ابتسام: لا ياغبي الفضاء اللي في السما
جلهوم: اه عاااااااااا ....دا بقي كتير بقي كتير
بيبصوا عالكائن بيلاقوا بيخرج منه كتير وكأنه بيقدر ينسخ نفسه وبيقربوا منهم وهما بيصرخوا ..
جلهوم: ايييييه ده احنا بنطيييييير هقهقهق
نادين: دا بفعل الجاذبية
جلهوم: واللهي انتي اللي جاذبيتك وكاريزمتك مقصرة فيا
ابتسام: دا وقته ياعم النحنوح !
جلهوم: يلا ههه هو حد واخد منها حاجة
جني: ابتسااام ..
بيبص ابتسام بيلاقي الكائن الفضائي في وشه وبيترعب من شكله
وفجأة ضوء اصفر بيخليهم مش شايفين حاجة حواليهم ..
جلهوم: ايييييه ده مش شايف حاجة
نادين: ماحدش شايف حاجة
جلهوم: بس انا شايفك بقلبي يا جميل ههههه انتي مابترديش ليه ..هااااا...
الضوء الأصفر بيتلاشي ..بيبص جلهوم حواليه بيلاقيهم كلهم قاعدين في مكان مليان ماية صفرا
ابتسام: الله ينور يا عم جلهوم
جلهوم: مش انا والله مش معقول ليه شارب المحيط الاطلنسي.!!
بيجتمع حواليهم الفضائيين وهما بيتكلموا بطريقة غريبة
جلهوم: هما هايقدمونا قربان ولا ايه انا قلبي مش مطمن خالص
نادين: يعني السحنة دي يجي من وراها خير
جلهوم: فعلا سحنة الفضائيين دي مش بيجي من وراها خير.
ابتسام: لا بتلقطها وهي طايرة
جلهوم: انا مش حاسس برجلي انا مش حاسس بنصي التحتاني اصلا انا اتشليت ولا ايه اهئ اهئ
ابتسام ونادين وجني بيكونوا حاسين بحاجة غريبة.
بيحاولوا يطلعوا بس مش بيقدروا لحد مابيوصل هارون وبيكون قاعد علي عرش والفضائين شايلينه والجاذبية بتكون زي الأرض وكأن المكان اتغير وراحوا لمكان تاني
ابتسام: ياختييييي عاوز ايه المرة دي يا زفت ! اكسير ايه خلود ولا صحة ولا شباب ولاهباب علي دماغك ودماغ اللي خلفوك
جلهوم: اهدي يا ابتسام يا اخويا وحد الله في قلبك
ابتسام : لا اله الا الله بس مش كده تعبت يا جدع اهئ اهئ
جلهوم: شدة وتزول يا خويا شدة وفتحة ههههههه
نادين: ماهو معرفتك عاوز يبقي ايه يعني حد اسمه جلهوم
جلهوم : مقبولة يا قمر ما لازم العلاقات المستوية يبقي اولها شد وجذب هههه
ابتسام: احنا في ايه ولا ايه ..
بيضحك هارون ....
جني: ايه تاني في ايه المرة دي .
هارون : المرة دي الانتصار هايكون حليفي
بيبص جلهوم لنادين:
وانت يا قمر مش ناوي تكون وليفي ؟!
________________________
ادهم بيبتسم وبيحضنهم وهما مستغربين .
ادهم : اخيرا تجربتي اللي بشتغل عليها بقالي سنين نجحت والفضل ليكم هههههه اخيراااااااااااا انتم مش متخيلين انا هاعمل ايه انا هاحتل العالم انا هادمر البشرية انا هاعمل المستحيل هههههههههه هاهاهاهاها
السلاحف في صوت واحد:
احيييييييييه احيييييه
وفجأة جسمه بيرجع عادي تاني ولا كأن اي حاجة حصلت
بيتعصب ادهم وبيبص للسلاحف
السلاحف بتبص له بخوف:
واحنا مالنا هو كده المتعوس متعوس
بتكمل سلحفة منهم وهي بتضحك:
ولو علقوا علي راسه فانوس
بيقرب ادهم منهم وبيمسكهم وبيمشي لحد مابيوصل لصندوق ازاز كبير فيه سائل بيغلي
السلاحف بيصرخوا وهو بيحدفهم واحد ورا التاني بوحشية لحد مافي واحد منهم بيعرف يستخبي وهو مش واخد باله
بيروح ادهم يقعد قدام البلورة وهو بيبص عليهم وبيضحك لما يشوفهم في مشكلة كبيرة .
ادهم: انا زهقت من الفرجة كده كفاية ماتقلقوش نهايتكم النهاردة ماعدتش هازود عليكم اكتر من كده
بيقرب ادهم ناحية بوابة الزمن وبيدخلها والسلحفة بتكون ماسكة في البالطو بتاعه وهو مش عارف ...
السلحفة: نهار اسوح عاللي هايحصل فيك يا مايكل انجلو !
______________________________
نادين: ابتساااااام حوش مجايبك السودة من قدامي
ابتسام: الله وانا مالي يا لمبي !
جلهوم : انت هاتهزر مع الجماعة ولا ايه لأ انا دمي حر ايوه عشان تبقي علي نور حريمي ماتتكشفش علي حد ههههه ولا سبت
نادين: حريمك حرمت عليك عيشتك
جلهوم: اموت في الشخصيات القيادية
هارون بعصبية:بس
ابتسام: معلش عطلناك عن شرح خطتك الجهنمية احكي.
جلهوم: ارغي بس بسرعة احنا في عصر السرعة بس ياريت تكون حاجة كريتيف
هارون: لا ماتقلقوش دي حاجة كريتيف خالص النهاردة هانقفل كل حاجة اللي بيموت في العالم ده بيموت في العالم الحقيقي وعشان اخرج من هنا لازم اموتكم كلكم .
جلهوم: ليه كده يابن الناس اهئ اهئ هو ليه الانسان بيعمل كده في ابن عمه الانسان دا كلامك
هارون: لأ دا مش كلامي....
ابتسام مستغرب:
اومال كلام مين ؟!
_كلامنا.....
بيبصوا علي مصدر الصوت بيلاقوا ادهم ومعاه الست العجوزة اللي كانت بتساعدهم
كلهم اتصدموا وبلموا...
ابتسام: انتي ومع ادهم...
ضحكت الست العجوزة ..
جلهوم بص لها : بقا كده ياست يا كبارة تبقي متحالفة مع الاعداء بالله عليكي ايش استفدتي اييييييش!
ادهم بيضحك: متعة واثارة وانا شايفكم بتتعذبوا وانتم زي فران التجارب في عالم من صنعي وكان لازم تساعدني وتحطكم علي اول الطريق عارفين لييه
بيتكلموا كلهم في صوت واحد:
لييييه!
ادهم بيضحك: عشان دول اهلي! الست العجوزة دي امي وهارون اخويا
نادين: يعني هارون عارف هو بيعمل ايه وماتغيرش زي ما كنت فاكرة يعني هو واعي !مش معقول
بيضحك ادهم:
ايوه واعي الشر صعب يخرج من قلب الانسان واهو الشر اللي انتصر واتكسرت القاعدة ان الخير بينتصر انا اللي انتصرت .
جلهوم: النصر لمصر ههههه نعيش لمصر ونموت لمصر مصر مصر تحيا مصر !
نادين: دا وقتك يا متخلف مش اما نشوف انتصر ازاي
ابتسام بيبص لهارون:
انت فاكر ان احنا هانسمح اننا ننهزم..
بيحاولوا يقوموا من السائل الاصفر بس بيضحك ادهم..
ادهم: السائل ده هايموتكم بس بعد شوية عذاب حلوين بالبطئ جسمكم هايدوب وهاتحسوا بيه في مشهد لن يتكرر ..
جلهوم: ايه الحلم المزعج دهون اصل استحالة يكون دوت حقيقي ههههه الاتحاد قوة والحل من بره لجوه
ابتسام بيبص ليه وهو مستغرب:
انت قولت ايه ؟!
جلهوم: لا دي جملة قرأتها وانا ماشي هنا في مكان
ابتسام: معقول ده الحل. .
مسكوا ايد بعض وقعدوا يرددوها بس ادهم وهارون والست العجوزة بيضحكوا عليهم. .
ابتسام: ايه الحل !
نادين: ماعتش قدامنا حلول
جني: طب حاولوا نعكس الكلمة من بره لجوه ممكن ده القصد يعني هاتبقي هوجل هرب
بيتألم ادهم فجأة فبيتحمسوا وبيمسكوا ايدين بعض وبيرددوا الكلمة
هوجل هرب
هوجل هرب
ببصرخ ادهم وهارون والست العجوزة وفجأة بيتفتتوا وبتخرج من اجسامهم فراشات زرقا بتلف حوالين ابتسام وجلهوم ونادين وجني وفجأة مش بيحسوا بحاجة ..
بيفتحوا عينيهم بيلاقوهم علي الكورنيش والناس بتفوق فيهم ..
بيقوموا يقفوا وبيبصوا حواليهم وابتسام بيفرح وبيسجد لله بفرحة وبيبوس الطريق والناس مستغربة..
جلهوم: كلمة حلوة وكلمتين حلوة يا بلدي غنوة حلوة وغنوتين حلوة يا بلدي هههههه وحشتيني يابت الايه ....
بيشوف جلهوم شكري جاية علي بعيد بيصرخ بخوف وبيستخبي ورا ابتسام ..
جلهوم: خبيني استر عليا ربنا يستر عليك
بتيجي شكري وبتشد جلهوم من قفاه:
كنت فين كل ده ياراجل
جلهوم: ايييه ده معقولة
شكري: في ايه؟!
جلهوم: انتي محلوة بزيادة كده ليييييه
شكري : بجد يا جلهومتي
جلهوم : يارب سامحني بجد ياروح جلهومتك.
شكري: طب تعالي بسرعة اشرح لي في البيت
بتشده وراها وبيضحكوا عليه .
ابتسام: علاقة حب قذرة..
بيبص لجني وبتبدل ملامحه:
كده وصلنا للنهاية قضينا مع بعض لحظات جميلة مش ممكن انساها .
بتبص له جني بحزن:
فعلا طيب اشوفك علي خير
نادين : وايه كمان ما تخلصوا باين جدا ان الصنارة غمزت من زمان
ابتسام: احم...جني تقبلي تتجوزي واحد فاشل زيي ماكانش عنده اي هدف في حياته بس من يوم ماشافك حياته اتغيرت وهو اتغير وبقيتي انتي هدفه صدقيني انا ممكن اكون فاشل في حاجات بس عمري ما هافشل في حبك ولا اني اخليكي سعيدة تقبلي بيا وانا في اول الطريق !
بتبتسم جني وبتهز راسها فابيضحك ابتسام وبيقرب عليها وبيشيلها وبيلف بيها....وبيقف علي سور الكورنيش
وفجأة بينزل قفا علي قفااااه ...
ابتسام بيبص حواليه بيلاقيه واقف وناوي ينتحر..
ابوه: عاوز تنتحر يابن الكلب طب كنت اعملها وانت صغير مش بعد ما اكبر وازغط واصرف دم قلبي لحد ماتبقي شحط جاتك البلا فيك وفي اللي خلفوك انجر قدامي ياخلفة الندامة
بيمشي قدام ابوه ايه ده معقول كان ده خيالي يخرب بيت الافلام الهندي اللي لحست دماغي.
بيخبط في واحدة ...
_مش تاخد بالك يا استاذ
بيرفع عينيه :
انا اسف يا .....ايييه ده جني !
جني بتستغرب: انت عرفت اسمي ازاااااي !
ابتسام بيضحك: اصل حلمت بيكي ....
تمت بحمد الله