رواية لا تراجع ولا استهبال الفصل الثامن عشر18 بقلم حنين عادل

بيكونوا السلاحف رابطين ادهم علي كرسي من كراسيه وحواليه نار ...

سلحفة منهم بتقرب منه بشر وفي ايدها ازازة. وبتضحك:

انت طبعا عارف ده ايه يا دكتور .

ادهم: فكوني فكوني وهاعمل اللي انتم عاوزينه 

السلحفة: خلاص علي رأي الاستاذ عمر دياب فات الميعاد ولا كانت ام كلثوم باين

بترد عليها السلحفة:

دا وقته !

بتفتح الازازة وادهم خايف وبيصوت :

لااااااااا 

وبتفضي الازازة عليه ...

أدهم بصريخ: لاااااااااا

السلحفة: طباخ السم بيدوقه يا عبقري يا فذ مش دي عصارة تجاربك اشرب بقا حسابك معانا عصير ههههه

بيبدأ أدهم يتشنج ولون جسمه بيتغير وحتي شكله

بيرجع السلاحف لورا بخوف ..

وبتتكلم سلحفه منهم:

احنا شكلنا اتهورنا ولا ايه 

بتبلع السلحفة التانية ريقها بخوف :

لااا ماتقلقش..

السلحفة: لا انا قلقان..اقولك لف وارجع تاني لف وارجع تاني

وفجأة جسم أدهم بيكبر وبيبقي ضخم ولون جسمه بيبقي أخضر..

السلحفة: احييييييه ...دا بقا هالك اهئ اهئ انا عاوز ادهم القديم رجعولي أدهم دا هايشلوحنا هايشلوحنا ...دا هايعملنا شلولو ...ههه

بيقرب منهم ادهم والسلاحف بتصرخ وتجري وهي خايفة لحد ما بيمسكهم و....

__________________________

وعند ابتسام بتكون العنكبوت حاضنه جلهوم 

ابتسام : انت بتقول ايه يا متخلف العنكبوت بعد ما بتتجوز وتتكاثر بعد ليلة الدخلة بتاكل جوزها

جلهوم بصدمة : ايييييييييييبه اه من الستات دول يا جدع اتنين مالهمش امان السجاير والنسوان ..ههه لاااااا مش بعد كل ده يحصل فيا كده ايه يا ست انتي انتي مش دارية انا مين 

بتفتح العنكبوت بوقها وبتقربه منها ..

بيطلع جلهوم المطوة وبيهوش بيها:

احذري مني انا صايع مواكب للعصر اوعي لاعورك مش كل الطير اللي يتاكل لحمه انا لحمي علقم 

بتقربه اكتر من بوقها ..

بيبص جلهوم لابتسام:

ابتسام ممكن رجاءا ولا مؤاخذة يعني تلحقني ..اهئ اهئ..والنبي والنبي

بيجتمع جني وابتسام ونادين وبيحاولوا يشدوا جلهوم من العنكبوت بس العنكبوت محاوطاه بكل رجليها 

جلهوم بيعيط :

اهئ اهئ سيبيني يابنت الكلب عصرتي جسمي اهئ اهئ ماكنش يومك يا جلهوم تموت متاكل وياريت من اسد لا من عنكبوت يافضيحتك بين الزملا يافضيحتك بين البلطجية وقتالين القتلة ..

ابتسام : سيبيه دا معضم

العنكبوت: لأااا انا اخترته جوز ليا

ابتسام: دا ...دا عنده مرض معدي اللهم احفظنا

العنكبوت: ولو..

ابتسام: يعني من حلاوته مثلا

العنكبوت: الحب اعمي وانا مش بيفرق معايا الشكل انا حبيته بقلبي

جلهوم: انت بتعمل ايه

ابتسام: بكلمها

جلهوم: هههه انت في عقلك والله طب وقالتلك ايه

ابتسام: بتقول انه مش مهم شكلك وانها حبتك بقلبها

جلهوم:نعم نعم نعم لاااا دا غلطت في وسامتي الامتناهية وانا ماحدش يغلط في وسامتي معلش احنا بنتكلم دا شكري دايبة فيا دوب 

بيمسك المطوة وهو متعصب وبيقطع بيها رجل من رجلين العنكبوت ..

العنكبوت بتصرخ بصوت مرعب وبتبص ليه وهي متعصبة وبتقرب منه..

ابتسام: ايه المية دي

جلهوم: لاااا دا انا سربت من الخضة ههههه

نادين: مافيش حل غير القتال..

بتجري نادين وبتطلع ليزر من عيونها وجني بتضرب في العنكبوت وابتسام بيطلع فوق دماغها وبيضرب فيها

وجلهوم واقف فاتح بوقه ومصدوم...

العنكبوت بتقرب رجليها من جلهوم بس نادين بتوقفها وبتقف قصاد جلهوم وبتحميه وبتكون قريبه منه

جلهوم عيونه بتطلع قلوب وهو بيبص لها:

هي شمس وسط رملة

نادين باستغراب:

ايه

جلهوم:

لما شوفتك قلبي دق تلات دقات والطبلة دخلت عملت جوا دماغي حاجات

ابتسام بيكون قاعد فوق دماغ العنكبوت بعد ماشل حركتها ورافع رجله لفوق وحاطط ايده تحت دقنه وقال بضحك:

ولما الرق دخل قلبي رق وحنيت شكلي انا حبيت اه والله شكلي حبيت 

بص ابتسام علي جني اللي اتحرجت وبصت في الارض

مسك جلهوم ايد نادين ورقصها سلو  وهو بيغني:

امتي الحب طال قلبي ولا في الخيال عودك ده فيه يتقال موااااااااال ..

بينزل ابتسام من علي العنكبوت وبيمسك ايد جني وبيرقص معاها وهو بيكمل:

ويعيني يا ياسيدي ...

بتقاطعهم نادين اللي بتطلع نار من عينيها بعصبية وبتحرق دراع جلهوم ..

جلهوم بصدمة: ناااار نااااار النار النار النار وحبيبي قايد فيا نار

بيجري عليه ابتسام وجني وبيحاولوا يطفوا دراعه..

جلهوم بيبص لنادين:

كده يا مزة ماكانش العشم يا جامدة 

نادين بعصبية:

اسمي نادين

جلهوم:

اموت انا في الصنف الغلباوي ماتجيبي رقمك نفسي تصحيني اصلي الفجر .

ابتسام:

حطلها قطرة وسيبها فترة

جلهوم : هي ايه دي ؟!

ابتسام: هههه هايكون ايه عينيك ياض يامتخلف ..

بيمشي جلهوم معاهم وهو بيلعب حواجبه لنادين ..

ابتسام بصوت واطي: بلاش دي احسن

جلهوم: ليه

ابتسام : دي سوبر هيرو دي خارقة تتعبك

جلهوم: ان كانت هيا سوبر هيرو انا سوبر سوبر جلهوم وان كانت هيا خارقة انا خارق الخوارق ماتقلقش هاشرفك انا هاخليها تدوب فيا كده دووب زي شكري واخد بالك انت شكري مش بتطلعني من البيت من حبها فيا

ابتسام بسخرية: ههههه توم كروز بيتكلم

جلهوم: اتريق دي متاخدش في ايدي غلوة

جني : انتم بتقولوا ايه كل ده

نادين: اتنين تافهين مستنية منهم ايه المهم قولنا انت جيت هنا ازاي

جلهوم: نعم يا جميل 

نادين: وبعدين يا جدع انت

جلهوم: اموت انا واعيد السنة قولي جلهوم ببوقك اللي بينقط شربات يا شربات. .

بيقرب منها وبيحط ايده علي كتفها:

انا هاحكيلك بقا 

وبعدين بيستعبط وبيكون هايحضنها فجأة عيونها بتتلون وهي بتبص ليه جامد ...

جلهوم بيقعد يضرب في نفسه وهو مش فاهم في ايه

جلهوم: اييييه ده انا اتلبست اهئ اهئ الحقني يا ابتسام

بتضحك نادين عليه وعلي شكله وهو مكمل ضرب في نفسه

جلهوم : انا عارف يارتني كنت روحت لأم محمد احسن كودية زار عندنا انا عارف انا محسود وفي ناس كتير حاقدين عليا اهئ اهئ

ابتسام بيبص لنادين:

مش كفاية كده ؟!

بتوقفه نادين وبتبص لجلهوم:

ها اتعلمت تحترم نفسك ولا اعلم عليك كمان

جلهوم: بقا انتي اللي عملتي فيا كده صحيح الحب عذاب وحيرة 

ابتسام: لخص احكيلنا جيت هنا ازاي

حكي لهم جلهوم عن الست اللي حققت له امنيته .

ابتسام: معقوله هي نفسها 

نادين: اكيد هي بس وجوده هنا مش هيساعدنا ده هايوقعنا في مشاكل اكتر وجوده مش في مصلحتنا

جلهوم بيقاطع كلامها:

لا بقا ولا مؤاخذة يا ست الأبلة الموزة انا ضيف خفيف ومش هاتحسوا بيا 

نادين بعصبية: قولتلك بلاش كلمة موزة دي..

جلهوم بصريخ:الحقونييييييي

بيكون نبات ضخم ملفوف عليه..

نادين بتمسك دماغها:

اهو ...احنا كنا ناقصين ياربي..

بيطلع جلهوم مطوته :

سيبني يابن الجزمة انتم جايبيني تهزقوني ولا ايه دا انا سفير البلطجية في مصر والدول العربية عااااااا 

حاسب لعورك ياض ..

بيمسك جلهوم مطوته وبيقعد يغرزها في النبات بس مافيش فايدة وبيلف حواليه كله وبيقرب علي دماغي

جلهوم: اهئ اهئ هو انا عملت ايه في دنيتي عشان يحصل فيا كل ده ..استاذة نادين الجامدة رجاء ممكن مساعدة

جني : الوضع كل مادا بيسوء ..

جلهوم: الحقونييييي

جني: واضح انه اكبر عائق لينا هايبقي جلهوم هيا ناقصاك

جلهوم: مش وقته مش وقته يا ختاااااااي 

بيجروا علي النبات وابتسام بيطلع ليزر ونادين نار من عينيها وجني بتطلع تجري وبتطلع فوق النبات وبتفك جلهوم..

بيقعدوا علي الأرض بتعب بعد ما قضوا علي النبات..

جني: المكان هنا خطير لازم نخرج في اسرع وقت

جلهوم بيبص علي نادين:

ليه ما القعدة حلوة هههه واللمة حلوة والناس الحلوة وكمان الناس الحلوة...

بتبص له نادين بعصبية ..

جلهوم بيقوم فجأة..

بيبص ابتسام ليه باستغراب:

رايح فين

جلهوم: هلبي نداء الطبيعة 

بيجري جلهوم وبيروح ورا شجرة..

نادين:صاحبك دا مقرف شبهك 

ابتسام: مش صاحبي !

جني: احنا طولنا هنا هانخرج ازاي ومافيش اي علامات للخروج من هنا..

ابتسام: 

مش ممكن تكون الست بعتت لنا علامة او اي اشارة مع جلهوم

نادين: اسأله ونشوف

جني: هو اتأخر كده ليه

ابتسام بضحك:

نداء الطبيعة تقيل شكله

جلهوم صوته بيكون بعيد وبيصوت:

عاااااااااا الحقونيييييييييي

بيقف ابتسام ونادين وجني بسرعة

وفجأة بيحسوا الأرض بتتهز بقوة ومش فاهمين في ايه وفجأة بيظهر جلهوم وهو بيجري ووراه قطيع من حيوانات غريبة الشكل وضخمة

منها ديناصورات ووحيد قرن مدرع بس زي مايكون متعدل عليها او معمول عليها تجارب

وبتنزل سائل اخضر من بوقه...

بيجري ابتسام ونادين وجني وجلهوم

نادين: عارفة انك وش الخير انا عارفة

جلهوم: مش وقته هانموووووت 

بتكون الحيوانات سريعة جدا لحد ما في وحيد قرن بياخد جني فوق قرنه وجني بيجي عليها السائل الأخضر وفجأة بتدوخ وبتنام فوقه

ابتسام بيجري عليها وبيحاول يساعدها بيقع وبيحاول يقوم بس القطيع بيجري وبيحاول يتفادي رجليهم لحد ما..