ملك بصدمة : اييية ، يعني كلامه كان صح اياد بتفكير : لا طبعا ، بصي يا ملك انا في البداية كنت متغاظ منك جداا بسبب معاملتك وانك آآ ضربتيني بالقلم وكل دا وكنت عايز انتقم بس فجأة لاقتني بكلمك عشان عاوز اكلمك مش عشان انتقم ، وبعدين هو انا لو بنتقم هيوصل الانتقام للجواز !! اكيد لا
ملك بتفكير في كلامه وتحرك قُصتها ورا شعرها : طيب يا اياد انا هثق فـ كلامك عشان بحبك
اياد وهو يمسك يدها ويبتسم بخبث : ماشي يا قلبي ومش هتندمى
_______________
في صباح اليوم التاني في بيت الحاج عبد الرحمن
مريم وحواليها بنات كتير في اوضتها و...
هبه : مبرووك يا مريومة
مريم : الله يبارك فيكي
هبه : انتى هتروحي الكوافير امتي ؟!!
مريم : دلوقتي اهوو ، يلا يا بنات قوموا البسووا وانا هلبس
راندا : ايووة بقا ما الليلة ليلتك يا جميل
مريم بلامبالاة : عادى ياستي يلا بس
______________
بليل في ڤيلا مدحت السويفي تحديدا في غرفة اياد
اياد نايم علي السرير يرن موبايله ويقوم بكسل يرد
اياد : الووو
ايمن : اية يابني انت فين ؟
اياد بنوم : نايم
ايمن : طب يلا قوم هتيجي معايا فرح مريم
اياد بصدمة : اييييية ، انت مجنون عايز تروح فرح حبيبتك برجلك !!
ايمن بحزن : عايز اشوف شكلها هيبقي ازاى ، مبسوطة ولا لا ،، عريسها عامل ازاى
اياد وهو بيعدل قعدته : لا لا مستحيل اخليك تروح
ايمن : اياد لو ماجتش معايا هروح لوحدى
اياد وهو يدعك شعره : طب حاضر هقوم البس وجاى معاك
ايمن : سلام
اياد لنفسه بخوف : ربنا يستر وماتعملش حاجة متهورة يا ايمن
_________
في ڤيلا محمد السويفي في غرفة ملك يرن هاتفها و....
ملك بفرحة : عموورة وحشتني اووى يا حبيبي
عمرو : وانتي وحشتيني اووى يا ملوكتي ، عاملة اية في كليتك ؟!
ملك بمرح : عاملة صنية مكرونة تيجي تاكل ؟
عمرو : طول عمرك دمك سم ، آ اقصد عسسل
ملك : طب حاضر يا عمرو ماشي لما اشوفك ، صحيح انت نزلت مصر امتى ؟!
عمرو : اول مانزلت كلمتك ، ها هشوفك ولا اية
ملك : مش عارفة انا ماصدقت انه خرج مع صاحبه
عمرو : طب يلا انا رايح فرح واحد صحبي ، عايز اشوفك
ملك : طيب حاضر هقوم البس وجاية بس فين ؟!
عمرو بفرحة : هبعتلك عنوان القاعة في رسالة
_________
في بيت هند ،،،
هند قاعدة علي اللاب كعادتها كل يوم بليل وبتتصفح الفيس ، جتلها رسالة من نفس المجهول ويحكيلها كل حاجة عنه وهند بتسمعه بأنصات واتفقوا انهم يتكلموا كل يوم ف نفس الوقت ، مع ان هند ضميرها بيأنبها لكلامها معاه
___________________
في قآاعة 5 نجوم مزينة بشكل جميل
قاعدة مريم واسامة علي الكوشة والدى جى شغال واسامة مبسوط والناس بتباركلهم وفجأة تتصدم مريم لما تشوف ايمن يدخل هو واياد من باب القاعة ويجي ايمن بأتجاهها و..
مريم في سرها : يارب ماتتهورش وتفضحني يا ايمن ياارب
يسلم ايمن علي اسامة ويمد ايده عشان يسلم علي مريم بوجع وهي ايدها بتترعش وتسلم عليه بصعوبة وتحاول تخفي ارتباكها و..
اسامة بأبتسامة : اهلا بيك ، مين حضرتك
وتتكلم مريم بسرعة قبل ما ايمن يرد رد غريب وتقول بأرتباك : دا دا آآ صديق قديم يا اسامة اسمه ايمن
اسامة : اهلا وسهلا
ويرجع ايمن للترابيزة الي قاعد عليها اياد و..
ايمن بدموع في عنيه : اياد انا رايح الحمام وجاى تاني
اياد بقلق : طيب بس ماتتأخرش
ويروح ايمن الحمام وهو حزين علي حب عمره وخطيبته الي بقت مرات واحد تانى خلاص
_________________
ادام القاعة تقابل ملك عمرو بكل شوق وتجرى عليه تحضنه اول ماتشوفه و...
عمرو : وحشتيني يابنت اللذينة
ملك : وانت اكتر والله
عمرو : طب يلا بسرعة ندخل عشان انا كدة اتأخرت اوى
ويدخلوا عمرو وملك وهما مأنجچين ايد بعض وملك لابسة فستان قصير لحد الركبة بينك ولامة شعرها فيونكة وعمرو لابس بدلة سوداء شيك و...
اياد قاعد بملل علي الترابيزة مستني ايمن وفجأة يلمح واحدة يعرفها كويس اوى ايوة هي ملك ولسة هيقوم يجرى عليها يشدها من ايده ويقولها انتى بتعملي اية ابعدى عنه بس حاجة منعته ولنفسه بصدمة : يااه يا ملك بقا انتي كمان تطلعي خاينة بس ماشي يا ملك وديني لوريكى ايام اسود من قرن الخروب ويرجع بسرعة قبل ما ملك تشوفه ويلاقي ايمن في وشه و...
ايمن : اية يابني كنت بدور عليك
اياد : لا بس كنت بشوف حاجة ، يلا نمشي ايمن : ايوة صح وانا كمان اتخنقت وعايز امشي
ويمشوا بسرعة واياد بيحاول يخلي ملك ماتشوفهوش وهو بيبص عليها وعيونه كلها غيرة ويفك الجرافته وهو حاسس بخنقة ويمشوا
__________
ملك واقفة مع عمرو وبيتكلموا وفجأة تلمح اياد من ضهره
ملك بصدمة : اية دا مش دا اياد !؟