رواية لا تراجع ولا استهبال الفصل التاسع عشر19 بقلم حنين عادل

ابتسام بيجري عليها وبيحاول يساعدها بيقع وبيحاول يقوم بس القطيع بيجري وبيحاول يتفادي رجليهم..

ابتسام بيفتكر لحظاته مع جني وانها في خطر بيمسح في رجل واحد منهم وبيحاول لحد مابيطلع علي ضهره

بيحاول يتوازن وبيقف فوقه وبينط علي كل واحد في مشهد بطولي 

جلهوم: ايه ده ههههه الواد قرد تربيتي

ابتسام بيوصل لوحيد القرن اللي شايل جني وبيشتال جني وبيبعد عنهم لمكان فاضي وبيروح وراه نادين وجلهوم

نادين بتحاول تفوقها وابتسام واقف قلقان. .

بتفوق جني وهي بتبص لابتسام وابتسام بيفرح

جلهوم بيقرب منه:

هي الشبكة غمزت ولا ايه هههه

ابتسام: اتنيل ..

جلهوم: ايه ايه ايه بقا انا زعيم البلطجية وعمهم تما يتقالي اتنيل

ابتسام: مش وقتك خالص

جلهوم: ايه ايه ايه بقا انا الملقب بدكتور مجرم يجي عيل مبتدئ زيك يقولي مش وقتك..

نادين بتقعد ترتاح وجمبها جني

نادين: افتكر انت يا اسمك ايه 

جلهوم بابتسامة: بتكلميني يا عسل

نادين: ايوه

جلهوم : ههه اليس من حق المشتاق نظرة ولا انت ايه ولا انت طرشة

نادين: نعم !!

جلهوم: نعم الله عليكي ياست البنات

بتتعصب نادين فبتمسك ايديها جني ..

جني: ياعم انت الست العجوزة ماقالتش لك اي حاجة تانية او رسالة توصلها لينا ..

جلهوم بيفتكر:

اه اه قالت لي جملة كده مافهمتهاش الحل في القلب ..امشوا وراه ..

ابتسام بيمسك دماغه:

قلب ايه هو في هنا قلوب ..

بيحسوا بهزة ارضية بيقوموا بسرعة وبيقربوا منها بيلاقوا حيوانات وحيد القرن عاملين دايرة وفي نور اخضر كبير في النص

بيقربوا اكتر بيلاقوه حجر علي شكل قلب..

جني بفرحة: القلب ..القلب اهو

ابتسام: وهانجيبه ازاي ..

فجأة كلهم بيبصوا لجلهوم

جلهوم : اه هاتجيبوه ازاي ، ايه ده انتم بتبصوا لي كده ليه 

انتم خارقين انا شخص عادي انا نفر ايفر ويفر مش هاقدر بلاش تبنوا امال علي الفاضي.  

_____________________________

بيقرب ادهم منهم وهو بقي شكله مخيف ضخم بعضلات ولون جسمه اخضب وعينيه بقا هالك السلاحف بتصرخ وتجري وهي خايفة لحد ما بيمسكهم وبيقربهم من وشه..

سلحفة منهم: 

اتشاهدوا اهئ اهئ

بترد عليها واحدة تانية:

منك لله قعدت تقول القصاص ادينا هانتفرم اهو ادي اخرة اللي يمشي ورا كلام عيل بشريطة برتقالي 

ادهم بيبتسم وبيحضنهم وهما مستغربين .

ادهم : اخيرا تجربتي اللي بشتغل عليها بقالي سنين نجحت والفضل ليكم هههههه اخيراااااااااااا انتم مش متخيلين انا هاعمل ايه انا هاحتل العالم انا هادمر البشرية انا هاعمل المستحيل هههههههههه هاهاهاهاها

السلاحف في صوت واحد:

احيييييييييه احيييييه

________________________________

بيكون جلهوم ماسك القلب وبيجري وبيصوت ووراه القطيع

جلهوم: عاااااا منك لله ياابتسام الكلب بتزقني وسط الخطر 

بيجري جمبه ابتسام:

احدفه احدفه

جلهوم بيحدفه ليه وهو خايف والقطيع بيركز مع ابتسام

جلهوم: يااااه اخيرا الحياة غالية يا جدعان برده

بيفضلوا يجروا لحد ما ابتسام بيتوههم وبيطلع علي شجرة والقطيع بيكمل جري...

جلهوم: وبعدين في المغامرات اللي مش بتخلص دي دا احنا لو في جومانجا مش هايحصل فينا كده

ابتسام: ايه جومانجا ده

نادين: اكيد يقصد جومانجي الفيلم بتاع الروك

جلهوم: مافيش حد فاهمني قدك ياجميل فهم منقطع النظير ...ياحمام ندرن عليا اعملك قلبي غية بس تولف معايا وتكتر الملاغية

نادين عيونهم بتحمر..

جني : احنا لازم نخرج من هنا بقا سكت الشبح يا ابتسام لان مش ضامنين نادين دي هاتموته

جلهوم: انا موافق اموت علي ايدك يا جميل موافق ههههه 

فجأة جلهوم بيلاقي نفسه طاير في الهوا

جلهوم: هههه انا بطير ...باظ يطير هههههه وطار في الهوا شاشي وانت ماتدراشي اه يا جدع هو في ايه بالظبط

بيفضل يطير لفوق وبيصوت..

جلهوم: عااااااا الحقونييييي مش عاوز امووووووت انا هاقع علي جدور رقبتي فينك يا شكري تطلعيني من جوف المخاطر دي عااااا

ابتسام: نزليييييه 

جني: اهدي يا نادين

نادين: مش محتاجينه في حاجة انا هاخلص منه..

جلهوم: اخص عليك واهون عليك يا عسل ما كانش العشم

نادين بتتعصب بزيادة..

ابتسام: ياض اتنيل اسكت هاتولع فينا كلنا بسببك 

جلهوم : عاااااا نزلونييييي انا بحلم صح اصلي شايف خير اللهم اجعله خير قرد وكبيييييييييير كبير اوي وشكله هايلوشني ويلوشكم بس اكيد دي تهيؤات صح 

جني : دا كونج ..

ابتسام : نزليه بسرعة بسرعة

بتنزله نادين بيقع علي الأرض

جلهوم: كنت عارف اصل قلب اللي بيحب ده زي الخصاية يااااح

ابتسام: اجري مش وقت محن كونج مش بيشوف هايدوسنا

بيجروا كلهم ومعاهم القلب لحد ما بيقفوا قدام جبل وبيلاقوه عليه علامة قلب..

ابتسام: قربنا نوصل للمخرج بس هانعمل ايه

جني: في علامة في وسط القلب اكيد هايتحط فيها...

_ههه دا لو لحقتوا...

بيكون هارون راكب عالتنين وبيخطف القلب من ايد ابتسام..

جلهوم مصدوم: دا ايه الحمامة غريبة الشكل دي!

بتطير نادين وبتحاول تاخد منه القلب التنين بيضربها بديله بتقع عالأرض بيجري عليها جلهوم..

جلهوم: لااااا يا نادين القلب يا نادين الروح ....

بيبص جلهوم علي هارون:

لا انت جيت عاالحتة الشمال بتاعتي انا ليا عندك حق عرب

ابتسام وجني بيكون ماسكين في ديل التنين والتنين بيحاول يوقعهم وهما بيحاولوا يقربوا من هارون

ابتسام: 

مش ليك عنده حق عرب قاعد ليه 

جلهوم: حق عرب لما يفضي نبقي نقعد ونجيب العرب ونعمل قعدة عرفية انما هاجيب حق العرب من السما مثلا يا فكيك ايه النصاحة دي

ابتسام: ايه الندالة دي ؟!

بتقوم نادين ودراعها واجعها 

جلهوم: ان شاالله انا وانت لأ جته ضربة في قلبه جته شلل في معاميعه الواطي ده ماعندوش نظر قليل الأدب

بتسيبه نادين وهي بتنفخ وبتطير وهي بتحاول تساعدهم 

جني بتكون ورا ادهم وبتدخل معاه في قتال وبتضرب فيه بكل قوتها وابتسام بيحاول ياخد القلب منه 

نادين بتشل حركة التنين ..لحد ما اخيرا بيقدروا ياخدوا القلب

جلهوم بيكون واقف تحت وبيشجعهم:

يمين شمال شمال يمين اتي اتي ماندم اه يا فندم انتش واجري اه انتش واجري..

التنين بيمشي ومعاه هارون ونادين وابتسام وجني بيطلعوا علي قمة الجبل .

جلهوم: ايييه ياشوباب نستوني ولا ايه اييه

ابتسام بيبص لنادين :

ارجوكي

نادين: مستحيل

جني: معلش يانادين انزلي هاتيه

نادين نفخت وطارت ونزلت وقربت منه

جلهوم: ههههه كنت عارف انك بتبادليني نفس المشاعير انا صحيح باد بويز بس انا حساس ومرهف واعجبك اوي 

بتمسكه نادين..

جلهوم: ياااااه يالهوي عالحب وسنينه

بتطير نادين بيه وهو بيبص له برومانسية:

لولا الملامة ياهوا لولا الملامة لافرد جناحي عالهوا زي اليمامة واطير وارفرف في الفضا هههه 

بتوصل لقمة الجبل وبتسيبه يقع

بيقوم وهو بينفض هدومه:

ضرب الحبيب زي اكل الزبيب ..

بيقرب ابتسام من مكان القلب وبيحطه فيه وبيبص لهم:

استعدوا

بيملي المكان نور اخضر وجلهوم بيخاف وبيحضن نادين يكلبش فيها وهي بتزق فيه

جلهوم: راعي مشاعري انا خاااايف

لحد ما بيفقدوا الوعي ....

بيصحي جلهوم وهو ماسك دماغه :

اااه ياني صداع هايموتني يا شكريييييي اعملي لي شاي 

بيبص حواليه بتركيز :

ايه ده احنا فين ايه ده يادي الحوسة يادي اللوصة هه عااااااااااااا الحقونييييي

بيصحي ابتسام ونادين وجني علي صوته 

جلهوم: حوشوه بيقرب مني بيقرب مني 

بيكون كائن غريب جسمه ضخم زي البرنجانة وبعين واحدة وليه زي قرن استشعار....

بيكونوا خايفين وهو بيقرب منهم وهما شايفين في السما اقمار كتير محاوطاهم

جني: احنا فين

ابتسام: مش معقوله كل الاقمار دي يعني حاجة واحدة بس

نادين: طمنا !

ابتسام: احنا علي كوكب المشتري !

جلهوم: ايه ده ولا مؤاخذة يعني ! مش فاهم

نادين: يعني احنا في الفضاء 

جلهوم: اه ارض هاتتباع يعني بيقولوا عليها ارض فضاء

ابتسام: لا ياغبي الفضاء اللي في السما 

جلهوم: اه عاااااااااا ....دا بقي كتير بقي كتير

بيبصوا عالكائن بيلاقوا بيخرج منه كتير وكأنه بيقدر ينسخ نفسه وبيقربوا منهم وهما بيصرخوا و