا حياه .
حياه:انا هروح وارجع مع جدو او بابا متقلقش عليا ممكن اقوم اجهز بقااا .
فهد:ماشي يا حياتى .
حياه:صح انا امبارح نسيت شنطتى هناك فى الحفله وديالا قالتلى انها عندها فى مكتبها .... النهارده هابقي اعدى عليها اخدها منها .
فهد غمزلها:ايه اللى كان واخد عقلك يا جميل .
حياه ضحكت:حبيبي اللى كنت قلقانه عليه وعماله ارن عليه وهو مش معبرنى اصلااا .
فهد:حبيبك ده شكله مش بيفهم ولا ايه .... بقااا فى حد يتجاهل القمر ده .
حياه:هنقول ايه بقااا نصيبنا .
حياه ضحكت وفهد شاركها الضحك .
بقلم الكاتبة جنات
ــــــــــــــــ★ــــــــــــــ
فى قصر القصر .
الكل كانو متجمعين وبيفطرو سوا .
حياه نزلت:صباح الخير .
الكل:صباح النور .
جنه:فهد صحى يا حياه .
حياه:اه يا جوجو صاحي ... وياريت حد يطلعله الفطار لانه تعبان شويا وكمان لازم ياخد علاجه .
تمارا:هو فهد ماله يا حياه .
الفهد:امبارح فهد عمل حادثه .
اسر: حادثه ايه يا عمى ؟!
ايان:هو كويس الوقت !
حياه:ايوا الحمدلله بس جسمه واجعه شويا ومش قادر ينزل .
كنان:حصلت امته يا فهد واحنا فى بيت واحد ومنعرفش .
الفهد:حادثه بسيطه يا كنان متقلقش .
زين:الوقت كان متاخر والكل تقريبا كانو نايمين يا عمى وانا ومراد كنا معاه .
ادهم:بعد الفطار نبقي نطلع نطمن عليه .
جنه:انا هروح اجهزله فطاره .
الفهد:يلا يا حياه افطرى عشان نمشي .
حياه قعدت مكانها:حاضر يا جدو .
بقلم الكاتبة جنات
ــــــــــــــــ★ــــــــــــــ
فى اوضه فهد .
الباب خبط .
فهد:اتفضل .
جنه فتحت الباب ودخلت وحطت الصنيه على السرير وقربت من فهد وحضنته:يا حبيبي الف سلامه عليه يا روحى .
فهد:يا حبيبه قلبي انا زى الفل قدامك اهو .
جنه بعدت عنه وحطت ايدها على الكدمات اللى فى وشه:كل ده وبخير يا فهد .
فهد:الحمدلله يا حبيبتى انها جت على قد كدا .
جنه:الحمدلله يا حبيبي ... يلا عشان تفطر .
فهد بدأ يفطر وجنه عطيته علاجه .
الكل فطرو سوا وبعدها الفهد خرج ومعاه حياه .
وكنان وادهم واسر وايان طلعو يطمنو على فهد وبعدها راحو على شغلهم .
تمارا ومروة ومريم وزينه وديما وحنين كلهم طلعو شافو فهد وبعدها نزلو عشان يرتاح .
بقلم الكاتبة جنات
ــــــــــــــــ★ــــــــــــــ
بعد وقت طويل فى الشركه .
ادم دخل مكتب الفهد بعد ما خبط والفهد أذنله يدخل .
الفهد:فى ايه يا ادم ؟!
ادم:فى حد لاعب فى كاميرات الشركه امبارح يا عمى .
الفهد رجع بضهره على ضهر الكرسي:يبقي كل حاجه كانت مقصودة .
ادم:شوف حضرتك عايزنا نتحرك ازاى وانا معاك .
الفهد:هقولك تعمل ايه ....
بقلم الكاتبة جنات
ـــــــــــــــ★ــــــــــــــ
حياه خلصت شغلها واخدت شنطتها وفونها وراحت على مكتب الفهد .
حياه:جدو .
الفهد:تعالى يا حياه .
حياه:انا امبارح نسيت شطنتى هناك فى الحفله وكلمت ديالا قالتلى انها معاها .... انا خلصت شغلى هعدى عليها اشوفها واخد منها الشنطه .
الفهد:خليها وقت تانى يا حياه مش لازم النهارده ويكون فهد معاكى .
حياة:انا وعدت ديالا انى هروحها وبعدين متقلقش حضرتك حنين هتيجى معايا .
الفهد:تمام يا حياه ... بس هكلم السواق عشان يوصلكوو .
حياه:حاضر ... هروح اشوف حنين خلصت شغلها ولا لأ .
الفهد هز راسها وحياه خرجت من المكتب وراحت لحنين اللى كانت خلصت شغلها .
حنين:هى سيلا مش هتيجى معانا ؟!
حياه: للاسف عندها شغل كتير مش هتعرف تيجى معانا .
حنين:طب يلا بينا .
حياه:جدو كلملنا السواق عشان يوصلنا .
حنين:طب كويس يلا ننزل .
البنات نزلو واستنو شويا لحد ما السواق وصل وركبو معاه وراحو على شركه جاد .
بقلم الكاتبة جنات
ــــــــــــــــ★ــــــــــــــ
فى شركه جاد .
البنات وصلو وسالو فى الاستقبال على مكتب ديالا والسكرتيرة قالتلهم انه فى الدور التانى .
البنات ركبو الاسانسير .
حنين:بجد الشركه لما جهزت بقت حاجه واااو يا حياه .... ماكنتش اعرف انى بنت عمتى بشطارة دى .
حياه:انتى لسه مكتشفه الوقت بعد سنين الشغل دى كلها .
حنين:اصل اول مرة ادخل مكان من تصميمك يا بنتى ... بس وحياتك بكرة اقعدك فى بيتكو وانا اللى هشتغل معاك والناس كلها هتطلبنى بالاسم .
حياه:طب يلا ياختى الاسانسير وقف .
البنات خرجو من الاسانسير وراحو على المكتب اللى مكتوب على لوحه خشبيه متعلقه على بابه باسم ديالا .
حياه خبطت .
حنين فتحت الباب:انتى لسه هتخبطتى ياختى دى ديالا يعنى .
ديالا ضحكت:تعالو اتفضلو يا بنات .
حياه بصت لحنين:عمرك ما هتتغيرى ابدااا .
حنين:ونبي اقعدى انتى ساكته .... مبروك يا دودو .
ديالا:الله يبارك فيك يا نونااا ... تعالو نقعد .
البنات قعدو على الكنبه الموجوده فى زوايه من زوايا المكتب .
ديالا:تشربو ايه بقاااا .
حنين:اى حاجه يا حبي .
ديالا:عصير فراوله ممكن .
حياه وحنين:تمام .
ديالا قامت ورفعت السماعه التلفون اللى على المكتب وقالت لسكرتيرة تجيبلهم ٣ عصير فراوله .
حنين:المكان جامد بجد يا دودو .
ديالا:مش الفنانه حياه اللى مصمماه .... بجد تسلم ايدك يا حياه .
حياه:حبيبتى يا دودو .
البنات فضلو يرغو كتير وديالا عطت الشنطه لحياه والسكرتيرة جابت العصير وشربوه سوا .
حنين:بقولكو ايه ما تيجو نلف لفه ونتفرج على الشركه .
حياه:حنين الموظفين كلهم شغالين بلاش عشان منعطلش حد .
ديالا:لا مافيش اى عطله وبعدين النهارده لسه بنعمل مقابلات عشان جاد عايز يوظف موظفين كلهم شباب .... يلا بينا .
البنات خرجو وفضلو يلفو فى كل ادوار الشركه لحد ما وصلو لاخر دور .
حنين:هو مافيش حمام فى الدور ده ؟
ديالا:لا الحمامات فى كل الادوار معادا ده .
حنين:طب تعالو عايزة اروح الحمام .... وبعد كدا نطلع نكمل لفتنا عايزة اشوف سطح الشركه .
ديالا:ده احلى حاجه فى الشركه كلها يا نونااا .
حياة:خلاص انزلو انتو وانا هكلم فهد اطمن عليه على ما تطلعو .
حنين:مش هنتاخر عليكى .
حياه:اوكى .
البنات مشو وحياه طلعت فونها ورنت على فهد اللى رد عليها:عامله ايه يا حياتى .
حياه:انا الحمدلله يا فهد ... انت عامل ايه الوقت؟
فهد:مش كويس اكيد لان حياتى بعيده عنى .
حياه ابتسمت:كلها ساعه واكون معاك يا حبيبي .
فهد:روح قلب حبيبك انتى يا حياتى .
حياه ضحكت:انا هقفل بقااا وشويا وهرجع على القصر .
فهد:خدى بالك على نفسك يا حياه .
حياه: حاضر .
حياه قفلت وفى واحد من الموظفين قرب منها:انسه ديالا والباشمهندسه حنين بيستنو حضرتك فى الاوضه اللى على السطح .
حياه:هما طلعو امته !!
الموظف:نعم .
حياه:لالا ولا حاجه انا هطلعهم اهو .
الموظف مشي وحياه كانت مستغربه البنات طلعو امته من غير ما تشوفهم .
حياه طلعت السطح وكان فى اوضه دخلتها وماكنش فيها حد ولسه هتخرج وقفت لما سمعت صوت جاد:منورة الشركه يا باشمهندسه .
حياه لفت وشافته قاعد على كنبه فى ركن فى الاوضه:منورة باصحابها يا باشمهندس .... اسفه ماكنتش اعرف ان حضرتك هنا .. فى موظف قالى ان ديالا وحنين هنا .
جاد:عادى ولا يهمك يا باشمهندسه .
حياه:انا هروح اشوفهم عن اذنك .
حياه لفت لاقت الباب مقفل بتفتحه لقيته مقفول من برا .
حياه:الباب كان لسه مفتوح مين قفله .
جاد:لا اصل الباب ده فيه مشكله بيعلق اوقات .
حياه باستغراب:بيعلق ازاى يعنى !!! .... طب ممكن تكلم اى حد يجى يفتحه ... او انا هرن على ديالا .
حياه طلعت فونها ولسه هترن بس وقفها كلام جاد:بس انا مش عايز الباب يتفتح ابدااا وعايزك تبقي دايما قصاد عينى يا حياتى .......