رواية لا تراجع ولا استهبال الفصل الثالث عشر13 بقلم حنين عادل

بيقرب الزومبي اكتر وبيكونوا مش عارفين يعملوا ايه لحد ما بيمسكوا ابتسام وبيتجمعوا عليه وبيشدوا في كل حتة فيه وهو بيصوت وبيحاول يفك نفسه

ابتسام: سيبوني سيبوني يا كفرة يا آكلي لحوم البشر هو ربنا عمل فيكم كده من قليل يعني سيبوني اهئ اهئ

في نفس الوقت جني ونادين بيحاولوا يساعدوه الزومبي بيتجمع عليهم وبيمسكوهم

ابتسام بصويت : سيبوا جني يا ولاد الكلب مش مهم نادين دي هي سبب المصايب

نادين: واطي واطي يعني ..

بيصوتوا هما التلاتة في نفس الوقت لحد ما بيلاقوا ديب كبير بيهجم علي الزومبي وبيموتهم ويطير دماغهم ببوقه

ابتسام وقف مبلم ومصدوم ودماغ من اللي بتطير جات علي ايده ..

ابتسام بص عليها بصدمة وبعدين رماها بسرعة...

ابتسام: دي احلوت أوي مستذئبين وزومبي لسه هايطلع لنا ايه تاني ياتري اهئ اهئ

نادين: هاتفضل واقف كتير كده ساعدنا ..

ابتسام: ودول نموتهم ازاي دول هاااا ازاي هما كده كده ميتين والضرب في الميت حراااام

جني بتكون ماسكة دماغ واحد فيهم .

ابتسام بخضة: ايه ده يا جني ايه ده بقا جني الملاك الطاهر البرئ يطلع منها كده لاااااا

جني : هما بيموتوا كده يلا ساعدنا

ابتسام: مستحيل اعمل كده دا قتل قتل..

نادين: خلاص استني لما يخلوك زيهم واهو نبقي خلصنا منك 

ابتسام بيقرب منه زومبي وهايعضه بيروح قاطع دماغه وبيصوت وبيهجم عليهم وبيقطع في دماغهم وهو بعيط 

وشايف نادين وجني والديب بيعمل كده ..

ابتسام: عاااا سامحنا يارب سامحنا...يارب طلعنا منها علي خير يارب..

بيخلصوا عالزومبي وبيشوفوا مجموعة كبيرة تانية جاية عليهم

ابتسام: كده كتير كده كتير بالله منك لله يا أدهم الكلب منك لله يانادين..

بتجري نادين وجني وابتسام والديب معاهم..

ابتسام بيبص للديب: والله كتر الف خيرك يا بشمهندس كفيت ووفيت..

بيدخل الديب بيت قديم وكبير ونادين وراه وجني وابتسام..

بيكون البيت عتمة...

ابتسام: كتر الف خيرك مش عارفين من غيرك كنا عملنا ايه بجد

بيتحول الديب لانسان ابتسام بيتفزع...

ابتسام: خلاص قطعت الخلف رسمي فهمي نظمي اهئ اهئ .

نادين: ما في كل الافلام المستذئب بيكون انسان ولا انت ماتفرجتش علي اجنبي

ابتسام: بتفرج علي هنديييييي علي هندي مش اجنبي انا واد رومانسي وحساس ..

نادين: اه عشان كده انت اوفر اوي. .

بيتكلم الديب اللي بقا انسان:

انتم ايه اللي دخلكم العالم ده

ابتسام: دا واحد مجنون الهي لا يكسب ولا يربح الهي ينحرق مطرح ماهو قاعد الهي ينشك في فخاده الهي ينشل في حواجبه الهي يجيله مغص في لسانه

ادهم بيكون بيتفرج علي البلورة وفي نفس الوقت بيكون ماسك مج شاي بينكسر نصين وبيقع علي ايده 

ادهم : منك لله يا شيخ ..اااه...ايه ده لحقت

الزومبي بيحاوط البيت من كل ناحية وبيقعدوا يخبطوا علي البيبان ...

ابتسام بخوف: هانعمل ايييه ياعم الروك

الديب: ايه الروك ده ؟!

ابتسام: اصل بصراحة فيك شبه من الممثل المصارع الفرع ده الروك اللي مثل فيلم جومانجي الجاحد ده الا صحيح اسمك ايه

الديب: استيفان !

ابتسام: هههه اجنباااي عااااااااا.

في نفس الوقت بيكون زومبي قدر يدخل البيت وواقف ورا جني 

ابتسام بيطلع ليزر من عينيه تلقائي وبيموته...

الديب : ايه ده عملت كده ازاي

ابتسام: بنام بدري وبشرب مية كتير هههه 

بيشوفوا البدل بتاعتهم ...

جني: ايه ده معقولة البدل بتاعتنا

نادين: اكيد اللي بتساعدنا هي اللي عملت كده

ابتسام: الله يعمر بيتك يا حاجة فاتاكات ويسترك 

بيلبسوا البدل بتاعتهم بسرعة...وفي نفس الوقت

بيحاوطهم مجموعة من الزومبي ونادين وجني وابتسام بيموتوا فيهم ..

ونادين بتطير وبتطلع النار من عينيها تحرقهم والديب متفاجئ من قوتهم...

بيشوفوا الأعداد بتزيد..

نادين بتبص للديب:

ماتعرفش مخرج لنا من العالم ده ....

بيطلعوا يجروا عالسلم والزومبي وراهم  لحد ما بيطلعوا للسطح وبيحاوطوهم..

ابتسام: هانعمل ايييييه هانعمل ايييه دول هايفشخونا اه لو مين يجبلي ادهم ابن المؤذية ده كنت كلته بسناني 

بتمسكهم نادين وبتطير من علي السطح والديب بينط وبيجروا ....

ابتسام:

اي مكان فيه امان هنا مافهموش زومبي الهي تنستر ياعم استيفان دلنا......

بيفضل الديب يجري ووراه نادين طايرة لحد ما بيوصل عند جبل عالي

ابتسام : الله ايه الحلاوة دي دا هنا يقفشونا زي ما الفرارجي بيقفش الفراخ

استيفان: هنا المكان الوحيد اللي تقدروا تستخبوا فيه وامان اكتر من اي حتة هنا وكمان الحكيم عدنان هايساعدكم لو حكيتوا له حكايتكم..

ابتسام: طيب دلنا علي عدنان عشان نخلص من هذا الجنان..

بيضغط علي صخرة وبيتفتح باب سري وبتظهر انها مغارة...

ابتسام: دي مغارة علي بابا ولا ايييه ههه

نادين: لا مغارة عدنان بابا ههه

ابتسام: جنجون تعالي جمبي عشان لو حصل اي حاجة احميكي..

ضحكت نادين عليه لحد ما وصلوا لباب تاني والدنيا عتمة...

ابتسام: ياااااه يا جدعان الواحد جعان ياسلام لو رنجاية وفحل بصل وطماطم وخياااار يااااااه وبعدها شوب مانجا 

جني: انت جوعتنا منك لله

ابتسام: منها لله اختك حرمتنا من ملذات الحياة 

بيلاقوا مكان منور وبيدخلوه بيكون راجل كبير شعره ابيض وطويل ولابس ابيض وقاعد قدامه حجر اسود كبير وحاطط ايده عليه وبيتكلم بطريقة غريبة..

استيفان: حكيم عدنان معايا ضيوف

بيرفع عينيه وبيبص عليهم وبتكون عينيه زرقا ...

بيبتسم عدنان:

اهلا اهلا اتفضلوا قدملهم واجب الضيافة يا استيفان. ..

بيمشي استيفان بعد ما هز راسه 

بيقعد عدنان علب الكرسي العجيب ده ..وبيلاحظ ابتسام سلسة في رقبته عليها علامة شافها قبل كده

ابتسام بتفكير: ياتري انا شوفت العلامة دي فين !!

الحكيم عدنان: احكولي ازاي دخلتوا عالمنا ده ..والعالم بره عامل ازاي ..

نادين: كل ده بسبب عالم مجنون حابب يحتل العاالم ..

ابتسام: لا وانتي الصادقة بسببك يا ختي بص ياعمو ابو عدنان العالم المجنون ده ادهم ابن التيت عنده عالم افتراضي بيتحكم فيه

عدنان: لا براحه وفهمني اكتر

بيبدأ ابتسام يحكيله كل حاجة وكل عالم دخلوا فيه وعن قوتهم الخارقة اللي بيحاربوا بيها

في نفس الوقت ادهم بيكون بيضحك وهو بيتفرج عليهم في البلورة :

ههههههه انتم فاكرين انه هايساعدكم اغبيا ..

________________________

في الحارة جلهوم بيكون ماشي وبيثبتوا عيل .

جلهوم: ولا طلع اللي في جيبك والا مش عارف هايحصل لك ايه

بيضربوا العيل في رجله :

انت ناسي ابتسام عمل فيك ايه انت تعتزل احسن 

بيبص جلهوم لمحسن:

هو ضربني يا محسن 

محسن: والله ما يقصد 

جلهوم : اهئ اهئ لا يقصد يا محسن

بيجري جلهوم ورجالته ورا العيل

جلهوم: هاجيبك يا زقرد انت هاجيبك مابقاش الا العيال اللي تعمل فيا كده

بيغيروا اتجاهم بسرعة وهما بيجروا وبيكون العيل جاب صحابه وبيضربوهم بالطوب وبيجروا وراهم..

جلهوم: اجري يا محسن اجري

بيغنوا العيال:

ام كلالا ولدت يلا نروح لها ناخد لوز وبندق ونروح نبارك لها 

جلهوم وهو بيجري:

هما بيغنوا لي يا محسن

محسن: والله ما يقصدوا

جلهوم: كله بسبب ابتسام الكلب اهئ اهئ اتقل مني وكرامتي بقت في التراب بس لأ مش انا اللي اسيب حقي مش انا ااااااه

محسن: مالك يا معلم..

جلهوم: الطوبة صابتني

محسن : فين يا معلم جات فين ؟!

جلهوم بعياط: جت في المعطوبة يا محسن اهئ اهئ

سندني سندني يا محسن وديني لشكري انا عاوز اروح لها 

__________________________

الحكيم عدنان: اتفضلوا الأكل 

ابتسام: والله انت راجل ابن حلال وكمل ياشيخ انا قلبي ارتاحلك بجد يعني وانا قلبي احساسه عمره في يوم ماكدب وانا عارف انت خير ان شاء الله

نادين بتبدأ تاكل وجني 

نادين: شكرا لمساعدتك لينا يا حكيم بس ماقولتناش عن طريقة الخروج من هنا 

الحكيم عدنان :

كملوا اكلكم بس الاول

بيبص ابتسام عليه بيلاحظ ان الحكيم بيبص لهم نظرات غريبة وكمان استيفان

ابتسام بتفكير: هو في ايه كده بالظبط انا بدأت أقلق بيبص علي سلسة الحكيم وكأنه افتكر حاجة...

ابتسام بخوف: نهار اسود..

نادين وجني بيبصوا له..

ابتسام بيقف: 

احنا لازم نمشي من هنا يلا يا بنات بسرعة

نادين : نمشي نروح فين انت اتجننت

جني: في ايه يا ابتسام

ابتسام: افتكرت حاجة مهمة ..يلا اسمعوا الكلام ..

بيمشي ابتسام خطوتين وبيحس بالدوخة وبيبص علي نادين وجني اللي وقعوا علي الارض

ابتسام: نهار اسوح نهار اسوح

وقبل مايفقد الوعي بيشوف الحكيم عدنان واستيفان بيضحكوا ...

ابتسام: منك لله يا أدهم .....الكل...وقبل مايكمل كلامه بيكون واقع علي الارض..

ياتري السلسة كان عليها علامة ايه

والحكيم عدنان عاوز ايه منهم هو واستيفان هاتعرفوا ده في الحلقة الجاية..