رواية في قبضة الفهد الجزء الثالث3 الفصل الحادي والعشرون21 بقلم جنات
حياه طلعت السطح وكان فى اوضه دخلتها وماكنش فيها حد ولسه هتخرج وقفت لما سمعت صوت جاد:منورة الشركه يا باشمهندسه .
حياه لفت وشافته قاعد على كنبه فى ركن فى الاوضه:منورة باصحابها يا باشمهندس .... اسفه ماكنتش اعرف ان حضرتك هنا .. فى موظف قالى ان ديالا وحنين هنا .
جاد:عادى ولا يهمك يا باشمهندسه .
حياه:انا هروح اشوفهم عن اذنك .
حياه لفت لاقت الباب مقفل بتفتحه لقيته مقفول من برا .
حياه:الباب كان لسه مفتوح مين قفله .
جاد:لا اصل الباب ده فيه مشكله بيعلق اوقات .
حياه باستغراب:بيعلق ازاى يعنى !!! .... طب ممكن تكلم اى حد يجى يفتحه ... او انا هرن على ديالا .
حياه طلعت فونها ولسه هترن بس وقفها كلام جاد:بس انا مش عايز الباب يتفتح ابدااا وعايزك تبقي دايما قصاد عينى يا حياتى .
حياه بصتله بصدمه ومش مستوعبه اللى سمعته:هااا ... حضرتك قولت حاجه ! .
جاد قرب خطوة منها:ايوا قولت وانتى سمعتينى يا حياتى انا .
حياه اتصدمت ومش مصدقه اللى بتسمعه .
حياه لفت وخبطت على الباب بقوتها كلها:افتحو الباب ده ... افتحوو .
جاد:محدش هيفتح ولا حد هيقرب من الدور كله الا بامرى انا وبس .
حياه بصتله بصدمه:انت بتعمل كدا ليه .... انت مين اصلا ؟؟ .... انا حاسه انى معرفكش .
جاد قرب خطوة كمان:انا الحبيب المجهول يا حياتى .
حياه عينيها افتحت على اخرهم:لا لا مش معقول .... ده كان رياض وهو مات خلاص .
جاد قرب كمان خطوة منها:ماكنش رياض يا حياتى .... كان انا .
حياه رجعت لورا بخوف:مش معقول .... مستحيل .
جاد:مافيش مستحيل معايا يا حياتى .
حياه بعصبيه:متقولش حياتى دى تانى انت فاهم .
جاد:لا مش فاهم .
حياه فتحت فونها وايديها بتترعش:انا هكلم فهد ... هخليه يجيلى بسرعه .
جاد بعد عنها وقعد على الكرسي ببرود:كلميه ... وانا وحياتك عندى اكرر اللى حصل معاه امبارح بس مش هتبقي مجرد حادثه بسيطه
حياه الفون وقع من ايدها من الصدمه .
جاد كمل كلامه بكل برود:الله اعلم المرة الجايه مش هيدخل فى عمود كهربا .... اممم لا ده احتمال تدخل فيه عربيه نقل ... تفتكرى هيحصله ايه ؟؟
حياه بصوت مهزوز:انت السبب ؟
جاد هز راسه:ايوا انا .... عارفه ليه ؟
حياه جسمها كله كان بيترعش مش عارفه من الخوف ولا من الصدمه والكلام اللى بتسمعه .
جاد اتكلم بغيظ:انا اقولك عملت كدا ليه ..... عشان قرب منك يا حياه ... كان قريب منك طول الحفله وبتتكلمو وتضحكو والحب اللى كان باين جوا عينيه ليكى ... حتى انتى كمان كانت عينيك هطلع قلوب .
جاد قام من مكانه:وكل مرة هشوفه قريب منك هأذيه يا حياه .... شوفى انتى بقااا عايزة حبيب القلب يموت ولا يفضل عايش .
حياه:انت مجنون .... انت مش طبيعى .
جاد:انا مجنون اه بس بيكى يا حياتى .
حياه:حتى لو كنت مجنون اكيد مش هتوصل انك تقتل .
جاد ضحك بصوته كله:مانا نسيت اقولك انا اللى قـtــلت رياض يا حياتى .... وقريب اوى فهد هيكون مكانه .
حياه عيطت .
جاد قرب منها عشان يمسحلها دموعها .
حياه زقته بقوة:اياك تلمسنى انت فاهم ... اياك تقرب منى .
جاد بعصبيه:انتى ملكى انا وبس انتى فاهمه .
حياه:لااااا انا مش ملكك انت فاهم انا لفهد وبس ومتفكرش انى هخاف منك وهابعد عنه .... انا لو قولت لجدو او فهد هتروح فى داهيه .
جاد:عارفه لو الكلام ده وصل لحد من عيلتك ..... مش هقــtـل فهد بس لا هقـــtـلهم كلهم ووقتها هتبقي لوحدك يا حياه ... اظن انتى بتحبي عيلتك واكيد مش هتضحى بيهم كلهم عشان اروح انا فى داهيه .
جاد قرب وفتح الباب:اتفضلى يا حياتى وفكرى كويس فى كل حد فى عيلتك مش فهد بس .
حياه اخدت فونها من على الارض وخرجت من الاوضه ودموعها زى الشلال على خدها ..... حياه مسحت دموعها ونزلت بسرعه وقابلت حنين وديالا .
حنين:انتى كنتى فين يا حياه .... مالك يا حياه انتى تعبانه ؟
حياه هزت راسها اه .
ديالا:طب تحبي نروح لدكتور ؟
حياه:لا انا عايزة امشي .
حنين:طيب تعالى نمشي .
حياه مشت مع حنين والخوف جواها كان كبير على كل حد فى عيلتها .
بقلم الكاتبة جنات
ــــــــــــــــ★ــــــــــــــ
البنات رجعو على القصر .
وكانو تمارا ومريم وجنه وزينه قاعدين فى الريسبشن .
تمارا:حمدلله على السلامه يا حلوين .
حنين:الله يسلمك توتا .
زينه بصت لحياه اللى وشها مخطوف وشكلها تعبانه وقامت من مكانها وقربت منها:مالك يا حياه انتى كويسه يا حبيبتى ؟؟
حياه بصتلها:تعبانه شويا بس يا ماما .
تمارا:مالك يا حبيبتى ؟
حياه:اليوم بس كان طويل وانا تعبت هطلع ارتاح عن اذنكو .
مريم:ارتاحى شويا يا حياه على ما الاكل يجهز .
حياه هزت راسها باه وطلعت على اوضتها .
جنه:هى مالها يا حنين ؟!
حنين:والله ماعرف احنا كنا كويسين ... خلصنا شغل فى الشركه وروحنا على شركه جاد عشان حياه كانت نست شنطتها امبارح فى الحفله وقابلنا ديالا واتفرجنا على الشركه وبعدها انا روحت الحمام وهى كانت بتكلم فهد ولما رجعنا من الحمام مكناش لاقينها وفضلنا ندور عليها وبعدها لما لاقتها كانت بشكل ده وقالت انها تعبانه .
الفهد دخل وسمع كلامها:مين اللى تعبانه !!
كلهم بصو على الفهد اللى دخل مع ادم .
حنين:حياه يا جدو فجأه تعبت .
الفهد:اطلبي ليها الدكتورة بدام تعبانه يا تمارا .
تمارا:هى قالت هترتاح شويا يا فهد لو فضلت تعبانه اكيد هنطلب الدكتورة .
الفهد هز راسه .
مريم:انا هدخل اجهز الغدا على ما الكل يوصلو .
جنه:هاجى معاكى يا ماما.
مريم:يلا .
بقلم الكاتبة جنات
ــــــــــــــــ★ــــــــــــــ
حياه دخلت اوضتها وكان فهد قاعد على السرير .
فهد اول ما شافها ابتسم:حمدلله على السلامه يا حبيبتى .
حياه:الله يسلمك ... انت عامل ايه الوقت يا فهد .
فهد:كويس يا حبيبتى ... انتى شكلك تعبانه مالك ؟
حياه:تعبت شويا من الشغل .
فهد:انا قولتلك بلاش شغل وانتى حامل يا حياه .
حياه:انا كويسه يا فهد متقلقش انا هدخل اخد شاور واكيد هابقي كويسه .
حياه اخدت هدوم ليها ودخلت الحمام وبعد شويا خرجت وكانت مريم طلعت ليهم الاكل واتغدت مع فهد .
وبعدها فهد قعد على السرير واخدها فى حضنه وحياه غمضت عينيها لان حضنه المكان الوحيد اللى بتحس جواه بالامان بس فجأه افتكرت كل كلمه قالها جاد ليها وجسمها اتنفض وبعدت عن فهد اللى استغرب بعدها عنها .
فهد:مالك يا حياه ؟!!
حياه:ابعد عنى يا فهد .... متلمسنيش لو سمحت .
فهد:اهدى يا حياه فى ايه مالك هى اول مرة اخدك فى حضنى .
حياه:لالا مش عايزة انام فى حضنك ابعد عنى لو سمحت .... انا تعبانه وعايزة انام .
حياه اتحرك ونامت على طرف السرير وهى بتفتكر كل كلمه لجاد والخوف والرعب اتمكنو منها .
فهد اتعصب من طريقتها وخرج من الاوضه بعصبيه .
تمارا شافته وهو متعصب:مالك يا فهد انت كويس يا حبيبى .
فهد بعصبيه:لا مش كويس يا توتا وحاسس انى هطق من الغيظ .
تمارا:طب فيه ايه فهمنى مالك ... هى حياه فين اصلا ؟
فهد:ما هى السبب فى اللى انا فيه ده كله .
تمارا:ليه يا بنى ماتفهمنى فى ايه ؟!!
فهد:مش عارف مالها فجأة كدا تقولى ابعد عنى متلمسنيش ونامت بعيده عنى مش عارفه مالها دى .
تمارا بتحاول تكتم ضحكتها:وده اللى مخليك هطق من غيظك يا فهد باشا !!!
فهد:انتى بتتريقى عليا يا توتاا !!
تمارا:بص يا حبيبي .... دى هرمونات حمل يا فهد .
فهد باستغراب:هرمونات !!
تمارا:اه يا حبيبي .... كل واحده حملها بيكون مختلفه عن غيرها .... يعنى فى واحده وهى حامل تكون رومانسيه جدا وفى واحده تانيه مش بطيق جوزها ولا قربه ولا ريحته حتى .
فهد:ريحته ... لدرجه دى !!
تمارا ضحكت:اه يا حبيبي .... انت مفكر الحمل ده سهل ولا ايه .
فهد:ماكنتش اعرف انه صعب كدا .
تمارا:طب يلا روح ارتاح فى اوضتك انت لسه تعبان .
فهد:حاضر يا توتااا تصبحى على خير .
تمارا:تلاقى الخير يا روح قلب توتا .
فهد مشي وتمارا بتلف لاقت الفهد واقف على باب اوضتهم وبيبصلها اوى:روح قلب توتا مش كدا !!
تمارا ضحكت ودخلت الاوضه وفهد دخل وراها وقفل الباب .
تمارا:الواد فهد ده مش بقدر اشوفه زعلان ابداا وليه مكانه جوا قلبي غير باقى الولاد والبنات .... يمكن عشان على اسم حبيبي .
تمارا نهت كلامها بغمزة .
الفهد:وهو كان زعلان من ايه فهد باشا روح قلبك .
تمارا ضحكت:هرمونات حمل حياه مجنناه .
الفهد:ازاى ؟
تمارا:زعلان عشان بتقوله ابعد عنى متلمسنيش .
الفهد:اممممم .
تمارا:ممكن ننام بقااا لان راسى هتنفجر من الصداع .
الفهد:يلا .
بقلم الكاتبة جنات
ــــــــــــــــ★ــــــــــــــ
عدى يومين .
حياه اللى بتحاول تبعد عن فهد باى طريقه وده معصبه جداا ومش مستوعب قصه الهرمونات دى ولا داخله دماغه .
ادم اللى بيحاول بكل الطرق يوصل اى معلومات عن ام جاد .
بقلم الكاتبة جنات
ــــــــــــــــ★ــــــــــــــ
يوم جديد على الكل .
فى المستشفى .
ديما قاعده فى مكتبها فونها رن برقم مى .
ديما ردت عليها:مى اخبارك ايه ؟
هنا كانت بتعيط:انا هنا يادكتورة ديما .
ديما:هنا مالك بتعيطى ليه ؟
هنا:بابا تعبان اوى يا دكتورة وانا ومى مش عارفين نعمل ايه .
ديما:طب ابعتيلى عنوان بيتكو بسرعه وانا هبعت اسعاف ياخد عمو مدحت ويجيبه على المستشفى .
هنا:بابا مش راضي يخرج من البيت يا دكتورة وبيقول انه نفسه يموت على سريره .
ديما:لا حول ولا قوة الا بالله ... طب انا هاجى اشوفه بنفسي .
هنا:مش عارفه اقولك ايه يا دكتورة ديما شكرااا من قلبي .
ديما:على ايه يا هنا ده واجبي .... ابعتيلى عنوان البيت بسرعه .
هنا:حاضر .
ديما قفلت مع هنا ورنت على ادم اللى قالها انه مسافى القاهرة لشغل مهم .
ادم:ايه يا حبيبتى انتى كويسه ؟!
ديما:بخير يا ادم ... انا كنت هقولك ان فى حاله تبعى تعبانه ولازم اروح اشوفها .
ادم:تروحى فين ... ومين الحاله دى ؟؟
ديما:عارف عمو مدحت اللى حكيتلك عنه قبل كدا .
ادم:ايوا ... مش هو عمل العمليه وبقااا كويس .
ديما:بنته كلمتنى وقالتلى انه تعبانه جداا ورافض يسيب بيته وانه عايز يموت على سريره .
ادم:لا حول الله يارب .... طب مافيش حد غيرك يا ديما يروح .
ديما:عادى يا ادم وبعدين انا كنت مسؤله عن حالته وهشوفه وارجع على القصر .
ادم:طب هخلى مراد يجى يوصلك .
ديما:مالوش لزوم يا ادم هى بعتتلى العنوان مش بعيد يعنى هاخد تاكسي متقلقش عليا ... وعشان كمان متاخرش عليه .
ادم:حاضر يا حبيبتى خلى بالك على نفسك ولو فى اى حاجه تكلمينى فورا .
ديما:حاضر ... وانت كمان خد بالك على نفسك .
ادم:حاضر يا حبيبتى ... سلام .
ديما:باى .
ديما قفلت معاه واخدت شنطتها وخرجت من مكتبها ومن المستشفى كلها وواقفت تاكسي وركبت وقالتله على العنوان اللى هنا بعتته ليهااا فى مسدج .
بعد شويا ديما وصلت العنوان وكانت عمارة فى مكان راقى .
ديما حاسبت السواق ونزلت من التاكسي وطلعت العمارة ووقفت قدام الشقه اللى فى الدور التانى على ايدها اليمين زى ما قالتلها هنا .
ديما رنت الجرس .
ثوانى وفتتحلها هنا:اتفضلى يا دكتورة ديما .
ديما دخلت:عمو مدحت عامل ايه الوقت ؟
هنا:تعبان اوى يا دكتورة .... ده حتى مى نزلت تجيبله حاجه من الصيدليه .
ديما:حاجه ايه ؟!!
هنا:هى قالت تجيب اى حاجه تريحه على ما حضرتك تيجى .
ديما:طب كلميها تيجى مافيش داعي انا هشوف حالته واقولكو على العلاج اللى لازم ياخده .
هنا:انا هقولها تفضل هناك وهابقي ابعتلها الروشته تجيب العلاج .
ديما:تمام ... طب ممكن اشوف عمو مدحت .
هنا:اه اكيد ... بس هو الوقت فى الحمام اتفضلى ارتاحى على ما اشوفه .
هنا نهت كلامها وهى بتشاور على الكنبه اللى فى الصاله .
ديما قعدت وهنا دخلت الاوضه وبعدها بشويا خرجت .
هنا:شويا وهيخرج يا دكتورة ... تحبي تشربي ايه ؟
ديما:لا مافش داعى يا هنا انا هشوف عمو مدحت وهمشي على طول .
هنا:ازاى بقااا يعنى تيجى لحد عندنا وماتشربيش حاجه ... هجبلك عصير .
ديما ابتسمت:حاضر .
هنا دخلت المطبخ وبعد شويا خرجت ومعاها كوبايه عصير مانجا:اتفضلى يا دكتورة على ما تشربي عصيرك يكون بابا خرج من الحمام .
ديما اخدت منها الكوبايه:شكرا يا هنا .
ديما بدات تشرب عصيرها وهنا عينيها عليها .
ديما شربت شويا من العصير وحطت الكوبايه على التربيزة اللى قدامها .
ديما:عمو مدحت اتاخر فى الحمام اطمنى عليه يا هنا .
هنا:حاضر هدخل اشوفه وانتى كملى عصيرك .
ديما ابتسمت وهنا دخلت الاوضه .
ديما مسكت راسها لما حست بدوخه غريبه والرؤيه بدات تغشش قدامها وبقت تغمض عينيها وتفتحها بتعب وبعد ثوانى فقدت الوعى .
هنا خرجت من الاوضه وابتسمت لما شافتها مغمى عليها ونادت على واحده كانت معاها جوا الاوضه:تعالى يلا .
الست خرجت وهى بتاكل لبانه وبصت على ديما:البت دى القمر ونبي لو سبتوها عندنا هتجبلنا فلوس اد كدا والرجاله هتجيلها بالطلب .
هنا:بطلى رغى واخلصى يلا عشان نكمل الخطه .
هنا مسكت فونها وبعتت مسدج:كل حاجه تمام يا باشا .
هنا بصت لست اللى اسمها محاسن:يلا اخلصى بقااا .
محاسن نادت على باقى البنات .
خرج من الاوضه التانيه ٣ بنات بلبسهم ضيق وقصير جداا وميكب اوڤر .
محاسن:يلا شيلو السنيورة دى معايا ندخلها الاوضه .
هنا وصلها مسدج فتحته وبصت لمحاسن:يلا اخلصو .... وانا همشي انا بقااا سلام .... والباشا بيقولكو لو ايه حصل اياكو تجيبو سيرتى او سيرة الاتفاق فاهمه .
محاسن:ماشي ... سلام يا حلوة .
البنات شالو ديما ودخلوها الاوضه ونيموها على السرير .
وبنت منهم جابت قميص نوم بلون الاحمر لا يستر شئ:القميص اهو يا ستى .
ولسه محاسن هتقرب تقلعها طرحتها وهدومها شافت الخاتم اللى فى ايدها .
محاسن مسكته:يالهوى ده الخاتم ده بشئ وشويات .
محاسن اخدت الخاتم من ايدها ولبسته:ونبي هياكل من ايدى حته البت دى شكلها من عيله كبيرة اوى .
واحده من البنات:خلينا نخلص يلا يا محاسن بقااا .
محاسن:هما الرجاله فين ؟
واحده تانيه من البنات:مستنين فى الاوض التانيه .
محاسن:طب يلا يا حلوة منك ليها كل واحده على اوضتها مش عايزين نطفش الرجاله وانا هغير لسنيورة .
البنات خرجو من الاوضه .
محاسن لسه هتقلعها الطرحه سمعو خبط جامد على الباب .
محاسن:هى البت دى نست حاجه هنا ولا ايه .
محاسن خرجت تفتح الباب واتصدمت لما شافت رجاله كتير واقفين قدامها ..........