_هبه بوجع ف راسها_
أنا فين..وأنتو مين..ورابطيني ليه كده
(نور تستغرب من كلام هبه والدكتور يقرب من نور)
_الدكتور بصوت واطي_
نور.. دي شكلها كده فقدت الذاكره
_نور بعد تفكير_
وإحتمال تكون بتشتغلنا..
حاول تكشف عليها يا دكتور وتتأكد
_الدكتور بصوت واطي_
أولا يا نور دا مش تخصصي..
ثانيا عشان نتأكد لازم نعملها فحوصات وإشاعات
_نور_
أسمع يا دكتور..
سواء إن كانت فقدت الذاكره أو ما فقدتهاش..
هيا اللي اختارت بنفسها العقاب اللي يناسبها..
أنا كنت ناويه أمو،تها.. لكن المو،ت راحه للي زيها..
_الدكتور_
بتفكري ف إيه يا نور
_نور_
أنا عيزاك تقضيلي على عقلها نهائيا..
عيزاها تعيش اللي باقي من عمرها مجنونه
_هبه بصوت عالي_
إنتو مش بتردوا عليا ليه..
إنتو مين ورابطيني كده ليه
_نور_
إهدي يا حبيبتي..
إحنا رابطينك عشان ما تأذيش نفسك..
وأنا أبقي أختك وده يبقي الدكتور اللي بيعالجك
_هبه_
بيعالجني..بيعالجني من إيه بالظبط..
هوا أنا عندي إيه..
وإنتي إزاي تبقي أختي وأنا مش فكراكي
_نور_
إنتي عندك صرع..
بيخليكي تكسري أي حاجه قدامك.
وبيخليكي تخبطي راسك ف الحيطه..
هيا مش راسك بتوجعك
_هبه بألم_
آه بتوجعني أوي
_نور_
عشان كده إحنا رابطينك..
وإنتي مش فكراني عشان فاقده الذاكره..
وياريت بقي تسمعي كلام الدكتور..
والعلاج اللي يدهولك تاخديه بانتظام..
عشان تخفي بسرعه
_هبه_
حاضر..بس هوا أنا إسمي إيه وإنتي إسمك إيه
_نور_
أنا إسمي نور..وإنتي إسمك هبه
_نور للدكتور بصوت واطي_
فكها وخدها غرفه تانيه..ومتخليهاش تخرج منها..
وابدأ ف اللي قولتلك عليه..
وعرف الباشا إنها حاولت تأذيني..
وأنا زقيتها ووقعت ع الأرض وراسها اتخبطت..
وفقدت الذاكره..
ولتاني مره بقولك إتصرفلي ف طلقات للمسد،س ده
________________________________
__(في النادي المخزن السري)__
(سمر إنتهت من رسم الباشا وفهد)
_سمر_
إيه رأيك يا ريس..
بس كانو هيبقوا أحلي لو كنت رسمتهم على جسمها
والنبي يا ريس خليني أجرب كده..
دا الرسم بالمطو،ه ليه متعه خاصه
_سمير_
سمر وفري مخزون الشر اللي جواكي دا دلوقتي..
وامسكي صوره الباشا ده..
وعايزك تشيلي القناع وتحطي وش الدكتوره..
وأنا متأكد إنها هتطلع الدكتوره
_سمر وهيا بترسم_
تفتكر يا ريس أم محمد وابنها شاكر..
عارفين وبيساعدوها ولا مخدوعين فيها زينا
_سمير_
إحتمال كبير يكونوا عارفين..لأن الأتنين دول..
أقرب أتنين ليها ف المستشفي
_سهيله بخوف_
أنا نفذت كل اللي طلبتوه مني
_سمر بابتسامه وتقاطعها_
هخلص بس اللي ف إيدي..
وبعدين هقدملك إعتذار على عدم حسن الضيافه..
وكمان إعتذار لسوء المعامله _(وتبصلها بشر)_
جرا ايه يا روح أمك.. هوا إنتي بتساعدينا بمزاجك
_سمير_
سمر.. ركزي ف الرسمه اللي ف إيدك..
عشان الرسمه دي هتكشفلنا كتير من الحقيقه
_سمر_
ما هيا اللي بتعصبني يا ريس
_سمير يغير الموضوع_
قوليلي أخبار نهله إيه
_سمر_
كويسه..والحمدلله بتتحسن..
وعندها إراده قويه جدا إنها تخف..
_(وتبص لسهيله)_
وخصوصا بعد ما عرفت ان الضيفه دي عندنا
_سمير_
وإنتي إزاي تقوليلها..مكنش لازم تقوليلها
_بقلم...محمد طه
_سمر_
بالعكس يا ريس.. كان لازم أديلها حافز قوي..
عشان يرفع من معنوياتها _(وتبص لسهيله)_
تعرفي نهله دي تبقي مين
_سمير بصوت عالي_
سمر
_سمر_
خلصت يا ريس شوف كده _(وتدي الصوره لسمير)_
_سمير باندهاش_
هيا الدكتوره
___________________________
__(في المستشفى_ مكتب المديره)__
( إتصال تلفوني)
_الدكتوره_
أيوه يا شاكر عملت اللي قولتلك عليه
_شاكر_
كله تمام يا دكتوره..حذفت وقت دخولهم النادي
_الدكتوره_
والبنت اللي عندك
_شاكر_
عنيا عليها..وعماله تلف حوالين النادي..
شكلها حاسه إن فيه حاجه جوه..
تحركاتها مش طبيعيه
_الدكتوره_
البنت دي إحنا لازم ناخدها ونستجوبها..
هيا الوحيده اللي تعرف مكان نور
_شاكر برفض_
ناخد مين يا دكتوره..
إحنا لو قربنا منها هيا اللي هتاخدنا..
دي عامله زي الطور الهايج اللي ابنو اتخطف منو..
صعب جدا يا دكتوره اللي حضرتك بتفكري فيه ده
_الدكتوره_
ما إحنا لازم نلاقي حل
_شاكر_
مفيش حل غير إننا نبلغ الظابط نوره..
وهيا تتصرف معاها
_الدكتوره بتجاهل_
أسمع يا شاكر خلي عينك عليها لحد ما أجيلك
_وخرجت الدكتوره بسرعه من مكتبها..
وأخدت أتنين معاها من أفراد الأمن..
وأخدت عربيه إسعاف واتحركت ف إتجاه النادي
_والبنات اللي سمر مكلفاهم يراقبو المستشفي والدكتوره..بلغوا سمر إن الدكتوره خرجت من..
المستشفي وف إتجاه النادي..
وشكلها متضايقه وناويه على شر
_____________________________
__(في النادي المخزن السري)__
(بعد ما سمر قفلت مع البنات)
_سمر_
الدكتوره خرجت من المستشفى وجايه على هنا
_سمير_
وأنا هطلعلها عشان أكون ف إستقبالها
_سمر_
أنا من رأيي تأجل المواجه دي دلوقتي..
الرسمه اللي معانا دي مش دليل
_سمير بغضب_
إنها تيجي لحد هنا.. ف دا أكبر دليل..
وأنا أبقي غبي لو ضيعت الفرصه دي
_سمر_
طيب أصبر ومتخرجش إلا لما توصل..
وأنا هتابع مع البنات اللي برا..
عشان يعملوا عليها كماشه عشان متهربش
__(من أمام النادي)__
الدكتوره وصلت وشاكر حددلها مكان البنت..
وميري مكنتش مركزه غير على بوابات..
الدخول والخروج الخاصه بالنادي..
والدكتوره جات من وراها..
وضربت إبره مخدره ف رقبتها..
وف ثانيه فردين الأمن شالوها ودخلوها الإسعاف
_الدكتوره_
شاكر أي كاميرا صورت اللي حصل دا أحذفه..
وحصلني على المستشفي
_شاكر_
إطمني يا دكتوره..اللي حصل دا متصورش أساسا..
الكاميرا اللي كانت هتصوره أنا موقفها
_وأخدو ميري وطلعوا على المستشفي..
وفهد وصل ف اللحظات الأخيره..
لكن مقدرش يتصرف وينقذ ميري..
وأتصل بالباشا يبلغوا
_فهد_
أيوه يا باشا..
الدكتوره خدرت ميري وأخدتها من قدام النادي
_الباشا بغضب_
حسابك معايا بعدين..
أطلع وراهم وشوف هياخدوها على فين..
وحذاري تتصرف ف حاجه قبل ما ترجعلي
(ويقفل ف وشه السكه ويطلع مسد،سه..
ويركب فيه كاتم الصوت..ويروح على غرفه نور..
وبكل غضب يفتح الباب ويدخل ويقفله وراه)
(نور تتخض وتقوم تقف بسرعه..
وتوجه وشها ناحيه صوت الباب)
_نور بتوتر_
مين اللي دخل
_الباشا ما يردش عليها..
وبكل غضب يشد الأجزاء ويضرب طلقه ف......😲