رواية حب تحت التهديد الفصل الاول 1 بقلم جمال المصري
بسم الله ولا حول ولا قوه إلا بالله
فيروز فتاه جميله تبلغ من العمر ٢٤ سنه توفى والدها و والدتها وهي صغيره واستطاعت ان تواجه الحياه وحدها و تكمل دراستها
تعرفت علي ناصر وتمت الخطوبه وكانت فيروز تعمل ليل نهار وكل الفلوس اللي بتشتغل بيها كانت بتديها لناصر اللي كان مستهتر وعايش علي الفلوس اللي بياخدها منها ولكن فيروز لا تريد شئ من الدنيا غير ناصر فهو بالنسبه لها كل حاجه كانت بتحبه حب جنون اما ناصر كانت فيروز بالنسبه له فلوس وبس لكنه كان بيعرف يضحك عليها و يحسسها انه بيموت فيها وكانت فيروز بجانب شغلها ككاشير في مطعم بتحب الرسم وكانت موهوبه جدا وكان ناصر بياخد الصور اللي بترسمها ويبيعها وبياخد فلوسها زي العاده اما فيروز كانت فاكره انه بيحتفظ بالصور دي و بتعدي الايام وفيروز بتكون قاعده لوحدها و بتمسك الفرشه وبتبدأ ترسم صوره و بيدخل ناصر علي فيروز وبيلاقيها بترسم صوره لنفسها
ناصر .. ايه ده مش معقول يا فيروز الصوره تجنن
فيروز .. شكرا يا ناصر انا مش عارفه رسمتها ازاي
ناصر .. بس انتي ليه حزينه فيها
فيروز .. مش عارفه انا ازاي رسمتها كده و طلعت معايا بالشكل ده
ناصر .. يقرب منها ويمسك الصوره انا هاخدها احتفظ بيها يا فيروز
فيروز .. بس كده مع انها مش حلوه وحزينه
ناصر .. بالعكس جميله زيك وبيمد ايده عشان يلمس خدها
فيروز .. بترجع لورا انا قولت لك مليون مره مش بحب كده
ناصر .. انا خطيبك وفي مقام جوزك
فيروز .. لا يا ناصر انت خطيبي بس و مافيش حاجه اسمها في مقام زوجي وانا عمري ما هعمل حاجه حرام مهما كان
ناصر .. انتي مكبره الحكايه ليه كده خلاص حقك عليها ويلا عشان اوصلك
فيروز .. لا انا هروح اقابل ليلي صاحبتي ونشتري شوية حاجات وبعد كده هروح
ناصر .. خلاص ماشي يلا اشوفك بكره
فيروز خرجت من المطعم بعد ما ناصر اخد الصوره ومشيت وناصر طلع التليفون و بيرن علي ليلي صاحبة خطيبته
ليلي .. الو
ناصر .. فينك
ليلي .. في الشقه وهنزل عشان متفقه مع فيروز هنشتري شوية حاجات سوا
ناصر .. سيبك منها انتي وحشتيني استنيني
ليلي .. انت ايه مش بتشبع دي لو فيروز عرفت هتقتلنا
ناصر .. وفيروز هتعرف منين خليها عايشه في قصص الحب الاسطوريه بتاعتها دي يلا انا جاي
ليلي .. تمام هكلمها و اتحجج باي حاجه وهستناك سلام
ناصر .. سلام و بيطلع من المطعم
فيروز طلعت من المطعم و بتعدي الطريق و
فهد ابن اكبر تاجر سلاح في الشرق الاوسط كان راكب عربيته ومعاه محامي ابوه الله يرحمه اللي متوفي من اسبوع
فهد .. ايه الموضوع الي كنت عايزني فيه يا متر
عطيه .. يا فهد بيه عشان تاخد مكان ابوك لازم تتجوز
فهد .. ازي الكلام ده ولو متجوزتش هيحصل ايه
عطيه .. لو الزواج ما حصلش خلال يومين بالكثير عمك هو اللي هياخد مكان ابوك
فهد .. بس لو عمي مسك تجارة السلاح يبقا كلنا انتهينا
عطيه .. عشان كده لازم تتجوز يا ابني انا عارف انك انت الوحيد اللي هتقدر تغير نشاط العيله دي
فهد .. انا عايز ابطل تجارة السلاح واشتغل في مشاريع تفيد الناس مش هنفضل طول عمرنا في المافيا وقتل وصراعات
عطيه .. ياريت بس لو عمك مسك مكان ابوك يبقا حلمك ده انتهي
فهد .. بيدوس بنزين اكتر
عطيه .. في ايه يا فهد بيه انا حاسس العربيه هطير بينا
فهد .. مركز في الطريق وفاجئه بيلاقي بنت بتعدي الطريق قدامه
فيروز .. بصت علي العربيه وصرخت ووقفت مكانها من الصدمه وهي مغمضه عينيها
فهد .. بيفرمل بكل قوته وبيحاول يبعد عنها وفعلآ وقبل العربيه ما تلمسها بتوقف مكانها و بيفتح فهد الباب و بينزل انتي ماشيه ازاي كده مش واخده بالك
فيروز .. بتحوش ايديها من علي ودانها وبتفتح عينيها وهي مش مصدقه انها لسا عايشه وبتبص علي فهد اللي واقف قدامها ولابس نضاره
عربية الحراسه اللي ماشيه وراه ينزلوا
فهد .. بيشاور لهم يركبو العربيه تاني و اول ما عينه جات في عينها سكت خالص وبيقلع النظاره وهو بيبص عليها
فيروز .. بعصبيه انت خلاص عشان معاك عربيه هدوس علي الناس حرام عليك انا كنت هموت بسببك انت ساكت ليه رد عليا
فهد .. واقف قدامها ومش عارف يتكلم وكانه حتي مش سامع هي بتقول ايه كانه في دنيا تانيه
عطيه .. معلش يا بنتي حصل خير
فيروز .. بصت علي فهد بعصبيه اكتر ومشيت وركبت تاكسي
عطيه .. فهد بيه يا فهد بيه مالك
فهد .. اه انا و بيبص حواليه هي راحت فين
عطيه .. مشيت وركبت تاكسي
فهد .. ازي بعد الكلام اللي قالته تمشي
عطيه .. ما انت كنت ساكت
فهد .. انا انصدمت من المدفع الي اتفتح بوشي اركب لازم اعرف مين دي واربيها علي كل كلمه قالتها وبيركب العربيه
ناصر .. بيعدي من قدام عربية فهد والصوره في ايده
فهد .. لسا بيتحرك لمح الصوره في ايده ونزل جري عليه لو سمحت
ناصر .. بص عليه وبص علي العربيه الي نازل منها نعم يا بيه
فهد .. مين اللي في الصوره الي معاك دي
ناصر .. فرح حضرتك عايز تشتري الصوره
فهد .. اه ولو طلعت تعرف صاحبتها وجبتهالي هديك ١٠٠ الف جنبه
ناصر .. سكت للحظات وهو بيحسبها في عقله وبدون تردد موافق بكره العصر هتكون عندك بس هاخد ١٠٠ الف مره وحده قولت ايه
فهد .. اتفقنا وخد دول ١٠ آلاف جنيه عربون وده الكارت بتاعي هستناك بكره العصر في العنوان اللي علي الكارت
ناصر .. اخد الفلوس بلهفه حاضر علي ميعادنا
فهد .. بياخد الصوره منه وبيرجع يركب العربيه وبيشاور لي عربية الحراسه اللي وراه عشان واحد منهم ينزل يراقب ناصر وفعلآ بينزل واحد وبيراقب ناصر
عطيه .. انا مش فاهم حاجه
فهد .. انا هتجوز البنت دي و بيشاور علي الصوره تفدر تجهز كل حاجه ما حدش هياخد مكان ابويا غيري
عطيه .. هو ده الكلام هكلم العيله كلها وفرحك بعد بكره
فهد .. تمام وبيتحرك بالعربيه
فيروز .. بترن علي ليلي
ليلي .. الو
فيروز .. مش معقول ده انتي شكلك ما نزلتيش
ليلي .. معلش يا حبيبتي جالي شغل مفاجئ ومش هقدر اقابلك النهارده خليها بكره
فيروز .. ولا يهمك هشوفك بكره وبتقفل وبتخلي التاكسي يطلع علي البيت
ناصر .. خبط علي الشقه
ليلي .. بتفتح الباب وبدخله بسرعه اوعى حد يكون شافك
ناصر .. ما تقلقيش ما حدش شافني انتي وحشاني اووي يا بت
ليلي .. وانت كمان يا قلب البت امتي بقا ناخد شقه بعيد عشان ناخد راحتنا
ناصر .. هانت خلاص وبيطلع الفلوس وبيرميها فوق راسها
ليلي .. ايه الفلوس دي كلها يا ناصر
ناصر .. تصوري واحد عايز فيروز وهيديني ١٠٠ الف جنيه
ليلي .. مش معقول مين مجنون يدفع فيها الف جنيه
ناصر .. مش مهم هو مين المهم اني بكره هودهاله واخد الفلوس ونعيش بقا يا بت
ليلي .. وهتعمل ده ازاي
ناصر .. بيقرب منها اكتر وبيشيلها وبيدخل اوضة النوم وهو بيبصلها وهو ده وقت الكلام ده وبيطفي النور
فيروز .. بتصحي الصبح بدري وبتنزل شغلها وبعد ما بتخلص شغل بتلاقي ناصر داخل عليها
ناصر .. انا عملك مفاجئه يلا تعالي معايا
فيروز .. مفاجئه ايه يا ناصر
ناصر .. انا اخدت عربيه من واحد صاحبي وقولت هفسحك
فيروز .. بتطلع معاه واول ما بتشوف العربيه مين صاحبك اللي عنده عربيه حلوه كده
ناصر .. وانتي لسا شوفتي حاجه يلا اركبي
فيروز .. بتركب وهي سعيده جدآ
ناصر .. خدي اشربي العصير ده
فيروز .. ايه الرضا ده كله يا ناصر
ناصر .. وانا عندي اعز منك يا حبيبتي
فيروز .. بتشرب العصير وبيغمي عليها
ناصر .. اخيرآ هخلص منك وكمان هيبقى معايا فلوس كتير وبيتحرك علي العنوان وبيوصل هناك