رواية لا تراجع ولا استهبال الفصل السابع عشر17 بقلم حنين عادل

بيبعد الشاب عن الطائر الضخم..

ابتسام: انت جيت لنا نجدة من السما..الكريم اسمه ايه بقا

بيلف الشاب وبيكون في ألوان مغطية كامل وشه:

هارون ....

ابتسام: هههه اهلا وسهلا يا 300 الف اهلا وسهلا ......احييييييه احييييييه

نادين: هو انت اسكندراني

ابتسام: غريبة اوي البنات تسيب الحاجات المهمة وتمسك في الهايف ياختيييي احنا في مصيبة يا عامية القلب والبصيرة

جني : ياعم كله هايعدي ماتقلقش

ابتسام عيونه طلعت قلوب: اللي تشوفيه ! 

نادين: ياروحي !

فجأة الطائر ببهز ديله يوقع نادين وجني..

ابتسام بصويت: بتعمل ايه يا بن الجزمة جنااااااااا اه يا حبيتي يا جني القصاص القصاص لجني  !

نادين بصوت عالي: 

ماتقلقش احنا كويسين

بيبص هارون لابتسام بابتسامة خبيثة ..

ابتسام : بس انا شكلي مش كويس ماتنسونيش والنبي هااااا الحقونييييي

بينزل الطائر في مكان غريب غير الغابة مكان فيه سبع الوان داخلين في بعض زي الوان الطيف والسما والأرض لونها بيتغير كل فترة..

ابتسام بيبص لهارون بخوف..

هارون بيقرب منه وبيمسكه..

ابتسام: طمني كده وقولي هاتعمل بيا ايه المرة دي والنبي انا عاوزة اطمن

هارون بيسيبه وبيبص علي المكان وبيشاور عليه:

اللي قدامك ده كيان انا اللي عملته بقالي سنين 

ضحك ابتسام : مصدقك مصدقك كمل يلا يا كذاب دا احنا هنا بقالنا كام يوم..

هارون: هههههه عشان كده اختارتك 

ابتسام: مش عارف ليه قلبي اتقبض فجأة كده اختارتني لايه ولا مؤاخذة..

هارون: اختارتك لحدث كبير المفروض تفرح اني اخترتك ليه اخترتك لاكتشاف هايغير مجري التاريخ اكتشاف رائع

ابتسام: ايوه وايه هو بقا ؟!

هارون: اكتشاف انت اكبر سبب هايكون لنجاحه تجربة فريدة من نوعها مزج جيناتك مع جينات تانية لحيوانات مهددة بالانقراض مع زيادة خصائص وراثية لانشاء جيل جديد مافيش اقوي منه لتكوين جيش يحتل العالم ويقضي علي كائن طفيلي اسمه الانسان 

ابتسام: ههههههه كائن طفيلي اه وميل وحدف منديله كاتب علي ضهره اجيله انت بتقول ايه يا جدع انت هاتعملني فار تجارب منك لله يا هارون الكلب 

فجأة بيظهر قدامه اتنين شكلهم غريب حيوان وانسان في نفس الوقت بيتخض منهم وبيقع عالأرض

ابتسام: منك لله يا هارون الكلب منك لله يا أدهم القلب انا عملت ايه لده كله ياربي انت بتعمل مسوخ يا بن الهبلة 

هارون: بتقول علي الطفرات الجينية دي مسوخ 

ابتسام : ههههه مسوخ ورنجة هههههه يخربيت طعامتي طالع لمامتي !

بيقربوا منه ..

ابتسام: ايه ماعجبكوش الألش بتاعي ابعدوا عني والنبي انا لسه مادخلتش دنيا !

بيحقنوه بحاجة وفجأة مش بيكون حاسس بأي حاجة..

ابتسام : انا جسمي منمل كده ليه هي مالها ضلمت كده لييه 

وبعدين فقد الوعي..

______________________________

جلهوم بيكون قاعد عالكورنيش...

جلهوم: اهئ اهئ هاتجنن يا ناس راح فين ابن المبقعة ده محسن انت ساكت ليه يامحسن

محسن: بصراحة بقا يا معلم !

جلهوم: طالما بصراحة يبقي في كلام مش هايعجبني احكي ..

محسن: المعلم انتوخ عارض عليا الشغل معاه وانا وافقت

جلهوم بصدمة: وانا يا محسن وايامنا وليالينا 

محسن: بصراحة بقا يا معلم انا ماقبلش اشتغل معاك بعد ما الكل بقا بيقول عليك انك طريت وحتة عيل لاراح ولا جه علم عليك دا انت بقت سيرتك علي كل لسان 

جلهوم كان حاطط ايده علي بوقه ومصدوم:

انت تقصد الكلام ده !

محسن وقف : 

ايوه اقصد

وسابه ومشي..

جلهوم بتأثر: وتاهت بينا تاهت ليالينا ليالينا علي فين يا حزن مودينا واتاري الدنيا غداااااارة غدااااارة بتغدر كل يوم بينا غداااااارة اهئ اهئ 

بتيجي جمبه ست عجوزة...

الست: مالك يا بني...

جلهوم: مالي...انا تعبان اوي يا حاجة بقا كل امنياتي في الحياة اعرف مكانه مكانه بس عشان ارد اعتباري

الست: مكان مين

جلهوم: مكان اللي شقلب حالي ومرر حياتي مكان ابتسام ....

ابتسمت الست وادته عملة معدنية شكلها غريب. 

جلهوم : ايه ده !

الست: ايه رأيك لو اتمنيت امنيتك ورميتها في النيل مش يمكن يتغير حاجة ..

جلهوم: بلاش هبل والنبي يا حاجة

الست: طب جرب بس

جلهوم مسك العملة ورماها في النيل 

جلهوم: اروح له مكانه لو في سابع أرض في التو واللحظة 

وفجأة بيحس بدوخة وبيكون مش شايف قدامه

جلهوم : اسنديني الحقيني يا حاجة ااااه ....

_______________________________

بيفوق ابتسام بيلاقيه متربط ومحبوس في صندوق ازاز ..

بيقرب منه هارون .

هارون: اخيرا صحيت..

بيفتح الصندوق وفي ايده حقنة كبيرة ...

ابتسام: انت هاتعمل ايييه يا مجنون

هارون: هاعمل المستحيل هاحولك لكائن مش في الوجود زيه

ابتسام: ياعم انت انا راضي بابتسام حد قالك اني عاوز اتغير سبني في حالي منك لله يا ادهم الكلب منك لله يا هارون الكلب منك لله يا نادين ..

بيقرب هارون الحقنة منه وهو مبتسم وفجأة بيقع عليه حد ..

ابتسام بيشهق بخضة وبيبص عليه..

بيقوم  جلهوم وهو ماسك ضهره : 

ااااه ياني ياما

ابتسام: مش معقول جلهوم...

بيبص جلهوم حواليه:

اه ...الله احنا فين 

ابتسام: مش وقته فكني فكني بسرعة..

بيفكه جلهوم وهو بيبص حواليه:

ماقولتليش ليه كنت جبت نضارة القراية هههه احنا فين هنا انا هانجنن ياخوانا ايه الحتة اللي فيها كل الألوان دي مين اللي لعب في الاعدادات. .

ابتسام: امشي بدل ما احنا اللي يتلعب في اعداداتنا ..

بيحضنه جلهوم حضن جامد:

ياااااااه ياااااااااه يااااااااااه 

ابتسام: احم...في ايه ياعم احنا أشرف من الشرف...

فجأة بيقرب منهم كائن من اللي هارون عمل عليه تجارب..

ابتسام : ايه ده ايه المية السخنة دي جات منين 

جلهوم: هههه دا انا شكلي سربت ايييييه ده ..

ابتسام: مافيش وقت اجري 

بيجري ابتسام ووراه جلهوم....

لحد ما بيطلعوا من المكان ده وبيوصلوا للغابة ...

بيقف جلهوم وبيتسند علي شجرة ..

جلهوم: استني اخد نفسي اصبر ..

ابتسام بيلف يبص عليه وبيبرق

جلهوم: في ايه ايه النظرات دي انا مش مطمن

فيييييح فييييح

جلهوم: ههه انا سامع فييييييح فيييح ومش مطمن ممكن تطمني ....

فجأة بيظهر تعبان ضخم وبيلف حواليه وابتسام بيطلع يجري..

جلهوم: اهئ اهئ ابتسام الحقني انا حبيبك برده انا اللي اتبطرت والبطران اخرته قطران مالها شكري يعني اهئ اهئ انا بحلم ولا ايه يا ابتساااااام انا هاغمض عيني وافوق .

غمض عينيه وبص لقا التعبان وشه في وشه وبيطلع لسانه:

هههه بقا ياجدع ده فيه حاجات غريبه والله انت ماتتعبش نفسك انا هايجيلي سكته قلبيه اهو وهاموت ..

وبيغمي عليه...

ابتسام وهو بيجري: هاسيبه ولا ايه لا ازاي لازم اساعده انا هيرو والهيرو مايسبش حد وراه هعههه انا هيرو وفيا الخيرو 

بيقرب من التعبان وبيضرب فيه بكل قوته وبيطلع ليزر من عينيه ...

بيضربه التعبان بديله بيطير لحد السما وبينزل علي الأرض ..

بيروح ناحية التعبان تاني وبيضرب فيه بيضربه بديله للمرة التانية ومن قوة الضربة بيطير لحد السما بس المرة دي بيقع علي دماغ التعبان ....

بيستغل الموقف وبيضربه فوق دماغه بكل قوته التعبان بيقع علي الأرض فاقد للوعي ..

بيشيل ابتسام جلهوم بسرعة وبيمشي قبل ما التعبان يفوق..

بيقف ابتسام يريح عند شجرة ..

ابتسام: اخص عليكم يابنات مش كده ماكانتش عشرة اشحال ما انا مسحول هنا بسببكم حقيقي خيرا تعمل شرا تلقي بقا كده ماتساعدوش رفيق الكفاح رفيق الليالي السوداء ههه 

نادين: الحقنا ..

ابتسام: صوت البت الباردة نادين لسه بيرن في ودني 

نادين: لأ يا متخلف احنا فوقك الحقنا .

ابتسام بيرفع وشه بيلاقيهم مربوطين في شبكة ....

جني : فكنا بسرعة

ابتسام: وايه اللي ربطكم كده

نادين: لقينا حالنا زهقانين قلنا نلعب شوية

ابتسام: بقا انا كنت هابقي فار تجارب وانتم هنا بتلعبوا !

نادين: بسرعة يا متخلف العنكبوت هايتعشي بينا 

بيبص ابتسام بيلاقي العنكبوت قرب منهم .

بيجري وبيحاول يفكهم بس خيط العنكبوت قوي ..

ابتسام: أعمل ايه اعمل ايه يادي النيلة السودا 

بتقرب العنكبوت اكتر واكتر في نفس الوقت جلهوم بيفوق..

جلهوم: هههه اما كان حتة حلم وبيرفع دماغه لفوق بيشوف العنكبوت بتقرب منهم اكتر ...

جلهوم : هههه ده حقيقي ولا جرافيك ياجدعان ماتهزروش معايا بقا مش كده 

العنكبوت بتغير اتجاهها وبتقرب من جلهوم .....

ابتسام بيكمل قطع في الشبكة لحد مابيقدر يفكهم بالليزر ونادين وجني بيساعدوه بقوتهم..

جلهوم بصريخ: الحقونيييييي

بيبصوا عليه بيلاقوا العنكبوت حضناه..

ابتسام بصدمة: مش معقول

نادين وجني في صوت واحد:

ايييه

ابتسام: العنكبوت اختارته زوج ليها

جلهوم: هههه لا انا ماقدرش اخون شكري وبعدين اخون عقربة مع عنكبوت يبقا ناقص ام اربعة واربعين وتكتمل الليسته هههه ايه البواخة دي اه انا جان اوي بس مش للدرجادي 

ابتسام : انت بتقول ايه يا متخلف العنكبوت بعد ما بتتجوز بتاكل جوزها

جلهوم بصدمة : ايييييييييييبه ..

____________________________

بيكونوا السلاحف رابطين ادهم علي كرسي من كراسيه وحواليه نار ...

سلحفة منهم بتقرب منه بشر وفي ايدها ازازة. وبتضحك:

انت طبعا عارف ده ايه يا دكتور .

ادهم: فكوني فكوني وهاعمل اللي انتم عاوزينه 

السلحفة: خلاص علي رأي الاستاذ عمر دياب فات الميعاد 

بتفتح الازازة وادهم خايف وبيصوت :

لااااااااا 

وبتفضي الازازة عليه و..