يمسح اياد عرقه ويفك الجرافته وهو مخنوق وتمشي هايدى لبرة وهي واثقة ان اياد هيجي يشوفها واياد يتابعها بنظراته وترجع ملك الكوشة وتسأل اياد ..
ملك : مالك يا اياد ؟!
اياد بأرتباك : مفيش مفيش انا آآ رايح الحمام الي في القاعة هنا وجاى تاني
ملك : اوك بس ماتتأخرش
اياد : ماشي
ويخرج اياد من القاعة وتتابعه ملك بنظراتها وتتلهي مع المعازيم ويروح اياد لهايدى و...
هايدى : كنت متأكدة انك جاى
اياد يحاول يبين انه مش مرتبك : انجزى ، عايزة اية ؟!
هايدى : عايزاك
اياد بأستخفاف : نعم ! قصدك عايزة فلوسي ودا لما تشوفي حلمة ودنك
هايدى بأستفزاز : متأكد يا اياد
اياد : طبعا متأكد ويلا غورى مش ناقص مشاكل
هايدى : هتندم صدقني
اياد : اعلي ما في خيلك اركبيه
ويرجع اياد القاعة تاني ويحاول يبان مبسوط وينسي مقابلة هايدى
__________
مريم في شقتها واسامة جنبها و...
اسامة : انا عندى شغل واحتمال اتأخر النهاردة
مريم : يعني هتعشي لوحدى كالعادة ، انا زهقت بقا حس بيا شوية
اسامة بغضب وهو يمسك دراعها : اعملك اية يعني مش بشتغل عشان تلاقي العز الي كنتى عمرك ما تحلمي بيه دا
مريم : يووه مش عايزاه يا اخي ، انا عايزة زوج ويقعد معايا ، مش مجرد اسمي متجوزة و مابشوفكش غير ع النوم او تاخد حقوقك او الصبح ، انا مش سلعة اشتريتها
اسامة يقوم ويضربها بالقلم و..
اسامة : لما تعرفي تتكلمي مع جوزك نبقي نتكلم ويسيب الاوضة ويخرج وتنفجر مريم في العياط ندم علي انها سابت ايمن واتجوزت واحد عشان فلوسه بس وتقوم تفتح الدرج وتطلع شريط برشام مكتوب عليه منع_الحمل وتاخد قرص وتحطه في الدرج تاني وتنام بهمدان
_________
في قاعة فرح اياد وملك يخلص الفرح وتيجي العربية ويركب اياد وملك ويطلع بيهم السواق علي ڤيلتهم وملك مرتبكة الي حدا ما
________
هند واقفة بعد الفرح في الشارع مستنية تاكسي وفجأة تلاقي واحد علي موتوسيكل شد الشنطة وجرى وتصوت ويجي واحد يجرى وراه ويضربه وياخد منه الشنطة ويرجع لهند بالشنطة ويديهالها و..
هند : انا متشكرة جداا بجد مش عارفة اقولك اية
الشاب : مافيش داعي للشكر دا واجب ، انا شادى
هند : وانا هند ، تشرفنا ومتشكرة مرة تانية يا استاذ شادى
شادى : طيب تحبي اوصلك
هند : لا شكرا انا هاخد تاكسي
شادى : مش هتلاقي دلوقتي ، يلا بقا اركبي
وتركب هند معاه ويوصلها لحد بيتها
__________
ويوصلوا اياد وملك بيتهم ويدخل اياد ولسة ملك هتدخل يوقفها اياد ويلف ايده ورا ظهرها وايده التانية تحت ركبتها ويشيلها ويطلع بيها لاوضتهم ويفتح الباب ويقرب من السرير وبحركة مفاجأة يرمي ملك علي السرير بقوة وملك مصدومة و..
اياد : اية مصدومة !؟ ، بصي بقا يا ملوكة انا عمرى لا حبيتك ولا زفت انا من ساعة ماعرفتك وانا بكرهك وكل دا كان تمثيل وانتقام وزاد كرهي ليكي بعد ما عرفت انك خاينة
صدمة سكووت من ملك وفجأة تنهار علي الارض وتبكي و..
ملك بأنهيار : خااااينة !! انا خاينة طب لية ، لية اتجوزتنى طالما انا خاينة انا اذيتك في اية ، انت استحالة تكون بني ادم عاقل انت اكيد مريض نفسي دمرت حياتي وانا ، انا غبيييية اغبي واحدة لما حذرونى وانا ههههههه وبهيسترية : قولت لا اياد مستحيل يكون كدة اياد بيحبني وانا .. مشمأزة انطقها بعد ماعرفت حقيقتك بجد انا بكررررهك غوور من وشي حسبي الله ونعمة الوكيل فيك وخليك عارف انك مستحيل تلمس شعره واحدة مني
اياد بأستهزاء وتحذير : انا لو عايز هعمل الي انا عايزه بس انا مابقربش من حاجات زبالة ، سيبهالك مخدرة يا آآ يا مدام ملك اياد السويفي
ويخرج من الاوضة وملك منهاارة وبتبكي بحرقة والكحل سايح علي عنيها ولسة بفستان الفرح
في حين يرجع اياد لحياته القديمة وعنده شعورين شعور النصر وتحقيق انتقامه وشعور الذنب ودا الي كان بيحاول يكبته بكل الطرق ويروح اياد ل الملاهي كعادته مع اصدقائه و..
اياد قاعد مع اصدقاء السوء وحواليه بنات
واحدى البنات : مالك يا اياد شكلك مش مظبوط ، ماتيجي هنسهر سهرة حلوة واظبطلك مزاجك
اياد بأبتسامة : ماشي ، يلا
ويقوم اياد مع البنت دى لــ شقة مفروشة ويقضوا السهرة واياد بيخون ملك بأعتبارها بقـت خلاص زوجته
__________
ملك لسة زى ماهي منهارة علي الارض ومابطلتش عياط وتسمع اذان الفجر ولاول مرة تقوم ملك وتغير فستانها وتلبس بچامه كت وهوت شورت ودا الي لاقته بأعتبار انها عروسة جديدة ولسة مانقلتش كل هدومها وتمسح المكياج وتدخل تتوضي وهي بتحاول تفتكر طريقة الوضوء وتطلع وتلبس عباية استقبال و تصلي وتبكي وهي بتصلي وتنهاار عند السجود وتدعي ان ربنا يوفقها ويعدلها حياتها ويسعدها ويسامحها علي ذنوبها
ويرجع اياد الڤيلا ويطلع يفتح باب الاوضة يلاقي ملك علي الحالة دى ولاول مرة بتصلي ويستغرب و..
اياد : دلوقتي افتكرت ربنا وهي اصلا خااينة وشيطاانة والله اعلم بتعمل اية تاني
ويروح الاوضة التانية ويقفل الباب وتحس ملك بيه وتقوم بسرعة تقلع العباية وتعمل نفسها نايمة وتفضل صاحية تفتكر وتعيط وتنام من التعب وهي بتعيط ويشقشق الصبح ويقوم اياد يروح علي اوضة ملك عشان يصحيها قبل ما حد يجي
يدخل اياد الاوضة ويبص علي ملك وهي نايمة و..
اياد بأعجاب : شكلها حلوو اووى وهي نايمة
ويفوق لنفسه وهو بيفتكر شكلها وهى مأنجچة عمرو ويصحيها وتقوم ملك مفزوعة من طريقته و..
اياد بجفاء : يلا قومى قبل ما حد يجي وجهزى نفسك وابتسمي قدامها ولازم نبان اسعد زوجين والا والله هتشوفي مني الي عمرك ما شوفتيه
__________
في مكان تاني بالقاهرة في شقة ايجار قاعد رجل وهو بيدخن بشراهه ويتصل بشخص و...
الرجل : الو ازيك يا مرزوق ، كنت عايز منك خدمة
مرزوق : اتفضل يا باشا
الرجل : عايزك تراقبلي واحدة كويس جداا وياريت لو بالصور كمان وهبعتلك صورتها في رسالة
مرزوق : اوامرك يا باشا بس كله بحسابه
الرجل : اكييد ماشي
ويقفل الرجل مع مرزوق وهو ناوى نيه شر