رواية حب تحت التهديد الفصل السابع 7 بقلم جمال المصري
بسم الله ولا حول ولا قوه إلا بالله
داليا .. اول ما بتسمع صوت صريخ فيروز بتدخل علي طول خير يا فيروز هانم
فيروز .. فهد يا داليا انا شوفت فهد كانوا في ضيق ومحبوس في مكان وبيصرخ ومش عارف يطلع منه
داليا .. ده كابوس يا فيروز هانم وفهد بيه معاه رجالته مستحيل حد يتغلب عليهم
فيروز .. بتمسك التليفون وبترن عليه و مفيش رد
داليا .. ممكن يكون نايم
فيروز .. رني علي تيمور
داليا .. حاضر وبترن علي تيمور وبرده مفيش رد
فيروز .. لا كده انا مش مطمنه انا عايزه اسافر هناك يا داليا
داليا .. وهي بتحاول تهدي فيروز مفيش داعي اكيد هيكونوا بخير وشويه و هيرنوا علينا يطمننونا
فيروز .. انا عمر احساسي ما كدب عليا انا متاكده ان في حاجه غلط حصلت هناك وان فهد في خطر ولازم نتحرك بسرعه يا داليا
داليا .. تحت امرك يا فيروز هانم
فيروز .. هنتحرك امتي
داليا .. الوقت اللي تحبيه حضرتك انا هجيب اذن اقلاع من المطار والطياره الخاصه لفهد بيه موجوده و نتحرك وقت ما حضرتك تقولي
فيروز .. هنتحرك دلوقت يلا بسرعه يا داليا
داليا .. تحت امر حضرتك وبتطلع عشان تكلم المطار وبجيب اذن الاقلأع
فيروز .. بتقوم تلبس وبعد ١٠ دقايق الباب بيخبط ادخل
داليا .. كل حاجه جاهزه حضرتك نقدر نتحرك
فيروز .. وانا كمان جاهزه يلا بينا
تيمور .. بيقوم من النوم ايه ده انا حاسس دماغي هتنفجر من الصداع بيمسك التليفون عشان يشوف الساعه كام ويلاقي اكتر من رنه من داليا ويرجع لها
داليا .. تليفونها بيرن تطلع التليفون و تبص فيه ده تيمور يا فيروز هانم
فيروز .. هاتي التليفون
داليا .. بترد الو يا تيمور معاك فيروز هانم و بتدي التليفون لي فيروز
فيروز .. انتو ليه مش بتردو علي التليفون
تيمور .. اسف يا فيروز هانم كنت نايم وما سمعتش التليفون
فيروز .. انا قلقانه علي فهد قوم بسرعه وطمني عليه
تيمور .. مفيش حاجه تستدعي القلق وانا هقوم دلوقتى واطمنك
فيروز .. ماشي وانا مستنيه منك تليفون
تيمور .. حاضر يا فيروز هانم مع السلام
فيروز .. سلام
داليا .. انا مش قولتلك اكيد نايمين لسا مصممه علي السفر
فيروز .. لا خلاص لو تيمور طمني خلاص مفيش داعي للسفر بس خلي العربيه مكمله لحد ما نطمن
داليا .. زي ما تحبي
تيمور .. بيطلع من الاوضه ويلاقي الحراس كلهم مرمين علي الارض ويحاول يصحيهم وبعدين بيسيبهم و بيجري علي غرفة فهد بيه واول ما بيفتح الغرفه مش يلاقيه ويلاقي التليفون مرمري علي الارض وبيصرخ فهد بيه مش موجود و بيطلع يفوق رجالته ويسمع صوت تليفون فهد بيه بيرن بيجري عليه بيلاقي فيروز بيفتح عليها وهو مش عارف يقول ايه
فيروز .. اخيرا رديت يا فهد
تيمور .. انا تيمور يا فيروز هانم
فيروز .. فهد فين يا تيمور
تيمور .. للاسف مش موجود ولا عارفين هو فين اكيد اندريا خطفه
فيروز .. ازي وكلكم حواليه انتو ايه مناظر علي الفاضي
تيمور .. فيه خاين وسطنا حط مخدر لينا في الاكل او المياه
فيروز .. مش عايزه حد يطلع ولا يدخل الفيلآ لحد ما اجي فاهم وحاول تعرف فهد فين بي اي طريقه
تيمور .. حاضر يا فندم وبيقفل يلا فوق باقي الرجاله ومش عايز حد يطلع ولا يدخل وجمعوا كل الخدم اللي في الفيلآ بسرعه الرجاله بتجري في كل مكان والفيلا مقلوبه
رافت .. بيقوم من النوم فيه ايه يا تيمور
تيمور .. فهد بيه مش موجود وشكل اندريا خطفه
رافت .. خطفه ازي وهيعمل ايه بخطفه الكلب ده
تيمور .. اكيد هيكون ليه طلبات
رافت .. لا اكيد قتله
تيمور .. لا لو قتله كان قدر يقتله علي سريره ليه يطلعه من الفيلآ
رافت .. عشان قدام المافيا انه قدر يخترقنا يا تيمور واحنا لازم نرجع مصر ونشوف هنعمل ايه
تيمور .. مش هنتحرك من هنا غير لما نوصل لفهد بيه حي او ميت
رافت .. تليفونه بيرن ويلاقي اندريا دقيقه و هرجعلك يا تيمور ويدخل اوضته الو اندريا .. شكرآ علي مساعدتك يا مستر رافت
رافت .. ده مكنش اتفقنا يا اندريا انت اخدت فهد ليه كنت قتلته مكانه و سبته
اندريا .. موت فهد مش هيكون بالسهوله ده لازم اعمله عبره لكل اللي يفكر يتهجم عليا يا مستر رافت وكمان عشان اقتله انا ليا شروط
رافت .. شروط ايه ده مكنش اتفاقنا
اندريا .. ما انا بكلمك عشان نتفق وإلا هتفق مع مستر فهد
رافت .. وايه شروطك
اندريا .. كل املاك الزعيم في امريكا تكون ملكي انا و تاخد رجالتك و ترجعوا مصر من دلوقتى هنحكم المافيا سوا يعني مش هتكونوا انتو اللي مسيطرين علي القرار العالمي للمافيا
رافت .. انت اكيد مجنون ومين هيوافق بكده
اندريا .. انت وإلا هقول لي فهد كل حاجه وانك انتي اللي حطيت المخدر للرجاله ودخلتنى الفيلا عشان اقتله ووقتها هتموت انت وعيالك ومش هيسيب حد منكم عايش
رافت .. طب انا هعمل كل ده ازاي وفهد عايش عشان اكون الزعيم لازم فهد يموت
اندريا .. ده مش شغلي يا مستر رافت نفذ اللي انا طلبته وانا هسلمك جثة فهد معاك مهله تفكر لحد بكره الصبح بعد كده ما تلمش غير نفسك
رافت .. حاضر انا هحاول احلها سلام وبيقفل اه يا اندريا يا ابن الكلب وانا هعمل ايه دلوقتى الاول لازم نمشي من هنا ولازم اقنع تيمور اننا نرجع مصر وهناك هفكر وحل كل المصايب دي
تيمور .. بينزل السرداب ويلاقي باب الممر مفتوح ويضرب الباب بي ايده مستحيل ازي عرف مكان الممر كده فعلا فيه خاين وسطنا و بيطلع من الممر ويدخل الصالون في الفيلا يلاقي رافت مستنيه
اندريا .. منور الدنيا يا مستر فهد بيه معلش انى رابط ايديك بسلاسل ورجليك كمان ده بس عشان تقعد هادي
فهد .. انت فاكر انك انتصرت انا هخليك تندم علي اليوم اللي فكرت فيه تتحداني
اندريا .. انتو كده دايما يا مصريين مش تعرفوا غير تتكلموا وبس بص لنفسك انت اللي مربوط وتحت رحمتي
فهد .. كلنا تحت رحمة ربنا وبما ان الفرصه جاتلك فقتلني عشان لو خرجت من هنا مش هتلاقي مكان ليك غير القبر
اندريا .. ده لو خرجت اصلا يا مستر فهد انت هنا لحد ما انا اقتلك بي ايدي وهتكون عبره لكل واحد يتجرأ ويدخل صراع مع المافيا الامريكيه
فهد .. انت بتحلم انتو كلكم تحت امري ومهما حصل نهايتكم هتكون علي ايدي
اندريا .. كلها ساعات وهتكون في الجحيم يا مستر فهد فنصيحتي ليك وفر الطاقه اللي عندك دي لحد ما تموت
فهد .. رجالتى هيقلبوا الدنيا عليا ووقتها هتكون نهايتك
اندريا .. رجالتك قاعدين في الفيلآ ولا قادرين يعملوا حاجه عشان هما مدربين ينفذه الاوامر و بس
فهد .. ده الاي انت واللي زيك فكرينه قريب اووي هتلاقيهم هنا
اندريا .. بيقرب من فهد انا مش عايز تفكر في اي حاجه غير نفسك
فهد .. مالك كده بتتكلم زي النسوان
اندريا .. بيقرب اكتر وبيبص في عيون فهد بقولك فكر في نفسك
فهد .. بيضربه في دماغه
اندريا .. بيوقع علي الارض وانفه بتنزف دم انت حيوان اضربه مش عايز اسمع غير صريخه
رجالة اندريا يضربوا فهد ولكن فهد كل اللي بيقرب منه بيضربه بدماغه ورغم انه مربوط بسلاسل بس مش قادرين عليه
صالح .. واقف في المطار ومستني فيروز
فيروز .. في اخبار يا عم صالح
صالح .. للاسف لا يا فيروز هانم انا سايب تيمور بيحقق في الموضوع والحاجه الوحيده اللي كلنا متاكدين منها ان فيه خاين بينا ولازم نوصله قبل ما نعمل ايه حاجه
فيروز .. انا المهم عندي فهد لازم نوصله باسرع وقت قبل ما يحصله حاجه
صالح .. وده هدفنا كلنا يا فيروز هنام لكن رافت بيه وانا طالع كان بيتكلم مع تيمور عشان نرجع مصر
فيروز .. مفيش رجوع لمصر غير وفهد معانا الكل لازم يفهم كده
صالح .. تمام يا فيروز هانم بس رافت بيه في حال لا قدر الله حصل حاجه لي فهد بيه هو اللي هيكون البارون مكانه وعداوتك معاه في وقت زي ده مش في مصلحتك
فيروز .. كل ده مش مهم عندي يا عم صالح المهم هو سلامة فهد
صالح .. ان شاء الله هيكون بخير اتفضلي وصلنا الفيلآ
رافت .. انا بصفتي النائب بامرك انك تجهز الرجاله هنرجع مصر وانا ههتم بنفسي بموضوع فهد لكن وجودنا هنا في خطر علينا كلنا يا تيمور وانت راجل العيله من سنين وعارف قانون البارونيه
تيمور .. بس كده نبقى بنخون فهد بيه وانا مستحيل اخون البارون
رافت .. مين قال اننا هنسيبه بس هنخلي اندريا يعرف اننا مشينا عشان ياخد راحته وانا هرجع هنا مع رجالتي ومش هرجع غير وفهد معايا
تيمور .. سكت خالص مش عارف يقول ايه
رافت .. بيقرب منه وبيطبطب علي كتفه يلا يا تيمور خلي الكل يجهز
صالح .. بيفتح الباب
فيروز .. مفيش حد هيتحرك من هنا لحد ما نوصل لفهد بيه يا رافت بيه