رواية خلف الابواب المغلقه الفصل الثامن عشر 18 بقلم مشاعر مبعثره
شلت الكيس ومشيت به فتحتو ، لقيتهم عطور وملابس وحاجات نسوان خلعني عديل ، طوالي خليتهم قبلهم في السرير ؛ عشان يفهم اني ما عاوزاهم ، وهو ما مجبور يعمل كدا عشاني ، جيت طالعه وقلت لهم امشو غسلو يديكم عشان تاكلو يلا.
لين قالت لي ما وريتينا بابا جاب لك شنو؟ قعدت اتمتم وافتش في الكلام في النهايه قلت لها : بابا طلع غاشينا ساي جاب حاجات لنفسو رصيتهم له في الحمام ، ادوات حلاقه وكدا .
كلهم قعدو يتزمرو وهو مشى الغرفه ، ولقى الحاحات في مكانا .
م اديتو اي فرصه عشان يسألني ، واتجنبتو اليوم كلو تاني يوم نفس الشي ، يعني لو هو دخل محل انا بطلع ، ما بقعد معاه لاي سبب ، وهو بتعمد يطلب مني حاجات ، او ينوم مهيلم في غرفتو عشان يناديني له ، بقوم اخلي واحده من البنات تجيبو.
يعني حصل بيننا جفاء واضح ، حتى الاولاد لاحظو له ، هو تعب شديد من المحاوله معاي وما قادر يفهم سبب تصرفاتي في المقابل انا م عاوزه احسسو بأنو ملزم بأي حاجه تجاهي كمرا .
اها يوم جاء عم الاولاد وقال ماخدهم معاه رحله ، طلعو كلهم وفضلت انا براي قعدت مهتدي برا يلعب ب العابو ودخلت انضف الغرف ، لمن كنت بنضف في غرفة ابو البنات لقيت صورة في الدرج فيها الاسره كلها ، هو وبناتو والمرحومه كان ظاهر عليهم السعاده بتشبه ليان شديد ، ما عارفه ليه حسيت بالغيره تجاها !! مع انها متوفيه ؛ بس احساس اني ما وصلت لمكانتا عندو ، مع انو ما المفروض احس بكدا .
قعدت في السرير وماسكه الصوره فجاءة هو جاء داخل .
انخلعت خلعه !! غلبتني الحركه عديل والصوره في يدي ما قادرة اخبيها ، كان واقف في الباب قلت له : انت ما مشيت معاهم؟
: لا .
: انا اسفه لاني دخلت غرفتك كدا و......
: دي غرفتك انتي برضو .
عاوزه اقوم قال لي : خليك .
: لالا شغاله .
طق قفل الباب قلت له : انت بتعمل في شنو وليه قافلو؟
: عشان عارفك حاتهربي ، لازم نتكلم .
قعدت انادي يا ليان.
قال لي : الاولاد كلهم مع عمهم مافي غيرنا وبعدين بتنادي فيها ليه؟؟ عاوزه تتهربي مني تاني؟
: انا متين اتهربت منك؟
: الاسبوع كلو يا سمر بتتحاشي تكوني معاي ، ولا حتى تعايني لوشي ، كأنو انا عامل جريمه !! في البدايه قلت امكن خجلانه بسبب الحصل بيننا اخليك يوم يومين بس لا بقيتي تنفري مني وحتى انك ما قبلتي تاخدي الحاجات الجبتها لك ، ليه؟ السبب شنو؟ انا غلطت معاك في حاجه من دون م اعرف؟
: لا ما كدا .
جاء قرب مني وانا قاعده ، قال لي : طيب قربي منك بضايقك يعني؟
: لو سمحت خليني امشي ، ما ظريفه الاولاد يجو يلقونا كدا.
: انا اخترت الزمن دا بالذات عشان ما يكون في زول يقاطعنا ، وافهم منك سبب النفور دا .
: انا ما قاعده انفر ، بتهيأ لك بس .
عاوزه اقوم مسك يدي ورجعني تاني ، وقعد جنبي.
: انا هدا قدامك ، لو فيني اي عيب ولا عملت حاجه غلط احكيها لي عشان اصححا .
: مافيك غلط والله .
: طيب شنو؟
سكتت ، قام قرب مني ، بقيت احاول ابعد منو لمن وقعنا الاتنين على السرير وانا بحاول اقاومو همس لي
: انتي لو ما عاوزاني قولي عديل ، بس ما تتصرفي معاي كدا.
: انت ما فاهمني.
: طيب فهميني انتي ، امنعيني بطريقة اقدر اقبلا منك !!
في اللحظة ديك اي ممانعه مني حتى لو بنظرة! كانت كفيله بإنو توقفو عني ، و امكن للابد ، بس انا م ابديت ممانعه وحصلت بيننا علاقه طبيعيه .
انا كالعاده لجئت للهرب منو بعدها ، بس مسك يدي وما خلاني ابعد من حضنو مش كدا وبس رفع راسي وخلاني اعاين له جوا عيونو قال لي : سمر انا ما شايف انو في رفض للعلاقه دي من طرفك ، خليك صريحه معاي بتهربي مني ليه؟؟
سكتت وعاوزه انزل راسي تاني رفعو !!
قال لي : لو سمحتي من غير كذب ، نحن مافي حواجز بينا في اللحظه دي وممكن تقولي اي حاجه حاسه بها ، وانا م حازعل ان شاء الله قولي لي بكرهك وبكره الشي دا معاك
: بس انا ما قاعده احس بكدا .
قربني اكتر وقال لي طيب بتحسي بشنو قلت له : بصوت ضعيف لاول مره نزار !!!
هو غمض عيونو واتنهد ، اول ما سمع الكلمه دي امكن ذادت ثقتو في الكلام الح اقولو .
: انت من اول يوم فهمتني الغرض من الزواج دا ، وقلت م حاتلمسني ، فما عاوزاك تعمل تعمل كدا عشان ترضيني !! انا متأكده انك فكرت في الشي دا لمن شفت وقريت البوستات الانا بتابعا .
قعد يضحك ويا جمال ضحكتو خاصة من قريب كدا🙈🙈
قلت له انت بتضحك علي؟؟
: ايوا لانك طلعتي غبيه شديد .
: انا غبيه؟؟
: ايوا ، انا ما قلت كدا الا عشان احسسك بالراحه والاطمئنان !! وفعلا ما كنت ناوي اضغط عليك والزمك بحقوق ذي دي ، خاصة انك ما كنتي قبلانه بالزواج دا ، وحسيت اني لو عملت حاجه ذي دي ، انتي حاتتقبليها بس كرد جميل وانا مستحيل اقبل بكدا .
: طيب الغير رايك شنو ؟
: الحب !!!!
: شنو؟؟
: لاني حبيتك يا سمر ومعروف الحب بالاضافه للجانب العاطفي فيه جانب تاني .
خت يدو في راسي ومررا على شعري بعداك كمل وقال لي : العلاقه الجسديه دي جزء لا يتجزاء عن الحب وبكمل معاها انا استخدمت حقي باسم الحب ، ووالله العظيم لو حسيت انو في رفض منك ما كان كملت ، بس انتي بتحيريني وما بقدر افهمك كل مره بتتصرفي بطريقه غير ، تقربي وفجأه تبعدي عني وتخليني اتخبط ، انتي ما عارفه وجعتيني كيف لمن قمتي اليوم داك ومشيتي من دون ما تعايني لوشي حسيت بالنقص.
: لا اوعا تقول كدا على نفسك كلامك صح انا ما كنت مرغمه بس ذي ما قلت لك ، ما كنت واثقه من احساسك تجاهي.
: ههههه معناها امي كلاما صح ، كنا محتاجين نتكلم مع بعض بس.
: فعلا
يعني تاني م حاتهربي مني؟
نزلت راسي وقلت له تاني؟؟؟
: ايوا تاني وثالث وعاشر والى الابد ، دا حايكون شكل حياتنا ذي اي اتنين متزوجين وبحبو بعض❤.
قلت له بخجل انت بتحبني بالجد؟
: والله العظيم بحبك ذي المراهق البتعرف على الحب لاول مره ، ووقع في شباك البنت الجذبتو بعيونا من اول نظره.
: يا سلام عاوزني اصدقك كمان!!!
: هههه لا طبعا م اول نظره بس لمن عشت معاك حبيتك من كل قلبي وبقولا لك يا سمر انتي حبيبتي.....يتبع♥️