رواية كسرتني قوتك الفصل السادس 6 والسابع 7 والثامن 8 بقلم سهيله
الحلقة السادسة { ٦ } 🌹
روان : اااااه 😖
( يغمى ع روان يلحقها يوسف قبل م تقع )
حسام : لاميا .. لاميااااا
الشغالة : yes ؟
حسام : هاتى حاجة نفوقها بسرعة
( يشيلها يوسف يحطها ع الكنبة )
يوسف : حسام خليك معاها هروح المستشفى 😔💔
حسام : متقلقش انا معاها ✋
( ف المستشفى ، جودى ف اوضة نايمة وجاسمين وريناد معاها والمحامي بتاع عابد )
المحامي : استاذ عابد هيتكفل ب كل مصاريف المستشفى وبيبلغكم عزاه هو مقدرش ييجي بنفسه عشان بيرتب ل جنازه مراته لانها اتوفت ف الحادثة واهل جاد هنبلغهم ب وفاته ودة الكارت بتاعه بيقولكم لو احتاجته اي حاجة بلغوه فورا
( يديه ل ريناد )
ريناد : شكراً
المحامى : العفو .. عن اذنكم
( يمشي المحامى ، تقرا ريناد الكارت تتخض تعرف انه ابوا سليمان ، يخرج يوسف م الڤيلا ، يقرب ع المتوسيكل بتاعه يركبه ويمشي ، ف دخلة سليمان ب عربيته سكران ، يشوف يوسف يبتسم ، يحود ب عربيته عليه عاوز يخوفه ، يلف يوسف بسرعة تقع منه صورة بتاعت رغدة ، ينزل من ع المتوسيكل يجيبها ، ينزل سليمان م عربيته يقرب عليه )
سليمان : البقاء لله ف اختك .. معلش .. اخيراً هعيش ف البيت دة من غير وجع دماغ .. اظن بعد موتها ملكوش لزمة هنا انت واختك .. واعتبر دة تحذير او تهديد .. وزي م تحب 😏
( يحط ايده ع كتفه ، يزقها يوسف ب نرفزة )
سليمان : ايه .. في مشاعر حابب تطلعها .. انا قدامك اهو .. طلع الي جواك 🤷🏻♂
( يوسف ع اخره ومش فايقله اصلاً ، يبتسم سليمان ويمشي ، يرفع ايده )
سليمان : لسة عندك فرصة ي چو ✋🏻
( ميردش يوسف ، يلف سليمان يبصله بصة مستفزة ويركب عربيته ويدخل البيت ، يمشي يوسف ، يوصل المستشفى ويدخل ل اخته وعابد قاعد ، يقرب يحضنها )
عابد : انا اسف .. مختش بالي من سواقتى 😔
( يشاورله ب لأ )
يوسف ب عياط : ربنا عاوز كدة .. انت ملكش دعوة 😣
( ف المستشفى تحت ، ريناد بتوصل جاسمين )
جاسمين : هتقوللها ع جاد وابو سليمان دة ؟؟
ريناد : الدكتور قال اعصابها تعبانة والزعل غلط عليها مش هقولها حاجة دلوقتى
جاسمين : ماشي .. وانتى هتعملي ايه مع سليمان ؟؟
ريناد : ولا حاجة .. ولا ليا علاقة بيه من بعد انهاردة .. وياريت متجبليش سيرته تاني ي جاسمين وبالزات قدام جودي ☝
جاسمين : اوك
( تمشي جاسمين ، ترجع ريناد تقف قدام تلاجة بيبسي ف المستشفى ، تطلع فلوس تحطها بس متنزلش ، تستغرب وتزق فيها متنزلش ، يقرب يوسف يخبطها خبطتين تنزل ، يمسك الكانز يديهولها )
ريناد : شكراً 🙂
يوسف : العفو 😒
( يمشي يوسف يجيب قهوة ، تطلع ريناد ل جودى ، متلاقيهاش تتخض وتجري ع برة )
ريناد : لو سمحتى فين اختى ؟؟
الممرضة : الانسة جودى نقلناها فوق
ريناد : فوق فين ؟!!!
الممرضة : ف الدور الي فوق اوضة 1369
ريناد ب استغراب : وليه اتنقلت ؟!!
الممرضة : استاذ عابد قالنا ننقلها احنا كنا هنقولك بس ملقناش حد معاها
ريناد : اوك .. شكراً 😐
( جودى ف اوضة خاصة نايمة وعابد واقف جنبها ، تدخل ريناد )
ريناد : استاذ عابد !!!!
عابد : ازي حضرتك ؟
ريناد : الحمدلله
عابد : انا اسف ع تأخير نقل جودى هنا وفضلت ف الاوضة العادية انا كنت مشغول جداً ب مراتى .. الله يرحمها 💔
ريناد : مافيش مشكلة الله يرحمها
عابد : في ممرضة خاصة هتفضل معاها طول اليوم تتابعها
ريناد : شكراً ل حضرتك
عابد : العفو
( يبص ل اختها وبعدين يبصلها )
عابد : اي حاجة احتجتوها مهما كانت متتردديش ف الاتصال بيا اوك ؟
ريناد : اوك متشكرة ل حضرتك اوي
عابد : العفو .. عن اذنك
ريناد : اتفضل
( يبص عابد ع جودى ويمشي ، تقرب ريناد تقعد جنبها ، تصحى جودى )
جودى : جاد .. فين جاد 😞
ريناد : اهدى ي حببتي
جودى : فين جاد ؟
ريناد ب توتر : اااا ف الاوضة الي جنبنا 😐
جودى : عاوزة اروحله
ريناد : لا تروحي فين مينفعش تروحي ف حتة ✋
جودى : ليه ؟!
ريناد : انتى تعبانة مينفعش تقومى من مكانك
جودى : طب هو كويس ؟
ريناد : ايوة كويس متخافيش
جودى : بالله عليكي كويس 😟
ريناد : اه 😒
( ترجع جودى تنام ، يطلع الصبح ، ابو سليمان قاعد بيفطر ، ينزل سليمان ، بعدها يفتكر حاجة ، يبتسم ويطلع تانى ، ينزل بعد شوية لابس تيشيرت احمر ، يقرب ع السفرة ، يشوفه ابوه يستغرب انه لابس احمر ، يقعد سليمان ع السفرة )
سليمان : صباح الخير .. حلو الجو انهاردة تحفة .. حاسس براحة كبيرة 😁
عابد : يارب دايماً .. متنساش تخلص شغلك بدري عشان عزا رغدة
سليمان : لا مش فاضي انهاردة .. خارج مع فاتن نتعشى برة
عابد : مين فاتن ؟
سليمان : بنت كدة مش مهمة 🤷🏻♂
عابد : لما هي مش مهمة خلاص متروحش واحضر العزا اهم
سليمان : تؤ مش رايح 😏
( عابد يهبد ع الترابيزة )
عابد ب زعيق : يعنى ولا عايشة محترمها ولا ميتة محترمها 😠
سليمان ب برود : اديك قلتها .. انا مهتمتش بيها وهي عايشة اهتم ب جنازتها لية بقا دلوقتي .. وحاجة كمان ☝ دى مش امى .. امى ماتت وحضرت عزاها .. دى واحدة من المزز بتوعك 😉
( يشرب سليمان الشاي ، عابد ع اخره يضربه بالقلم يوقع منه الشاى وهو بيشربه )
عابد ب زعيق : ي حيوان يلي معندكش ريحة دم انت ايييييه جبلة 😡
( يتخض سليمان ويتحرج وسط الخدامين )
سليمان ب انفعال وزعيق : اضربني .. اضربنى تانى م انت ياما عملتها وانا صغير .. اضربني يمكن تعرف تربينى من الاووول 😠
( ابوه ع اخره يمسك اعصابه ب العافية ويمشي )
سليمان : لحظة بس ✋
( يقف عابد )
سليمان : انا عاوز اعرف حاجة واحدة .. لو كان دة عزايا وهي الي مش عاوزة تروح .. كنت هتجبرها تروح ؟؟
( ميردش ويمشي ، تدمع عين سليمان ، ف المستشفى ، عند جودى ، تدخل الممرضة ومعاها ورد )
الممرضة : الورد دة ل حضرتك 💐
( تحطوا جنبها )
جودى : شكراً
الممرضة : العفو عن اذنك
( تمشي الممرضة ، تقرب جودى تاخد الكارت وتقراه ، تستغرب لما تعرف انه ابو سليمان ، تدخل ريناد )
ريناد : ايه دة احنا بقينا حلوين اهو وبنقوم صباح الفل 😊
جودى : صباح النور
( تقرب عليها )
ريناد : ايه الورد الحلو دة من مين ؟؟
جودى : عابد حمزاوي .. ايه الي يخلي ابو سليمان يبعتلي ورد .. عرف منين اصلاً اني ف المستشفى ؟!!!
ريناد ب ارتباك : اااا مهووو .. الي خبطتوا فيه كان هو ابو سليمان ومراته 😐
جودى : يعني خلاص من حظي الاسود ي ربي 🤦🏻♀
ريناد : متفكريش كدة دة انسان طيب ومحترم جداً ع فكرة 👌
( تسكت جودى ، يخبط الباب )
ريناد : ادخل
( يدخل عابد )
عابد : صباح الخير
البنات : صباح النور
عابد : حاسة بتحسن ؟
جودى : اه الحمدلله .. متشكرة ع الورد ي استاذ عابد
عابد : العفو .. مافيش داعي ل استاذ .. ناديني ب اسمي .. اختك قالتلي اننا جيران .. مافيش داعي للالقاب دى 🤷🏻♂️
( تشاورله ب اه )
عابد : انتوا تقريباً ف نفس سن ابنى .. اسمه سليمان تعرفيه ؟
جودى : اه .. معرفة سطحية كدة 😐
عابد : اه .. طب هستأذن انا عشان متأخرش ع جنازة خطيبك
( تتخض جودى )
ريناد ب خضة : استاذ عابد 😨
جودى : مين .. جنازة مين ؟؟؟
( يتوتر عابد ويفهم )
عابد : اااا .............
جودى : خطيبي مات 😰
ريناد : جودى انا ............
جودى ب عياط وصريخ : انتى قولتيلي انه ف الاوضة الي جنبي .. كدبتي عليا ليييه 😣
( تاخدها ف حضنها ، تتعمل جنازة جاد ويدفن ، ف مطعم ، قاعد سليمان مع فاتن ، في بنتين قاعدين وراها كل شوية تلف تبصلهم )
فاتن : انت تعرف البنات دول .. من ساعة م دخلت المطعم وهما مش شايلين عينهم من عليك 🤷
سليمان : معرفهمش 😒
( يكمل اكل )
فاتن : اومال بيبصولك كدة ليه ؟؟
سليمان : معرفش قلت 🙄
فاتن : طب افرض انا شاب بصلي كدة هتعمل ايه ؟؟؟
سليمان : ولا حاجة
( تتخض فاتن )
سليمان : لانى عارف اني احسن من اي شاب هنا .. لكن انتى مش واثقة ف نفسك 😏
قصة_كسرتتي_قوتك_ل_سهيلة_سعيد
sohila_sa3ed
قصة : { كسرتني قوتك } 🤫💔
الحلقة السابعة { ٧ } 🌹
فاتن : اممممم .. سمعت ان مرات ابوك اتوفت وعزاها انهاردة .. م تاخدني اروح اتعرف ع ابوك واهلك 😍
سليمان : روحي لوحدك انا مش رايح
فاتن : ليه طيب ؟!
سليمان : ملكيش دعوة
فاتن : وانت امتى بقا هتعرفني ع اهلك ؟؟
سليمان ب عصبية : يخربيت اهلك م تفصلي من ساعة م جيت وانتى مش مبطلة لك اهمدي بقا 😑
فاتن : انت بتزعقلي كدة ليه 😧
( تقوم تقف )
سليمان : عاوزة تمشي امشي ✋ انا مش نانسي عجرم هطبطب وادلع
( يكمل اكل ، تتغاظ فاتن ، تبص ع البنات الي عمالين يبصولوا ، تقعد تانى )
فاتن : اسفة 😒
( يخلص عزا جاد )
عابد : خلينى اوصلكم
ريناد : مافيش داعي نتعب حضرتك
عابد : ولا تعب ولا حاجة اتفضلوا 👋
( يسندوا جودى للعربية ويركبوا ويمشوا ، ف الطريق ، سليمان سايق عربيته مع فاتن ، يعدى من جنب عربية ابوه يمشوا من جنب بعض ، يفرمل سليمان ويقف مرة واحدة )
فاتن : وقفت ليه ؟؟
( يمسك الفون بتاعه ، ف عزا رغدة ، واقف اخوها بيرتب المكان ل العزا وحسام معاه ، يرن فون حسام )
حسام : الو
سليمان : هو ابويا وصل العزا ؟
حسام : لا لسة مشغول تقريباً والعزا لسة مبدأش دة بالليل
سليمان : اه مشغول فعلاً .. ماشي
حسام : في حاجة ولا ايه ؟؟
سليمان : لا مافيش كنت بتأكد بس م الي شوفتوا
( يقفل سليمان )
حسام : الو .. سليمان ؟؟
سليمان ب غيظ : ي ولاد الكلب .. كمان دخلتوا ع ابويا 😡
فاتن : بتقول حاجة ؟!
( عابد يوصل البنات البيت ويمشي ، يعدي الوقت ، ريناد ف الشارع رايحة شغلها ، يرن فونها )
ريناد : الو
ليلى : الو فينك ؟
ريناد : قربت ع المحل اهو
ليلى : طب انجزي عشان في عميل عايز ورد ومش عارفين نتصرف معاه ومازن مش موجود
ريناد : طب م تشوفوه محتاج ايه 🤷
ليلى : دة طهقنا مش عاحبه العجب 😑
ريناد : طب قوليله يستنى وانا جاية سلام
ليلى : سلام
( تقفل ريناد وتوصل المحل )
ريناد : فينه ؟
ليلى : جوة
( تقرب عليه ريناد )
ريناد : مساء الخير
( تلاقيه سليمان ، تتخض )
ريناد : ايه طلب حضرتك 🙄
سليمان : انا قلت طلبي قبل كدة مش هكرره تاني .. اسألي الي شغالين معاكي 💁🏻♂
( تقرب ليلى )
ليلى : هو قال عاوز ورد ل عزا .. بس ميبانش ل عزا .. عاوزه مليان الوان و مزهزه كدة ويكون بوكيه مدور
ريناد : هو دة كل الي طلبه ؟
( تديها ورقة كبيرة )
سليمان : لو اعرف ان انتى الي هتعمليه كنت صعبتها اكتر من كدة 😏
ريناد : حلو عندك فرصة لو عاوز تذود حاجة .. كل م يصعب .. كل م يحلو 🙂
( تغيظه اكتر ، تمشي ريناد يروح وراها )
سليمان : م بلاش الدخلة ديا .. اختك فضلت ورايا سنين ولا عبرتها .. ف لو مفكرة العنف هيجيبني سكة ف كان غيرك اشطر .. لو بقا عاوزة تنتقمى ل اختك ف كلامك مش هيأثر فيا .. ولا حتى شويتين الحنية الي عملتيهم قبل كدة 😉
( تضايق ريناد )
ريناد : عارفة انى كلامي مش هيأثر فيك .. ولو عاوزة انتقم ل اختى مش هيبقا ب الكلام ع فكرة ☝ ف اعرف ان انت ولا ف دماغي ولا عملالك اي قيمة عندي .. اذا كنت انت بقا الي مهتم ف دي حاجة ترجعلك .. اه وحاجة كمان .. اختى دلوقتى مبسوطة .. متفكرش انها لسة بتاعة زمان .. خصوصاً انها دلوقتى مع انسان كويس .. كويس جداً 👌 والحنية الي شوفتها مني دى عشان مكنتش اعرفك لو كنت اعرفك كنت هندمك ع اليوم الي اتولدت فيه ي سليمان 🙂
سليمان : لا جامدة 😏
( تمشي ريناد تعمله الورد ، يوصل ابو سليمان العزا ، العزا ف الڤيلا ، يوصل سليمان هو وفاتن ويدخلوا ب الورد ، الكل يبصلهم )
حسام : ايه دة سليمان جه !!!
( يقعد سليمان جنب ابوه )
عابد : فاجأتني انك جيت 😒
سليمان : دة انا الي متفاجئ ان انت الي جيت 😏
عابد : اومال هروح فين يعنى ؟!!!
سليمان : فكرتك هتكمل السهرة مع الي كانت بتواسيك .. اااه يا قلبي عليكوا 😑
عابد : قصدك ايه ؟؟
سليمان : انت عارف قصدى بلاش اشرح عشان الموضوع محرج 😉
عابد : لو جاي عشان تستفزني يبقا روح مطرح م جيت احسن ✋
سليمان : هو انا لما احب اعرف انت ناوي ع ايه يبقا بستفزك .. انا شوفتك الصبح ب عيني .. مكسوف تتكلم ليه .. دة انا حتى ابنك 😏
عابد : البنت دى مش زي م انت فاهم
سليمان : انت هتقولي 😊
عابد : انا السبب ف الحادثة الي حصلتلها وانا المسوؤل عنها دلوقتى
سليمان بصوت واطي : ي حنين 🤭
( تانى يوم ، سليمان قاعد بيفطر ، يقرب بباه يقعد )
سليمان : م ترسيني ع الي ف دماغك طيب
عابد : قلتلك قبل كدة مفيش حاجة بينا انا خبطتها بالعربية وقتلت خطيبها وشايل ذنبها مش اكتر 😑
سليمان : ااااه شوفت القدر بقا .. خطيبها مات ومراتك ماتت .. والله انتوا مخلوقين ل بعض ❤👌
عابد ب انفعال : احترم نفسك بقا 😠
سليمان : اصل انا عارف الي فيها .. ف لو فكرت تتجوز واحدة زي دى هخربلك البيت دة بالي فيه ☝
عابد : انا مش بت م الي بتمشي معاهم ودايماً ف ديلك روحي وتعالي انا لو عاوز اعمل حاجة مش هستأذنك ي استاذ ماشي
( يقوم ابو سليمان وسليمان ع اخره ، يعدي اليوم ، سليمان واقف ف البلكونة ، يشوف حسام واقف تحت ، يتصل بيه )
حسام : الو
سليمان : بتعمل ايه هنا ياض ؟
حسام : عرفت منين انى هنا ؟!
سليمان : انا وراك
حسام : فين ؟؟
سليمان : فوق
( يشوفوا )
سليمان : بتعمل ايه هنا ؟؟
حسام : مستنى يوسف وروان رايحين نزور جودى
سليمان : وتزوروها ليه ان شاء الله ؟!!
حسام : ي بنى مهي تعبانة انت لو عملت حادثة وخطيبك مات هزوك والله 🤷🏻♂
سليمان : خطيبي !!!
حسام : هههههه 😂
سليمان : طب غور 😡
( يدخل سليمان ، يطلع يوسف وروان يمشوا مع حسام ، يوصلوا بيت ريناد ويقعدوا مع جودي )
يوسف : هي ريناد مش هنا ؟؟
جودي : لا ف شغلها
يوسف : اه .. طب امشي انا بقا ✋
( يقوم يوسف تشده روان تقعدوا )
روان : ههههه بيهزر يوسف عسل 😁
جودي : ههههههه 😄
( يعدي الوقت ، ف شغل ريناد ، يدخل سليمان )
سليمان : عاوزك ف موضوع خاص 😒
( تستغرب ريناد الي طلع مرة واحدة )
ريناد : طلاما خاص مبتكلمش ف وقت الشغل .. الا لو عاوز ورد
سليمان : لما حد يموت هنا ابقا اجيبله ورد
( تاخد ورد تحطه ع الترابيزة )
ريناد : اذا كان حد هيموت هنا ف هو الي لسة داخل وهيموت بالع لسانه قبل م اقطعهوله ☝
سليمان : بصراحة مكنتش اعرف ان انتى واختك وصلتوا للدرجة دى 🤷🏻♂
ريناد ب استغراب : قصدك ايه ؟!!
سليمان : هي متعرفش توقعنى ف تسلطك انتي عليا وتقف قدام عربية ابويا كانت مخططة ل كدة 😏
ريناد : انت اتجننت دى خطيبها مات !!!!!
سليمان : انا بس عشان ذكي عرفت خطتكوا 👌
ريناد : ذكي ايه انت متخلف مفيش حد عاقل يعمل كدة ب أرادته .. انت بتتفرج ع مسلسلات كتير بيتهيقلك 🙄
سليمان : مش بيتهيقلي دة انا متأكد كمان ان بنات زيكوا تعمل اي حاجة عشان توقع اي راجل 😏
ريناد : غلطان دة مش تفكيرنا ولا عاوزين نوقع حد ✋
سليمان : والله .. طب تسمي ايه جريها ورايا سنين .. مقدرتش عليا زمان اضيرت ع ابويا دلوقتى الحرباية 💁🏻♂
ريناد : طب م تروح تسأل ابوك كدة مين الي بيجري ورا مين ؟؟
سليمان : ابويا بيجري ورا كل ستات العالم معروفة دى مش هتفشخر بيها .. مش مشكلة .. بس عمري م هخليه يرتبط ب واحدة زي اختك .. دى اخرها يروحلها لما يحس بالوحدة 😉
( تتخض ريناد من كلامه ، يدخل يوسف )
يوسف : انسة ريناد
سليمان ب استغراب : ايه دة انت وصلت ل هنا 😕
( يقرب يهمس ف ودن ريناد )
سليمان : هو حواري معاكي باظ ف اضيرتي عليه ولا ايه ؟
ريناد : انت .............
سليمان : متنسيش تقولي ل اختك متحلمش كتير بالي فوق عشان هتنزل ع جدور رقبتها وهتتوجع اوي .. ماشي ي حلوة ؟
الحلقة الثامنة { ٨ } 🌹
( يمشي سليمان وهو خارج يخبط ف يوسف قاصد ، يمسك يوسف اعصابه )
ريناد : يوسف ازيك ؟
يوسف : تمام انتى عاملة ايه ؟
ريناد : الحمد لله
( يسكتوا )
ريناد : كنت محتاج حاجة ؟؟
( يتوتر يوسف )
يوسف : اااا ........... 😐
( ييجي الليل ، يوسف قاعد مع اخته )
روان : ايه دة ؟؟
يوسف : سألتني انا جاي ليه اتحرجت ارد .. ف جبت ورد 🤷🏻♂
روان : هههههههه 😂
يوسف : بتضحكي 🤦
روان : انت بتحبها ؟
( يسكت يوسف )
يوسف : هو مش حب .. بس بصراحة معجب بيها جداً 💜
روان : كنت حاسة 😄
( تعدى الايام ، ف بيت جودى ، قاعد عابد )
جودى : معلش مش هقدر اقبل الشيك دة ✋
عابد : ليه .. لو المبلغ قليل اذوده 😕
جودى : بالعكس المبلغ كبير جداً .. بس مافيش حاجة تعوضني عن الي راح مني 💔
عابد : عندك حق .. الي راح مبيتعوضش فعلاً .. انا اسف ع طريقتى دى بس انتى عارفة بقا طرق رجال الاعمال وان شاء الله اقدر اعوضك ومش بالفلوس 🙂
جودي : ان شاء الله 😊
( يعدى الوقت ويمشي عابد ، توصله ريناد للباب )
ريناد : استاذ عابد
عابد : نعم ؟
ريناد : ممكن اسالك سؤال ؟
عابد : اكيد اتفضلي
ريناد : انت عارف ان ابنك ............
عابد : ايوة عارف وهخمن سؤالك .. متقلقيش ع اختك انا عارف انها مرت ب ظروف صعبة مع سليمان وصدقينى انا مش هجيبلها المشاكل ✋
( يعدى الوقت ، ف بيت عابد ، يوسف واخته لموا شنطهم وطالعين م البيت ف دخلة عابد )
عابد : ع فين ؟!!!
روان : اظن مبقاش ل وجودنا لزمة بعد موت رغدة الله يرحمها .. هنروح الاوتيل بتاع حسام
عابد : سليمان الي قالكوا كدة صح ؟
( ميردوش ، سليمان قاعد فوق ، يقرب عليه ابوه )
عابد : انت الي قلت ل يوسف وروان يمشوا ؟
سليمان : اهاا انا 🙋🏻♂
عابد : وايه الي خلاك تعمل كدة ؟!!
سليمان : عشان لو مراتك الجديدة حبت تجيب اهلها يعيشوا هنا ولا حاجة يبقا المكان فاضي .. اهو بساعدك وبسهل عليك 🤷🏻♂
عابد : لا شكراً اوي ل خدماتك حتى لو اتجوزت وجه 100 واحد يعيش هنا هعرف أتصرف كويس .. انا هنا صاحب البيت وانا الوحيد اللي اقول مين يمشي ومين يقعد ☝
( يمشي عابد )
سليمان : ان شاء الله 😏
( تعدى الايام ، ف بيت ريناد )
سارة : طبعاً توافقوا دة هو الي عازمكوا بنفسه 🤷
ليلى : هتبقا قلة زوق لو مرحتوش
جودى : بس انا مش عاوزة اقرب ناحية العيلة دى وانتوا عارفين ليه 😟
ريناد : احنا مقربناش من حد هما الي قربوا مننا .. انسى الي فات اوك .. انتى اتغيرتي ومبقتيش جودى بتاعة زمان .. خلاص الي فات عدى
( تسكت جودى ، يروحوا العزومة ، ف بيت عابد ، الكل قاعدين الا سليمان مش موجود )
الشغالة : اتفضلوا الاكل جاهز 👋
عابد : اتفضلوا يا جماعة 👋
( يروحوا ل اوضة السفرة ويقعدوا ياكلوا ويخلصوا )
عابد : لاميااا .. لاميااا .. راحت فين دى !!!!
ريناد : مش مهم احنا هنشيل الاكل
عابد : لا طبعاً ميصحش ✋
روان : عادى ي عمي نساعد بعض يلا
عابد : طيب لو ينفع تيجي معايا افرجك ع البيت 😊
جودى : اوك 🙂
( تروح جودى مع عابد ، يوصل سليمان البيت هو وفاتن )
فاتن ب اعجاب : واااو بيتك طلع تحفة خالص بجد يجنن 😍
سليمان : هتتجنني اكتر لو شوفتى الي فوق 😉
فاتن : ههههههه 🤭
( لسة هيمشوا تخبط ريناد ف فاتن يقع منها الطبق )
سليمان : مش تحاسبي 😠
( يلاقيها ريناد يتخض )
فاتن : م تشوف خدماتكم دول ي سليمان بهدلتنى !!!
ريناد : انا اسفة بس انا مش خدامة هنا 😐
فاتن : مش خدامة .. اومال مين دى ي سليمان ؟؟
سليمان ب استغراب : انتى ايه الي جابك هنا ؟!!!
ريناد : بباك عازمنا ع الغدا 😒
( يطلع الباقي )
يوسف : حصل ايه ؟
حسام : في ايه ؟
سليمان : اوبااااا دة البيت لم اوى .. من امتى واحنا بقينا مأوى للمتسولين 🤔
حسام : ايه ي بني عيب الي بتقوله دة انا واقف هنا !!
سليمان : حسام الناس الي انا بتكلم عنهم عارفين نفسهم كويس وانا مغلطتش ف مش هيحسوا حتى بالاهانة 😏
حسام : عيب بردوا ي سليمان 😑
سليمان : وفين ابويا .. مش قاعد مع البهوات ليه ؟
( يبص ل ريناد )
سليمان : خليه ييجي يعلمهم ازاي يمشوا باصين قدامهم 🙂
حسام : ابوك خد جودى بيفرجها ع البيت
سليمان ب خضة : نعم !!!!
حسام : بيفرجها ع البيت ايه اطرشت 🤷🏻♂
( يعصبه ، يجيب اخره يمشي ع جوة )
روان : ايه الي قلته دة ي بنى عصبته اكتر 🤦
ريناد : هروح اشوف جودى فين 😕
( تمشي ريناد ويروحوا وراها ، عابد وجودى ف اوضة الموسيقى )
عابد : الاوضة دى كانت بتحبها ام سليمان جداً .. من ساعة م ماتت وانا سايب كل حاجة زي مهي
( تقرب جودى ع برواز ع الحيطة كبير ل صورة ام سليمان )
جودى : كانت جميلة اوي ووشها هادي 😍
عابد : اه .. مشفتش حد ف جمالها .. لحد م شوفتك 🙂
( تبصله جودى ب احراج ، يدخل سليمان مرة واحده )
سليمان : اوووه معلش اسف قاطعتكم .. بس مفيش داعي تفرج الانسة جودى ع البيت .. هي حفظاه كويس 👌
( يدخل الباقي )
عابد : جودى حكيالي
سليمان : لا اسألها كام مرة جت هنا ومحدش كان عازمها اصلاً .. بس كل دة عشان تلفت انتباهي ليها .. او ب الاصح توقعنى .. بس مقدرتش 😐
حسام : سليمان خلصنا
ريناد : يلا بينا ي جودي
سليمان : ايوة يلا مع السلامة انا تعبت من كتر م عمال ازيح قرف عن البيت دة ومع ذلك بيجي بلاوي معرفش منين 🤷🏻♂
عابد : سليمااان !!!!
سليمان : اتفضلوا وياريت متورونيش وشكوا هنا تانى
عابد ب زعيق : سليماااااااان 😠
( يسكت سليمان )
عابد : انت دايماً قليل الادب كدة ومعندكش زوق .. جودى وريناد ضيوفي ☝
سليمان : ميهمنيش ضيوف مين المهم مشوفش خلقهم هنا
عابد : بس انا عاوزهم دة بيتى وانا حر فيه .. ادخل الي ع مزاجى .. مش عاجبك اتفضل انت مع السلامة ✋
( يزقه )
سليمان ب انفعال : بعد كل الي قلتهولك دة ولسة بتدافع عنها .. دى مش ملاك زي م انت متوقع وانا عمري م هرحب بيها هنا ابداً .. الي زي دى انا حتى محبهاش تكون خدامتي 😠☝
عابد : انت حيوان ومتربتشي !!!!
سليمان : اهي تربيتك 😒
عابد : م انا معرفتش اربي فعلاً 😡
جودى : عابد لو سمحت مفيش داعي تتخانقوا عشاني .. انا ماشية 😔
سليمان : لحظه اتأثرت فعلاً ملاك .. بتخلينى قرفان من نفسي والله شابووه ليكي بجد 👏
( تمشي جودى )
عابد : استنى ي جودى
( سليمان يمسكها من ايدها وهي خارجة م الاوضة )
سليمان : لو قربتى م البيت دة تانى متلومنيش ع الي هيحصل ماشي 🙂
( يزق دراعها ، تمشي جودى ووراها ريناد )
عابد : انت اتمديت فيها اوى ع فكرة 😠☝
( ميردش سليمان ، يمشي بباه والكل يروحوا ورا البنات )
عابد : جودى .. ريناد استنوا
( يقفوا البنات )
عابد : هوصلكوا البيت
جودى : لا مافيش داعي احنا عارفين السكة 😔
عابد : انتى كدة هتخليه فرحان انه عرف ينكد علينا
( تسكت جودي ، ريناد تلمح سليمان واقف ف الشباك )
عابد : عشان خاطري خلينى اوصلكوا بس 😧
( يمدلها ايده ، تهمسلها ريناد ف ودنها )
ريناد : سليمان واقف ف الشباك
( جودى تحط ايدها ف ايد عابد ، ريناد تبص ل سليمان وتبتسم ابتسامة مستفزة تغيظه اكتر ، يعدى الوقت ، ف بيت جودى ، ريناد واقفة ف البلكونة مع ابو سليمان )
عابد : انا عارف ان جودى كانت بتحب سليمان .. بس بردوا عارف ابنى اد ايه انسان معندوش احساس .. اختك انسانة طيبة وتستاهل حد يسعدها .. وانا نفسي اكون الشخص دة
( تبتسم ريناد )
ريناد : عارفة ان حضرتك تقدر 🙂