رواية سهام الهوي الفصل الخامس والثلاثون 35 والسادس والثلاثون 36 بقلم نوره عبدالرحمن

سالم شافها بتعيط بحرقه وخوف وقال بهدوء:  ليه عملتي كده عارفه لو يعقوب عرف بده هيحصله ايه.

زينه عيطت اكتر وشهقاتها علية وامها بتحاول تداري الحكايه

سالم : اتكلمي طلعتي مع ال*** عربيته ليه وازاي يتجرأ يتح*رش بيكي كده..

امها بكدب: قلتلك عيله وغلطت .

زينه بحرقه : انا مغلطتش 

سالم اتصدم وقال : ايه بتقول ايه دي

زينه : انا مفيش بيني وبين الراجل ده اي حاجه كانت بتتكلم وهي بتعيط 

سالم بانفعال : اومال طلعتي الز*فت العربيه معاه ليه

ام زينه بتهرب : متضغطش عليها ياسالم يابني

زينه كملت كلامها : امي طلبت مني أقابله في الكليه واتفق معاه على حاجه مكنتش عارفه أنه هيسغل ده ويشغل العربيه وياخدني مكان بعيد كده ..

سالم بصدمه : انتي ياأم زينه.

والده زينه بتهرب: البنت بتكدب عشان هي ختيفه منك 

زينه : مش بكدب 

سالم : وانتي ايه الشغل اللي بينك وبين راجل زي ده.

زينه عيطت اكتر

سالم : انطقي انا لو مكنش السواق شافك وانتي طالعه معاه العربيه ولحقك واتصل بيا عارفه كان هيحصل ايه

زينه بشهقات : مكنتش اعرف ان ده هيحصل والله

سالم : اومال عايزه ايه يحصل هااا ايه بنت زيك طالعه في عربية واحد **** غريب عنها وعاوزه منه شغل سر اكيد هيستفرد بيها انتي عايشه فين عاوز افهم..

زينه عيطت وهي بتصرخ وبتقول : عارفه خلاص والله خلاص

سالم :لأ مش خلاص ايه الشغل اللي بينك وبين واحد زي ده ..

زينه ...

سالم : اتكلمي يازينه مش عايز ابلغ يعقوب باللي حصل

ام زينه خافت وقالت :سيبها دلوقتي هي مش مستوعبه الكلام اللي بتقوله 

زينه بصت لامها بقهر

سالم : مش هسيبها لحد ما اعرف كانت بتعمل ايه في عربية راجل غريب انتي مشفتيش اللي نا شفته انا  لو مكسترش ازاي العربيه كانت بنتك خسرت أغلى حاجه عند البنت وبتقولي اسيبها مسك وش زينه وقال بصي لوشها كده .. بصي كويس  شايفه ال"**** عامل فيها ايه

زينه دموعها مش بتوقف وسالم كمل كلامه : مش عارف استوعب انك طلبتي من بنتك تقابل راجل غريب عنها اكيد هيطمع بيها.. ويعالم دي طلبت منه ايه عشان يتمادى معاها كده ..

زينه كانت منهاره قعدت على سريرها وسندت بكفيها وقالت بهدوء وندم :انا كنت عاوزه اطلب منه يتصل بسهام عاوزه اوهمك انها على علاقه براجل غيرك .. ربنا انتقم مني وكنت هروح فيها..

ام زينه : اسكتي انتي بتخرفي.

زينه بانفعال : مش بخرف انا بقول الحقيقيه زينه كملت كلامها : من وانا صغيره وانا شايفاك الرجال اللي هتبقى جوزي  وانت مش شايفني حتى لما اخترت تتجوز رحت واتجوز سهام وانت لسه مش شايفني..

سالم : انتي بتقولي ايه... .. انتي اختي

زينه : مش اختك انت مش اختك ياسالم

يعقوب كان بيسمع كل الكلام و دخل  وهو مصدوم ومتعصب : يابنت ال***** وشدها من شعرها وضر*بها بالقلم .. حاول سالم يمنعه لكنه كان متعصب جدا..وقال يكون فعلمك اول حد هيتقدمك هتتجوزيه مش استنى تخلصي كليتك. ..وخرجهم وقفل الباب عليهم بالمفتاح..

ام زينه : اهدى يابوي زينه اهدى

يعقوب : اهدى ما  كله منك انتي انتي السبب في كل ده دمرتي بنتي بأفكارك السم دي

وشدها من ذراعها وطردها بررا البيت وقالها روحي وانتي طلاق. 

سالم بالرغم من أنه كان متعصب من اللي عملته زينه وامها لكنه اتضايق عشان يعقوب طلقها هي ست كبيره ومينفعش يتصرف كده ..

سالم:  يعقوب اهدى ده مش حل.

يعقوب بانفعال : متتدخلش ياسالم انا السبب معرفتش اتحكم في بيتي ولا في تربيت بنتي عشان كده طلعت كده .

سالم : يايعقوب 

يعقوب : خلاص خلص الكلام لحد هنا وكفايه قال كلامه وطلع اوضته وهو متعصب جدا..

*************

همسه : يعني انتي شاكه أن سالم ممكن يتجوز زينه

سهام بدموع: معرفش بس انا مش هتحمل يحصل كده ياهمسه سالم بقى بالنسبه ليا كل حاجه عوضني عن كل النقص اللي عشته لو خسرته مش هعرف اكمل بالدنيا دي مش هعرف انهت كلامها بالعياط وخدتها همسة فحضنها عشان تهديها مكنتش واخده بالها باللي كان يسمع كلامها واتضايق عشانها جدا

************

بعد مرور أسبوعين

زين اتجوز وسافر بعد ما خد ورثه اشواق وبراق علاقتهم بدت هاديه جدا ولذيذه سهام لسه في بيت أهلها مصطفى اتأكد أن ياسر ابنه وسالم كان عاوز يصلح علاقة يعقوب في زينه لكن يعقوب لسه مسيطر عليه عناده ومنعها تخرج من البيت حتى ممنوع تروح الكليه .. ورافض يرجع مراته الست الكبيره بالرغم من تدخل العيله كلها .

في يوم...

سالم واقف في العربيه قدام بيت اهل سهام وهي نزلت وهي شايله ابنها نزل وخد ابنه فحضنه وباسه بشوق وكان متجاهل سهام نهائي ولسه متعصب منها ..

طلعت العربيه معاه وروحوا البيت كانت طول الطريق بتبصله وهو مش بيتكلم مش عارفه تفهم هو بيفكر بأيه..

اول ما وصلو البيت خد ابنه وراح مكتبه وسهام طلعت اوضتها وهي متغاظه منه .. ازاي متجاهلها كده.. كان البيت هادي على غير العادي مفيش حد الا الشغالين ... بس لا زينه ولا امها قلقت سهام وحست أن في حاجه..

 حطت حاجتها ونزلت تتكلم مع سالم.. بعد ما عرفت من الشغالين أن يعقوب طلق مراته وزينه كلو الوقت بأوضتها  ومش بتخرج ابدا. بعد ما حصلت خناقه كبيره في البيت  

وكان سالم بيلاعب ابنه .وهو بيقول امك عامله ايه... عارف اني مزودها بس عشان تتعلم متغلطش فيا .. عارف انك انت وامك واحشني اوووي... بص عشانك هنتصالح بس خليها تعرف غلطها الاول وهنتصالح .. انت عارف ان امك مش بتهون عليا 

سمع صوت خطواتها وسكت..

سهام دخلت المكتب : احم احم

سالم بص ليها بضيق واتجاهلها.

سهام:  هما فين اقصد زينه ومرات يعقوب

سالم : بتسألي ليه

سهام : انت بتتكلم معايا كده ليه..

سالم : اتكلم ازاي بتكلم عادي اه

سهام: لا مش عادي انت زعلان بالوقت اللي المفروض انا اللي اتعصب فيه منك

سالم بصدمه : والله .. تتعصبي مني ليه أن شاء الله ... عملت ايه عشان تتعصبي حضرتك مني

سهام : انت ناسي عملت ايه

سالم بغضب:  عملت ايه انتي شايفاني مش راجل وعايزه تمشيني بمزاجك.. كده مش هينفع .. مش هينفع تبقى كده مش هينفع مرات سالم تبقى كده

سهام : والله عاوزني ابقى ازاي وانا شيفاك واخدها بحضنك واسكت

سالم اتعصب جدا ووقف وقال بغضب : خلاص اسكتي خلاص مش عايز اسمعك تتكلمي في الحكايه دي تاني

سهام باستفزاز : طبعا انت هتدافع عنها. 

سالم ساب ابنه ومسح وشه بخنقه وقال بتحذير : شيلي زينه من نفوخك ياسهام هيكون احسن وحياتنا هتبقى احسن. انا بحذرك...

سهام بغيره عشان بيدافع عنها : طبعا انت هتدافع عنها وياعالم بعد مارمتني عند أهلي حصل ايه مابينكم عشان تبقى بتدافع عنها كده اتكلم قولي حصل ايه مابينكم هااا حصل ايه 

سالم : انتي مريضه مريضه 

سهام بغضب.  انا مش مريضه انا بتكلم وبقول اللي بيحصل بنت عمك مش متربيه و** و 

سالم اخرسي قال كلامه بعصبيه وضربها بالقلم.. وهي اتصدمت وطلعت تجري على اوضتها..اول مره سالم يعملها ويضربها 

***********

دخل يعقوب على زينه اللي كانت ملامحها باهته ووشها تعبان قلبه كان واجعه على بنته الوحيده لكن بنفس الوقت مش عايزها ترخص نفسها قدام حد حتى لو كان سالم ابن عمها ..

يعقوب : جهزي نفسك بكرى هيكون كتب كتابك... ولسه هيخرج 

زينه دمعت عيونها ومسكت ايد ابوها وقالت برجاء : متعملش كده فيا يابوي 

يعقوب شد أيدها وخرج وسابها..