رواية لا تراجع ولا استهبال الفصل السادس عشر16 بقلم حنين عادل

بيطلع يجري علي كونج وبيلاقي سهم في الارض وفجأة بيطير وهو ماسك السهم وبيكون هايضربه في صدره 

كونج بيمسكه وبيعمل صوت مرعب وبيحطه في بوقه وابتسام مستسلم لكل حاجة بتحصل حواليه....

ابتسام: في البداية كنت عاوز انتحر بس انتي ادتيني أمل دلوقت الأمل راح فامعتش ليها لازمة حياتي انا جايلك يا چني جايلك ..

في نفس الوقت بيكون صوت بينده عليه ...

نادين: يا متخلف من الصبح بقولك جني محبوسة في القفص قدامك 

ابتسام: ايييييه الحمد لله الحمد لله يا حبيبتي يا جنجون

ابتسام قفل عينيه بألم وكونج بيضغط عليه بايده وبيقربه من بوقه

ابتسام: نزلنييييي يابن الكلب انت فاكر انك تقدر تاكلني دا انا لحمي مر 

نادين بضحك: دا معضم

ابتسام : بتضحكي منك لله يا أدهم الكلب منك لله يا نادين..

فجأة بيطلع ليزر من عيونه لعيونه الغوريلا الغوريلا بتصوت بصوت عالي وبتوقعه.  

ابتسام بيقف وهو ماسك ضهره: 

اااه دا انا كنت زي الأسد الله يجازي الحسد أوجاع كتير في الجسد ماعتش مستحملها ...

كونج بيكون متعصب ومش شايف حاجة وحاطط ايده علي عيونه وبيصرخ وبيلف في كل حتة..

ابتسام : تؤتؤ انا اللي بيجي عليا مابيشفش طيب بالله

بيبص علي جني اللي في القفص وبيجري عليها وعيونه بتطلع قلوب وكأنه في فيلم هندي ..

واغنية مي تيرا ميري چانا سانام بيار هوتا هي دفانا سانام ..

وبيقف قدام القفص وبيفتح ايده مستنيها تيجي تحضنه زي شاروخان في نفس الفيلم والاغنية لسه شغاله

نادين: يا عم شاروخان كونج هايهرسنا ممكن تفتح لكاچول عشان نخلص ..

ابتسام: هادمة اللزات ومفرقة الجماعات قفلتيني ..منك لله

بيفتح القفص ليها وبتطلع جني بيحضنها ابتسام وهو مبتسم

جني بتنصدم وبتبرق ..

نادين: انت بتعمل ايه ؟!

ابتسام بيسيبها وهو محروج :

احم ...انا انا ..

في نفس الوقت بيقرب منهم كونج وكان هايدوس عليهم بتعمل جني مجال حماية مغناطيسي بيحميهم لحد ما كونج بيجي علي حافة الجبل ولانه مش شايف بيقع .

ابتسام: لا اله الا الله ربنا يرحمك ياعم كونج كنت عفي شوفت الدوام لله..

بتبص ليه نادين وجني....

ابتسام : احم ...انا هاصلح غلطتي لو فيه مأذون هنا يلا بسرعة..عااااااااا الحقوني 

فجأة طائر ضخم شكله زي التنين بيمسكه برجله وبيطير بيه بعيد 

ابتسام: عاااااا نزلنييييي لااااا ماتنزلنيش بس والنبي ماتاكولني يالهوتييييي عالقرف اللي انا فيه اييييه يادنيا مش هاتبطلي تحطي علي جروحي كولونيا 

نادين: ماتقلقش احنا وراك

ابتسام: وراك ولا صدور هههه الحقوني

جني: معلش هي الصدمة بتعمل اكتر من كده

_________________________

في نفس الوقت أدهم بيكون بيتفرج عليهم وبيضحك ...

وفي نفس الوقت السلاحف بيكونوا بيتكلموا 

بيتكلم الفار: يلا هانفذ الخطة بتاعتنا

السلحفاة : يلا جاري تنفيذ الخطة رقم واحد ياللي عالترعة حود عالمالح ..

بيفتحوا الأقفاص لأنهم بيكونوا سارقين المفتاح ..

بيقفوا فوق بعض والفار معاهم.  .

الفار بيبدأ يرميهم علي أدهم واحدة ورا التانية..

ادهم بيكون مفزوع والسلاحف ما بتصدق وبتعض فيه من كل ناحية وهو واقف يتنطط

واحدة فيهم: دوق اللي عملته فينا يا مفتري دوق الذل اللي معيشنا فيه يا ظالم ..

سلحفاة تانية: احنا كده مش هاتبرد نارنا احنا نقتله بالسم

السلحفاة التالتة: لا بالقتال نعضه في رقبته

سلحفاة تانية: لا بالسم

السلحفاة التالتة: بالقتال ....

الفار: دا دوري بقا

بيجري الفار وبيدخل من فتحه بنطلونه ولك ان تتخيل يا عزيزي المشاهد ما الذي حدث بعد ذلك .

_____________________________

في عيادة .....

جلهوم : اهئ اهئ تعبان يا دكتور تعبان

الدكتور: اهدي عشان اعرف الحل لمشكلتك يا بني

جلهوم: مش عارف احكيلك ايه ولا ايه يا دكتور انا حياتي باظت حتة عيل لسه قالع الكفولة علم عليا يا دكتور وبقيت ملزم ارد اعتباري المصيبة انه اختفي. 

اهئ اهئ عمري ماكلتها بالساهل يادكتور من زمان وانا صغير كان أبويا اهئ اهئ بيطفي السجاير في دراعي وأمي كانت تزرفني كل افا واخوه اما جتتي نحست ..

الدكتور: ياااه انت عانيت جدا حد اهله يعملوا فيه كده

جلهوم: لااا الشهادة لله ماعلهمش عتاب لأنهم مش أهلي دول كانوا خاطفيني عااااا اهئ اهئ حتي اما كبرت واتجوزت اتجوزت شكري ممره عليا حياتي يادكتور..هو انا هافضل اتكلم كتير وبعدين في الشيزولونج ده اللي بيريحوا عليه والموسيقي الهاديه انا جاي اكشف بفلوسي يادكتور جرا ايه

الدكتور: كان بودي والله بس انا مش دكتور نفسي يا حبيبي

جلهوم: اومال دكتور ايه؟! 

الدكتور:  دكتور مسالك بولية !!!

جلهوم:اييييييه

____________________________

في بيت ابتسام ...

العصفور: دي النهاية كانت ايامنا زي الزفت مع بعض بس كنا مكملين عشان مافيش غيرنا في وش بعض يلا لينا الجنة

العصفورة: اه يارب نخش الجنة بقا بس مش عاوزه ابقا مراتك مش هاتبقي دنيا واخرة يعني

العصفور: حصل ...شوفي القطة قاعدة مبتسمة ازاي

فجأة بيسمعوا الباب بيتفتح ...

بيدخل ام ابتسام وابوه..

امه: اف ايه الريحة المنتنة دي شوفت المعفن

ابوه: هايعمل ايه عاذب عايش لوحده 

بيمسك ايدها وبيبوسها:

انتي نعمة في البيت يا حاجة

_قلب الحاجة والنبي كلامك اللي مصبرني علي الأيام 

العصافير: لاااااا مش وقت محن احنا بنموووووت ..

_________________________

بيقف الطائر الضخم عند عش كبير

بيشوفوا ابتسام بيلاقي فيه اربعة صغيرين شوية

ابتسام بيكلبش في رجل الطائر:

عاوز تأكلني لعيالك منك لله 

بيكلبش ابتسام في رجله. .

الطائر بيحاول يرميه في العش بس ابتسام مكلبش في رجليه

ابتسام: والنبي لو اتنطط شوف لو اتشقلبت مش هانزل انا مش هتاكل ياعم انت .

بيهزة الطائر بعنف ..

ابتسام: اعضائي تشقلبت ااااه عاوز ارجع ااااه مفاصلي اااخ ضهري بركاتك يا حجة بركاتك..

جني بتكون واقفة هي ونادين تحت الشجرة اللي عليها العش

جني بخوف:

انت كويس

ابتسام  وهو مبتسم:

لأ بس لما جيتي بقيت كويس

وفجأة عينيه بتطلع قلوب وبيغني :

خوفك طول الوقت عليا بيطمني كتير وناهيك عن طبع الحنية بفرح اوي وكتير الله غيرتك عليا حياااااة 

نادين: ياختييييي انت في ايه ولا ايه 

ابتسام بيمسك رقبته بخنقة وفجأة بيوقع في العش. 

ابتسام: منك لله يانادين ...ولا منك ليه ليها ليها ليه ابعدوا عني احسن لكم انا معايا الحزام التركواز في الكارتيه حزام لسه مانزلش من اساسه

بيهجم عليه الطيور وهو بيضرب فيهم وبيحاول يخلص نفسه ..

ابتسام:ايييه مش هتساعدوني ..

 نادين بصوت عالي:

 ‏الكبير هنا هايكولنا 

ابتسام وهو بيضرب في الطيور:

كل نادين بس انما جني لااااا

بيمسكه الطائر من رجله في بوقه وبيكون متشعبط مش عارف يعمل حاجة

ابتسام: 

نزلني يالا هاتندم والله هاتندم دا انا حتة شغت فوق عضم 

بيبدأ ياكله كله ..

ابتسام: دماغه واقفة اعمل اييييه اعمل ايه 

فجأة بيطلع ليزر من عيونة بيقطع رقبة الطائر والدم بيطرطش عليه

ابتسام: يع انا بقرف

بيكون الطيور التانية دايخة من الضرب ...

بينزل ابتسام من القفص وبينسي انه علي شجرة وبيقع فوق الطائر الكبير...

الطائر بيكون ماسك جني في بوقه..وهايدوس علي نادين

ابتسام: انت كده غلطت غلط واعر واعر قوي....

بيخنقه في رقبته بقوة والطائر بيوقع جني من بوقه وبينطر ابتسام يقع عالأرض بيشوف علي هدومه دم

بيطلع الطائر العشة ..

ابتسام: بسرعة اجرواااااا

الطائر الضخم:

ابنييييييييي 

ابتسام وهو بيجري: مش انا مش انا دا نادين

نادين: مش هاتبطل وطيان بقا

ابتسام: منك لله يا أدهم الكلب منك لله يانادين منكم لله كلكم..

فجأة بيظهر قدامهم شاب علي طائر كبير وبيشاورلهم يركبوا وراه بسرعة

بيركبوا وراه والطائر لسه وراهم بيلاحقهم 

ابتسام: لسه عندك تلاتة ربنا يخلي سيبنا في حالنا بقا يخربيتك فرهدتنا

الطائر بيصرخ يعمل صوت مرعب ...

_______________________

ادهم بيكون بيصوت لحد مابيقع عالأرض  ..

الفار بيكون تحته وبيدعك

السلاحف بتقرب عليه..

السلحفة: ماتقلقش هاتبقي كويس

الفار : كح كح مش مهم المهم ان موت في سبيل تحقيق الحرية الحرية اللي احنا محرومين منها 

السلحفة التانية: مش هاتموت هاتعيش 

الفار: وان عيشت هايكون ايه الفرق هانكون مستعبدين عن البشر يااما في معامل تعمل علينا تجارب او ندخل مصيدة فيها حتة جبنة رومي عليها سم البشر دول وحشين اوي اوي كح كح اوعي تتخلوا عن قضيتكم وادعولي بالرحمة ...

السلحفاة: لاااااا ماتموتش اهئ اهئ

السلحفاة التانية: كله بسبب ادهم الكلب ده احنا لازم ناخد حقه لااااااازم اهئ اهئ

بيجتمعوا السلاحف وبيقربوا علي ادهم وعيونهم مليانة شر..

____________________________

بيبعد الشاب عن الطائر الضخم..

ابتسام: انت جيت لنا نجدة من السما..الكريم اسمه ايه بقا

بيلف الشاب وبيكون في ألوان مغطية كامل وشه:

هارون ......